المساعد الشخصي الرقمي

مشاهدة النسخة كاملة : تفصيل مغاسل


Bo3essa
09-03-2018, 05:14 PM
السلام عليكم

ما عليكم امر بغيت افصل مغاسل بس مابغي كلها رخام ابي اشياء غير
في اشياء غير الرخام مثلا خشب معالج او نوع ثاني؟

الي يعرف ياليت يفيدنا
شاكر لكم
سعود.
10-03-2018, 04:30 AM
السلام عليكم جميعآ .

صباح الخير جميعآ .
سعود.
10-03-2018, 04:37 AM
عندك خيار الي هو الرخام الصناعي

101135
سعود.
10-03-2018, 04:38 AM
ابحث في العم جوجل عن الرخام الصناعي واي صورة تقدر تفضل نفسها
وفيه الجاهز بعد
سعود.
10-03-2018, 04:41 AM
الخشب انا ماخذ من نابينا مغسلة

والحوض يجي رخام

101136[/b]
Azizuk
10-03-2018, 09:38 AM
السلام عليكم جميعآ .

صباح الخير جميعآ .


الله يصبحك بالنور والسرور اخوي سعود وين هالغيبة

تو مانور المنتدى

أسفرت وانورت
معماري قطري
10-03-2018, 02:55 PM
عليكم السلام جميع صاحب الموضوع وإخونا سعود وبو سعود وجميع القراء

الرخام الصناعي أو ( حد يذكرني بالإسم ) موجود عند تدمر وأعتقد في كم مكان .. بالنسبة لي زوين لكن الطبيعي أحلى ويعمر

الخشب مشكلته لو تم تطبيقه مثل الصورة الأخيرة بيخترب من الغسيل مهما يكون معالج ألا يكون صناعي بمواد ثانية .. ولو ركبناه يحتاج طلاء حماية من وقت لوقت وكذلك عدم اقتراب الماء منه

يبقى خيار ثالث اللي هو عملها من الإسمنت المعالج وبتشكيلات عديدة وحطيت يوتيوبات لهذي الطرق في موضوع يوتيوبيات البناء

خيار رابع عملي وبيكون جميل هو الخشب المارين بلايوود وتاخذ أفضل نوعية وتقوي الأطراف بخشب مربع حامل وممكن تخلي طبقتين أو ثلاث من البلايوود وتلبسه سيراميك مطرز ومشكل بتشكيلات جميله .. ممكن المغربي بتشكيلات هندسية وممكن تركب نوعية من القطع الصغيرة مثل الفسيفساء وممكن القطع الصغيرة جاهزة حتى بعضها يجي قزاز شفاف وداخله شرائح ذهبية أو فضية أو تشكيلات ثانية
سعود.
10-03-2018, 05:58 PM
يامرحبا اخوي بوسعود واخوي بوعبدالله

توني راجع للمنتدى وبكون متواجد على الخفيف .
Bo3essa
11-03-2018, 10:57 AM
ياهلا ومرحبا فيكم جميع
مشكورين على الاضافات ويعطيكم العافيه
Azizuk
11-03-2018, 01:54 PM
نابينا متوفرة عنده انواع واشكال من المغاسل

العاصمة متوفر عندهم مغاسل

المتحدة

كافود عنده انواع واشكال

بنغوديزاين

www.bagnodesignlondon.com

هذا شركة مختصة بس في مجال المغاسل

https://www.glassdesign.it/download/

محلات الكريدو


انصار غليري بس الجودة تعبانة
معماري قطري
12-03-2018, 01:05 AM
تعجبني المغسلة اللي سهلة وتقدر تقترب منها .. اللي تكون مثبتة في الحائط أو في جزء خرساني بارز وراها ويكون مثل الرف للأغراض ومغطى بسيراميك أو رخام والمغسلة بارزة تقدر تقترب منها .. كذلك توجد مغاسل لها زوائد جانبية ممكن تثبت على الحائط وهذي الزوائد تستخدم للصابون وغيره وتكون عملية أكثر
sweet qatar
13-03-2018, 10:08 PM
الرخام الصناعي أو ( حد يذكرني بالإسم )


الكوريان :)


والله يا بوعيسى سؤالك صعب


أكيد في أشيا ثانية بس وين تحصلها في هالسوق التعبان
معماري قطري
14-03-2018, 02:59 PM
الكوريان :)


والله يا بوعيسى سؤالك صعب


أكيد في أشيا ثانية بس وين تحصلها في هالسوق التعبان



جزاج الله خير ما ادري ليش كله انسى هذا الإسم

بس انا ما احبه وما يستاهل السيراميك العادي على الخشب يعتبر حل رخيص وأجمل بكثير .. حتى البورسلان ممكن نركبه ولازم نوديه يقصونه بالووتر جت وفيه منه بعرض 60 سم مناسب .. الأرضية تحته تكون خشب بلايوود وتركب بغراء عازل للرطوبة وهو أصلاً مانع لوصول الرطوبة للخشب .. ولو ركبنا مارين بلايوود ما تأثر فيه الرطوبة

السيراميك نقدر نخلي الفواصل كبيرة شوي ونركب قراوت ايبوكسي يجي مخطط خطوط متناسقة وحلوة وبألوان حسب ما نبغي لا تتغير ولا تتكسر .. لكن لو بنركبه باسمنت أبيض أكيد بتكون الشغلة فاشلة
معماري قطري
14-03-2018, 03:20 PM
هذي بعض النصايح للمغاسل وفيها استخدام الزجاج الأسود كسطح للمغسلة


https://www.youtube.com/watch?v=sBoHYRT1OUE

الكوريان مادة زينة وتسوى لكن اللي شفته في قطر انتاجها غالي وايد وتشطيبها باهت شوي أو يبهت مع الوقت .. هي تعتمد على دقة الصناعة وخليط مواد

صراحة تخوفت منها لوجود البدائل الأرخص والأقوى ولأن طلبها بتصميم معين ياخذ وقت .. لكن عجبتني المغسلة اللي في الفيديو معمولة باضاءة مخفية