المسجات السخيفة والمزعجة إلى متى ؟؟

[الحياة الخالدة]

السلام عليكم ورحمة الله وبركاته

مليت من النت والطلعات! اتصل الآن وسولف مع كل اللي بالديرة وبعد ربع جدد من الكويت على ########## 2 ريال/ دقيقة

رسالة وصلت للكثيرين منا البارحة ،، وهي مجرد مثال للرسائل الكثيرة اللي مالها معنى ولا هدف سوى الربح وقل السنع

من يقف وراءها ؟؟ ومن الربحان منها ؟؟ والأهم من كل ذلك : شلون نفتك منها ؟؟؟؟

[ورد الدوحه]

انا وايد توصلني مسجات بس ذيه لين الحين:rolleyes2:

[الحياة الخالدة]

انا وايد توصلني مسجات بس ذيه لين الحين:rolleyes2:
الظاهر يبيله وقت .. طريق سفر من الكويت

[طبيب قطري]

انا مااخلي رقمي بأي مكان اشتري منه اغراض ومع ذلك توصلني تقريبا كل يوم مسجات عروض وتنزيلات، مب من حق اوريدو يوزعون رقمي بهالطريقه..

[Rider]

وصلنا المسج وبصراحة ملينا لين متى يعني لازم اوريدوا تشوف حل اشتر شقق في تركيا في جورجيا انا ماقدرت اشتري في قطر علشان اشترى برى رسائل سخيفة

[fmmja]

انا لاحظت بعد كل عملية سحب من صرافة البنك بعدها بخمس دقايق يوصلني مسج إعلاني
واكيد أغلبكم لاحظ هالشي
وماله الا تفسير واحد ان البنوك يتاجرون بارقامنا لأغراض دعائية بدون إذن مسبق !

[ورد الدوحه]

الظاهر يبيله وقت .. طريق سفر من الكويت

هههههههههههههههه

[الدوحه1]

أفراد ومكاتب يبيعون البيانات الشخصية لمن يدفع أكثر..
مواطنون لـ "الشرق": رسائل الجوال المتطفلة استمرار لانتهاك الخصوصية دون رادع

باتت الرسائل التسويقية عبر الهواتف مصدر إزعاج، ومضيعة للوقت، وتعدياً على خصوصية مستخدمي الجوال، والبعض قد يتكلف ماديا فى حال قام بفتح روابط مرفقة بالإعلان، وهؤلاء العملاء بدورهم يصبون جام غضبهم على شركات الاتصالات باعتبار أنها المسؤولة عن وقف هذه الرسائل طالما أن العميل لا يرغب فى استلامها، مما حدا بشركة اوريدو طرح تطبيق قبل عامين لحجب الرسائل غير المرغوب فيها، ولكن الكثير ممن انزلوا هذا التطبيق لم تنقطع عنهم الرسائل التسويقية كليا، ولم يهنأوا بالنوم لاستمرار تلقيهم رسائل تسويقية وفى أوقات متأخرة من الليل، والبعض الآخر اشتكوا من أن التطبيق لا يعمل بكفاءة.

ورغم صدور قانون حماية خصوصية البيانات الشخصية فى نهاية 2016 فإن بيانات شخصية خاصة بعملاء المحلات التجارية والمطاعم يتم تداولها وتمريرها للمسوقين الذين يريدون الوصول الى زبائن جدد عبر وسيلة سهلة ومنخفضة التكلفة.

المصدر:
https://www.al-sharq.com/news/details/518231

[السيف5]

وصلتني ومسح على طول
انا يالله يالله اكلم ربعي

[Qatar 2030]

اضم صوتي مع الجميع ... الموضوع زاد عن حده ... وانا شخصيا تزعجني مثل هذه المسجات ..

[Dana’1]

هي جات على مسجات ؟!
اتصالات تجي إلاا الفندق الفلاني الا فلتر الماء كلش عاد ولا شركة المكنسه العجيبه إلي انقذت حبيبة منتج المكنسه من بق الفراش ومن زمااان هالشي حاصل!

والله المستعان

[SouthK]

لي موضوع قريب بخصوص الرسايل ذي و طرق التقليل منها و ممكن منع وصولها!!

[مضارب دوسري]

اكره هالمسجات

خصوصا اذا تنتظر مسج الراتب ويجيك هالنوع من المسجات :eek3:

[بوخالد911]

عن طريق أبليكيشن أوريدر بامكانكم التخلص منها.

[ذيب ازغوى]

عطه بلوك وماراح يجيك مره ثانيه

[ناسداك]

ليش تنظر لها من منظار سلبي في ناس تحتاج لهذي المسجات مثل خصوصا عروض البنوك و المستشفيات

[الحياة الخالدة]

ليش تنظر لها من منظار سلبي في ناس تحتاج لهذي المسجات مثل خصوصا عروض البنوك و المستشفيات
حياك الله أخوي وشكراً عالمشاركة
لكن أغلب المسجات مالها داعي وليست كلها ذات فائدة
على سبيل المثال اللي أنا أدرجتها في رأس الموضوع .. شنو الفايدة والمنفعة اللي بنحصلها من وراها ؟؟!! إلا بالعكس ما وراها إلا الخراب
وعلى ذلك فقس الكثير من المسجات
دعايات فاضية وأشياء مالنا خص فيها
ناهيك عن أنها تزعجك وتنتهك خصوصيتك
واللي يبي المفيد ما يعوقه .. يقدر ينزل التطبيق اللي يبيه ويخدمه من أحسن ما يكون

[الحياة الخالدة]

وأشكر الجميع على المشاركات القيمة

[fmmja]

هذي احد المسجات اللي وصلتني اليوم

" عرض خاص لليوم ارسل70,000 رساله نصيه ب 3000 ريال قطري للتواصل ********* "

المرسل : legoqatar

حاجه مستفزه .

[الحياة الخالدة]

هذي احد المسجات اللي وصلتني اليوم

" عرض خاص لليوم ارسل70,000 رساله نصيه ب 3000 ريال قطري للتواصل ********* "

المرسل : legoqatar

حاجه مستفزه .
وانا بعد وصلتني
واتوقع وايد ناس وصلتهم مثلنا

[يمامـة]

الحمد لله ما عادت توصلني مسجات مثل قبل
او لربما اني تعايشت معاها و صارت روتين فما عدت انتبه لكثرتها
او لربما اني حطيت خاصية التنبيه الصامت فما عدت اهتم بالرسايل..
و لكن
اعتقد ان المسجات قل هجومها بشكل عام
الا من أصحاب مكاتب وساطة العقارات اللي يحثوني بطرق شيطانية استثمر ملياراتي
و اشتري شقق في لندن والشيشان و تركيا و.. و... و...

[fmmja]

كم مسج إعلاني وصلكم اخر أسبوعين

هههههههههههههههههه

[R 7 A L]

انا ذابحيني على الوتساب الي يبون مساعدات ومادري هم صاجين ولا حرامية

[الحياة الخالدة]

مب أقل من 7 رسايل دعائية يومياً

[بوخالد911]

انا ذابحيني على الوتساب الي يبون مساعدات ومادري هم صاجين ولا حرامية
99 % نصابين

لو حاب تتبرع
عندك الجمعيات الخيرية

[المزن الرياني]

انا ذابحيني على الوتساب الي يبون مساعدات ومادري هم صاجين ولا حرامية


نفس الحال ومعاي مجموعه كبيره من الربع
لدرجه مرات تجينا نفس الرساله باليوم :con2:

[شيخ القبيلة]

في مسجات تجي وماتعرف ايش الرقم عشان تعمل له بلوك

[Ahmedalhussi]

بيع بيانات الافراد اصبح اشهر هدف لشركات الدعاية والتسويق حتي جوجل فيسبوك والمتصفحات يراقبون المستخدمين ويبيعون الاعلانات اذا تدخل تتصفح موقع لشراء اي منتج تجد اعلانات المنتج تتبعك في اي موقع تدخلة وذلك بسبب التنسيق بين جوجل والاعلانات بالنسبة للاعلانات علي الانترنت حلها برامج ال vpn علي ما اظن .ولا اظن ان رسائل الهاتف يمكن التخلص منها

[SouthK]

في مسجات تجي وماتعرف ايش الرقم عشان تعمل له بلوك

تسوي لهم بلوك عن طريق تطبيق اوريدو

[تاجر كشخة]

برنامج+ messages تقدر تسوي حظر على الارقام الرسائل المزعجة حتى الي تجيك بدون رقم

[حمد 2002]

انا عادي عندي

مسج ماعجبني حذفته ،،

خذوا الموضوع ببساطه ..

تيكت ايزي ،،

[MAZEN37]

انا عادي عندي

مسج ماعجبني حذفته ،،

خذوا الموضوع ببساطه ..

تيكت ايزي ،،

انا يوم يجيني مسج احط يدي على قلبي اخاف يكون مطراش مخالفة رادار حزتها يرتفع الظغط عندي

[حمــد]

المسجات زادت برمضان كلها عروض وشركات انا اساسا ما اشتري منها قبل واذا سالت اوريدو يقولون احنا مالنا شغل بالمسجات هاي تكون من شركات عشوائيا شلون ما لهم شغل وهي شركات قطريه

[fmmja]

المشكلة لو مسحت او حطيت بلوك طلعولك عشرين مسج برقم غير وشركة غير
تعبنا من المسح والحظر بدون فايده
المشكلة توصل بشكل كبير ومستفز يكون الواحد نايم يصحيه صوت مسج إعلاني
واحيانا يكون عندك مسجات مهمه مثل موعد او بعض المسجات البنكيه او مسجات لجهه حكومية
يبيلك مدة تبحث عّنه بين كل المسجات الاعلانيه

الخلاصة

من وجهة نظري هذي الطريقة الدعائية مستفزة نفس اللي يلحقونك عند المولات
و اُسلوب غير حضاري وتسبب ازعاج و مجهولة المصدر وأسلوب رخيص يكرهني في الشركة المعلن لها

انتهى .

كل عام وأنتم بخير