هل يعقل لا يوجد سيارات لذوي الاحتياجات الخاصة ؟!!!!!!

[فريج النجادة]

أخواني واخواتي منتدى أسرتي واحبتي

السلام عليكم ورحمة الله وبركاة

الموضوع

هل يعقل لا يوجد سيارات لذوي الاحتياجات الخاصة ؟!!!!!!

هل دولة قطر لا يوجد فيها معاقين ؟!!!!!!

هل شركة كروة غير قادرة على توفير سيارة للمعاقين ؟!!!!

لا يحس بالمعاناة غير صاحب المعاناة

هل تعرفون ان كثير من المسنين ايضآ يحتاجون الى سيارة المعاقين

ومع ذالك شركة كروة ما عندها خبر بحجم المعاناة !!!!

بالله عليكم ما هو الحل ؟!!!!!!

[فريج النجادة]

للامانة البارحة اتصلت على شركة كروة وقالو عندنا 4 سيارات فقط

على مستوى الدولة

والله وكلفتو على انفسكم ؟!!!!!!!

[يمامـة]

المفروض الجهة المعنية بالمعاقين في قطر تطلب من الدولة انها تلزم وسائل النقل بتوفير سيارات لهم

[aloosh]

الاقلب يشتري سياره على حسابه وانا واحد منهم عند الوالده سياره وركبنا عليه لفت

[معماري قطري]

من أيام شفت سيارة معروضة في قطر سيل مجهزة لذوي الاحتياجات نسيت وشي بالضبط بس ميني فان

[فريج النجادة]

بعض دول الخليج توفر لكل معاق سيارة كل اربع سنوات

والان يعطونهم 150 الف ريال لكل اربع سنوات

حتى يشتري سيارة تناسب اعاقتة

وعقبالنا يارب

[ناسداك]

ايش فايدة الدريول انا اذا كبرت في السن بجيب دريول و اريح نفسي يمكن اتفق مع تخصيص بند بدل احتياجات خاصة سواء للي يشتغل او عنده اعاقة ما تسمح له بالعمل

[فريج النجادة]

ايش فايدة الدريول انا اذا كبرت في السن بجيب دريول و اريح نفسي يمكن اتفق مع تخصيص بند بدل احتياجات خاصة سواء للي يشتغل او عنده اعاقة ما تسمح له بالعمل

ولذالك يجب صرف مبلغ محترم للمعاق حتى يشتري سيارة تناسب اعاقتة

[ya3coub]

الدولة اذا ما خاب ظني مو مقصره

راتب سواق و راتب خادمه عالدولة لكل شخص من ذوي الإحتياجات الخاصه.

اصحاب الإعاقه الحركية و كبار السن عليك تشتري سيارة مناسبه و يركبونلك لفت ببلاش قيمته عالية جدا


و احسن سيارتين اهم الهونداي H1 او المرسدس Viano

القرار راجع لكم باللي يعجبكم.

بس الدولة مو مقصره اما موضوع 150 الف و كل اربع سنوات ما سمعت فيه للأسف المعدات الطبيه غير موجودة ولا يمكن للأفراد ان تطلبها او تأجرها.

نفس الشي فالدول المجاورة للأسف في من ذوي الإعاقه الي يبون يزورون قطر و في الي من اهني يبي يسافر فالخليج بس بدون بعض المعدات كاللفت و الخ كبير و صعب ينشحن بالطيارة ولا يقدر يستغني عنه بنفس الوقت

[بوخالد911]

كروة ربما آخرة همها هو التفكير بذوي الاحتياجات الخاصة.

[معماري قطري]

بعض دول الخليج توفر لكل معاق سيارة كل اربع سنوات

والان يعطونهم 150 الف ريال لكل اربع سنوات

حتى يشتري سيارة تناسب اعاقتة

وعقبالنا يارب

عندنا شيبة تعرض لحادث ايام شبابه واستوت عنده إعاقة ما يمشي .. كان حادث بسيط على سيكل

سمعنا إن تم تخييره بين سيارة خاصة يسوقها بيده بس رفض وفضل العربة الكهربية والسالفة من زمان

أتوقع اللي بيطلب طلب خاص ما يقصرون معاه

[معماري قطري]

الدولة اذا ما خاب ظني مو مقصره

راتب سواق و راتب خادمه عالدولة لكل شخص من ذوي الإحتياجات الخاصه.

اصحاب الإعاقه الحركية و كبار السن عليك تشتري سيارة مناسبه و يركبونلك لفت ببلاش قيمته عالية جدا


و احسن سيارتين اهم الهونداي H1 او المرسدس Viano

القرار راجع لكم باللي يعجبكم.

بس الدولة مو مقصره اما موضوع 150 الف و كل اربع سنوات ما سمعت فيه للأسف المعدات الطبيه غير موجودة ولا يمكن للأفراد ان تطلبها او تأجرها.

نفس الشي فالدول المجاورة للأسف في من ذوي الإعاقه الي يبون يزورون قطر و في الي من اهني يبي يسافر فالخليج بس بدون بعض المعدات كاللفت و الخ كبير و صعب ينشحن بالطيارة ولا يقدر يستغني عنه بنفس الوقت

انا كل 3 شهور يصرفون لي تكرم حذاء خاص للسكري وصندل بعد وحتى مع دلاغات خاصة .. صراحة صج الرعاية الطبية عندنا تدليع والحمد لله