استفسار عن ملاهي فيا لاند تركيا

[كلاسيك قطر]

السلام عليكم ورحمه الله وبركاته ،
أودّ ان استفسر عن ملاهي الاطفال
هل تفتح في الشتاء ام مغلقه او تفتح في ايام محدده سمعت ان فيالاند تفتح يوم السبت فقط في الشتاء
وكم اسعارهم

[monatee]

وعليكم السلام

مفتوحه يوميا من 10 - 10

http://www.vialand.com


ومش مسعره التذاكر في موقعهم ، يمكن الدخول مجاني
او الاسعار متغيره غير ثابته

[ذيب ازغوى]

مفتوح طول الايام ومكان حلو وبتستانس فيه
ومن مميزاته في مجمع وماركات وسوق يعني ممكن تروحون له الصباح ماترجعون الا المغرب وتسعيرته ان ماخب ضني حول ال 30 ليره وللعلم في مطعم عربي هناك في المجمع قبل لاتدخل الملاهي ان اقترح تدخل الملاهي وعقب ممكن تجلس فب المجمع

[qatari911]

متنزه ذا لاند أوف ليجندز الترفيهي

https://www.booking.com/hotel/tr/the-land-of-legends-theme-park.ar.html

فندق وملاهي مناسبة للاطفال والعائلة

[كلاسيك قطر]

الف شكر لكم على المعلومات وبارك الله فيكم

[الكواري 1972]

روعه شي من الخيال

[ضوى]

انطاليا لو يقولون لي بنعطيج فلوس وروحيها ماطبها مرة ثانية

[qatari911]

انطاليا لو يقولون لي بنعطيج فلوس وروحيها ماطبها مرة ثانية

ضوى ممكن اعرف ليه ما عجبتك
لاني مارحت لها بس حاطها من ضمن المخطط في سفرتي الجايه
وعندي ناس يمدحونها وناس يذمونها بس محيطي يمدحونها اكثر
ردك بيخليني اروح مخصوص للفندق هذا فقط وارجع واكنسل استكشاف انطاليا

[QtrGate]

انطاليا لو يقولون لي بنعطيج فلوس وروحيها ماطبها مرة ثانية

بالعكس انا اشوف أنطاليا من اجمل المناطق في تركيا
خصوصا شهر ثلاثه ورابعه

الجبال كلها ثلوج
والجو عجيييب
والسوق القديم والبازار
واحلى شي الشلالات وَيَا مكثرها

[Bomohd]

تقريبا مائة ليرة للشخص

[qatari911]

بالعكس انا اشوف أنطاليا من اجمل المناطق في تركيا
خصوصا شهر ثلاثه ورابعه

الجبال كلها ثلوج
والجو عجيييب
والسوق القديم والبازار
واحلى شي الشلالات وَيَا مكثرها

الظاهر تجربة الاخت ضوى كانت سيئه في انطاليا علشان كذا ماتبي ترجع لها

وعلى كلامك وكلام الي عندي حطيتها من ضمن الجدول
شاكر لك ردك

[كلاسيك قطر]

شباب انا شفت السعر 10 ايام في فندق فيا لاند
غالي

[ضوى]

ضوى ممكن اعرف ليه ما عجبتك
لاني مارحت لها بس حاطها من ضمن المخطط في سفرتي الجايه
وعندي ناس يمدحونها وناس يذمونها بس محيطي يمدحونها اكثر
ردك بيخليني اروح مخصوص للفندق هذا فقط وارجع واكنسل استكشاف انطاليا

نعم تجربتي سيئة جدا معاهم ، رحتها بشهر 6 اواخر ستة تقريبا ، كانت حر مووووووت ، وشفنا مناظر غير لائقة بالفندق كان كله سياح روس ولووووعة ومانقدر نطلع من غرفنا ، والغرف حااااارة موووت وبالليل يقللون تبريد المكيفات يقولون عشان الكفاءة خسنا من الحر ، والشمس حااااارة احترقنا بالمسبح ، كنت حاجزة فيها خمس ايام ماكملنا ثلاثة حجزنا على ابانت بدالها تجربة بايخة ادفع فلوس عشان اخيس من الحر اللي ببلادي ببلاش :court:

[khaldoon]

الاسبوع الماضي كنت في فيلاند.... التذكره ب 139 للكبار و 129 للصغار اقل من 12 سنة....لو عندك اطفال اقل من 12 سنة بقليل خلي معاك صورة من جواز السفر تثبت ذلك احتياط لو مشكوك بعمرهم ....تنفعك في التذاكر للمتاحف بعد

جميله جدا تقضي فيها اربع خمس ساعات......بس كنت اتوقعها اجمل من الدعاية اللي انعملت لها..... في محلات منتشره باسطنبول هي توصلك للفيلاند ببلاش بس انت تروح عندهم الساعه 9 او 10 او 11 و الرجعه الساعه 7 او 8 او 9 مساء

[khaldoon]

نعم تجربتي سيئة جدا معاهم ، رحتها بشهر 6 اواخر ستة تقريبا ، كانت حر مووووووت ، وشفنا مناظر غير لائقة بالفندق كان كله سياح روس ولووووعة ومانقدر نطلع من غرفنا ، والغرف حااااارة موووت وبالليل يقللون تبريد المكيفات يقولون عشان الكفاءة خسنا من الحر ، والشمس حااااارة احترقنا بالمسبح ، كنت حاجزة فيها خمس ايام ماكملنا ثلاثة حجزنا على ابانت بدالها تجربة بايخة ادفع فلوس عشان اخيس من الحر اللي ببلادي ببلاش :court:


في تركيا يوفرون وايد في الكهرباء و الماء..... كل شي ماشي على السيسنر... الحنفيات ..... الاضاءات في الحمامات الله يعزكم و في كل مكان ...اللوبي في الفندق مكيف.... اما الممرات بين الغرف في الطوابق فهي غير مكيفه اصلا و لا فيها تكييف..... تنام التكييف شغال....تصحى من الحر و تلاقي التكييف مغلق...يتحكمون بالتكييف و يطفونه من عندهم و يكذبون انهم ما سووا شي وانه الثرموستات هي اللي تطفي التكييف..... لو لقيت نفسك ما تقدر تنزل درجة حرارة المكيف اعرف انهم يتحكمون فيه..... كلهم يسوون نفس الشي....

بهدلهم يسمعون الكلام و يحترمون انفسهم