اشتكي والا اطنش؟؟؟ [الأرشيف] - منتديات شبكة الأسهم القطرية

مشاهدة النسخة كاملة : اشتكي والا اطنش؟؟؟

بوNasser

09-03-2018, 08:43 PM

السلام عليكم ورحمة الله

احيانا تمر علي مواقف تخليني متردد:

هل هالموضوع يخصني والا لا؟؟

وليش انا مب غيري؟؟

وقبل كل شي هل الموضوع يستاهل اصلا؟؟

مثلا مره في مجمع شفت مغطين جزء من ارضية المجمع بقطع كرتون ( عادي جداً ) بس اللي مب عادي ان الكرتون وهو كرتون محارم مكتوب عليه QATAR والكل يمشي على الاسم ويدوس عليه!!!!

http://www.ab2004.com/muntada/cartoon.jpg

طلبت المدير (هندي الجنسية) وقلت له هذا خطأ شيل الكرتون او اقلبه على الأقل، والرجال فعلا مايدري، وشال الكرتون وانتهى الموضوع.

لقافة مني والا حماس زايد ، والله ما ادري.

المهم الحين انا كل جمعة اصلي في المعمورة وأشوف هذا المنظر على شارع شبه رئيسي:

http://www.ab2004.com/muntada/clothes01.jpg

طبعا ملابس معلقة على الشجرة وحواليها منظر مقزز (( نسينا ايام اللول))

السؤال اشتكي والا اخلي العالم تعيش، واترك عني اللقافة

المشاركة مفتوحة بدون تجريح لو سمحتوا.

وحيد-الشوق

09-03-2018, 10:11 PM

وعليكم السلام

صراحه المنظر الثاني يلوع الجبد ويقهر

تصدق رغم اني اشوف اشياء وايد وودي اشتكي بس دايماً أهون واغض النظر بسبب الإتصالات الي بتجيني
لمتابعة الموضوع

هيليوم

09-03-2018, 11:22 PM

بالنسبة للموقف الأول تصرفك صحيح
الموقف الثاني ناس على قد حالها غالبا وما عندها مكان تحط فيه الثياب والا الأصل محد يحط ثياب في الشارع عشان تجف ، انصحك تتجاهل وان كان فيه ضرر بجيهم خل يجيهم من غيرك

Rider

10-03-2018, 12:40 PM

المنظر الاول يتكرر حتى بطولة التنس لي كانت في قطر رجال ونساء تحصل اسم قطر مكتوب في اخر الملعب ويدوس عليه الاعب طبعا مكتوب بالانجليزي معقولة ماحد شاف اما المنظر الثاني عليه مخالفة مع قانون النظافة الجديد

مضارب دوسري

10-03-2018, 12:58 PM

المنظر الاول اتفق معاك

المنظر الثاني اختلف معاك
لانه لو كان عنده مكان (حوش داخلي) ينشر فيه ملابسه ماكان حطهم بهذي الطريقه

معماري قطري

10-03-2018, 03:27 PM

فيه قرار من البلدية سابق من زمان بتطبيق غرامة على اللي يعلق ملابس في البلكونات وهذا تقريباً في الشارع ولا ادري ليش ما تم تطبيقه .. أُسوة بقرار غرامة البصق وايد للحين يسونها في الشوارع

من فترة مريت بمشكلة وكان المتسبب فيها واحد من أهل قطر نزل من سيارته عند الاشارات وجاء للسيارة اللي جدامي وفيها سائق سوري وكان يبين وهو نازل معصب ويؤشر بيده .. ما قدرت اشوف شصار بينه وبين السوري وفتحت الإشارة ومشوا لكن فجأة ضرب بريك في وجه السائق السوري وانا كنت الضحية صدمت سيارة السوري من الخلف وسيارتي تضررت أكثر

اللي جدام ضربة خفيفة جداً في صدام سيارته .. جات الشرطة وشرحت لهم شصار وطلبت تحقيق جنائي لأن التعمد واضح وانا متضرر .. جاء التحقيق ولا صوروا بس طلبونا للمركز لأخذ الأقوال وبقدرة قادر حطوني من مشتكي الى شاهد وأقنعني الضابط بأني مب في موضوع الهوشة لكن في الحادث والحادث معروف إن الخطأ على اللي جدام وإنه إعترف وبيرسلون تحقيقهم للمرور والتصليح بيكون على المتسبب والليلة بيبات عندهم لأن النيابة بتحجزه بسبب الاعتداء

طبعاً المركز كلهم من ضباط وبعض المحققين من نفس فصيلة المتسبب وخذوا أقوالي ورحت .. ثاني يوم مريت على المرور قالوا لي تعال يالحبيب انت غلطان ولا أرسلوا لنا مركز التحقيق الجنائي صورة تحقيقهم .. رجعت للمركز الجنائي وهناك قالوا لي تصالحوا وحفظنا القضية .. وبعدين عرفت إن تم الضغط على السوري حتى يتنازل وإن القطري حتى تأمين ما عنده

تابعت الموضوع مع جهة أعلى لكن ما وصلت لمكتب معالي الوزير ومستعد أوصل له .. لأن هذا اعتداء على الحق العام وتجاوز من ناس المفروض يطلعون حق المشتكي أو المشتكين .. تمت إعادة أخذ أقوالي واضافة فقرة خاصة إني أطالب بحقي واني متضرر وكذلك أطالب بالحق العام من المتسبب .. وأرسلوا تحقيق جنائي لتصوير سيارتي وثم بدأت في اصلاحها بانتظار المحكمة .. كنت متوقع التكلفة 7 أو 8 آلاف لكن طلعت 17000 وخردة وفي كراج عادي بعد

القطري كان يقول لي سلامتك وزين في الحديد وكأني محصل الحديد في خرابه ما دفعت فيه فلوس .. ويوم قلت له اني باشهد باللي شفته وباشهد ضده عصب وتم يهاذي بأني انا وهو سواسية جدام القانون وليس من حقي اهدده ويعلم الله اني ما هددته بشيء سوى بأخذ الحق القانوني

معماري قطري

10-03-2018, 03:30 PM

عندنا رقم العضيد وغيره من الجهات وشكاوي البلدية والمفروض يؤدون واجبهم بدون شكوى حتى

الدوحه1

10-03-2018, 04:22 PM

بوخالد911

10-03-2018, 10:41 PM

اشتك
ولا تتردد.

ضوى

11-03-2018, 07:41 AM

الموقف الأول : اتفق فيه معاك وتصرفك ممتاز حيال هذا الموضوع

الموقف الثاني : لا تشتكي يعني وين يعلق ثيابه ؟ زين بعد حاط منشر مب حبل عالطوفة ، لانه اذا ماعلق ثيابه عالحبل وتضربها الشمس بتظهر ريحة عطبة وبتخيسنا بالسيارة

المحاميه

11-03-2018, 08:12 AM

عليكم السلام

والله قاعد يصيرلي نفسك
وقمت اقول اتغاضى ولا امشي فالاجراءات

بالنسبه حق سؤالك
حق الصوره الثانيه
فأنا أقول تغاضى
خل الفقارى يعيشون بالي متوفر عندهم
ولانضيق عليهم ..

المحاميه

11-03-2018, 08:14 AM

بالنسبه لي
تعاملت مع محل كيك مؤخراً
وللاسف الستاف الي تكلمه ينهب منك ويعطيك مبلغ فوق المبلغ الفعلي ..
انا بالنسبه لي عطيتهم من الكلام الزين .. وخافوا وعطوني السعر الصح .. لكن باقي الكاستمرز اشذنبهم؟
كنت بابلغ حماية المستهلك
بس افكر الحين اكلم صاحبة المحل ..
خصوصا واني اتعامل مع هالمحل سنين ومب حابه اشتكي عليهم عند حماية المستهلك عشان السمعه ووو الخ ..

اشرايكم؟
واحس غلط لو سكت وماتكلمت ..

قطريه ماركه

11-03-2018, 09:58 AM

تصرف ممتاز
اشدعوه بالانجليزي مكتوب اسم قطر و ما يدري !!

عيسى111

11-03-2018, 10:16 AM

أخبر من كم سنة مريت سوق واقف عند محلات الطيور حاطين جرايد تحت الطيور توصخ عليها فيها إسم الله وإسم قطر وصور الأمير كلمتهم وقلت لهم حرام عليكم الجريدة فيه إسم الله شلون تحطونها تحت الطيور في القفاصة ما أدري للحين هم على هذي الحالة والا البلدية اتخذت إجراء معاهم.

يمامـة

13-03-2018, 11:44 AM

واللي يمرتقريبا يوميا قدام هالمركز واللي مكانه غلط وفي وسط المدارس؟؟؟؟؟؟؟

سبق ان طرحت الشكوى في المنتدى ولكن للأسف ماصار شي !!!!

"مركز توزيع الخمور وسط المدارس؟؟؟؟؟؟؟؟"
http://www.qatarshares.com/vb/showthread.php?626592-مركز-توزيع-الخمور-وسط-المدارس؟؟؟؟؟؟؟؟&highlight=%C7%E1%CE%E3%E6%D1

http://c.up-00.com/2018/03/152068783141771.jpg (http://www.up-00.com/)

http://c.up-00.com/2018/03/152068783186982.jpg (http://www.up-00.com/)

هل اشتكيت عند الجهات الرسمية؟

كم قطري قدموا شكوى في المركز او الجهات المعنية ضد وجود مثل هالمركز؟

الشكوى في المنتديات ما بيغير شي..
استند على قوانين و اشتك شكاوى رسمية .. حزتها بتكون حركت ساكن..

يمامـة

13-03-2018, 11:53 AM

قبل ما تشتكي نبه اللي معلقين ملابسهم في حوش الشارع انه ممنوع.....> ذيه قانون

و احييكك على تصرفك في الموقف الأول لانك اتبعت الطرق الصحيحة لتغيير الخطأ..

ورد الدوحه

14-03-2018, 10:56 AM

ya3coub

14-03-2018, 11:39 AM

الأول ممتاز الثاني انت ما تدري شنهي ظروفهم الله منعم عليك اهم من الثياب ما عندهم مكان و بهالشي حاطينها برع.

للأسف الحين تشتكي على واحد غالط عليك ولا يسونله شي و غير الإتصالات و المذلة و تكره اليوم الي بتشتكي فيه بسبب تعسف الإجرائات

يمامـة

15-03-2018, 09:35 AM

بالنسبة للنقطة الثانيه الأفضل انك اتكلمهم لانهم فقارة مساكين أصلا يمكن ماعندهم بيت أشوفهم عايشين تحت شجرة
وكل مرة أمشي بالعدال اشوفهم ايعورون قلبي

وبالنسبة لي ......شفت موقف في حضانة بنتي وترردت اشتكي صراحة شفت المدرسة تضرب ولد صغير على راسه
ويوم شافتني طايفه تمت اتلمه وهو يصييح
لو باشتكي بتقول لا انا كنت العب معاه ومحد بيصدقني والكيمرات طبعاً ماراح يشغلونها لي

في سنة من السنين كنت اودي خوسيه الصغير عند مدرسة كانوا يمدحونها وايد في تأسيس اللغة الإنجليزية
و اللي حدني على اني اتركه و اروح .. ان خوسيه كان خجول و انطوائي و ما يحب المشاركة..
فقلت اخليه معاها ومع الأطفال اللي اتدرسهم..

بالنسبة لي ما عندي مانع المدرسة تهاوشه تعصب عليه تنهره او تهدده بالعصاية او تضربه خفيف فيها..
بس لأن خوسيه أصلا هادي ما كان يتعرض لأي شي منها بفضل من الله.. وقالت لي اني احبس
الأطفال في الحمام .. قلت لها الحمام مب مكان حبس.. الحمام مكان للشياطين.. فلو بدر من خوسيه
أي تصرف خبريني و عاقبيه لكن مب في الحمام.. و نبهتها انها ما تمد يدها عليه.

لكن
كانوا هناك أطفال اخرين منهم اثنين اخوان.. لما كنت ارجع اخذه كنت اقعد في الغرفة اللي اتدرس فيها
اليهال و كنت اشوف اشلون تلمهم و تحضنهم و تبوسهم اذا ادخلوا..
و هالشي رفضت تتبعه مع خوسيه لأن مب تربية انه ينلم و ينباس من كل مدرسة بتدرسه
و فوقه خوسيه مثل ما ذكرت خجول و ما يحب دلع الحريم..

ياني ولدي يوم و قال لي ان المدرسة هذي تعصب و تضرب..
قلت له تضربك؟
قال لي لا .. انا لا..
تضرب اليهال وخاصة فلان و اخوه ( كانوا اعتقد من بلاد الشام)
ومن حظي اني بعد كم يوم
لما رحت يوم لقيت سواطر هالطفلين معلمة باصابع يدها.. واللي قهرني
ان الأم لما يات تمت تضحك و تسولف و لا همها اللي على ويه اليهال..

بلعت العافية يومها و خذت خوسيه و رديت البيت.. ثاني يوم لما وديته
دخل الصالة خوسيه هو و الأطفال اللي معاه و قعدوا على الطاولة
اهنيه ناديتها و طلبت منها اني اكلمها خارج الصالة..

و كنت حازمة معاها.. قلت لها أي طفل يتعرض للضرب سواء بموافقة امه
او اهله او ابوه وينهان بالطريقة اللي شفتها بعيوني .. تأكدي ان حقوق الطفل
راح ياخذون حقه..
قالت لي انا ما قربت صوب ولدج و لا اكلمه و لا أقول له شي..
قلت لها ولدي من قبل ما اكلمج اليوم قايلة لي ما عندج شكاوى عليه و بلسانج تقولين
انه يأدي ما هو مطلوب منه .. فكلامي مب عن ولدي
كلامي عن الطفلين اللي حمرتي لهم سواطرهم امس.. وان كانت الام موافقة و تضحك معاج و مبسوطة..
لكني ما بعدي هالموضوع على خير
ان لاحظت شي ثاني على هالاطفال.. و اعذريني على كلامي..

طلعت و خليت خوسيه عندها و انا خايفة عليه.. لكني حسيت اني بريت ذمتي..
العيار اللي ما يصيب يخدش.. كنت أتمنى تستوعب ان مب من حقها تضرب هالاطفال
بالطريقة هذي..

و بعد كم يوم دخلت و نطرت خوسيه و دخلت ام هالاطفال و عيالها معاها
و هات تبوس و أحضان في هالاطفال وتميت اراقب الموقف وابتسامة على ويهي
لأن ذيه أصلا تصرفها معاهم بعيد عن طاولة التدريس لكن عند طاولة التدريس تهينهم
و ترزل فيهم و تضربهم..

للأمانة كانت هناك طفلة قطرية ما شاء الله مستواها تطور بشكل كبير معاها
و كنت اعرف عنها.. لكن انها تعتدي على الأطفال اللي مستواهم مب متماشي مع تعليمها لهم
هالشي ارعبني يومها و خلاني أوقف في ويهها و انبهها تنبيه اولي.. لأن لو تكرر و سمعت
من خوسيه كنت باشتكي عليها.
كملنا الصيف و ما سمعت من خوسيه أي خبر عن سوالفها مع هالاطفال
و انتهت علاقتنا فيها .. وما يندرى اعقلت ولا كملت سوالفها..

من جذيه و لمواقف كثيرة افضل تنبيه المخالف أولا قبل تقديم أي شكوى..

الدوحه1

15-03-2018, 01:48 PM

هل اشتكيت عند الجهات الرسمية؟

كم قطري قدموا شكوى في المركز او الجهات المعنية ضد وجود مثل هالمركز؟

الشكوى في المنتديات ما بيغير شي..
استند على قوانين و اشتك شكاوى رسمية .. حزتها بتكون حركت ساكن..

على أي أساس اشتكي لان على حسب علمي لايوجد قانون قطري يمنع ويجرم بيع الخمور/الخنزير بالقرب من المدارس!!
ولكن في قانون يمنع بيع السجاير بالقرب من المدارس.

مع ان "قانون العقوبات القطري" يجرم استيراد وبيع الخمور في قطر؟؟؟

قانون العقوبات القطري:

الماده 272
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، كل من استورد، أو صدر، أو صنع، أو استخرج، أو حضر خمراً، أو شراباً مسكراً.

المادة 273
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، أو بإحدى هاتين العقوبتين، كل من باع أو اشترى، أو سلم، أو تسلم، أو نقل أو حاز أو أحرز خمراً، أو شراباً مسكراً، أو تعامل أو توسط في التعامل فيهما، بأي وجه بقصد الإتجار أو الترويج

معماري قطري

15-03-2018, 01:57 PM

على أي أساس اشتكي لان على حسب علمي لايوجد قانون قطري يمنع ويجرم بيع الخمور/الخنزير بالقرب من المدارس!!
ولكن في قانون يمنع بيع السجاير بالقرب من المدارس.

مع ان "قانون العقوبات القطري" يجرم استيراد وبيع الخمور في قطر؟؟؟

قانون العقوبات القطري:

الماده 272
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، كل من استورد، أو صدر، أو صنع، أو استخرج، أو حضر خمراً، أو شراباً مسكراً.

المادة 273
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، أو بإحدى هاتين العقوبتين، كل من باع أو اشترى، أو سلم، أو تسلم، أو نقل أو حاز أو أحرز خمراً، أو شراباً مسكراً، أو تعامل أو توسط في التعامل فيهما، بأي وجه بقصد الإتجار أو الترويج

حلها يا اخوي يسوون لها قسم خاص في مجمع خاص بالأجانب أو يكتفون بالسوق الحرة في المطار ويعطون مستلكيها تصاريح للشراء وبضوابط وقوانين محددة .. كذلك عندهم مجمع الكنائس ليش ما يبيعون هناك

الحلول كثيرة لكن من يتلحلح ومن مستفيد هنا المشكلة

أذكر كان وكيلهم شخص قطري وكانت تباع في نفس المنطقة من زمان قبل لتتعمر المنطقة لكن كان المكان جهة الغرب من الشارع .. وتم تغييره لجهة الشرق واعتقد الوكيل واحد ومعروف عندنا الوكيل في قطر له حقوق ما تتغير

معماري قطري

15-03-2018, 01:58 PM

لو حضانة الكلاب اللي قرب بيتنا يبيعون خمر كان أهون علينا من النباح ليل نهار

على الأقل مدخل البيت جدام على الشارع الرئيسي ولا بيسببون لنا ازعاج

alhamza1999

15-03-2018, 01:59 PM

حتى لو اجوا الاطفال يطلبون ممنوع البيع لهم المسموح فقط بعمر 25 وفوق ويكون راتبه 5000 ولازم مو مسلم يكون يعني شروط معقده جدا

معماري قطري

15-03-2018, 02:01 PM

دققت في الصورة نفس الشيء للحين غرب الشارع

سبحان الله تراث

أذكر ولد الوكيل كان صديقي وزميل دراسة في ثانوية أحمد بن حنبل في بدايات 1982 وهو اللي قايل لي

الدوحه1

15-03-2018, 03:23 PM

حتى لو اجوا الاطفال يطلبون ممنوع البيع لهم المسموح فقط بعمر 25 وفوق ويكون راتبه 5000 ولازم مو مسلم يكون يعني شروط معقده جدا

وشلون بيعرفون ان الشخص مسلم اذا "الديانه" مب مذكوره في البطاقه الشخصيه؟؟؟؟؟
وللعلم انا قريت في بعض المواقع ان بعض "الأجانب" المسلمين عندهم تصاريح ويبيعون حصتهم بربح لايقل عن 100% !!!!!

حلها يا اخوي يسوون لها قسم خاص في مجمع خاص بالأجانب أو يكتفون بالسوق الحرة في المطار ويعطون مستلكيها تصاريح للشراء وبضوابط وقوانين محددة .. كذلك عندهم مجمع الكنائس ليش ما يبيعون هناك

الحلول كثيرة لكن من يتلحلح ومن مستفيد هنا المشكلة

أذكر كان وكيلهم شخص قطري وكانت تباع في نفس المنطقة من زمان قبل لتتعمر المنطقة لكن كان المكان جهة الغرب من الشارع .. وتم تغييره لجهة الشرق واعتقد الوكيل واحد ومعروف عندنا الوكيل في قطر له حقوق ما تتغير

انا اشوف ان احسن مكان "الصناعيه" بعيدا عن المناطق السكنيه والمدارس..

للعلم الوكيل الحصري لبيع ألخمور والخنزير في قطر "القطريه"!!!

معماري قطري

15-03-2018, 08:46 PM

وشلون بيعرفون ان الشخص مسلم اذا "الديانه" مب مذكوره في البطاقه الشخصيه؟؟؟؟؟
وللعلم انا قريت في بعض المواقع ان بعض "الأجانب" المسلمين عندهم تصاريح ويبيعون حصتهم بربح لايقل عن 100% !!!!!

انا اشوف ان احسن مكان "الصناعيه" بعيدا عن المناطق السكنيه والمدارس..

للعلم الوكيل الحصري لبيع ألخمور والخنزير في قطر "القطريه"!!!

ذكرت اللي أعرفه من الثمانينات وبنفس المكان وكان البيت الوحيد موجود هناك تغير شيء بعدين الله أعلم .. وقتها القطرية ما كانت موجودة

بس ربطت هذا الخبر بنفس الموقع ما يبون يغيرون على السكارى مساكين لأنهم بيضيعون الطريق

الدوحه1

16-03-2018, 10:17 AM

امس مريت وبغيت انزل اتهاوش معاهم!! شوفوا اشلون مسكرين الشارع من الزحمه؟؟

هالمركز هو الوحيد في قطر للتوزيع ويخدم عشرات الالاف من "السكارى" ومواقف السيارات محدودة جدا وماتكفى وشوارع ضيقه مثل ماهو باين في الصوره!!!!

شالحل ياخوان ملينا من الزحمه اللي مسببها لنا هالمركز؟؟؟

http://d.up-00.com/2018/03/152118419874761.jpg (http://www.up-00.com/)

http://d.up-00.com/2018/03/152118333431481.jpg (http://www.up-00.com/)

http://d.up-00.com/2018/03/152118333980932.jpg (http://www.up-00.com/)

http://d.up-00.com/2018/03/152118334525613.jpg (http://www.up-00.com/)

Dana’1

16-03-2018, 12:08 PM

الخمور تحريمها واضح وصريح وعلى جميع الأطراف شاربها وساقيها، وبائعها ومبتاعها، وعاصرها ومعتصرها، وحاملها والمحمولة إليه.
الحل إنها تزاح نهائي من البلد حتى من المطار والخطوط القطريه نهائي .
أأمن وأحفظ لشباب وأطفال المسلمين من الجنسين..
والكفار خلهم يفتكون منه شوي كله فتره ويردون لبلادهم غير الإجازات والسفر يشربون لين يشبعون.
وجوده هنا مو حاجه ملحه لاهو علاج أو شي مره ضروري .

alhamza1999

16-03-2018, 05:39 PM

الدوحه1

16-03-2018, 08:03 PM

يكون مكتوب الدين في جواز السفر

منقول من الانترنت

"لا تخلو عملية الحصول على هذه الرخصة من بعض المفارقات، فهي مشروطة أولاً بموافقة الشركة، التي يعمل فيها المقيم، وبكتاب رسمي يحمل خاتمها، ويشترط لحاملها حد أدنى لراتبه 4000 ريال قطري أو 1100 دولار أميركي، يستطيع أن يصرف منه ما لا يتعدى 15% على الكحول.

والأهم أنها تمنح لغير المسلمين فقط.

"ارتعشت يداي وأنا أدون كلمة مسيحي في خانة التصريح عن الديانة"، يقول غسان 27 عاماً، فهو مسلم، لكنه من المحظوظين الذين لا تحمل أسماؤهم دلالة على ديانتهم، ولا شيء من الوثائق الرسمية يشير إليها. ويضيف: "أشعر بقليل من الحرج، لكن لا بأس فأنا أصلاً أشتري الكحول بغرض إعادة بيعه. ليست عملية قانونية، ولكن بعضاً من الأكياس السوداء تفي بالغرض، فأنا أؤمن دخلاً جيداً من بيع الكحول".

alhamza1999

16-03-2018, 08:52 PM

منقول من الانترنت

"لا تخلو عملية الحصول على هذه الرخصة من بعض المفارقات، فهي مشروطة أولاً بموافقة الشركة، التي يعمل فيها المقيم، وبكتاب رسمي يحمل خاتمها، ويشترط لحاملها حد أدنى لراتبه 4000 ريال قطري أو 1100 دولار أميركي، يستطيع أن يصرف منه ما لا يتعدى 15% على الكحول.

والأهم أنها تمنح لغير المسلمين فقط.

"ارتعشت يداي وأنا أدون كلمة مسيحي في خانة التصريح عن الديانة"، يقول غسان 27 عاماً، فهو مسلم، لكنه من المحظوظين الذين لا تحمل أسماؤهم دلالة على ديانتهم، ولا شيء من الوثائق الرسمية يشير إليها. ويضيف: "أشعر بقليل من الحرج، لكن لا بأس فأنا أصلاً أشتري الكحول بغرض إعادة بيعه. ليست عملية قانونية، ولكن بعضاً من الأكياس السوداء تفي بالغرض، فأنا أؤمن دخلاً جيداً من بيع الكحول".
كل واحد حر الي يشتري هو قاعد يضر نفسه والله يحاسبه اما الي يشتريه لغرض اعاده البيع لازم يمنع ويتك التصرف معاه وايقافه بالنسبه للي يشتروه لغرض الاستعمال الرسمي داخل بيوتهم فقط هم احرار لو تم قفل مكان البيع الوحيد في البلاد راح ينتشر المهربين والطرق الغير قانونيه لادخاله

حمــد

16-03-2018, 11:30 PM

لا حول ولا قوة الا بالله

يمامـة

25-03-2018, 11:33 AM

على أي أساس اشتكي لان على حسب علمي لايوجد قانون قطري يمنع ويجرم بيع الخمور/الخنزير بالقرب من المدارس!!
ولكن في قانون يمنع بيع السجاير بالقرب من المدارس.

مع ان "قانون العقوبات القطري" يجرم استيراد وبيع الخمور في قطر؟؟؟

قانون العقوبات القطري:

الماده 272
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، كل من استورد، أو صدر، أو صنع، أو استخرج، أو حضر خمراً، أو شراباً مسكراً.

المادة 273
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، أو بإحدى هاتين العقوبتين، كل من باع أو اشترى، أو سلم، أو تسلم، أو نقل أو حاز أو أحرز خمراً، أو شراباً مسكراً، أو تعامل أو توسط في التعامل فيهما، بأي وجه بقصد الإتجار أو الترويج

تشتكي و انت مستند على الدستور القطري المنبثق من الشريعة الإسلامية
فإذا بيع الخمور حلال فبناء عليه بيوت الدعارة لازم تكون حلال..
و بما ان القانون يعاقب فتح بيوت للدعارة

لذلك تطالب بتفعيل القانون اللي يمنع بيع الخمور.. فمن جذيه احنا للحين مب قادرين
نوصل اصواتنا كمواطنيين ترفض الفسق و بيع الحرام في البلاد..

اما تعطون الحكومة حلول لنقل المركز المنكر ذيه لمناطق ابعد من مدارس
الطلاب ... هذا ما يمنع ان الجريمة مستمرة في حق المجتمع بكبره..

وقرقعتنا اهنيه مب محركة شي..

بتقول لي ليش ما تشتكين انتي..
بقول لك اني ما اقدر اشتكي لأني مب صاحبة قراري بما اني متزوجة
وعلى ذمة رجل لازم اخذ موافقته في كل تصرفاتي خارج المنزل..