صديقتي وأحبها بس وايد توسوس

[الحياة الخالدة]

السلام عليكم ورحمة الله
صبحكم الله بالخير
أتوقع معظمنا صادف ناس من النوع اللي يوسوس بخصوص شي معين .. سواء صحته ، نظافته ، نظافة الناس ، علاقته مع الناس ( إلا فلان قال ، إلا فلان أكيد يقصدني ، إلا فلانة نيتها شينة ) .. وغيرهم من أنواع القلق والوساوس

بعض القلق والوسواس عادي ويمكن يكون موجود عند وايد منا
لكن البعض الآخر مبالغ فيه ( وحتى لو لم يصل للوسواس المرضي )
وعلى كثر ما الواحد فينا يحاول يهدي الطرف الآخر ويشرح له ويطمنه .. ويبين له .. إلا أن القلق والحنة والمحاتاة يستمرون ويستمرون ويستمرون
اللي شوي علاقتك فيه مب ذاك الزود عادي تبتعد عنه وتفك عمرك
لكن البعض القريب منك واللي ما ودك توخر عنه أو تقسى عليه بالكلام أو المعاملة .. ما يهون عليك

شالحل معاهم ؟؟ انتو شخصياً هل مرت عليكم مثل هالحالات .. وشلون تصرفتوا وياهم ؟؟

جزاكم الله خير على الردود مقدماً

[nooora]

مشكورة على هذا الطرح الطيب
اولا : الوسواس والله اعلم غالبا تكون من العين او حسد او ربما سحر، ويقولون ان احيانا تكون وراثيا،،،
علاجه ان يكثر من قراءة ايه الكرسي واخر ثلاث سور دبر كل صلاة خاصه ف الاذكار صباح ومساء ..
وهناك اذكار مثل أعوذ بكلمات الله التامة من كل شيطان وهامة ومن كل عين لامة..
ثانيا: كيف ودنا ننصحه ممكن نرسل لهم مقاطع من يوتيوب بهذا الموضوع وعن كيف ينظر للعالم بالايجابيه ... لان اغلب الناس ما يحبون النصيحه،، ما يحبون يعترفون بمشكلتهم بل يدافعون عن انفسهم ويلومون الاخرين ،،
وفي بعض هداهم الله يمكن عايش بين الذئاب والمنافقين فكل ما يشك في شخص يطلع شكه صحيح بعدين يفسره ان هذه فراسه فيصبح يشك في كل شخص حوله ...
الله يصلح حال الجميع ويذل دول الحصار

[نفسي عزيزه]

مشكورة على هذا الطرح الطيب
اولا : الوسواس والله اعلم غالبا تكون من العين او حسد او ربما سحر، ويقولون ان احيانا تكون وراثيا،،،
علاجه ان يكثر من قراءة ايه الكرسي واخر ثلاث سور دبر كل صلاة خاصه ف الاذكار صباح ومساء ..
وهناك اذكار مثل أعوذ بكلمات الله التامة من كل شيطان وهامة ومن كل عين لامة..
ثانيا: كيف ودنا ننصحه ممكن نرسل لهم مقاطع من يوتيوب بهذا الموضوع وعن كيف ينظر للعالم بالايجابيه ... لان اغلب الناس ما يحبون النصيحه،، ما يحبون يعترفون بمشكلتهم بل يدافعون عن انفسهم ويلومون الاخرين ،،
وفي بعض هداهم الله يمكن عايش بين الذئاب والمنافقين فكل ما يشك في شخص يطلع شكه صحيح بعدين يفسره ان هذه فراسه فيصبح يشك في كل شخص حوله ...
الله يصلح حال الجميع ويذل دول الحصار


عجبني هذا الرد الراقي

فعلا كلامج صحيح

[حمــد]

والله هالنوعيه ما احبها .. لانه بالنهايه وسواسه القهري بخليه يشك فيك للأسف هاذا واحد وثانيا بتبتلش معاه يعني بتصير انته المنبه ماله بكل تصرفاته او السكرتير ماله كل كبيره وصغيره بيعتمد عليك لانه الوسواس بيحوله لشخص ماعنده جرءه او يخاف من اي خطوه يخطوها بيصير اتكالي والمشكله الاهم انه بنرجع بالنهايه للنقطه الاولى انه بعد كل هذا يشك فيك .. هاي رايي من تجارب مرت علي يمكن اكون مخطاء او فهمت الموضوع خطاء الله اعلم

[معماري قطري]

بنتي تمسك مقابض البيبان بكلينكس :cry2:

[هيليوم]

في طريقة جيدة لمواجهة الوساوس وهي ان الشخص يخضع الأفكار اللي تجيه للتفكير المنطقي والأفكار الوسواسية غالبا ما تكون منطقية وبالتالي يضعف تأثيرها ويسهل عليه الخروج من اطارها ، راح يكون فيها صعوبة في البداية لكن مع الوقت بيتحسن الوضع

[الحياة الخالدة]

صبحكم الله بما يسركم ويرضيه
جزاكم الله خير على مشاركاتكم وردودكم الطيبة
لي عودة بإذن الله

[ضوى]

اعرف واحدة وقريبة وايد وسواسية درجة كبيرة ، لدرجة انها ما تاكل بملاعق البيت كله بلاستيك ، وتشم الاكل قبل لا تاكل وتمسك مقابض البيبان بكلينكس وتعقم اليد اول باول وحمامها الله يعزكم محد يدشه ، عزمتنا مرة على بيتها طفرتنا وهي تقول لا توضخون اهني امسكوا عيالكم لا يمشون عالزولية خدمكم خل يقعدون عالبلاط ، اخر شي قلت لها غلطان اللي يقبل عزيمتج ذليتينا قالت ومن قال باعزمكم اول واخر مرة ههههه ، الف مرة قلت لها ذي مرض ولازم تتعالجين جذي مب زين بتتعبين ، حمامات عمومية ماتدخل ، تحبس نفسها عادي 24 ساعة تضر نفسها لكن ماتتنازل ، الله يعينها على نفسها والله يعينج اختي الحياة على هالنوعية خاصة اذا كانت قريبة

[وليف الشوق]

موضوع مميز وله ابعاد كثيرة وتشخيصه صعب من الناحية النفسيه والعلميه وحتى ان كانت مرضيه او وجود مس او عين لا سمح الله وانا من الناس واعترف اني مسوس كثير لدرجة اذا جاتني سخونه او الم او عوار بمكان معين تخيليت ان الموضوع مرض خطير ومرات اجاهد اروح الطبيب وانا في قلق وتوتر لين اشوف نتيجه فحص الطبيب السريري او فحص المختبر ولما اروح الطبيب القى ان الموضوع اقل من العادي وانا الموضوع يحتاج علاج 3 ايام فقط او احالة لوجود امر معين انك اكلت شي مثل الدسم او كثرت من الفلفل او او او وكثير من الاحيان اصبر على العرض الصحي ولا اروح الطبيب عشان مااكتشف ولا اتفاجاءه بشي او بنتيجه ممكن يغمى علي لكن انا عالجت موضوع الوسواس بنفسي بدون طبيب او الاستعانه في احد ان اي شي يصير فيني احط اقل الاحتمالات وان الموضوع عادي ومع التطور في مجال الطب او حتى الاعشاب راح يزول العارض المرضي ولا يشترط الوسواس في المرض وانما في امور اخرى مثل وجود موضوع معين قد يخيفني ولكن الوسواس حسب تجربتي ممكن يؤدي الى وجود مرض القولون وااللي لازم نبتعد عن موضوع الوسواس بأي طريقة سواء كانت بالاستغفار او الدعاء او ايجاد اقل النتائج العكسية وان احط في بالي ان الموضوع عادي وان لكل مشكله حل

[وليف الشوق]

اعرف واحدة وقريبة وايد وسواسية درجة كبيرة ، لدرجة انها ما تاكل بملاعق البيت كله بلاستيك ، وتشم الاكل قبل لا تاكل وتمسك مقابض البيبان بكلينكس وتعقم اليد اول باول وحمامها الله يعزكم محد يدشه ، عزمتنا مرة على بيتها طفرتنا وهي تقول لا توضخون اهني امسكوا عيالكم لا يمشون عالزولية خدمكم خل يقعدون عالبلاط ، اخر شي قلت لها غلطان اللي يقبل عزيمتج ذليتينا قالت ومن قال باعزمكم اول واخر مرة ههههه ، الف مرة قلت لها ذي مرض ولازم تتعالجين جذي مب زين بتتعبين ، حمامات عمومية ماتدخل ، تحبس نفسها عادي 24 ساعة تضر نفسها لكن ماتتنازل ، الله يعينها على نفسها والله يعينج اختي الحياة على هالنوعية خاصة اذا كانت قريبة


هههههههههههههههه عندنا وعندك خير وهذا واحد من ربعي مثل حالة صديقتك ويمكن اكثر منها وياويل سواد ليل اذا الواحد مزكم عنده او يكح هههههههههههههههه

[ورد الدوحه]

أعرف وحدة جذيه وسواسية في كل شي لدرجة ان الاكل من الجيران ماتاكله على طول اتقطه والا تطرشه لنا:cry2:

[وليف الشوق]

[QUOTE=ورد الدوحه;10624916]أعرف وحدة جذيه وسواسية في كل شي لدرجة ان الاكل من الجيران ماتاكله على طول اتقطه والا تطرشه لنا:cry2:[/QUOTE







ههههههههههه ربي يشفيها ويعافيها اجلا" غير اجل

[الحياة الخالدة]

حياكم الله جميعاً ونسأل الله العافية والشفاء لكل من يعاني سواء هو صاحب المشكلة أو مصاحب له

المشكلة تكمن في الناس اللي ما تعترف بوجودها لديهم أصلاً
وفي هالحالة أكيد ما راح يسعون لإيجاد حل لها
يعني أنا أقضي وقت طويل وأبذل مجهود في الكلام والإقناع بشتى الوسائل .. حتى أصل لدرجة يبين منها أن هذا الشخص خلاص اقتنع
لكن يرد ينتكس ونرد وكأن كل شي قلناه وسويناه انمحى وتعال ارجع واقنع من جد وجديد

[لبيبة]

وعليكم السلام ورحمة الله وبركاته،

من وجهة نظري، وهالشي صرت أتبعه مع اللي يوسوس ويسمعني وساوسه،

بالذات من هو مقرب مني ويعرف حرصي عليه،

أقول لهم أرفض النقاش في هالموضوع بالذات،

ولا أبي أسمع عنه أي كلمة،

لأني سبق وتناقشت معاكم عنه ووضحت لكم ان الاستمرار في مسار التفكير هذا غلط،

او ان السلوك هذا غلط وغير مقبول،

اشوف الطريقة ناجحة من ناحية اني ارتاح من رؤية او سماع السلوك او التفكير هذا،

ومن ناحية ثانية، بتحجيم الحديث عنه وعدم اعطائه مكانة كبيرة في الحياة،

يتقلص ويندثر بسبب شعور الشخص الممارس بأنه سلوك غير مقبول او مسار تفكير غير مقبول اجتماعيا،

ادرك تماما ان الواحد ما يقدر يوقف عن التفكير والوسوسة،

بس بعد اقترح على الناس اللي اعرفهم ان يمارسون هوايات مفيدة،

تشغل تفكيرهم ووقتهم بحيث ما يستفرد بنفسه ويستسلم للوسواس.

والله يكون في عون الجميع.

[نفسي عزيزه]

اعرف رجال من يجي حد بيسلم عليه خد او خشم يوخر راسه ويمد اطراف يده ويقول السموحه مريض .. يخاف ان الناس تمرضه

وياخذ الفناجيل بالمجلس بنفسه ويروح عند المغسله يغسلهم عدل مدل وعقب يتقهوى

الله يكافينا شر الوساوس والامراض يارب

[توشيبا]

وعليكم السلام

للحين ماعرفنا صديقتج توسوس من شنو

وسواس عن وسواس يفرق

فيه وسواس يبغي له كي

وفيه وسواس يبغي له اسبوعين مربوط في عزبه

[ورد الدوحه]

[QUOTE=ورد الدوحه;10624916]أعرف وحدة جذيه وسواسية في كل شي لدرجة ان الاكل من الجيران ماتاكله على طول اتقطه والا تطرشه لنا:cry2:[/QUOTE







ههههههههههه ربي يشفيها ويعافيها اجلا" غير اجل

اللهم آمين ....... ويشفي جميع الوسواسيين :looking:

[Chanel]

الحمد لله الذي عافانا مما ابتلاهم فعلا اذا كان هالشخص قريب منك كثير قلبك يعورك عليه وصعب تتعامل معاه ولا يعترف ان عنده مشكله ويشوف ان انت شلون عايش انت موب نظيف
اعرف وحده تروح المستشفى ترجع تبدل ملابسها مقابض الأبواب تنمسح يوميا بالديتول والتليفون بعد والشنطه كل شيء لازم يتعقم وماتحب تعزم حد لأن الناس مش نظيفه
تكسر خاطري والله

[بوخالد911]

الله لا يبلانا.

عندي ربع من هالنوعية
ولا فاد فيهم شي
لا من تعليقات أو نغزات.

الله يصلح أحوالهم.

[هيباتيا]

ترى بعضهم تكون عندهم أمراض نفسية خصوصا اذا اعتقدوا ان غيرهم ينوون الشر ويبون يئذونهم ممكن تكون عندهم البارانويا paranoia اذا تعرفون أحد جذي لازم يتعالج