بلاط حوش خارجي

[$الملياردير$]

الله يمسيكم بالخير ...ممكن يالربع تدلوني وين ممكن احصل بلاط خارجي للحوش ابي مقاس 60/60 او 50/50 يكون صلب يمشي مع الفيلا حجر ... مع شكري

[مضارب دوسري]

هلا الشيخ


روح مركز الرخام والجرانيت
في طريق سلوى
عندهم بلاط شعبي اشكال والوان
صناعه قطريه وشي بيعجبك ان شاء الله


الصلابه خذ اللي سمكه 3 سم


منزل مبارك ان شاء الله

[معماري قطري]

اخوي مضارب عيب القطري في استعمال البودرة تشوفه بسرعة يتحلل وتستوي حفر فيه .. حتى الإنترلوك ولو عينة نجحت عينات تفشل .. يستخدمون في الغالب مخلفات البناء بعد طحنها وعملها بودرة

بمرور بسيط على أرصفتنا بتلاحظ كيف محفرة والسبب البودرة

لو حصل تركي أو ايراني شعبي عريض أكيد أحسن

[معماري قطري]

الفشل ما يبين في وقته بس بعد أول رشة مطر أحياناً ويتآكل سنة بسنة

حتى الحكومة يئست من هذي المعامل ومن غشها وحولت لإستيراد الانترلوك الجرانيتي .. بس التركيب لكم عليه حبة فوء وحبة تحت وكأنهم توهم يتعلمون يركبون والمفروض أما يتركب على دفان مدكوك عدل وببودرة رخام وتنحط تحته طبقات فاصلة وعازلة عن الماء والتصريف يكون عن طريق قنوات أو بسلوب بسيط وجانبي

[ram]

السلام عليكم
بعطيك جرانيت مقاس ظ¦ظ**ظ¦ظ**ظ£ سم واختار انت نوعية الفينيش للوجه ومتوفر بأكثر من لون

[الســـهم]

الله يمسيكم بالخير ...ممكن يالربع تدلوني وين ممكن احصل بلاط خارجي للحوش ابي مقاس 60/60 او 50/50 يكون صلب يمشي مع الفيلا حجر ... مع شكري

السلام عليكم ورحمة الله وبركاته ..

الاسبوع الماضي زرت معرض اكسبو تركيا في قاعة المعارض، وكان فيه مصنع عارض انتاجه من البلاط والديكورات، بصراحة شي روعه وألوان مستوحاه من الطبيعة وعندهم قياس 40*40 و 60*60 ..

واللي جذبني أكثر الأسعار تتراوح مابين 5 إلى 13 دولار للمتر المربع، وقال إحنا مستعدين نورد البضاعة لين قطر ..

موقعهم على الإنترنت www.ozkulkaro.com.tr

أما إذا تبي بلاط من قطر، فأنصحك تمر شركة الرخام والجرانيت مثل ماقال أخوي مضارب دوسري، رغم إن لي ملاحظات على كواليتي البلاط اللي ركبته من عندهم، ولكن الكواليتي اختلف تماما بعد ما استلم الموضوع مهندس ايطالي يشرف شخصيا على الانتاج وجودته ومتواجد دائما في المصنع ..

[معماري قطري]

السلام عليكم ورحمة الله وبركاته ..

الاسبوع الماضي زرت معرض اكسبو تركيا في قاعة المعارض، وكان فيه مصنع عارض انتاجه من البلاط والديكورات، بصراحة شي روعه وألوان مستوحاه من الطبيعة وعندهم قياس 40*40 و 60*60 ..

واللي جذبني أكثر الأسعار تتراوح مابين 5 إلى 13 دولار للمتر المربع، وقال إحنا مستعدين نورد البضاعة لين قطر ..

موقعهم على الإنترنت www.ozkulkaro.com.tr

أما إذا تبي بلاط من قطر، فأنصحك تمر شركة الرخام والجرانيت مثل ماقال أخوي مضارب دوسري، رغم إن لي ملاحظات على كواليتي البلاط اللي ركبته من عندهم، ولكن الكواليتي اختلف تماما بعد ما استلم الموضوع مهندس ايطالي يشرف شخصيا على الانتاج وجودته ومتواجد دائما في المصنع ..

هنا المشكلة لازم متابعة لصيقة والمشكلة الأكبر لو نقصت المواد الخام عادي عندهم يستعملون بودرة

تحكم بالجودة لدرجة معينة ما فيه ولا بمضمون

[$الملياردير$]

هلا الشيخ


روح مركز الرخام والجرانيت
في طريق سلوى
عندهم بلاط شعبي اشكال والوان
صناعه قطريه وشي بيعجبك ان شاء الله


الصلابه خذ اللي سمكه 3 سم


منزل مبارك ان شاء الله

جعل والديك بالجنة ... والله يبارك لك في مالك ورزقك و ولدك

[لطيف الروح]

بيت الأحساء في شارع سلوى عندهم بلاط للحوش بسماكة 4 سم و اكثر

و بالتوفيق

[$الملياردير$]

مازال البحث مستمر بلاط حوش مقاس 60/60 درجات البيج بورسلان خارجي او جرانيت خشن يكون سمك 2 سم فاكثر ... عجزنا يالربع الموجود يا يكون 40/40 يا يكون جوده ردئية للأسف .... هل من حل .... كان يجي من دول الحصار نوعية زينه بس للأسف ماحصلت البديل المناسب ... اللي عنده معلومة يتكرم بالمساعدة مع شكري

[Azizuk]

مازال البحث مستمر بلاط حوش مقاس 60/60 درجات البيج بورسلان خارجي او جرانيت خشن يكون سمك 2 سم فاكثر ... عجزنا يالربع الموجود يا يكون 40/40 يا يكون جوده ردئية للأسف .... هل من حل .... كان يجي من دول الحصار نوعية زينه بس للأسف ماحصلت البديل المناسب ... اللي عنده معلومة يتكرم بالمساعدة مع شكري


اخوي موجود النوع الطيب بس سعره غالي تحصله عند نابينا بس الأسعار نااااااار

مر الامانه للديكور ياطريق سلوى أو طريق المطار عندهم نوعيه حلوه

بس نابينا عندهم الحجم والجودة اللي انت تبيها

بعد عندك اكتاغون في طريق سلوى بعد اوريدو وجنوب محل ساوند مقابل محلات بيت الاحساء

عنده جوده عاليه

[معماري قطري]

قبل حصلت كمية عند تدمر 50 في 50 إيطالي رمادي مطفي .. بسمك 2 سم صراحة عجيب بس كانت الكمية 300 متر وعليها عرض خاص ب 50 ريال .. يوم وطارت خذها واحد ركبها للحوش

[معماري قطري]

عند بورسالينا نوع خارجي 90 في 45 أسباني كأنه حجر بس ناعم وسعره حول 100 ركبت منه حق حوض السباحة لأنه ما يزحلق

[معماري قطري]

النوع اللي طوله ضعف عرضه مثل 120 في 60 أو 45 في 90 وغيرهم ينفع للاتجاه الطولي ويعطي جمال أكثر

شنسوي لو بنركب حق فرضاً طبيلة بعرض 6 متر وطول 12 متر فرضاً .. الأنسب نركب مقاس مضمون يكون قطع كاملة ولو فيه قص يكون بسيط وفي الطرف ونخفيه بنعلة حلوة ومناسبة في الارتفاع

العرض 6 يكفي له 10 حبات من اللي 60 في 120 أو 60 في 60 .. لكن الأجمل الأول ويعطي طول للمكان

كذلك نقدر نلجأ لحل تجميلي ثاني قليل اللي يسوونه عندنا فنيين البلاط واللي هو نخلي أي نوع أو مقاس نبغيه في الوسط ونركب الأطراف من نوع أصغر أو كسر رخام .. هذي تحتاج تصميم وتخيل للمنظر قبل البدء في التركيب وصعبة على الغالبية .. كذلك البوردر ممكن يكون من لون غير وممكن حتى يكون مادة غير

الألوان الطبيعية حلوة لتبليط الحوش مثل الألوان الارضية البني والحجري بأنواعه والألوان السماوية والزراعية .. بعدين تجينا الألوان الحيوية مثل الأحمر أو الأصفر

[معماري قطري]

طبعاً كل هذي الأشياء نسوي لها تأسيس صح دفان زين ودك وبعدين صبية مناسبة وبميلان بسيط للخارج أو لجهة الصرف