موضوع للرجال فقط ،، يرجى عدم مشاركه النساء ،،

[حمد 2002]

السلام عليكم

موضوع للرجال فقط ،، يرجى عدم مشاركه النساء ،،

ماهو الذي يمنعك كرجال متزوج من التعدد والزواج مره آخرى ؟ هل هو ؟

الخوف من زوجتك الاولى وتجنب المشاكل ؟
ام الوضع المادي تعبان ؟
ام الخوف من عدم العدل ؟
ام الاكتفاء بزوجه واحده ؟

ام اسباب اخرى مع ذكر الاسباب ؟


تحياتي ..

[Gentleman]

لا أستطيع الإشراف على تربية الأطفال ومتابعة دراستهم في بيتين مختلفين

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

واجد كوف ^_^

[دينالي]

الزمن تغير + كوف كتير

[Rider]

وليش أتزوج على زوجتي وهي مب مقصره معاي يعني أكافأه بالزواج عليها

[راجي الْعفو]

وليش أتزوج على زوجتي وهي مب مقصره معاي يعني أكافأه بالزواج عليها

ويقولون الرجال مب أوفياء

هذا رايدر ماشاء الله عليه خير مثال ^_^

[Jspec]

عن نفسي حاليا المشكله في تخصيص او اقتطاع وقت لرعاية الزوجه الثانيه او الابناء في العائله الثانيه ...... انا اللحين مع الاولى واحس اني مب معطيهم الوقت كله والسبب انشغالي مع العمل ثم تخصيص جزء من وقتي ل امي وابوي وجزء اخر لنفسي اقضيه مع الاصحاب والهوايات


:) يمكن يتغير رايي بعد التقاعد بس هذا يمكن بعد عشرين سنه ان الله احيانا

[مواقف النجادة]

الاول كانت هناك الاسرة الممتدة من جد و جده و أعمام و خوال و جيران يربون عيالك معاك و ما تحاتيهم ..
الان انتهى هالشيء و انت مسئول عن عيالك من الألف الى الياء
لهذا ( من وجهة نظري الشخصية ) من السهل الزواج و لكن المراكض وراء اكثر من أسرة شىء صعب خصوصاً لمن تعدى الأربعين ( وهي في الغالب السن التي يفكر الرجل فيها بالتعدد لأسباب نفسية ومادية ) .. تخيل نفسك تحضر اجتماع الآباء لصف kg1 وجميع الآباء الآخرين في عمر أبناءك !!

[ya3coub]

انا ضد التعدد مليون فالمية اهو محلل يعني حلال مو واجب ولا مستحب ولا انه أجره يساوي الشروط الي محطوطة له.

كل زوج اذا اهتم و ملك زوجته صح ما بيحتاجج ولا بيشوف اي وحده غيرها فالدنيا طول عمره و اهي نفس الشي.

تطويل فتره الخطوبة او ما بين الملكة و العرس حتى يتفاهمو صح و عقبها يقررون الزواج شي مهم و بعدها اقل مشاكل و راحه و استقرار طول العمر بإذن الله


يمكن انا احلم احلام ورديه بس هاي الواقع الي اشوفه حولي من الشباب الي بعمري و اصغر و اكبر عقب سنين من زواجهم و كل ما قررت اني اتزوج يجيني خوف و اغير رايي لأن احس مافي شي مضمون و قد يكون نفس السبب الي يمكن المتزوجين من انهم يفكرون بالثانية

[BoFahed]

السلام عليكم

موضوع للرجال فقط ،، يرجى عدم مشاركه النساء ،،

ماهو الذي يمنعك كرجال متزوج من التعدد والزواج مره آخرى ؟ هل هو ؟

الخوف من زوجتك الاولى وتجنب المشاكل ؟
ام الوضع المادي تعبان ؟
ام الخوف من عدم العدل ؟
ام الاكتفاء بزوجه واحده ؟

ام اسباب اخرى مع ذكر الاسباب ؟


تحياتي ..

الخوف من تفكك الاسرة و ضياع العيال لانه الحريم الحين مع الرواتب الكبيرة والمظاهر واختلاف نظرة المجتمع وقلة الوازع الديني والتاثر بالمسلسلات الهابطة صاير عندهم الطلاق مثل خلع الجوتي الله يعزك

ممكن المرة تسامح على الخيانة بس الزواج مستحيل الا ما ندر (الف خليلة ولا حليلة ) عسى الله يهدي الجميع

نظرة الشباب وتجارب ربعهم تؤكد القانون معاها وبتاخذ منك العيال النفقة واخوانها واهلها معاها وبتكسب عداوتهم الامن رحم ربي

الوضع والزمن والعقلية تغير وايد

[معماري قطري]

انا انتظرك تاخذ الأُولى وبعدين بافكر في الثانية

[معماري قطري]

الخوف من تفكك الاسرة و ضياع العيال لانه الحريم الحين مع الرواتب الكبيرة والمظاهر واختلاف نظرة المجتمع وقلة الوازع الديني والتاثر بالمسلسلات الهابطة صاير عندهم الطلاق مثل خلع الجوتي الله يعزك

ممكن المرة تسامح على الخيانة بس الزواج مستحيل الا ما ندر (الف خليلة ولا حليلة ) عسى الله يهدي الجميع

نظرة الشباب وتجارب ربعهم تؤكد القانون معاها وبتاخذ منك العيال النفقة واخوانها واهلها معاها وبتكسب عداوتهم الامن رحم ربي

الوضع والزمن والعقلية تغير وايد

بو فهد تتزوج 4 مدرسات من أصحاب راتب ال 60 ألف .. بس تشترط إنت مسؤول الصرف وانت تاخذ الراتب 240 ألف شهري وتسكنهم في بيت شعبي 4 غرف صدقني ما بتحتاج تشتغل

[SouthK]

المؤمن لا يلدغ من جحر مرتين!

[راجي الْعفو]

بو فهد تتزوج 4 مدرسات من أصحاب راتب ال 60 ألف .. بس تشترط إنت مسؤول الصرف وانت تاخذ الراتب 240 ألف شهري وتسكنهم في بيت شعبي 4 غرف صدقني ما بتحتاج تشتغل

اجرام فلوريدا هههه

[مختلف جداََ]

وبعدييييين معاك
توك معرس جديد
لي كملت 15 سنة فكر بالثانية

[حمد 2002]

لا أستطيع الإشراف على تربية الأطفال ومتابعة دراستهم في بيتين مختلفين

ممكن الامهات يقومون بهذا الدور مع قليلا من الاشراف منك هنا وهناك ..

شكرا لك على المشاركه يالطيب ..

[حمد 2002]

وَعَلَيْكُم السّلام وَرَحْمَة اللهِ وَبَرَكَاتُه

واجد كوف ^_^

يعني عندك فلوس وخايف ؟!

تحياتي لك استاذ راجي العفو ..

[حمد 2002]

الزمن تغير + كوف كتير

اشكرك على الصراحه ..

تحياتي لك ..

[حمد 2002]

وليش أتزوج على زوجتي وهي مب مقصره معاي يعني أكافأه بالزواج عليها

رأيك واحترمه يالذيب ..

بس انا من وجهه نظري بأن الرجال حتى لو زوجته مب مقصره معاه من حقه يكافأ نفسه بزوجه ثانيه وثالثه ورابعه بشرط العدل لانه هذي من المتع الحلال الي لازم ماينحرم منها الرجال واكيد فيها حكمه خصوصا بان الحين اعداد النساء تفوق اعداد الرجال بالعدد واذا صار التعدد بتنحل هالمشكله والامور بتصير على احسن مايرام بإذن الله ::

[المحاميه]

من شفت العنوان دريت ان انت راعي الموضوع

[حمد 2002]

لي عوده للرد على الجميع بإذن الله بعد انتهائي من بعض الاعمال المكتبيه المهمه ...

[مختلف جداََ]

من شفت العنوان دريت ان انت راعي الموضوع

انشهد ههههههه

[راجي الْعفو]

يعني عندك فلوس وخايف ؟!

تحياتي لك استاذ راجي العفو ..

أتحدث على لسان غيري ^_^
يخاف يتمرمط وربما يخاف ( ينطق) منها ^_^

أعرف واحد سأل رفيجه وش عندك باني غرفة النوم بهالمساحة الكبيرة
قال عشان إذا صار شي اقدر اشرد ^_^

عندك من الاسباب ايضا التكلفة المادية وصعوبة فتح بيت ثاني
وأهم من هذا كله عدم القدرة على تحمل المسئولية

تحياتي للكاتب الجريدي

[ورد الدوحه]

تحياتي لكاتب الموضوع واللي عرفت انه حمد قبل لاقرا اسمه

المهم

ليش ماتبينا أنرد نحن معشر النساء :fight:

[BoFahed]

بو فهد تتزوج 4 مدرسات من أصحاب راتب ال 60 ألف .. بس تشترط إنت مسؤول الصرف وانت تاخذ الراتب 240 ألف شهري وتسكنهم في بيت شعبي 4 غرف صدقني ما بتحتاج تشتغل
ههه اضحك الله سنك يا بو عبدلله

هذا الزواج يسمونه اخوانا العمانيين ( سكني تجاري ) هههه

[شبح الصمت]

وعليكم السلام ورحمة الله وبركاته ،،

بس داش اسلم عليكم ..

:whistling:

[حمــد]

بو فهد تتزوج 4 مدرسات من أصحاب راتب ال 60 ألف .. بس تشترط إنت مسؤول الصرف وانت تاخذ الراتب 240 ألف شهري وتسكنهم في بيت شعبي 4 غرف صدقني ما بتحتاج تشتغل

ههههههههههههه وين نحصل هالمواصفات.. دلنا ياخوي
ندور الأجر :thumbup1:

[راجي الْعفو]

ههههههههههههه وين نحصل هالمواصفات.. دلنا ياخوي
ندور الأجر :thumbup1:

دلهم يابوعبدالله الربع مقبلين على رمضان و يبون يتنشطون له من الحين ^_^
تستاهل يا حمد ^_^

[حمــد]

دلهم يابوعبدالله الربع مقبلين على رمضان و يبون يتنشطون له من الحين ^_^
تستاهل يا حمد ^_^

هههههههه اي والله الحاله تعبانه
لا بورصه ناجحين ولا عقارات
لازم ننوع استثماراتنا :dance

[qatarman8008]

اهديك اغنية مافيش فيلوس ياحبيبي مافيش فيلوس..:spider:

[شبح الصمت]

ما يصير ينقلب الوضع عندنا اشوي نفس الهند


يندفع لنا فلوس ..

انا موجود ترى حطوني فالصورة ..

نفس اخر مره الملياردير الهندي الي حجز الريتز كامل لمدة اسبوع بقيمة 6 مليون

عيل المعرس كم عطووه توقعون ..



:eek3:

[راجي الْعفو]

ما يصير ينقلب الوضع عندنا اشوي نفس الهند


يندفع لنا فلوس ..

انا موجود ترى حطوني فالصورة ..

نفس اخر مره الملياردير الهندي الي حجز الريتز كامل لمدة اسبوع بقيمة 6 مليون

عيل المعرس كم عطووه توقعون ..



:eek3:

باقي يدزون له الذهب و تكمل ^_^

هذي من العادات السيئة هناك المخالفة للشرع و الفطرة

[شبح الصمت]

باقي يدزون له الذهب و تكمل ^_^

هذي من العادات السيئة هناك المخالفة للشرع و الفطرة



صحيح كلامك اهي عادة مخالفة للشرع والفطرة
ولكنها تعين الرجال على بداية حياته ويستثمر في نفس الوقت ..

ما اتوقع ياخذها وبيلعب فيها والا بيخشها اتوقع بتعينه وبيصرف فيها على زوجته

[Rider]

رأيك واحترمه يالذيب ..

بس انا من وجهه نظري بأن الرجال حتى لو زوجته مب مقصره معاه من حقه يكافأ نفسه بزوجه ثانيه وثالثه ورابعه بشرط العدل لانه هذي من المتع الحلال الي لازم ماينحرم منها الرجال واكيد فيها حكمه خصوصا بان الحين اعداد النساء تفوق اعداد الرجال بالعدد واذا صار التعدد بتنحل هالمشكله والامور بتصير على احسن مايرام بإذن الله ::
يكافأة نفسه بزوجه ثانية كلام غريب يعني زوجتك لي ماقصرت معاك وش ذنبها انت تبغي تستانس على حسابها وهي تموت بغيضها اخوي ترى التعدد له اسباب مب تعال وتزوج

[شبح الصمت]

انا توصلت لقناعة

انا اكثر الناس الي تتكلم عن التعدد اهي نفسها ما تقدر تعدد

بس تفضفض لعلى وعسى يحققون امنياتهم ..

هههههههههههههاي

[حمــد]

:dance:dance
صحيح كلامك.. تخاف من الساكت
هههههههههههه

[معماري قطري]

دلهم يابوعبدالله الربع مقبلين على رمضان و يبون يتنشطون له من الحين ^_^
تستاهل يا حمد ^_^

هي فكرة من حيث المبدأ سهلة لكن تطبيقها صعب ويمكن مستحيل

خلونا على الوحدة أفضل

[معماري قطري]

انا توصلت لقناعة

انا اكثر الناس الي تتكلم عن التعدد اهي نفسها ما تقدر تعدد

بس تفضفض لعلى وعسى يحققون امنياتهم ..

هههههههههههههاي

حي الله شبح الصمت لك فترة غايب

في هذي صدقت .. عندي ولد عم عمره ما تكلم عن هالسوالف وفاجأنا بأنه ملج ولا صدقت الا يوم عرفت إنه تزوج وسافر وعياله على وجه زواج

[معماري قطري]

الحين حريمنا رافعين درجات الحذر للون الأحمر

[راجي الْعفو]

الحين حريمنا رافعين درجات الحذر للون الأحمر

هالموضوع اشد من الحصار هههه

[معماري قطري]

ههههههههههههه وين نحصل هالمواصفات.. دلنا ياخوي
ندور الأجر :thumbup1:

الخطابات ما يقصرون وبعضهم يحطون اعلانات عطها المواصفات وقول ابي اربع بتشتغل لك وايد

[مضارب دوسري]

انا اخاف

انتظر معماري قطري يقوي قلبه ب ديو

عشان ازيد عليه لا توقف سنكرس

[مضارب دوسري]

المؤمن لا يلدغ من جحر مرتين!

جبتها عالجرح وكنك ما دريت

خلها على لدغه وحده
والحمدلله رب العالمين

[BoFahed]

انا توصلت لقناعة

انا اكثر الناس الي تتكلم عن التعدد اهي نفسها ما تقدر تعدد

بس تفضفض لعلى وعسى يحققون امنياتهم ..

هههههههههههههاي

صحيح هالكلام وخاف من الساكت :ok:

[MAZEN37]

الواحد يوصل بيته اول

[معماري قطري]

انا اخاف

انتظر معماري قطري يقوي قلبه ب ديو

عشان ازيد عليه لا توقف سنكرس



انا محرض فقط

أذكر الوالد الله يغفر له أيام صحته يحب يقنص .. وأوقات ما نشوفه طول الشتاء من بلد لبلد .. وكان يستعد بيقنص مع الوالد محمد بن عبدالله العطية ( الزعيم الله يغفر له وللوالد ويجمعهم في جنات النعيم ) .. جيت للوالدة قلت لها تعرفين الزعيم معدد ومخلي خانة فاضية .. وما تضمنين لو راحوا بلاد ثانية ما يتزوجون ويجونا متزوجين خصوصاً بعض الدول فيها اغراءات كثيرة

كلها كم يوم الا الوالد يستنجد بي .. قال لي أُمك ما تعطيني جوازي .. مسكين ما يدري اني السبب ويبي الانقاذ مني .. المشكلة صدقت واقتنعت وتقول ما تدري وين الجواز ولا خذته .. وانا ابتسم غصب من شكوى ابوي عندي وهو ما يدري اني السبب .. بعد محاولات وتعهدات إن المقناص بيكون قريب وبيرجعون وافقت وعطته الجواز

[asulaiti]

حمد أنا دخلت لقيت المكان كله حريم ..

قمت وطلعت !!!

[مضارب دوسري]

انا محرض فقط

أذكر الوالد الله يغفر له أيام صحته يحب يقنص .. وأوقات ما نشوفه طول الشتاء من بلد لبلد .. وكان يستعد بيقنص مع الوالد محمد بن عبدالله العطية ( الزعيم الله يغفر له وللوالد ويجمعهم في جنات النعيم ) .. جيت للوالدة قلت لها تعرفين الزعيم معدد ومخلي خانة فاضية .. وما تضمنين لو راحوا بلاد ثانية ما يتزوجون ويجونا متزوجين خصوصاً بعض الدول فيها اغراءات كثيرة

كلها كم يوم الا الوالد يستنجد بي .. قال لي أُمك ما تعطيني جوازي .. مسكين ما يدري اني السبب ويبي الانقاذ مني .. المشكلة صدقت واقتنعت وتقول ما تدري وين الجواز ولا خذته .. وانا ابتسم غصب من شكوى ابوي عندي وهو ما يدري اني السبب .. بعد محاولات وتعهدات إن المقناص بيكون قريب وبيرجعون وافقت وعطته الجواز

هههههههههههههههههههههههههههههههههههههه

الله يرحمهم ويغفر لهم ويحفظك

[النهار]

الخوف الخوف الخوف ثم الخوف crazycrazycrazy

[عاشق العديد]

نبيكم ابطال خلو شغل المطبخ

[معماري قطري]

هههههههههههههههههههههههههههههههههههههه

الله يرحمهم ويغفر لهم ويحفظك

آمين ويرحم موتاكم وموتى المسلمين أجمعين

[SouthK]

جبتها عالجرح وكنك ما دريت

خلها على لدغه وحده
والحمدلله رب العالمين

و الله يا الغالي ما صادني لدغ لكن لو اللدغة من بره ما اقول لا!!

[بومحمد المطاوعه]

ما يصير ينقلب الوضع عندنا اشوي نفس الهند


يندفع لنا فلوس ..

انا موجود ترى حطوني فالصورة ..

نفس اخر مره الملياردير الهندي الي حجز الريتز كامل لمدة اسبوع بقيمة 6 مليون

عيل المعرس كم عطووه توقعون ..



:eek3:

هههههههههههههههههههههههههههههههههههههه

[Class - Qtr]

السلام عليكم

اذا الزوجة مب مقصرة وقايمة على زوجها وعيالها على اكمل وجة

ماتستحق اني اتزوج عليها لكن اذا العكس الدين حلل اربع

[BoFahed]

السلام عليكم

اذا الزوجة مب مقصرة وقايمة على زوجها وعيالها على اكمل وجة

ماتستحق اني اتزوج عليها لكن اذا العكس الدين حلل اربع

اتفق معاك التعدد ولا الطلاق او انحراف الزوج وضياع العيال

[حبر وقرطاس]

انا عن نفسي يالربع الحمدلله مقتنع ان الزواج بوحده اكمل معاها مشوار حياتي ومخططاتي للمستقبل .مرتاحين بينا حب وعلاقه قويه تغنيني عن علاقات جسديه متعدده وان كانت حلال
شريكه وحده والقلب مرتاح والجيب مليان والصحه تمام ولله الحمد على النعمه
الي افهمه من التعدد ان الظروف تستدعي واذا ماعدد الضرر كبير هنا الرجل يقرر .والا المشاعر الانسانيه والسكن والطمانينه للامانه واقولها بالصوت العالي مع شريكه حياه وحده فقط
وشكرا وبالتوفيق

[Charisma]

https://www.youtube.com/watch?v=9Tb0rdeQCTo

[عطر فرنسي]

السلام عليكم

اذا الزوجة مب مقصرة وقايمة على زوجها وعيالها على اكمل وجة

ماتستحق اني اتزوج عليها لكن اذا العكس الدين حلل اربع


اتفق معاك

[حمد 2002]

انا مع الزواج والتعدد لانه هذي فطره عند الرجال وفيها فوايد وايجابيات اكثر من السلبيات

[ولد العرب]

انا عن نفسي يالربع الحمدلله مقتنع ان الزواج بوحده اكمل معاها مشوار حياتي ومخططاتي للمستقبل .مرتاحين بينا حب وعلاقه قويه تغنيني عن علاقات جسديه متعدده وان كانت حلال
شريكه وحده والقلب مرتاح والجيب مليان والصحه تمام ولله الحمد على النعمه
الي افهمه من التعدد ان الظروف تستدعي واذا ماعدد الضرر كبير هنا الرجل يقرر .والا المشاعر الانسانيه والسكن والطمانينه للامانه واقولها بالصوت العالي مع شريكه حياه وحده فقط
وشكرا وبالتوفيق

هذا الانسااااااااااااااااان يمثلني بقوووووووووووووووووووووووووووووووووه

لك مني هديه عود :oops:

[Qtr37]

اتفق معاك التعدد ولا الطلاق او انحراف الزوج وضياع العيال

العيال اكيد بيضيعون اذا تزوج الاب وبيعانون من عدم الاستقرار سواء عدد او انحرف،
انا جربت ان ابوي تزوج 2 فقط وكانت في اسباب وكان يحاول يعدل بينا كابناء او امهاتنا
لكن ما ننكر ان ما اثر علينا كابناء وكان في شي من عدم الاستقرار وغيره
طبعا الزوج ما بيفكر الا في نفسه وبيحاول يبين ان عياله مرتاحين لكن هالشي غير صحيح

[الحاقول]

شيء صعب ماحب المشاكل وصداع الراس وحده كفايه