توزيع الكهرباء

[ورد الدوحه]

السلام عليكم ورحمة الله وبركاته

احد تعامل مع شركة زينه لتوزيع الكهرباء والاضاءه
والا انا اشوف احتياجاتي بنفسي واقول للمقاول؟:d
والله ماعندي فكرة انا بس توني مخلصه من خارطة البيت

وجزاكم الله خير

[شموخ دائم]

’

’


مرحبا


قبل توزيع الكهرباء بطريقه تناسب احتياجاتك
لازم تعرفين ( توزيع الأثاث ) هو المهم
وبعده يجي توزيع الكهرباء
اذا عرفتي مكان السرير بتعرفين توزيع الاضاءه فوقه واذا عرفتي مكان الابجورات والطاولات بتعرفين مكان
السوكتات لهم بطريقه مناسبه ومكان التلفزيون يحدد مكان الرسيفر والانترنت جنبه والكوميدين ومكان الطاولات
وليتات الزوايا

السر كله في مكان الاثاث

اتعبي بمكان الأثاث بترتاحين عند توزيع الكهرباء بيكون من السهل جدا معرفه احتياجاتك
:)

,

,

[معماري قطري]

عليكم السلام ورحمة الله وبركاته

إختي توزيع الكهرباء يعتمد بالدرجة الأساسية على توزيع الأثاث وأي ديكورات داخلية جبسية وغيرها

إبتعدت شوي عن موضوع مراجعة المخططات وكنت في هذا الموضوع اركز على توزيع الأثاث وأهميته وحتى توزيع قطع الحمام ولازم هذي يتبعها اختيار نقاط للاضاءة ونوعية لكل اضاءة وكل نوع طبعاً له سويش خاص به .. حتى مكان السويش ممكن يكون في مكانين لسهولة الاستعمال كمثلاً جنب السرير وقرب الباب وممكن يكون من ثلاث أماكن وبعضها تجي بكنترول خاص قرب السرير مثل اللي في الفنادق

هناك إضاءة الزينة واللوحات والاضاءة الخافتة الليلية اللي لو حد نايم وحد قام بيمشي لأي جهة تشتغل على الحركة ولا تزعج النايم

منافذ الكهرباء هذي بعد لازم تدرس عدل وتوزيعها يكون مناسب حسب الأثاث ولازم تكون لكل غرفة على حدة وما تنضغط لو اشتغلت كلها وتطفى من لوحة الكهرباء لو فيه شوط أو ضغط مفاجيء للأمان

نركز نبتعد عن أماكن الستاير والزوايا ضروري نحط فيها وجنب كل سرير من الجهتين وقرب الباب

لو تبين أي شيء غير مثل شترات كهربائية أسسي لها من البداية واطلبي تنحسب .. كلها يحسبها مهندس الكهرباء ويوصلها للوحة الرئيسية ومنها يحسب كمية الكهرباء اللي محتاجها البيت ويقدمها للموافقة من كهرماء

لو الموافقة طلعت يبي لج قعدة مع المهندس والمعماري اللي صمم وتناقشين وضعية الأثاث ويعدل عليها مهندس الكهرباء بحدود موافقة كهرماء وبحيث ما يتعارض مع الحمل الكهربائي المخصص

[معماري قطري]

’

’


مرحبا


قبل توزيع الكهرباء بطريقه تناسب احتياجاتك
لازم تعرفين ( توزيع الأثاث ) هو المهم
وبعده يجي توزيع الكهرباء
اذا عرفتي مكان السرير بتعرفين توزيع الاضاءه فوقه واذا عرفتي مكان الابجورات والطاولات بتعرفين مكان
السوكتات لهم بطريقه مناسبه ومكان التلفزيون يحدد مكان الرسيفر والانترنت جنبه والكوميدين ومكان الطاولات
وليتات الزوايا

السر كله في مكان الاثاث

اتعبي بمكان الأثاث بترتاحين عند توزيع الكهرباء بيكون من السهل جدا معرفه احتياجاتك
:)

,

,

سبحان الله توارد أفكار

عاد اليوم طريتك بيني وبين انا

[ورد الدوحه]

شموخ ومعماري مشكورين على الافادة وجزاكم الله خير
بس أبي شركة زينه احد تعامل معاهم

انا اللي بيمسك بيتي شركة الرائد
حد سمع عنهااا وشكراً

[شموخ دائم]

,


,

مرحبا


اخوي معماري

:)

عزيز وغالي دوم على البال

ما شاء الله شرح بالتفاصيل وفيه الفائده هنيئا للاعضاء بتواجدك هنا وهنيئا لي انك تطريني
:)


:app2:


,

,

[معماري قطري]

أكيد إنت أحد الإخوان اللي اعتز بمعرفتهم من هذا المنتدى ومن أهل الطيب أهل قطر