عض أصابع يد أبوك

[أبو سعود]

يوم أمس ذهبت إلى المسجد وكان معي

أبني الصغير لأداء صلاه المغرب

وبعد خروجنا من المسجد تقابلت مع مجموعه

من المصلين و أحدهم على طول قال لأبني الصغير

لا تصلي وعليك هذا القميص لأن بها

صوره طير

وأذا أردت أن تصلي وعليك هذا القميص

لازم تجعل الصوره من الداخل أي تلبس

القميص وهو مقلوب

وقال لأبني وهو يمزح معه

واضح أن أبوك ما علمك هذا ولازم عليك

أن تعض أصابع يد أبوك


لا أدري لماذا هذا التشدد من قبل البعض

وهل الولد سيعبد الله أم سيعبد صوره الطير

بالمسجد


وأذا كان هذا الشخص وأمثاله من المتشددين

فلماذا لا يشددوا ويركزوا على الأنتقادات من

الوسائل المحرمات الدينيه الأساسيه التي تنتشر

في البلاد هنا و هناك ( كالخمور و الربا )


ولماذا هو و أمثاله من المتشددين لا يعضوا

أصابع أيدي من ( يتعامل و يشجع ) هذه

المحرمات دينيآ كالخمور و الربا

[Dana’1]

سبحان الله صدق الناس أجناس و الاسلوب أحيان يخون صاحبه حتى لو النيه طيبه!

الله يرحمه إمام مسجدنا بالجبيل كان يشتري الحلويات ويوزعها على الأطفال ويمدحهم قدام الكل بس لانهم صلوا بالمسجد أوويثني عليهم قدام الاب وكيف ان يحق له يفتخر فيهم


رغم إن أبوي الله يحفظه مو تارك عليهم قاصر من اخذهم و التشجيع بالكلام الطيب وغيره

بس لما تجي من إمام مسجد وقدام الأغلب كان لها شعور ثاني في نفس الاطفال

الحين هم رجال ماشاءلله بس ما زال يذكرونه بالخير ترك أثر طيب في نفوسهم و يحبونه فعلارحمة الله عليه

الاطفال بالذات لازم الواحد يضبط كلامه ويوازنه قدامهم بالذات اذا يتكلم عن الطفل نفسه أو عن أهل الطفل

[معماري قطري]

جزاه الله خير اللي نصحك وداعب ولدك والمفروض ما نستهين بهذي الأُمور ما دامت محرمة

[راجي الْعفو]

أبد ما فيه تشدد ومن خلال كلامك يظهر انه مازح ولدك

يعني تلطف في المعاملة

اما ان كنت تقصد تنبيهه على الصورة فهو على حق

لانه لايجوز ان نلبس ملابس فيها صور ذوات ارواح

ولا حتى نصلي فيها


والتشدد ان الشخص يزيد عن المشروع
أما من أتى بالمطلوب شرعا فهذا مب متشدد

[nooora]

يعطيك العافيه اخوي على هذا الطرح
ومثل ما تفضلت ان كان يمزح مع ولدك ولكن عدل كلامه عن الصور على القمصان
ولكن ان يقول له ان يعض اصابع يد ايوك الولد ما يفهم هاللغز ومب حلوه قدام الولد توجه نصيحه للأبو
اهم شي اسلوب في النصيحه

[بومحمد المطاوعه]

جزاك الله خير ياخوي

لاتتضايق ان كان نصح ابنك بالمزح
واركز على كلمه المززززح

اما لو هاجمك ولاهاجم الأبن امام الناس ولفت انظارهم
هذي ماتعتبر نصيحه
تعتبر فضيحه

وبشكل عام لايجوز اي مصلي يلبس ملابس فيها صور ويصلي فيها

بعض الناس للأسف تحصله لابس فانيله ولا كاب فيها صور مصارعين ويصلي ولا يبالي بهذا الأمر ,,

احنا داشين نصلي لله تعالى المفروض نلبس افضل اللبس عندنا
مب اتعس اللبس ..

حدث ولاحرج في صلاة الجمعه تحصل الي لابس بجامه نوم والي لابس جلابيه والي لابس وزار

ولو عنده مقابله مع مدير ولا مسؤول في دوامه لبس الكبت كله واحسن الملابس


الله يهديهم هالفئه

[جفى الجوارح]

الرجال صادق وفعله ما اشوف فيه تشدد, حب ينصح ولدك وينبهه أمامك لمصلحته

اتمنى تاخذ بنصيحته

لا تتهاون في أمر الصلاه

والله يحفظ لك ولدك ويجعله من عباد الله الصالحين

[السكين]

الدين النصيحة !

ولكن أن تنصح بأسلوب دون تجريح أو تلميح أو إحراج للشخص ..

أذكر مرة بصلاة التراويح أتوا ناس متأخرين عن الصلاة واقاموا صلاة العشاء جماعة أثناء تأديتنا لصلاة التراويح ..
بعد ما انتهى الأمام وسلم على اليسار بسرعة رهيبة وبعصبية وقف والتفت للخلف وقال للمصلين اللي قاعدين يصلوا ..صلاتكم غير مقبولة !! حتى قعد يتكلم لمن انقطع نفسه وهو يخاطبهم من سرعة وكثرة كلامه !!

يا أخي إلتمس لهم عذر أنهم غير عارفين الحكم في الصلاة ، وانتظرهم يخلصوا .. وخاطبهم بأسلوب راقي .. وبتوصل المعلومة بالرضا والمودّة ..

أنا دائماً أتكلم عن الانفعال في الخطب حتى لو كانت القضية القدس أو الاحتلال أو مكة أو أي قضية تمس الإسلام حتى..لأنه أكيد يمكن يسمعها أو يشوفها غير مسلم أو شخص غافل.. وبصراحة هالشي ممكن ينفّر الناس من الإسلام أو التوبة .. ولنا في قصة اللي قتل 99 نفس أكبر مثال .

الله المستعان .. عموماً بدري جداً على طفل أن تقول له حرام .. وكان الأولى أن يقول لأبوه !

[بومحمد المطاوعه]

الدين النصيحة !

ولكن أن تنصح بأسلوب دون تجريح أو تلميح أو إحراج للشخص ..

أذكر مرة بصلاة التراويح أتوا ناس متأخرين عن الصلاة واقاموا صلاة العشاء جماعة أثناء تأديتنا لصلاة التراويح ..
بعد ما انتهى الأمام وسلم على اليسار بسرعة رهيبة وبعصبية وقف والتفت للخلف وقال للمصلين اللي قاعدين يصلوا ..صلاتكم غير مقبولة !! حتى قعد يتكلم لمن انقطع نفسه وهو يخاطبهم من سرعة وكثرة كلامه !!

يا أخي إلتمس لهم عذر أنهم غير عارفين الحكم في الصلاة ، وانتظرهم يخلصوا .. وخاطبهم بأسلوب راقي .. وبتوصل المعلومة بالرضا والمودّة ..

أنا دائماً أتكلم عن الانفعال في الخطب حتى لو كانت القضية القدس أو الاحتلال أو مكة أو أي قضية تمس الإسلام حتى..لأنه أكيد يمكن يسمعها أو يشوفها غير مسلم أو شخص غافل.. وبصراحة هالشي ممكن ينفّر الناس من الإسلام أو التوبة .. ولنا في قصة اللي قتل 99 نفس أكبر مثال .

الله المستعان .. عموماً بدري جداً على طفل أن تقول له حرام .. وكان الأولى أن يقول لأبوه !

على طاري صلاة التراويح

اذكر مره من المرات طفل في العمر العاشره من عمره

عنده جوال ايفون وكل اشوي يصيح التلفون فالصلاه

اول مايرن يهوس على الجوال يسكته
المهم خلصنا الصلاه قام شايب الله يذكره بالخير

وافتر وقام يصارخ على الطفل وقاله اطلع برع لاتدخل المسجد !!

الياهل مسكين طلع وانا طلعت وراه كنت مصلي 4 ركعات وعندي شغله ابي اخلصها
اسمع الياهل يكلم امه ويصيح ويقول لها


يممممه كله منج تتصلين لي وانا اصلي
واهو يصيح ودموع وحالته حاله
وقال حق امه والله مب مصلي فالمسيد
ركب سيكله
مسكته على طول قلت له اصبر اشوي اشفيك ليش اتصيح وليش زعلان وليش ماتبي تصلي

يقولي شوف جوالي خربان الزر الي يكتم الصوت وامي تتصل لي كل اشوي
والشايب هاوشني جدام الناس وفشلني والله مب مصلي فالمسيد

واهو يصيح بالقو كأنه احد مكفخه

تركته يروح البيت لكن الحمدلله شفته ثاني يوم في صلاه العصر بس مغير مكانه هههههههه
الحمدلله مب ورى الشايب الله يجزاه خير

هالشايب الله يطول عمره ويحفظه هدم الياهل
والحمدلله ان الياهل ما كرهه المسجد

[السكين]

على طاري صلاة التراويح

اذكر مره من المرات طفل في العمر العاشره من عمره

عنده جوال ايفون وكل اشوي يصيح التلفون فالصلاه

اول مايرن يهوس على الجوال يسكته
المهم خلصنا الصلاه قام شايب الله يذكره بالخير

وافتر وقام يصارخ على الطفل وقاله اطلع برع لاتدخل المسجد !!

الياهل مسكين طلع وانا طلعت وراه كنت مصلي 4 ركعات وعندي شغله ابي اخلصها
اسمع الياهل يكلم امه ويصيح ويقول لها


يممممه كله منج تتصلين لي وانا اصلي
واهو يصيح ودموع وحالته حاله
وقال حق امه والله مب مصلي فالمسيد
ركب سيكله
مسكته على طول قلت له اصبر اشوي اشفيك ليش اتصيح وليش زعلان وليش ماتبي تصلي

يقولي شوف جوالي خربان الزر الي يكتم الصوت وامي تتصل لي كل اشوي
والشايب هاوشني جدام الناس وفشلني والله مب مصلي فالمسيد

واهو يصيح بالقو كأنه احد مكفخه

تركته يروح البيت لكن الحمدلله شفته ثاني يوم في صلاه العصر بس مغير مكانه هههههههه
الحمدلله مب ورى الشايب الله يجزاه خير

هالشايب الله يطول عمره ويحفظه هدم الياهل
والحمدلله ان الياهل ما كرهه المسجد

بالضبط هذا اللي قصدته يا بو محمد والأمثلة كثيرة مثل نوعية هالشايب.

[NeverLand]

وافتر وقام يصارخ على الطفل وقاله اطلع برع لاتدخل المسجد !!

الياهل مسكين طلع وانا طلعت وراه كنت مصلي 4 ركعات وعندي شغله ابي اخلصها
اسمع الياهل يكلم امه ويصيح ويقول لها


يممممه كله منج تتصلين لي وانا اصلي
واهو يصيح ودموع وحالته حاله
وقال حق امه والله مب مصلي فالمسيد
ركب سيكله
مسكته على طول قلت له اصبر اشوي اشفيك ليش اتصيح وليش زعلان وليش ماتبي تصلي

يقولي شوف جوالي خربان الزر الي يكتم الصوت وامي تتصل لي كل اشوي
والشايب هاوشني جدام الناس وفشلني والله مب مصلي فالمسيد

هههه يحليله كسر خاطري


أنا دائماً أتكلم عن الانفعال في الخطب حتى لو كانت القضية القدس أو الاحتلال أو مكة أو أي قضية تمس الإسلام حتى..لأنه أكيد يمكن يسمعها أو يشوفها غير مسلم أو شخص غافل.. وبصراحة هالشي ممكن ينفّر الناس من الإسلام أو التوبة .. ولنا في قصة اللي قتل 99 نفس أكبر مثال .

اتفق معاك بخصوص خطبة الجمعة ..

كفايه انك تتكلم بمايكروفون ليش تصارخ؟

ياخي افرض عندك ناس مرضى بالمسجد وطبلة اذنهم تعبانه ولا فيهم صداع

المعلومة راح توصل بدون صراخ!!