ياراعي الجوال خف علينا

[Rider]

نعم اقولها وبصراحة ياراعي الجوال خف علينا ترى ذبحتونا فالشوارع كل واحد ماسك هالجوال وكانه من الشخصيات المهمة واخر شي يطالع مقاطع فيديو ولا واتساب محادثة وتعال شوفه السيارات يمين يسار وغير المشي ببطأ وتعال دق له هرن قام يأشر بيده مب عاجبه بعد غلطان ولك وجه والله ناس فقدانهم بسبب هالجوال ياخي لا تفكر لي تسويه تطور وتقدم ترى والله تخلف ورجعيه ترى فالنهاية جوالك ماحد بيأخذه منك اتمنى تشديد العقوبة على استخدام الجوال في السيارة غرامة مب اقل 5000 او حجز السيارة او حتى سجن تأديبي

[حمــد]

اي والله صادق ياليتها مكالمه بس كان اهون

[alhamza1999]

في بعضهم يكون فاتح السبيكر ويتكلم بدون مايسمك الجوال ونفس الشي ينشغل وهذا الشي مسموح

[حمــد]

صادق ولكن المقصود انه في ناس تنشغل في برامج التواصل الاجتماعي الوتس اب بالانستجرام وغيرها والسياره ماشيه وهو ماشي على البركه ياليتها وقفت على مكالمه فقط

[محمد11]

اي والله انك صادق وقسم الله انك صادق
للاسف غلطان ويطول لسانه ويعاند ويلف عليك او يمشي وراك علشان يقول لك خير

[ورد الدوحه]

ايه والله خطر هالشي ياليت ايطبقون عقوبة على استخدام الهاتف في السياره 10 الاف ريال
من كم شهر واحد توفى الله يرحمه في حادث وهو ع الواتس اب يكتب ويسوق لين دعم اللي جدامه

[يمامـة]

ياليت تكون هناك عقوبات صارمة للي ينشغل في الجوال..
لأن لو حياته مب مهمة حياة الاخرين يعرضها للخطر باستهتار كبير
و السبب انه مشغول بالجوال و عيونه عليه..

[qatari911]

راعي الجوال الي عندنا هو نفسه الي يسافر للخارج ويسوق ويحترم قانونهم ويتبعه بحذافيره ليش لان القانون فوق الواسطه والمحسوبيه
ياراعي الجوال مثل ماتحترم قوانين الدول الي تسافر لها احترم قانون دولتك واحترم الناس الي بالشارع ترى الي تسويه عندنا يعتبر تخلف

[Rider]

لا ومشكلة بعيني شايف ضباط في الشرطة والجيش وهم بعد يستخدمون الجوال أثناء القيادة واذا خلصنا من هالشي الحين حتى في المجمعات التجارية تمشي الا شوي لاصق فيك وين يالطيب اخر شي يقول اسف مانتبهت عيونه في الجوال
اخوانا فالمرور نبغي تطبيق فعلي مب تخالفون الناس علي أشياء تافه وتخلون أشياء مهمه

[nooora]

اي والله ياليت يزيدون في الغرامة بين 10000 و 15000 مع نقاط لا يقل عن خمسه ،، ف بريطانيا استعمال الجوال عليه 7 نقاط اظن يعني لو كررها مره ثانيه راحت عليه ،،، وياليت صاحب الجوال مشغول ف شي مهم كله مقاطع وكلام فاضي ،،، متخلفين

[Rider]

من باب تغير الجو اشوف مافيه مشاركات وايد الظاهر معظم الاعضاء من لي يستخدمون الجوال أثناء القيادة ههههههه

[معماري قطري]

الكيمرات منتشرة في كل شوارع قطر الرئيسية والرقابة موجودة لكن بدون فاعلية

نشوف شلة يسولفون ويتمشون بطيء والشارع فاضي جدامهم .. سواء قطريين أو غيرهم وكل مرة اصادف هالنوعيات .. كذلك بعضهم عند الاشارات يتنحون فترة وبعدها يمشون على هونك يا حبيبي على هونك .. والمشكلة عرقلة ناس ورا والمشي تدريجي بسرعات بطيئة ياخذ دقيقة كاملة لين يوصل أقل من سرعة الشارع القانونية ب 20 أو 10 كيلو متر في الساعة

المفروض كل مسببات العرقلة تسجل وترفق صورها وفيديوهات للضابط المختص وهو يخالف بدون تفكير زايد حتى الكل يلتزم

[بومحمد]

شرايك باللي يقرا جريدة على خط الشمال السريع والسيارة يمين ويسار

[MAZEN37]

من باب تغير الجو اشوف مافيه مشاركات وايد الظاهر معظم الاعضاء من لي يستخدمون الجوال أثناء القيادة ههههههه

انا استخدم الجوال بالزحمه والاشارات للفيديوهات والصوتي وانا ماشي

[Rider]

في النهاية الله يصلح احوال الشباب والله اليوم خطيب الجمعة كان يتكلم عن الموضوع يقول هناك ارواح ازهقت بسبب هذا الجوال

[محمد عبدالرحمن]

نعم اقولها وبصراحة ياراعي الجوال خف علينا ترى ذبحتونا فالشوارع كل واحد ماسك هالجوال وكانه من الشخصيات المهمة واخر شي يطالع مقاطع فيديو ولا واتساب محادثة وتعال شوفه السيارات يمين يسار وغير المشي ببطأ وتعال دق له هرن قام يأشر بيده مب عاجبه بعد غلطان ولك وجه والله ناس فقدانهم بسبب هالجوال ياخي لا تفكر لي تسويه تطور وتقدم ترى والله تخلف ورجعيه ترى فالنهاية جوالك ماحد بيأخذه منك اتمنى تشديد العقوبة على استخدام الجوال في السيارة غرامة مب اقل 5000 او حجز السيارة او حتى سجن تأديبي

أو أن تكون العقوبة تغيير رخصة القيادة لاستخدام سيارة بناقل حركة يدوي manual gear لمدة ثلاثة أشهر.

بالفعل هذه الظاهرة باتت وكانها قانون بحيث أن من لا يستخدم الجوال أثناء القيادة تجب مخالفته.

[BoFahed]

الكيمرات منتشرة في كل شوارع قطر الرئيسية والرقابة موجودة لكن بدون فاعلية

نشوف شلة يسولفون ويتمشون بطيء والشارع فاضي جدامهم .. سواء قطريين أو غيرهم وكل مرة اصادف هالنوعيات .. كذلك بعضهم عند الاشارات يتنحون فترة وبعدها يمشون على هونك يا حبيبي على هونك .. والمشكلة عرقلة ناس ورا والمشي تدريجي بسرعات بطيئة ياخذ دقيقة كاملة لين يوصل أقل من سرعة الشارع القانونية ب 20 أو 10 كيلو متر في الساعة

المفروض كل مسببات العرقلة تسجل وترفق صورها وفيديوهات للضابط المختص وهو يخالف بدون تفكير زايد حتى الكل يلتزم

القانون موجود وواضح بس فيه استهتار واضح بسبب التساهل في تطبيقه والواسطة قاتلها الله

لو الهيلق و محدثين النعمه والمعيلة تادبو صح ما نشوف هذي الظواهر منتشره بكثره في سوارعنا ( التلبيق واللف على الناس والدعم والسب وغيره وغيره )

الوضع صاير ما يطاق عندنا والاخلاق للاسوء وعسى الله يحفظ النعمه ولا ياخذنا بفعل هولاء السفهاء

[Rider]

القانون موجود وواضح بس فيه استهتار واضح بسبب التساهل في تطبيقه والواسطة قاتلها الله

لو الهيلق و محدثين النعمه والمعيلة تادبو صح ما نشوف هذي الظواهر منتشره بكثره في سوارعنا ( التلبيق واللف على الناس والدعم والسب وغيره وغيره )

الوضع صاير ما يطاق عندنا والاخلاق للاسوء وعسى الله يحفظ النعمه ولا ياخذنا بفعل هولاء السفهاء

والله ياخوي تعبنا منهم اليوم واحد ماسك اليسار ويمشي براحته والناس واراه تجاوزته عن اليمين وجيت قدامه ويكبس لي ليت اشرت له بمعنى وش تبغي ماقدر يسوي شي ليش تضر الناس يالرايق

[حمد بن سعد]

اي والله تعبنا منهم والمشكله كم مره يمر علي نفس الموقف ويطلع ظابط القانون زينه شكله

[الماريّة]

زين ليش مايخالفونهم بغرامه قويه

والا بس فالحين على دريولي المسكين الفقير
جواله بو ليت وكله يخالفونه اذا رد علي :sneaky:

[معماري قطري]

القانون موجود وواضح بس فيه استهتار واضح بسبب التساهل في تطبيقه والواسطة قاتلها الله

لو الهيلق و محدثين النعمه والمعيلة تادبو صح ما نشوف هذي الظواهر منتشره بكثره في سوارعنا ( التلبيق واللف على الناس والدعم والسب وغيره وغيره )

الوضع صاير ما يطاق عندنا والاخلاق للاسوء وعسى الله يحفظ النعمه ولا ياخذنا بفعل هولاء السفهاء

دولة مثل أمريكا غالبية ولاياتها يعطون رخص سواقة من سن 16 لكن تحصل اللي يسوق يخاف من ظلاله ويطبق قوانين المرور والسلامة بصرامة .. غالبيتهم يبون يلعبون ويسرعون لكن ما يقدرون والشرطة منتشرين في كل مكان .. كذلك المجتمع يبلغ عن أي تجاوز .. والعقاب يجي سريع ومباشر وبشكل متدرج في حال التكرار

[المحاميه]

والله صادق
صارت طفره
والخطر زاد

[BoFahed]

دولة مثل أمريكا غالبية ولاياتها يعطون رخص سواقة من سن 16 لكن تحصل اللي يسوق يخاف من ظلاله ويطبق قوانين المرور والسلامة بصرامة .. غالبيتهم يبون يلعبون ويسرعون لكن ما يقدرون والشرطة منتشرين في كل مكان .. كذلك المجتمع يبلغ عن أي تجاوز .. والعقاب يجي سريع ومباشر وبشكل متدرج في حال التكرار
صادق اخوي بو عبدلله الربع اللي درسوا بامريكا يقولون لي احنا كنا ننحجز في الشرطة وينحكم علينا خدمه اجتماعيه بسبب مخالفات مرورية عندنا هني وكيل عريف يطلعك منها

للاسف صار فيه استهتار ومهايط نعايشها يوميا توصل ل الدعم المتعمد وبالاخير يضغطون على المتضرر علشان يتنازل وواسطات وبالاخير يطلع منها ولا يتعاقب واعرف سوالف كثيره صارت للربع

اذكر واحد من الربع تناحس معاه خبير قانوني حاط ولده في حضنه ولف على رفيجي ودعمه متعمد ليش انه طق هرن:mad:

فيه قانون مشدد واجرائات قويه بس المشكله التنفيذ والمماطله في التحويل للنيابة علشان تنحل ودي بسبب كثرة البلاغات والعدد الرهيب للسيارات الله يعينهم الداخلية بسبب اكثر شي يقهر الواسطات

للاسف شي زاد عند حده ولازم الضرب بيد من حديد علشان هذيلا الهيلق يحرمون سوالفهم ويمثلون اقلية لغالبية شبابنا اللي فيهم الخير والبركة

[Rider]

صادق اخوي بو عبدلله الربع اللي درسوا بامريكا يقولون لي احنا كنا ننحجز في الشرطة وينحكم علينا خدمه اجتماعيه بسبب مخالفات مرورية عندنا هني وكيل عريف يطلعك منها

للاسف صار فيه استهتار ومهايط نعايشها يوميا توصل ل الدعم المتعمد وبالاخير يضغطون على المتضرر علشان يتنازل وواسطات وبالاخير يطلع منها ولا يتعاقب واعرف سوالف كثيره صارت للربع

اذكر واحد من الربع تناحس معاه خبير قانوني حاط ولده في حضنه ولف على رفيجي ودعمه متعمد ليش انه طق هرن:mad:

فيه قانون مشدد واجرائات قويه بس المشكله التنفيذ والمماطله في التحويل للنيابة علشان تنحل ودي بسبب كثرة البلاغات والعدد الرهيب للسيارات الله يعينهم الداخلية بسبب اكثر شي يقهر الواسطات

للاسف شي زاد عند حده ولازم الضرب بيد من حديد علشان هذيلا الهيلق يحرمون سوالفهم ويمثلون اقلية لغالبية شبابنا اللي فيهم الخير والبركة

امس والله ياخوان وانا طالع من الدوام كل مامر شارع الا فيه من هؤلاء المخلوقات لي لا يحترم نفسه ولا يحترم الاخرين طق له هرن علشان يفتح الطريق مايعبرك واذا طفته عن اليمين وطالعته قعد يطالعك بنظرة احتقار وفهمها يعني عند شي مب عاجبك

[shadad]

تصير اخس من قلب لو السواق حرمة - مع احترامي للحريم - وتتكلم وفجاه تلف عليك. تهرن لها عاد شوف تنتبه والا لا. هذه اصعب الحالات لان سواقتهم معروفه + عطهم تلفون وشوف الوضع. هذه الاشياء تصير واجد وافضل شي التبليغ فقط.

[معماري قطري]

صادق اخوي بو عبدلله الربع اللي درسوا بامريكا يقولون لي احنا كنا ننحجز في الشرطة وينحكم علينا خدمه اجتماعيه بسبب مخالفات مرورية عندنا هني وكيل عريف يطلعك منها

للاسف صار فيه استهتار ومهايط نعايشها يوميا توصل ل الدعم المتعمد وبالاخير يضغطون على المتضرر علشان يتنازل وواسطات وبالاخير يطلع منها ولا يتعاقب واعرف سوالف كثيره صارت للربع

اذكر واحد من الربع تناحس معاه خبير قانوني حاط ولده في حضنه ولف على رفيجي ودعمه متعمد ليش انه طق هرن:mad:

فيه قانون مشدد واجرائات قويه بس المشكله التنفيذ والمماطله في التحويل للنيابة علشان تنحل ودي بسبب كثرة البلاغات والعدد الرهيب للسيارات الله يعينهم الداخلية بسبب اكثر شي يقهر الواسطات

للاسف شي زاد عند حده ولازم الضرب بيد من حديد علشان هذيلا الهيلق يحرمون سوالفهم ويمثلون اقلية لغالبية شبابنا اللي فيهم الخير والبركة

لتذكرني بالواسطات والله قهر

واحد متهاوش مع ثاني من فترة ضرب بريك في وجهه وانا وراهم دعمت اللي وراه .. سيارتي صلحتها على حسابي ب 17000 وكسور وسيارة المتسبب شمخ بسيط بس .. وهو قطري واللي وراه سيارته بعد تضررت من سيارتي .. المتسبب ما عنده تأمين استمارته منتهية .. بس المركز مدجج من عيال عمه ورحت اشتكيت على ضباط المركز .. وعدوني بتحقيق ولا شفت شيء ووعدوني بتحويل الملف للنيابة وبيجيني اتصال ولا صار شيء

ما لي الا اروح مكتب معالي رئيس مجلس الوزراء ووزير الداخلية

[BoFahed]

لتذكرني بالواسطات والله قهر

واحد متهاوش مع ثاني من فترة ضرب بريك في وجهه وانا وراهم دعمت اللي وراه .. سيارتي صلحتها على حسابي ب 17000 وكسور وسيارة المتسبب شمخ بسيط بس .. وهو قطري واللي وراه سيارته بعد تضررت من سيارتي .. المتسبب ما عنده تأمين استمارته منتهية .. بس المركز مدجج من عيال عمه ورحت اشتكيت على ضباط المركز .. وعدوني بتحقيق ولا شفت شيء ووعدوني بتحويل الملف للنيابة وبيجيني اتصال ولا صار شيء

ما لي الا اروح مكتب معالي رئيس مجلس الوزراء ووزير الداخلية

الله يعوضك بس لا تتنازل عن حقك مشكلتنا شعب طيب وما نحب المشاكل ولا الغربلة في مراكز الشرطة والنيابة ونتازل بسرعه بس المبلغ عود حرام ولله لازم يتعاقب هو وجماعته في الشرطة لانه ظلم وافترى واكل حقوق الناس بالباطل

[MAZEN37]

اليوم الخرجي يصرح بتركيب جهاز بكل سياره قاطع لارسال الجوالات اثناء القياده
ارتاح ياصاحب الموضوع

[Rider]

اليوم الخرجي يصرح بتركيب جهاز بكل سياره قاطع لارسال الجوالات اثناء القياده
ارتاح ياصاحب الموضوع

يعني ياخوي معترض على الموضوع ناس وايد تضررو بسبت هالجوال بعدين الخرجي لي يتكلم عنه اختراع لنادي العلمي يعني يقول بنشوف

[nooora]

اليوم الخرجي يصرح بتركيب جهاز بكل سياره قاطع لارسال الجوالات اثناء القياده
ارتاح ياصاحب الموضوع

يمكن يخترب الجهاز يعني هل بتحل المشكله؟
اهم ف الموضوع ان اي مخالفة جوال ياخذ عليه 8 او 7 نقاط والمخالفه 10 الاف ويشوفوا لنا حلل للواسطات ،، يا يطبقون القانون او نرجع وما سوينا شي ،، او نشوف قانون يعطونهم رخصه ف عمر 30 سنه
حتى الي يسوق يكون عقل شوي ... ف ناس عبالهم هذه السعوديه ويسوق على راحتك ،،،

[بوخالد911]

فعلا
ظاهرة بدت تزييييد وايد
وهو يسوق ماسك جواله
وهو يلف الدوار ماسك جواله

من فترة كنت بالفريج ولي الأولوية أمشي
واحد طالع من شارع فرعي
لو ما هررررررنت له
كان دعمني

آخر اندماج مع جواله ونسى الشارع !!!

[fooz55]

تصير اخس من قلب لو السواق حرمة - مع احترامي للحريم - وتتكلم وفجاه تلف عليك. تهرن لها عاد شوف تنتبه والا لا. هذه اصعب الحالات لان سواقتهم معروفه + عطهم تلفون وشوف الوضع. هذه الاشياء تصير واجد وافضل شي التبليغ فقط.
انا معاك اخوي الحريم حاله خاصه عبالهم شارع ابوهم واذا سرعت اشوي تستخف اللي تبي هي جدامك صج عاهاااااات لا تطاق ترى مجرد سيارة ما اخترعتي الذرة اعصابج خلاص لايعطون الحريم ليسن زحمه عالفاضي

[qatari911]

يمكن يخترب الجهاز يعني هل بتحل المشكله؟
اهم ف الموضوع ان اي مخالفة جوال ياخذ عليه 8 او 7 نقاط والمخالفه 10 الاف ويشوفوا لنا حلل للواسطات ،، يا يطبقون القانون او نرجع وما سوينا شي ،، او نشوف قانون يعطونهم رخصه ف عمر 30 سنه
حتى الي يسوق يكون عقل شوي ... ف ناس عبالهم هذه السعوديه ويسوق على راحتك ،،،

ما ادافع عنها بس شدخل السعوديه
احنا عندنا فئه من بيئتنا فيها استهتار واستخفاف بارواحهم وارواح الناس
فماله علاقه السعوديه اوغيرها بالسواقة بقطر
احنا بعد مش المدينة الفاضله