سؤال ياشباب لمن جرب .... مع الشكر

[$الملياردير$]

الله يمسيكم بالخير جميعا .... حبيت استفسر الله يجزاكم حد منكم جرب انه يسوي الحوش بدل البلاط نظام الخرسانه ( الطبعة ) اللي يلونونها كأنها انترلوك في الشكل .... يصبون خرسانه 10 سنتمتر مع حديد .... او أفضل البلاط العادي ... سعر المتر مابين 120 الى 150 .... اللي ماعجبني فيها أني لاحظت الناس بعد فترة يبهت لونها ويقومون يصبغونها وتطلع ما ادري احس انها مولعة .... ابي حد جرب ويعطينا رأيه ... انا ابي البلاط بس الخيارات محدودة واللي حصَّلته بمقاس 60/60 سعر متره إسباني عرض 2 سم بسعر 135 للمتر من غير التركيب ... وهذي الأسعار حاليا ... اشرايكم يالربع لاتبخلون علينا بتجربتهم خاصة اللي مسوي الطبعة من سنوات .... جزاكم الله خير .

[معماري قطري]

lمساء النور اخوي الملياردير

الطبعة لو بيسويها لك ايبوكسي يعني بصبغ ايبوكسي بتكون جيدة وما تبهت بسرعة

الخرسانة 10 سم ومدكوك تحتها زينة ولا بتخفق مثل الانترلوك وأي بلاط يستحسن تحته تحط خرسانة خصوصا في الحوش .. تحتاج فواصل تمدد كل عشرة متر في الاتجاهين .. لو 15 سم تحتاج فواصل تمدد كل 15 متر

الخرسانة لو معمولة بمواد جيدة ما يبهت الصبغ الايبوكسي بسهولة والصبغ الايبوكسي غالي وقليل اللي يتعاملون معاه ويركبونه .. تبي تشوفه بتحصله مسوين منه قبل مدخل مستشفى حمد ملونين ممرات المشاة بالأصفر والأرضيات بعضها مخشنة ومطبوعة لكن لونها ما اتوقع ايبوكسي

قرب المدخل مركبين قرانيت لكن التركيب سيء وبعضه فك وارتفع وزين ما انشدخت بعد ما علق طرف النعال في بلاطة

بعدين لو تعتمد خلطة الفايبر ما فيه داعي للحديد ولا فيه داعي للخرسانة تكون قوية 15 - 20 نيوتن تكفي وتطلع عليك في المجمل أرخص وتعمر عمر طويل بس انتبه اطلبها بعد سيلفيت رزسيتسانس سيمنت Src

[ashhal_q]

اخوي سوي سكريت بسماكة 10سم مع فواصل التمدد

وبعدين تقدر تصبغها ابوكسي خشن او ناعم وبالتصميم الي تبيه

وبالنسبه للابوكسي بشكل عام ياخذ وقت حتى يتغير لونه وسهل الصيانة

اما الطبعات انا لا انصح بها بعد فتره تتهالك وتتعرض للكسر من اطراف الديكور وبعد فتره تحتاج الى صيانه

اذا لك خاطر اطرشك رقم مهندس متخصص بصبغ الابوكسي للارضيات

[معماري قطري]

اخوي سوي سكريت بسماكة 10سم مع فواصل التمدد

وبعدين تقدر تصبغها ابوكسي خشن او ناعم وبالتصميم الي تبيه

وبالنسبه للابوكسي بشكل عام ياخذ وقت حتى يتغير لونه وسهل الصيانة

اما الطبعات انا لا انصح بها بعد فتره تتهالك وتتعرض للكسر من اطراف الديكور وبعد فتره تحتاج الى صيانه

اذا لك خاطر اطرشك رقم مهندس متخصص بصبغ الابوكسي للارضيات

طرش لي الرقم يا اخوي ناوي اصبغ البلاط عندي اذا يصير .. هو شعبي كبير الاماراتي 40 في 40 وباجرب على حيز صغير لين ما اقرر اسويه كامل أو لا