وش استفادوا عيالكم من الحضانة و الروضة ؟؟

[راجي الْعفو]

سلام عليكم و رحمة الله و بركاته..

صبحكم الله بالخير..

كثرت في هالوقت الحضانات و الروض للأطفال الصغار ويمكن اكبر سبب لهذا هو ارتباط الأمهات بالعمل خارج المنزل ..

الحقيقة جلست مع أخد الأشخاص و جالس يتشكى من بعض هالحصانات و الروض اللي فيا امور مخالفة للشرع يربون عليها الصغار مثل الموسيقى و الرقص..

أو حتى لو ما كانت مخالفة فقد يكون فيها مضيعة للوقت و تضييع للطفل من غير فايدة من حيث أشغاله باللهو و اللعب و الأكل ..

قد يكون فيها تعليم لبعض الأمور الطيبة ..

ولكن بالمقابل يحدثني عن إحدى البنات الصغار اللي هي في هالسن الصغير ما بين 3 - 5 سنين..

- وحفظت جزء من القرآن
- ومجموعة من الأحاديث النبوية
- ومجموعة من الأبيات في العقيدة الصحيحة والتجويد
- وصارت تحسن القراء بتعليمها للقاعدة النورانية - وهو كتيب صغير للأطفال يعلمهم كيفية نطق الحروف وفي النهاية يقدرون يقرؤون بروحهم أي شي مكتوب من غير مساعدة -
- ومسائل في العقيدة مثل : أين الله ؟ فتقول في السماء على العرش استوى


(( ماشاء الله عليها ، واللهم بارك ، ويحفظ جميع البنات )))

كل هذا باهتمام بعض النساء المهتمات بالتربية الشرعية..


الصراحة هذا الشي يطمح له كل أب و أم.. مافي أحسن من التربية الشرعية للنشء الصغير..


اللي أبي أقوله ليش ماتكون هناك حضانات و روض يكون طابعها إسلامي بمثل ما ذكرت ؟؟ ..
بل هذا هو المفروض..

وهل يوجد أحد طرح هالفكرة في وزارة التعليم ممن يشغلون المناصب المختصة لمثل هالمواضيع؟؟

بدل ما تشوف البنت او الولد الصغير مخالفات شرعية في التعليم او حتى في المعلمات و المربيات من لبس و توجيهات لا تتناسب مع مجتمعنا الاسلامي..
والأدهى من ذلك إذا كانوا العيال في مؤسسة أجنبية..


والله يصلح أبناءنا جميعا..

[Riku3]

المدارس الحين مب نفس قبل .. ما يضيعون السنة الاولى ويعلمون الياهل الحروف والارقام والامور الصغيرة ..

فلازم الياهل يتأسس بهالامور في الروضة قبل المدرسة علشان يكون جاهز والا بيتعب في المدرسة ..

وهو مكان حلو ان تأسس الطفل ان يحب المدرسة قبل لا ينصدم في المدراس والدراسة طول اليوم لدرجة ان الطالب صف اول يقعدونه لين الظهر ويبيله لين الساعة 4 يحل واجباته ..

المشكلة مب في الروضة .. المشكلة في الناس الي تعامل الروضة على انها حضانة .

[Rider]

اخوي راجي انت تتكلم على الروض الخاصة طبعا مب الروض الحكومية هو طبعا الطفل لازم يتأسس صح قبل دخول المدرسه بدخوله روضة اما بالنسبة للروض الخاصه انا معاك معظم الروض تزرع في طفل امور بعيده كل البعد على قيم الدين
لكن هناك فيه روض الكل يشهد لها وذكر منها روضة مؤسسة عيد فعلا الطلب يدخل المدرسة وهو متأسس صح

[راجي الْعفو]

المدارس الحين مب نفس قبل .. ما يضيعون السنة الاولى ويعلمون الياهل الحروف والارقام والامور الصغيرة ..

فلازم الياهل يتأسس بهالامور في الروضة قبل المدرسة علشان يكون جاهز والا بيتعب في المدرسة ..

وهو مكان حلو ان تأسس الطفل ان يحب المدرسة قبل لا ينصدم في المدراس والدراسة طول اليوم لدرجة ان الطالب صف اول يقعدونه لين الظهر ويبيله لين الساعة 4 يحل واجباته ..

المشكلة مب في الروضة .. المشكلة في الناس الي تعامل الروضة على انها حضانة .

مرحبا اخوي ريكو

مافي شك ومحد يختلف في هالنقطة ان التاسيس شي مهم

ولكن الكلام على ايش قاعد يتأسس هالطفل؟

شي يفيده في دينه و دنياه ولا كلام فاضي ؟

[راجي الْعفو]

اخوي راجي انت تتكلم على الروض الخاصة طبعا مب الروض الحكومية هو طبعا الطفل لازم يتأسس صح قبل دخول المدرسه بدخوله روضة اما بالنسبة للروض الخاصه انا معاك معظم الروض تزرع في طفل امور بعيده كل البعد على قيم الدين
لكن هناك فيه روض الكل يشهد لها وذكر منها روضة مؤسسة عيد فعلا الطلب يدخل المدرسة وهو متأسس صح

مرحبا اخوي رايدر..

المشكلة والمصيبة الان ان كثير من الناس متولعين في هالجهات الاجنبية

يربون عيالهم عند اجانب ويمكن كفرة، لادين و لا اخلاق

يعني هل صار الدين امره سهل وشي غير اولوي او أساسي في موضوع تربية الاطفال؟

ترى لحد يستهين..هم يلقطون في هالسن..ويتربون ع اللي يتلقونه من المربيات والمعلمات..

وحتى الحكومية يحتاجون اهتمام اكبر للموضوع

[معماري قطري]

مهم يكون عليهم اشراف قوي من الوزارة ومهم نركز على التربية في هذي المرحلة وشوي من التعليم

[راجي الْعفو]

مهم يكون عليهم اشراف قوي من الوزارة ومهم نركز على التربية في هذي المرحلة وشوي من التعليم

اشكرك بوعبدالله ..
صدقت..

[حمد 2002]

حت الروض والحضانات انتقدتوها وقلتوا انه مافيهم فايده ..وماسلمت منكم ..

خلكم ايجابين شوي وابتعدوا عن الانتقادات السلبيه

[مضارب دوسري]

عيالي فالروضه وفي مدارس مستقله
بدوا يعلمونهم الكتابه من kg 1

[راجي الْعفو]

حت الروض والحضانات انتقدتوها وقلتوا انه مافيهم فايده ..وماسلمت منكم ..

خلكم ايجابين شوي وابتعدوا عن الانتقادات السلبيه

هلا هلا حمدمد
مب راد عليك لانك في الخدمة

لما تخلص ياووويلك مني ^_^

[راجي الْعفو]

عيالي فالروضه وفي مدارس مستقله
بدوا يعلمونهم الكتابه من kg 1

مرحبا اخوي مضارب

ماشاء الله يحفظهم لك

هذا القصد اشغالهم بشي مفيد و خاصة الجانب الشرعي

مثل البذرة تسقيها من صغرها لي كبرت أثمرت..

[مضارب دوسري]

مرحبا اخوي رايدر..

المشكلة والمصيبة الان ان كثير من الناس متولعين في هالجهات الاجنبية

يربون عيالهم عند اجانب ويمكن كفرة، لادين و لا اخلاق

يعني هل صار الدين امره سهل وشي غير اولوي او أساسي في موضوع تربية الاطفال؟

ترى لحد يستهين..هم يلقطون في هالسن..ويتربون ع اللي يتلقونه من المربيات والمعلمات..

وحتى الحكومية يحتاجون اهتمام اكبر للموضوع

صادق
واكبر عدو للابناء اولاد او بنات في المدارس الاجنبيه هو فقدان الغيره !!

انا مكان عملي يوفر لي مدارس خاصه لعيالي ولكن اخترت المستقله فقط للتوازن

التوازن بين شنو !

فالاجنبيه بيتعلم اكثر ولكن بيفقد الكثير من العادات الدينيه والاجتماعيه

فالمستقله بيتعلم بشكل جيد ولكن ماراح يفقد هالامور


ما يهمني يكون تعليمهم ممتااااااز واااو

كثر ما يهمني ان بس يتعلمون حتى ولو بمستوى جيد ولكن ما يفقدون اخلاقهم وعاداتهم الدينيه والاجتماعيه
مايفقدون الغيره

[راجي الْعفو]

صادق
واكبر عدو للابناء اولاد او بنات في المدارس الاجنبيه هو فقدان الغيره !!

انا مكان عملي يوفر لي مدارس خاصه لعيالي ولكن اخترت المستقله فقط للتوازن

التوازن بين شنو !

فالاجنبيه بيتعلم اكثر ولكن بيفقد الكثير من العادات الدينيه والاجتماعيه

فالمستقله بيتعلم بشكل جيد ولكن ماراح يفقد هالامور


ما يهمني يكون تعليمهم ممتااااااز واااو

كثر ما يهمني ان بس يتعلمون حتى ولو بمستوى جيد ولكن ما يفقدون اخلاقهم وعاداتهم الدينيه والاجتماعيه
مايفقدون الغيره



لأنك انسان عاقل

وما اقول انت وازنت.. بل اقول انت اخترت الأفضل

لان التربية الدينية الاساس.. فاذا اختربت ضاع كل شي..

الانسان بفطرته يسرق الطبايع

فاللي يعاشر الصالحين يتاثر بهم
واللي يعاشر الاجانب عديمي الغيرة ولو كان قطري
بتشوفه متاثر بهم

واظن قاعدين نشوفه في واقعنا !!

الله يصلح الحال

[هيباتيا]

خلهم يتعلمون الموسيقى بالعكس شي حلو لو عندي عيال باخليهم يعزفون اذا يبون هالشي
بالنسبة لي أفضل عيالي يدخلون حضانات أجنبية

[راجي الْعفو]

خلهم يتعلمون الموسيقى بالعكس شي حلو لو عندي عيال باخليهم يعزفون اذا يبون هالشي
بالنسبة لي أفضل عيالي يدخلون حضانات أجنبية

الله يهداك !

ويهدينا جميعا..

حنا مسلمين و نبي نربي عيالنا تربية اسلامية بارك الله فيك ..

هذه الامور مب لنا..

[شيزكيك]

صح هم يتعاملون مه الطالب ان درس الحروف والارقام في الروضه والتمهيدي وان جاهز يقرأ فقرات بعد مب جمل بسيطه عيل ولدي في صف اول يايبين له نص ارشادي :no:شعرفه وولد اختي ياي من روضه اجنبيه حصل صعوبه حتى في معرفه وتمييز الحروف

[معماري قطري]

صح هم يتعاملون مه الطالب ان درس الحروف والارقام في الروضه والتمهيدي وان جاهز يقرأ فقرات بعد مب جمل بسيطه عيل ولدي في صف اول يايبين له نص ارشادي :no:شعرفه وولد اختي ياي من روضه اجنبيه حصل صعوبه حتى في معرفه وتمييز الحروف

هذا الجهل وعدم التسلسل في التعليم .. المفروض يكونون متدرجين ويبدون مع أول ابتدائي بتعليم الحروف والأرقام وشوي شوي يزيدون ولا يفترضون الطالب داخل ولازم متعلم هذي الأشياء في الروضة .. الطالب تصيده عقدة ويكره المدرسة

[معماري قطري]

خلهم يتعلمون الموسيقى بالعكس شي حلو لو عندي عيال باخليهم يعزفون اذا يبون هالشي
بالنسبة لي أفضل عيالي يدخلون حضانات أجنبية

وبكرة يطلع الولد مطرب أد الدنيا أو موسيقار :nice:

[بوخالد911]

المشكلة لما تكون تعلم اللغة الاجنبية على حساب العربية ومبادىء الاسلام.

[ضوى]

اللهم لك الحمد والشكر عيالي كلهم تدخلوا روض عربية اسلامية وتعلموا صح ، كنت ارفض ولا زلت البحث عن حضانات وروض اجنبية لتعليم افضل ، ولا عمرها اللغة بتكون هاجس بالنسبة لي يارب ثبتني

[راجي الْعفو]

صح هم يتعاملون مه الطالب ان درس الحروف والارقام في الروضه والتمهيدي وان جاهز يقرأ فقرات بعد مب جمل بسيطه عيل ولدي في صف اول يايبين له نص ارشادي :no:شعرفه وولد اختي ياي من روضه اجنبيه حصل صعوبه حتى في معرفه وتمييز الحروف

التدرج مطلوب في التعليم
واختج وقعت في المشكلة اللي نتحدث عنها وهي الروض الاجنبية
لابد من الابتعاد عنها.
الله يوفق عيالكم جميع..

[راجي الْعفو]

المشكلة لما تكون تعلم اللغة الاجنبية على حساب العربية ومبادىء الاسلام.

مرحبا بوخالد

ربعنا صايدهم تغريب مب طبيعي

خوفي باجر اذا الولد تكلم في البيت عربي يمنعونه الاب و الام
واذا وده يتخصص شريعة يزعلون عليه وما يخلونه ، عاد هذي موجودة الآن عند بعضهم للأسف
صادفت واحد يقول ابوي رافض ادخل شريعة ويبيني هندسة !
عجيب !!
يقدم مصلحة ولده الدنيوية على اللي فيها مصلحة دينية و دنيوية أيضا !

القناعات هذي لازم تتعدل
احنا ما بنرتقي بأي عمل فيه ابتعاد عن الدين مهما سوينا
بل بننزل لمستوى الانحطاط تدريجيا ..

[راجي الْعفو]

وبكرة يطلع الولد مطرب أد الدنيا أو موسيقار :nice:

هشك بشك
مستقبل الأمة و نهضتها
هذا سوق اليوم ^_^

[راجي الْعفو]

اللهم لك الحمد والشكر عيالي كلهم تدخلوا روض عربية اسلامية وتعلموا صح ، كنت ارفض ولا زلت البحث عن حضانات وروض اجنبية لتعليم افضل ، ولا عمرها اللغة بتكون هاجس بالنسبة لي يارب ثبتني

جزاكم الله خير
هذا الصح و عين العقل
والله يحفظ عيالكم

[SalemZ]

السلام عليكم.
يوجد مدارس و روضات خاصة (دولية) وفي نفي الوقت تعتني بالجانب الشرعي و اللغة العربية و لديها سمعة طيبة ... على سبيل المثال (مدارس إقرأ , مدرسة برايتون الدولية ...)

[هيباتيا]

أهم شي عيالي يختارون الي يبونه ماعندي مشكلة لو اشتغلو في هالشي:o

معماري قطر

[راجي الْعفو]

السلام عليكم.
يوجد مدارس و روضات خاصة (دولية) وفي نفي الوقت تعتني بالجانب الشرعي و اللغة العربية و لديها سمعة طيبة ... على سبيل المثال (مدارس إقرأ , مدرسة برايتون الدولية ...)

مرحبا اخوي..

وهذا هو المطلوب، نكثر من المؤسسات التعليمية اللي تهتم بالجانب الشرعي واللغة العربية اولا قبل كل شي..

اقرأ مدحها لي بعض الاشخاص
اما الثانية اول مره اسمع فيها..

شكرًا عالاضافة

[راجي الْعفو]

أهم شي عيالي يختارون الي يبونه ماعندي مشكلة لو اشتغلو في هالشي:o

معماري قطر

شي حلو تلبي رغبات العيال

ولكن في نفس الوقت انت محاسب و مسئول عنهم

فما يصير نتركهم يمارسون شي غير جائز شرعا

احنا بنتحمل الذنب..

التأسيس الشرعي أعظم ركن في التربية..

والله يوفق عيالكم..

[SalemZ]

مرحبا اخوي..

وهذا هو المطلوب، نكثر من المؤسسات التعليمية اللي تهتم بالجانب الشرعي واللغة العربية اولا قبل كل شي..

اقرأ مدحها لي بعض الاشخاص
اما الثانية اول مره اسمع فيها..

شكرًا عالاضافة

الله يسلمك أخي.
برايتون افتتحت العام الماضي للبنات فقط , تعتمد المنهج الدراسي كامبردج مع إضافة المواد الشرعية و تحفيظ القران و العربية . المعلمات كنديات مسلمات و الادارة كذالك و صاحب المشروع انسان طيب (نحسبه كذالك والله حسيبه) مايهمه هو المنهج التعليمي السليم الي يتماشى مع قيمنا و اخلاقنا الاسلامية. http://www.brighton.qa

[الزعفراني]

اللي مدخل ولده حضانه او روضه اكيد له ظروفه وأسبابه .. لكن انا بتكلم عن نقطه في صميم موضوعك .. ومن تجربة مع عيالي

بنتي ادخلت الروضه والتمهيدي ( تابعة لمدرسة مستقلة ) .. والحمدلله كان لهم دور بسيط في جانب سهولة التعلم خصوصا القراءة والكتابة .. وكانت سابقة قريناتها اللي ما ادخلوا الروضه او اللي كانوا في حضانه وروضه خاصه ..

عيالي الاثنين .. دخلتهم مركز تحفيظ يتعلمون القاعدة النورانيه .. والحمدلله كانت الاستفادة كبيرة في جانب القراءة .. ونفس الشي لما ادخلوا المدارس كانوا سابقين اقرانهم في القراءة .. آخر واحد فيهم صف أول .. لكن اذا عطيته الجريدة او اي كتاب يقراه بكل سهولة ولله الحمد ( مب شرط يفهم المكتوب ) .. ويقرأ لوحات الاعلانات واسامي المحلات اذا كنا طالعين بالسيارة :eek3:

لذلك أنصح كل أب يحاول يعلم ولده او بنته القاعدة النورانية .. لانه راح يتعلم القراءة بسرعة وأفضل من المدارس ورياض الاطفال ..

وبالتوفيق للجميع

[راجي الْعفو]

اللي مدخل ولده حضانه او روضه اكيد له ظروفه وأسبابه .. لكن انا بتكلم عن نقطه في صميم موضوعك .. ومن تجربة مع عيالي

بنتي ادخلت الروضه والتمهيدي ( تابعة لمدرسة مستقلة ) .. والحمدلله كان لهم دور بسيط في جانب سهولة التعلم خصوصا القراءة والكتابة .. وكانت سابقة قريناتها اللي ما ادخلوا الروضه او اللي كانوا في حضانه وروضه خاصه ..

عيالي الاثنين .. دخلتهم مركز تحفيظ يتعلمون القاعدة النورانيه .. والحمدلله كانت الاستفادة كبيرة في جانب القراءة .. ونفس الشي لما ادخلوا المدارس كانوا سابقين اقرانهم في القراءة .. آخر واحد فيهم صف أول .. لكن اذا عطيته الجريدة او اي كتاب يقراه بكل سهولة ولله الحمد ( مب شرط يفهم المكتوب ) .. ويقرأ لوحات الاعلانات واسامي المحلات اذا كنا طالعين بالسيارة :eek3:

لذلك أنصح كل أب يحاول يعلم ولده او بنته القاعدة النورانية .. لانه راح يتعلم القراءة بسرعة وأفضل من المدارس ورياض الاطفال ..

وبالتوفيق للجميع

هذي تجربة واقعية

وبلا شك ان السرور و الفرح إللي يغمرك يوم تشوف عيالك بالحال إلليّ ذكرته شي لا يوصف

والله يخليهم لك و يجعلهم قرة عين..