أبي وظيفة

[ورد الدوحه]

السلام عليكم ورحمة الله وبركاته...

ابي تقترحون علي بعض الأماكن أقدمها حق بنت رفيجتي مخلصة الثانوية وقدمت في كذا مكان ولين ألحين الله ماكتب لها
وهي محتاجة حق الوظيفة ومتملله من قعدة البيت
وين ممكن أقدم لها ......
مع العلم انها قطرية :d
و جزاكم الله خير

[Ali88]

شوف سدره و مطار حمد يبون موظفين ثانويه

[ورد الدوحه]

شوف سدره و مطار حمد يبون موظفين ثانويه

دخلت موقع سدرة كله بالانجليزي ماعرفت اقدم والله
بشوف المطار الحين
شكراً اخوي علي

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

اهم تتجنبين أماكن الاختلاط قدر المستطاع ولا تتهاونون في الموضوع

[ورد الدوحه]

وَعَلَيْكُم السّلام وَرَحْمَة اللهِ وَبَرَكَاتُه

اهم تتجنبين أماكن الاختلاط قدر المستطاع ولا تتهاونون في الموضوع

ان شاء الله جزاكم الله خير

[لوجين]

مطلوب طرح الاماكن الي تبغي تتوظيف بعدين ليش الثانوي يعني في ناس اتعبت على الجامعية وماحصلت لها شواغر بكل الاماكن نظر للتخصص وترجعون تقولون ثانوي وهو الي يمشون اجل ليش الواحد يتعب نفسة ويتخرج اذا التوظيف ماشي لثانوي والجامعين مافي ويدقق بموضوع التخصص والشاغر الي بشتغرلة يعني جذي تضيع لكافة الامور والجامعي ماراح بعمرة بحصل وظيفة بتاتا لانه على تخصصه بيكون غير مرغوب لعدم تناسبة مع اي جهة ولا احتياج له ولانه جامعي محد يبية وين تروح ويروح الشخص اجل ومتى بيتوووووووووووووووووووووووووظف وبيحصل على وظيفة خاصة لصار تخصص غير مطلوب ويبغي يتوظف او تتوظيف رررررررررررررررررررررررجاء نبغي حلوووووووووووووول لعملية توظيفهم باي طريقة واسلوب ؟؟؟؟؟؟؟؟؟؟؟؟؟؟؟؟



وياليت تحدد جهات تقبل فيها زوجة القطري الجامعية بتخصص اجتماعيات وتطرح حلوووووووووووول لتوظيفها وتحصيلها على وظيفة وتعين لهااااااااااااا خاصة انها ام لابن قطري كذالك

[ضوى]

اخت لوجين ، كونج جامعية واجنبية وتدورين شغل فالله يوفقج بس هاي مايعطيج الحق تتذمرين عىل اللي يحصلون وظايف بالثانوية وتنتقدين ومب عاجبج

[بو خليفه 123]

هناك جهة مختصه و اسمها ادارة العمل . يوجد قسم هناك تعطونه بياناتكم و السي في و بناءً عليه يردون عليكم خلال فتره وجيزه بالوظائف المقترحه .

ماقد سمعت عن حد رد منهم خايب . خصوصاً اذا ماكان متذمر او متطلب .

[Fla$h]

ان شاء الله تختارون المكان المناسب لها

بالتوفيق

[العقل المدمر]

مطلوب طرح الاماكن الي تبغي تتوظيف بعدين ليش الثانوي يعني في ناس اتعبت على الجامعية وماحصلت لها شواغر بكل الاماكن نظر للتخصص وترجعون تقولون ثانوي وهو الي يمشون اجل ليش الواحد يتعب نفسة ويتخرج اذا التوظيف ماشي لثانوي والجامعين مافي ويدقق بموضوع التخصص والشاغر الي بشتغرلة يعني جذي تضيع لكافة الامور والجامعي ماراح بعمرة بحصل وظيفة بتاتا لانه على تخصصه بيكون غير مرغوب لعدم تناسبة مع اي جهة ولا احتياج له ولانه جامعي محد يبية وين تروح ويروح الشخص اجل ومتى بيتوووووووووووووووووووووووووظف وبيحصل على وظيفة خاصة لصار تخصص غير مطلوب ويبغي يتوظف او تتوظيف رررررررررررررررررررررررجاء نبغي حلوووووووووووووول لعملية توظيفهم باي طريقة واسلوب ؟؟؟؟؟؟؟؟؟؟؟؟؟؟؟؟



وياليت تحدد جهات تقبل فيها زوجة القطري الجامعية بتخصص اجتماعيات وتطرح حلوووووووووووول لتوظيفها وتحصيلها على وظيفة وتعين لهااااااااااااا خاصة انها ام لابن قطري كذالك

القطرية اللي شهادتها ثانوية أولى بالوظيفة فبلادها من زوجة القطري وأم القطري الحسودة اللي ماتبي الخير حق غيرها

[ya3coub]

اليوم فوطي الحبيب التقديم باي مركز خدمات حكومي للتسجيل فوزارة التنمية و كلشي عن طريقهم و في حروة الــ4 ألاف وظيفه بتنطرح تاريخ 4/1 و في ايضا بداية شهر 10 و في خط ساخن بيعلنون عنه

و بالتوفيق للجميع

[ورد الدوحه]

اخت لوجين ، كونج جامعية واجنبية وتدورين شغل فالله يوفقج بس هاي مايعطيج الحق تتذمرين عىل اللي يحصلون وظايف بالثانوية وتنتقدين ومب عاجبج


القطرية اللي شهادتها ثانوية أولى بالوظيفة فبلادها من زوجة القطري وأم القطري الحسودة اللي ماتبي الخير حق غيرها

ضوى والعقل المدمر جزاكم الله خير بردتوا قلبي