محلات ملابس النساء

[Rider]

في البداية الموضوع يمكن قديم وتكرر بشكل او بأخر وطبعا أتكلم عن محلات بيع الملابس الداخلية للنساء في المجمعات التجارية ممكن بعض الاخوان تكلم عن بيع الرجال في هذي المحلات وطبعا هذا قليل لأني أشوف معظم المحلات لي يبيعون نساء لكن موضوعي ليش مايكون الزجاج الخارجي حق هذي المحلات من النوع المطفي بحيث لي خارج المحل مايشوف لي فيه والله ياخوان منظر مب حلو تشوف ملابس النساء الداخلية وش الهدف والحكمه خلاص المرأة هي عارفه انه محل ملابس داخليه يعني مب لازم الكل يشوف حتى والله بعض النساء تستحي تدخل هذي المحلات والرجال ينظرون لها من الخارج أتمنى يكون هناك وقفه وصادقه وتغير هذا الحال

[الحياة الخالدة]

صدقت أخوي رايدر
عرض الملابس بهالطريقة محرج ويفشل وماله داعي من الأساس
ومنا للجهات المسؤولة .. عل وعسى

[ولد العرب]

فعلا يحرج ويفجر جبهه اللي معي من اهلي اذا مشوا معي
اتعمد اخذ لفه طويله على شانهم ولا اشغل نفسي بالجوال
مهب حاله

[راجي الْعفو]

فعلا يحرج ويفجر جبهه اللي معي من اهلي اذا مشوا معي
اتعمد اخذ لفه طويله على شانه ولا اشغل نفسي بالجوال
مهب حاله

غض البصر يا ولد العرب ^_^


———

مثل هالامور المفروض تكون محسومة
لا ديننا ولا عاداتنا يقرُّون بها

وأتمنى منك مراسلة وزارة الداخلية

[ولد العرب]

غض البصر يا ولد العرب ^_^


———

مثل هالامور المفروض تكون محسومة
لا ديننا ولا عاداتنا يقرُّون بها

وأتمنى منك مراسلة وزارة الداخلية

انت دخلت لفه بقوه ياراجي :weeping:
ماقلت اقزز ولا هوب طبعي قلت على شان بناتي كبروا لاحظت عليهم الاحراج و يتاخرون الخطوه
فهمت علي ياراجي
الداخليه الحمد الله ملمه بالاوضاع وفاهمين امورهم ولهم الثقه مطلقه من الشعب

[راجي الْعفو]

انت دخلت لفه بقوه ياراجي :weeping:
ماقلت اقزز ولا هوب طبعي قلت على شان بناتي كبروا لاحظت عليهم الاحراج و يتاخرون الخطوه
فهمت علي ياراجي
الداخليه الحمد الله ملمه بالاوضاع وفاهمين امورهم ولهم الثقه مطلقه من الشعب

ادري ادري يابواحراج ^_^
والله يخليلك اياهم ^_^

[Rider]

شكرا للردود ياخواني واخواتي لكن من الجهة المسؤلة علشان نكلمهم

[eXpert*]

شكرا للردود ياخواني واخواتي لكن من الجهة المسؤلة علشان نكلمهم

الاقتصاد والتجارة

[Rider]

الاقتصاد والتجارة

سؤال سنين الاقتصاد والتجارة مايعرفون ويشوفون ولا عاجبهم منظر ملابس النسائية