مستقبل العقار في قطر هل هو في نزول ام صعود

[naklan]

السلام عليكم ورحمة الله وبركاته

قبل سنتين من هذا اليوم استطلع البعض وانا منهم
نزول السوق بواقع 25% وحدث النزول بأكثر من ذالك لا سباب كثيرة
ومنها نزول النفط من 130 الى 30 دولار وانكسار بعض الاسواق العالمية

ولكن
ماذا عن 2018 من وجهة نظركم وتوقعاتهم لما تلمسونه
من اوضاع وما تعايشونه في الواقع من خلال البيع والشراء
وما تلمسونه في المعاملات التجارية للعقار


توقعاتكم وارأكم وقرائتكم للعقار
الرجاء المشاركة من اصحاب المكاتب لملامستهم
الأوضاع والحركة العقارية حتى يستفيد
الجميع ولكم الشكر الجزيل

[naklan]

نظرتي للعقار في الأيام القادمة والله اعلم
مع ارتفاع النفط الى حوالي 70 دولار ولكن ارى
لل 6 شهور الى سنة قادمة ان السلبية ما زالت
تسيطر على سوق العقار للاسباب التالية

1- بسبب الحصار وعزوف الأغلبية عن الشراء

2- عزوف المشترين من الدول الخليجية بسبب الأحداث
السياسية المتشائمة

3- توزيع الدولة 15 الف ارض للمواطنين وفتح
وترخيص لشوارع تجارية جديدة


لذلك ارى ان ال 6 شهورالقادمة والى سنة للنزول التدريجي
والى ان تستجد الأحداث ويتحسن المناخ الاستثماري
للعقار

وشكرا لكم

[الوسيط العقاري]

اتوقع الاستقرار على الأسعار الحالية

مع نزول طفيف

[naklan]

اتوقع الاستقرار على الأسعار الحالية

مع نزول طفيف


أشكرك اخي الوسيط العقاري لتفضلك بالمشاركة
وإبداء وجهة نظرك وتوقعك

[الوسيط العقاري]

أشكرك اخي الوسيط العقاري لتفضلك بالمشاركة
وإبداء وجهة نظرك وتوقعك

العفو اخوي

[ابو عبدالله.]

خلال الايام الماضيه سمعت عن نزول الايجارات بكذا منطقه

ام قرب و ام العمد و الخريطيات و الوكير. وحتى فلل الدفنه

اعتقد سيتوقف عند هذا الحد خلال هذه الفتره لكن اسعار الفلل لا زالت مجهوله. و البعض ينزل من قيمه البيع لتخوفه من النزول اكثر

هناك دعم قادم وهو التوسع التجاري و الصناعي منها دخول شركات كثيره لسوق قطر و البورصه لان قطر اثبتت امان الاقتصاد

وايضا هناك مئات المصانع العالميه ستدخل قطر و بعضها دخل فعلا و وزاره الاقتصاد حدد 250 ارض صناعيه لمنتجات جديده تعوض ما كان يستورد من دول الجوار

ميناء حمد سيدعم 25 الف وظيفه و خلال سنتين ستفتتح المرحله الثانيه منه

و الشركات الجديده ستوظف ايضا

اسعار النفط ارتفعت واصبح مجديا التوسع في المصانع و المنتجات البتروليه و التوظيف فيها خلال الفترات القادمه

كل هذا كوم. و انتقال رؤوس الاموال من دول الجوار و غيرها. و قدومها لقطر التي لا تفرض ضرائب و فتحت الاستثمار و الاقامات و الفيز سيحولها لدوله عالميه للاستثمار و مشابهه لهونغ كونغ و سنغافوره

عقود الايجارات لو كنا نتابع نمطها. تحولت لمدد اطول. سنتين و ثلاث و خمس سنوات لضمان عدم المضاربه بالايجارات حتى 2022

وهذا اعطى الملاك فرصه لتثبيت او طلب سعر اعلى نسبيا للمدد الطويله حتى يأمن المستأجر عدم تجديد او البحث عن عقار بسعر خرافي بفتره كأس العالم. وهذا الكلام لمسته في كذا حاله تأجير. و ليس الكل

البعض متخوف من هبوط شنيع للعقار بعد كأس العالم

وانا لست متخوفا. على العقار لان قطر دائما تفاجئنا بأستضافات نادره للرياضه و غيرها و سيكون هناك خطط لصناعه الرياضه والبطولات العالميه حتى بعد 2022. بلا شك. فالعمليه ستستمر بالاستقطاب و التجدد

كل دول العالم التي تحولت لمزارات سياحيه و ملاذات اقتصاديه تتضخم عقاراتها و ترتفع مع الوقت واعتقد هذا السيناريو سيحدث في قطر حتى ولو بعد عشر سنوات من الان. لكن سيحدث

هذا والله اعلم
هذا والله اعلم

[بوجبر]

فعلا الايجارات نزلت في بعض المناطق كذالك يوجد نزول في الاراضي،،،لكن مواد البناء في ارتفاع وهو يجعل العقارات الجاهزة متماسكة

الله يعين اللي يبني

[خليفـة]

الوضع غير مستقر حاليا
ولكن بشكل عام هناك نزول في المناطق التي ليس عليها طلب مرتفع
والعلم عند الله سبحانه

خليفــة

[مخطط قطري]

المعادله بسيطه جدا انا مالك عقار ... عقاري ماياكل ومايشرب بالعكس يرهف على عائد شهري محترم شيجبرني ابيع؟
الا اذا حصلت عقار افضل منه بعائد اعلى ( وهذا صعب لانه كلن متمسك بعقاره) ف بخليه طاح السوق ولا ارتفع هذي مش شاشه تداول تعرف الثمن الدقيق لعقارك في هذي اللحظه ولو فكرت ابيعه بابيعه باعلى سعر .
ولو انا راعي كاش بابحث عن افضل عقار موجود يناسب الباجت الي معاي وطبعا بدور الارخص بتعب وانا ادور لانه ف بالي سعر معين وسمعت انه في عقار انباع بسعر وابي اقل منه ممكن احصل وممكن لا
زين عيل من الي يبيع باسعار اقل من السوق ( مش رخيصه اقل من السوق ) احتمال ورثه او واحد عليه دين قوي ويبي كاش او مضطر وهذولا عددهم قليل جدا بنسبه لشريحه ملاك العقارات بقطر
لو تكلمنا عن الاراضي مثلا :-
لمن اقول اقل من السوق مثلا : الدفنه ماسمعت عن فوت انباع هناك مثلا ب300 ريال اليوم هذا رخيص
الهلال او روضه المطار ب200
روضه الحمامه مافي ارض انباعت مثلا ب100 ريال هذي رخيصه
الوكره ب50 ريال هنيه اقدر اقولك نعم نزل العقار والاسعار حلوه

[حمــد]

والله يقولون هبوط وندور
لكن ما نشوف هالهبوط كل
متمسك بسعره !!

[SouthK]

الاسعار ترتفع لكن الايجارات تنخفض بشيء بسيط و الله اعلم!

[الكنج]

سمعت واحد من الربع يتكلم عن الخطةالعمرانية الجديدة 2018 واللي فهمته ان الارض الكبيرة اذا بتنفرز لازم تكون مساحتها على الاقل 1200 والواجهة تكون مش اقل من 40 متر
اتوقع هالخبر اذا كان صحيح راح يأثر بشكل كبير على الاراضي الكبيرة وبترتفع اسعار الاراضي الصغيرة .

[qatarman8008]

انا اللي اشوفه ان السوق في نزول..
خصوصا في المناطق البعيدة واللي فيها اراضي كبيرة مثل ام العمد وام عبيرية وام قرن ..
ام قرن كان ينباع الفوت بثلاثمية واليوم بميتين..

[ابو عبدالله.]

يا جماعه الخير

اوضاع العقار متقلبه و يستحيل معرفه هبوطه من صعوده. لكن الي نشوفه ان الايجارات انخفضت و بعض العقارات تعرض بسعر اقل نسبيا

الظروف المحيطه بالسوق من طرفين

طرف يدعم الصعود بسبب المشاريع الداخليه و الاكتفاء الذاتي بالمصانع و التوسع التجاري وغيرها. وايضا تركز رؤوس الاموال المحليه بالسوق المحلي لانعدام الاستثمار بالدول المجاوره وهذولا فئه ليست بسيطه وفوقهم المال الاجنبي وفتح التملك للاقامات الدائمه قادم ايضا. اضافه لاسباب اخرى لن نطيل الحديث عنها

الطرف الثاني يدعم النزول
التخوف على رأس المال بالاوضاع الحاليه
توجه الدوله لخفض الاسعار و سرعه توزيع الاراضي زادت خلال 5 سنوات الماضيه وقوانين العمل وسكن العمال منع بالاحياء السكنيه و بناء مجمعات سكن لهم

توزيع الخدمات بالمناطق الخارجيه دعم التوسع لمناطق جديده وخفف الطلب على المناطق القريبه

تسريح نسبه من الموظفين الوافدين قلل الطلب على السكن و هناك توجه لخفض بدل سكن في بعض الجهات القويه لتقليص الانفاق و قد بدأ بالفعل

توجه رؤوس اموال للصناعه و التجاره و الاكتفاء الذاتي قلل السيوله عند البعض فقل تدخلهم بالقطاع العقاري


كل طرف من المعادله يضغط و الاسعار ستحدد نفسها بالمرحله المقبله

و كرأي شخصي اعتقد ان مهما نزل فسيصعد بعدها. والفائز من يسعفه حظه بالتوقيت المناسب

اذا نزل العقار قدر شبابنا ان يستثمر راتبه في ارض او عقار و اسسوا لمستقبلهم بدل الايجار و طول مده الانتظار لبناء بيت الاسكان

وان ارتفع زادت مداخيل الملاك و استثمروا اكثر و زاد العمران و التجاره

المطلوب منا كأفراد ان نؤسس انفسنا بالادخار و اصطياد الفرص وليس الاتكال على نمط حياه ثابت و رفاهيه تقل مع الوقت بسبب ازدياد اعباء الحياه و ثبات الراتب لسنوات وعندها لا يكفي لدعم الرفاهيه الحاليه عندنا خصوصا بعد الزواج و ازدياد عدد الابناء و التكاليف المرتبطه

مجرد رأي ودمتم سالمين

[ملك المشاعر]

نزول أسعار الإيجارات الحالي رح يقود بعد فتره الى انخفاض بسعر العقار

[naklan]

يعطيكم العافية اخواني الأعضاء الكرام
استفدت من ارائكم واختلاف وجهات نظركم
الملموس حاليا نزول الاجارات ومنها أجار الإسكان
الحكومي أيضا وهذا لا يصب الا في خانة المزيد
من النزول للاسعار

[الكواري 1972]

منكم نستفيد

بالتوفيق ان شاء الله

[لطيف الروح]

مستحيل ان ينزل سعر العقار إلا إذا حدثت ازمة مالية عالمية لا قدر الله وذلك للأسباب التالية
اولا : سعر مواد البناء والأيدي العاملة والمحروقات في ارتفاع مستمر
ثانيا : ان معظم الاراضي وخاصة التابعة لمدينة الدوحة أصبحت مملوكة لاشخاص ملكية خاصة وليست للدولة
ثالثا : ان اكثر ملاك الاراضي من كبار التجار و رجال الاعمال المعروفين بامتلاكهم نقد مالي ضخم

[ابو عبدالله.]

مستحيل ان ينزل سعر العقار إلا إذا حدثت ازمة مالية عالمية لا قدر الله وذلك للأسباب التالية
اولا : سعر مواد البناء والأيدي العاملة والمحروقات في ارتفاع مستمر
ثانيا : ان معظم الاراضي وخاصة التابعة لمدينة الدوحة أصبحت مملوكة لاشخاص ملكية خاصة وليست للدولة
ثالثا : ان اكثر ملاك الاراضي من كبار التجار و رجال الاعمال المعروفين بامتلاكهم نقد مالي ضخم

بضطر اختلف معاك اخوي

اسعار البناء اقل من قبل و توني موقع عقد بناء اقل من الف ريال للمتر العظم و فوقها خرسانه لمسبح فوق البيعه
و الحجر السوري كنت اسمع عن اسعار 350 و 400 الف و الحين يعطوني ارقام شركات اقل من 300 الف و شركات مضمونه و تنزل الحجر بالحوش و بعدها تدفع المقدم

الاراضي حتى لو كانت ملك لاشخاص فهي تباع و تشترى وهم ليسوا على اتفاق بعدم البيع الا بأسعار يحددونها و التداول متوفر و بحسب اوضاع السوق و الاسعار و التخوف لو وجد مثل الوضع الان و فتح،شوارع تجاريه جديده و رخص تجاريه بنمط جديد مثل العربات و السيارات المتنقله و رخص العمل من المنزل

وجايك التوسع في تخفيف الاعتماد على المحلات التجاريه كخطوه لخفض الايجارات. شوي شوي لكن شغالين عليها

اما ان كبار الملاك ماسكين الاراضي و عندهم سيوله فلا اعتقد ان هذا هو وضعنا

وايد يعتمدون على تمويل البنوك اذا مش الاكثريه. و ناس ما تغامر بالكاش كله بضمان الارض و تمويل

ولا مصنع سمعت عنه ان بني بالكاش او برج او غيره. كلهم اما تمويل بنك التنميه او البنوك الاخرى

اسمح لي اذا اختلف بوجهه النظر لكن بعد نشوف امور

صحيح الاراضي بالدوحه و المعروضه اقل من باقي المناطق و هذا ماسك سعرها نوعا ما لكن يوجد بيع

فريج المطار بتلقى. بن محمود بتلقى الدفنه بتلقى كلن يقدر السعر اما بقوه الايجار او الموقع او احتماليه تحولها لتجاريه. او زياده الارتفاعات. الخ

يعني ظروف تحدد سعر الارض مش المالك بس

[بوجبر]

مرحلة بناء العظم سهالات


المصيبة في التشطيب والتناتيف

من واقع تجربة مريرة مع بناء بيت العمر

[ابو عبدالله.]

مرحلة بناء العظم سهالات


المصيبة في التشطيب والتناتيف

من واقع تجربة مريرة مع بناء بيت العمر

معاك بو جبر. التشطيب يعتمد على راعي البيت. يبي الزين يدفع اكثر. يبي ستاندر بيلقى بسعر مقبول

الاغلبيه الي يبنون بيت الاسكان يحط امور زينه يبي مثل غيره ومن كذا واحد بنوا سمعت عن فروقات اسعار للمواد الجيده جبس اند بورد للبيت كامل واحد اخذ كوتيشن ب90 الف و محل ثاني عطاه بين 20 الى 30 الف فرق سعر لنفس المواصفات

كهربائي بنغالي عنده شركه عطاني 120 الف و شركه من اكبر الشركات بقطر عطتني 92 الف و فوقها توصيل لمسبح

مع ان البنغالي باني اكثر من 5 فلل لناس اعرفهم و يمدحون السعر بعد

الي يبي يبني لازم تكون عنده ثقافه استهلاكيه و يعرف يبحث عن افضل الاسعار و الجوده

بعضنا يمشي على المعرفه. هذا بنا و مدحوه يعني لا تروح بعيد. ادفع و اسكت غيرك دافع نفس السعر

الحين المحلات يدورون الزبون ولا واحد يقول لك انطرني عندي مشاريع وايد ولا مزحوم

تصدق. ولد عمي راح حداد بام صلال وعطاه كوتيشن للدرابزين و الابواب 75 الف و نزل كم الف

و شركه درابزين المعروفه عطوه 55 الف تسعيره. و الناس يقولون هذا محل معروف اكيد غالي. خلنا نروح محل عادي

[عضو دائم]

من قال ان العقار اسعاره مستقرة معلوماته غير دقيقة ، والصحيح ان سوق العقار لازال في نزول تدريجي والسبب كثرت العروض وقلة الطلب ادت الى نزول الاسعار ، وتوسع الدولة في توفير اراضي للمواطنين وزيادة فتح شوارع تجارية جديدة على مستوى الدولة ادى الى نزول الايجارات التجارية والسكنية كذلك الضروف السياسية التي لاتخفى على الجميع كلها تشكل عوامل سلبية على سوق العقار . نسئل الله العلي القدير التوفيق للجميع

[بوجبر]

في ضنكم اللي عنده كااااااش وفائض عن الحاجة في ايش يستثمره

[المخفي]

في ضنكم اللي عنده كااااااش وفائض عن الحاجة في ايش يستثمره

يحطها في وديعة

[البيروني]

السوق العقاري مستقر من فترة طويلة ولا تغيير كبير بهذا القطاع
بالايجارات هناك انخفاض للعقارات في المدن البعيدة عن الدوحة بنسبة 10- 15 % ولكن حدث خلال فترة طويلة من الثلاث الأعوام الماضية أما الأراضي بالمدن البعيدة عن الدوحة انخفضت بعد هبوط النفط الى 20 - 10% و بعدها كانت حالة استقرار طويلة
اما أسعار المباني لم الاحظ أي تغيير
و اعتقد ان حالة الاستقرار العقاري ستستمر لاعوام قادمة بسبب المؤشرات الاقتصادية الايجابية

[بوجبر]

يحطها في وديعة


مع التضخم الوديعة ماتنفع

[naklan]

السوق العقاري مستقر من فترة طويلة ولا تغيير كبير بهذا القطاع
بالايجارات هناك انخفاض للعقارات في المدن البعيدة عن الدوحة بنسبة 10- 15 % ولكن حدث خلال فترة طويلة من الثلاث الأعوام الماضية أما الأراضي بالمدن البعيدة عن الدوحة انخفضت بعد هبوط النفط الى 20 - 10% و بعدها كانت حالة استقرار طويلة
اما أسعار المباني لم الاحظ أي تغيير
و اعتقد ان حالة الاستقرار العقاري ستستمر لاعوام قادمة بسبب المؤشرات الاقتصادية الايجابية



عندي فلة جديدة 5 نجوم اجرتها ب 35 لمدة سنة
وفضت طلبت 25 وتمت 6 شهور ماحد اجرها اجرتها
ب 21000 شوف الفرق شكثر للعلم في احسن
موقع الدوحة وفي نص البلد

[naklan]

مع التضخم الوديعة ماتنفع

الاسهم اذا نزل السوق حول النزول السابق احسن
من العقار ومن الوديعة الوديعة ميته والعقار في نزول

[الغالي!]

من قال ان العقار اسعاره مستقرة معلوماته غير دقيقة ، والصحيح ان سوق العقار لازال في نزول تدريجي والسبب كثرت العروض وقلة الطلب ادت الى نزول الاسعار ، وتوسع الدولة في توفير اراضي للمواطنين وزيادة فتح شوارع تجارية جديدة على مستوى الدولة ادى الى نزول الايجارات التجارية والسكنية كذلك الضروف السياسية التي لاتخفى على الجميع كلها تشكل عوامل سلبية على سوق العقار . نسئل الله العلي القدير التوفيق للجميع

كلامك 100/100

[alhurmsi]

العقار في قطر ومن متابعتي البسيطة
انه خلال السنتين التي مضت مر بركود واستقرار في الأسعار وهبوط في حدود 20%
والمؤشرات تقول ان العقار سيمر بفترة تصحيح متفاوتة الأسعار حسب الموقع والمدينة
ومع اكتمال عدد كبير من مشاريع البنية التحتية ومشاريع كأس العالم سيقل عدد المقيمين
ومن ثم سيزيد عرض العقارات ولا ننسى مشاريع الإسكان الضخمة التي سيتم إنجازها من قبل القطاع الخاص والقطاع الحكومي
وكذلك لا ننسى العقار التجاري وما نلاحظه من بناء العديد من المحال التجارية والشوارع التجارية كلها تصب في هبوط العقار
ونتمنى التوفيق للجميع

[naklan]

شخبار العقار بعد مرور شهرين
يا تجار يا حلوين

[Qtr37]

انا مب من التجار
لكن اللي نشوفه ان الاجارات نازلة والعرض أكثر من الطلب
واللي مضطر يشتري للسكن مب قادر لان بعضهم متمسكين بالاسعار القديمة
انا ابي اشتري بيت للسكن بس اخاف ان بعد ما اشتري الاسعار تنزل اكثر واكون خسرت فلوسي

[ملك المشاعر]

الايجارات في نزول تدريجي وملاحظ والاسعار مازالت مرتفعه

[بوجبر]

نعم يوجد هبوط لكن لا زالت الاسعاااار ليست في المتناول

[ابو عبدالله.]

انا مب من التجار
لكن اللي نشوفه ان الاجارات نازلة والعرض أكثر من الطلب
واللي مضطر يشتري للسكن مب قادر لان بعضهم متمسكين بالاسعار القديمة
انا ابي اشتري بيت للسكن بس اخاف ان بعد ما اشتري الاسعار تنزل اكثر واكون خسرت فلوسي

اخوي

احسب تكلفه السكن بدل دفع ايجار

اذا بتسكن انت موفر الايجار الي بتدفعه لو ما شريت
سواء نزل العقار اكثر من الان ولا صمد انت مش خسران فعليا

المغامره انك تكون مستأجر و تدفع شهريا ع امل ان ممكن تنزل
لكن لو شريت بالاسعار الحاليه وع ما نسمع الاسعار مقبوله نسبيا فانت تملكت و وفرت الايجار. لكن لو ارتفع شوي بتتصعب عليك عمليه الشراء و تضل تدفع ايجار خلال الانتظار و بعد فوات الاسعار الحاليه

احسبها اول اذا انت مستأجر حاليا

[QATAR 77]

الوعد شهر 7 ممكن الركود يزيد اكثر بعد انتهاء المدارس

[الوسيط العقاري]

الوعد شهر 7 ممكن الركود يزيد اكثر بعد انتهاء المدارس

اشمعنى يكون الركود عقب المدارس

ممكن تفسير اخوي ؟

[Qtr37]

اخوي

احسب تكلفه السكن بدل دفع ايجار

اذا بتسكن انت موفر الايجار الي بتدفعه لو ما شريت
سواء نزل العقار اكثر من الان ولا صمد انت مش خسران فعليا

المغامره انك تكون مستأجر و تدفع شهريا ع امل ان ممكن تنزل
لكن لو شريت بالاسعار الحاليه وع ما نسمع الاسعار مقبوله نسبيا فانت تملكت و وفرت الايجار. لكن لو ارتفع شوي بتتصعب عليك عمليه الشراء و تضل تدفع ايجار خلال الانتظار و بعد فوات الاسعار الحاليه

احسبها اول اذا انت مستأجر حاليا

لا ما ادفع اجار وماودي ادخل في ديوون بمبالغ كبيرة وما ابي اروح المناطق الشمالية والمناطق الجنوبية مثل المشاف ما يمدحون الارض هناك..

الله يسر الامور

[Qtr37]

اشمعنى يكون الركود عقب المدارس

ممكن تفسير اخوي ؟

اتوقع والله اعلم لانها فترة سفر وانتهاء عقود لبعض الناس خاصة الوافدين

[جبر ال جبر]

العقار يمرض بس مايموت ،،، اسعار العقارات اشوف في تمسك من اصحابها فبالتالي ماشوف نزول نقدر نقول اي والله نزل ولكن الايجارات نزلت من 10-25% يعتمد ع المكان

[الفهد1]

العرض والطلب هو الي يحدد تبي تبيع بيكسرون من سعره ويبخصون فية بحجة السوق ميت وتعبان وتبي تشتري يرفعون السعر في العقار بحجة عليها طلب انا اتكلم من واقع تجربة حصلت معاي باالتوفيق للجميع

[naklan]

نقاش واراء مفيدة لكم كل الشكر
للعلم للجميع سعر السوق سواء نزل واطلع
لا يمكن لأحد التحكم به الا العرض والطلب والمناخ
الاقتصادي في وقته اتذكر اشتريت عقار في مدينة خليفة
راعيه مشتريه في طفرة العقار بمليون ومئة الف
وخذته ب مئة وأربعون الف فلكل وقت سعر
ودورة اقتصادية ترفع او تنزل الأسعار

بالتوفيق للجميع

[QATAR 77]

بعد انخفاض البترول و زيادة التكاليف على الدولة و موجة تخفيض التكاليف التشغيلة و زيادة المصاريف الاخرى

تخفيض اسعار ايجار العقارات قرار استراتيجي

لخلق بيئة مناسبة للأجانب كي يعمل في قطر و يستطيع التوفير من راتبه

وجهة نظر :rolleyes:

[لطيف الروح]

وين ينزل العقار و اسعار مواد البناء والأيدي العاملة و وسائل النقل في ارتفاع مستمر

[ابوالعبد]

العقار في نزول ودليل مافي مستاجرين بيوت فاضيه بكل المناطق تخيلوا واحد من ربع ماجر بيته علي عايله مهم كان ماجره علي ظ،ظ£ الف قاله مستاجر تبي ب ظ© الاف او اطلع المستاجرين الان يدورورن. في ازدان شقق اوفر لهم ل. والعقار كل مايطيح ولكن المشكله مب من الملاك المشكله بسماسره الاجانب مايبون يخلصون البييت بسعر سووق عشان يحصلون كميشين زياده

[جبر ال جبر]

سرد تاريخي مختصر في الثمانينات حصلت طفره لدرجه انه احد الوزراء قال في الديوان لو اردنا ان نرصف شوارع قطر بالذهب لصار هناك فائض في الميزانيه في حضره وجود سمو الشيخ خليفه دلاله على قوه الطفره بذلك الوقت حتى وصلنا 88 صار ركود خفيف لسنه 90 ابان الغزو العراقي صار شي اقوى من الركود سمه ماشئت الاقتصاد لاول مره في تاريخ قطر يسجل تراجع حاد وصار تقشف قوي وتم حذف بعض البدلات وهنيه انذبح العقار هنيه لين 2000 بعد 2000
صارت حركه نشطه ولكن متواضعه وبعدين بدت تنشط بقوه وصارت الناس عندها سيوله اقوى وصار طلب قوي ع العقارات وصل ذروته في 2008 يعني في عقارات تضاعفت 10 مرات عن سعرها الحقيقي وفي اكثر بعد من 10 مرات
بعدها حصلت الازمه العالميه الي اعتقد الاغلب عاصرها واستمرت حتى 2010 ومن بدايه 2011 لين بدايه2017 رجعت اقوى طفره يشهدها السوق القطري عبر تاريخه من حيث اسعار الاراضي والعقارات ومن حيث التدولات العقاريه من عام 2011 لين نهايه 2017 كميه التداولات هي الاعلى ع الاطلاق وصارت صفقات استثنائيه واكبر صفقه عقاريه يتاريخ قطر صارت بهالفتره بيع عقار ب12 مليار ريال قطري
اليوم احنا 2018 نشوف في حركه وفي تمسك بالاسعار للامانه انا متابع السوق من سنوات المشتري اليوم عنده ثقافه استمثاريه ويعرف وين يشتري والمالك متمسك بالسعر قد يصير توافق ويتم البيع وقد مايتم
ولكن الايجارات بشكل عام نزلت وممكن هالشي يساهم بصوره غير مباشره في خفض قيمه العقار ولكن على المدى المتوسط ودايمن اخر السنين نشوف نزول يعني مثل ماذكرت 88 و98 و2008 و2018 ولكن عقبها تفرج ويرجع العقار اقوى من قبل

[جبر ال جبر]

نقاش واراء مفيدة لكم كل الشكر
للعلم للجميع سعر السوق سواء نزل واطلع
لا يمكن لأحد التحكم به الا العرض والطلب والمناخ
الاقتصادي في وقته اتذكر اشتريت عقار في مدينة خليفة
راعيه مشتريه في طفرة العقار بمليون ومئة الف
وخذته ب مئة وأربعون الف فلكل وقت سعر
ودورة اقتصادية ترفع او تنزل الأسعار

بالتوفيق للجميع

اي تاريخ اخوي نكلان كانت هالصفقات،،،،،،و المنطقه الي انت اخترتها منطقه مرغوبه ومحبوبه من ملاك العقارات لازم في محفظته العقاريه شي من مدينه خليفه الجنوبيه لاسباب جوهريه وعديده لايستع المقام لذكرها

[جبر ال جبر]

بعد انخفاض البترول و زيادة التكاليف على الدولة و موجة تخفيض التكاليف التشغيلة و زيادة المصاريف الاخرى

تخفيض اسعار ايجار العقارات قرار استراتيجي

لخلق بيئة مناسبة للأجانب كي يعمل في قطر و يستطيع التوفير من راتبه

وجهة نظر :rolleyes:

طويل لعمر اليوم البترول في القمه 70$ والدوله حاطه اساس الميزانيه من 40-45$ برتسبيشن
ومن 1-1-2018 لين يومك يتداول من 63-60 يعني اول ربع سنه عندك فايض كبير ماشاالله هذا البترول بس الغاز قصه ثانيه وزاد سعره بعد

[الخيالة]

احنا اجار بيتنا 13 الف طبعا وايد حقنا بس شنسوي لا حول و لا قوة كتبنا كتاب يا بلفيت يوصلونه حق صاحب العقار عشان ينزل من السعر بس للحين مافي رد

[qatari911]

(بعض) مكاتب العقارات والدلالين ماشين على السعر القديم في حال هم بيبعون العقار على شخص عادي لكن اذا يبون يشترون نط فيهم عرق الامانه فجأه وقالو مطلوب شراء عقارات والفيللا والبيوت الشعبيه بسعر السوق
ويقاتل علشان ماتوصل للمالك وتخرب البيعه او الشراء

[ابو عبدالله.]

بو جبر ما شاء الله عليك سردت تاريخ انا عاصرته

ما بناقش السرد لكن بضيف ان الشخص مب لازم يجلس ويمتنع عن الشراء اذا اعتقد ان الاسعار بتنزل او تصعد

للافراد العاديين اقصد

يعني اذا بيتزوج و يبي بيت يشتري اذا قدر ينظم الميزانيه بدل التأجير لسنوات لين يستلم ارض الاسكان و يخطط ويبني وياخذ 7 سنوات واكثر وطول هالفتره هو قاعد بالاجار

عمليا. الافضل يشتري و يحسب قيمه الاجارات الي بيوفرها ويخصمه من قيمه العقار الي شراه و بيعرف اذا افضل له يشتري او لا
حسابيا ايجاره رايح ما ادخره لسنوات. ولا قدر يوفر من راتبه عشان يبني بيت الاسكان وهو مرتاح

لكن لو رتب وشرى بيت بالاقساط حتى لو شراه بمليونين مثلا ونزل سعر العقار وصار مليون و 700
هو فعليا مب خسران لانه كان بيدفع ايجار 12 الف لمده 7 سنوات وهالمبلغ اكثر بكثير من الانخفاض السعري لو انه شرى البيت ونزل سعره

بعد بالنهايه بيخلص اقساطه وبيقدر يبدأ بيت الاسكان دون استقطاع راتبه بدفع ايجار وهو يبني بيت الاسكان

لاني شفت شباب يبنون وهم بالايجار و اخذوا 4 سنوات و خمس. لين خلصوا بيت الاسكان و السبب الايجار ياكل من الراتب

معظم الي اعرفهم اخذوا 7 سنوات و اكثر من الزواج لين بدأوا بناء الاسكان

وليتهم شروا بيت بالاول ع الاقل بيضل لهم و يأجرونه بعدين

هي حسبه لو ننظم مواردنا من اول ما نشتغل و نتزوج بدون سلف بتتسهل علينا شراء بيت قبل بيت الاسكان

[جبر ال جبر]

بو جبر ما شاء الله عليك سردت تاريخ انا عاصرته

ما بناقش السرد لكن بضيف ان الشخص مب لازم يجلس ويمتنع عن الشراء اذا اعتقد ان الاسعار بتنزل او تصعد

للافراد العاديين اقصد

يعني اذا بيتزوج و يبي بيت يشتري اذا قدر ينظم الميزانيه بدل التأجير لسنوات لين يستلم ارض الاسكان و يخطط ويبني وياخذ 7 سنوات واكثر وطول هالفتره هو قاعد بالاجار

عمليا. الافضل يشتري و يحسب قيمه الاجارات الي بيوفرها ويخصمه من قيمه العقار الي شراه و بيعرف اذا افضل له يشتري او لا
حسابيا ايجاره رايح ما ادخره لسنوات. ولا قدر يوفر من راتبه عشان يبني بيت الاسكان وهو مرتاح

لكن لو رتب وشرى بيت بالاقساط حتى لو شراه بمليونين مثلا ونزل سعر العقار وصار مليون و 700
هو فعليا مب خسران لانه كان بيدفع ايجار 12 الف لمده 7 سنوات وهالمبلغ اكثر بكثير من الانخفاض السعري لو انه شرى البيت ونزل سعره

بعد بالنهايه بيخلص اقساطه وبيقدر يبدأ بيت الاسكان دون استقطاع راتبه بدفع ايجار وهو يبني بيت الاسكان

لاني شفت شباب يبنون وهم بالايجار و اخذوا 4 سنوات و خمس. لين خلصوا بيت الاسكان و السبب الايجار ياكل من الراتب

معظم الي اعرفهم اخذوا 7 سنوات و اكثر من الزواج لين بدأوا بناء الاسكان

وليتهم شروا بيت بالاول ع الاقل بيضل لهم و يأجرونه بعدين

هي حسبه لو ننظم مواردنا من اول ما نشتغل و نتزوج بدون سلف بتتسهل علينا شراء بيت قبل بيت الاسكان

اتفق معاك تماما اخوي بوعبدالله لي صديق من 2006 لين يومك يدفع ايجار 10 الالاف ووصل الحين 15 الف فيلا في ازغوى عيزت اقوله اشتر الفيلا واخلص ابرك من تقطعها على ايجار دفعها للبنك وخذه قال لا بترجع الاسعار مثل قبل كان راعي الفيلا بذاك الوقت يبي مليون ونص والبنك قاله اخلصها لك والمالك نزله بالسعر وماشرى متوقع العقار مثل البورصه ارتفاع سريع وهبوط سريع وماشرى وارتفعت الاسعار لين طلب مالكها 2 مليون قال 1 ونص ماشريت اشتري2 لا مب شاري وقعد يدفع الايجار وصرف نظر عن المشترى لين قبل سنتين يحن على المالك ب3 مليون والمالك قايله 4 ماينزل ريال!
الحين حس وفهم وعرف العقار مب خساره لو قطيت فيه شي تشوفه قدام عينك ماسكنته ع الاقل بتاجره وبتستفيد

[ابو عبدالله.]

اتفق معاك تماما اخوي بوعبدالله لي صديق من 2006 لين يومك يدفع ايجار 10 الالاف ووصل الحين 15 الف فيلا في ازغوى عيزت اقوله اشتر الفيلا واخلص ابرك من تقطعها على ايجار دفعها للبنك وخذه قال لا بترجع الاسعار مثل قبل كان راعي الفيلا بذاك الوقت يبي مليون ونص والبنك قاله اخلصها لك والمالك نزله بالسعر وماشرى متوقع العقار مثل البورصه ارتفاع سريع وهبوط سريع وماشرى وارتفعت الاسعار لين طلب مالكها 2 مليون قال 1 ونص ماشريت اشتري2 لا مب شاري وقعد يدفع الايجار وصرف نظر عن المشترى لين قبل سنتين يحن على المالك ب3 مليون والمالك قايله 4 ماينزل ريال!
الحين حس وفهم وعرف العقار مب خساره لو قطيت فيه شي تشوفه قدام عينك ماسكنته ع الاقل بتاجره وبتستفيد

الله ييسر له. هذا اطول مده سمعت عنها ان واحد اجر وما شرى او ما بنى بيت الاسكان

لو مأجر كان جلس ببيت ملك 12 سنه بدل 10bو 15 الف ايجار شهري

المتوسط 12500 ريال ع 12 سنه يعني مليون و 800 الف. وللحين مأجر

انا تعمدت اطرح هالنقطه عشان الجميع يتفهم فكره الشراء وفائدتها ع المدى الطويل. هذا غير انه بيأجرها لين سكن بيت الاسكان و بيبني وهو مرتاح بلا دفع ايجار اثناء البناء

تسلم على ذكر القصه

[جبر ال جبر]

الي ماهو بمكتوب ياخوي بوعبدالله عسر،،، لاشك التخطيط السليم وترتيب الامور يساعدك في الاختيار المناسب وقبل هذا التوفيق من الله،،، واحد من الربع انا عاصرت هالقصه وياه يقول من انولدت عام 1978 واحنا في بيت شعبي في مدينه خليفه وعشت فيه 20 سنه بضبط شدينا 1998 يقول ابوى احتاج فلوس عشان يقدر يكمل بنيان البيت الجديد وفعلا باعه في هذاك الوقت بمبلغ 220 الف ريال وكان هالسعر اعلى بشوي من سعر السوق .....يقول صاحبنا سبحان الله قلبي معلق في هالبيت ذكريات جميله وعبق الماضي بكل تفاصيله نهاره وليله و اجمل ايام حياتي فيه ،،، يقول ماحسيت بهالشعور الا عقب كم سنه حنيت للبيت وقمت امر الفريج وكنت في اخر سنه في الجامعه لين تخرجت واشتغلت وانا بس بين فتره وفتره بس امر البيت اشوفه واذكر الفريج وايامنا واحرك يقول مره من المرات وانا مار البيت الا لوحه صغيره معلقه ع الباب مكتوب للبيع،،،، وقلت بشتريه لو شنو ماكلفني الا الرجال نفسه الي شرى البيت هو المالك ماتغير وقال ب300 الف قاله صاحبنا تم شريت وضبط اموره مع البنك وخلص البيت مع العلم الرجال اليوم مايملك الا هالبيت الشعبي وارض الدوله فقط لاغير وعاده مابناها يعني لو ماسوى هالحركه وحافظ على مبلغ 300 الف في هذاك الوقت اتوقع بياخذ فيهم سياره وبتستهلك وبتضيع فلوسه
الييت الشعبي من فتره جاب له 3ملايين ماباع ولا راح يبيعه

[حمد911]

السلام عليكم... الاسعار كانت في نزول وحاليا اللي اشوفة ان الاسعار استقرت نسبيا اراضي ام قرن بدت ترتفع واشوف طلب على المنطقة ذي اللي لاحضتة وحبيت اقولة لكم

[سالم الزهران]

الدوحة من أصعب ما يكون في إيجاد فرص عقارية مناسبة.

[naklan]

بعد مرور سنة على اخر المشاركات
العقار نزل اكثر
كان 20%
وصارالنزول من 30 الى 40%

الإجارات الشقق الغرفتين كانت من 6/7 الاف
الان ب 3500 بعض العمائر تعرض للبيع خالية
ويقول المكتب للمشتري مدخولها 40 الف
وهي لو تتاجر حاليا ما تجيب هذا الاجار

ملاحظتي انا لمعروض في السوق من كل الأصناف
وبالكوم مدينة لوسيل وفرت سكني واداري وتجاري
وضربت السوق في الخاصرة

تخصيص الحكومة أماكن جديدة تجاري
اداري ضرب الجشع في مقتل اليوم العرض
بالهبل وراعي القرش صياد

ورأيي وتوقعي نزول اكثر في الأيام القادمة
اليوم اشوف بعض العقارات تعرض من وقت طويل
وصاحبها مب قادر يتخلص يحلم باسعارالماضي
ويخاف النزول في المستقبل هذا رايي
وانا داخل السوق واشتري
بعض العقارات
المنتقاة

[رحال]

صار تشبع في العقار واسعار الاراضي لازم تنزل وتلائم العائد للعقار
شائو الملاك ام ابو

[حمد911]

حاليا السوق مش مثل قبل حسب اللي شفتة قبل كل شي ماشي الزين والشين حاليا اختلف الوضع الزين يمشي وايكون بسعر معقول مش با اسعار قبل المتضخمة.. العمارات بالفعل انضربت والعقارات التجارية بعد من رايي العقار اللي يجيب نسبة ستة بالمية كا عايد سنوي اشوفة جيد برايي الشخصي بس اهم شي اختيار المنطقة الجيدة والمرغوبة.

[بوخميس]

بعد مرور سنة على اخر المشاركات
العقار نزل اكثر
كان 20%
وصارالنزول من 30 الى 40%

الإجارات الشقق الغرفتين كانت من 6/7 الاف
الان ب 3500 بعض العمائر تعرض للبيع خالية
ويقول المكتب للمشتري مدخولها 40 الف
وهي لو تتاجر حاليا ما تجيب هذا الاجار

ملاحظتي انا لمعروض في السوق من كل الأصناف
وبالكوم مدينة لوسيل وفرت سكني واداري وتجاري
وضربت السوق في الخاصرة

تخصيص الحكومة أماكن جديدة تجاري
اداري ضرب الجشع في مقتل اليوم العرض
بالهبل وراعي القرش صياد

ورأيي وتوقعي نزول اكثر في الأيام القادمة
اليوم اشوف بعض العقارات تعرض من وقت طويل
وصاحبها مب قادر يتخلص يحلم باسعارالماضي
ويخاف النزول في المستقبل هذا رايي
وانا داخل السوق واشتري
بعض العقارات
المنتقاة

اخوي وين شقق على 3500 ؟

[حمد911]

اخوي بوخميس الشقق غرفتين وصالة متوفرين الاسعار تبتدي من 3500 الى 4000 خذ لفة بموقع مزاد قطر وبتشوفهم

[حمد911]

الاراضي بعضهم اسعارهم بثبات وماشوف فيهم نزول يعني مثل حزم المرخية منطقة استراتيجية الاسعار بين 450 الى 500 في بعض الاحيان الخيسة مثلا اشوفهم بين 320 الى 340 حسب الموقع والمساحة

[معماري قطري]

اخوي وين شقق على 3500 ؟

عندنا في أُم غويلينة حياك مع موقف بعد وتطل على البحر جهة قهوة الصيادين قبل

[naklan]

اخوي بوخميس الشقق تارسة البلد
طب وتخير بعض العمائر فاضية اكثر من 6 شهور
وبعضها جديد وما تاجر الوضع تغير لصالح
المستأجرين خذ شقة اخوي معماري
الله يوفقك اخوي

[naklan]

الي يضحكني في بعض إعلانات المكاتب المضللة
للبيع فلة بسعر الارض الفوت 350 ويوم تحسبها الفوت
350

في وقت الغلا
الحين الفوت صار
300
او اقل

[naklan]

وضعنا حاليا نفس أزمة سوق المناخ في الكويت
المبالغة ونفخ العقار وهروب المستثمرين من السوق المنتفخ
وبعض اهل العقار ما زال يتحلم بأسعار الطفرة تعرفون
من الي توهقو

الي مأخذين قروض وشارين عقارات
الاجار نزل وغير مجدي والبيع صعب وبخسارة

وثانيا الي مضطر يبيع بيبيع
وبيشترون من عنده بسعر منخفض

الي يضن العقار نزل بس في الدوحة غلطان
العقار نزل في معضم دول العالم وخاصة
في دول الخليج

والله العالم الى أين ينزل
ومتى سيرتفع

[naklan]

الاراضي بعضهم اسعارهم بثبات وماشوف فيهم نزول يعني مثل حزم المرخية منطقة استراتيجية الاسعار بين 450 الى 500 في بعض الاحيان الخيسة مثلا اشوفهم بين 320 الى 340 حسب الموقع والمساحة


اخوي حمد مش معنات ثبات العرض على 450 الفوت
الأراضي نزلت يمين ويسار الحزم وثبات العرض بأسعار مرتفعة
لمحدودية الأراضي في المنطقة المذكورة ولو اضطر للبيع
بيبيع بسعر المناطق المجاورة له العرض ليس
هو السعر الحقيقي للسوق السعر الحقيقي
المشترى اليوم بكم

[بوخميس]

اخوي بوخميس الشقق تارسة البلد
طب وتخير بعض العمائر فاضية اكثر من 6 شهور
وبعضها جديد وما تاجر الوضع تغير لصالح
المستأجرين خذ شقة اخوي معماري
الله يوفقك اخوي

أدري ان في وايد عماير فاضية

لكن الملاك ما يرضون يأجرون برخيص عشان ما يخربون السوق

اشوف ناس تروح تأجر غرفتين جبس بورد في بيت مقسم على 4000-4500 فما ادري ليش للبيوت المقسمة سوق دام في شقق في عماير على 3500-4000

[حمد911]

صبحكم الله بالخير.. اتفق معاك اخوي نكلان سعر العرض مش مقياس حقيقي بس فية صفقات تنفذت على هل اسعار مش كل الناس يستثمرون فية ناس يبون يسكنون يعني انا مرت علي اراضي تنفذت بسعر قريب من العرض الاراضي تحديدا يحكمها الموقع بدرجة الاولى...

[حمد911]

نقطة ثانية اخوي نكلان تاكد مافية حد بيقط حلالة بسعر رخيص يعني منطقة سعرها بسوق 500 للفوت ببيعها ب 320 نفس الخيسة لا طبعا ذي من واقع اللي شفتة بسوق بالمجال العقاري تحديدا نادر تحصل شخص مضطر يبيع للا اذا ورثة مثلا او علية حكم محكمة اهنية بيختلف الوضع

[ابو عبدالله.]

أدري ان في وايد عماير فاضية

لكن الملاك ما يرضون يأجرون برخيص عشان ما يخربون السوق

اشوف ناس تروح تأجر غرفتين جبس بورد في بيت مقسم على 4000-4500 فما ادري ليش للبيوت المقسمة سوق دام في شقق في عماير على 3500-4000

صبحكم بالخير

الفلل المقسمه فيها امتيازات للمستأجر

الصيانه ببلاش و الكهربا ببلاش و الانترنت السريع ببلاش ومكيفات راكبه و بدون صيانه

حوش للسيارات و اماكن للباربكيو و مخزن و غرف اكبر من غرف الشقق

و الاهم. عيالهم ما يطلعون للشارع قرب عماله اسيويه و محلات و فرجان قديمه

جالسين بين فلل عائلات و مناطق نظيفه بدون زحمه باركنج و لا روائح مطاعم و تكدس مخلفات اعزكم الله

الفلل التقسيم ممكن توصل للقسم الواحد 7 الاف او اكثر بحسب كم غرفه و موقع العقار

في بعضهم مؤثث و تؤجر ب بسعر اعلى من 7 الاف و عندهم مسبح بعد

[ابو عبدالله.]

سوق العقار مثل سوق السيارات. ممكن تلقى صيده و ممكن تلقى واحد ماسك سعره

تلقى عقار منزل من سعر السوق يبي يبيع بسرعه. مش لانه مديون. الا بيصيد عقار ثاني و ممكن عارف ان المنطقه بتتحول تجاري و يبي يلحق يشتري عقار معروض للبيع

في ناس للحين تشتري اراضي ضخمه ولا تدفع ريال واحد

اعرف شخص هو مالك وهو وسيط وهو كل شي

يثقون فيه الملاك و يدفعون له مبالغ ب 10 مليون من كل واحد. و يشتري ارض كبيره و يقسمها و يبيع و يرجع لهم مع الربح خلال اشهر بسيطه

و هو تطلع له كم ارض من الصفقه لا دفع ريال ولا تعب وايد. الله موفقه و هو مرتاح

احنا نقول ركود و في ناس تربح فيه اكثر من وقت الطفره. ارزاق

[مخطط قطري]

مستقبل العقار في قطر محد يعرفه حتى ملاك العقارات مايدرون ولكن يعرفون قيمته وكلن متمسك بعقاره ،،، ولكن الي ملاحظه في مواقع التواصل والمجموعات وحتى هالمنتدى العروض نفس الاسعار السابقه وحتى نشرات السجل العقاري الاسعار مازالت هي نفسها يليت الي يقولون العقارات نزلت يعرضون لنا شي من هالنزول لاني ادور الحين وابي اشتري شي نازل سواء عماره او فيلا او ارض حتى بس يكون اقل من السوق ب20% مانبي 50% قنوعين ب20% وتسجيل فوري وله عموله بعد بس بشرط في حدود منطقه الدوحه فقط واي مكان

[مخطط قطري]

بعد مرور سنة على اخر المشاركات
العقار نزل اكثر
كان 20%
وصارالنزول من 30 الى 40%

الإجارات الشقق الغرفتين كانت من 6/7 الاف
الان ب 3500 بعض العمائر تعرض للبيع خالية
ويقول المكتب للمشتري مدخولها 40 الف
وهي لو تتاجر حاليا ما تجيب هذا الاجار

ملاحظتي انا لمعروض في السوق من كل الأصناف
وبالكوم مدينة لوسيل وفرت سكني واداري وتجاري
وضربت السوق في الخاصرة

تخصيص الحكومة أماكن جديدة تجاري
اداري ضرب الجشع في مقتل اليوم العرض
بالهبل وراعي القرش صياد

ورأيي وتوقعي نزول اكثر في الأيام القادمة
اليوم اشوف بعض العقارات تعرض من وقت طويل
وصاحبها مب قادر يتخلص يحلم باسعارالماضي
ويخاف النزول في المستقبل هذا رايي
وانا داخل السوق واشتري
بعض العقارات
المنتقاة
مساءك الله بالخير ،،، اذا فيه عقار نازل من قيمته 40% في حدود منطقه الدوحه اليوم اشتريه ولك من عندي 5% من قيمه العقار الكليه يعني اذا ب10 مليون ريال لك من عندي كاش نص مليون جيبه لي وانا شراي

[مخطط قطري]

الاراضي بعضهم اسعارهم بثبات وماشوف فيهم نزول يعني مثل حزم المرخية منطقة استراتيجية الاسعار بين 450 الى 500 في بعض الاحيان الخيسة مثلا اشوفهم بين 320 الى 340 حسب الموقع والمساحة
كلامك صحيح 100% وراجع النشره العقاريه ل5 سنوات الماضيه المنطقه هذي اقل صفقه تنفذت 370 ريال اعلى صفقه 750 ريال جميعها سكني والي ع الشوارع الكبيره الرئيسيه مثل شارع المرخيه او شارع الجامعه او الخفجي في منطقه67 حزم المرخيه هذي مالها سعر محددد عادي توصل 800

[حمد911]

بضبط اخوي مخطط قطري ذي اللي اقصدة ان اسعار الاراضي ماشوف فيهم نزول قوي بكل امانة بعطيك مثال دحيل كا مثال الاسعار فوق 400 ريال للفوت لحد الان والعرض قليل اساسا مالك الارض بيقول لو ماجابت بخليها للزمن او ممكن يبني فيها فلتين لو الارض مساحتها 1200 مثلا الاراضي الي خارج الدوحة انزلت وذي شي واضح خصوصا الخور ... اخوي نكلان ممكن مرت علية بعض الصفقات با اسعار نازلة وذي يحصل بسوق العقاري خصوصا لو فية ورثة او حكم محكمة او ممكن المالك محصل فرصة ثانية ويبي يشتري نفس ماذكر اخونا عبدالله كل شي وارد ويحصل.. حاليا لو نقارن السوق العقاري بالبورصة مثلا بنحصل العقار افضل بكثير خصوصا ان بعض الشركات القيادية العايد السنوي مايتجاوز 4 بالمية وبعضهم 3 بالمية العقار حاليا كا عايد سنوي بين 5 ونص الى 6 ذي الاكثر بالاضافة الى انة شي ملموس وبفرض نزل شالمشكلة شيكاتك بيدك وامورك طيبة ... اما التاكيد على انة بينزل او بيرتفع ذي امور بعلم الغيب ومحد يعرفها بنهاية ذي توقعات ممكن تصيب وممكن تخطي.. اتمنى للجميع التوفيق سواء بالعقار او اي استثمار اخر

[ابو عبدالله.]

خلال الايام الماضيه كذا شخص يسألون عن اراضي و فلل. كلهم شباب و بنات موظفين و يبون يشترون عقار للزمن و عائد اجار حتى او الايجار ما يسدد قيمه الفيلا في 12 سنه

يبون يحطون الي حوشوه في عقار و بيستلفون عشان يكملون قيمه العقار

الفكره السائده ان في قطر استثمار آمن و التملك فتح للوافدين و مشاريع الدوله قاربت على الانتهاء و اغلب المناطق اصبحت قابله للسكن و الخدمات متوفره

السنوات القادمه ومع مرور الوقت لابد يزيد تعداد السكان و تدريجيا يرتفع سعر العقار مع وجود مدخول حالي مقبول كإجار

كل هالشباب بيشترون للاستثمار مش انهم قرض بدون ارض حكوميه

وانا اتفق معاهم ان كل ما مر الزمن ترتفع قيمه العقار حتى لو يسدد تكلفته بعد سنوات طويله

افضل من صرف الراتب بدون ترك ارث للابناء

لا ننسى ان احنا في افضل حالاتنا الماديه وبعد كثره الابناء تزيد المصاريف و تضعف فرصه الاستثمار و الادخار

و اخر المشوار تقاعد و انخفاض الراتب بفقد العلاوات و الامتيازات الاخرى

يعني الوضع المادي ينتكس مع الوقت اذا ما طور مدخوله بالاستثمار

[PGR]

خلال الايام الماضيه كذا شخص يسألون عن اراضي و فلل. كلهم شباب و بنات موظفين و يبون يشترون عقار للزمن و عائد اجار حتى او الايجار ما يسدد قيمه الفيلا في 12 سنه

يبون يحطون الي حوشوه في عقار و بيستلفون عشان يكملون قيمه العقار

الفكره السائده ان في قطر استثمار آمن و التملك فتح للوافدين و مشاريع الدوله قاربت على الانتهاء و اغلب المناطق اصبحت قابله للسكن و الخدمات متوفره

السنوات القادمه ومع مرور الوقت لابد يزيد تعداد السكان و تدريجيا يرتفع سعر العقار مع وجود مدخول حالي مقبول كإجار

كل هالشباب بيشترون للاستثمار مش انهم قرض بدون ارض حكوميه

وانا اتفق معاهم ان كل ما مر الزمن ترتفع قيمه العقار حتى لو يسدد تكلفته بعد سنوات طويله

افضل من صرف الراتب بدون ترك ارث للابناء

لا ننسى ان احنا في افضل حالاتنا الماديه وبعد كثره الابناء تزيد المصاريف و تضعف فرصه الاستثمار و الادخار

و اخر المشوار تقاعد و انخفاض الراتب بفقد العلاوات و الامتيازات الاخرى

يعني الوضع المادي ينتكس مع الوقت اذا ما طور مدخوله بالاستثمار

الاسعار عندنا اصلا مب منطقية ومرتفعه,, يعني الفيلا اقل شي 3 مليون يعني لو بتاخذ قرض عقاري كم لازم تدفع وكم ارباح البنك في النهاية تشوف نفسك ماربحت اي شي ,, اذا تبي تستثمر في شقق عقارية تشوفلك شقه ماتسوى في اللؤلؤة وسط المباني استديو اب مليون وميتين ,, الفرص الاستثمارية وايد ضعيفة عندنا بالنسبة للموظف اللي يعتمد على المعاش

[alyahri]

نصيحه عقار مايرد لك فلوسك خلال الثمان سنوات عقار ماتستفيد منه لا انصح بشرائه والسوق عرض وطلب والفرص موجوده

[Diesel]

نصيحه عقار مايرد لك فلوسك خلال الثمان سنوات عقار ماتستفيد منه لا انصح بشرائه والسوق عرض وطلب والفرص موجوده

عندك عقار يرد الفلوس بعد ظ¨ سنين للبيع ؟*مستحييل

[ابو عبدالله.]

الاسعار عندنا اصلا مب منطقية ومرتفعه,, يعني الفيلا اقل شي 3 مليون يعني لو بتاخذ قرض عقاري كم لازم تدفع وكم ارباح البنك في النهاية تشوف نفسك ماربحت اي شي ,, اذا تبي تستثمر في شقق عقارية تشوفلك شقه ماتسوى في اللؤلؤة وسط المباني استديو اب مليون وميتين ,, الفرص الاستثمارية وايد ضعيفة عندنا بالنسبة للموظف اللي يعتمد على المعاش

مرحبا اخوي

وين ثلاثه مليون

لا في اقل. تبي فلل جاهزه من شركه كبيره و معروفه ب مليونين و 700
تبي فلل في المناطق الشماليه ب مليونين

تبي ارض ب مليون و 400 بالمشاف و الوكير و تبنيها ب 680 الف وانا علي اطلع لك المقاول لو تبي. المتر ب 1700 تشطيب

عفوا اخوي. ما يصير نقول مستحيل واحنا ما نجمع مقدم اول شي


احنا ما نقول ان الكل لازم يشتري

الي يقدر يشتري والي ما يقدر يقعد يحوش احسن له من صرف الراتب و تضيع سنوات

في ناس رواتبها فوق الخمسين الف و يحوش نصفها. يعني 300 الف سنويا
وفي بنات رواتبهم فوق الخمسين و يحوشون 90% من راتبهم

وفي الي راتبه 35 الف و زوجته راتبها مثله و يتشاركون في شراء عقار او ارض او يحوشون لشراء عقار

يصير يعني

حتى لو ما يسدد قيمته في 12 سنه. خير يا طير. انا ابي احط شي لعيالي مش ارجع فلوسي و اصير مليونير بسرعه. هذا الموجود ع الاقل اعتبر العقار مدر و ادخار للابناء بدل ما اصرف و اتقاعد و ينخفض راتبي و تصطك علي بعدين


اخوي تدري ان في عماير صغيره ثلاث شقق و استديو ب مليون و 800
في ام غويلينه بعد
امس واصلتني علومها و رفيجي يتفاوض مع صاحبها

سالفه التمويل اذا عندك مقدم تقدر تمول من خمس سنوات لين 12 سنه انت و خياراتك وكم بتدفع قسط وكم حوشت.

يعني مش عشرين سنه و ارباح بنكيه ضخمه

[ابو عبدالله.]

بقول لك تعليق اذا فهمته مثل ما اقصده بتغير وضعك للابد

انت قلت الي يعتمد ع معاشه فرصته الاستثماريه ضعيفه

غير معاشك اخوي

دور وظيفه براتب اكبر يساعدك على الفرص الاستثماريه

شيل الحواجز النفسيه في فكره تغيير مكان العمل و شوف كيف الدنيا تتغير معاك

[Abjalsulaiti]

فلل البندري بالخيسه شريت وحده بمليونين و 800

ماجره ب 12 الف ريال

موقعهم ممتاز جدا ملعب الوسيل وفنادق الوسيل على طول وراهم مسافة دقيقه وحده فقط وفي جسر من الوسيل نازل بالمنطقه

سعرهم حلو ومنطقتهم احلى

[QATAR 77]

فلل البندري بالخيسه شريت وحده بمليونين و 800

ماجره ب 12 الف ريال

موقعهم ممتاز جدا ملعب الوسيل وفنادق الوسيل على طول وراهم مسافة دقيقه وحده فقط وفي جسر من الوسيل نازل بالمنطقه

سعرهم حلو ومنطقتهم احلى

فلل البندري تشطيبها تعبان و للعلم العقود الجديدة للايجار على 8 الاف ريال

[ابو عبدالله.]

انا ما شفتها تعبانه اخوي

انا شاري فله من كم سنه وضلت خمس سنوات مأجره ب 16 الف وما دفعت الا صيانه ثلاث حمامات اعزكم الله 14 الف

هذا عشان تسريبات اما باقي الصيانه المستأجر سواها ع حسابه

و حاطين لك مكيفات جري. ضمان خمس سنوات

يوم شريتها كنت لاف ع فلل ثانيه مبنيه من ناس و مقاولين الله لا يوريك كيف مبنيه و مشطبه

ريال ما ادفع فيهم

ع الاقل فلل البندري عندهم ستاندر ما تخاف من البناء و التشطيب

وعيلها ضمان سنه الفيلا

[حمد911]

اعرف شخص ساكن في فلل البندري ويشتكي من التشطيب ومن الاعطال المستمرة. واتذكر سالتة عن الفلل ومانصحني فيهم فا غيرت رايي... الميزة الوحيدة فيهم الموقع حلو وقريب من كل شي.

[حمد911]

بس بو ايجارهم حاليا 8000 يعتبر جدا سعر رخيص يعني بيكون زين حق الي بياجر ومايسوى حق المالك.

[ابو عبدالله.]

يمكن حظوظ اخوي

تلقى فيلا ممتازه و فيلا يطلع فيها شغلات

لو الفيلا ملكي ما أجر ب 8 الاف وما اعرف حد أجر بهالسعر الا بيوت شعبيه و قديمه شوي

خصوصا اذا فيها حوش و عدد غرف فوق الاربع

[QATAR 77]

نص المجمع فاضي الحين بعد ما عدلوا الشارع قامت الناس تأجر عندهم
مشكلته بعيد عن الخدمات

[حمد911]

علشان الانصاف انا ماشفت شي معروض للتاجير ب 8000 انا رديت على شخص قال العقود الجديدة ب 8000.. اللي شفتهم معروضين للبيع بسعر مليونين و600 والايجار 10000 اعتقد ماتسوى فية فرص افضل منهم حسب رايي الشخصي.. ممكن انت خذتهم ايام عز الايجارات كانت فعلا تسوى وتستاهل للاستثمار بس حاليا لا.

[ابو عبدالله.]

حسابيا اخوي حمد ممكن نشوفها ما تسوى و ناس بهالمبلغ يطلعون اضعافه بتجاره او مضاربه. الخ

لكن انا اشوفها مقبوله خصوصا للي ما يعرف يتاجر او ما عنده الوقت للمتاجره

انا اعتبر ان العقار ادخار طويل الاجل كأني اضعه في طرد بريدي و ارسله لعيالي بعد عشرين و ثلاثين سنه

ايضا برجع قيمته خلال هالفترات و سعره بيكون اعلى بعدين خصوصا مع التوسع العمراني

هذا الطرد مضمون الوصول بأذن الله مش اسهم ممكن تنزل قيمتها او ترتفع. او محل تجاري قد يشيخ و يموت مع الوقت

ياما تجاره ماتت لما مات صاحبها و عياله ما عرفوا لها

[حمد911]

مرحبا اخوي عبدالله القصد من كلامي مش ان فية تجارة افضل او محل انا قصدت بكلامي ان الانسان خصوصا بالمجال العقاري يشتري البيوت اللي مداخليها مرتفعة مثلا فية بيوت تشتريها مقسمة والايجار يوصل بعضهم 20 الف وفية 17 الف نفس البيوت الشعبية خصوصا اللي داخل نطاق مدينة الدوحة تجيك فيها كم ملحق ذيلا ايتاجرون كل واحد بروحة والبيت الشعبي بروحة وسوقهم ماشي لحد الان .. فا القصد طال عمرك اي واحد بيشتري لازم ايفكر كم بيدخل علية هاذا العقار لو شراة ونفس انت ماتفضلت مع الايام ممكن يرتفع السعر لو صبر علية حاليا العقار في ركود وفرصة بصراحة ان الواحد يشتري الشي اللي يسوى ..

[naklan]

مساءك الله بالخير ،،، اذا فيه عقار نازل من قيمته 40% في حدود منطقه الدوحه اليوم اشتريه ولك من عندي 5% من قيمه العقار الكليه يعني اذا ب10 مليون ريال لك من عندي كاش نص مليون جيبه لي وانا شراي

حياك الله اخوي مخطط قطري
البيوت الشعبية كانت تباع ب 5/6 مليون اليوم ب
ا ثلاثة ثلاثة ونص اجارات نزلت
اذا انت مش مقتنع فهذا رأيك
صار واضح للعيان ان المستثمرين الخليجيين
اختفوا والان السوق يعيش ضروف تختلف
عن قبل الازمة وفي كل دول الخليج
لذالك انت ممكن تعطينا أمثلة اذا انك تشوف السوق
مرتفع ويشجع انا ما همني يرتفع او يتزل
استثمر في كل الحالات

[naklan]

الإخوان الكرام حمد والأخ ابوعبدالله
انا اوويد رأي اخوي حمد من حيث ان العائد مهم
وعلو الاجار يقلل من سنوات استرجاع قيمة العقار
واذا لم تهتم وتحسب ستدفع الفرق من سنوات
عمرك قناعتك ب أجار ضعيف لا يعني
انه ديدن الجميع فالكل يهتم
باسترجاع ما دفع باقل
مدة ممكنة

تحياتي
وكل عام وأنتم والجميع بخير
واهنئكم بالشهر الفضيل جعلكم الله
من صيامه وقيامه

[حمد911]

كل سنة وانتو بخير اعادة الله علينا وعليكم وعلى جميع المسلمين بالف خير.

[حمد911]

نقطة ثانية نسيت اذكرها لكم بحالة انك اذا نويت تبيع خصوصا لو الايجار قوي بيجيب لك سعر مناسب وماراح اتعطل انا اقول هل كلام من واقع تجربة... وبعد فية شي احب اذكرة للجميع العقار نزولة مالة علاقة ترى بالحصار العقار ينزل بدول الخليج بعد نزول اسعار النفط يعني من اواخر سنة 2014 ..

[naklan]

صحيح نزول العقار بعد نزول النفط ولكن
خلاف دول الخليج وحصار قطر ونية غزوها
جعلت اغلب المستثمرين يحجمون عن
الشراء في دوله اخرى العقار
اثرت عليه الازمة بشكل
او باخر

[حمد911]

اتفق معاك بنقطة ذي في بداية الازمة بس حاليا لا .. فية تخوف من المستثمرين ان السوق ينزل زيادة هاذا السبب الاًول حسب اللي شفتة بسوق.. اتفق معاك ايام قبل المستثمرين الخليجين كانو يشترون وايبيعون بقوة بس قلت حدة الشراء عندهم من بعد نزول النفط ولو فعلا الحصار كان ماثر كان انهارت العقارات من زمان ولو تلاحض كان ذي هدفهم اصلا وحصلت في قطاعات ثانية مثل البورصة ورجعت الامور الى طبيعتها بالعكس شفنا اسعار بالبورصة ماشفتها انا شخصيا من سنين طويلة واقصد بالارتفاعات..

[ابو عبدالله.]

مرحبا اخوي عبدالله القصد من كلامي مش ان فية تجارة افضل او محل انا قصدت بكلامي ان الانسان خصوصا بالمجال العقاري يشتري البيوت اللي مداخليها مرتفعة مثلا فية بيوت تشتريها مقسمة والايجار يوصل بعضهم 20 الف وفية 17 الف نفس البيوت الشعبية خصوصا اللي داخل نطاق مدينة الدوحة تجيك فيها كم ملحق ذيلا ايتاجرون كل واحد بروحة والبيت الشعبي بروحة وسوقهم ماشي لحد الان .. فا القصد طال عمرك اي واحد بيشتري لازم ايفكر كم بيدخل علية هاذا العقار لو شراة ونفس انت ماتفضلت مع الايام ممكن يرتفع السعر لو صبر علية حاليا العقار في ركود وفرصة بصراحة ان الواحد يشتري الشي اللي يسوى ..

صبحكم بالخير

كلامك لا يختلف عليه اثنان

طبعا العائد الاكبر افضل. لكن هذه راجعه لنباهه و شطاره المالك

انا اذا بشتري ما اشتري الفلل المقسمه. لانها اخطر مدخول و بأي لحظه قد يخالف العقار و يفضى من التقسيم

انا اذا بأجر بسعر اكبر من المعتدل بيكون على شركات و عندي القوانين و اعرف كيف استثني و احاجج ولا اخالف

اربع مرات تنحط مخالفات و اكنسلها لان في قوانين تنظم ولا حتى موظف حكومي يقدر يخالف و بيحط نفسه بموقف قانوني لا يحسد عليه

هذه انا اعرف لها. لكن اشتري تقسيم و ادفع سعر اعلى للعقار ما اسويها لاني بخسر الزياده الي دفعها بقيمه العقار و بخسر الايجار العالي الي اقنعني اشتري العقار


اختلاف رؤيه وهذا سوق بالنهايه

في واحد أجر مجمع سكني كامل لعشر سنوات و أجره لشركات و اشتكى عليه جار للمجمع و طلعوهم

الرجال يدفع ايجار مجمع كامل بسعر اعلى من السوق وهو فاضي حاليا ما قدر يأجره مره ثانيه

[ابو عبدالله.]

وكل عام و انتوا بخير

مبارك عليكم الشهر

[حمد911]

صباح الخير.. اخوي بوعبدالله البيوت الشعبية مافيها مخالفات تذكر لانها فيها ملاحق يعني شغل قانوني والكهرباء منفصلة في بعض الملاحق وبعضهم مع البيت حسب .. فا انا يوم قلت تقسيم قصدي البيوت الشعبية اللي فيها الملاحق والتاجير طبعا للعوايل فقط وانت اكيد تعرف الشي اللي اقصدة فا مافيها اي مخالفات ان شاء الله

[حمد911]

وللعلم بعد فية فلل مقسمة نظام شقق وذي شي قانوني ومرخص.. هاذا الي تقول عنة اجر مجمع سكني مع احترامي لة المفروض ايكون ايعرف القوانين قبل مايورط نفسة او على الاقل يسال الناس اللي لهم خبرة في ذي الامور.. اوقات التقسيم يسبب كوارث مثل الضغط الكبير على الكهرباء وايسبب حوادث لاتحمد عقباها لهاذا السبب فية تشديد على هل امور. بس لو انت ماشي صح محد بيكلمك..

[ابو عبدالله.]

صباح الخير.. اخوي بوعبدالله البيوت الشعبية مافيها مخالفات تذكر لانها فيها ملاحق يعني شغل قانوني والكهرباء منفصلة في بعض الملاحق وبعضهم مع البيت حسب .. فا انا يوم قلت تقسيم قصدي البيوت الشعبية اللي فيها الملاحق والتاجير طبعا للعوايل فقط وانت اكيد تعرف الشي اللي اقصدة فا مافيها اي مخالفات ان شاء الله

فهمت قصدك اخوي

هالحالات قليله ان تلقى اكثر من عداد في بيت واحد. الي لحق و سواها والي ما لحق خلاص راحت عليه

التقسيم فيها مثبول لكن مش بارتشن

اي بارتشن و تقسيم ع عداد واحد يعتبر مخالف صادوه او ما صادوه هذا موضوع ثاني. لكن التقسيم بعداد واحد. مخالف للاسف

بتفق معاك ان فيها ربح و مخاطره نسبيه و ناس وايد تسويها. واعتبرها نظره تجاريه بخلاف اذا ناس توافق ع المبدأ او تنتقده. ع اساس انه مخالف او يزعج الجيران. الخ

لكن فيها ربح اكثر بالنظر لسعر العقار و تسديد قيمته بمده اقل

[ابو عبدالله.]

حاليا البلديه على ما سمعت تدرس موضوع تقسيم الفلل بشكل رسمي و عدادات في فله واحده

سبب عدم التقسيم كان لشكاوى الناس من زمان ان الوافدين يتكدسون في فرجانهم و المناطق العائليه تتضرر

الحين الكل اختلط وما في منطقه بعينها فقط للقطريين و اصحاب الفلل يفسمونها اصلا

ان شاء الله تدرس و يوافق عليها. بتفتح ابواب للملاك بدل احتكار التقسيم للشقق فقط و تصير الفلل او بعضها نظام شقق و عدادات منفصله

[حمد911]

مرحبا اخوي بنسبة للعدادات للبيوت الشعبية ذي موجودة فيهم من زمان وانا خذت بيت من فترة كان فية عداد منفصل بس طبعا هاذا نظام قديم البيوت الجديدة لك عداد واحد فا انا قصدي بارك الله فيك للبيوت القديمة ذي لييوت حاليا عليهم طلب يسبب امور كثيرة وانت اكيد عارف المميزات بس طبعا يعتمد على الموقع بدرجة الاولى.. بنسبة للفلل التقسيم النظامي ذي موجودة انا شفت كذا وحدة معروضة للبيع وذي تجيك عليها موافقات مسبقة انا شخصيا ماحربتهم علشان اكون صادق معاك ومع اعضاء المنتدى ماقد جربت الاستثمار فيهم .. احب اكون بشي الي انا اكون فية بسيفتي .. اهم نقطة عندي استرجاع راس المال في اسرع وقت ممكن وبنفس الوقت لو فكرت ابيع ايجيب لي سعر مناسب ..

[!.!]

سلام عليكم
أريد أن أسأل عن مكان يقوموا فيه بإيجار يعني يعملُ إيجار لواحد جاي جديد لقطر كاحالتي طبعًا بأسعار معقولة
بحثت في هذا القسم حول هذا الموضوع ولقيت كل يبغي يبيع أو يشتري وليس هناك موضوع مخصص
وأعتذر عن السؤال أعرف أنه ليس في مكانه.. لأني تشتت مع المواضيع
وشكرًا للاستاذ ناكلن صاحب الموضوع وسامحني على ردي في موضوعك
رمضانكم كريم جميعًا

[naklan]

سلام عليكم
أريد أن أسأل عن مكان يقوموا فيه بإيجار يعني يعملُ إيجار لواحد جاي جديد لقطر كاحالتي طبعًا بأسعار معقولة
بحثت في هذا القسم حول هذا الموضوع ولقيت كل يبغي يبيع أو يشتري وليس هناك موضوع مخصص
وأعتذر عن السؤال أعرف أنه ليس في مكانه.. لأني تشتت مع المواضيع
وشكرًا للاستاذ ناكلن صاحب الموضوع وسامحني على ردي في موضوعك
رمضانكم كريم جميعًا


مرحبا بك اخي الكريم
ومبارك عليك الشهر الكريم
قم بعمل موضوع جديد تطلب سكن للإيجار
شقة او فلا
بالمكان المطلوب وبعدد الغرف
في هذا القسم سوق العقارات
والإخوان بيفيدونك
اتمنى ان تجد طلبك وما يرضيك

وكل عام وانتم بخير

[naklan]

الفرق بين الإعلان العقاري في الطفرة الماضية والان

في الطفرة للبيع فلة بدون بيانات وتتصل ما يعطونك
معلومات ولا مساحة

بعد الطفرة

للبيع فلة بسعر الارض

للبيع فلة باقل من سعر السوق
السعر قابل

للبيع بسرعة
هههه حاسب من الرادار

للبيع فلة شبه قصر
وتلقاها 800 متر ماخلا شي
للقصور 6000م

للبيع فلة تشطيب فخم
وبعد الاطلاع كل شي عادي
بس يبي يبيع


الخلاصة وهذه قصة حقيقية
احد تجار العقار اشترى فلة في الدفنة ب 8 مليون
واليوم يبي 5/5 وما حصل مشتري من يشتري فلة
قديمة بهذا السعر الله يعينه يصبر للطفرة الجاية
بعد 25 سنة

[naklan]

ردا على اخوي العزيز بوعبدالله
عن موضوع التقسيم
الصراحة انصدمت من كثرة بيوت التقسيم وفي كل مكان
اهل العمائر يشترون الارض بسعر أغلى علشان موافقة الشقق
وصراحة بيوت التقسيم عملت خلل وسحبت الاف المؤجرين
وين يلقى شقة مع موقف وحوش وحديقة
وواسعة مثل بيوت التقسيم

فضت عماير كثيرة بسبب فلل التقسيم لقيت اعلان عمارة
ذبحني من الضحك يقول للبيع عمارة 16 شقة مؤجرة ب 60 الف
فاضية بمبلغ 11 مليون ههههههههه
شلون ماجرة وبعدها فاضية

الصراحة اغلب العماير الي للبيع فاضية ليش الله اعلم
هل دخلت الشقق في أزمة نزول
هذا هو المرجح

لو منعو التقسيم بترتفع الشقق وبتنزل الفلل الموضوع
صار مزعج مثل العلك لو نزعته من صبعك لزق في الثاني
لوحلو موضوع لمكان بيأثر على الثاني
تحياتي

[ابو عبدالله.]

على ما سمعت عن التفكير بتقسيم الفلل بشكل رسمي و تركيب عدادات

لو حصل هذا بتنزل اسعار الشقق و بيقل البناء و تنزل اسعار مواد البناء معها

يمكن هذا توجه و احدى طرق خفض التضخم و الاسعار. الله اعلم

[naklan]

اعتقد يا بوعبدالله ان الموضوع فلت من يدهم
وما يقدرون يمنعون بعد ان سكن اكثر من مليون وافد
وعائلاتهم في بيوت التقسيم وسيشرعون بيوت
التقسيم مستقبلا

[حمد911]

مساء الخير للجميع.. اسعار الاراضي ارتفعت خصوصا المساحات لصغيرة بعد قرار عدم فرز الاراضي اللي اقل من 1100 متر.. هاذا القرار خدم المساحات لصغيرة بشكل قوي وضر المساحات لكبيرة هاذا الواقع واللي حاصل حاليا.

[naklan]

يسعد مساك اخوي حمد 911
اعتقد انه قرار في مكانه يعني اقل فرز 550م مساحة
جيدة ومعقولة لفلا وبتوقف التلاعب وصل ان 322م
تستوي عليها فلا وهذا غير مفيد ويخرب شكل
المدن وانا مه هذا القرار الحكيم

[ريتويت]

حد يعرف في 2022 شلون بتصير العقارات لو نبي نشتري بيت مثلا

[naklan]

حد يعرف في 2022 شلون بتصير العقارات لو نبي نشتري بيت مثلا


مرحبا اخوي ريتويت
الي يبي يشتري للسكن لا يلتفت للارتفاع والنزول
يشوف المناسب ويشتري

للأمانة اخوي لا يعلم بالارتفاع ولا النزول الا الله

بس للاستثمار الانتضار حلو العقار ماشي على نزول
تدريجي طفيف يعني حبة حبة وبينزل اكثر
وهذي وجهة نظري

[naklan]

الوضع الراهن خطر لو دخلت إيران وأمريكا في
حرب الفلة الي 6 مليون بتصير ب مليون وما حد يشتري
ونقيس عليه باقي العقارات وأيضا البورصة بيصير
السهم بسعر تحت التاسيس

يعني اَي هزة في المنطقة ستسقط
الاستثمار في انفاق من الظلام وبيعز النوط
وبييور سوق القنايا

[naklan]

اليوم الفجر تم عمل تخريبي او تفجير لأربع سفن
في مينا الفجيرة في الامارات

وهو شرارة قد تشعل المنطقة
وتضرب سوق العقار والأسواق المالية

[حمد911]

مساء الخير اخوي نكلان وباقي الاعضاء الكرام.. بخصوص المساحات لصغيرة القصد مش مع او ضد القرار لان الموضوع ايتكلم عن ارتفاع ونزول الاراضي والعقارات فا القرار خدم المساحات لصغيرة بشكل كبير وارتفعو ارتفاع كبير بنفس الوقت لان المتوفر بسوق من هل مساحات بسيط بالاساس ثاني نقطة غالب الناس يبون المساحات لصغيرة مثل 450 متر لان اسعارهم معقولة خصوصا الناس اللي لهم قرض بدون ارض ذي اول نقطة حبيت اوضحها.. ثاني نفطة بخصوص الحرب الله اعلم ايش بيصير ذي امور بعلم الغيب بس رايي الشخصي ان كلها كلام فاضي امريكا لو تبي تضرب ايران كان اضربتهم من زمان وذي شي معروف للجميع...

[داااايم السيف]

اليوم الفجر تم عمل تخريبي او تفجير لأربع سفن
في مينا الفجيرة في الامارات

وهو شرارة قد تشعل المنطقة
وتضرب سوق العقار والأسواق المالية

بوجهة نظري الخاصة بخصوص هبوط اسعار العقارات ووصولها للاسعار الي تفظلت فيها فاسمحلي اقولك انها ضرب من الخيال
العقار يصحح نفسه بنفسه ولدي عدة ادله
حدثت حرب في لبنان منذ عدة اعوام والعقارات لم تتاثر بتاتا والتي لم ترتفع حافظت على اسعارها الى اليوم
الوضع الاقتصادي والثورات في بعض الدول العربيه وعلى سبيل المثال بالرغم من عملية الانقلاب في مصر اسعار العقارات لم تتأثر لديهم بل واصلت ارتفاعها والاسباب تعود لتدهور اسعار الصرف
لذلك*بحسبة اقتصاديه سريعة
حال حدوث حرب لاسمح الله فمن الطبيعي تأثر سعر صرف العمله وأي هزه في اسعار العقارات فستكون محدوده وستعاود ارتفاع اسعارها لأعلى مما كانت عليه والكاش عندها ستكون خطورته اكبر لان التضخم سيزداد والاقبال على السلع سيكون مبالغ فيه وبالتحديد الذهب
اذكر بعد انتهاء العاب الاسياد نهاية عام 2006 اجمع المحللين على انهيار اسعار العقارات لدينا وبالغوا بالتهويل وحدث العكس تماما
فقد حدثت موجة طلب قويه على العقارات ووصلت اسعار العقارات لارقام لم يتوقعها افضل العقاريين
قانون الطلب والعرض هو من يحدد اسعار العقارات
الدوله لاتزال تأجر المجمعات لذلك انسى انها تنزل طالما هناك دعم ملموس وطلب كذلك
نعم العقار يصحح ولكن لايموت كما يتوقع البعض
حتى اليمن بالرغم من تدهورها اقتصاديا وموجات القصف مستمره الا ان اسعار العقارات ترتفع والايجارات كذلك
لذلك انحدار اسعار العقارات لدينا حله سهل للغاية:
1- وقف استئجار العقارات من قبل الدوله وترك الايجارات لقانون العرض والطلب
2- لابد من تشديد البنوك على القروض العقاريه للافراد والشركات وتحديد نسب معقوله لها
3- التركيز على نشرة اسعار العقارات المتجدده وعدم الالتفات لما يتم عرضه من قبل مكاتب الوساطه

تقبل وجهة نظري الخاصة

[حمد911]

اتذكر بداية الحصار قالو بيحصل انهيار قوي وحصل العكس الحمدالله قطر دولة غنية مش فقيرة علشان تحصل انهيارات حصل تصحيح وذي طبيعي بوجهة نظري بس خلنا نقول للي شرى بعد الحصار امورة طيبة خصوصا لو بيت موجر حصل لة مكاسب من الايجار ولو باعة بنفس سعر الشراء وذي الاسوء بيكون بعد ربحان اقل شي 300 الف بحالة او البيت موجر ب 13 الف لمدة سنتين.. للعلم فية ناس شرو بيوت ب 3 مليون وعطوهم ترخيص تجاري ودبلت الاسعار اكثر من 3 مرات.. بس انا دايما اقول حسب المنطقة اذا داخل الدوحة الامور طيبة... بالاضافة الى بطولة كاس العالم الي بتصير في قطر بتكون عامل مهم لتوجة الاستثمارات الخارجية الى قطر غير توجة الدولة الى اعطاء المزيد من المناطق تصاريح عمارات خصوصا المناطق القديمة الي داخل مدينة الدوحة يعني تدبيلة فيها ذي بس بعض الملاحضات حبيت اذكرها لكم..

[حمد911]

بعد مرور شهرين من النقاش اسعار الاراضي ارتفعت خصوصا خصوصا الخيسة وام قرن والصخامة والثميد وروضة اقديم فية ارتفاعات حلوة اللي شرى كسب والله ايوفقك الشاري والبايع.. بنسبة حق اسعار البيوت مستقرة مع ارتفاع طفيف..

[حمد911]

بشكل عام الحركة جيدة

[ابو عبدالله.]

صبحكم بالخير

الاراضي الصغيره ارتفعت فعلا

صغار المقاولين و حتى الكبار يبنون فلل للبيع و الايجار و هالمساحات هي المستهدفه بحسب التكلفه و العائد

الحين قلت بسبب موضوع الفرز و الطلب موجود خصوصا لصغار المقاولين ومن يفكر بالاستثمار من موظفين او اصحاب الورث و فئات شبابيه تبحث عن عقارات كأستثمار او سكن

فئات فتحت على فكره شراء ارض و بناءها. افضل من شراء فيلا كسعر و جوده العقار التجاري المشكوك فيها

و اعتقد ان حتى الاراضي من 1100 و اعلى سيرتفع الطلب عليها بسبب فكره قبول فرزها و بيعها على حده بسعر يرتفع تدريجيا او نقول بدأ الطلب عليها. يرتفع

الغالبيه تجاوزوا التخوف من الحصار و توقعات تملك الوافدين قد ترفع الاسعار تدريجيا بمناطق داخل الدوحه

وصول خدمات لمناطق جديده رفع حيويتها و جاذبيتها للاستثمار كوقود و الميره و اسواق القرجان و المراكز الطبيه

ما عاد تلقى منطقه ما فيها خدمات مكتمله و كلها مربوطه بطرق سريعه و النظره لعدم السكن خارج الدوحه او المناطق المجاوره لها لم تعد موجوده كالسابق

اعرف شخص اشترى اراضي كبيره و اكثر من ثلاث بلوكات و قسمها و باع اغلب الاراضي خلال شهرين و بسهر اقل من السوق بعشر و عشرين ريال

نتكلم عن ستين او ثمانين ارض و اكثر

ان دل فيدل على وجود طلب كبير ينتظر اسعار افضل من اسعار السوق للدخول في العقار و فعلا اول ما عرض خلصت الاراضي الي عنده تقريبا

الي مستغرب منه. فئه الشباب و البنات تحت الثلاثين. برواتب نفطيه و قطاع خاص يبحثون و يشترون اراضي
الي عنده نص مليون و مليون و جاهزين لاخذ تمويل بنكي لشراء اراضي صغيره لانها افضل خيار لهم حاليا

[khori]

حاليا ملاحظ زاد الطلب على منطقة الثمامة الحضارمة مب قادر احصل قطع صغيرة واذا حصلت اتكون اسعارهم فوق بس اشوف الحركة زادت على المنطقة علما انه لحد الان مافيها خدمات واتوقع انك بعد ماتقدر تبني فيها فالوقت الحالي.
ياريت اذا حد من الاخوان عنده معلومات عن سبب زيادة الطلب يفيدنا.

[ya3coub]

قبل ما يعرفون اذا بتاخذها الريل او اشغال او تشتريها الدولة بس الحين قالو انه بيوصلون لها الخدمات و كونها منطق شبه نائية راح يتم تعميرها من جديد بالخدمات و كلشي جديد و فوسط الخطط السريعه يعني هادية و قريبة من كلشي.


بسب الأيجارات اشوفها نازلة جدا جدا خصوصا انقول الحيوية ارجعت نوعا ما لأم قرن بس في كثير فلل فاضية لم تؤجر و الأسعار قليلة جدا

[ابو عبدالله.]

ام قرن و ام العمد للحين نفسيا البعض يشوفها غير مجديه. مثل ام صلال و الوكير

الثمامه تضخمت اسعارها بسبب اكتمال الخدمات و تنظيم المنطقه ومش كل الثمامه جزء منها مرتفع و جزء اقل نسبيا بالسعر

لكن كرأي شخصي بقول ان مع الوقت اغلب المناطق بتكون جاذبه من الوكير لين ام صلال علي

ام قرن مشكلتها انها بعد منطقه روضه الحمام لان بعد روضه الحمام منطقه محميه وما بينبني فيها شي و ام قرن تجي بعد البر وما بتنشبك مع العمران بالدوحه. مثل الوكير و ام العمد و ام صلال

[naklan]

رايي الشخصي ان الارتفاع البسيط في بعض المناطق
طبيعي لانها مستهدفة للبناء من المواطنين ومن المقاولين

ولكن لا تحدد اتجاة السوق وتأكد على ارتفاعة
في 2017 كنت أفاوض لشراء ارض ادارية مكاتب
وكان طالب 3000 في ألفوت اليوم مطرشلي واتس
ب 1100 وبينزل اكثر أصلا الي يبني اداري
لا يلقى مؤجرين واغلبها فاضية

فوا العمارات الوكرة كان يطلبون 850 وأكثر
اليوم 500 و 550 موجود

البيوت الشعبية الي يطلبون 5 و 6 مليون
البيع من الأسفل 3 مليون وحواليها هذا الي شفته

قبل سنة كنت بشتري فلة فاخرة طلب 20 مليون
اليوم يبي 15وانا ما ابيها اعتقد بيبيع
ب 8في نهاية المطاف

الوضع على ما هو عليه
مثلا الخيسة فيها ب 200 للأراضي الكبيرة
الى 320 لاراضي الصغيرة

رايي ان الي يحدد قوة السوق او ضعفه هو
مواقع نصف البلد وليس الأطراف

شي مهم يجب ان لا نتغافل عنه وهو محرك السوق
الاجارات وفي الوقت الحالي الوضع مضروب وبعض
المباني مهجورة وما تتاجر الا بسعر بخس يرفضه
أصحابها لذالك الوضع على ماهو عليه
الى إشعار اخر

[بوجبر]

عندي بيت في مدينة خليفه الشمالية مؤجر ب 22000 الف ريال


بعد ماينتهي العقد قريبا برفع الايجار لان المنطقة أصبحت تجارية

[بوجبر]

رايي الشخصي ان الارتفاع البسيط في بعض المناطق
طبيعي لانها مستهدفة للبناء من المواطنين ومن المقاولين

ولكن لا تحدد اتجاة السوق وتأكد على ارتفاعة
في 2017 كنت أفاوض لشراء ارض ادارية مكاتب
وكان طالب 3000 في ألفوت اليوم مطرشلي واتس
ب 1100 وبينزل اكثر أصلا الي يبني اداري
لا يلقى مؤجرين واغلبها فاضية

فوا العمارات الوكرة كان يطلبون 850 وأكثر
اليوم 500 و 550 موجود

البيوت الشعبية الي يطلبون 5 و 6 مليون
البيع من الأسفل 3 مليون وحواليها هذا الي شفته

قبل سنة كنت بشتري فلة فاخرة طلب 20 مليون
اليوم يبي 15وانا ما ابيها اعتقد بيبيع
ب 8في نهاية المطاف

الوضع على ما هو عليه
مثلا الخيسة فيها ب 200 للأراضي الكبيرة
الى 320 لاراضي الصغيرة

رايي ان الي يحدد قوة السوق او ضعفه هو
مواقع نصف البلد وليس الأطراف

شي مهم يجب ان لا نتغافل عنه وهو محرك السوق
الاجارات وفي الوقت الحالي الوضع مضروب وبعض
المباني مهجورة وما تتاجر الا بسعر بخس يرفضه
أصحابها لذالك الوضع على ماهو عليه
الى إشعار اخر


الاسعار اللي ذكرتها ممتازة من اجل الشراء

ياريت ترسلي ارقام الوسطاء من اجل الشراء والدفع كااااااش وليس تمويل من البنوك،،، ولك الحلاوة

[ابو عبدالله.]

فيلا بالوكير شافها واحد ب 11 الف و ان شاء الله تخلص هالايام

ام صلال علي للحين بعشره الايجارات

في ناس تأجر بتسعه و يمكن ثمانيه لكن ما شفت حد قال لي اجاري بهالقيمه

اخوي نكلان احترم معلوماتك بالعقار. جدا

لكن ايضا اشوف امور من منظوري اعتبرها مؤشرات ايجابيه

اذا شخص قدر يبيع فوق ستين او ثمانين ارض خلال شهرين و استلم عرابين لين يصدر السندات بس عشان نزل عشر يال من السعر. مع انه شاريهم بلوكات و قسمهم و مؤكد ربح كثير. الله يوفقه

معناها كان في ناس وايد تبي و تدور سعر اقل نسبيا

الخيسه للحين ما شفت ارض اقل من 300 للفوت حتى الخيسه الجديده باعوا كم ارض ب 305

طبعا الموقع يفرق بالسعر بحسب امتيازات الارض و الشوارع حولها و الخدمات

اسعار العمارات و اراضيها انا مش مطلع عليها كثير لكن الي ذكرته ب 550 للفوت اراضي عمارات سكنيه مش تجاريه.

و ارتفاعات بسيطه مثل الوكره و بعض مناطق الدوحه. لكن شوف الي ارتفاعاتها اعلى. سعرها اكثر

عين خالد اراضي صغيره للفلل ما نحصلها اقل من 350

روضه الحمام 300 و تزيد بحسب موقع الارض

عموما.

الي ملاحظه ان الاراضي الصغيره زايد الطلب عليها

[حمد911]

ياجماعة احنا انتكلم بالواقع اللي موجود بسوق بنهاية العرض والطلب هو اللي ايتحكم بسوق والحمدالله مشاريع الحكومة شغالة. مستمرة وهاذا يدعم استقرار سوق العقار ويرفعة بنفس الوقت بس اذا ناس ايجون وايحطون امنيات هاذا شي ايخصهم وانا واثق من كلامي اللي اقولة الاراضي لصغيرة ارتفعت ارتفاعات حلوة ومجدية الخيسة حاليا المستحات لصغيرة فوق 300 للفوت شمال دحيل 450 للفوت وبعضهم اكثر الصخامة ضربت 300 وانا اقصد بكلامي المساحات لصغيرة من 450 متر وانت طالع لين 600 متر وفية مناطق اساسا ماتحصل شي معروض خصوصا دحيل ذي مناطق حيوية وبنص البلد ومرغوبة من الناس خصوصا اللي مايعطونهم اراضي ويعطونهم قروض بنك التنمية ناس وايد منهم رواتبهم قوية وتحصلةً هو شغالة وزوجتة شغالة وذيلا مش تجار ناس يبون يس يسكنون وهل نوعيات كثار مش شوية... دام الطلب موجود فا الاسعار بتزيد وذي طبيعي من وجهة نظري اما الي ايحذرون من الانهيارات ترى احنا بقطر مش بجنوب افريقيا واللي مصمم خلة ايجيب لي بدحيل بسعر الانهيار اللي ايحلمون فية يالله على يدك جيب لي الفوت ب 400 ريال للفوت... العمارات واسعار اراضي العمارات ب 850 الى 900 في بن عمران ومدينة خليفة بنسبة للتجاري ب 1700 الى 1800 للفوت فا الاسعار مستقرة ومع قرب كاس العالم اتوقع ارتفاع معتبر باذن الله .

[حمد911]

زيادة مساحات البناء بالقانون الجديد اعتقد بتعطي زخم جيد... قانون الفرز الجديد بعد احب انبة اخواني الاعضاء الكرام بنسبة للاراضي بالقانون الجديد لازم المساحة اقل شي 1100 متر علشان تقدرون تفرزون بس تاكدو قبلها من المنطقة هل فيها فرز او لا لان حسب علمي روضة الحمامة والدفنة مافيها فرز وجب التنوية..

[ابو عبدالله.]

كل الاراضي النموذجيه ممنوع فرزها. ام سنيم و و روضه الحمامه و الثميد و الوكير كلهم

الخيسه بعضها ممكن و بعضها ممنوع فرزها



اخوي وسيط. في ناس استفادت من الموضوع و جاتني رسائل من اكثر من عضو عن شراء فلل و اراضي

وخل كلن يغني على ليلاه محد متضرر. بالعكس تبادل افكار و فائده :)

انا عن نفسي استفدت من اراء و وجهات نظر منك و من نكلان و بو جبر و البقيه كلهم

[بوفهد 2]

عقار مايرد فلوسك الا عقب عشرين سنه في رايي الشخصي موب استثمار .. ونص بيوت الاجار فاضيه وتفضه زياده والي شغال بس الفرز للعمال بالخش . احنا معتمدين على الي يأخذون قرض بدون ارض او العمال ويوم بيي بيحلون هالموضوع في المستقبل .. وبكره البلاد توسع وتكبر وبتشوفً عقارك المميز حاليا مايسوى في المستقبل. العقار وقته راح في جميع العالم موب بس قطر ..حرام ضيع حلال عيالك ... الكاش ملك وموب غلط تحرك جزء منه في استثمار اسهم ، وديعه، تجاره ..اشان التضخم..

[الوسيط العقاري]

عدد رخص البناء المصدرة في قطر يتراجع 30% خلال يونيو


الدوحة – مباشر:

تراجع عدد رخص البناء المصدرة في دولة قطر خلال يونيو/ حزيران الماضي بنسبة 29.7 بالمائة على أساس شهري، وذلك وفق بيان لوزارة التخطيط التنموي والإحصاء القطرية اليوم الاثنين.

وبلغ عدد رخص البناء المصدرة في قطر خلال الشهر الماضي 463 رخصة، مقارنة بـ659 رخصة في مايو/ أيار السابق له.

وأشار البيان إلى أن بلدية الريان جاءت في مقدمة البلديات من حيث عدد الرخص المصدرة في الشهر الماضي؛ إذ بلغ عدد الرخص المصدرة 125 رخصة، وتبعهتها الدوحة في المرتبة الثانية بعدد 107 رخص.

وجاء بالمركز الثالث بلدية الوكرة بـ78 رخصة، ثم الظعاين بعدد 68 رخصه، وأم صلال 36 رخصة، وأصدرت الخور 24 رخصة، إضافة إلى 19 رخصة في الشيحانية، و6 رخص في بلدية الشمال.

ومن حيث نوع الرخص الصادرة، أشارت البيانات إلى أن عدد تراخيص المباني الجديدة (سكنية وغير سكنية) شكلت 55 بالمائة من الإجمالي بواقع 253 رخصة.

وتابعت أن تراخيص بناء الإضافات شكلت 44 بالمائة من إجمالي رخص البناء الصادرة خلال شهر يونيو/ حزيران 2019، بواقع 202 رخصة، فيما بلغ عدد تراخيص التحوط 8 رخص، مستحوذة على 2 بالمائة من الإجمالي.

يذكر أن الناتج المحلي لقطر من الأنشطة العقارية، والتشييد تراجع بالربع الأول من العام الجاري على الأساسي الربعي، وذلك وسط تحذير من وكالة فيتش للتصنيفات الائتمانية البنوك المحلية بقطر من زيادة الانكشاف على العقارات، إذ توقعت حدوث مزيد من التراجعات في أسعار العقارات تزامناً مع زيادة المعروض.

كما يتزامن ذلك مع قرب انتهاء بعض الأنشطة العقارية المتعلقة باستضافة بطولة كأس العالم لكرة القدم 2022، مع قرب موعد استضافة البطولة.

[بوجبر]

مثل ماذكر الأخ الوسيط العقاري عدد عمائر الشقق الغير مؤجرة كبير جدا جدا

لكن طلب الاستئجار ع البيوت الشعبية والملاحق السكنية في الدوحة أكرر في الدوحة ممتاز وبالسعر اللي يطلبة الملاك!!!

ملاك الفلل والشقق اللي في خارج الدوحة مثل الوكرة والخور ....الخ

الله يكون بعونهم

[الوسيط العقاري]

مثل ماذكر الأخ الوسيط العقاري عدد عمائر الشقق الغير مؤجرة كبير جدا جدا

لكن طلب الاستئجار ع البيوت الشعبية والملاحق السكنية في الدوحة أكرر في الدوحة ممتاز وبالسعر اللي يطلبة الملاك!!!

ملاك الفلل والشقق اللي في خارج الدوحة مثل الوكرة والخور ....الخ

الله يكون بعونهم

البيوت الشعبية وبعض الفلل المقسمة ماعليهم خوف

[ابو عبدالله.]

اخوي وسيط عقاري

هذا سوق وصعب نعمم موته او انعدام الشراء و البيع

اذا تعرف 60 مستثمر ما يشترون. انا اعرف مستثمر واحد بايع اكثر من 80 ارض و اعرف مشترين منه ما يبون يسكنون يعني استثمار

نتكلم فوق المئه مليون. هذا شخص واحد يبيع

هذا غير موظفين و موظفات بجهه عملي يشترون من ناس ثانيه و بعضهم للحين يبحثون و مواقع حول الدوحه و بعيد من الدوحه لين ام قرن

احترم وجهه نظرك جدا. لكن ايضا ملاحظ ان تعليقك مركز على توقف الصفقات الضخمه فقط

قلتوا ان البيوت الشعبيه و الفلل المقسمه ما عليها خوف. يعني الاف البيوت و الفلل ماشي سوقهم بشكل جيد

و الاراضي الصغيره ايضا ماشي سوقهم بشكل جيد

يعني مش كل العقارات مكسوره او متوقف حالها

واي مجمع سكني كبير كان يدخل بالفله الواحده 12000 و نزلت الى 9000 هالمجمع اكيد بتنزل قيمته بالبيع بشكل واضح. نسبه و تناسب المدخول مع قيمه العقار
و هالمجمعات الضخمه مشترينها قله مش مثل مشتري الفلل العاديه

وهذا ايضا يحدث مع العمارات مدخول مقابل سعر العقار

بالنهايه هذه سنه الله في ارضه

ناس تنخفض ثرواتها و ناس تزيد و اثرياء جدد يطلعون

كل ما اغتنيت و دخلت بمشاريع ملياريه. زادت المخاطره

وكل ما بدأت بمشروع صغير او عقار صغير مع الوقت ترتفع مدخراتك و تشتري عقار اخر الخ

ترى في ناس تربح من وضع السوق الحالي وناس تخسر وناس تتصيد فرص و تغتني

تدري اخوي

وسيط جاب مستأجر لفيلا ب 8 ونص
و وسيط ثاني جاب مستأجر ب 11 الف لنفس الفيلا و خارج الدوحه يعني سالفه الايجارات طايحه تعميم مش بمكانه الصحيح. هذا عرض و طلب وكلن له حاجته بالعقار و امتيازات العفعر نفسه

[الوسيط العقاري]

اخوي وسيط عقاري

هذا سوق وصعب نعمم موته او انعدام الشراء و البيع

اذا تعرف 60 مستثمر ما يشترون. انا اعرف مستثمر واحد بايع اكثر من 80 ارض و اعرف مشترين منه ما يبون يسكنون يعني استثمار

نتكلم فوق المئه مليون. هذا شخص واحد يبيع

هذا غير موظفين و موظفات بجهه عملي يشترون من ناس ثانيه و بعضهم للحين يبحثون و مواقع حول الدوحه و بعيد من الدوحه لين ام قرن

احترم وجهه نظرك جدا. لكن ايضا ملاحظ ان تعليقك مركز على توقف الصفقات الضخمه فقط

قلتوا ان البيوت الشعبيه و الفلل المقسمه ما عليها خوف. يعني الاف البيوت و الفلل ماشي سوقهم بشكل جيد

و الاراضي الصغيره ايضا ماشي سوقهم بشكل جيد

يعني مش كل العقارات مكسوره او متوقف حالها

واي مجمع سكني كبير كان يدخل بالفله الواحده 12000 و نزلت الى 9000 هالمجمع اكيد بتنزل قيمته بالبيع بشكل واضح. نسبه و تناسب المدخول مع قيمه العقار
و هالمجمعات الضخمه مشترينها قله مش مثل مشتري الفلل العاديه

وهذا ايضا يحدث مع العمارات مدخول مقابل سعر العقار

بالنهايه هذه سنه الله في ارضه

ناس تنخفض ثرواتها و ناس تزيد و اثرياء جدد يطلعون

كل ما اغتنيت و دخلت بمشاريع ملياريه. زادت المخاطره

وكل ما بدأت بمشروع صغير او عقار صغير مع الوقت ترتفع مدخراتك و تشتري عقار اخر الخ

ترى في ناس تربح من وضع السوق الحالي وناس تخسر وناس تتصيد فرص و تغتني

تدري اخوي

وسيط جاب مستأجر لفيلا ب 8 ونص
و وسيط ثاني جاب مستأجر ب 11 الف لنفس الفيلا و خارج الدوحه يعني سالفه الايجارات طايحه تعميم مش بمكانه الصحيح. هذا عرض و طلب وكلن له حاجته بالعقار و امتيازات العفعر نفسه

في بدايه كلامي ذكرت ان الشغل متركز ع الأراضي والفلل للي يبغي يسكن .. فقط لو ترجع لكلامي المذكور فوق

أما باقي العقارات كلام فاضي في الوقت الحالي .. نشوف الى اين الايام القادمة ؟

[حمد911]

بس للتوضيح للاعضاء النقاش متركز على اسعار الاراضي الصغيرة والبيوت التقسيم ذي اللي ماشي سوقهم حاليا وذي شي واضح للكل .. والسوق ماراح يمشي على كلامي او كلام فلان او علان السوق يمشي على اسس اللي هو العرض والطلب وحركة الاسعار هاذا هو المقياس الحقيقي للواقع واللي انا شفتة شخصيا ان فية حركة وحصلت ارتفاعات ببعض المناطق خصوصا المساحات لصغيرة اتذكر من فترة انعرضت اراضي بالخيسة القديمة وماشاء الله راحو كلهم اللي شرى كسب واللي ماشرى فلوسة عندة السكن شي اساسي مش مثلا شي من الكماليات.. الغالب حاليا خلنا نقول في قطر يبون اشياء يشترونها مابين المليون ونص الى 3 ذي نسببتهم مرتفعة هاذا عامل مهم ما ننساة.. فا كلامنا ونقاشنا فقط عن الاراضي لصغيرة والبيوت الصغيرة الي داخل الدوحة فقط اما مسالة الشراء او البيع هاذا يرجع لحاجة الشخص نفسة ويسال الناس الثقة والي متابع حركة السوق واتمنى للجميع التوفيق .

[ابو عبدالله.]

فاهمك اخوي عقاري

لكنك تقول للي يبي يسكن. وانا اقول لك ان كثير يشترون مش للسكن. استثمار و تأجير للفلل. و الاراضي ايضا مش للسكن. الشخصي

صحيح في ناس تبي تسكن لكن الي شفتهم و عدد مش هين. يشترون للاستثمار

[الوسيط العقاري]

ابوعبدالله ماعاد فيه شراء أراضي صغيره للاستثمار فيه مضاربات بسيطه اللي يحصل ارض فوتها مثلا 200 يشتري يعرض 230 ع أمل انها تباع ومافي حد بيشتري ب 230 ع أساس يبيع الأرض ب 260 ويرد الشراي يعرض براسل مالها او خساره بسيطه بعد فتره حركة المضاربات أصبحت شبه معدومه عند التجار .. فأقول لكم اللي يشتري هالايام عشان يبني ويسكن أراضي صغيره بإعداد كبيره معروضه

كل اللي يشتري عشان يبني .. هذا من واقع نشوفه ف السوق اليوم او فلل للاستثمار عندي 100 فيلا معروضه في المناطق الشمالية وكل اللي يشتري عشان يسكن فقط مش للاستثمار او للارتفاع مستقبلا

مجمعات فلل على طريق الشمال توقف بناءها من فتره ؟؟؟؟

فكل له رأيه وتفكيره واحترم جميع الآراء ف الموضوع

لكن كلامي من واقع تعاونا مع عدد كبير من الزبائن في السوق ...

ثانيا اللي شفتهم يابوعبدالله يشترون للاستثمار وين شفتهم ف السجل ولا بس تسمع حكي دلالين ان السوق في حركه ؟

[ابو عبدالله.]

الي شفتهم معاي بالشغل

و اصدقاء برع الشغل

والي يبيع الاراضي اعرفه شخصيا و شريت منه و اعرف كم بلوك فرز و باع الاغلبيه

يا ريال اسال عن بلوكات ام صلال علي ورى مركز الشرطه و بلوك عند الجمعيه كلهم انباعوا

و بلوكات الخيسه باقي ارضين بس
و بلوك توه عارضه بأراضي من 1500 لين 2500 ورى الفستفال لكن ما اعرف كم باع منه وكم بقى

والله الامور ماشيه يعني مش الحال واقف

ونسيت بعد. شخصين بالمنتدى راسلوني بالخاص بأستفسارات وجاهزين للشراء

عشان هذا انا قلت في حركه مش ان السوق واقف

اليوم كنت بالبنك الاسلامي اطلع شيك مصدق للارض عشان توقيع العقد اليوم و الحمد لله خلصنا

اسأل مسؤول البنك شخبار القروض. والله ما قلت له عقار ولا شي

قال اغلب القروض للعقارات من الدحيل لين الشمال. هذا الي ماشي سوقه عندنا بكثره

وانا اخلص معاه تلفونه يرن و يقول له خلاص بتنزل سلفتك مليونين ونص

قال لي يالله. هذا بعد بيشتري ارضين بالمنطقه الشماليه

هذا مسؤول بنك و مطلع على القروض ويقول كله للعقارات

[ابو عبدالله.]

مع احترامي للجميع والله

يمكن بعض العقارات حالها واقف و يمكن البيع منخفض و يمكن و يمكن

لكن دام الفلل و البيوت و الاراضي ماشيه و تنباع و تتأجر عوايل وغيره. ليش نقول السوق واقف

اتضحت الصوره عن العماير و المجمعات من اخونا وسيط. و اتضحت منا كلنا ان الاراضي و الفلل ماشيه

والاغلبيه اذا بيستثمرون. بيكون فلل و اراضي و امور صغيره. فمش من الحكمه ان ننفر من العقار و الادخار و الاستثمار فيه

الي عنده مبلغ بدل ما يطلع موتر كشخه و يصرف نص مدخراته عليه. يحطها بعقار او ارض

و الي راتبه يساعد ع الشراء ليش ننفره و يجلس بدون ادخار و يصرف لين يتقاعد بدون استثمار و ينخفض راتبه و يضل في خانه محدودي الدخل

ع الاقل يسكن عياله الي بيتزوجون بهالعقار بدل ما يبدأون حياتهم بالايجار و ضياع نصف رواتبهم عليه لسنوات طويله لين ياخذ بيت الاسكان

[حمد911]

ذي حال جميع الاسواق سواء سوق العقار اي مجال اخر فية اشياء ايكون الطلب عليها قوي وفية بعضهم مش مطلوبة فا ينزل سعرها هاذا مش شي غريب او جديد انا شفت عمارات معروضة من زمان ولين اليوم ما انباعت شي معروف اصلا .. الفرص عمرها ماتخلص او تنتهي الفرص موجودة وبشكل مستمر انا عندي شخص شرى بيت سكني وكان على الشارع العام وخذة بفترة الحصار وكان متردد قلت لة ذي مرشح ايكون تجاري اخذة وانت مطمن ولو مالك رغبة فية انا بشترية وشراة وبعدها بفترة بسيطة وصل سعرة 12 مليون وهو اساسا شارية ب 3 مليون و200 انا ماقدر اقارن مناطق خارج مدينة الدوحة بمناطق وسط الدوحة ذي مقارنة فاشلة اساسا في مقايس كثيرة الواحد ياخذها بالاعتبار.. مشاريع الدولة مستمرة وللعلم مش لين كاس العالم لين 2030 اذا الله عطنا وياكم عمر ان شاء الله... اان شاء الله الفترة القادمة بيكون في موشر لتداول العقارات والاراض وبتكون الامور اكثر وضوح وذي شي مطلوب جدا... مرو علي دلالوة وايد يشتكون من قلة الحركة والشي اساسا مش قلة حركة لان الناس اصلا اسحبو عليهم ومايبون ايتعاملون معاهم وهو الكسبان وبنفس الوقت وفر 1 العمولة واعرف بعد مستثمرين كانو ايتعاملون معاهم وقدامي مرة اتصلو لة بعرضون له اشياء قال لهم يصير خير اول ماسكر قال ذيلا اذونا انا سحبت عليهم ولا ابي اتعامل معاهم بس تدرون ذيلا اوجيهم طابوقة ومايستحون فا اخر همهم كرامتهم.

[ابو عبدالله.]

ذي حال جميع الاسواق سواء سوق العقار اي مجال اخر فية اشياء ايكون الطلب عليها قوي وفية بعضهم مش مطلوبة فا ينزل سعرها هاذا مش شي غريب او جديد انا شفت عمارات معروضة من زمان ولين اليوم ما انباعت شي معروف اصلا .. الفرص عمرها ماتخلص او تنتهي الفرص موجودة وبشكل مستمر انا عندي شخص شرى بيت سكني وكان على الشارع العام وخذة بفترة الحصار وكان متردد قلت لة ذي مرشح ايكون تجاري اخذة وانت مطمن ولو مالك رغبة فية انا بشترية وشراة وبعدها بفترة بسيطة وصل سعرة 12 مليون وهو اساسا شارية ب 3 مليون و200 انا ماقدر اقارن مناطق خارج مدينة الدوحة بمناطق وسط الدوحة ذي مقارنة فاشلة اساسا في مقايس كثيرة الواحد ياخذها بالاعتبار.. مشاريع الدولة مستمرة وللعلم مش لين كاس العالم لين 2030 اذا الله عطنا وياكم عمر ان شاء الله... اان شاء الله الفترة القادمة بيكون في موشر لتداول العقارات والاراض وبتكون الامور اكثر وضوح وذي شي مطلوب جدا... مرو علي دلالوة وايد يشتكون من قلة الحركة والشي اساسا مش قلة حركة لان الناس اصلا اسحبو عليهم ومايبون ايتعاملون معاهم وهو الكسبان وبنفس الوقت وفر 1 العمولة واعرف بعد مستثمرين كانو ايتعاملون معاهم وقدامي مرة اتصلو لة بعرضون له اشياء قال لهم يصير خير اول ماسكر قال ذيلا اذونا انا سحبت عليهم ولا ابي اتعامل معاهم بس تدرون ذيلا اوجيهم طابوقة ومايستحون فا اخر همهم كرامتهم.


اتفق معاك اخوي ان السوق فرص

شي يمشي وشي يوقف مثل التجاره و غيرها

محد توقع ان الفرز تنحط له شروط قد تؤثر ع اسعار الاراضي الصغيره بالايجابيه

و زياده مساحه البنت هاوس قد تؤثر سلبا على شراء الفلل و الاراضي مثل ان يزيد الاب مساحه البنت هاوس و يسكن ابنه المتزوج فيه بدل ما يأجر له فيلا او يشتري ارض او فيلا عشان يسكنه فيها.

توزيع اراضي الاسكان في مناطق خارجيه اثر ايجابيا على الاراضي الخاصه في هالمناطق لزياده العمران فيها و الخدمات و الميره و وقود و محلات الفرجات و طرق جديده

مثل روضه الحمامه اثرت ايجابيا على اراضي خاصه في الخيسه الجديده
و اراضي الاسكان في الوكير اثرت ع الاراضي الخاصه في ذيك المنطقه

تحول شوارع الى تجاريه مثل شارع الخيسه طلع ملاك من فئه عاديه الى مليونيرية وصاروا يتكلمون عن فرص عقاريه و صار عندهم وعي بالعقار اكثر من السابق

الان ظهرت فئات بشكل واضح وهي فئات متقاعده من العسكريه و قطاع النفط دخلت في العقار و البناء
كانوا موجودين لكن الان بشكل اكبر عن السابق

افراد برواتب تقاعديه و ادخار سابق يسمح بدخول سوق العقار

بعضهم بدأ قبل التقاعد و بعضهم بعده

كذا شخص لاحظتهم يدرسون السوق من كذا منظور

الفلل الصغيره سريعه البيت

و الفلل الفخمه فوق العشره مليون

اثنين منهم اشتروا اراضي بروضه الحمامه و بنوا فلل فخمه بيعت واحده ب تسعه و نصف مليون و الثانيه قيد التشطيب و واصله تحت 12 مليون بشوي و طالب فيها 14 مليون

سوق الفلل الفخمه قليل الي يشتغل فيه و زبائنه قليل ايضا لكنه مربح جدا

الشخصين الي لهم الفلل الفخمه قبلها بنوا و باعوا 5 و 3 فلل على التوالي و تشطيب معين سهل البيع السريع

سوق العقار ضخم جدا وفيه مثل باقي الاسواق كالتجاره و السيارات الخ. فرص و ربح و خساره

[ابو عبدالله.]

مساكم بالخير

العقار مثل السيارات سوق وله ناس تشتغل بروحها. وناس تحتاج وسيط يجيب له شراي او بايع بسرعه

هذا ربحان وهذا ربحان

وايضا في كل مهنه ناس فاهمه وناس اقل فهما بعضهم اتيكيت وبعضهم لا فللامانه مهنه الوساطه ستضل ابد الدهر و سواء فيها ايجابيات او سلبيات حالها حال كل المهن

بقول لكم شي مادري تأيدون ولا لا

لاحظتوا ظهور انماط جديده بالسوق. يمكن موجودين توني الاحظ او كانوا قله و زادوا

مستثمرين يتحاططون كل واحد. كم مليون و يشترون الاراضي الكبيره و يقسمونها و تنباع بالفوت كأراضي صغيره مطلوبه اكثر من الكبيره

نتكلم عن 15 الف و 20 الف متر مربع. و اكثر لبعض الحالات

و نمط ثاني وهو شراء الاراضي او العمائر الجديده و بيع شققها تمليك وبيع حق الصيانه و الامن وهي الرسوم السنويه على الشقق

الي ما يدري. ترى في 18 منطقه بالدوحه فيها تمليك للاراضي و الشقق و الفلل

ام غويلينه و بن محمود و النجمه. وغيرها كثير

ع فكره. هالمناطق فتحت تمليك من اكثر من عشر سنوات لكن قله الي يعرفون عنها او فكروا يستثمرون في بيع شققها

سوق واعد للي يشتري ارض عماير صغيره و متوسطه و يبني شقق و يبيع تمليك مع عقد صيانه و امن لكل شقه كمدخول ساري طويل الامد

شقق غرفتين قد توصل مليون او اكثر لو امتازت بمساحات و توزيع غرف جيد و توابعها مطبخ و صاله و مخزن. الخ

غير عقد الرسوم السنويه عشر الاف مثلا لكل شقه

هذا النمط جديد جدا وتو البعض داخل فيه وحتى صديق قال لي خلنا نتشارك و نسويها لكن اعتذرت حاليا لانضغاطي بالبناء و امور اخرى. يمكن سنه جدام بفكر فيها الله اعلم

من ثلاث شهور مرت علي عماره صغيره خلف مسجد ابو بكر بام غويلينه ثلاث شقق غرفه و صاله. و استوديو واحد

مليون و 800 تقريبا

فكرت فيها قبل ما ادخل بفكره ان اشتري ارض لكن تراجعت لاني ما اضمن الاسعار و السوق في بيع شقق تمليك

ما جربتها قبل يعني

لكن الحين اقول لو يرجع الزمن كان سويتها و عرضت الشقه الوحده ب 900 او 800 ولكل شقه عقد صيانه سنوي 8000 ريال او 7 الاف او حتى اعطي الملاك حق جمعيه لصيانه المبنى وانا اطلع منها كلش

شرايكم بفكره بيع التمليك لشقق بالدوحه

طبعا العماره الوحده بعشر او 15 شقه بتغير فئه المستثمر من صغير الى متوسط لو شرى ارض و بناها و باع الشقق

[ابو عبدالله.]

كلام أأيدك فيه يا بو عبدالله والعقار يحتاجونه أصحاب المليون والمليار وحتى صاحب ال 100 الف ويشتغل يحق له يتطلع لفرصة

اللي خرب سوق العقار هم اللي يعرضون شيء بدون مواصفات واضحة ومحددات .. مثلاً يقول لك كلام انشائي حلو ومقدمة تجذب بس ما يعطيك قيمة العقار وموقعه وكأنه سر .. تبي معلومات اضافية على الخاص .. من صوب ثاني تجار العقارات الحديثين وحطيت فيديوهات كثيرة عن بعض العقارات المصورة ويشرح كل شيء ويحدد السعر للعموم ويبقى التفاوض شيء ثاني للي ناوي يشتري


تصدق اخوي معماري

اعرف واحد ياخذ مئه او مئتين من عائلته. الاخوان و الاخوات كل واحد يدفع. و يحط من رأس ماله و يكمل و يشتري ارض و يبيع و يطاع كم الف لكل واحد في العائله. مفتح يعني

يوم قلت حتى بو مئه الف ممكن يدخل بالعقار. تذكرت الريال و سالفته مع عائلته

اليوم الصبح وصلني خبر ان راعي فيلا روضه الحمام باع الفيلا بسعره. 14 مليون الله يوفقه. بس ما شاء الله قصر كله حجر و رخام بكل البيع. غسر جلسات مغربيه و مجلس خارجي تقةل بيت مش مجلس

التكلفه قريب 8 ونص مليون الى 9 مليون. هذا الي اخبره من الريال. لكن البيع. ما شاء الله 14 مليون

للامانه ما كنت مطلع ع نمط بناء الفلل الفخمه الا بعد ما شفت هالشخصين الي باعوا بسعر جيد جدا

يعني خلصوا و باعوا ع طول لا انتظار ولا توهق

روضه الحمامه فيها ميزه قربها من الوسيل و الفلل الفخمه مطلوبه جدا هناك

[معماري قطري]

مساكم بالخير

العقار مثل السيارات سوق وله ناس تشتغل بروحها. وناس تحتاج وسيط يجيب له شراي او بايع بسرعه

هذا ربحان وهذا ربحان

وايضا في كل مهنه ناس فاهمه وناس اقل فهما بعضهم اتيكيت وبعضهم لا فللامانه مهنه الوساطه ستضل ابد الدهر و سواء فيها ايجابيات او سلبيات حالها حال كل المهن

بقول لكم شي مادري تأيدون ولا لا

لاحظتوا ظهور انماط جديده بالسوق. يمكن موجودين توني الاحظ او كانوا قله و زادوا

مستثمرين يتحاططون كل واحد. كم مليون و يشترون الاراضي الكبيره و يقسمونها و تنباع بالفوت كأراضي صغيره مطلوبه اكثر من الكبيره

نتكلم عن 15 الف و 20 الف متر مربع. و اكثر لبعض الحالات

و نمط ثاني وهو شراء الاراضي او العمائر الجديده و بيع شققها تمليك وبيع حق الصيانه و الامن وهي الرسوم السنويه على الشقق

الي ما يدري. ترى في 18 منطقه بالدوحه فيها تمليك للاراضي و الشقق و الفلل

ام غويلينه و بن محمود و النجمه. وغيرها كثير

ع فكره. هالمناطق فتحت تمليك من اكثر من عشر سنوات لكن قله الي يعرفون عنها او فكروا يستثمرون في بيع شققها

سوق واعد للي يشتري ارض عماير صغيره و متوسطه و يبني شقق و يبيع تمليك مع عقد صيانه و امن لكل شقه كمدخول ساري طويل الامد

شقق غرفتين قد توصل مليون او اكثر لو امتازت بمساحات و توزيع غرف جيد و توابعها مطبخ و صاله و مخزن. الخ

غير عقد الرسوم السنويه عشر الاف مثلا لكل شقه

هذا النمط جديد جدا وتو البعض داخل فيه وحتى صديق قال لي خلنا نتشارك و نسويها لكن اعتذرت حاليا لانضغاطي بالبناء و امور اخرى. يمكن سنه جدام بفكر فيها الله اعلم

من ثلاث شهور مرت علي عماره صغيره خلف مسجد ابو بكر بام غويلينه ثلاث شقق غرفه و صاله. و استوديو واحد

مليون و 800 تقريبا

فكرت فيها قبل ما ادخل بفكره ان اشتري ارض لكن تراجعت لاني ما اضمن الاسعار و السوق في بيع شقق تمليك

ما جربتها قبل يعني

لكن الحين اقول لو يرجع الزمن كان سويتها و عرضت الشقه الوحده ب 900 او 800 ولكل شقه عقد صيانه سنوي 8000 ريال او 7 الاف او حتى اعطي الملاك حق جمعيه لصيانه المبنى وانا اطلع منها كلش

شرايكم بفكره بيع التمليك لشقق بالدوحه

طبعا العماره الوحده بعشر او 15 شقه بتغير فئه المستثمر من صغير الى متوسط لو شرى ارض و بناها و باع الشقق

كلام حلو واحد بدأ من الصفر عن طريق مساعدات من هله واستوى يبني ويبيع وكبرت شركته أنشأ شركة مقاولات قوية بنت فندق بحدود ال 50 مليون وسوى مجموعة شركات

[ابو عبدالله.]

مساكم بالخير

امس الموضوع اختفى. و الحين رجع شالسالفه

اخوي معماري صرت مقتنع ان كل شي ارزاق و حظوظ

ناس تخسر و ناس تربح وكله مكتوب

الي بيشتغل صح ما عليه خوف. خصوصا اذا امين مع ربه

كلن ممكن يسوي و يكبر

اليؤكان بالاجار. تملك بيت و بعدها رتب اموره و بنى فلتين و باعهم. و بعدهم فيلا و باعها

اخر شي دخل جامد و شرى ارض كبيره و سوى الفيلا الفخمه و بلغني انه باعها بالسعر الي قلته لكم

كم مليون بفيلا وحده ربح صافي حلال ان شاء الله

انا وياه بدينا الحفر مع بعض تقريبا
والحين انا توني بالتشطيب لبيت الاسكان وهو بايع و مخلص وخذ نصيبه

اذا الواحد بيجابل شغله بيربح لكن اذا معتمد على الغير ما تضبط معاه 100%

[alyahri]

كلا يغني على ليلاه

[الوسيط العقاري]

https://twitter.com/CNBCArabia/status/1150783527052554246?s=20

[حمد911]

حسين عرقاب
المسلماني: استثمارات المقيمين تضمن تداول الأموال بالسوق المحلي

العروقي: زيادة المشاريع العقارية تعكس نمو اقتصادنا المتسارع

القرار الوزاري يجذب الاستثمارات الأجنبية وينشط سياحة الأعمال



بعد الموافقة على مشروع قرار مجلس الوزراء بتحديد المناطق والأماكن الذي يسمح بتملك غير القطريين للعقارات فيها والانتفاع بها، تنفيذا للقانون رقم 16 لسنة 2018، القاضي بالسماح لغير القطريين بتملك العقارات والشركات التجارية غير القطرية وصناديق الاستثمار العقاري، وغيرها من أنواع التملك،

أكد عدد من أصحاب الاختصاص أن هذا القرار كان منتظرا منذ مدة لتقديم الإضافة المطلوبة على مستوى سوق العقار، الذي ميزه استقرار كبير في الأسعار خلال الفترة الماضية،

متوقعين إقبالا كبيرا من طرف المقيمين الراغبين في الاستثمار داخل الدولة، خاصة وأن هذا سيعود بفوائد كبيرة عليهم سواء من ناحية الحصول على إقامات طويلة الأمد، بالإضافة إلى الأرباح المادية المنتظرة من هذه المشاريع خاصة وأن قطر مقبلة على احتضان كأس العالم في نسختها الثانية والعشرين بعد سنوات قليلة من الآن، واصفين قرار الحكومة بالحكيم، المشجع على بقاء الأموال داخل قطر من خلال إعطاء المقيمين حق التملك،

كاشفين عن أن هذا سيؤدي إلى زيادة في قيمة العقار، الذي سترتفع أسعاره حسب رؤيتهم بنسبة تصل الى 40 بالمائة بعد عامين من الآن، اضافة ان القرار سيعمل على جذب الاستثمارات الاجنبية وينشط سياحة الأعمال التي تنعكس ايجاباً على الاقتصاد المحلي خاصة مع اقتراب انهاء المشاريع الكبرى للدولة مثل ملاعب ومرافق مونديال 2022 ومشروع النقل العام كمترو الدوحة وغيره.

بداية اشاد رجل الأعمال والعقاري خليفة المسلماني بحكمة القيادة القطرية في اتخاذ هذا القرار، الذي يعطي للمقيمين الحق في التملك بالدوحة، مشيراً الى انه سيخدم مصلحة جميع الأطراف، بداية من المقيمين الذين سيكون لهم الحق في الإقامة في قطر إلى غاية بيع العقار،

في حين يزيد من حجم تداول الأموال في الدوحة وباقي المدن، بعد أن بات العديد من القطريين يفضلون الاستثمار في الدول الأوروبية والآسيوية لتنويع محافظهم الاستثمارية، ما يعني حاجة السوق المحلي إلى أموال اضافية وهو ما ستضمنه استثمارات الاجانب،

مؤكدا قدرة عدد كبير من المقيمين في قطر على تملك العقارات، في ظل استقرار القطاع في الأشهر الماضية، بعد أن تراوح سعر قطعة الأرض على مساحة 400 و 500 متر مربع ثلاثة ملايين ريال، وهو المبلغ الذي لا يعتبر كبيراً مقارنة بالأرباح التي سيجنيها المقيم.

وتوقع المسلماني أن يشهد سوق العقار بعد هذا القرار إقبالا منقطع النظير من طرف المقيمين، الذي يدركون جيدا جدوى الاستثمار في سوق العقار القطري، مؤكدا تلقي شركته العقارية عددا كبيرا من الاتصالات من طرفهم رغبة في الاستفسار عن القرار بمجرد الموافقة عليه،

قائلا: إن هذا الإقبال سيزيد قوة البيع والشراء في الدولة خلال الفترة المقبلة، ما يعني احداث نشاط كبير في القطاع العقاري، وهو ما سيرفع أسعار العقار بنسبة 40 % كأقل تقدير، خلال السنتين القادمتين، داعيا الحكومة إلى الإسراع في توضيح شروط وآليات تنفيذ القرار من جميع النواحي، من أجل مباشرة بيع العقارات للمقيمين.

وقال الخبير العقاري أحمد العروقي ان قرار الحكومة في هذا الشأن جاء بالوقت المناسب، من حيث السماح للمقيمين في قطر بتملك العقارات بمختلف أنواعها سواء كانت أراضي أومنازل أو فللا، مضيفا أن الاستقرار الذي شهدته أسعار العقار خلال الفترة الماضية كان يتطلب قانونا من هذا القبيل، لإعادته إلى جو النشاط الذي كان يتميز به قبل سنوات من الآن خاصة وأن العقارات وفي ظل النمو الكبير والمتسارع الذي تشهده قطر باتت متوفرة وبما يعطي للمقيمين القدرة على الاستثمار فيها دون تضارب المصالح مع المواطنين،

متوقعا إقبالا كبيرا على العقارات من طرف المقيمين بل وجذب المستثمرين الاجانب مع توافر فرص استثمارية ضخمة في مختلف القطاعات، اضف الى ذلك أن القرار يضيف مميزات سيجنيها مالك العقار غير القطري، وهي الحصول على الإقامة سواء بغرض السكن أو الاستثمار طوال مدة تملك العقارات.

هذا ووافق مجلس الوزراء على مشروع تحديد المناطق والأماكن التي يسمح بتملك غير القطريين للعقارات فيها والانتفاع بها، ويأتي هذا القرار تنفيذا للقانون رقم 16 لسنة 2018 بشأن تنظيم تملك غير القطريين للعقارات والانتفاع بها، حيث وافق المجلس على: السماح بتملك العقارات لغير القطريين الأفراد والشركات التجارية غير القطرية وصناديق الاستثمار العقاري، وتحديد عدد 10 مناطق لتملك غير القطريين للعقارات بها تملكا حرا، وتحديد عدد 16 منطقة لانتفاع غير القطريين بالعقارات فيها لمدة 99 سنة،

والسماح بتملك غير القطريين للفلل السكنية داخل المجمعات السكنية، والسماح بتملك غير القطريين للمحلات التجارية داخل المجمعات التجارية، ومنح الإقامة لغير القطريين مالكي العقارات سواء بغرض السكن أو الاستثمار طوال مدة تملك العقارات.

[حمد911]

5 %» ارتفاع مؤشر أسعار العقارات

jul 16, 2019





«1.5 %» ارتفاع مؤشر أسعار العقارات
كتب - محمد الأندلسي
ارتفع مؤشر أسعار العقارات خلال الربع الثاني من العام الجاري بنسبة 1.56% حيث سجل المؤشر في شهر يونيو الماضي مستوى 238.94 نقطة، بالمقارنة مع مستوى 235.26 نقطة في يونيو 2018.
وعلى أساس شهري ارتفع مؤشر أسعار العقارات في شهر يونيو الماضي بنسبة 2.44%، بالمقارنة مع شهر مايو السابق الذي بلغ مستوى 233.24 نقطة، ويعتبر المؤشر، الذي يصدره مصرف قطر المركزي بشكل ربع سنوي، مقياسا موثوقا لأسعار العقارات في تقييم محافظ الائتمان العقاري، كما يساهم استخدام المعلومات الكامنة في إجمالي أسعار العقارات كمدخل لوضع السياسة النقدية، وذلك بناء على البيانات التي تصدرها وزارة العدل، كما ارتفعت التسهيلات الائتمانية الممنوحة من البنوك المحلية للقطاع العقاري من مستوى 147.5 مليار ريال في مايو من العام 2018 إلى مستوى 156.2 مليار ريال في مايو الماضي، الأمر الذي يؤكد مدى تمتع البنوك المحلية بالملاءة المالية الكبيرة ومدى السيولة التي في حوزة المستثمرين، في ظل استمرار المشاريع العقارية المختلفة التي تجري على قدم وساق.
ومن المتوقع أن يشهد السوق العقاري القطري زخما كبيرا خلال العام الحالي والأعوام المقبلة، لاسيما مع حزمة التشريعات الاقتصادية المتطورة والخاصة بالقطاع العقاري، والتي تدفع إلى حدوث طفرة عقارية جديدة مرتقبة خلال الفترة المقبة، لاسيما مع طرح هذه التشريعات مثل قانون رقم 16 لسنة 2018 بشأن تنظيم تملك غير القطريين للعقارات والانتفاع بها، حيث تمت الموافقة على السماح بتملك العقارات لغير القطريين الأفراد والشركات التجارية غير القطرية وصناديق الاستثمار العقاري، كما تم تحديد عدد 10 مناطق لتملك غير القطريين للعقارات بها تملكا حرا، وهي مناطق استراتيجية وذات عائد استثماري مضمون، مثل منطقة الخليج الغربي «لقطيفية»، ومنطقة اللؤلؤة ومنتجع الخور ومنطقة القصار «المنطقة الإدارية»، والدفنة «المنطقة الإدارية»، وعنيزة «المنطقة الإدارية»، ولوسيل، والخرايج، وجبل ثعيلب، وروضة الجهانية «المنطقة الاستثمارية»، كما تم تحديد عدد 16 منطقة لانتفاع غير القطريين بالعقارات فيها لمدة 99 سنة، والسماح بتملك غير القطريين للفلل السكنية داخل المجمعات السكنية، فيما تم ايضا السماح بتملك غير القطريين للمحلات التجارية داخل المجمعات التجارية، ومنح الإقامة لغير القطريين مالكي العقارات سواء بغرض السكن أو الاستثمار طوال مدة تملك العقارات، كما يأتي مشروع قانون تنظيم التطوير العقاري، ليحل محل القانون رقم (6) لسنة 2014 بتنظيم التطوير العقاري، ليواكب التطورات الحديثة ويحقق تنشيط السوق العقاري. المصدر جريدة الوطن

[naklan]

الحين طلعو الخبراء وكل واحد يفتي
الحين احنا بنصدقهم ًوبنكذب الي حاصل
الاجارات مضروبة وكمية المعروض تفوق
الخيال فلل وبيوت شعبية وعماير
وتصاريحهم ما ترفع السوق
الي يرفع السوق الطلب
وتحسن العقار
الملموس

والباقي كله كلام وتنجيم وأماني
على كل الي يشوف ان السوق الان صحي خذ فرصتك
وأشتر الرخيص الي انت تشوفه مناسب

العجيب كمية البيوت الشعبية المعروضة والأعجب
نفس قيمة العرض الي في اخر البلد نفس احسن موقع
وكلهم محتاجين نفس المبلغ ما يصير المواقع تحدد
السعر والأفضلية لنص البلد

في وقت الارتفاع الملاك ماسكين عقاراتهم ويقولون بيرتفع
وبعد ما بدا النزول الآلاف نزلو للسوق يبغون يبعون
لا يبه فرصتك الي كنت تبغيها بتبطي ما شفتها
الا إشعار اخر ومثل ما للسوق طفرة له ركود
الحي بيشوف الثنتين

الي احب أقوله ميزانك نفسك
السوق فيه مضاربين وفيه مستثمرين
وانت قرر وقدر

بالتوفيق للجميع

[naklan]

راعي البيت الشعبي الي طالب 4/5 مليون بالعقل
أقصى أجار 10الى 15 تضن حد بيشتري على 25 الى 30 سنة
هذا مش استثمار هذي تدبيسة ابدية والله يوفق الورثة ويردون
قيمة العقار البيع الي على اسعار واقعية يمشي والي
ما فاق من الحلم بيفوقة الواقع

[ابو عبدالله.]

صبحكم بالخير

الموضوع مولع هههه

كلن له وجهه نظر

اخوي نكلان انا لاحظت ان اكثر من شخص لهم اراء مختلفه و طبعا نحترم الكل

شخصيا ما اخذ بكلام الجرائد و المعلقين فيها 100% لكن اخذ الي يقنعني

صدقت لما اخونا وسيط قال العماير سوقها واقف. وصدقت لما قال الفلل و البيوت سوقها ماشي و عضو اخر قال نفس الشي عن الفلل و البيوت

و مقتنع ان الاراضي الصغيره فيها حراك جيد بحسب المعارف و مسؤول بنك سالفت معاه عن التمويلات

بذكر لك موقف صار معاي عن بيت شعبي طالبين فيه اربعه و نص مليون

قلت مبالغ بالسعر فقال لي صاحب المعلومه. لا. البيت ع شارع رئيسي و اغلب الظن بيتحول تجاري ومساحته الف و شوي

بعض العقارات لا تظهر ميزاتها من الاعلان او الوسيط او صاحب الملك. ما يعرف ان قد يتحول تجاري مثل ما صار بشارع الخيسه

الى اليوم قليل الي يعرف ان عمايرهم ممكن يبيعون شققها تمليك في 18 منطقه وما جربوا فكره التمليك اصلا و احتماليه بيع الشقق بسعر أكثر من بيع العماره كامله لشخص واحد

مهما تثقفنا بالعقار يضل سوق كبير له مداخله و مخارجه

[حمد911]

عندي ملاحضة بسيطة في مقال الجريدة خصوصا الخبراء هم يقولون بيرتفع 40 بالمية خلال سنتين ومن وجهة نظري الشخصية ذي شي غير واقعي ذي امور بعلم الغيب وغير معروفة محد يدري ايش يحصل بعد يوم او يومين بيضمن سنتين!!!!!! على اي حال الاشياء المعروضة ايام الطفرة با اسعار خيالية بيتم على وضعة وماراح ينباع بس فية اشياء اللي معروضة با اسعار مناسبة ذي ماشي سوقها.. انا شخصيا طلعت من سوق العقار ايام سنة 2014 ورجعت السنة ذي لاني شفت اشياء مناسبة وخذتها بس طبعا اشياء مدروسة عدل .. اي عقار عندك مافي حد يقدر ايقيم وضعة غير المالك تبعة والي فاهم السوق عدل وانا اتذكر درست بعض الامور اللي عندي وحطيت نفسي مكان الشراي شفت الشي مش مجدي للامانة هل كلام ايام الطفرة طبعا وعلشان جذي صرفت بعض الاستثمارات وكان قرار سليم مية بالمية..... فية اشياء وايد بسوق ماتسوى وفية اشياء تسوى والفرص موجودة بس تحتاج انك اتدور انت بنفسك وذي الافضل.. حاليا سوق الفلل الجاهزة ماشي بس انا ماحب اني ابني وابيع علشان اكون منصف لانة عوار راس وتجمد سيولتك فترة احب اشتري شي واخلية وعقب ابيعة بربح وطبعا مش معناتها ان البناء وعقب تبيع مب زين بالعكس مربح لو بتشتري في اماكن مرغوبة من الناس.. اما العمارات ذي واقف حالها ومضروبة اول نقطة سعرها مرتفع واستثماريا مش مجدية لان فية الافضل بسوق كلامي موجهة للي حق يبي يشتري والتجاري نفس الوضع اشوف وضعة مب اوكي لان عطو شوارع تجارية كثيرة فا معرالوقت بتنزل اسعار المحلات مع ان شفت محلات تاجرت على 15 الف للباب بكذا مكان يعني يضل مش رخيص .. كل وقت لة ظروفها ومتطلبات السوق هي اللي تحكم واقصد العرض والطلب موفقين جميعا.

[بوجبر]

تسجيل 241 صفقة عقارية و 79 معاملة رهن بمختلف مناطق الدولة

تسجيل 36 صفقة في منطقة اللؤلؤة والقصار بأكثر من 75 مليون ريال

قطاع العقارات يواصل نموه النشط في مختلف مجالاته الاستثمارية والتجارية

بلديات أم صلال والريان والدوحة تتصدر التداولات الأكثر نشاطاً

بلغ حجم تداول العقارات في عقود البيع المسجلة لدى إدارة التسجيل العقاري بوزارة العدل خلالشهر يونيو 2019(1.306.149.749)مليار ريال.

وأظهرت بيانات النشرة العقارية التحليلية الشهرية تسجيل عدد(241) صفقة عقارية خلال الشهر. وشملت حركة التداول عمارات وأراضي فضاء منها متعددة الاستخدام ومساكن.

وتصدرت بلديات أم صلال، والريان، و الدوحة،التداولات الأكثر نشاطا من حيث القيمة المالية، تلتها في أحجام الصفقات بلديات الظعاين، والوكرة، والخور والذخيرة، والشمال، والشيحانية. ولوحظ ارتفاع مؤشر المساحات المتداولة لشهر يونيو بنسبة 17 % مقارنة مع شهر مايو السابق.

وبلغت القيمة المالية لتعاملات بلدية أم صلال (393.123.139) مليون ريال، فيما بلغت القيمة المالية لتعاملات بلدية الريان (381.949.880)مليونريال، وبلغت القيمة المالية لتعاملات بلدية الدوحة (301.501.407) ملايين ريال، وبلغت القيمة المالية لتعاملات الظعاين(134.860.617)مليون ريال، فيما سجلت بلدية الوكرة (64.635.188) مليون ريال، وسجلت بلدية الخور والذخيرة تداولات بقيمة (22.399.370)مليون ريال، وسجلت بلدية الشمالتداولات بقيمة (5.220.167) مليون ريال، وسجلت بلدية الشيحانية تداولات بقيمة (2.459.981) مليون ريال.

ومن حيث مؤشر المساحات المتداولة، تظهر المؤشرات أن بلدية أم صلالسجلت أكثر البلديات نشاطا لمساحات العقارات المتداولة خلال شهر يونيوبنحو (48 %)، تلتها بلدية الريان بنسبة (23.1 %)، فيما سجلت بلديةالدوحة(13.2%) ، ثم بلدية الظعاين بـ (6.9 %) ، وبلدية الوكرة بنسبة (4.9 %)، و الخور والذخيرة بنسبة (2.6 %)، وأخير الشيحانية بنسبة (0.3 %).

ومن حيث مؤشر عدد الصفقات (العقارات المباعة)، أظهرت مؤشرات التداول بأن أكثر البلديات نشاطًا خلال شهر يونيو لعدد العقارات المباعة بلدية الريان بنسبة (41 %) ، تلتها بلدية الدوحةبنسبة (17%) ، ثم بلدية الظعاين بنسبة (14 %)، تلتها بلدية أم صلال بنسبة (11 %) ، ثم الوكرة بنسبة ( 9%)،وبلدية الخور والذخيرة بنسبة (5 %)، ثم بلدية الشمال بنسبة (2 %)، والشيحانية بنسبة (1 %) .

وتراوح متوسط أسعار القدم المربع لشهر مايوما بين (361 - 776) في الدوحة، و(262 - 430) في الوكرة، و (382 - 434) في الريان، و (237 - 332) في أم صلال، و(299 - 462) في الظعاين، و (177 - 280) في الخور والذخيرة، و (128) في الشمال.

وكشف حجم التداول عن تسجيل أعلى قيمة عشر عقارات مباعة لشهر يونيو في كل من بلدية الريان بمعدل أربععقارات، وعدد ثلاث عقارات في كل من بلدية الدوحة وبلدية أم صلال.

وفيما يخص حركة تداول الرهونات التي تمت خلال شهر يونيو 2019، فقد بلغ حجم معاملات الرهن التي تمت خلال الشهر (79) معاملة رهن،بقيمة إجمالية بلغت (2.653.242.831) مليار ريال. وسجلت بلدية الريان أعلى عدد في معاملات الرهن بعدد (36)، أي ما يعادل 45.6% من إجمالي عدد العقارات المرهونة، تلتها بلدية الدوحة بعدد (29) معاملة، أي ما يعادل 36.7% من إجمالي عدد العقارات المرهونة، ثم بلدية أمصلال بعدد (4) معاملة، وهو ما يعادل (5.1 %) من إجمالي العقارات المرهونة، ثم بلدية الوكرة بعدد (4) معاملات، أي ما يعادل 5.1% ، من إجمالي عدد العقارات المرهونة ، وأخيرا بلديات الظعاين و الخور والذخيرة والذخيرةبعدد (2) عقارات مرهونة لكل من البلديات ما يعادل (2.5 %).

وبتتبع حركة وحجم معاملات الرهن التي تمت خلال شهر يونيو نجد أن بلدية الريان سجلت أعلى (7) عقارات مرهونة، وبلغ حجم معاملات الرهن لأعلى 10عقارات 75% من القيمة الإجمالية لجميع معاملات الرهن التي تمت خلال شهر يونيو.

وبالنظر إلى مؤشر حركة عمليات الرهن من خلال دراسة نسبة عدد العقارات المرهونة إلى نسبة قيمتها المالية، نجد أن نسبة عدد العقارات المرهونة أكبر من نسبة مبالغ معاملات الرهن وذلك في كافة البلديات التي شهدت معاملات رهن ما عدا بلديتي الريان وأم صلال، حيث نجد أن مبالغ معاملات الرهن حققت نسبة أعلى قياسا إلى معدل عدد عمليات الرهن.

وفيما يخص حركة التداول بمنطقة اللؤلؤة والقصار، فقد سجلت خلال شهر يونيو استقرارا في حجم التداول مقارنة بشهر مايو الفائت، حيث بلغ عدد الصفقات (36) صفقة للوحدات السكنية التي شملتها عمليات البيع والشراء، بقيمة إجمالية بلغت (75.739.231) مليون ريال.ويلاحظ انخفاض عدد أيام التداول بشهر يونيو مقارنة مع الشهر السابق حيث بلغ عدد الأيام (14) يوما فقط بينما كان عدد الأيام (22) في الشهر السابق.

وتظهر بيانات التداول العقاري إجمالا خلال شهر مايو، أن قطاع العقارات يواصل نموه النشط في مختلف مجالاته الاستثمارية والتجارية، ويواصل حركة تداوله القوية خلال العام 2019 خاصة مع صدور القوانين ومشاريع القوانين الجديدة المتعلقة بالتملك والانتفاع العقاري. إلى الجوانب القوانين الجاذبة لرأس المال المحلي والأجنبي. كما تؤكد هذه البيانات قوة ومتانة أسس الاقتصاد القطري واستمرار نمو القطاع العقاري كأحد مكوناته الرئيسية.

[حمد911]

ماشاء الله تداولات نشطة

[بوجبر]

ماشاء الله تداولات نشطة

دايما وأبداً خذ من المصدر الحكومي الموثوق

[حمد911]

اكيد يابوجبر المصدر الحكومي هو المرجع الاساسي لحركة التداولات العقارية ..

[حمد911]

بوجبر ماشاء الله شغل الملاحق ماشي بشكل قوي وسوقهم حلو..

[بوجبر]

بوجبر ماشاء الله شغل الملاحق ماشي بشكل قوي وسوقهم حلو..

ياسلام ع عقارات الدوحة

حاليا تؤجر غرفة مطبخ وحمام يكرم القارء بين 2200 و 2500 ريال،،،

والبعض يقول الايجارات نازلة:omg:

[bo_hamad]

العلم عند الله اخوي والتوفيق للجميع