مطلوب زراع ثقه وشغله مضمون ومجرب @@@

[Qt.1]

صباح الخير ,,

ياجماعة الخير بغيت زراع ثقه وياريت يكون مجرب من صوبكم , بغيت اركب رزع وورورد ونخل عند مدخل البيت من برع , يعني زرع محدد فيه احواض وعشب , كل ماكلمت احد في مزاد قطر طلع اخس من الي قبله , كل من يبي ينصب من صوب , جاني واحد عطاني عرض سعر 8500 والثاني 14000 انا اهني اصدق من , معقوله هالفرق الكبير مع انه نفس الشغل , فياريت الي حوله حد يطرش لي رقمه في الخاص ولاعليكم امر .

[Qt.1]

معقوله محد يعرف زراع واحد !!

[$الملياردير$]

هلا اخوي تدري صاري فترة ادور على نخل تمر ( خلاص ) ازرعه في البيت ...حتى الحصار اثر على السعر النخلة مابين 2000 ريال الى 4500 حسب العمر و النوع ... بس لوتبي فسائل نخل صغيرة راجع البلدية والله عندهم منتجات زراعية جيدة .. بس تحتاج صبر و عناية

[الســـهم]

[QUOTE=Qt.1;10628637]

السلام عليكم ورحمة الله وبركاته ..

حاليا الزراع اللي عندي في الفيلا من جمهورية مصر العربية، محترم جدا وقايم بواجباته وعمله على أكمل وجه ..

ولكن هذا ما يمنع إنك تشرف على زرعك وتبدي أفكارك على حسب مايشتهيه مزاجك ..

وأحيانا لو تنزل إنت مشتل البلدية أو المشاتل الخاصة وتاخذ النباتات والورود اللي تبيها أفضل و أوفر لك، وتخلي على الزراع شغل اليد من تجهيز الارض وزرعها ..

وأفضل المشاتل تعاملا من خلال تجربتي هو مشتل (ديزرت جروب) في الخور، اغلبهم هنود وتعاملهم طيب جدا وبالهم طويل عكس بعض المشاتل الشبعانة اللي ما يديرون بال لك ..

والزراعين مكودين صوب المشاتل خلف السوق المركزي (الشبرة) ويدورون شغل، وأصحاب المشاتل هناك ممكن يدلونك على الزين منهم وإذا احتجت أي خدمة مني أنا حاضر و ممنون ..

[الســـهم]

هلا اخوي تدري صاري فترة ادور على نخل تمر ( خلاص ) ازرعه في البيت ...حتى الحصار اثر على السعر النخلة مابين 2000 ريال الى 4500 حسب العمر و النوع ... بس لوتبي فسائل نخل صغيرة راجع البلدية والله عندهم منتجات زراعية جيدة .. بس تحتاج صبر و عناية

السلام عليكم ورحمة الله وبركاته ..

من ناحيتي خذت بنصيحة اللي ازرعوا نخل ببيوتهم، قالوا لي اشتر النخلة فسيلة وازرعها على يدك وتكبر معاك ان شاء الله وحتى زراعتها أسهل وما تحتاج شيل ونقل، شريت نخلتين فسايل كان طولهم ذراع تقريبا والحين صار طولهم قريب المترين ماشاء الله ..

إذا تبغي فسيلة أنصحك تشتريها من وزارة البلدية والبيئة بـ 80 ريال تقريبا منتجة عن طريق زراعة الأنسجة، ومبناهم على الكورنيش خلف مبنى الهتمي وجنب شقق فريزر سويت وبرج وصيف في السلطة القديمة.

[معماري قطري]

أعرف واحد صعيدي بس مشغول مسكين في كل ربيع زهرة بالاضافة لشغله الحكومي .. من أهل الشيخ متولي الشعراوي الله يرحمه

غيره البنغاليين شاطرين لأن بلادهم زراعية وعندي دريول ما شاء الله هو قايم بروحه بزراعة البيت ويجيب شتلات .. صج شغله مب مسكت لكن فوق المقبول

[معماري قطري]

السلام عليكم ورحمة الله وبركاته ..

من ناحيتي خذت بنصيحة اللي ازرعوا نخل ببيوتهم، قالوا لي اشتر النخلة فسيلة وازرعها على يدك وتكبر معاك ان شاء الله وحتى زراعتها أسهل وما تحتاج شيل ونقل، شريت نخلتين فسايل كان طولهم ذراع تقريبا والحين صار طولهم قريب المترين ماشاء الله ..

إذا تبغي فسيلة أنصحك تشتريها من وزارة البلدية والبيئة بـ 80 ريال تقريبا منتجة عن طريق زراعة الأنسجة، ومبناهم على الكورنيش خلف مبنى الهتمي وجنب شقق فريزر سويت وبرج وصيف في السلطة القديمة.

انا مثلك بس شريت بعد نخل كبار وحدة موقف نموها ولا تنتج وشبه ميتة .. وثنتين ضعاف .. اللي زرعتهم صغار طلعوا أقوى واستووا أطول وأحلى

الواشنتونيا كذلك زينة كشكل وغير مثمرة زرعت ست صغار ألحين وصلوا بعضهم حول 12 متر ويبينون من بعيد

[معماري قطري]

اللي بيزرع وبيخطط للزراعة بشكل حديث يركز على المجاري المائية التجميلية مثل الجداول والبرك الصغيرة المفتوحة والنافورات والشلالات .. يعمل تدرج غير عن الطبيعي مثل تلة عليها زراعة أو منطقة محفورة ونازلة ومزروعة

تخطيط الري بطريقة مناسبة كذلك مهم وممكن يغنيك عن زراع ولا ننسى الاضاءة وتأثيرها وهناك أنواع على الطاقة الشمسية

[QtrGate]

اللي بيزرع وبيخطط للزراعة بشكل حديث يركز على المجاري المائية التجميلية مثل الجداول والبرك الصغيرة المفتوحة والنافورات والشلالات .. يعمل تدرج غير عن الطبيعي مثل تلة عليها زراعة أو منطقة محفورة ونازلة ومزروعة

تخطيط الري بطريقة مناسبة كذلك مهم وممكن يغنيك عن زراع ولا ننسى الاضاءة وتأثيرها وهناك أنواع على الطاقة الشمسية

كنت مخطط جدول يمشي حول النخله وله مصبات ( فتحات ) عند كل شجرة وفِي النهايه يَصْب في حوض داخل قفص الدجاج ، لكن مافكرت بالتصريف حق الحوض
والمهندس الي المفروض يقولي عن هالشي. نفذ الرسمه بدون لاينتبه

[بوخالد911]

ابعد عن المصريين
وانت بتكون بألف خير وصحة وعافية

عليك بالبلوش والهنود

والله الموفق.

[معماري قطري]

كنت مخطط جدول يمشي حول النخله وله مصبات ( فتحات ) عند كل شجرة وفِي النهايه يَصْب في حوض داخل قفص الدجاج ، لكن مافكرت بالتصريف حق الحوض
والمهندس الي المفروض يقولي عن هالشي. نفذ الرسمه بدون لاينتبه

حاول تركب له جهاز تنقية ولا فيه داعي للتصريف .. يعني فلتر صغير تحتاج لمفتاح ماء يشتغل بعوامة لو نزل عن مستوى معين يضخ ماي تماتيك ومضخة تدوير صغيرة بعد تحرك الماي .. ما ادري شلون لسقي الزراعة بتفقد ماي وايد بهالطريقة لكن لازم يكون فيه كنترول لكمية المياه اللي تروح للزراعة أو تسوي وصلات خاصة تعطي نقطة نقطة حتى يكون الري بالتنقيط وكذلك فقد الماء بسيط والتعويض عن طريق العوامة

[معماري قطري]

أو خل سقي الزراعة نظام بروحه والجدول غير بفلتر ومضخة تدوير وكذلك عوامة وتقدر تسويها مخفية وأحسن شيء تسوي قطعة حجر كبيرة مجوفة بس تشكيل بالاسمنت وفي تجويفها المضخة والعوامة .. حتى تقدر تخلي اماي يطلع من شق في الحجر ويدور في الجدول

الفلتر ممكن يكون بسيط عبارة عن شبك وفوقه قماش يمسك العيدان والشوائب الكبيرة لتدخل المضخة