المراسلات مع دول الحصار هل هي موجودة ام لا

[naklan]

السلام عليكم ورحمة الله وبركاته

اخواني الكرام سوالي بما اني لي املاك في دبي
وعندي عقود اوقعها وحتى في حالة خروج مستأجر
فيه أوراق تتوقع ليصفي الكهرباء ويدفع الضرائب
الان لي أوراق في دبي يبغون يرسلونها اوقعها
وأعيد إرسالها هل لأحد منكم تجربة او
حصل طريقة للمراسلة
تحياتي للجميع

أرجو من المشرفين الكرام ترك الموضوع يومين
لأحصل على أراء ونستفيد وشكرا

[monatee]

شوف لك مندوب عماني هناك
بحيث ياخذها ويطرشها بريد عن طريق عمان ومن عمان للدوحه
وبعد ماتوقعها ترجع تطرشها على عمان ومن عمان على دبي

سمعت ان البعض استخدم هالطريقه ،، لإرسال اوراق الجامعه للطلبه القطررين

[حمد 2002]

عطني احصائيه بما تملكه بدبي لكي استطيع ان افييدك

[بوخميس]

عطني احصائيه بما تملكه بدبي لكي استطيع ان افييدك

:anger1:

[بو خليفه 123]

أنا كنت انهي اجرائاتي عن طريق حكومة دبي الالكترونيه لين تم حجب اي ip address قطري
بعدها وكلت محامي كويتي لبيع العقار و افتكيت .

انصحك بتوكيل محامي اما عماني او كويتي لانهاء اجرائاتك

[naklan]

شوف لك مندوب عماني هناك
بحيث ياخذها ويطرشها بريد عن طريق عمان ومن عمان للدوحه
وبعد ماتوقعها ترجع تطرشها على عمان ومن عمان على دبي

سمعت ان البعض استخدم هالطريقه ،، لإرسال اوراق الجامعه للطلبه القطررين

المشكلة ما اعرف مندوب عماني
شكرًا للمشاركة

[naklan]

عطني احصائيه بما تملكه بدبي لكي استطيع ان افييدك

ما ضن بتفيدني ياحمد شكلك تبي تعرف
يالله باقول لك لتستريح وتشبع فضولك
انزل تحت شوي






بعد شوي









عندي شقة استوديو بس
escape

[naklan]

أنا كنت انهي اجرائاتي عن طريق حكومة دبي الالكترونيه لين تم حجب اي ip address قطري
بعدها وكلت محامي كويتي لبيع العقار و افتكيت .

انصحك بتوكيل محامي اما عماني او كويتي لانهاء اجرائاتك


ياليت اخوي بوخليفة شرح وافي عن كيفية توكيل محامي
من الكويت وكيف اضمن حقي وكم اتعابهم في الموضوع او العقار
الواحد وعنوان محاميك الله لا يهينك يا ابا خليفة
ضنك ما يسحب علي المحامي
اذا شاف المبلغ راهي
:taunt:

[وحيد-الشوق]

على طاري عندي شقه استديو في الي ماتتسمى دبي ودافع فيها نصف قيمتها وهالشهر مطرشين لي دفعتك مستحقه بالمبلغ الفلاني شسوي معاهم هل في طريقة ابيعها وافتك منهم لأنهم مايرجعون المبالغ وانا ماودي ادفع لحرامية ونصابين

[naklan]

على طاري عندي شقه استديو في الي ماتتسمى دبي ودافع فيها نصف قيمتها وهالشهر مطرشين لي دفعتك مستحقه بالمبلغ الفلاني شسوي معاهم هل في طريقة ابيعها وافتك منهم لأنهم مايرجعون المبالغ وانا ماودي ادفع لحرامية ونصابين


الله يعوضك خير اخوي وحيد لا تقول لي شاري
من داماك شركة نصابين يبيعونك الشمس وبعائد
وبعد ما تستلم الشقة عليك التكييف وما تتاجر
بالعائد الي قالولك رايي في موضوع شقتك
بما انك دافع النص ادفع القسط وحاول
تبيع تسترجع دفعتك او اقل منها
بما إن العقار نزل نزول كبير
موفق اخوي

[معماري قطري]

نصيحتي يا اخوي نكلان تروح عمان وهناك تتفق مع مكتب محاماة مختص أفضل لك

نصيحتي الثانية لا تبيع بخسارة وتتخارج هم يتمنون هالشيء .. خل المكتب يخلص أُمور التوقيع والتأجير

[وحيد-الشوق]

الله يعوضك خير اخوي وحيد لا تقول لي شاري
من داماك شركة نصابين يبيعونك الشمس وبعائد
وبعد ما تستلم الشقة عليك التكييف وما تتاجر
بالعائد الي قالولك رايي في موضوع شقتك
بما انك دافع النص ادفع القسط وحاول
تبيع تسترجع دفعتك او اقل منها
بما إن العقار نزل نزول كبير
موفق اخوي

الله المستعان ياخوي اي نعم داماك لابارك الله فيهم انا ودي ابيعها في اسرع وقت وافتك منهم ومن سيرتهم هل توكيل المحامي مضمون ؟ ووشو الاجراءات ودي حد يساعدني جزاكم الله خير

[مستثمر رشيد]

اذا عندك اهل في الامارات والا صديق يكون ثقة وتعرفه زين حول ملكية الشقة باسمه وهو يقوم ببيعها أو تسديد اقساطها عن طريقه

[معماري قطري]

اذا عندك اهل في الامارات والا صديق يكون ثقة وتعرفه زين حول ملكية الشقة باسمه وهو يقوم ببيعها أو تسديد اقساطها عن طريقه

هذا أفضل رأي والله يوفقه في واحد خير وطيب يخلصه زيحفظ حقه

[naklan]

نصيحتي يا اخوي نكلان تروح عمان وهناك تتفق مع مكتب محاماة مختص أفضل لك

نصيحتي الثانية لا تبيع بخسارة وتتخارج هم يتمنون هالشيء .. خل المكتب يخلص أُمور التوقيع والتأجير


ممكن اخوي معماري في المستقبل أوكل
محامي من الكويت او عمان ساصبر قليلا لي
إرادة بالتصفية وعدم دخول هذا البلد مرة
اخرى اما عن الخسارة فستحدث لنزول
العقار بشكل كبير في الفترة الحالية

[naklan]

الله المستعان ياخوي اي نعم داماك لابارك الله فيهم انا ودي ابيعها في اسرع وقت وافتك منهم ومن سيرتهم هل توكيل المحامي مضمون ؟ ووشو الاجراءات ودي حد يساعدني جزاكم الله خير

الله يعينك اخوي وحيد

[naklan]

اذا عندك اهل في الامارات والا صديق يكون ثقة وتعرفه زين حول ملكية الشقة باسمه وهو يقوم ببيعها أو تسديد اقساطها عن طريقه

الافضل اخوي مستثمر رشيد ان يوكل محامي
اضمن وبأوراق ثبوتية ويبعد عن الاقارب وعن وكلتك
ووكلت الله عليك تحياتي

[بو خليفه 123]

ياليت اخوي بوخليفة شرح وافي عن كيفية توكيل محامي
من الكويت وكيف اضمن حقي وكم اتعابهم في الموضوع او العقار
الواحد وعنوان محاميك الله لا يهينك يا ابا خليفة
ضنك ما يسحب علي المحامي
اذا شاف المبلغ راهي
:taunt:

مرحبا الشيخ

ابشر ..

كل ماقمت به ببساطه..

الخطوه الاولى ..

هو اني وكلت احد المعارف الكويتيين والذي يعمل بمهنة محامي . تكفلت بتذكرته و اقامة فندقه لمدة ليلتين في دبي و قمت ب اعطاءه وكاله "مخصصه" في هذا العقار و حرية التصرف فيه .

والخطوه الثانيه ..

طلبت عمل عقد داخلي بيني و بينه "مصدق" و مختوم من وزارة العدل يحفظ حق الطرفين بعد اعطاء الوكاله .

الخطوه الثالثه

هذع الوكاله يتم تصديقها من قنصلية عُمان في دبي (المكلفه بالقيام بشؤون القطريين في ساحل عمان)


قبل كل هذي الاجراءات المذكوره اعلاه يكون المشتري جاهز ب شيك من بنكه Manager cheque بالمبلغ المتفق عليه بين الطرفين .

الخطوه الرابعه ..

المحامي يفتح حساب في احد البنوك المحليه في ساحل عمان "دبي"

الخطوه الخامسه

يتم تحويل العقار من اسمي الى اسم المحامي .. و من ثم من اسم المحامي تتحول الى المشتري .

الخطوه السادسه

يستلم المحامي الشيك المصدق و يودعه في حسابه و من ثم يقوم بتحويل المبلغ الى حسابك في قطر


تكون اتعاب المحامي منفصله عن المصاريف والرسوم والتسجيل و تذكرته و سكنه


تحياتي لك

[naklan]

أشكرك اخوي بوخليفة 123 ما قصرت
الله يخارجنا من ديار مبز
لك الف تحية يالغالي

[بوخالد911]

الله يسهل عليكم وتفتكون منهم للأبد.

[نجم سهيل]

السلام عليكم

اذا عالاوراق بس dhl عندهم خط مباشر للامارات

[JAKOOR]

في شهر مايو كنت في دبي ادور عقار للاستثمار ..
لكن الحمدلله بانت نوايهم قبل لا اشتري :nice:

[معماري قطري]

في شهر مايو كنت في دبي ادور عقار للاستثمار ..
لكن الحمدلله بانت نوايهم قبل لا اشتري :nice:

بيت 8 غرف في ضواحي لاس فيغاس ب 455 ألف دولار شامل ثلاث مواقف داخلية للسيارات .. حطيته من أيام في يوتيوبيات البناء دعوة للجميع لمشاهدته

http://www.qatarshares.com/vb/showthread.php?606103-%ED%E6%CA%ED%E6%C8%ED%C7%CA-%C7%E1%C8%E4%C7%C1-%E3%DE%C7%D8%DA-%CA%CB%DE%ED%DD%ED%C9-%E3%CA%CC%CF%CF%C9/page83