شركة لموزين

[ذيب ازغوى]

يالربع عندكم نصايح لاني ابي افتح شركة لموزين*
وعندي واحد من الشباب وياجر الاستيكر على السواقين بسياراتهم تنصحوني فيه وهل هاي قانونيه ويكون الموتر بسمه

[Dana’1]

الي أعرفه لازم سجل تجاري مكتب تأجير سيارات بسائق ( لموزين ) يعني ما تقدرون تأجرونها بدون سايق
والسيارات لازم تكون بإسم هالشركه .. لانهم يطلبون إثبات ملكية المركبه
طبعا غير التأمين والافضل شامل
ولازم موديل السيارت جديده اظن موديل السنه او سنتين من تقديم الطلب شي زي كذا

واستفسر أكثر من المرور

بالتوفيق

[aloosh]

لازم سجل خاص بالموزين وتسجل سيارات على شركه معا سايق

[ذيب ازغوى]

يعني لو حصلت ناس برع يبون يشتغلون بعقد بيني وبينه ماراح اقدر ؟!

[eXpert*]

يعني لو حصلت ناس برع يبون يشتغلون بعقد بيني وبينه ماراح اقدر ؟!

أعتقد اللي فهمته كالتالي :

أن تشتري السيارة بأسم شركة الليموزين ، وتأجرها على سائق مب على كفالتك وبينك وبينه عقد يلزمه بمبلغ إستئجار شهري أو نسبة للسيارة .
طبعاً إذا كان السائق شاطر ومتمكن راح ترتاح معاه ،، لكن إن كان سيء وما يحقق إيرادات وراعي مشاكل ممكن يدمر لك السيارة ويترك لك السيارة بمخالفاتها .

اذا في شئ خطأ أرجو من الجميع التصحيح .

[Rider]

لا ياخوي تعرف التاكسي لي نقول عنها خاصه هذا يروح شركة لموزين واجر الاستكر مقابل مبلغ مالي كل شهر طبعا السياراة تابعة لشخص نفسه وتشوف سيارات قديمة وانا اقول ليش كثرت اللموزينات في الشوارع لا وهو يطق لك هرن يعني تحايل جديد

[حليتان*]

الموضوع قديم وصار له كم شهر

قول حق رفيجك اذا ماله بعوار الراس يبعد عن هالموضوع
نصيحه اخويه