وين أقدر احصل على ارباحي من مصرف قطر الاسلامي

[bo7asan89]

السلام عليكم

اخواني الافاضل ممكن تفيدوني وين ممكن احصل على ارباحي في مصرف قطر الاسلامي ، اللي سمعته انهم لحد الان يستخدمون البريد هل هالكلام صحيح ؟

شكرا

[مضارب دوسري]

http://www11.0zz0.com/2018/02/25/11/607259377.jpg (https://www.0zz0.com)

[bo7asan89]

بيض الله وجهك اخوي مضارب ع سرعة الرد , بس ياخي انا عندي حساب معاهم ومانزلت لي الارباح عليها !

[مضارب دوسري]

ووجهك اخوي

روح فرع الفنار قبل تاريخ 1 مارس
واستلم ارباحك
يمكن بيانات حسابك مش مسجله فالبورصه

او انتظر لين يطرشونها لك عالبريد (المسجل فالبورصه ) في حال مارحت استلمتها قبل تاريخ 1 مارس

[bo7asan89]

اشكرك اخوي

[أبو~يوسف]

بالمناسبة أيها الفضلاء
أحد استلم أرباح المستثمرين ؟؟؟
رحت بنك الريان قالوا ما نزلوها للحين .

[الزعفراني]

السلام عليكم

كثير من المساهمين مع نهاية كل سنة مالية يحتار مايعرف وين يستلم أرباح اسهم الشركات اللي هو مساهم فيها ..

وعشان الواحد ما يتلعوّز كل نهاية سنه ويقعد يستفسر ويسأل ويوّفر على نفسه المشوار .. قام المصرف المركزي مشكوراً بانشاء

شركة قطر للإيداع المركزي للأوراق المالية .. مهام الشركة وخدماتها كثيرة وتخدم المساهمين .. لمزيد من التفاصيل بحط لكم موقعهم الالكتروني نهاية الموضوع ..

المهم من ضمن الخدمات اللي عندهم .. انك تقدم طلب لتحويل أرباح اسهم كل الشركات اللي انت مساهم فيها على حسابك الشخصي في البنك اللي انت تحدده لهم في

الطلب ..

بحيث كل سنه اي ارباح مستحقة لك في اي شركة انت مساهم فيها .. راح تنزل لك الارباح ويطرشونها على حسابك الشخصي في البنك

المطلوب تراجع البنك اللي فيه حسابك وتقولهم ابي طلب منكم عشان اقدمه لشركة قطر للايداع المركزي .. عقب تاخذ الطلب وتسلمه شركة قطر ..

مكانهم بالضبط في الدائري الثالث وانت قادم من اشارات رمادا باتجاه اشارات محطة الاندلس تعدي الاشارات لين توصل اشارات المنتزة تعدي الاشارات بشوي بيكون

المبنى على يدك اليمين أول مبنى .. واللي مايدل المكان يبحث في قوقل ماب ( شركة قطر للايداع المركزي ) ويظهر له اللوكشن مالهم ..

وهذي أرقام تواصلهم :

شركة قطر للإيداع المركزي للأوراق المالية

مبنى العمادي، الطريق الدائري الثالث، الدوحة، دولة قطر.
تليفون: 44222410
بريد إلكتروني : info@qcsd.com.qa



وهذا موقعهم الالكتروني للتعرف على خدماتهم :


http://www.qcsd.com.qa/Arabic/news20170221.html


وبالتوفيق للجميع ..

[أبو~يوسف]

أستاذنا الفاضل
شكرا على التوضيح ، وعندي اشكال وهو
أني عملت هذه الاجراءات ، وقال لي البنك هو بنفسه سيرفعها الى قطر للايداع ، ثم تفاجأت أنه ما ينزل لك من الأرباح الا أرباح الشركات التي تتعامل مع البنك فقط ،
فهناك شركات لها اتفاقيات توزيع أرباح مع البنوك ، فما تنزل أرباحك الا على ذلك البنك المتفق معه .

مثلا : وقود أرباحه تنزل على المصرف فقط
المستثمرين ومخازن تنزل أرباحهم على الريان على حسابك مباشرة
صناعات والدولية والاجارة على الوطني مباشرة
مسيعيد وقطر وعمان على التجاري
وهكذا ...

[الزعفراني]

أستاذنا الفاضل
شكرا على التوضيح ، وعندي اشكال وهو
أني عملت هذه الاجراءات ، وقال لي البنك هو بنفسه سيرفعها الى قطر للايداع ، ثم تفاجأت أنه ما ينزل لك من الأرباح الا أرباح الشركات التي تتعامل مع البنك فقط ،
فهناك شركات لها اتفاقيات توزيع أرباح مع البنوك ، فما تنزل أرباحك الا على ذلك البنك المتفق معه .

مثلا : وقود أرباحه تنزل على المصرف فقط
المستثمرين ومخازن تنزل أرباحهم على الريان على حسابك مباشرة
صناعات والدولية والاجارة على الوطني مباشرة
مسيعيد وقطر وعمان على التجاري
وهكذا ...

تأكد بنكك ما رفعها لشركة قطر للايداع .. أصلا البنك فقط شغلته يصادق لك ع صحة رقم حسابك في نموذج طلبك لشركة قطر للايداع .. او يعطيك ما يثبت انه الايبان خاص فيك في البنك اللي انت ترغب بتحويل الارباح عليه ..

أنا حسابي في المصرف واستلمت ارباح الشركات اللي متملك فيها .. على سبيل المثال ودام والمستثمرين

[الوعب]

تأكد بنكك ما رفعها لشركة قطر للايداع .. أصلا البنك فقط شغلته يصادق لك ع صحة رقم حسابك في نموذج طلبك لشركة قطر للايداع .. او يعطيك ما يثبت انه الايبان خاص فيك في البنك اللي انت ترغب بتحويل الارباح عليه ..

أنا حسابي في المصرف واستلمت ارباح الشركات اللي متملك فيها .. على سبيل المثال ودام والمستثمرين

شخصيا تقدمت بطلب تحويل ارباح الاسهم لحسابي عن طريق شركه قطر للايداع. ولكن مع الاسف ارباح بعض الاسهم تنزل والبعض لا