كل واحد يكتب شلون يوفر من راتبه ؟

[حمد 2002]

السلام عليكم ورحمه الله وبركاته

كل واحد يكتب شلون يوفر من راتبه ؟

السياره تبي بترول وسيرفس والبترول يبي فلوس والفلوس من الراتب .

اليهال يبون حليب والحليب بالميره والميره تبي فلوس والفلوس من الراتب .

اللحيه والشنب والشعر يبون حلاق والحلاق يبي فلوس والفلوس من الراتب .

البيت يبي تموين والتموين عند الميره والميره تبي فلوس والفلوس من الراتب .

الخدم بالبيت يشتغلون علشان يبون فلوس والفلوس من الراتب .

اذا اخترب مكيف ولا شيء بالبيت لازم تنادي الفني الي ايصلح وهالفني يبي فلوس والفلوس من الراتب .

اذا اشتهت معدتك مطعم من هالمطاعم بالدوحه هالمطاعم تبي فلوس والفلوس من الراتب .

واذا مرضت ومتعود على دختور اتروحله بعياده خاصه وماعندك تأمين هالدختور يبي فلوس والفلوس من الراتب .

واوريدو وفودافون يبون افلوس بعد crazy والفلوس من الراتب .

وهذا غير اذا بيتك محتاج صحون ومواعين ووووو وهالشياء تبي فلوس والفلوس من الراتب ..


يالله كل واحد يكتبلي شلون يوفر من راتبه ؟ omen

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

شوف غير القطري شلون يوظف راتبه و هو متزوج و عنده عيال

بتعرف شلون تدير أموالك صح بدون هياط ^_^

لا تقارنون نفسكم بحد
عليكم بنفسكم و الأنسب لكم

[حمد 2002]

وَعَلَيْكُم السّلام وَرَحْمَة اللهِ وَبَرَكَاتُه

شوف غير القطري شلون يوظف راتبه و هو متزوج و عنده عيال

بتعرف شلون تدير أموالك صح بدون هياط ^_^

لا تقارنون نفسكم بحد
عليكم بنفسكم و الأنسب لكم

انت كم توفر من راتبك شهريا ..

نبي نستفيد ؟؟

[مستثمر رشيد]

موضوع جميل اخ حمد ..

انا بساعدك عشان توفر من راتبك
بس بالول قولي كم دخلك الشهري ؟؟؟

واذا ماتقدر تقول كم بالضبط ....... حدد لي من أي فئة انت

- فوق 30 الف ريال

- فوق 50 الف ريال

- فوق 80 الف ريال

[دينالي]

في مقوله حق وارين بافيت "ألا تدخر ما يتبقى بعد الإنفاق، بل أنفق ما يتبقى بعد الإدخار"
بمعنى افتح حساب توفير وحط مبلغ في التوفير يكون منطقي شوي وجرب لغايه ماتوصل للمبلغ اللي يناسبك وممكن شهور تتلخبط الحسبه بس بعدها كمل عادي في التوفير
وبالبداية لاتاخذ بطاقة صراف الي والاهم حسب كلام بافيت لاتوفر اللي يبقى من الراتب قيمه التوفير حطها من البداية
النقطة الثانية اذا جاتك فلوس مبلغ بونص او علاوة حطها بحساب التوفير او حط مبلغ منها بحساب التوفير
وممكن تدخل جمعيات وفلوس الجمعية تحطها بالتوفير ...
ولاتسحب من الصراف فوق حاجتك مبلغ كبير لانه بيتبخر اول مايطلع من البنك...
السفر مثلا ترتب قبله بكم شهر تحط 3 الاف مثلا شهريا لغايه وقت السفر ماتكون الخطه مره وحده
في استراتيجيات وايد للتوفير ومو معناتها انك ماتاكل ولا تطلع بس الاستراتيجيات اللي فوق انا استعملها واوفر منها

[راجي الْعفو]

انت كم توفر من راتبك شهريا ..

نبي نستفيد ؟؟

مب مهم كم اوفر
المهم كيف توفر

[khalid Qtr]

أدومه وإن قل
محدد مبلغ شهري يشكل حوالي 27% من إجمالي الراتب، وأحوله لحساب ما أقدر أسحب منه إلا بصعوبة بالغة، وفي حال كان عندي التزام يتطلب تخفيض المبلغ أترك عندي اللي احتاجه وأحول الباقي مهما كان قليل لحساب التوفير، والحمد لله.

[nooora]

اذا ننتظم شوي ف صرف على الكماليات والمطاعم والترفيه والخرابيط بعدين توفر كثير من راتبك،
اما تسمع من هذا يقول راتب لا توجد فيه بركه او يقول يستلم من يمين ويطير من يسار هذه شعارات كلها تسمعه من شخص مسرف او مبذر ،،،،، والبنات صعب يوفرون شي من راتبهم يمكن المتزوجه افضل حال منهم ،،، قال عليه الصلاة والسلام
“لا تزولُ قَدَمَا عبدٍ يومَ القيامةِ حتَّى يُسألَ عن اربع ............. وعن مالِهِ مِنْ أَيْنَ اكْتَسَبَهُ وفيما أنفقَهُ .

[Rider]

اقعد في بيت اهلك لا تتزوج ولا تشتري سيارة وجوال نوكيا ولا تطلع للمطاعم بتوفر راتبك

[naklan]

الصراحة بتلقى صعوبة في التوفير من الراتب
اذا كان الراتب متواضع أصلا لذالك يجب ان تدرس
سلوكك في الصرف

1- اهم حاجة هي التسجيل في دفتر عن اي شي
تصرفه حتى لو كان مبلغ صغير

بهذه الطريقة تجمع كل ما صرفت اخر الشهر وتعرف
ان كان مصروفاتك طبيعية او مبالغ فيها

بعد ذالك تبتدي تتحكم في الإنفاق الغير ضروري
ويصير عندك فوائض

على فكرة ما اعمل في الحكومة
وليس لي راتب

تحياتي

[Jspec]

بدون ذكر ارقام بس انا مبسط الامور جدا وماشي على هالموضوع من عشر سنوات

راتبي مقسمه 5 اجزاء ......
خمس يدخل التوفير ولا يطلع الا حق استثمار او شراء شي ممكن يباع بربح فيما بعد ....
خمس يدخل لحساب توفير ويصفر كل سنه لانه حق مصاريف طارئه او سفره كل سنه مع العيال والاهل
وال 3 اخماس الباقيه هي اللي حق المصاريف الشهريه للبيت والتمويل ومصاريف الاولاد واقصاد السياره والبترول ورواتب الخدم ومصاريف الوناسه كل ويك اند

[naklan]

عندي اضافة بسيطة يقول الفيلسوف بابا روتي
عندما يتدهور الراتب فتش عن المرأة لذالك تشتري لجام
غليظ وتخليه عندك احتياط crazy

[بوخميس]

انا اوفر اكثر من 80% من الراتب

الحل بسيط







خلك عزوبي

[معماري قطري]

بديت استلم راتب من عمر 14 أو 13 وكان على وقته 1865 بس راتب دسم ذاك الوقت

يعني ما ابالغ لو قلت احتياجاتي تكفيها مبلغ 365 والباقي يتوفر .. والوالد الله يغفر له ينصحني ولا كان يتحكم فيني

كان وقتها اللي يخلص ثالث اعدادي يعطونه ليسن وسيارة .. وشريت أول سيارة من توفيري كاش ب 35000 وكنت وقتها 16 وكانت غلطة لو مستثمر في الأراضي كنت أقدر اشتري بالمبلغ 3 قطع ويمكن أكثر

بعدها بكم سنة جمعت حول 60 ألف ريال ورحت دفعت 54000 في بي ام دبليو إم 5 مجهزة للسباقات كانت حمرا ومخططة وإبوي ما يدري .. قلت له قبل ليخلصونها من المرور وكان تخليصها ياخذ وقت حول يومين .. زعل وقال باكنسل البيعة وراح وخذ الفلوس وشرى لي جي 1982 كان وقتها ب 48000 وكان محق الله يغفر له

بعدها بكم سنة جمعت بعد مبلغ وكان الراتب يزيد شوي وصل 2300 والله يحفظ حكومتنا اللي موفرة هذي الفرص لنا من زمان .. بعد شريت نيسان زد اكس 300 تيربو لا وقير عادي وما كملت سنة عندي الا ومتكنسلة وكلفتني 55000 استرجعت جزء كبير منها

هذي السوالف سوت لي عراقيل في الدراسة وخلصت الثانوية في عمر 23 وقررت ادرس طب في تحدي مع نفسي وابوي يقول لي شتبي بالدراسة .. الظاهر متوقع إني مب فالح .. والحمد لله حصلت بعثة على وزارة التربية والتعليم وكنت اشتغل في الجيش بس موقفين رواتبي وبمطالبة مني واني باروح ادرس تم تحويل دراستي على الجيش وكلها 4 شهور صادني احباط من تعب الدراسة لأن الثانوية الايرلندية صعبة والمواد وايد اللغة بس حول 5 مواد حتى أدب شكسبير كنا ندرسه

رواتبنا كانت أقل من ألف دولار بعد ما حولت دراستي للهندسة في أمريكا بالضبط 965 دولار .. وراتبي في قطر حول 4500 .. وإعتمدت على راتبي هناك وادخرت راتبي كله فترة دراستي وكنت احول أوقات قليل منه وأوقات الله يغفر للوالد يرسل لي حوالات دسمة حق سيارة أو شيء طاريء .. إنسرقت سيارتي هناك وهو تكفل بالتعويض .. تجمعت لي حول 300 الف ريال وكانت عندي كمية أسهم اكتتاب كلها شاريها ابوي الله يغفر له لي ولإخواني

تزوجت أثناء الدراسة في آخر ست شهور .. وأرسلت طلب علاوة زوجية للسفارة ولا كنت ادري إن الزواج حتى من قطرية ممنوع بدون موافقة مسبقة وتورطت بأن علي محاكمة ومساءلة والحمد لله تكفلت بنفسي وزوجتي وقتها والفلوس ما ادري شلون كانت تكفي وتزيد وكنا مستمتعين بالعيشة هناك ويوم رجعت بعد قدرت اشتري سيارة للبيت واستعملت سيارتي القديمة لين قالت اعتقني .. سيارتي القديمة كانت جي 1988 ماخذه مستعمل ب 20000 من عمي الله يحفظه وكان شبه يديد .. استعملته لين 1995 وخذت أول سيارة تقسيط عن طريق الشركة بدون فوائد بسعر الكاش بس أقساط كبيرة ودفعة كبيرة

ومن وقتها والخير يزيد ومواظب على شغلي بجد والتوفير لازم له مكان عندي وبديت اسوي حسابات لعيالي واشتري لهم أسهم ولا زخيت الأسهم فترة بنيان بيتي وحاجتي وللحين حسابات عيالي لهم وحسابي لي .. حتى أُم العيال فهمتها كيف تدخر

إدخارنا ما كان تقتير والحمد لله عايشين في سعة ونسافر وايد لكن بعقل .. أوقات نفقد العقل والسفرة تكلف وايد وهذا يعرقل أي استثمار وأي استفادة حقيقية من المال .. مثل مرة سافرنا شهرين وصرف عالي كلف مبلغ يعيش من وراه الانسان وعائلته سنة كاملة

سامحوني طولت بس نصيحة الإدخار ضروري للكل وحكومتنا تدخر وتستثمر بنفس الوقت استثمار ناجح والمفروض نحذو حذوها

[معماري قطري]

نصيحتي للي يبي يوفر ينسى الكماليات اللي ما لها لازمة ويبتعد عن الأقساط ويؤدي حق المال اللي وفقه الله فيه

[راجي الْعفو]

بو عبدالله لولا الله ثم الوالد الله يغفر لنا و له

احسك كنت بتكون مافيا قطرية ^_^

[ذيب ازغوى]

صرفي اعلى من راتبي

[معماري قطري]

بو عبدالله لولا الله ثم الوالد الله يغفر لنا و له

احسك كنت بتكون مافيا قطرية ^_^

كنت أشارك في بعض العمليات في ميامي بس لتعلم

[معماري قطري]

الله يرحم والدينا ووالديك اخوي راجي العفو والله يعفو عنا وعنك

كل ما نتذكر شلون والدينا يتعبون في تربيتنا ندعو لهم رب العزة أن يرحمهم .. هذي الدنيا دار مرور سريع ورحيل وكلنا راحلون

سامحوني على أي اساءة غير مقصودة أو تقصير مع أي حد وما أُحاول نقله من بعض التجارب لاستفادة الشباب وأكيد غيري متوفق أكثر مني والحمد لله على نعمه التي لا تحصى

[راجي الْعفو]

صرفي اعلى من راتبي

تصدق اكثر وابعد عن الكماليات شوي

[راجي الْعفو]

الله يرحم والدينا ووالديك اخوي راجي العفو والله يعفو عنا وعنك

كل ما نتذكر شلون والدينا يتعبون في تربيتنا ندعو لهم رب العزة أن يرحمهم .. هذي الدنيا دار مرور سريع ورحيل وكلنا راحلون

سامحوني على أي اساءة غير مقصودة أو تقصير مع أي حد وما أُحاول نقله من بعض التجارب لاستفادة الشباب وأكيد غيري متوفق أكثر مني والحمد لله على نعمه التي لا تحصى

امين

انقل يابن الحلال خبرتك فيها دروس للكبار قبل الشباب ..

موفق ..

[ابو عبدالله.]

مساكم بالخير

مثل هذا الموضوع يحتاج ان يضل طافي على السطح لان كثير من الشباب ما تتوفر لهم النصائح في هذا الموضوع المهم

وكثير من الكبار ما الاحظهم يوجهون الشباب بل بالعكس. يعطون عيالهم بسخاء عشان ما يحسون بالتقصير مثل ما هم جربوا بحياتهم سابقا

وهذا غلط و الافضل الالتزام بحسب وضع الاب المادي اذا غني يعطيهم الي يريحهم لكن لا يفسدهم. واذا وضعه متوسط ما يهمل الادخار و الاستثمار و يصرف كل الي عنده عشان ما يحسون بنقص

عن الادخار

قد ما تقدر وفر من بدايه عملك وطبعا محد الزمنا بهذا فتضيع كم سنه بسبب موتر مكلف او صرف في غير محله

ولما يجي الزواج يكون بالسلف مش من التوفير وهنا تبدأ المعاناه

بعد الزواج بالسلف. تدخل في ايجار يستقطع من راتبك وهذا يمدد فكره شراء بيت ملك لسنوات لان التوفير شبه معدوم. و ارض الاسكان تحتاج سنوات لن تطلع و تبني و تسكن. اقلها 7 سنوات باقل تقدير

لكن لو موفر و متزوج بفلوسك ممكن تجمع مقدم عقار. وتشتري ع البنك بسلفه كم سنه صحيح ضغط لكن ما يذبح. بعدها تبني بيت الاسكان و تمتلك عقارين. هذا باقل تقدير

الادخار ممكن يكون من راتب عادي و تنضغط. وممكن توسع ادخارك بالبحث عن عمل براتب اكبر وتوفر 20 الف بدل 6 الاف شهريا

ارى مسؤول بمنصب كبير بلا توفير و السبب واجهته الاجتماعيه ببيت مكلف و سيارات فارهه ولانه لم يوفر من بدايه عمله صعب عليه التوفير بعد ازدياد عدد افراد العائله و صرفهم و سفراتهم و اقساط سياراتهم وغيرها كثير

من كذا سنه سألته توفر ؟. قال راتبي 93 الف ولا يبقى 6 الاف اخر الشهر وتذاكر السفر فوق 125 الف. غير الفنادق و شنط بناته المراهقات الي ب 14 الف و طالع

لما يتقاعد بيقل راتبه و سيضطر ان يخفض صرفه و ينزل لتذاكر اكونومي طيب ليش ما وفرت و استثمرت و دخلت موارد اضافيه غير الراتب و بتضل في نفس الرفاهيه طول عمرك

نرجع للمهم

اقل شي 33% توفير من الراتب
الالتزامات البنكيه اذا اقساط موتر و غيره تجمع و تسددها باسرع وقت عشان يصفى الراتب ولا يتجزء

المصاريف الشهريه تشترى بالجمله منها بتكون بسعر اقل ومنها تضمن فتره طويله ما تنصدم. بفواتير المشتريات اكثر من الف بالاسبوع للجمعيه و فاتوره الجوال شهري بسعر واضح تقدر تعرف اذا زادت بالغلط او لا

من الامور الي اهتم فيها. من وين اشتري وهل بحتاج ادفع ولا لا
كمثال
لما بغير سفايف موتري قالوا الدرامويلات الخلفيه لازم تتغير لانها درام مش ديسك و قيمتها 3 الاف و خمسميه مع السفايف وشغل اليد

اتصل بصديق راعي كراج يقول جيبها الصناعيه و تورنا ب 60 ريال اذا بالدوحه ما يسوونها و يجبرونك تغيرها

هذا امر يمر على الكثيرين وما يعرفون ان الكراجات او الوكاله تلزمك بشي انت غير ملزم فيه و تخسرك الالاف

و الامثله وايد و وكالات كثيره مش بس السيارات حتى المكيفات و غيرها

الادخار في مجتمعنا يظهر انه صعب لكن للامانه هو سهل اذا انت مستهلك مثقف

في ناس تدفع للجمعيه ببطاقه الاتمان و يجمع نقاط للبطاقه اميال . وياخذ فاتوره الجمعيه و ياخذ عليها نقاط نجوم

ويدفع للمدارس الخاصه بالبطاقه و يجمع نقاط بدل الدفع بشيك او كاش. و سألت واحد. في فايذه من هالخطوات

قال اركب بزنس ابقريد بالاميال و اشتري ب 2400 ريال من الجمعيه بنقاط نجوم و اخزن بالجمله و اوفر تعب الروحه للجمعيه كل كم يوم ولا اروح الا مره بالاسبوع مال بو 500 بس لاني رتبت اموري و ارتحت و وفرت من الراتب بدل ما ادفع بدون نقاط و اميال والي خدمني ان عروض الميره تفيد وايد. 3 بسعر اثنين. و اثنين بسعر واحد ونص. وشيل جمله لشهور و سنه وافتك من مفاجآت هذا خلص وهذا جيب منه كل اسبوع و اسبوعين و شهر

انا طبقت هالامور مثل الشباب من زمان وفعلا قدرت اتحرك بعدها و استثمر و استدخل غير الراتب

وعشان ما اطول ما بدخل في موضوع تجاره صغيره وفرص الضربات السريعه لان يبي لها موضوع كامل اصلا

[ابو عبدالله.]

اقعد في بيت اهلك لا تتزوج ولا تشتري سيارة وجوال نوكيا ولا تطلع للمطاعم بتوفر راتبك

اذا تسمح لي اعلق

في حديث شريف لا يحضرني كله لكن يذكر ان الزواج احد ابواب الرزق الثلاثه وهناك قصه رائعه عن باب رزق للزواج ابحث عنها في جوجل و ستدهشك

[بوخالد911]

مد ارجولك على قد الحافك.

تنازل عن الكماليات الغير ضرورية.

[جبر ال جبر]

راح اعرض تجربه هامه لاحد اكبر تجار قطر،،، راح تمتع بحياتك وتنفق وترهي على نفسك وتزيد مدخراتك بعد وتاخذ كل الي بخاطرك وماتقتر على نفسك دايمن خلك وسطي بس من احصل وقت اعرضها باختصار

[جبر ال جبر]

مد ارجولك على قد الحافك.

تنازل عن الكماليات الغير ضرورية.

هذا سابقا الحين فيه ملاحف تغطيك من راسك لين اصغر صبع في رجلك

[مضارب دوسري]

300×30=9000


اذا قدرت تضبطها صح لن تندم
وهي تنفع لبيت عدد افراده 5 اشخاص

[جبر ال جبر]

اذا تسمح لي اعلق

في حديث شريف لا يحضرني كله لكن يذكر ان الزواج احد ابواب الرزق الثلاثه وهناك قصه رائعه عن باب رزق للزواج ابحث عنها في جوجل و ستدهشك

التمسو الغنى بالنكاح او كما قال صلى الله عليه وسلم

[راجي الْعفو]

التمسو الغنى بالنكاح او كما قال صلى الله عليه وسلم

لقيته اثر عن الصحابي ابن مسعود رضي الله عنه ولكنه لا يثبت

والآية القرآنية صريحة في هذا المعنى ( ...إن يكونوا فقراء يُغنِهم الله من فضله ...) الآية.

[راجي الْعفو]

هذا سابقا الحين فيه ملاحف تغطيك من راسك لين اصغر صبع في رجلك

وين تنباع هالملاحف يا جبر ههه

[مضارب دوسري]

300×30=9000


اذا قدرت تضبطها صح لن تندم
وهي تنفع لبيت عدد افراده 5 اشخاص

شخص راتبه اللي يصفى له من راتبه لنفترض 24000
والرجال يبي يوفر ويجمع للمستقبل

يسحب من ال24000
9000 ريال ويحطهم في بطاقة بنك اخرى
300 ريال ×30يوم تنفع وتضبط
وانا عايش حياتي فيها :)
2000 فواتير
4000 خدامتين ودريول كلهم هنود
5000 ريال مقاضي اول الشهر 1500 من الجمعيه والباقي مصاريف ولعبه
وصلنا 20000حلو

نجي للمصاريف اليوميه وال300 ريال
يوم مثلا ممكن تصرف 500
وثاني يوم تجبر نفسك تصرف 100 او عالاقل 150
وثالث يوم كذلك لتعويض تعديك اللمت فاليوم الاول

ودايما نقسم المتبقي من الرصيد على عدد الايام المتبقيه للراتب القادم
كل ماكان اللي في الرصيد يعطيك حسبه اكثر من 300 ف انت ماشي بامتياز
كل ماكان يعطيك الناتج 270_300 يعني ماشي صح
كل ماكان يعطيك اقل من 250 ريال فانت ما ضبطت معك صح ولازم ترتب امورك من جديد فالشهر اللي بعده

احيانا اصرف في يومين 1000 ريال وعقب اجبر نفسي اني اصرف 100 ريال يومين ثانيين (اكل بيت وتقعد بالبيت)
يصير الناتج في اربع ايام صرفت 1200
ولو نقسم 1200 على 4 ايام يطلع الناتج 300 يعني رجعت تمشي عاللمت من جديد



وبهذه الطريقه تكون وفرت 4000 ريال شهريا

الموضوع يبيله جديه
ممكن مثلا تستثني 3 شهور من السنه وتحط ال4000
شهر رمضان
شهر لعيد الفطر
شهر لعيد الاضحى

[Rider]

اذا تسمح لي اعلق

في حديث شريف لا يحضرني كله لكن يذكر ان الزواج احد ابواب الرزق الثلاثه وهناك قصه رائعه عن باب رزق للزواج ابحث عنها في جوجل و ستدهشك

يشرفني تعليقك لكن انا كاتب هالكلام مجرد تغير جو وادخل الابتسامه

[تغلبية]

موضوع جميل اخ حمد ..

انا بساعدك عشان توفر من راتبك
بس بالول قولي كم دخلك الشهري ؟؟؟

واذا ماتقدر تقول كم بالضبط ....... حدد لي من أي فئة انت

- فوق 30 الف ريال

- فوق 50 الف ريال

- فوق 80 الف ريال

لنفرض ان الراتب فوق 30 الف ريال ...

وشي طريقة الادخار ؟

[ابو عبدالله.]

شخص راتبه اللي يصفى له من راتبه لنفترض 24000
والرجال يبي يوفر ويجمع للمستقبل

يسحب من ال24000
9000 ريال ويحطهم في بطاقة بنك اخرى
300 ريال ×30يوم تنفع وتضبط
وانا عايش حياتي فيها :)
2000 فواتير
4000 خدامتين ودريول كلهم هنود
5000 ريال مقاضي اول الشهر 1500 من الجمعيه والباقي مصاريف ولعبه
وصلنا 20000حلو

نجي للمصاريف اليوميه وال300 ريال
يوم مثلا ممكن تصرف 500
وثاني يوم تجبر نفسك تصرف 100 او عالاقل 150
وثالث يوم كذلك لتعويض تعديك اللمت فاليوم الاول

ودايما نقسم المتبقي من الرصيد على عدد الايام المتبقيه للراتب القادم
كل ماكان اللي في الرصيد يعطيك حسبه اكثر من 300 ف انت ماشي بامتياز
كل ماكان يعطيك الناتج 270_300 يعني ماشي صح
كل ماكان يعطيك اقل من 250 ريال فانت ما ضبطت معك صح ولازم ترتب امورك من جديد فالشهر اللي بعده

احيانا اصرف في يومين 1000 ريال وعقب اجبر نفسي اني اصرف 100 ريال يومين ثانيين (اكل بيت وتقعد بالبيت)
يصير الناتج في اربع ايام صرفت 1200
ولو نقسم 1200 على 4 ايام يطلع الناتج 300 يعني رجعت تمشي عاللمت من جديد



وبهذه الطريقه تكون وفرت 4000 ريال شهريا

الموضوع يبيله جديه
ممكن مثلا تستثني 3 شهور من السنه وتحط ال4000
شهر رمضان
شهر لعيد الفطر
شهر لعيد الاضحى

بعد فيها توفير ��
الفواتير ادفع جوالين ابو 350 للباقه و انترنت منزلي سريع 500 و رقمين ارضي 90 ريال والجوالين باقه 30 جيجا لكل واحد بعد ما وصلت 1500 الاجمالي

والجمعيه 500 زايد ناقص اذا انك شاري جمله للامور الثقيله مثل الكلينكس و الصابون بانواعه و الديتول مره او مرتين بالسنه
حتى الدجاج مره بالشهر ثلاث كراتين واغلبه ياكلونه الخدم و السايق بعد
التموين الحكومي موفر علينا وايد الحمد لله

[ابو عبدالله.]

اخوي مضارب. اضف للحسابات مبلغ عشر الاف في جيبك. ومش قايل من وين تجي انت و فهمك :)

[style]

انا اوفر من راتبي كل شهر 60 الف ريال،
خلال سنه يكون عندي اجمع 720 الف ريال

[مضارب دوسري]

بعد فيها توفير ï؟½ï؟½
الفواتير ادفع جوالين ابو 350 للباقه و انترنت منزلي سريع 500 و رقمين ارضي 90 ريال والجوالين باقه 30 جيجا لكل واحد بعد ما وصلت 1500 الاجمالي

والجمعيه 500 زايد ناقص اذا انك شاري جمله للامور الثقيله مثل الكلينكس و الصابون بانواعه و الديتول مره او مرتين بالسنه
حتى الدجاج مره بالشهر ثلاث كراتين واغلبه ياكلونه الخدم و السايق بعد
التموين الحكومي موفر علينا وايد الحمد لله

صحيح
بس المشاركه اللي كتبتها
تكون عايش عيشه اكثر من المستوى المتوووسط
وفوق هذا توووفر

[حمــد]

لو تتغير سياسه المستهلك في الصرف ساعتها بيكون عندك ادخار .. اما صرف صرف صرف وانت ماعندك نيه الادخار فما با بتحصل شي اخر سواء كنت فرد واحد او عشر افراد في الأسرة

[الخيالة]

انا راتبي علي قدي و الاولويه اهلي امي و ابوي و صرت ما اروح المطاعم بره الا نادر مره بالشهر الاكل مااطلب من بره مره بالشهر احاول قد ماتقدر اوفر في حال امي و ابوي احتاجوا يكون عندي مبلغ اذا عندي ما اروح السوق الا اذا فعلا محتاجه شي حتي ان سافرت بما ان التذكرة من مكان الشغل ما راح اسكن في فندق خمس نجوم ادور علي مكان نظيف و آمن للنوم بما ان بكون بره من الصبح و ارجع بس للنوم و ما اسوي شوبينغ في السفر و قبل لا اسافر احدد شنو ابي اسوي في السفر و اي مناطق باروح و كم يكلفني و دوم سفراتي تكلفني بيت 1500 الي 2000 فقط جوالي كرت النت بو مية الريال و يكفيني جمعيه ما اخذ الا اغراض اللي نحتاج
طبعا ما اوفر بمعني ان افتح حساب ثاني اجمع فلوس لان نفس ماقلت راتبي قليل بس ع الاقل يتم عندي لين قربت نهاية الشهر و مرات يتم لي قريب 500

[معماري قطري]

الله يرزقج إختي الخيالة ويرزق جميع المسلمين

الحياة صعبة ومتطلباتها تزيد ما تقل .. كان لي صديق لبناني وما زال بيننا تواصل يقول دوم اخشوشنوا فالنعم زوالة .. واجتهد في كم شغلة وكان طالب علم دوم ويطور نفسه إلى أن استقال من شغل الحكومة وحول كفالته وتوفق وأصبح مدير كبير يتابع مشاريع داخلية وخارجية بالملايين .. زرته من فترة وشفته للحين مستخشن مع إنه ذكر لي رواتب الموظفين عنده توصل لخانة الملايين نسيت صراحة كم مليون

بعضنا مهما وفر يوفر قليل .. المدخول الشخصي شيء والمدخول العائلي شيء ثاني .. والحمد لله حكومتنا ما تقصر للمقيمين تعطي الجميع فرصة العمل والدراسة في بيئة تنافسية طيبة وحتى تعطي البعض حوافز بعض المواطنين يتمنونها .. وللمواطنين تضمن العمل والبعثة الدراسية وتشجع من يجتهد لخير نفسه ولخير وطنه

كثير من الإخوان والأخوات أكيد نموذج طيب ويضحي لمساعدة بقية أفراد عائلته وهؤلاء لهم مني كل حب وتقدير ودعوة خالصة بالرزق الوفير

[ابو عبدالله.]

صحيح
بس المشاركه اللي كتبتها
تكون عايش عيشه اكثر من المستوى المتوووسط
وفوق هذا توووفر

بضطر اتفق معاك :) صحيح فوق المتوسط وبعد توفير لكن اكيد مش بخل

دائما اذا تجد نفسك تقدر توفر اكثر. بتفكر تحط اهداف للتقاعد و حياه معينه انت تبيها لما تكبر

يعني ما تبي اخر الشهر تصك ع نفسك بسبب انتهاء راتب التقاعد او اذا ولدك يبي يتزوج و تشوفه ما يقدر الا بشق الانفس. وفوق هذا لو عيالك بيتعبون في بيوت بالاجار وما يقدر يشتري و نص راتبه رايح ع الايجار

واحنا في وقت ذهبي والي ما يغتني بقطر عمره ما بيقدر يغتني بمكان ثاني. وقطر ارض الفرص ومحد ياكل حلالك ولا يدفعك جزيه او ضريبه عشان تستثمر و ترفع مستواك المعيشي

بعد كم سنه بنلاحظ تغيير النمط المعيشي. وكل شي فيه رسوم و مصاريف و غلاء مثل البنزين و مواقف السيارات و امور بتاكل الراتب و تتصعب فرص الادخار و الاستثمار

مثل هونغ كونغ و سنغافوره بلاد صغيره و غنيه و غاليه بالمعيشه

موارد الافراد تقل مع الوقت حتى الاسهم الي اخدناها قاموا يبيعونها شوي شوي بسبب الحاجه للمال

خير مثال. صناعات اكتتبوا 63 الف مساهم و اول سنه قل حمله الاسهم الى 40 الف
و الحين اقل من عشره الاف مساهم فمع الوقت الناس تضطر ترجع خطوات ورى عشان تدبر امورها و ينزل المستوى المعيشي. وحتى الراتب كان قليل و يمشي و الحين كثير وبعد يتحندون ما يكفي عيل متى بندخر و نستثمر

راحت الطفره للاسهم و رفع الراتب و قله سخروها للادخار و الاستثمار و الفتره الجايه بتتصعب اكثر الا لمن كتب له يعمي بوظيفه تساعده بهالامور و يحسن تنظيم ادخاره براتبها

[معماري قطري]

بضطر اتفق معاك :) صحيح فوق المتوسط وبعد توفير لكن اكيد مش بخل

دائما اذا تجد نفسك تقدر توفر اكثر. بتفكر تحط اهداف للتقاعد و حياه معينه انت تبيها لما تكبر

يعني ما تبي اخر الشهر تصك ع نفسك بسبب انتهاء راتب التقاعد او اذا ولدك يبي يتزوج و تشوفه ما يقدر الا بشق الانفس. وفوق هذا لو عيالك بيتعبون في بيوت بالاجار وما يقدر يشتري و نص راتبه رايح ع الايجار

واحنا في وقت ذهبي والي ما يغتني بقطر عمره ما بيقدر يغتني بمكان ثاني. وقطر ارض الفرص ومحد ياكل حلالك ولا يدفعك جزيه او ضريبه عشان تستثمر و ترفع مستواك المعيشي

بعد كم سنه بنلاحظ تغيير النمط المعيشي. وكل شي فيه رسوم و مصاريف و غلاء مثل البنزين و مواقف السيارات و امور بتاكل الراتب و تتصعب فرص الادخار و الاستثمار

مثل هونغ كونغ و سنغافوره بلاد صغيره و غنيه و غاليه بالمعيشه

موارد الافراد تقل مع الوقت حتى الاسهم الي اخدناها قاموا يبيعونها شوي شوي بسبب الحاجه للمال

خير مثال. صناعات اكتتبوا 63 الف مساهم و اول سنه قل حمله الاسهم الى 40 الف
و الحين اقل من عشره الاف مساهم فمع الوقت الناس تضطر ترجع خطوات ورى عشان تدبر امورها و ينزل المستوى المعيشي. وحتى الراتب كان قليل و يمشي و الحين كثير وبعد يتحندون ما يكفي عيل متى بندخر و نستثمر

راحت الطفره للاسهم و رفع الراتب و قله سخروها للادخار و الاستثمار و الفتره الجايه بتتصعب اكثر الا لمن كتب له يعمي بوظيفه تساعده بهالامور و يحسن تنظيم ادخاره براتبها

طول ما بلادنا تحت حكم آل ثاني وأُمورنا مستقرة ما اظن الا الخير بإذن الله جاي

[ابو عبدالله.]

الله يديم الخير ياخوي

لكن نتكلم بالي واقع

البنزين تضاعف اربع مرات تقريبا. كان 55 درهم و الحين قريب ريالين

طلعتك مع العيال ما كانت تكلف وايد لكن الحين توصل 700 و الف
روح المجمعات زحمه و مواقف خاصه ب 50 و اكثر
صيانه المواتر صارت تكلف وحتى مشترياتك من اللحوم و السمك تضاعف سعرها عن قبل
تذاكرك صارت 4 الاف و طالع للتذكره واحسب تذاكر العائله

نمط العيش تغير عن قبل و ارتفع. و صحيح هناك دعم لكن في نطاق معين وليس لكل شيئ

تخيل لو نلتزم بقوانين صندوق النقد و تنزل لنا فواتير كهرباء وماء. و تدفع شهريا فوق 2000 ريال

طبعا ما دخلت لك في مصاريف الاقامات و الخدم و العلاج بالخاص وقيس على ذلك

عن نفسي اتمنى ما ترتفع المعيشه. لكن ليش اتمنى وانا ممكن ارتب اموري لمثل هذا المستقبل الي اتوقعه وعلاماته ظاهره اصلا

[لاجل QT]

بالاول خل يتم حق نوفر منة !!؟

[معماري قطري]

الله يديم الخير ياخوي

لكن نتكلم بالي واقع

البنزين تضاعف اربع مرات تقريبا. كان 55 درهم و الحين قريب ريالين

طلعتك مع العيال ما كانت تكلف وايد لكن الحين توصل 700 و الف
روح المجمعات زحمه و مواقف خاصه ب 50 و اكثر
صيانه المواتر صارت تكلف وحتى مشترياتك من اللحوم و السمك تضاعف سعرها عن قبل
تذاكرك صارت 4 الاف و طالع للتذكره واحسب تذاكر العائله

نمط العيش تغير عن قبل و ارتفع. و صحيح هناك دعم لكن في نطاق معين وليس لكل شيئ

تخيل لو نلتزم بقوانين صندوق النقد و تنزل لنا فواتير كهرباء وماء. و تدفع شهريا فوق 2000 ريال

طبعا ما دخلت لك في مصاريف الاقامات و الخدم و العلاج بالخاص وقيس على ذلك

عن نفسي اتمنى ما ترتفع المعيشه. لكن ليش اتمنى وانا ممكن ارتب اموري لمثل هذا المستقبل الي اتوقعه وعلاماته ظاهره اصلا

صادق يا اخوي بس بعد في المقابل رواتبنا زادت والحكومة تجتهد لإيجاد بدائل

انا عمري ما وقفت في موقف خاص وأخاف على سيارتي اللي موديلها 2012 حد يسوقها ويخربط فيها

باختصار حكومتنا واعية وهذا شيء واضح ما يحتاج توضيح .. صحيح الحياة تغيرت وكل شيء غلى ونتمنى صرامة أكثر وقوانين أكثر ونركز على بعض السلبيات لكن الايجابيات مقارنة بدول حولنا وايد كثيرة

ما ننسى توفير المناخ الاستثماري وكل شوي منزلين شركة للاكتتاب والاكتتاب يكون شبه متساوي للمواطنين مثل اكتتاب امسيعيد .. ولا ننسى المساعدة وقت الكوارث ووقت الحاجة لأي مواطن وحتى في أوقات لكثير من المقيمين .. ما ننسى مؤازرة قيادتنا لنا وللمقيمين في أحزانهم كما حصل في حريق فيلاجيو

يكفينا رؤية ابتسامة قائد مسيرتنا واستبشاره بالخير وحتى بعض الهيلق حولنا قاموا يقلدونه في مقابلات في أماكن عامة

[شموخ دائم]

,

,



شكرا على الموضوع


ما عمري وفرت

:)


لكن دخلت التجاره بدل التوفير لعمل مصدر دخل اخر

:)

[ابو عبدالله.]

صادق يا اخوي بس بعد في المقابل رواتبنا زادت والحكومة تجتهد لإيجاد بدائل

انا عمري ما وقفت في موقف خاص وأخاف على سيارتي اللي موديلها 2012 حد يسوقها ويخربط فيها

باختصار حكومتنا واعية وهذا شيء واضح ما يحتاج توضيح .. صحيح الحياة تغيرت وكل شيء غلى ونتمنى صرامة أكثر وقوانين أكثر ونركز على بعض السلبيات لكن الايجابيات مقارنة بدول حولنا وايد كثيرة

ما ننسى توفير المناخ الاستثماري وكل شوي منزلين شركة للاكتتاب والاكتتاب يكون شبه متساوي للمواطنين مثل اكتتاب امسيعيد .. ولا ننسى المساعدة وقت الكوارث ووقت الحاجة لأي مواطن وحتى في أوقات لكثير من المقيمين .. ما ننسى مؤازرة قيادتنا لنا وللمقيمين في أحزانهم كما حصل في حريق فيلاجيو

يكفينا رؤية ابتسامة قائد مسيرتنا واستبشاره بالخير وحتى بعض الهيلق حولنا قاموا يقلدونه في مقابلات في أماكن عامة

صحيح زادت الرواتب بس الاغلبيه من المواطنين بوظائف حكوميه و رواتبهم زادت بحدود وعينه مش مثل البترول يعني
فالي راتبه كان بالعشرينات صار بالثلاثينات و البعض اربعينات وشالوا العلاوات و نزلت للثلاثينات مره ثانيه

عن الامان بالمواقف ما ذكرته لكن ذكرت الزحام باماكن نروحها و الاضطرار لدفع رسوم موقف وتوصل عشرات الريالات عند المولات

الدوله تبحث عن بدائل نعم. لكن ما تدفع عنك قيمه موترك الفورويل و بنزينك و صيانتها الي تكاليفها صارت جنونيه حتى مع التأمين تدفع نص قيمه التصليح

رواتب الخدم زادت عن قبل بكثير و توصل الف وخمس للخدامه تقريبا وطبعا تبي ثنتين و ثلاث بحسب عدد الاطفال و حجم المنزل

هذه الامور لن تدخل فيها الدوله

الدوله ستوسع رقعه الاراضي وتؤهلها للبناء نعم وتحط خدمات نعم وهذا دور الدوله فقط

اما الاكتتابات فراح زخمها
وقود وصناعات وناقلات بدأت برفع ادخار المواطن. اما بعدين نزل الانجذاب مع اخر الاكتتابات مثل مسيعيد و مزايا و فودافون. الخ

يعني صارت غير جاذبه و نزولها لتداول يرجع قيمه اسهمها ليقارب سعر الاكتتاب فقط وليس اضعاف وصار نوع من الادخار طويل الاجل لا غير. مش مثل الشركات الاوليه الي تكتتب و تطلع مئات الالاف بيع باول يوم تداول

ما اختلف معاك ان في فايده و ارباح سنويه حتى لو بسيطه لكن تنفع. لكن حالها حال الادخار و تجربه التجاره او العقار مردور معين بالتوازي مع حجم المبلغ المستثمر

نضل افضل بكثير من دول اخرى ولا احاول اطلع سلبيات انا فقط اذكر ان من الطبيعي الارتفاع و الغلاء و انخفاض قيمه المال مع الوقت وهذا يسمونه تضخم اكيد تعرفه

بلا شك بلادنا توفر الكثير لنا و للمقيمين لكن كأنسان انا مطالب بالتحرك و توسيع الدخل للبقاء في نفس المستوى المعيشي لمجابهه التضخم و الغلاء والا سيبقى دخلي ثابتا و بعد سنوات لن يحقق لي ما يحققه الان

[ابو عبدالله.]

,

,



شكرا على الموضوع


ما عمري وفرت

:)


لكن دخلت التجاره بدل التوفير لعمل مصدر دخل اخر

:)

يعطيك العافيه. وهذا باب رزق انا ما تطرقت له لكنه مهم جدا والله يوفقك و يفتحها عليك دنيا و آخره

انا اعتبر نفسي مثل ما يقول المثل. رأس المال جبان و اتخوف من التجاره قبل

الان فقط بدأت بتجاره بسيطه منها استكشف مجال معين و عندي اساس يوفر علي ايجار محل للبزنس

كل تجاره رابحه اذا تتابعها بنفسك وتخصص لها وقت و توجد له طرق لخفض المصاريف و زياده الربح

[معماري قطري]

صحيح زادت الرواتب بس الاغلبيه من المواطنين بوظائف حكوميه و رواتبهم زادت بحدود وعينه مش مثل البترول يعني
فالي راتبه كان بالعشرينات صار بالثلاثينات و البعض اربعينات وشالوا العلاوات و نزلت للثلاثينات مره ثانيه

عن الامان بالمواقف ما ذكرته لكن ذكرت الزحام باماكن نروحها و الاضطرار لدفع رسوم موقف وتوصل عشرات الريالات عند المولات

الدوله تبحث عن بدائل نعم. لكن ما تدفع عنك قيمه موترك الفورويل و بنزينك و صيانتها الي تكاليفها صارت جنونيه حتى مع التأمين تدفع نص قيمه التصليح

رواتب الخدم زادت عن قبل بكثير و توصل الف وخمس للخدامه تقريبا وطبعا تبي ثنتين و ثلاث بحسب عدد الاطفال و حجم المنزل

هذه الامور لن تدخل فيها الدوله

الدوله ستوسع رقعه الاراضي وتؤهلها للبناء نعم وتحط خدمات نعم وهذا دور الدوله فقط

اما الاكتتابات فراح زخمها
وقود وصناعات وناقلات بدأت برفع ادخار المواطن. اما بعدين نزل الانجذاب مع اخر الاكتتابات مثل مسيعيد و مزايا و فودافون. الخ

يعني صارت غير جاذبه و نزولها لتداول يرجع قيمه اسهمها ليقارب سعر الاكتتاب فقط وليس اضعاف وصار نوع من الادخار طويل الاجل لا غير. مش مثل الشركات الاوليه الي تكتتب و تطلع مئات الالاف بيع باول يوم تداول

ما اختلف معاك ان في فايده و ارباح سنويه حتى لو بسيطه لكن تنفع. لكن حالها حال الادخار و تجربه التجاره او العقار مردور معين بالتوازي مع حجم المبلغ المستثمر

نضل افضل بكثير من دول اخرى ولا احاول اطلع سلبيات انا فقط اذكر ان من الطبيعي الارتفاع و الغلاء و انخفاض قيمه المال مع الوقت وهذا يسمونه تضخم اكيد تعرفه

بلا شك بلادنا توفر الكثير لنا و للمقيمين لكن كأنسان انا مطالب بالتحرك و توسيع الدخل للبقاء في نفس المستوى المعيشي لمجابهه التضخم و الغلاء والا سيبقى دخلي ثابتا و بعد سنوات لن يحقق لي ما يحققه الان

غلبتني يا بو عبدالله بالحجة والله المستعان

[Qtr37]

كل واحد يعيش حسب مستواه ومقدرته
مب لازم اعيش عيشة انا مب قدها

[ابو عبدالله.]

غلبتني يا بو عبدالله بالحجة والله المستعان

صبحكم بالخير

ما فيها غلبه. نقاش للوصول لفائده

يمكن قفلت الوضع انه بيتصعب لكن ايضا هناك فرص ولا احد سيموت جوعا الا اذا الله اراد له

الانسان بطبيعته خلاق للفرص ليغير واقعه. حتى الغير متعلم و العامل البسيط لكن له وقت و رزقه يتوسع او يقل

وفي السماء رزقكم وما توعدون

الخطأ الوحيد هو ان يقعد الانسان و يترك الفرص الي تمر عنده لانها لا تتكرر كثيرا

واسأل الشباب الي فوق الثلاثين وقول كم فرصه مرت و نادم ما استغليتها و عور قلبك بسوالفهم

الي من عشر سنوات وهو من موتر لموتر والي شاري طراد بقيمه توازي ارض 1200 متر. ايام ما كانت ب 120 الف ما قبل سنه 2003

[ابو عبدالله.]

كل واحد يعيش حسب مستواه ومقدرته
مب لازم اعيش عيشة انا مب قدها

يا ليت البعض يفهم نصيحتك

صار عندهم انفصام بالشخصيه شكلا هو غني و بالباطن يدور ارخص تواير لموتره لان ما عنده لاخر الشهر

للامانه. شفت بعض الشباب صاروا افضل من قبل و يسمعون النصيحه لكن قله من ينصحهم او يوجههم

[بومحمد المطاوعه]

اذا حسابك في بنك ربوي

عمرك ماراح توفر ولا راح يمشيك لأخر الشهر
لانه مافيه بركه بعيد الشر

[بومحمد المطاوعه]

كل واحد يعيش حسب مستواه ومقدرته
مب لازم اعيش عيشة انا مب قدها

اي والله صدقت
المفروض هذي اصلن
الواحد يعيش لنفسه
يلبس لنفسه
يشتري لنفسه
مب علشان الناس تشوف وتمدح

لان لو تلبس ذهب بعد العالم يتذم
ف الواحد يشتري ويلبس ويسوي لنفسه مب علشان الشوووو

[بو خليفه 123]

الاول نعالج سلوكنا تجاه جعل الكماليات من الاساسيات
و ثانياً الدفعات و تنظيم جدول الاعمال لمصاريف المنزل مهمه .
ثالثاُ , بعد تحديد الاولويات و معرفة مقدار مصروفك الشهري اصرفه من مايتبقى من الراتب و خصص مبلغ توفير .

أنت وحدك تعلم كم تصرف على الامور الروتينيه مثل الحلاق و الميره لذا هذا استقطاع اجباري من راتبك و تعلم كم تصرف عليه لذا رتب امورك و مصاريف بناءً عليه



أنا اطبق نظرية الادخار للابناء و وقفت توفير شيء من راتبي لنفسي

على أن يكون لكل زوجه راتب ,
و مبلغ محدد يتحول لحسابات الابناء شهرياً (هذا ضروري جداً)
و راتب للمنزل و مصاريفه

و مايتبقى من راتبي هو اللي اوفره او انبسط فيه لنفسي.

المصاريف والرواتب تزيد بنسبة 5% لكل من الابناء على حسب نمو السوق العالمي .. مع بونص مرتين بالسنه (العيدين) و كسوة الشتاء والصيف



تقبل تحياتي

[ضوى]

الحمدلله والفضل والمنه له وحده
بما أنه بو العيال الله يحفظه ويطول بعمره هو المتكفل بكل شي فراتبي تقريبا 90% اوفره الا اذا حبيت اخذ شي للبيت والا للعيال من خاطري أنا ويارب يزيد ويبارك لنا وله الحمد والشكر على كل نعمه الظاهرة والباطنة

[بو خليفه 123]

الحمدلله والفضل والمنه له وحده
بما أنه بو العيال الله يحفظه ويطول بعمره هو المتكفل بكل شي فراتبي تقريبا 90% اوفره الا اذا حبيت اخذ شي للبيت والا للعيال من خاطري أنا ويارب يزيد ويبارك لنا وله الحمد والشكر على كل نعمه الظاهرة والباطنة

عندي لك مشروع يدخل ذهب
كلميني بسرعه قبل لا المشرفه تقطع الارسال عني

[بومحمد المطاوعه]

الاول نعالج سلوكنا تجاه جعل الكماليات من الاساسيات
و ثانياً الدفعات و تنظيم جدول الاعمال لمصاريف المنزل مهمه .
ثالثاُ , بعد تحديد الاولويات و معرفة مقدار مصروفك الشهري اصرفه من مايتبقى من الراتب و خصص مبلغ توفير .

أنت وحدك تعلم كم تصرف على الامور الروتينيه مثل الحلاق و الميره لذا هذا استقطاع اجباري من راتبك و تعلم كم تصرف عليه لذا رتب امورك و مصاريف بناءً عليه



أنا اطبق نظرية الادخار للابناء و وقفت توفير شيء من راتبي لنفسي

على أن يكون لكل زوجه راتب ,
و مبلغ محدد يتحول لحسابات الابناء شهرياً (هذا ضروري جداً)
و راتب للمنزل و مصاريفه

و مايتبقى من راتبي هو اللي اوفره او انبسط فيه لنفسي.

المصاريف والرواتب تزيد بنسبة 5% لكل من الابناء على حسب نمو السوق العالمي .. مع بونص مرتين بالسنه (العيدين) و كسوة الشتاء والصيف



تقبل تحياتي

الله يبارك لك يابوخليفه
وماشاءالله ربي يزيدك من فضله

صدقت كل واحد يعرف يرتب نفسه بنفسه

اعرف ناس مايحركون الراتب للأمانه
عندهم دخل ثاني ماشاءالله وربي يزيدهم الزود
وراتبهم ينزل كامل ماينخصم الا للمديونيه وباقي الراتب ولا ريال يحركه
واعرف ناس نفس ترتيبك وانا من ضمنهم من بدايه الشهر اوزع الراتب على الترتيب الشهري
اسكر كل الامور من احتياجات المصاريف الشهريه

وبعدها اخلي لي مبلغ خاص فيني استانس فيه
سواء مشتريات ولا حق هواياتي ولا اي شي ابيه
خلاص يكون في مبلغ لي لين اخر الشهر
غير الي يتم فرزه وتوزيعه على مد الشهر من احتياجات ام العيال والعيال ومصاريف البيت

وهذي النظام ماشي عليه والحمدلله افضل شي

[ضوى]

عندي لك مشروع يدخل ذهب
كلميني بسرعه قبل لا المشرفه تقطع الارسال عني

omen اذا ماصار اللي في بالي خلال فترة قريبة بافكر بمشروعك

[لوجين]

والله لا تقعدون تبذخون بالاول وثانيا كاسسسسسروا هالنصابين برفع الاسعار خاصة بموضوع الايجارات وبموضوع جميع المواد والبناء وابكل الامور
ثالثا لا تفسفسون بفلوسكم على اساسا انها كثيرة وماراح تخلص فتمحق البركة بتاتااااا ومنهااااا رابعاااا قلللوا من شراء الماركات والبذخ فيها بشكل يومي صااااار حتى مب من فترة لفتره والي ترررروح فيها ارباحهم لليهود والكفار وبيوم بفلوسنا بينكبوناااا وبيثورون علينا
هنااااا وبمصاريف العطور والملابس والاكل الغالي ووشششششششششششششششششششششششششوفوا الفرق وبيصير في توفير للراتب او لااااا





وبركة بالراتب او لااااا

وشوفوا غيركم رواتبهم ولا شي ضعيفة وكلشششششش ولكن بسبب الابتعار عن هالامووور
قسم مغطيتهم وبزود ولا عنده بيت خاص من اول مايتزوج يحط زوجته فيها واعياله مب على ضخامة راتبه حاطهم بغرفة وحاشرهم حشره ببيت اهلة ولا يفكر بدين وغيره والا حموان وحرمة المراءه وحقها بانها تكون ببيتها ومرتاحة لا حموا حرام كل دقيقة يطل بوجها او اهل راضية بهالحرام وشي مايرضية الله وقاعدين يسونه ويفعلونه مع زوجة الولد ووهم يضحكون لودهم وكانه انجاز مسوية ومفتعلة وشطارة منه لهم وللزوجة وحرمتها وحرمة اهلهااا مافي والذنب هو راكبة قبل اهلة وتفكير اهلة الي ساكتين له ويوسعون المدراك له بالسكوت وتزين الامر له والخوف منه وهو بشوفة لذي وذي الامور بانها شاطرة منه ومن الكل وبدون اي مقدمات رهبة او مبادرات بهالشي وهو عند الله شي عظيم لكن لانه مطمن بالدنيا لانه بجانب اهلة مايفكر بالحرام حاليا ولا باي شي بتاتا والاهل مثلة وابكل شي 000
من كذا البركة من عندمة حتى بالراتب وابكل شي 00000000000000


للتوضيح حسب الواقع ومانراه ونشوفة من امور حاصلة بالواقع وبمجتمعنا القطري بالكامل دون اي اهتمام وتصليح من هالاخطاء بتاتا وتعلم بتاتااااااااا

[Class - Qtr]

السلام عليكم

افضل انواع الادخار هي الصدقه وكفاله اليتيم وبناء الابار وبناء المساجد وزكاة المال

بالطريقه هذي رب العالمين بيبارك لك في مالك واهلك

بالنسبه للتوفيرعلى المستوي الشخصي الحمد الله

متزوج وعندي ولدين وعايش مع هلي في البيت

صرفي الشهري 10 الي 12 الف

والباقي ادخار

[partyQtr]

انزين انا راتبي 9000 والصافي عقب خصم البنك 6000

في طريقة اوفر فيها مع العلم اني مااصرف في شيء وايد كل صرفي بترول


واشياء للسياره واساهم في اجار البيت والمصروف

[sweet qatar]

انا كنت متبعة خطة للتوفير واذا دخل خاطري شي بالتخطيط والصبر آخذه

لكن هالطريقة ما عادت تنفعني .. وصار وقت plan B


والله ييسرها لي :)


لكن الاهم من التوفير هو البركة مثل ماذكروا الاعضاء
فمهما كان راتبك لا تنسى الصدقة .. والله يبارك لنا ولكم في اموالنا و اعمارنا

[Qtr37]

انزين انا راتبي 9000 والصافي عقب خصم البنك 6000

في طريقة اوفر فيها مع العلم اني مااصرف في شيء وايد كل صرفي بترول


واشياء للسياره واساهم في اجار البيت والمصروف

حاول تدبر لك مصادر اخرى للدخل

[ناسداك]

فترة الشباب و خصوصا في التسعينات ضيعنا فيها فلوس بالفاضي بالسفر و الماوتر و لا تنسون البورصة لو اشترينا بيت شعبي على الاقل ايامها 150الف او 120 الف كان الحين مرتاحيين بس الحمد لله على الضمان الاجتماعي

[eXpert*]

العملية بسيطة أقسم ((صافي)) راتب على 30 يوم وشوف كم دخلك اليومي..
وبناءَ عليها أجعل مصروفك اليومي (((أقل))) من دخلك اليومي .

[راعي الكورفت]

انا كنت اقدر اوفر ..
بس دخلت تجاره وخسرت كل فلوسي :(

[حبر وقرطاس]

شدعوه هو مافي غير الراتب يسليني والعب فيه لالا انا اقرت الموضوع واحس كن الي كاتبه مستصعب الشغله كنه يطلع جبل
اخوي تبي تعرف معنى الاداره والاراده شوف الشباب القطري في مسابقه الصمله جالسيت يسوون شي اصعب من الي انت تكتبه وانت جالس بمكانك ومتكي
باختصار الي مايعرف يدخر راتبه ...عديم اراده

[معماري قطري]

اللي راتبه ما يكفيه وصاحب عائلة صعب يدخر أفضل له يركز في تشغيل عياله القادرين على الشغل حتى لو يشوف لهم بعثات مدفوعة

الباقي لو راتبه سمين وعنده مداخيل ثانية يرتب أولوياته وحساباته ولا يستثمر الا في المضمون ويبتعد عن الدجالين

كيف نوفر كعائلة؟

بعض الأبناء الله يهداهم يدفعون مبالغ طائلة في قطعة بسيطة ولإستخدام بسيط .. وتفاجأت من شاب يشتري حذاء بسعر خيالي ويتباهى به كأنه بنت .. كذلك آخر يشتري بشت غالي وهو بيلبسه يمكن مرة أو مرتين وبعدين تحصله نص الشهر مفلس .. والمفروض تركيز ولي أمر العائلة على هذي الأُمور اللي فيها اسراف ولا مبالاة

بعدين يقدر الإنسان يحدد مبلغ معين من هذا الراتب السمين لصرفية الشهر .. نقدر نقول ميزانية شهرية والباقي يخليه احتياط لأي أمر طاريء ولو بقى خير وبركة .. ممكن يستفيد منه لسفرة أو لشراء شيء مكلف

[معماري قطري]

فترة الشباب و خصوصا في التسعينات ضيعنا فيها فلوس بالفاضي بالسفر و الماوتر و لا تنسون البورصة لو اشترينا بيت شعبي على الاقل ايامها 150الف او 120 الف كان الحين مرتاحيين بس الحمد لله على الضمان الاجتماعي

الله يحفظك ويوفقك

انا مثلك صراحة ما كنت اشوف الفرص الجيدة جدامي وكان عندي والحمد لله مبلغ جيد لأي استثمار .. حتى الاكتتابات ما اكتتب والوالد الله يغفر له ما يقصر يكتتب لي ولإخواني وينصحنا باللي ينفعنا

[تغلبية]

مرحبا ..


بذكر .. أفضل خطط الادخار اللي عرفتها وسمعت عنها ... وخاصة للناس اللي ماتمشي معاهم ادخار مبالغ متواضعة
واذا شدوا حيلهم وجمعوا .. اصرفوها في اول سفرة تطيح فجأة في مخططاتهم السنوية .. مثل الحسأ ودبي سابقاً !

بالطرق اللي بذكرها بتقدر يكون عندك مبلغ مقدم .. أو استثمار قصير المدى تحفظ فيه قيمة فلوسك من الخسارة والضياع أو من الصرف ..
وتقدر اتحرك فيه ...

1- فكرة الجمعية بين الاهل والاصدقاء بحيث يكون مبلغ كبير على سنة او سنة نص ..
نعتبره قرض حسن ويفك أزمات.

2- ممكن الاستفادة من سلفيات الشغل .. االلي نعتبرها بعد قرض حسن ماعليها فوايد ..
بحيث انك تاخذ مبلغ السلفية اللي هو خمسة اضعاف الراتب الاساسي ...
ولكن تسدده خلال سنة او سنة ونص ويكون مبلغ القسط هو مبلغ الادخار اللي المفروض تشيله كل شهر.
هالمبلغ يكون عندك مقدم .. تقدر اما تخليه وتجمعه كوديعه او تستثمره في اصول. ومن تخلص فترة التسديد ..
تطلب السلفيات مرة ثانية وتسددها في وقت قصير. خلال خمس سنين يصير عندك مبلغ محترم بدون فوايد.

3- شراء سبايك ذهب من مبلغ الادخاركل شهر ..
بحيث تضطر انك اتجمد المبلغ وما تقدر اتصرف فيه ..
وكل شهر اتحط في التجوري سبيكة تحفظلك القيمة الاسمية لفلوسك ... مع السنين.
اذا احتجت تقدر تبيع السبايك بالقدر اللي تحتاجه. واذا كنت منتبه لاسعار الذهب ..
بتقدر تطلع بربح مرضي.

تشتري سبايك ماتشتري ذهب مصاغ لأن عند البيع بتخسر وايد من المصنعية .. أما السبايك ما عليها مصنعية.

[ameeer3]

اصرف ما في الجيب ‏‏>‏‏> يأتيك ما في الغيب ‏..

[ورد الدوحه]

انا طريقتي في التوفير

كل شهر ينسحب من راتبي عشرة الآف وتروح للتوفير اتوماتيك ولاقدر أسحبها كلش
الا اذا رحت البنك وكلمتهم

وبالهالطريقة صرت اعتمد على اللي موجود عندي واقتصد لين يكفيني آخر الشهر

وطبعاً وقت الأزمات أو سفر أو ...إلخ أضطر أسحب من التوفير
ولله الحمد تكون عندي مبلغ جيد :app:

[حمــد]

انا طريقتي في التوفير

كل شهر ينسحب من راتبي عشرة الآف وتروح للتوفير اتوماتيك ولاقدر أسحبها كلش
الا اذا رحت البنك وكلمتهم

وبالهالطريقة صرت اعتمد على اللي موجود عندي واقتصد لين يكفيني آخر الشهر

وطبعاً وقت الأزمات أو سفر أو ...إلخ أضطر أسحب من التوفير
ولله الحمد تكون عندي مبلغ جيد :app:

يعني بالنهايه تصرفيهم escape

[ورد الدوحه]

يعني بالنهايه تصرفيهم escape

لااااا
اذا اسحب شي بسيط
يعني مب معقولة باسحبه كله وباقعد جذيه
ولا اني اخليه للأبد امجمد في الحساب
للضرورة فقط وبدون تبذير

[Charisma]

لاتعيش مثل غيرك - تصنيف الأولويات - حساب توفير بدون بطاقة - تحويل شهري.

حل ثاني ..

حول راتبك على حساب ام العيال .. توفر لك *




سامعليكو.


*تطبق الشروط والاحكام .. صاحب الأقتراح لايتحمل أي مسؤولية فقدان او ضياع الجزء المحول بأي شكل من الأشكال.