بخصوص الاقامه يرجى المساعده

[alhamza1999]

انا طبعا من مواليد قطر ومن العاشقين لهذه البلاد العظيمه واتمنى ان اعيش فيها للابد لكني حاليا بدون دراسه وعمل واصبح عمري 19 واقامتي على كفاله والدي تنتهي بعد سنه
هل صحيح انهم يطلبون من الي يجدد على كفاله ابوه ورقه انه لايزال طالب شفت بعض الناس ينطلب منها وبعضهم لا ففي غموض في الوضوع شوي اذا كانت مطلوبه ورقه الدراسه شنو الحل للموضوع
اتمنى تفيدوني جزاكم الله خير لان الموضوع يخوف شوي

[بـن عدوان]

كلم الضابط وتمشي الامور وهالشي يعتبر عادي

[بو شهاب]

مثل ما قال اخوي بن عدوان كلم الضابط و امورك ان شاء الله طيبة و يجددون لين سن 26 سنة و بعدها لازم تنقل الاقامة

[alhamza1999]

يعني عادي يجددوها بدون مااكون طالب ؟
انا شفت اغلب الربع الي اعرفهم فوق ال18 ماطلبوا منهم بس اثنين اعرفهم طلبوا فماعرف هل راح يطلبون مني ورق اني طالب او لا
يعني لو انطلب مني ورقه اني طالب وكلمت الضابط وفهمته الوضع يقدر يجددلي ؟

[بعيد النظر]

أي ان شاء الله

[alhamza1999]

لو جددت الاقامه عن طريق مطراش او شركه الوالد تتوقعون يعطلون العمليه ويقولون جيب ورقه انك تدرس لو عادي تمشي
وين فيه مركز يجدد بدون مايطلب ورقه طالب او مركز فيه ضابط يتفهم الوضع ويجدد بدونها

[alhamza1999]

سالت اكثر من مصدر
صحيح ان في القانون مذكور ان تجديد الاقامه لحد عمر ال25
لكن اكثر من شخص قال لازم ورقه ان الي عمره 18 وفوق ويجدد الاقامه انه يدرس بجامعه او مدرسه مع اني شفت من الي اعرفهم اغلبهم يجددولهم بدون ورقه دراسه بس اثنين طلبوا منهم
البعض قالي لازم تنقل اقامتك والبعض قال جيب اي ورقه انك تدرس من اي مركز حتى لو مو حقيقه المهم عليها ختم
والله محتار ياجماعه شسوي وخايف اخسر الاقامه

[alhamza1999]

راجعت مركز خدمات بخصوص تجديد الاقامه للاسف تبين ان تجديد الاقامه لازم كل مره ورقه دراسه لكل الاعمار والي عمره 25 حتى لو يدرس مايجددوله بس هم مايطلبون للي تحت ال18 لان الدراسه اجباريه بالمدارس ويعرفون هذا الشي والله مشكله ماعندي مكان اروحه اذا رفضوا يجددولي الاقامه وسالت بخصوص نقل الاقامه لازم شهاده جامعيه اذا اريد اشتغل واذا انقل على عقد وهمي لعامل مثلا شي غير قانوني
الي عنده حل لايبخل علينا

[alhamza1999]

حصلت كفيل ب20 تنصحوني انقل اقامتي عليه لو غالي المبلغ

[حليتان*]

روح مبنى الجوازات الرئيسي وبتمشي امورك
وخذ ابوك معاك

[alhamza1999]

روح مبنى الجوازات الرئيسي وبتمشي امورك
وخذ ابوك معاك

ان شاء الله بعد ثلاث شهور يفتح التجديد راح اخلي الشركه تجدد الاقامه واذا ماضبطت راح اسجل باي جامعه بره قطر واجدد على اني طالب

[alhamza1999]

الحمد الله حصلت على قبول في شمال الاطلنطي
الحين بعد ماصرت طالب هل ممكن اجدد الاقامه وانا عمري يكون 20 لو لازم انقل كفاله

[style]

أنا ابي اعرف شي واحد ،،ليش انت متاكد كل التاكيد انك بتلاقي الحل هنا فالمنتدى.
روح الجوازات وأمورك بتمشي ،،لايوجد حد فالمنتدى يقدر يفتي لك في هذا الموضوع.
بالعربي لاتطول الموضوع وهو قصير،،روح الجوازات وبس.

شكرًا

[alhamza1999]

الحمد الله تم حل المشكله يرجى اغلاق الموضوع