الانديه : ديوننا تراكمت ؟؟؟؟؟

[الدوحه1]

http://d.up-00.com/2018/02/151983901304671.jpg (http://www.up-00.com/)

[aloosh]

محد قالهم خل النادي كله محترفين اجانب ياخذ مبلغ وقدره

عندهم القطرين ومواليد قطر والمفيمين فترات طويله

الحين يشتكون والله لو المحترفين الاجانب يروحون يقى فايض عندهم من ميزانيه النادي

[بوخالد911]

لين فات الفوووووووت.

[بوخميس]

يفترض الرياضة يكون هدفها (رياضي)

اما الواحد تكون وظيفته يلعب كورة، هذي مشكلة.

تشتري لاعب بعشر ملايين، واذا فزت ببطولة آسيا عطوك خمس ملايين

من وين بتطلع قيمة اللاعب؟ من التذاكر؟ ولا النقل التلفزيوني؟

[راعي ال VXR]

يفترض الرياضة يكون هدفها (رياضي)

اما الواحد تكون وظيفته يلعب كورة، هذي مشكلة.

تشتري لاعب بعشر ملايين، واذا فزت ببطولة آسيا عطوك خمس ملايين

من وين بتطلع قيمة اللاعب؟ من التذاكر؟ ولا النقل التلفزيوني؟

:nice::nice::nice:

[shadad]

لو في اقبال جماهيري ذيك الحزه بيطلعوا سعر اللاعب وهم مرتاحين. + بيكون في دعايه + رعايه sponsor يعني مدخول محترم .

[][ الوحيد ][]

السلام عليكم ..

للأســف الانديه عندنا تفتقد حق اشياء وايد ..

اهم هالاشياء انهم مفكرين ان الميزانيه مفتوحه للأبــد ..

شالفايده اعطيك 40 مليون مثلا فالسنه و انت النتايج عندك نفسها ولا تطورت ولا سويت شي !
انديه تصرف ملايين على المحترفين و هي اصلا مب قد المنافسه فالدوري !

و انديه تقصر في حق الفئات السنيه بس عشان تشتري محترفين وتحاول تنافس فالدرجه الاولى ,,

الاهم لك انت تستثمر فالفئات السنيه عشان تبني لك فريق مرتب و وعقب تجيب لهم محترف ك خبره معاهم فالفريق ,,


الحل اشوف لو يتم خصخصه الانديه ,, و رفع الدعم بشكل 70% عنهم .. و كل نادي يجيب له رعاة رسميين يدعمونه ..

و الاعتماد على مدخول اخر ,,
صح مب كل الانديه مكانها استراتيجي لكن في ألف فكرة و فكرة ,,

مثلا نادي قطر بدأ يفتح مطاعم و يستغل مساحات النادي .. مع اني ضد هالشي لان صار عشوائي ومب منظم همهم بس يفتحون وخلاص ,,
بس نادي قطر اللي يشفع له مكانه الاستراتيجي ,, يعني تنظيم بسيط بس حق المحلات و بيصير ممتاز ..

نادي الغرافه بعد ممتاز جدا وفيه مساحات طيبه ,,


الصرف الزايد بدون نتائج مرفوض

[غير عنهم]

بسبب الاعب الجاهز اتعب على البراعم والناشين والشباب

[الدوحه1]

سؤال:
من المسئول عن كرة القدم في قطر؟؟
1- وزارة الثقافة والرياضة
2- مؤسسة دوري نجوم قطر
3- الاتحاد القطري لكرة القدم
4- جهه اخرى؟؟

[شموخ دائم]

,

,

مرحبا

شكرا على الموضوع

زاد الملح على الطبخه

:)

الملح هو اللاعب الي تدفع له مليون وهو ما يسوى 10 ريالات
:)

ويزعل اذا جلس احتياط

نص اللاعبين بقطر ما يصلح يكون ( لاعب كره قدم ) لو تبون الصدق

اعتقد الحل
نعتمد على صغار اللاعبين بكل نادي مثل النظام القديم
كل نادي عنده مدرسته الخاصه ويطلع اللاعبين من منطقته ويلعب بناديه

كره القدم رياضه وهوايه جميله

وطبيعه بلدنا ما نقدر نسوي الدوري عندنا مثل الدوري الإيطالي او الاسباني او الإنجليزي
شراء اللاعبين لكل فريق بعدد كبير من اجنبي ومقيم ومحلي
يفوق ( إمكانيات وميزانيه ) الانديه



اكثر اللاعبين في الانديه ما استلموا ( رواتبهم ) من 4 شهور
وصار اضراب امس فب نادي الريان


مسئله ديون الانديه ( مسئله خليجيه ) كل دول الخليج عندها هذه المشكله بشكل كبيره




,

,

[معماري قطري]

انا اقترح عليهم يربون حمام ويبيعون للمطاعم بيعوضون خسايرهم

[naklan]

انا اقترح عليهم يربون حمام ويبيعون للمطاعم بيعوضون خسايرهم

ههههههههههههههههه
اذا فروخ حمام مشوية انا زبونهم

[naklan]

حل المسائل المالية للنوادي هو عمل لجنة استثمار
للنادي نفسه يرتبون محلات تجارية جنب النادي وصالات افراح
وافكار جديدة لمشاريع تدر على النادي وتخفيض عدد المحترفين
الأجانب بدل اربعة 2 يكفي وبيقلل الرواتب الضخمة
والمصاريف الباهضة

[مضارب دوسري]

الانديه مثل الموظف الكادح
ويقوم يخربها ويطلع فيراري

وعقب يتوهق بصيانتها وبترولها


المفروض المحترفين يقولون لهم مع السلامه بلا احتراف بلا خرابيط

خل الكوره بين المواطنين والمقيمين وخلاص

[الدوحه1]

سؤال:
من المسئول عن كرة القدم في قطر؟؟
1- وزارة الثقافة والرياضة
2- مؤسسة دوري نجوم قطر
3- الاتحاد القطري لكرة القدم
4- جهه اخرى؟؟





محد يعرف الجواب؟؟؟السؤال صعب؟؟؟

اووو نسيت اضيف

5- "اللجنه الاولمبيه"!!!

[معماري قطري]

حل المسائل المالية للنوادي هو عمل لجنة استثمار
للنادي نفسه يرتبون محلات تجارية جنب النادي وصالات افراح
وافكار جديدة لمشاريع تدر على النادي وتخفيض عدد المحترفين
الأجانب بدل اربعة 2 يكفي وبيقلل الرواتب الضخمة
والمصاريف الباهضة

يعطون كل محترف دكانين ويقولون له طلع راتبك من هالدكانين

[بوخميس]

الانديه مثل الموظف الكادح
ويقوم يخربها ويطلع فيراري

وعقب يتوهق بصيانتها وبترولها


المفروض المحترفين يقولون لهم مع السلامه بلا احتراف بلا خرابيط

خل الكوره بين المواطنين والمقيمين وخلاص

هالمواطنين والمقيمين ما يلعبون ببلاش، اغلبهم الكورة هي شغلتهم

الصراحة خربوا الرياضة عندنا بحجة البحث عن (انجازات)

لا شفنا رياضة عدلة ولا شفنا انجازات

[][ الوحيد ][]

محد يعرف الجواب؟؟؟السؤال صعب؟؟؟

اووو نسيت اضيف

5- "اللجنه الاولمبيه"!!!






وزاره الثقافه و الرياضه

[naklan]

يعطون كل محترف دكانين ويقولون له طلع راتبك من هالدكانين


المشكلة الرئيسيّة لم يعد يلعب احد للمتعة لناديه او بلده الكل
يتحرك بالمال أمس لعيبة نادي الريان علشان ما استلمو رواتبهم
باعو النادي وتركوه للخسارة القاسية 6 اهداف يعني حتى
نادي درجة ثانية ما يخسر بهذا الشكل

لذالك ولحل هذه المشكلة حل جذري ونهائي دعم هذه النوادي بمبالغ
للاستثمار ومن بعدها يعتمد النادي على استثماراته في دفع
الرواتب والمستلزمات وممكن الحكومة تعمل لهم دراسة
على المشاريع الي ممكن تعمل مداخيل على حسب الموقع
وبما يناسب موقع كل نادي

تحياتي

[مضارب دوسري]

المشكلة الرئيسيّة لم يعد يلعب احد للمتعة لناديه او بلده الكل
يتحرك بالمال أمس لعيبة نادي الريان علشان ما استلمو رواتبهم
باعو النادي وتركوه للخسارة القاسية 6 اهداف يعني حتى
نادي درجة ثانية ما يخسر بهذا الشكل

لذالك ولحل هذه المشكلة حل جذري ونهائي دعم هذه النوادي بمبالغ
للاستثمار ومن بعدها يعتمد النادي على استثماراته في دفع
الرواتب والمستلزمات وممكن الحكومة تعمل لهم دراسة
على المشاريع الي ممكن تعمل مداخيل على حسب الموقع
وبما يناسب موقع كل نادي

تحياتي

اذا دعموا استثماريا
كل رئيس نادي بيشيل جزء من الكيكه قبل اي انتخابات
عشان اذا غيروه يتوهق اللي عقبه :)

[مضارب دوسري]

هالمواطنين والمقيمين ما يلعبون ببلاش، اغلبهم الكورة هي شغلتهم

الصراحة خربوا الرياضة عندنا بحجة البحث عن (انجازات)

لا شفنا رياضة عدلة ولا شفنا انجازات

ادري يا بو خميس
بس اللي كاسر الانديه رواتب المحترفين بالمقام الاول وليس المواطنين او المقيمين

الريان مثلا بالرغم انه عنده محترفين ولكن عنده اثنين ايضا شفاطات كبار
سباستيان وتاباتا :)

[naklan]

اذا دعموا استثماريا
كل رئيس نادي بيشيل جزء من الكيكه قبل اي انتخابات
عشان اذا غيروه يتوهق اللي عقبه :)

اخوي مضارب ممكن تنظيم العملية وتكون عليها رقابة مالية
من الجهة الي بتمون سواء كان الاتحاد اوغيره وما حد يقدر يتصرف
ب ريال واحد الا بمحله ولا بتطير الكيكة كاملة هههههه

[بوخميس]

ادري يا بو خميس
بس اللي كاسر الانديه رواتب المحترفين بالمقام الاول وليس المواطنين او المقيمين

الريان مثلا بالرغم انه عنده محترفين ولكن عنده اثنين ايضا شفاطات كبار
سباستيان وتاباتا :)

حتى اللي اسمهم مواطنين او مقيمين، فعلياً كلهم محترفين وبعقود كبيرة

مثل باري وجومو او بيدرو ولا فاجنر والحراس الافارقة ولعيبة الدحيل

[][ الوحيد ][]

حتى اللي اسمهم مواطنين او مقيمين، فعلياً كلهم محترفين وبعقود كبيرة

مثل باري وجومو او بيدرو ولا فاجنر والحراس الافارقة ولعيبة الدحيل


اوقع عقد بمبلغ و ماستلم شي شالفايده ؟ ..
الخلل كله من الانديه اتوقع ,,

اذا كان لاعب يستلم مثلا مليون فالسنه و اروح انا اقوله تعال عندي بعطيك مليونين اكيد بيروح !
لكن الناادي اللي عرض المليونين يدري انه ماعنده هالمبلغ مثلا ,, شنو بيسوي ؟ بينتظر و بتتراكم الديون عليه و بيشتكي فالجرايد .. و بينتظر حد يسدد عنه ,,

هالشي اللي يضر الانديه اكثر شي ,,
ولا اذا عالميزانيه ماتوقع في تغيير عليها ,, البلا كله فالعقوود اللي تصير بدون دراسه ,,

[بن مسلم]

لين متي بنتم مغفلين الله منعم علينا نعمة البترول وربعنا قاعدين يقطنوها علي محترفين منتهين الصلاحية ارجعوا للمنتخب التسعينات والثمانينات وقارنوها مع هالمنتخب كل شي في صوب ورئيس الاتحادي القطري عنبو كم سنه صارله والنتيجة صفر أنا لو منه اقدم استقالتي فورا ياخي والله حرام الي يصير

[ناسداك]

حبيبي تبي الدوري يتطور عندنا اولا مدربين للبراعم و الاشبال من مدارس اوروبية مختلفة عندهم في الاندية الكبيرة مثل برشلونه او الريال او حتى فريق ايفرتون الانجليزي و عندهم مترجمين عرب والا كيف طلع ميسي و كريستيانو و انييستا و ديفيد سيلفا و هنري اكيد مرورا على الاشبال و البراعم لين ما وصلوا للفريق الاول حتى ميسي نفسه عنده اعاقة لما كان في الارجنتين و شافه احد الكشافين الاسبان و سجله في البراعم لبرشلونه و ببلاش استفاد منه برشلونه مش زي كريستيانو دفع له الريال لمانشستر 95 مليون دولار
اكاديمية برشلونه الافضل عالميا لانها تصدر افضل اللاعبين لان فريق جوارديولا كتلوني ببلاش


أرسلت بواسطة iPhone بإستخدام Tapatalk Pro

[محمد عبدالرحمن]

الانتاجية الصناعية و الابتكارات أهم، ومردودهما ذو قيمة أعلى قبل ثمن العائد المالي.

[ناسداك]

شي طبيعي لاعب يحس بالقهر لما يسمع عن رواتب المحترفين العالميين عندنا و هو مسكين صار له ثلاث اشهر ما استلم الراتب

[يمامـة]

محد قالهم خل النادي كله محترفين اجانب ياخذ مبلغ وقدره

عندهم القطرين ومواليد قطر والمفيمين فترات طويله

الحين يشتكون والله لو المحترفين الاجانب يروحون يقى فايض عندهم من ميزانيه النادي

معاك....

[يمامـة]

الانتاجية الصناعية و الابتكارات أهم، ومردودهما ذو قيمة أعلى قبل ثمن العائد المالي.

التوجه العام الاهتمام في الرياضة..
في الدول الغربية الأندية مصدر دخل للمنتسبين لها.. عندنا الحكومة لازم تدفع لهم من مدخرات الوطن
علشان يركضون و رى كورة منفوخة تنشات بريولهم..

[QtrGate]

لما نادي يتعاقد بأكثر من 50 مليون
والنوادي الصغار كل ميزانيتهم ماتوصل 20 مليون

اشلون تبي النوادي الصغار ينافسون في الدروي
لازم ياخذون دين

[القطري 777]

الغريب أن هناك اموال شركات ومؤسسات الدوله تتحول الي الانديه

الرياضيه مقدارها 2.5% سنويا . تقريبا

والقانون اشبه بزكاه المال السنويه ،

وهذا القانون صدر منذ سنوات وما زال. ..... فأين تذهب هذه الاموال ؟؟

[بوخميس]

الغريب أن هناك اموال شركات ومؤسسات الدوله تتحول الي الانديه

الرياضيه مقدارها 2.5% سنويا . تقريبا

والقانون اشبه بزكاه المال السنويه ،

وهذا القانون صدر منذ سنوات وما زال. ..... فأين تذهب هذه الاموال ؟؟

الفلوس تروح لصندوق دعم الانشطة الاجتماعية والرياضية

وهالصندوق يساهم في تنظيم انشطة وفعاليات مثل معرض الكتاب والمعارض الثقافية وبعض الدورات التدريبية ومن هالقبيل

[يمامـة]

الغريب أن هناك اموال شركات ومؤسسات الدوله تتحول الي الانديه

الرياضيه مقدارها 2.5% سنويا . تقريبا

والقانون اشبه بزكاه المال السنويه ،

وهذا القانون صدر منذ سنوات وما زال. ..... فأين تذهب هذه الاموال ؟؟

مب غريب أمر عرفناه من سنين سواء اتفقنا او اختلفنا عليه
صدر القرار بالزام الشركات المدرجة في البورصة ( ان ما خانتنتي الذاكرة)
لدعم الأنشطة الرياضية و الثقافية..
و مالها خص بموضوع الزكاة وان كانت النسبة نفس نسبة الزكاة..

[عضو دائم]

اذا دعموا استثماريا
كل رئيس نادي بيشيل جزء من الكيكه قبل اي انتخابات
عشان اذا غيروه يتوهق اللي عقبه :)


شكلك كاشف اللعبه صح احييك .. :victory: