مسرحية شللي يصير!؟

[كلاسيك قطر]

السلام عليكم ورحمه الله وبركاته
اخواني واعضاء منتديات شبكة الاسهم القطرية
تم افتتاح شباك التذاكر لمسرحية شللي يصير !؟؟
على مسرح قطر الوطني
واسعار التذاكر تبدء : 100 - 200 - 300 - 1000 ويال قطري
الاستفسار
66657466 - 55336644
بعد اذن الاشراف والمدير العام

[ya3coub]

متى العروض أخوي كلاسيك

[كلاسيك قطر]

متى العروض أخوي كلاسيك

العرض بيكون تاريخ 2/1/2018 يوم الثلاثاء الساعه 7.30

[ya3coub]

حلو الله يعطيك العافيه يا رب

[معماري قطري]

يالربع مفلس اللي بيشتري لي تذكرة ويعزمني ما يقصر فيني

[ya3coub]

يالربع مفلس اللي بيشتري لي تذكرة ويعزمني ما يقصر فيني

تآمر امر اختار كم تذكره و متى و وينتبي تقعد و يوصلونك

[toyota]

تذكره ب ظ،ظ*ظ*ظ* ريال ؟؟ الصراحه مبالغين وايد وطبعا كالعادة في ناس بتدفع

[toyota]

1000 ريال

[معماري قطري]

تآمر امر اختار كم تذكره و متى و وينتبي تقعد و يوصلونك

محد تعاطف معاي الا المهندس .. انا راضي أقل شيء بس المشكلة في المرافق لو بترافقني توكل على الله

[كلاسيك قطر]

انا عندي تذكره ومكان ممتاز للبيع 300 ريال الي يبيها يراسلي خاص
والتذكره يوم الاربعاء

[ابوالعبد]

انا بعد مفلس ياربع بغيت تذكرتين حق يوم السبت اي درجه مو مشكله ����

[كلاسيك قطر]

اي سبت فيهم هاذي واه الي عقبها

اذا هاي السبت ماقي تبدء اول عرض يوم الثلاثاء

[ya3coub]

محد تعاطف معاي الا المهندس .. انا راضي أقل شيء بس المشكلة في المرافق لو بترافقني توكل على الله

عن نفسي ودي اروح بس ليلحين ما اعرف جدولي مع ضغط الدوام الغير طبيعي

بس ان شاء الله حير

[الحياة الخالدة]

عاد ما لقوا يسوونها الا وقت الامتحانات
بنحاول نحضرها إن شاء الله

[بوخالد911]

توقيتهم خاطىء.

[رُفق المجنّا]

بحكم تواجدهم في نفس الموقع اللي لي فيه علاقة، كنت أتابع البروفات والتجهيزات بشكل أسبوعي

وأمانة كان فيه مجهود متواصل وتعب.


بالتوفيق

[ya3coub]

عاد ما لقوا يسوونها الا وقت الامتحانات
بنحاول نحضرها إن شاء الله

بالنسبه لي احسن شي لأن مؤخرا صار في يهال يحضرون و لسانهم طويل و تعليقات فالمسرحيه تخرب جو المسرحيه لا الممثلين يقدرون يكملون ولا المنظمين يطلعونهم للأسف

[معماري قطري]

بالنسبه لي احسن شي لأن مؤخرا صار في يهال يحضرون و لسانهم طويل و تعليقات فالمسرحيه تخرب جو المسرحيه لا الممثلين يقدرون يكملون ولا المنظمين يطلعونهم للأسف

يالله شد حيلك وخذ تذكرتين وبارافقك وعلى حسابي وبأي قيمة تبي بس انت تتكفل تحجز ما ادري وين ولا اعرف اروح .. يوم الأربعاء معزوم على عرس بس عادي أي يوم المسرحية خصوصاً ذي مهمة لي

[معماري قطري]

انا بعد مفلس ياربع بغيت تذكرتين حق يوم السبت اي درجه مو مشكله ï؟½ï؟½ï؟½ï؟½

خلاص نزل الراتب كنت مفلس قبل

[كلاسيك قطر]

عاد ما لقوا يسوونها الا وقت الامتحانات
بنحاول نحضرها إن شاء الله
المسرحية مدها شهر من بداية العرض

[nooora]

ومتى بينزلونه ف يوتيوب ؟
ولا مره رحت مسرحيات وانا صغيره ما كان ياخذوني مسرحيات اطفال لهدى حسين هههه والحين خلاص

[كلاسيك قطر]

تو الناس ع اليوتيوب

[ya3coub]

تو الناس ع اليوتيوب

اصلن ما اخبر مسرحيات قطر تتصور و ينشرونها يوتيوب ارشيف و صور شخصيه يأخذونها الممثلين و معارفهم و تصوير إعلامي بس


Sent from my iPhone using Tapatalk

[ورد الدوحه]

انا كلمت المسرح من شوي سألته عن أسعار التذاكر قال 100 و200 وبس

[كلاسيك قطر]

انا كلمت المسرح من شوي سألته عن أسعار التذاكر قال 100 و200 وبس
في 100 200 300 1000
مادري اذا خلصو وفي
100 200 يمكن

[ya3coub]

انا كلمت المسرح من شوي سألته عن أسعار التذاكر قال 100 و200 وبس

صحيح اخر مسرحيه كنت رايح مع أخوي ذوي احتياجات خاصه و كان في 2 فشريت تذكره أول صف حق واحد يقعد اهو جدام و اقعد انا مع اخوي كانت بـــ200 أول صف

[ورد الدوحه]

صحيح اخر مسرحيه كنت رايح مع أخوي ذوي احتياجات خاصه و كان في 2 فشريت تذكره أول صف حق واحد يقعد اهو جدام و اقعد انا مع اخوي كانت بـــ200 أول صف

وشلون المسرحية حلوة والا؟؟

[ya3coub]

وشلون المسرحية حلوة والا؟؟

خرب عليها الرقص الي ماله أي داعي انا اتكلم عن المسرحيه الي قبل

هالمسرحه اتمنى الي حضرها يقولنا تسوى ولا حاس لأن فيها غانم السليطي كلنا متوقعين شي كبير بجوده عالي نفس الي فاليوتيوب رساله من كذا دقيقه فالصميم و تطيب خاطرنا بإحترام.


لو شخص ثاني ما بيكون سقف التوقعات عالي بأي شي بيطلع حلو.


انتمنى خير و انه شي جميل و بإذن الله تعالى بحاول اروح

[ورد الدوحه]

خرب عليها الرقص الي ماله أي داعي انا اتكلم عن المسرحيه الي قبل

هالمسرحه اتمنى الي حضرها يقولنا تسوى ولا حاس لأن فيها غانم السليطي كلنا متوقعين شي كبير بجوده عالي نفس الي فاليوتيوب رساله من كذا دقيقه فالصميم و تطيب خاطرنا بإحترام.


لو شخص ثاني ما بيكون سقف التوقعات عالي بأي شي بيطلع حلو.


انتمنى خير و انه شي جميل و بإذن الله تعالى بحاول اروح

والله انا رحت مب حلوة
توقعتها احلى
المسرحية اللي قبلها احسن (ديرة العز)

[ya3coub]

والله انا رحت مب حلوة
توقعتها احلى
المسرحية اللي قبلها احسن (ديرة العز)

هاي الي كنت خايف منه


Sent from my iPhone using Tapatalk

[ya3coub]

السلام عليكم ورحمه الله وبركاته
اخواني واعضاء منتديات شبكة الاسهم القطرية
تم افتتاح شباك التذاكر لمسرحية شللي يصير !؟؟
على مسرح قطر الوطني
واسعار التذاكر تبدء : 100 - 200 - 300 - 1000 ويال قطري
الاستفسار
66657466 - 55336644
بعد اذن الاشراف والمدير العام

أخوي كلاسيك ليلحين العروض مستمره و اي ساعه العروض؟؟

[كلاسيك قطر]

لحد الان العروض مستمره والعرض يبدء الساعه 7.30

[ya3coub]

متواجد فالمسرحية حاليا

[كلاسيك قطر]

وعطنى رايك في المسرحية

[ya3coub]

وعطنى رايك في المسرحية

للأسف ضيعت ارقام مهمه لما بدلت جوالي ولا كنت ناوي اتصل فيهم و ابلغهم شكري موب من الننوع الي اتأثر مع الأفلام او المسرحيات رايح مع أخوي من ذوي الإحتياجات الخاصه بجهاز تنفس و 2 ممرضين كل شوي اقوله يلا نطلع اكسجينه يخف و يرد طبيعي وهو إلا مصر يتم للنهايه الوطنيه الي فالمسرحيه ما اقارنها بديره العز المسرحيتين ممتازين و الي يتمعن و عنده وطنيه بيزعل من الي يصير بتدمع عينه الحمد الله احنا بخير و ديرتنا بخير و ربي لا يوفق من يبيلنا الضرر و الله يهديهم و يفك العالم كله من شرورهم و حقدهم.


تأثرت لأن طالع من المحطه و الحمد الله كلنا نخدم بلادنا بحس تخصصنا رحت المركز الثقافي الإجتماعي للصم لأني واعد احد الصم بأني بكون موجود و اول ما خلصت من هناك سيدا خذيت أخوي و عالمسرحيه لا بدلت ثيابي ولا حتى السيفتي.

ملاحظه بسيطه نفس ملاحظتي لمسرحيه ديره العز ما كان له دخل المقطع الي فيه رقص فالبدايه الي بوزار اوكي تراثي بس الي قبل النهايه ما كان له اي هدف وقتها خلاص بغيت اطلع بس من بعد الرقصه لا كل كلمه مان يقشعر بدني فيها معنه كل يوم نسمع اغانينا الوطنيه بس لما تشوف غيرك معاك غير لا شعوريا غانم و هديه يتكلمون و احنا مبتسمين و نتفق معاهم بكل كلمه يقولونها.


اعجبتني و بصراحه مادري ليش ناس وايد انتقدوها و كنت متردد احضر لأن غانم السليطي سلانا فبدايه الأزمه عن طريق اليوتيوب و حلقات شاللي يصير بدون التعرض او الإسائه لأي منهم, كنت خايف فالمسرح اشوفه اقل و هالي الي حسيته إلى ان جات النهايه سحب كلشي سلبي و تحيه لهم و اذا ياخوي كلاسك تعرفهم سلم عليهم جدا جدا جدا شخصيا قولهم الاثنين الي كانو فالبلكونه فوق على كرسي متحرك و كرسي عادي

و انتمنى المسرح ينتعش من جديد ايضا و انشوف اعمال بكل الاشكال