موجة وعواصف الهكر تجتاح الوتسب عندنا فقطر !!

[بريق الحق]

السلام عليكم ورحمة الله وبركاته
تنبيه وتحذير
موجة اختراق للوتسب حاليا 4 من الربع تم اختراق الوتسب عندهم
أتمنى أخذ الحذر والله يحفظ المسلمين يارب

[aloosh]

لا تفتح رابط مجهول المصدر وما راح احد يخترقك
الواتسب محمي من اكبر شركات الحمايه في العالم

[aloosh]

فايروس الهكر اسمه call.me
لا احد يضغط عليه

[aloosh]

بما اني لدي خلفيه في الهكر اليك الشرح

هذا الرابط يسيطر على حسابك في الواتس اب ويتم ارسال رسائل على انها من اريدو انك فزت بمبلغ 200000
وهذي العصابه تم مسك الكثير منهم ولكنهم يعملون طرق اخرى
وعندما تشتكي على الرقم تلقى صاحب الرقم ليس لديه خلفيه عن اي رساله مشبوهه

واكرر واقول لا تفتح اي رابط مجهول المصدر

[محمد سعيد]

الموضوع باختصار عشان تفهمون الموضوع عدل

خلال عملية تسجيل رقمك في الواتس اب , المعتاد والي الكل يعرفه ان شركة واتس اب ترسل رسالة فيها كود لتفعيل حساب الواتس اب طبيعي وبمجرد تحط الكود راح يشتغل الواتس اب في جهازك على رقمك ......................................


موب هني المشكلة !!!!

المشكلة ان مع الرسالة الي فيها الكود رابط عشان تفعل الواتس اب بدون ماتكتب الكود والي عبارة عن 6 خانات!

هذا الرابط اذا دست عليه,,,,, يتفعل الواتس اب

والهكر الي يحط رقمك مثلا وتجيك رسالة من واتس اب فيها الكود والرابط اذا دست على هذا الرابط في الرسالة الي فيها الكود يتفعل الواتس اب عنده

هذا الي طاحوا فيه ربعنا يدوس على الرابط وهو مايدري حق شنو وذي تعتبر ثغرة في الواتس اب نفسه وواتس اب معتمده على ان الناس فاهمين مايدوسون على رابط بدون معرفه

المهم موب هني القصة!!!


----------------

القصة ان قبل التهكير اتصالات الاماراات عملة فيديوهات توعويه لعمل قفل على الواتس اب عشان لاينسرق وانتشر الفيديو بين اهل الامارات

وبعدين طلع علينا فيديو يقول لاتدوس على رابط call.me وقمنا ندخل على الرابط هذا وماشفنا شي وقلنا ماعنده شي وفعلا ماعنده سالفة راعي الفيديو لان استخدم مثال بعيد عن المشكلة يعني لو جاني رابط لبرنامج مادوس عليه ليش ابي انزله المهم ان ضيعنا والناس مافهمت القصة

وبعدها نتفا جئ بالاختراق بواسطة رابط الواتس اب نفسه الي من شركة واتس اب لتفعيل الواتس بالكود والناس ادوس على رابط الكود ويتفعل الواتس اب عند جهاز الهكر

عاد فكروا فيها الحين ليش الامارات قامت تنشر رسايل توعويه للشعب وليش فيديو لادوس على رابط call.me دخل علينا فجأة وضيعنا

الجواب عندكم

[بوخالد911]

ومن ضمنهم الشيخ / أحمد البوعينين

ولكن استرجع حسابه ولله الحمد.

[shadad]

اللي عنده المسج يرسله لي :)

ابي افك الكود واشوف اللي داخل واشوف المصدر اللي بيستلم الكود شنو ( هل هو ايميل او رقم هاتف او او او ). بما اني it وعندي حسب استطلاع.

[سليمان احمد]

ياجماعه الموضوع سهل جدا لتوفير الحمايه لحسابك والخطوات بسيطه جدا ولايقدر احد يخترق حسابك طالما انت

مأمن حسابك عن طريق الاعدادات ثم الدخول الى خيار ( الحساب ) ثم اختيار التحقق بخطوتيين وتحط باسوورد

مكون من ست ارقام وتضيف الايميل وتفعل خاصة ( الامان ) في الخيار الثاني وبهذا يحتاج اي شخص لو سرق

حسابك لاسمح الله بيطلب منه الباسوورد والايميل وهذا طبعا مايقدر كونه مايعرفه وفي نفس الوقت اذا تم اختراق

حسابك سيرسل لك رساله على الايميل بالتنبيه وبطريقة تفعيل حسابك مره اخرى وبهذه الطريقه لايستطيع اكبر

هاكرز اختراق حسابك طالما انك فعلت هالخاصيه ف شركه عالميه مثل الواتس اب لن يكون مستوى الامان لديها بهذه

الهشاشه ليخترق اي احد حسابهم مالم تفعل خاصية الامان حتى لو صغطت على اي رابط ملغوم

[النهار]

معلومات قيمه بارك الله فيكم

[بوخالد911]

ياجماعه الموضوع سهل جدا لتوفير الحمايه لحسابك والخطوات بسيطه جدا ولايقدر احد يخترق حسابك طالما انت

مأمن حسابك عن طريق الاعدادات ثم الدخول الى خيار ( الحساب ) ثم اختيار التحقق بخطوتيين وتحط باسوورد

مكون من ست ارقام وتضيف الايميل وتفعل خاصة ( الامان ) في الخيار الثاني وبهذا يحتاج اي شخص لو سرق

حسابك لاسمح الله بيطلب منه الباسوورد والايميل وهذا طبعا مايقدر كونه مايعرفه وفي نفس الوقت اذا تم اختراق

حسابك سيرسل لك رساله على الايميل بالتنبيه وبطريقة تفعيل حسابك مره اخرى وبهذه الطريقه لايستطيع اكبر

هاكرز اختراق حسابك طالما انك فعلت هالخاصيه ف شركه عالميه مثل الواتس اب لن يكون مستوى الامان لديها بهذه

الهشاشه ليخترق اي احد حسابهم مالم تفعل خاصية الامان حتى لو صغطت على اي رابط ملغوم

خاصية التحقق بخطوتين كنت مفعلها

ولكنها مملة

كل ما تبي تدخل الواتس ، لازم تحط الباس وورد

وبالأخير كنسلتها.

[سليمان احمد]

خاصية التحقق بخطوتين كنت مفعلها

ولكنها مملة

كل ما تبي تدخل الواتس ، لازم تحط الباس وورد

وبالأخير كنسلتها.



كلامك صحيح هو يطلب منك بين فتره وفتره حتى تتعود على الرقم

وتحفظه وانا افضل اني احفظ الرقم واحط الارقم بين فتره وفتره

وأمن حسابي ولايكون حسابي عرضه لتهكير وتنكشف كل خصوصياتي

وانا الان مايطلب مني لانه المقصد تعويدك على الرقم فقط وانت احفظ

في النوت مع الايميل المسجل وريح راسك

[بوخالد911]

اليوم كلمت رفيجي اللي هكروا حسابه في الواتس
سألته كيف استرجعته؟؟
قال لي : حذفت الواتس ورديت نزلته
والمطلوب تحط رقم الجوال لإعادة التفعيل.

وفعلا رجعته.