حركة يقوم بها بعض الكاشيرات في المقاهي

[طلعة الروح]

السلام عليكم
اخواني احب احذركم من موضوع صار يتكرر
واحيانا ماننتبه له لكن الموقف صار معاي شخصيا في قهوة في برج التورنيدو اسم المحل attibassi cafe
قمت بطلب عصير سعره ١٩ ريال واعطيت الكاشير وهي قلبينية الجنسية ٥٠ ريال اخذت المبلغ بدون ماترجع لي الباقي وبنفس الوقت طلبت مني خردة ٥٠ على شكل ١٠ ريال للتمويه وتضييع السالفه انا توقعت انها بترجع المبلغ ولكن فعليا اخذت مني ١٠٠ ريال بطريقة النصب والاحتيال وهالجنسيه بالذات حبيت احذركم لاني انا ما انتبهت ولا استوعبت الحركه الا بعد تفكير وتركيز وتشييك خاصة انهم يستغلون الشخص اذا كان مب فاضي او على عجله او اي ثغرة يدخلون بها على العميل لسرقته طبعا انا الموقف قهرني جدا حتى لو المبلغ مب مستاهل كفاية حركة الغش والنصب والله المستعان اتمنى كل واحد يبطل عينه ولا يعرض نفسه لمواقف من هالنوع وياخذ الفاتوره معاه بكل الاحوال عشان يقدر يشتكي على هالعمالة وسرقاتهم وهذا كل الموضوع.

شكرا

[لبيبة]

وعليكم السلام ورحمة الله وبركاته،

شكرًا للتحذير،

شخصيًا أستخدم كريدت كارد في كل كوفي شوب ولازم آخذ الفاتورة.

[طلعة الروح]

اكيد ان استخدام الكردت كارد افضل... لكن اللي في نيته البوق بيبوقك بأي حيلة او طريقة

شكرا اختي لبيبه ع المرور والمشاركة

[طلعة الروح]

تحديث على الموضوع:

تم التواصل مع المطعم بعد وقوع الحادثه بالايميل اللي اخذته من النت وتواصلوا معاي اليوم واعتذروا مني ع الحركه اللي صارت وشكروني لاني بلغت عن الموضوع وخلوني اكلم الكاشيره اللي انكرت وقالت انها سلمتني الفلوس وباقي المبلغ قلت لهم اذا مش واثقين من كلامي بطلوا كاميراتكم وتاكدوا فبلغتني مسؤولة الكوفي وردت ماله داعي وطلبت مني ان ارجع للمحل واستلم باقي المبلغ.
وانا طبعا من باب الامانه حبيت اوصل لكم ان الواحد مايسكت عن حقه ولازم الكل ينتبه حق هالشغلات مهما كانت صغيرة لكن تأثيرها يبقى كبير على الكل.

[بوخالد911]

شكرا للتنبيه.

[مووظف حكومي]

شكراا ع التنبيه

[ya3coub]

تحديث على الموضوع:

تم التواصل مع المطعم بعد وقوع الحادثه بالايميل اللي اخذته من النت وتواصلوا معاي اليوم واعتذروا مني ع الحركه اللي صارت وشكروني لاني بلغت عن الموضوع وخلوني اكلم الكاشيره اللي انكرت وقالت انها سلمتني الفلوس وباقي المبلغ قلت لهم اذا مش واثقين من كلامي بطلوا كاميراتكم وتاكدوا فبلغتني مسؤولة الكوفي وردت ماله داعي وطلبت مني ان ارجع للمحل واستلم باقي المبلغ.
وانا طبعا من باب الامانه حبيت اوصل لكم ان الواحد مايسكت عن حقه ولازم الكل ينتبه حق هالشغلات مهما كانت صغيرة لكن تأثيرها يبقى كبير على الكل.

زين غيرهم يبوقك بعلكمك لا و يلبها ضدك


عن نفسي للأسف انقهر اذا امكاتن بس ياخذ كاش لأن بوكي نادر ما يكون فيه فلوس كلشي بالبطاقه علشان حتى لما اراجع مصروفاتي اتكون واضحه كذا ريال وين راحتو كذا وين الخ.

مشكورة عالتنبيه و هالشي الكل لازم يحاسبله

[العقل المدمر]

أنا من كثر ماسمع عن هالحركات صرت لازم أتأكد من الفاتورة وأعد الخردة
طبعا اللي يتأكد ويعد مراح تطوفه هالحركة عكس اللي ياخذ ويطلع علطول ولا يحط فباله

[khaldoon]

قي عنا جنسية عربيه معروفه بهذه العادة القذره يماطلون انهم يرجعون باقي المبلغ علشان ممكن الزبون يستحي يضل مستني او ينسى ولا ينتبه و لما تذكر التاجر يقولك انا ما رجعتلك المبلغ؟!!!

[قرناس الشمال]

يرجى تقديم شكرى للجهات المختصة لان كثرت حالات النصب والاحتيال والتغافل

[qr95]

مشكوره على التوضيح والتنبيه وفعلاً حنا شعب وخجول

[تلفزيون قطر]

السلام عليكم
اخواني احب احذركم من موضوع صار يتكرر
واحيانا ماننتبه له لكن الموقف صار معاي شخصيا في قهوة في برج التورنيدو اسم المحل attibassi cafe
قمت بطلب عصير سعره ١٩ ريال واعطيت الكاشير وهي قلبينية الجنسية ٥٠ ريال اخذت المبلغ بدون ماترجع لي الباقي وبنفس الوقت طلبت مني خردة ٥٠ على شكل ١٠ ريال للتمويه وتضييع السالفه انا توقعت انها بترجع المبلغ ولكن فعليا اخذت مني ١٠٠ ريال بطريقة النصب والاحتيال وهالجنسيه بالذات حبيت احذركم لاني انا ما انتبهت ولا استوعبت الحركه الا بعد تفكير وتركيز وتشييك خاصة انهم يستغلون الشخص اذا كان مب فاضي او على عجله او اي ثغرة يدخلون بها على العميل لسرقته طبعا انا الموقف قهرني جدا حتى لو المبلغ مب مستاهل كفاية حركة الغش والنصب والله المستعان اتمنى كل واحد يبطل عينه ولا يعرض نفسه لمواقف من هالنوع وياخذ الفاتوره معاه بكل الاحوال عشان يقدر يشتكي على هالعمالة وسرقاتهم وهذا كل الموضوع.

شكرا

:con2:

[شيخــة]

صارت معاي صج حركة غبية منهم

[Charisma]

أحب أنحط بهالمواقف ( مغلطين ف الفاتوره/ نصب بالاسعار ) .. ياخي متعه مابعدها متعه وانت تشوف نقطة التحول من الاستغفال والاستذكاء.. للتمسكن .:yes: