موضوع مهم دوم بكتب عنه وانسى

[معماري قطري]

يمكن مؤرق للكثيرين واللي هو إجراءات البناء والإتفاق والتصميم والإشراف وما يدخل فيها كلها من تجاوزات وغش واضح

باذكر نماذج كثيرة وباناقش الحلول الممكنة ونقاط الضعف وين

عندنا لجنة ترخيص وتقييد المهندسين هذي تابعة للبلدية أو بالأخص للتطوير العمراني

عندنا ترخيص المقاولين وهذي للتجارة على ما اعتقد وللبلدية تدخل في تصنيف المقاولين

كذلك عندنا جهات حكومية كثيرة منها لجنة معادلة الشهادات ومنها المكتب الهندسي الخاص ومنها جميع الوزارات اللي فيها مهندسين أو عمال أو فنيين في مجالات الهندسة الكثيرة .. وباركز أكثر على المقاولين وعلى المكاتب الاستشارية والمهندسين من خلال رؤيتي المتواضعة

ما أنسى كذلك اجراءات التقاضي والمحاكم اللي القطري صعب يطلع له حق فيها

إن شاء الله أواصل برواقة مع الصباح غداً

[Dana’1]

فعلا موضوع مهم على قد ماهو مفرح موضوع إن هذي ارضك وتبني عليه بيت العمر مثل ما يقولون
إلا إنه متعب مو بس بالاختيارات هذي اسهل شي ممكن
بس إنك تلاقي مقاول أمين المهندس والعماله تشتغل صح هذي متعبه وشبه صعبه
الأخطاء وراده بأي مشروع لان الي يشتغل بشر بس اخطاء عن أخطاء تفرق
تتعب وتدفع عالدفان والبلاط بعدين ينزل البلاط زي الخسف الله لا يخسف بنا والمسلمين يا رب آمين

تطلب ليت على جدار محدد... يشتغل ويمد وايرات ويليص ويصبغ وتكون المفاجأه ولا ليت يشتغل شسالفه؟!
التمديد خطأ والواير رايح إلى المجهول إلا أي شي ...غير موصل الطاقه!!

أشياء تعديلها مكلف حتى .. وتجيب اثنين ثلاثه وممكن تدفع أكثر للي بيحل المشكله بأقل أضرار الي مكمن التكسير وغيره

أتمنى فعلا فيه رقابه مشدده على المقاولين والموظفين عليه وللي يوافق عشان يبدون بالخطوه الي بعدها ىهم ما خلصو من الأولى بإتقان

والله أشوف البينيان هنا واشوف بغير دوله يبان الفرق لما تقارن عمر البيت او المبنى مع بالبناء و التشطيب وتصدع الجدار وغيرها وفترة هالتصدع بيوت جديده حتى مانزلو فيها اصحابها متصدع هو من التلييس/ص وإلا من الصبغ والا من البيب الي داخل الجدار وإلا منهن جميع!

اسمح لي أخ معماري ممكن الموضوع عن المواصفات والجوده و الشروط والاتفاقات بالعقود نفسها مع المقاويلين
وهي فعلا مهمه خصوصا إذا تلزمه يعدل كل خطأ مجانا وفوقها يعطي تعويض لراعي البيت ضيع وقته ولا تدري يدفع اجار لين بيته يخلص وهذاك على مهله ريض لبن يجي وعجل اذا جاء وشغله غلط بعد!!

عساك عالقوه

[sweet qatar]

فعلاً موضوع مهم

في رايي البلا كله من آخر محور في موضوعك

إجراءات التقاضي .. يعني المقاول ما يلتزم معاك بالعقد ويأخرك
ويسبب لك أضرار مادية ومعنوية

ولا تقدر توقفه عند حده وتاخذ حقك منه !!

كذلك الاستشاري الي المفروض يشيل عنك متابعة تفاصيل العمل والتنفيذ الصحيح
يصير العكس يضيعك معاه

لي متى مطلوب من المالك يفهم في كل شي ويعرف ادق التفاصيل !!

[ابو عبدالله.]

انا بدأت البناء والحمد لله للحين الامور طيبه
والي لاحظته ان الشباب اما يروح لشركه كبيره ويدفع دم قلبه واما يروح للشركات الصغيره بحكم ان تسعيرته ارخص من غيره

من البدايه استشاري المخطط يكون تصنيف درجه اولى وبياخذ فوق عشر الاف لكن بيدلك ع الشركات العدله الي اشتغل معاهم وبينصحك هذا للعظم زين. وهذا للتشطيب زين

ع الاقل تلعب بالمضمون شوي

اذا بتدور شركات شوف الي بنوا عنده كذا واحد و يمدحونه والاستشاري درجه اولى بيشيل عنك هم المتابعه وهذا الي يصير معاي حاليا. ورسومه الف وخمس شهريا ويستاهل والله لان معاي طلع شغلات ما انتبه لها المقاول و عماله غلطوا فيها

مع اني موقع العقد للمقاول ولازم يلتزم لكن مع الشغل انصدم بكميه الحديد الزائده و الاستشاري قال له بعدل لك و بوفر لك و تبني المسبح خرسانه بدل الطابوق و وافق

وهذه نقطه احب الكل يعرفها ان الاستشاريين بالعاده يحسبون كميات الحديد بشكل مبالغ تحت مسمى خلك بالمضمون لكن المقاول يحسب لك سعر البناء بهذه التكلفه فانت دافعها دافعها زياده وبعدين يجيك يقول خلنا نخفض الكميه عشان ياخذ الفين بدل تعديل و المقاول يخفف تكاليفه. طيب وانا محسوب علي من قبل الحديد الزياده

الله رحمنا و التوفير راح للمسبح بدل ما ادفع فرقيه خرسانه المسبح

[ابو عبدالله.]

اخر نصيحه

لا تبدأ الا وانت عندك مقدم زين لانك بتتعب وايد اخر البناء
العظم مقدور عليه لكن دفعه التنميه السادسه اعزكم الله لبلاط الحمامات و المطابخ تنزل لك بعد ما تركب اصلا
بعدها تجيك القويه.
درايش و بيبان وبلاط الغرف و الصالات و الجبس و الصبغ وكل هذولا ياخذون 50% مقدم
يعني 250 الف وبعدها 25% لما الاغراض تجهز و 25% عند التركيب

مبالغ كبيره متلاحقه ومش دفعات مقبوله وهذه تنشف الكاش و تنصدم بعدها بالامور الصغيره الي تاكل عشرات الالاف ولا تلحق تدفعها

فالمقدم القوي بيشيلك بعد انتهاء العظو و البلاستر

[فنجان قهوة]

معظم العقارات في قطر عبارة عن صناديق مشوهة لا تملك ادنى مستويات الفن الهندسي في كل النواحي ( التصميم الخارجي +عملية توزيع الغرف والخدمات بالفيلا بطريقة عشوائية

+ ردائة البلاستر و الصبغ والتمديدات صحية التي تتسرب وتراها بشكل بقع كبيرة على جدران الفيلا وسوء توزيع الاضاءات الكهربائية خارجيا وداخليا حتى تعتقد انك في مهرجان اضاءات) هذا عدا مئات الفلل المهجورة التي توقفت في مرحلة ما من البناء واصبحت ماوى للكلاب الضالة...وهذا يعطي فكرة للاجنبي عن تدني مستوى الذوق العام عندنا ... الاسباب عديدة ... واعتقد الحل يكمن في تدخل جميع الجهات المعنية في الامر .

[معماري قطري]

فعلا موضوع مهم على قد ماهو مفرح موضوع إن هذي ارضك وتبني عليه بيت العمر مثل ما يقولون
إلا إنه متعب مو بس بالاختيارات هذي اسهل شي ممكن
بس إنك تلاقي مقاول أمين المهندس والعماله تشتغل صح هذي متعبه وشبه صعبه
الأخطاء وراده بأي مشروع لان الي يشتغل بشر بس اخطاء عن أخطاء تفرق
تتعب وتدفع عالدفان والبلاط بعدين ينزل البلاط زي الخسف الله لا يخسف بنا والمسلمين يا رب آمين

تطلب ليت على جدار محدد... يشتغل ويمد وايرات ويليص ويصبغ وتكون المفاجأه ولا ليت يشتغل شسالفه؟!
التمديد خطأ والواير رايح إلى المجهول إلا أي شي ...غير موصل الطاقه!!

أشياء تعديلها مكلف حتى .. وتجيب اثنين ثلاثه وممكن تدفع أكثر للي بيحل المشكله بأقل أضرار الي مكمن التكسير وغيره

أتمنى فعلا فيه رقابه مشدده على المقاولين والموظفين عليه وللي يوافق عشان يبدون بالخطوه الي بعدها ىهم ما خلصو من الأولى بإتقان

والله أشوف البينيان هنا واشوف بغير دوله يبان الفرق لما تقارن عمر البيت او المبنى مع بالبناء و التشطيب وتصدع الجدار وغيرها وفترة هالتصدع بيوت جديده حتى مانزلو فيها اصحابها متصدع هو من التلييس/ص وإلا من الصبغ والا من البيب الي داخل الجدار وإلا منهن جميع!

اسمح لي أخ معماري ممكن الموضوع عن المواصفات والجوده و الشروط والاتفاقات بالعقود نفسها مع المقاويلين
وهي فعلا مهمه خصوصا إذا تلزمه يعدل كل خطأ مجانا وفوقها يعطي تعويض لراعي البيت ضيع وقته ولا تدري يدفع اجار لين بيته يخلص وهذاك على مهله ريض لبن يجي وعجل اذا جاء وشغله غلط بعد!!

عساك عالقوه

الله يقويج ويبقيج إختي ديور

كلامج واضح وفي صميم الموضوع .. كل هالشكاوي لازم لها دراسة متأنية ومن ناس مخلصين همهم رفعة البلد واعطاء كل ذي حق حقه

انتي أجملتي الملاحظات البسيطة والتافهة واللي لو فيه توثيق وقوانين صحيحة ومواصفات دُنيا ما ينزل عنها اللي يشتغل كلٍ حسب تخصصه ما تتم .. خصوصاً لو فيه متابعة من جهات رقابية وقضائية سريعة

باتابع الموضوع وباحاول قد ما اقدر اعرض مشاكل لاحظتها لعلها توصل للمسؤولين ويتم التفاعل معها

[معماري قطري]

فعلاً موضوع مهم

في رايي البلا كله من آخر محور في موضوعك

إجراءات التقاضي .. يعني المقاول ما يلتزم معاك بالعقد ويأخرك
ويسبب لك أضرار مادية ومعنوية

ولا تقدر توقفه عند حده وتاخذ حقك منه !!

كذلك الاستشاري الي المفروض يشيل عنك متابعة تفاصيل العمل والتنفيذ الصحيح
يصير العكس يضيعك معاه

لي متى مطلوب من المالك يفهم في كل شي ويعرف ادق التفاصيل !!

مرحبتين باختي سويت قطر

اللي خلاني اكتب إن لصديق لي قضية مع مقاول وقف شغله فجأة وراح ولا يرد على التلفون .. بعد شهر أغراه الاستشاري بفهلوته بأن يحق له فسخ العقد حسب العقد ويتابع مع مقاول ثاني .. كمل الرجال شغله وتفاجأ بالمقاول بعدين يطالب باستحقاقات ما سواها .. المقاول مِسري والاستشاري مِسري مطوع بعد والشركتين يديرونها ويلعبون فيها الإثنين وملاكهم القطريين فقط ياخذون نسبة

المالك طالب بالتأخير وبهروب المقاول عن المشروع والمقاول يدعي بأن ما فيه تأخير والاستشاري يلف ويدور .. حتى فحوصات عينات الخرسانة ما حصلها في ملف الاستشاري واللي المفروض الاستشاري يتابعها .. وحسب القانون القطري مجبور يودعها للمحكمة .. ببساطة يدعي انها عند المقاول والمقاول رافض يسلمها والخبير القانوني ما يقدر يفكك السالفة ذي

وبتابع أكيد السالفة طويلة وبالعقل أي استشاري يقصر في واجباته يجب أن يحاسب وحسابه يكون رادع وقوي .. يقول ملف المشروع ما فيه ورق كلش والمشروع له 4 سنوات والمهندز يتابعه ويهز راسه كل شيء زين

[معماري قطري]

سامحوني اخواني بو عبدالله وفنجان قهوة بارجع لردودكم وقت لاحق واتشرف بمشاركاتكم القيمة

[شموخ دائم]

,

,


مرحبا


شكرا على الموضوع

لي رجعه ومداخلات للفائده ان شاء الله

انا بتخصص في كشف اساليب المقاولين
:)

اكبر مشكله نعاني منها

المهندسين الي يجون الدوحه ( غير موهلين ) انه يشتغل في شركه مقاولات او مكتب هندسي
ما عندهم خبره عمليه واكثرهم توه متخرج والبناء في قطر يختلف اختلاف كلي عن البناء
في الهند او سيرلنكا او مصر المواد وطريقه الخلطات مختلفه اختلاف كلي
ولايعرف يتعامل مع ( العمال ) شخصيات ضعيفه
ولا حتى يعرف أصول الصنعه للاسف

المفروض اول شي يتم ( تقييمه ) قبل الوظيفه

والمصيبه الأكبر هناك شركات مقاولات لايوجد فيها ( مهندس ) لايوجد شرط توافر مهندس قبل الترخيص
:(

المفروض الدوله تمنع المقاول ان يوظف مهندس قبل تقييمه من جهات الدوله

للأسف كل من هب ودب يشتغل مقاول
شي مؤسف ومحزن

,

,

[فنجان قهوة]

اخر نصيحه

لا تبدأ الا وانت عندك مقدم زين لانك بتتعب وايد اخر البناء
العظم مقدور عليه لكن دفعه التنميه السادسه اعزكم الله لبلاط الحمامات و المطابخ تنزل لك بعد ما تركب اصلا
بعدها تجيك القويه.
درايش و بيبان وبلاط الغرف و الصالات و الجبس و الصبغ وكل هذولا ياخذون 50% مقدم
يعني 250 الف وبعدها 25% لما الاغراض تجهز و 25% عند التركيب

مبالغ كبيره متلاحقه ومش دفعات مقبوله وهذه تنشف الكاش و تنصدم بعدها بالامور الصغيره الي تاكل عشرات الالاف ولا تلحق تدفعها

فالمقدم القوي بيشيلك بعد انتهاء العظو و البلاستر

++++++++++++++++++++++++++++++++++++++++++++++++++ +++++++++++++++++++++++++++++++++++++++
غلطه كبيرة وقت فيها ...انني تركت عمل العقد للمقاول الذي عمل دفعات كبيرة على فترات متقاربة (مرحلة التاسيس والعظم ) .. وجدت انني دفعت اكثر من 60% على مرحلة العظم طابوق فقط ... وعندما وصل هذه المرحلة .. قال لي مع السلامة يمكنك ان تبحثي عن اخر يشطب لك ... رفعت قضية ..خسرتها بسبب ما يسمون الخبراء (الخبثاء) الذي يترزقون من مصائب المواطن.

[ابو عبدالله.]

++++++++++++++++++++++++++++++++++++++++++++++++++ +++++++++++++++++++++++++++++++++++++++
غلطه كبيرة وقت فيها ...انني تركت عمل العقد للمقاول الذي عمل دفعات كبيرة على فترات متقاربة (مرحلة التاسيس والعظم ) .. وجدت انني دفعت اكثر من 60% على مرحلة العظم طابوق فقط ... وعندما وصل هذه المرحلة .. قال لي مع السلامة يمكنك ان تبحثي عن اخر يشطب لك ... رفعت قضية ..خسرتها بسبب ما يسمون الخبراء (الخبثاء) الذي يترزقون من مصائب المواطن.

اجر وعافيه ودفع بلاء عنك وعن من تحب

انا اعرف ناس دفعوا مليون و سبعميه قبل الحفر اصلا. عشان يبرون ذمتهم و يرتاحون من الدفعات
و واحد دفع مليون و سبعميه لنفس العظم و مساحه بيتي وانا مليون وميه وسته وستين شامله كهرباء وماء و عوازل و صبيه بين الملحق و البيت 18 متر بمترين و المسبح بدون تشطيب بس عوازل يعني

اعتبر الي صار معاك تجربه تجعلك خبير عند توقيع اي عقد في اي موضوع واكيد الان صارت لك خبره قانونيه في هالامور. وعندي مبدأ. كل شي مب زين اواجهه وراه خير نوع من الايجابيه اذا بتسميه

نصيحه لك و للجميع. دور شركه مجربه و ينصح بها استشاري الدرجه الاولى. فيها تطمين بصراحه

[ابو عبدالله.]

في نقطه مهمه وهي ان هناك جهه مدعومه من الدوله لعمل مناقصات فلل الاسكان و تساعد المواطنين في التصميم و مناقصه لشركات المقاولات و يبدأ البناء الى انتهاء المشروع

وهذه فيها رفع لمعايير المقاولين ومش اي واحد بيبني لك و يتعبك. هم يتابعونه معاك وياخذون نسبه بسيطه لكن خذ شغل مضمون

ما اذكر اسم الجهه لكن اكيد بنك التنميه بيدلك عليها. يا هي بروه او جهه ثانيه ما اذكر والله

[فنجان قهوة]

[quote=ابو عبدالله.;10631936]في نقطه مهمه وهي ان هناك جهه مدعومه من الدوله لعمل مناقصات فلل الاسكان و تساعد المواطنين في التصميم و مناقصه لشركات المقاولات و يبدأ البناء الى انتهاء المشروع

++++++++++++++++++++++++++++++++++++++++++++++++++ ++++++++++++++++++++++++++++++++++++
شوف مشاريع شوؤن القاصرين الي تبنى من اموال القاصرين للقاصرين بتشوف العجب

[معماري قطري]

انا بدأت البناء والحمد لله للحين الامور طيبه
والي لاحظته ان الشباب اما يروح لشركه كبيره ويدفع دم قلبه واما يروح للشركات الصغيره بحكم ان تسعيرته ارخص من غيره

من البدايه استشاري المخطط يكون تصنيف درجه اولى وبياخذ فوق عشر الاف لكن بيدلك ع الشركات العدله الي اشتغل معاهم وبينصحك هذا للعظم زين. وهذا للتشطيب زين

ع الاقل تلعب بالمضمون شوي

اذا بتدور شركات شوف الي بنوا عنده كذا واحد و يمدحونه والاستشاري درجه اولى بيشيل عنك هم المتابعه وهذا الي يصير معاي حاليا. ورسومه الف وخمس شهريا ويستاهل والله لان معاي طلع شغلات ما انتبه لها المقاول و عماله غلطوا فيها

مع اني موقع العقد للمقاول ولازم يلتزم لكن مع الشغل انصدم بكميه الحديد الزائده و الاستشاري قال له بعدل لك و بوفر لك و تبني المسبح خرسانه بدل الطابوق و وافق

وهذه نقطه احب الكل يعرفها ان الاستشاريين بالعاده يحسبون كميات الحديد بشكل مبالغ تحت مسمى خلك بالمضمون لكن المقاول يحسب لك سعر البناء بهذه التكلفه فانت دافعها دافعها زياده وبعدين يجيك يقول خلنا نخفض الكميه عشان ياخذ الفين بدل تعديل و المقاول يخفف تكاليفه. طيب وانا محسوب علي من قبل الحديد الزياده

الله رحمنا و التوفير راح للمسبح بدل ما ادفع فرقيه خرسانه المسبح

زين سويت وكنت منتبه واستشاريك زين

هذي حركة تعودوا عليها غالبية الاستشاريين واللي هي المبالغة في التصميم وحتى المواصفات ووقت الصج والتنفيذ يتم التغيير بين المشرف والمقاول ويطلعون مبالغ كبيرة .. مب شرط المكتب كهيئة اعتبارية أقصد المشرف بشخصه وممثل المقاول بشخصه ويتم اللعب بالفواتير للملاك أو الإدارة العليا للمكتب وللمقاول

بعض الأوقات الإنسان المنتبه يقول له الاستشاري انا عندي خطة نسوي كذا وكذا وهذا يبين في صالح المالك والمالك يفرح إن الإستشاري نفعه وهو في الحقيقة نفعه جزئي لكن نفع نفسه والمقاول أكثر .. أو ضغط عليه في بند واضح وسهل وريحه في بنود صعبة وغالية والضحية المالك

[معماري قطري]

معظم العقارات في قطر عبارة عن صناديق مشوهة لا تملك ادنى مستويات الفن الهندسي في كل النواحي ( التصميم الخارجي +عملية توزيع الغرف والخدمات بالفيلا بطريقة عشوائية

+ ردائة البلاستر و الصبغ والتمديدات صحية التي تتسرب وتراها بشكل بقع كبيرة على جدران الفيلا وسوء توزيع الاضاءات الكهربائية خارجيا وداخليا حتى تعتقد انك في مهرجان اضاءات) هذا عدا مئات الفلل المهجورة التي توقفت في مرحلة ما من البناء واصبحت ماوى للكلاب الضالة...وهذا يعطي فكرة للاجنبي عن تدني مستوى الذوق العام عندنا ... الاسباب عديدة ... واعتقد الحل يكمن في تدخل جميع الجهات المعنية في الامر .

اليوم مريت مول جديد ومكلف مليارات شيء مؤكد

تفاجأت من رداءة التشطيب وكنت سامع عنه لكن توقعت يبالغ اللي ذكر لي .. ديكوارته جيدة لكن مركبين عمدان جي ار سي من قطعتين والفاصل يبين مفتوح مع إن فيه حلول بسيطة تسكر هذا الفاصل أقلها الماستك بنفس اللون أو حتى لو بلون مقارب ولا يبين الفاصل في عمود 1 ملم وفي ثاني 3 وغيره من المقاسات

الصبغ بعضه يبين ملطخ .. كذلك سمعت إن أغلب أرضيات الرخام هبطت أو تقشعت لكن شفتها معدلة وجيدة

يطلع الواحد برا يشوف الرصيف كيف خافق من رش الماء فوقه وقد يكون ركوب بعض السيارات وهذا تقصير من شركات الدولة واضح وقوي .. المفروض مول يشتغلون حوله وقت تشطيباته وبعد الإنتهاء من أعماله الثقيلة حتى الإفتتاح يكون معتبر

[معماري قطري]

,

,


مرحبا


شكرا على الموضوع

لي رجعه ومداخلات للفائده ان شاء الله

انا بتخصص في كشف اساليب المقاولين
:)

اكبر مشكله نعاني منها

المهندسين الي يجون الدوحه ( غير موهلين ) انه يشتغل في شركه مقاولات او مكتب هندسي
ما عندهم خبره عمليه واكثرهم توه متخرج والبناء في قطر يختلف اختلاف كلي عن البناء
في الهند او سيرلنكا او مصر المواد وطريقه الخلطات مختلفه اختلاف كلي
ولايعرف يتعامل مع ( العمال ) شخصيات ضعيفه
ولا حتى يعرف أصول الصنعه للاسف

المفروض اول شي يتم ( تقييمه ) قبل الوظيفه

والمصيبه الأكبر هناك شركات مقاولات لايوجد فيها ( مهندس ) لايوجد شرط توافر مهندس قبل الترخيص
:(

المفروض الدوله تمنع المقاول ان يوظف مهندس قبل تقييمه من جهات الدوله

للأسف كل من هب ودب يشتغل مقاول
شي مؤسف ومحزن

,

,

حي الله هامور البناء واللي بيفيدنا كثير

في سنة 1994 كنت توني حديث وأشرفت على مشروع لمدماك .. كان عندهم فورمان بس فاهم ومتحرك يغطي على أي مهندس .. كان راتبه 20000 ووقتها راتبي 12 أو 13 وبعض المهندسين صج ثروة

كثير من ربعي ينوون يفتحون مقاولات وانا احذرهم وأنصحهم لو بيفتحون مهم يكون عندهم محاسب وكذلك حاسب كميات أو موظف يقدر يسوي الشغلتين وكذلك المهندس والفورمان عنصرين مهمين خصوصاً لو مهندس مدني يقدر يحاجج الاستشاري ويبرز طرق التنفيذ الصحيحة .. ولا يسوي الا الشغل الصح

[معماري قطري]

بخصوص تأهيل المهندسين ضروري يتم بمقاييس محددة ولازم يدخل اختبار محدد ويخلص بشهادة حسب تخصصه وقدرته الهندسية ورخصة توضح خبراته واختصاصه .. بعدين التعليم المتواصل عندنا شبه مفقود والمفروض فيه معاهد تطويرية لكل التخصصات ولازم يخلص أي مهندس أو فورمان أو عامل كورس معين حتى ينضاف له في رخصته المهنية

كهرماء شغالين صح في هذا المجال .. وعندنا جامعات كثيرة ومعاهد ممكن تساهم في هذي العملية .. حتى المدارس الحكومية ممكن استغلالها في فترة العصر والليل

[sweet qatar]

مرحبتين باختي سويت قطر

اللي خلاني اكتب إن لصديق لي قضية مع مقاول وقف شغله فجأة وراح ولا يرد على التلفون .. بعد شهر أغراه الاستشاري بفهلوته بأن يحق له فسخ العقد حسب العقد ويتابع مع مقاول ثاني .. كمل الرجال شغله وتفاجأ بالمقاول بعدين يطالب باستحقاقات ما سواها .. المقاول مِسري والاستشاري مِسري مطوع بعد والشركتين يديرونها ويلعبون فيها الإثنين وملاكهم القطريين فقط ياخذون نسبة

المالك طالب بالتأخير وبهروب المقاول عن المشروع والمقاول يدعي بأن ما فيه تأخير والاستشاري يلف ويدور .. حتى فحوصات عينات الخرسانة ما حصلها في ملف الاستشاري واللي المفروض الاستشاري يتابعها .. وحسب القانون القطري مجبور يودعها للمحكمة .. ببساطة يدعي انها عند المقاول والمقاول رافض يسلمها والخبير القانوني ما يقدر يفكك السالفة ذي

وبتابع أكيد السالفة طويلة وبالعقل أي استشاري يقصر في واجباته يجب أن يحاسب وحسابه يكون رادع وقوي .. يقول ملف المشروع ما فيه ورق كلش والمشروع له 4 سنوات والمهندز يتابعه ويهز راسه كل شيء زين

لا حول ولا قوة الا بالله .. الله يعوض عليه ويعوض كل من طاح مثله
صج من شاف مصايب الناس هانت عليه مصيبته

هاي الي يقهر المحكمة تغثك وما تاخذ حقك .. على الاقل نبي جزاء وعقاب للغشاشين

الله يعطيك العافية اخوي معماري طرحت موضوع خطير ومتشعب

[معماري قطري]

++++++++++++++++++++++++++++++++++++++++++++++++++ +++++++++++++++++++++++++++++++++++++++
غلطه كبيرة وقت فيها ...انني تركت عمل العقد للمقاول الذي عمل دفعات كبيرة على فترات متقاربة (مرحلة التاسيس والعظم ) .. وجدت انني دفعت اكثر من 60% على مرحلة العظم طابوق فقط ... وعندما وصل هذه المرحلة .. قال لي مع السلامة يمكنك ان تبحثي عن اخر يشطب لك ... رفعت قضية ..خسرتها بسبب ما يسمون الخبراء (الخبثاء) الذي يترزقون من مصائب المواطن.

حلو تسمية الخبراء بالخبثاء

فكرت أقدم عند وزارة العدل قال لي واحد بس قال لي المسريين لاعبين لعبتهم .. وليسامحوني اخواني المصريين الشرفاء وقابلت منهم كثيرين في قطر شغلهم نظيف ومحترم لكن البعض القليل منهم خرب على الكثير الممتاز

يقول واحد اتصل به يقول عنده أعمدة كثيرة معششة .. يقول توقعت تعشيش بسيط لكن قال لي لدرجة تدخل يدك داخل العمود .. ومهندس مصري يقول يتعالج والمفروض ازالة واعادة صب .. والمشكلة القضاة ياخذون الرأي الأضعف واللي في صالح المقاول في أغلب الوقت

[معماري قطري]

الخبراء تنتدبهم المحكمة ومب شرط يكونون متفرغين ممكن يشتغلون في أي شغل ثاني بس مهمة المعاينة أو مراجعة العقد محددة ويكتبون تقريرهم وردهم على استفسار القاضي .. والأتعاب تكون مقطوعة وتدفع مع التكليف وفي حال موافقة المهندس على الدراسة .. يحصل مبلغ بسيط على الفيلا العادية 3000 ريال وعلى العمارة حسب سعرها ومساحتها وهناك نية لزيادة الأتعاب حتى لا يشترى المهندس بواسطة أحد الأطراف

[معماري قطري]

لا حول ولا قوة الا بالله .. الله يعوض عليه ويعوض كل من طاح مثله
صج من شاف مصايب الناس هانت عليه مصيبته

هاي الي يقهر المحكمة تغثك وما تاخذ حقك .. على الاقل نبي جزاء وعقاب للغشاشين

الله يعطيك العافية اخوي معماري طرحت موضوع خطير ومتشعب

المشكلة كل شيء واضح .. إستشاري ما يؤدي واجبه وواجباته ما تحتاج تسميع للقاضي .. لو يأمر بسجن أحدهم الباقي بيصطلبون

أحد الإخوان قال لي بوقع عقد مع استشاري إكس .. قلت له هذا عارفه وتعبان وراعي لف ودوران .. قال لا تهتم بس ابيك تجي معي .. قلت خل نتفق أول عقدك زين وسعره كان 8000 ريال للاشراف على 6 فلل صغار وبتشطيب تجاري .. بمساحة 3000 اجمالية اعتقد .. أقنعته يحط شرط التصوير والتقارير تنرسل مصورة صوت وصورة بالوتس اب وقت الزيارات .. وأي أوامر كتابية يستلم نسخة بالإيميل وتكون رسمية .. يوم وصلنا المكتب الا الباشمهندز من ذوي الوزن الثقيل والكرسي يقول أرجوك ارحمني .. مشغول ومشوش بين كم مراجع وكم تلفون .. طلبنا اضافاتنا هذي على العقد قال لا مستحيل .. أصلاً انا ما اروح الموقع والمقاول يمكن يصور لي لو شكيت في شيء .. وكل شيء أمشيه ثقة في المقاول .. طلعنا وقلت حق رفيجي شرايك قال لا صج هذا يسوي شغله وهو قاعد وانا ادفع فلوس .. لذلك نحصل كذلك منافسة في تنزيل السعر

[معماري قطري]

في نقطه مهمه وهي ان هناك جهه مدعومه من الدوله لعمل مناقصات فلل الاسكان و تساعد المواطنين في التصميم و مناقصه لشركات المقاولات و يبدأ البناء الى انتهاء المشروع

وهذه فيها رفع لمعايير المقاولين ومش اي واحد بيبني لك و يتعبك. هم يتابعونه معاك وياخذون نسبه بسيطه لكن خذ شغل مضمون

ما اذكر اسم الجهه لكن اكيد بنك التنميه بيدلك عليها. يا هي بروه او جهه ثانيه ما اذكر والله

يا اخوي يسوون جهة مخفية وما يعلمون بها حد .. انا سمعت عن شيء من هذا القبيل وبيوت انبنت وتصممت وتابع تنفيذها مكتب هندسي تابع للدولة ولأشخاص عاديين

سؤالي شالخسارة لو كان هناك توثيق للعقود وتدقيق في البنود وتوضيح للمالك وشي الثغرات وعدم السماح للمقاول بوضع بنود في صالحه وضد قوانين البناء القطرية .. بعدها يكون للدولة اشراف عام على البناء وعلى المشرف الخاص للبناء ولو لاحظ هذا المكتب قصور من المهندس ينبهه وثم تكون فيه انذارات وثم تكون فيه عقوبات معينة وتصاعدية تضبط عمل المهندس وكذلك تكون المتابعة حتى لو مرة في الشهر كفاية .. ووسائل التواصل الاجتماعي تسهل نقل الصور والمقاطع من المالك لهذا المكتب المتابع

وهذا يسمى General Supervision وتقوم به جهات عديدة من الدولة لمشاريع الدولة وقبل للبيوت الشعبية

[معماري قطري]

++++++++++++++++++++++++++++++++++++++++++++++++++ +++++++++++++++++++++++++++++++++++++++
غلطه كبيرة وقت فيها ...انني تركت عمل العقد للمقاول الذي عمل دفعات كبيرة على فترات متقاربة (مرحلة التاسيس والعظم ) .. وجدت انني دفعت اكثر من 60% على مرحلة العظم طابوق فقط ... وعندما وصل هذه المرحلة .. قال لي مع السلامة يمكنك ان تبحثي عن اخر يشطب لك ... رفعت قضية ..خسرتها بسبب ما يسمون الخبراء (الخبثاء) الذي يترزقون من مصائب المواطن.

يفترض الدفعات تحدد على أساس التكلفة .. مثلاً مرحلة التاسيس يتم حساب كمياتها وتكلفة الأعمال وتسعر بسعر معين .. يتبعها باقي المراحل وكل مرحلة قد تكون مختلفة اختلاف كبير في تكلفتها لكن هذي التكلفة قريبة من التكلفة الفعلية على المقاول .. فلا ياخذ قيمتها الا أنهاها .. وتخصم من قيمتها جزء للدفعة المقدمة وجزء لدفعة الصيانة ( شرحت هذا في موضوع العقود للي يبي يتابع بتفصيل ) .. يعني كل ما تقدم المشروع مسكنا مبلغ للصيانة وهذي الطريقة ما يسويها الا استشاري شاطر ويشارك فيها مقاول شاطر وتوثيقها يتم عن طريق الاثنين لكن لو تم عن طريق مكتب مختص في الدولة بيكون أفضل طبعاً بعد التوثيق المبدئي من الأطراف المختصة

[معماري قطري]

هشكل بيكون وضع أي توقف أو قضية مفهوم مقدماً وسهل حله بسرعة واحقاق الحق مبدئياً عن طريق المكتب الحكومي اللي ممكن له حق الضبط القضائي الهندسي بسرعة .. وممكن هذا المكتب يحتجز شيك الدفعة المقدمة ويحتجز دفعات الصيانة .. فلا يكون للمقاول سبيل للتراجع ولو تراجع تروح عليه هذي المبالغ ويتم الاتفاق بعد التخالص حسب العقد والقوانين مع مقاول آخر وبسرعة وكذلك عن طريق المكتب الهندسي الحكومي

المنافسة في الأسعار بتكون شريفة وأي مهندس بيحسب حساب السجن لو سوى شيء يستحق أو الايقاف أو التسفير وحتى بنشوف أسعار أقل لأن المقاولين بيتنافسون بتنزيل السعر وهم مضطرين يقدمون خدمة متفق عليها

[معماري قطري]

أسعدتوني جميعاً بمروركم ولنا مواصلة بإذن الله ولا حد يبخل علينا بتجربته

[ابو عبدالله.]

يا اخوي يسوون جهة مخفية وما يعلمون بها حد .. انا سمعت عن شيء من هذا القبيل وبيوت انبنت وتصممت وتابع تنفيذها مكتب هندسي تابع للدولة ولأشخاص عاديين

سؤالي شالخسارة لو كان هناك توثيق للعقود وتدقيق في البنود وتوضيح للمالك وشي الثغرات وعدم السماح للمقاول بوضع بنود في صالحه وضد قوانين البناء القطرية .. بعدها يكون للدولة اشراف عام على البناء وعلى المشرف الخاص للبناء ولو لاحظ هذا المكتب قصور من المهندس ينبهه وثم تكون فيه انذارات وثم تكون فيه عقوبات معينة وتصاعدية تضبط عمل المهندس وكذلك تكون المتابعة حتى لو مرة في الشهر كفاية .. ووسائل التواصل الاجتماعي تسهل نقل الصور والمقاطع من المالك لهذا المكتب المتابع

وهذا يسمى General Supervision وتقوم به جهات عديدة من الدولة لمشاريع الدولة وقبل للبيوت الشعبية

اذا بنكمل لايجاد حلول جذريه لازم نحدد امور اوليه

عقود البناء. تجاره حالها حال بيع السيارات و الامور الاخرى. فالغش و الخداع و التحايل شيئ وارد ويستحيل وقفه

الي ما عنده ثقافه مستهلك. كافيه لحمايه نفسه يقدر يروح للجهه الي ذكرناها. وبنك التنميه بيدله عليها وكانت لهم اعلانات متكرره من سنه و سنتين و احتمال كبير اسمهم موجود بموقع بنك التنميه
وهم عندهم عقود نموذجيه و تخطيط و ارساء مناقصات و متابعه مع المقاول و رسومهم يمكن 5 او 10 بالميه. مش متأكد. وهذا فيه حمايه قويه للمواطن

في رأيي ان ثقافه المستهلك في هذا النوع من التعامل لابد من رفعها ولا يكفي جهه واحده تعلن عن مساعدتها للمواطنين نظير رسوم

بنك التنميه ممكن يدخل بالموضوع وهناك شركات كبيره ممكن تستلم فلل المواطنين بالجمله و شغل مره وحده و عرض استفتاء للمواطنين طالبي البناء بيحدد كم شخص بيدخل في طرح بناء اولي عبر مناقصه لفلل الاسكان

المواد الاوليه لي عليها تعقيب وهي غلاء الاسمنت و الخرسانه و الحديد ونحن ملزمون بسعر المصانع المحليه ونفس المواد كانت تعرض باسعار اقل في الاسواق الخارجيه للتنافس طبعا لكن ليش عندي اغلى لان الناس رواتبها تقدر تدفع و تتسلف اكثر

انا اولى بتدخل الدوله و تحديد سعر للمواد مثل ما تدخلت لخفض نسب فوائد البنوك و خفضت فوائد الى 6ظھطœ. وكانت عند البعض توصل 9 و اكثر

انا ما اطلب بدعم المواد مثل دعم التموين. فقط لبيوت الاسكان الي سنويا تبنى بالالاف وهي المحرك الرئيسي للمواد بقطاع الفلل

فكره اخرى وهي شركه حكوميه للبناء وكما كانت ستؤسس شركه بنيان لقطاع النفط من كم سنه و الغيت الفكره بسبب انخفاض اسعار النفط. فالمواطنين اولى بفتح شركه تبني لهم فلل الاسكان بهامش ربح معروف بدون مضاربات المقاولين

لان فيلا يسعرها مقاول عظم ب مليون و متين وخمسين و مقاول ثاني بتسعميه و ستين. ايش هالهامش في الربح الي يفرق 300 الف تقريبا وكلهم ربحانين بس هذا مبالغ بالسعر و يحسسك انه افضل شركه بالكون

اعتقد ان سوق البناء يحتاج تنظيم مثل سوق الوساطه العقاريه. من استشاريين و مقاولين
استشاري ابو 5 الاف وخذ خريطه جاهزه و صاحبها الاصلي دافع 18 الف و مقاول يقول عنده 60 عامل ولما تشيك عليه يطلع ع كفالته 14 عامل فقط وهو شغال مقاولات من 5 سنوات
كيف تخلونه يشتغل طول هالفتره بهذا العدد مقارنه بالمشاريع الي مستلمها من المواطنين

برجع لنقطتك المهمه وهي تكاتف الجهات لحل الاشكاليات
مثل ما الممرض يرخص و يتابع كيف اداءه عشان يجدد ترخيصه المهني. ممكن المقاول يتابع على الاداء ليجدد سجله التجاري وعليه يصنف. مقاول صيانه فقط او بناء ملاحق او بناء فلل و اكبر

لا يوجد تاريخ مسجل للمقاولين ونقاط ايجابيه. دام يسجل رخصه لبناء فاسم الشركه مسجل ايضا و يمكن بعد اتمام البناء يقيم عبر المواطن او البلديه و يكون تاريخ واضح للشركه عند السؤال عنها للتعاقد معها

وايضا وقف التحايل اذا مقاول سكر شركه وفتحها بمسمى جديد او باسم احد ابنائه
لانه اذا حكم عليه بالتعويض يقول خذوا الشركه ذات مسؤوليه محدوده وما فيها الا سقالات و سياره مؤجره ايضا. وراحت فلوس المواطن و يعوض ببضعه الاف و يرجع المقاول يفتح شركه جديده و يشتغل مره ثانيه

لو في الصين كان علقوه من ريوله عبره لمن يعتبر.

اخر نقطه وهي وضع كردت لمت للمقاول وهي عدم قبول ترخيص بناء باسم شركته اذا تجاوز عدد فلل معين بحسب حجم العماله عنده منها حمايه له من التخلف في البناء و غرامات التأخير. ومنها حمايه للمواطن من الدخول المضمون للمحاكم و التعطل

[معماري قطري]

اذا بنكمل لايجاد حلول جذريه لازم نحدد امور اوليه

عقود البناء. تجاره حالها حال بيع السيارات و الامور الاخرى. فالغش و الخداع و التحايل شيئ وارد ويستحيل وقفه

صحيح في كل العالم إخوي بو عبدالله يستحيل وقفه لكن لو كانت فيه متابعة من مكتب مختص حكومي ويكون يوثق كل العقود والخرائط ويحفظها للرجوع لها وكذلك يحط ويعدل نقاط تكون في صالح المتعاقدين اللي هو المقاول والمالك غصب كل شيء بيمشي صح أو قريب من الصح
.. معاك ما نقدر نتحكم 100% لكن نقدر نتحكم بنسبة مناسبة

كذلك أي مقاول أو حتى مالك يشتغل بدون توثيق وموافقات حكومية لازم تكون عليه غرامات كبيرة وتصاعدية .. قانون عام ولازم يحترمه الكل مب اختياري وهذا بيخلي المقاولين سواسية وكذلك الاستشاريين وكل واحد ما يتفق الا ضامن يلتزم .. كذلك المنافسة بتكون في الحصول على الشغل بسعر مناسب وصدقني بتنزل الأسعار وبتضمن جودة شغل عالية

الي ما عنده ثقافه مستهلك. كافيه لحمايه نفسه يقدر يروح للجهه الي ذكرناها. وبنك التنميه بيدله عليها وكانت لهم اعلانات متكرره من سنه و سنتين و احتمال كبير اسمهم موجود بموقع بنك التنميه

كثير يتمنونه يكون اختياري ومب قانون ملزم للجميع وكثير بيقولون الناس تدور الرخيص ومن تحط قوانين قوية بتزيد الأسعار لكن العكس صحيح والمنافسة الشريفة ضرورية

صدقني البنيان في أمريكا له قوانين يشيب راس الواحد منها لكن البيت ما يكلف نص تكلفته عندنا .. تبي طابوق وحجر فيه واللي تبيه وكله أرخص وأجود بكثير من شغلنا

وهم عندهم عقود نموذجيه و تخطيط و ارساء مناقصات و متابعه مع المقاول و رسومهم يمكن 5 او 10 بالميه. مش متأكد. وهذا فيه حمايه قويه للمواطن

في رأيي ان ثقافه المستهلك في هذا النوع من التعامل لابد من رفعها ولا يكفي جهه واحده تعلن عن مساعدتها للمواطنين نظير رسوم

المفروض تدخل الدولة وبقوة .. يمرون على البيوت اللي تنبني سماسرة كتلوجات يروجون لناس شغلهم رديء وحتى مب مرخصين ولا مختصين ويشتغلون بالباطن أو عمال مسرحين .. يشتغلون غالي بعد ما ياخذ السمسار عمولته وبجودة متدنية ويغتش فيهم كثير من الملاك

بنك التنميه ممكن يدخل بالموضوع وهناك شركات كبيره ممكن تستلم فلل المواطنين بالجمله و شغل مره وحده و عرض استفتاء للمواطنين طالبي البناء بيحدد كم شخص بيدخل في طرح بناء اولي عبر مناقصه لفلل الاسكان

المواد الاوليه لي عليها تعقيب وهي غلاء الاسمنت و الخرسانه و الحديد ونحن ملزمون بسعر المصانع المحليه ونفس المواد كانت تعرض باسعار اقل في الاسواق الخارجيه للتنافس طبعا لكن ليش عندي اغلى لان الناس رواتبها تقدر تدفع و تتسلف اكثر

هذي كلها لازم تدرس .. صدقني الطابوقة سعرها بحدود 3 ريالات لكن لو تحسب تكلفتها راكبة في الحائط حسب حساب الكميات بتحصلها بعشرين وزيادة

انا اولى بتدخل الدوله و تحديد سعر للمواد مثل ما تدخلت لخفض نسب فوائد البنوك و خفضت فوائد الى 6ظھطœ. وكانت عند البعض توصل 9 و اكثر

انا ما اطلب بدعم المواد مثل دعم التموين. فقط لبيوت الاسكان الي سنويا تبنى بالالاف وهي المحرك الرئيسي للمواد بقطاع الفلل

فكره اخرى وهي شركه حكوميه للبناء وكما كانت ستؤسس شركه بنيان لقطاع النفط من كم سنه و الغيت الفكره بسبب انخفاض اسعار النفط. فالمواطنين اولى بفتح شركه تبني لهم فلل الاسكان بهامش ربح معروف بدون مضاربات المقاولين

لان فيلا يسعرها مقاول عظم ب مليون و متين وخمسين و مقاول ثاني بتسعميه و ستين. ايش هالهامش في الربح الي يفرق 300 الف تقريبا وكلهم ربحانين بس هذا مبالغ بالسعر و يحسسك انه افضل شركه بالكون

بعد معاك في هذي الشركات وممكن تستوي مساهمة مثل شركات كثيرة تشتغل في سوقنا ومنها عمرانية وعقارية لكن ما بينها حكومية وعامة الا قليل مثل المتحدة والاجارة ولازم قوانين صارمة تحدد شغلها

اعتقد ان سوق البناء يحتاج تنظيم مثل سوق الوساطه العقاريه. من استشاريين و مقاولين
استشاري ابو 5 الاف وخذ خريطه جاهزه و صاحبها الاصلي دافع 18 الف و مقاول يقول عنده 60 عامل ولما تشيك عليه يطلع ع كفالته 14 عامل فقط وهو شغال مقاولات من 5 سنوات
كيف تخلونه يشتغل طول هالفتره بهذا العدد مقارنه بالمشاريع الي مستلمها من المواطنين

التوثيق وتدقيق العقد يفترض يحد من هذي المشكلة لأن لازم يكون فيه حصر للعمالة عند المقاول وحصر للمشاريع اللي ماخذها وكذلك متابعة لسير المشاريع .. مثلاً متوقع يخلص مشروع أو خلص صبيات مشروع خل نقول 10000 متر بعدد عمال مختصين بالصبيات 100 عامل حسب تصنيفهم .. فيقدر يشطب هذا المشروع ويبدأ بعماله مشاريع تساوي هذي المساحة

أكيد تحتاج متابعة من مختصين .. تدري قبل كانوا يدققون الخرائط الانشائية ويعدلون عليها من التخطيط .. ويوثقونها ويخلون نسخة عندهم للرجوع لها لكن ألحين استوى الاستشاري هو المتحكم .. وصارت مع اخوي وانا اكتشفتها من أحد المكاتب .. حطوا شروط اطفاء فوق المحتاج له وبتكلف 500 ألف على بناية تكلفتها مليون ونص .. وكانت من استشاري مصري لمقاول مصري .. وقت التوقيع لاحظت المقاول قال احنا اتفاقنا lump sum

انتبهت لما يعنيه وهو إنه بيسعى لتعديل شروط الدفاع المدني وبيلغي ال 500 ألف وطبعاً إحنا علينا الدفع لأن الاتفاق اجمالي وغير مجزأ وهو يلتزم بالموافقات .. هنا انا منعت العقد ورحت الدفاع المدني وأقنعتهم إن البناية صغيرة وما تستاهل كل هذي المضخات والاحتياطات للحريق وألغوها قالوا لي صج كلامك مسوي لكم نظام أبراج وكله نسخ ولصق

ذكرت هذي التجربة مرات وغيرت المقاول لواحد باكستاني وأثناء توقيع العقد غيروا المكتب خرايط الأساسات بسرعة لقطعة وحدة وبعمق كبير حتى يخسرون المقاول .. الخرايط السابقة اللي عندي كانت أساسات مجزأة ومسعر المقاول على أساسها .. صراحة ضعت بين إخوي الله يغفر له واتفاقه مع بو مصره وبين الغش الحاصل عينك عينك .. طالبت بتعديل الخرايط وعدلوا شوي بس مصرين ودفعت تعويض للمقاول حول 30000 للزيادة هذي

برجع لنقطتك المهمه وهي تكاتف الجهات لحل الاشكاليات
مثل ما الممرض يرخص و يتابع كيف اداءه عشان يجدد ترخيصه المهني. ممكن المقاول يتابع على الاداء ليجدد سجله التجاري وعليه يصنف. مقاول صيانه فقط او بناء ملاحق او بناء فلل و اكبر

لا يوجد تاريخ مسجل للمقاولين ونقاط ايجابيه. دام يسجل رخصه لبناء فاسم الشركه مسجل ايضا و يمكن بعد اتمام البناء يقيم عبر المواطن او البلديه و يكون تاريخ واضح للشركه عند السؤال عنها للتعاقد معها

وايضا وقف التحايل اذا مقاول سكر شركه وفتحها بمسمى جديد او باسم احد ابنائه
لانه اذا حكم عليه بالتعويض يقول خذوا الشركه ذات مسؤوليه محدوده وما فيها الا سقالات و سياره مؤجره ايضا. وراحت فلوس المواطن و يعوض ببضعه الاف و يرجع المقاول يفتح شركه جديده و يشتغل مره ثانيه

لو في الصين كان علقوه من ريوله عبره لمن يعتبر.

اخر نقطه وهي وضع كردت لمت للمقاول وهي عدم قبول ترخيص بناء باسم شركته اذا تجاوز عدد فلل معين بحسب حجم العماله عنده منها حمايه له من التخلف في البناء و غرامات التأخير. ومنها حمايه للمواطن من الدخول المضمون للمحاكم و التعطل

التقييم نقطة مهمة ولو المكتب أو خل نقول الهيئة هذي تابعت كل شيء بتقدر تقيم تقييم جيد ولازم يكون شفاف ومحطوط على موقعهم والكل يشوفه .. الشغل لازم يكون الكتروني وحديث

سمعنا عن الكود الخليجي قبل الحصار بست شهور وجانا الحصار ولا شفناه .. ست شهور كان موعد اطلاقه وجاهز ومثل ما عرفت من اعلان الدكتور محمد سيف الكواري إنه مبادرة قطرية وللحين ما شفنا آثاره وكأنه بيض الصعو سري ومخشوش

[معماري قطري]

نفس الشيء المكاتب الاستشارية خصوصاً العالمية خاوية من المهندسين فقط مدير يبيع كلام

تدخل المكتب وتحصل المقر صغير وفيه عدد قليل من الموظفين غالبيتهم رسامين .. على الورق المكتب فيه يمكن 100 من فطاحل المهندسين القدامى من دول عديدة وسيرهم الذاتية تطمنك وتطمن أي هيئة حكومية .. وبعضهم يجون للشو بس وللمناقصة ومن بعدها خلاص يطيرون بلادهم .. والموجود الفعلي يكون المتردي والنطيحة واللي يهز راسه لين شاف المقاول ويقول صدقت .. مشاريع كثيرة للدولة اختربت لأن اللي يديرونها فعلياً غير مؤهلين وخريجين حديثين مع إن الورق يقول غير ذلك .. هنا لازم تكون وقفة صادقة والا خسارتنا بتكون أكبر من الكبيرة

[بو خليفه 123]

فيه مثل انجليزي يقول Cheap is expensive

و عندك الخيار و بأرادتك اذا كنت بتبني ان تلجأ للأسم والعلامه التجاريه . سوف ادفع اكثر من السوق و لكن اضمن الجوده و اظهر بأقل قدر من الغش مقابل اني استرخص شركه مافيها الا فورمن و خان و يبنون لي بيت العمر


كنت دائماً اقول للمقاول "دام انه السقف مهب طايح على راسي" سو الي تسويه .

و الآن شهادة اتمام البناء و موافقة كهرماء دقيقه جداً على حسب علمي ولا يعطونك الموافقه بسهوله

[ابو عبدالله.]

اخوي معماري

كلامك جميل جدا

بس بعطيك ابديت ان قانون المواصفات القطريه صادر وهناك اكثر من 11 الف مواصفه ومنها البناء منذ 2014
اما الي قالوا عنه فهو ابديت للمواصفات وفيها اضافه لمواد اخرى. والمفترض اعلانه واسمه الرسمي. كود البناء القطري

قرأت من اجزاءه وفعلا شي على مستوى

واذا اي مقاول حط شي اقل من المواصفات هذه. يخالف اذا اثبتت انه لم يضع المواصفات حتى لو لم يذكر في العقد بينك وبين المقاول

يعني اما يحط هالمواصفات او اعلى منها. لكن مش اقل

[معماري قطري]

فيه مثل انجليزي يقول Cheap is expensive

و عندك الخيار و بأرادتك اذا كنت بتبني ان تلجأ للأسم والعلامه التجاريه . سوف ادفع اكثر من السوق و لكن اضمن الجوده و اظهر بأقل قدر من الغش مقابل اني استرخص شركه مافيها الا فورمن و خان و يبنون لي بيت العمر


كنت دائماً اقول للمقاول "دام انه السقف مهب طايح على راسي" سو الي تسويه .

و الآن شهادة اتمام البناء و موافقة كهرماء دقيقه جداً على حسب علمي ولا يعطونك الموافقه بسهوله

مقولة مهمة وفيها الكثير لكن شيصير لو تدفع غالي وتحصل مردود رخيص هنا يكون اللوم على المختصين وعلى عملية البناء ككل وحتى القانون اللي ما ينصفك ولو بينصفك بيكون بتعب وجهاد مع إن كل شيء واضح

[معماري قطري]

اخوي معماري

كلامك جميل جدا

بس بعطيك ابديت ان قانون المواصفات القطريه صادر وهناك اكثر من 11 الف مواصفه ومنها البناء منذ 2014
اما الي قالوا عنه فهو ابديت للمواصفات وفيها اضافه لمواد اخرى. والمفترض اعلانه واسمه الرسمي. كود البناء القطري

قرأت من اجزاءه وفعلا شي على مستوى

واذا اي مقاول حط شي اقل من المواصفات هذه. يخالف اذا اثبتت انه لم يضع المواصفات حتى لو لم يذكر في العقد بينك وبين المقاول

يعني اما يحط هالمواصفات او اعلى منها. لكن مش اقل

قانون المواصفات صادر من زمان طويل ولا يسمى حتى قانون ولك خيار الاسترشاد به أو لا

والجملة اللي ذكرتها لو يطبقونها بيتعدل كل شيء لكن للأسف ما يطبقونها .. مثل الحادثة الأخيرة ملف مشروع عند الاستشاري فاضي وعينك عينك يجاهر به ويتحدى اللي دفع له حول 4 سنوات والمحكمة ما خذت حقه

كود البناء يغطي العلاقات هذي كلها لكن للأسف لا آلية تطبيق ولا صراحة في التطبيق ولا اعلان إنه ملزم وإنه لا بد يطبق .. اللي أعرفه إن بعض الدول عندها قوانين بناء وكذلك عندها قوانين تطوير لكل منطقة واشتراطات خاصة وكل شيء واضح ومتاح للكل وبلا مقابل حتى .. لأن المقابل تاخذه الدولة على شكل استفادة من هذا المؤلف في حماية الوطن وممتلكاته

[ابو عبدالله.]

اول مره اعرف ان مواصفات البناء غير ملزمه

اووه. عرفت قصدك

هي ملزمه اذا اشترطت بالعقد بين المقاول و المواطن. وهذا عندي بالعقد

اذن صح. غير ملزم بالعام الا اذا انت ذكرته بالعقد وفي ناس ما تدري ولا تذكر ان تحطه بالعقد

[معماري قطري]

اول مره اعرف ان مواصفات البناء غير ملزمه

اووه. عرفت قصدك

هي ملزمه اذا اشترطت بالعقد بين المقاول و المواطن. وهذا عندي بالعقد

اذن صح. غير ملزم بالعام الا اذا انت ذكرته بالعقد وفي ناس ما تدري ولا تذكر ان تحطه بالعقد

في كل دولة القانون ملزم .. مثل قانون المرور ما تقدر تسوق الا بقانون بس شكثر عندنا يسوقون بدون ترخيص وبدون تأمين ولا حد يسوي لهم شيء حتى لو اندعموا .. تذكرت حادثي البسيط من أيام حطوا الغلط علي لأني داعم من ورا واللي جدامي متهاوش مع اللي وراه وضارب بريك في وجهه ولا عنده تأمين وطلعوه وورطوني انا ودفعت 17000 تصليح

هذا نفس الشيء عيل .. زين تدري إنه يفترض كل مقاول عنده الكود القطري وحافظ مواده؟ أو خل نقول الرئيسي من مواده حتى يطبقها .. لكن قليل اللي يعرفون بوجوده .. كانت عندي نسخة 2007 وكلها ايحاءات للكود البريطاني وغيره اعتقد .. يعني تقرأ المعلومة تبي توصل للزبدة تحصل تقطك على مادة رقم كذا من بند كذا من المحتوى رقم كذا في الكود البريطاني رقم كذا لسنة كذا

ليش ما يسوونه الكتروني وكامل وواضح وسهل يقرأ ومتاح للكل؟

[ابو عبدالله.]

صباح الورد

لو الكتروني بيكون مفيد جدا

نفس قوانين الدوله في موقع ميزان

خدمنا وايد وقدرنا نعرف الي لنا وعلينا

[eXpert*]

في شئ أسمه ميثاق شرف المهنة وهذا مع الأسف غير موجود لدينا .

[sweet qatar]

مقولة مهمة وفيها الكثير لكن شيصير لو تدفع غالي وتحصل مردود رخيص هنا يكون اللوم على المختصين وعلى عملية البناء ككل وحتى القانون اللي ما ينصفك ولو بينصفك بيكون بتعب وجهاد مع إن كل شيء واضح


هذا الواقع بالضبط

اخوي معماري شرايك تتكلم خطوة خطوة

من بداية الأخطاء في الخرايط

عشان الناس تستفيد و ما تطيح مثلنا

[معماري قطري]

صباح الورد

لو الكتروني بيكون مفيد جدا

نفس قوانين الدوله في موقع ميزان

خدمنا وايد وقدرنا نعرف الي لنا وعلينا

الله يديم صباحك ومساك بالمسرات والخير

حط لنا موقع ميزان بعد خلنا نستفيد توني ادري عنه

يعني شفايدة يسوون قانون ويسوقون له ككتاب وانت أكيد متفق معي

[معماري قطري]

في شئ أسمه ميثاق شرف المهنة وهذا مع الأسف غير موجود لدينا .

ميثاق شرف المهنة وأُصول الصنعة كثير ممن دخلوا مهن البناء بعيدين عنها

تحصله سايق أو حلاق فجأة قرر يستوي فني حجر .. وهذي كلها لو لها ترخيص بدونه ما تشتغل وتعتبر جريمة تستوجب عقاب رادع وقوي بتنحل ببساطة ولن يبقى الا المناسب وما اقول الممتاز

[معماري قطري]

هذا الواقع بالضبط

اخوي معماري شرايك تتكلم خطوة خطوة

من بداية الأخطاء في الخرايط

عشان الناس تستفيد و ما تطيح مثلنا

من عيوني بإذن الله والموضوع مستمر طول ما فيه متابعين ومحاورين وبإذن الله توصل وجهة نظرنا للمسؤولين

[بوخالد911]

هلا ومسهلا
موضوع أكيد بيستفيد منه الكثيرون.

عن نفسي ، وقعت مع شركة بناء ع توصية من واحد من ربعي بأن الشغل تمام وهو باني لعيال عمه
وشفت بيت المقاول مشطبه
وكان التشطيب جيد جدا.

في العقد أصريت على غرامة التأخير 12000 الف شهريا
عشرة لي
والفين حق الاستشاري

اتفاقي معاه بس عظم خلال 11 شهر

المقاول بالبداية بدا شغله صح مع وجود وفرة بالعمال
ولكن !!!!!

بمنتصف الشغل بينت قدراته المتواضعه وتأخره بالايفاء بالموعد

وأخرني سنتين !!!!

وكنت متردد أحولها للمحكمة أو استمر وياه كل يوم اتصل له وأسبه

المهم بالنهاية طلب مني الدفعة الأخيرة وهي 100 الف
قلت له انا أطالبك ب 288 الف
شيل مية الف
بالأخير انا اطالبك 188 الف

وذلف في اللي ما يحفظه.

[بوخالد911]

النصيحة ادفع اشوي أغلى عشان ترتاح وما تتلعوز مع شركة متواضعة.

[شموخ دائم]

,


,


مرحبا


الي لاحظته في السوق

ان اكثر الشباب يدور المقاول ( الارخص )

ويدور سعر المتر ( الرخيص )

أيضا يدور الاستشاري الرخيص جدا جدا جدا للأسف
ما زال ثقافه الاستشاري مجرد شكل لاتمام الأوراق المطلوبه للبلديه واي شخص يمشي الحال

ما زال الشباب ما يعرفون قيمه الاستشاري الممتاز !! للأسف

وما ينتبه للكوالتي والمواصفات نهائيا الا بنص البناء لما يشوف ان المقاول امكانياته ضعيفه جدا
جدا جدا

وقاعد يركب في البيت أشياء رخيصه جدا ويبتدي ( يزيد الفرق ) من جيبه فوق العقد
ويكتشف انه دفع مبالغ كبيره جدا جدا اكثر من المقاولين الجيدين الي شاف اسعارهم
للأسف
بيدفع كثير مع مقاول ضعيف وبياخذ نتيجه ( ضعيفه )

المقاول الضعيف (من المستحيل انه يقدر يشطب بين فنش نظيف ) لان امكانياته ضعيفه
لا عنده الي يركب البلاط والسيراميك والرخام على أصول الصنعه
ويطلع الفنش للأسف تعبان حتى لو كانت الأنواع غاليه

هنا يلجاء الى الاستشاري ( الرخيص ) ليكتشف ان الاستشاري أيضا ضعيف جدا جدا
وما يلاقي من الي يقدر يحل هذي المشكله للاسف

الغريبه
ان اذا بيشتري سياره مستعمله بيسئل كثير وبياخذها الفحص اكثر من مره وبياخذ معاه شخص يفهم في السيارات
وهي سعرها 200 الف

بينما البيت يكلف اثنين مليون وثلاثه مليون
وما يأخذ معاه ( شخص ) خبير في البناء وفي مراجعه العقد والمواصفات والدفعات
ولا يختار المقاول بطريقه صحيحه

مسئله فلان بناء عنده واموره طيبه ترى هذا خطاء كبير
كل سنه المقاولين يتعب منهم مجموعه شركات وتتحسن فيها شركات

بصراحه انا ( منصدم ) من ها التفكير
:)

[شموخ دائم]

,


,


اهم نصيحه

تأخذ معاك شخص خبير يراجع العقد ويراجع المواصفات ويراجع الدفعات
ويعرف يعيد صياغه العقد بطريقه تحمي حقوقك من المشاكل المستقبليه

1- وضع غرامه تأخير كبيره شهريا
2- وضع شيك ضمان من المقاول عند الاستشاري مقابل الدفعه الأولى ويبقى مع الاستشاري حتى انتهاء المشروع
3- توزيع الدفعات توزيع عادل وما تعطي المقاول دفعات كبيره في بدايه المشروع
4- تشوف العينات قبل التركيب مثل الأبواب الشبابيك السيراميك والرخام والوايرات للكهرباء وبيبات الماء والسوكتات
ويوافق عليها خطيا كتابه وليس شفويا
5- كل الغرامات من الدوله والبلديه بالمشروع يتحملها المقاول ويقوم بسدادها بوقتها وتكتب بالعقد

والعوازل كل هذي الأمور يشوفها شخص يفهم في المواد ومع تقديم الضمان لكل ماده باسم المالك

تحديد نوع التوصيلات والكاميرات مع الاجهزه وتشغيلها لتعمل بشكل ممتاز وعمل اختبار لها قبل الاستلام
تحديد من يدفع رسوم ادخال الكهرباء عند انتهاء المشروع المقاول او المالك
تحديد الاضاءه ونوعها لكل مكان داخل الفيلا والسور ووضع سعر لكل نوع في الاضاءه
تحديد الجبس والصبغ وانواعه وتكلفه كل مكان بالغرف والصالات
شبك البيت مع الخدمات الخارجيه مثل الماء والمجاري وتبليط المسافه بين الشارع وسور البيت
الاتفاق على حديقه الحوش وعمل الاحواض لها حسب الرسومات الي يقدمها المالك

كل مقاول يعمل بالبيت ( يزيل مخلفاته ) وتكتب بالتعاقد مع كل مقاول بيشتغل مهما كان مقاول صغير من الباطن
لان تكلفه ازاله المخلفات عاليه اذا تكررت كل شهر مره


هذه النقاط الي دائما تحصل فيها مشاكل


,

,

[شموخ دائم]

,

,


نسيت اكبر مشكلتين في مشاريع الفيلات



1- الحجر

2- الرخام

صداع في قطر واكثر المشاكل منه

لا تغامر وتوقع عقد مع أي شركه الا معاك شخص ( خبير ) في الأنواع للمواد

شخص يفهم في مشاكل الحجر والرخام

تشابه القطع خلوها من العيوب واللطخات الغير مرغوب فيها نسبه التشابه تكون 80% وما فوق
وضع رسومات للشبابيك والاطارات وتحديد طريقه التثبيت
والسماكه

شرح طريقه التركيب وتحديد نوع المواد مثل الاسمنت اسود او ابيض والجراوت ضد الماء وطريقه التثبيت براغي

الدرجات تكون 3 سم مع عمل شنفره بالطرف

النعلات عمل ديزاين محدد من الأعلى ولها رسمه معينه ( سامبل )

وضع سامبل من الحجر ( والتوقيع عليه ) من الشخص الي يركب ان هذا النوع المعتمد
وأيضا وضع قطعه رخام كبيره الحكم سامبل والتوقيع عليها انها النوع المعتمد
مع تحيد ( مصدر القطعه )
إيطاليا
اسبانيا

واذا الحجر تحديد بلد القطعه الأردن او سوريا وتكون بحاله ممتازه مافيها عيوب او ( نخر ) ولا تكون معالجه
إخفاء عيوبها بالمعجون او تكون مكسره الأطراف وفيها كراكات
كل هذا يكتب بالعقد مع تحديد مده الانتهاء من العمل وغرامه تأخير ما تقل عن 500 ريال باليوم الواحد
,

,

[معماري قطري]

النصيحة ادفع اشوي أغلى عشان ترتاح وما تتلعوز مع شركة متواضعة.

انت تجربتك يا اخوي بعد سؤال ومشاهدات وبعد تورطت في مقاول علة ويمكن حصلت حقك منه .. لكن غيرك ممكن ما يحصل حقه والقضايا يكسبونها المقاولين ما ادري كيف واستوت غرامة التأخير كلام لا يطبق لأسباب كثيرة

ليش كل هذي الأُمور تصير وليش الشغل متروك بدون ضوابط رادعة وقوانين ملزمة وترخيص للأعمال للي يستحق وتوثيق ومتابعة والزام بقوانين الدولة طول ما الشغل يتم في الدولة؟؟؟

[معماري قطري]

,


,


مرحبا


الي لاحظته في السوق

ان اكثر الشباب يدور المقاول ( الارخص )

ويدور سعر المتر ( الرخيص )

أيضا يدور الاستشاري الرخيص جدا جدا جدا للأسف
ما زال ثقافه الاستشاري مجرد شكل لاتمام الأوراق المطلوبه للبلديه واي شخص يمشي الحال

ما زال الشباب ما يعرفون قيمه الاستشاري الممتاز !! للأسف

وما ينتبه للكوالتي والمواصفات نهائيا الا بنص البناء لما يشوف ان المقاول امكانياته ضعيفه جدا
جدا جدا

وقاعد يركب في البيت أشياء رخيصه جدا ويبتدي ( يزيد الفرق ) من جيبه فوق العقد
ويكتشف انه دفع مبالغ كبيره جدا جدا اكثر من المقاولين الجيدين الي شاف اسعارهم
للأسف
بيدفع كثير مع مقاول ضعيف وبياخذ نتيجه ( ضعيفه )

المقاول الضعيف (من المستحيل انه يقدر يشطب بين فنش نظيف ) لان امكانياته ضعيفه
لا عنده الي يركب البلاط والسيراميك والرخام على أصول الصنعه
ويطلع الفنش للأسف تعبان حتى لو كانت الأنواع غاليه

هنا يلجاء الى الاستشاري ( الرخيص ) ليكتشف ان الاستشاري أيضا ضعيف جدا جدا
وما يلاقي من الي يقدر يحل هذي المشكله للاسف

الغريبه
ان اذا بيشتري سياره مستعمله بيسئل كثير وبياخذها الفحص اكثر من مره وبياخذ معاه شخص يفهم في السيارات
وهي سعرها 200 الف

بينما البيت يكلف اثنين مليون وثلاثه مليون
وما يأخذ معاه ( شخص ) خبير في البناء وفي مراجعه العقد والمواصفات والدفعات
ولا يختار المقاول بطريقه صحيحه

مسئله فلان بناء عنده واموره طيبه ترى هذا خطاء كبير
كل سنه المقاولين يتعب منهم مجموعه شركات وتتحسن فيها شركات

بصراحه انا ( منصدم ) من ها التفكير
:)

كلام سليم 100% بس الدولة ليش تخلي مقاول ضعيف يسوي شغلات مب قده؟

اللوم أولاً وأخيراً عندي انا على القايمين على هذي العملية .. مقاول حده يركب حجر وتخصصه حجر ينعمل اختبار وترخيص للعمال اللي عنده ويعطى ترخيص لزاولة هذا النشاط فقط .. ويكون فيه تفتيش دوري على المشاريع ولو حصلوا عمال يشتغلون شغلة مب مرخصين لها تستوي عليهم غرامات ومشاكل وحتى يفترض يتحاكمون في محكمة مختصة ويحصلون العقاب اللي يستحقونه

ممكن عمال يتقنون كم شغله وهذا يوضح في ترخيصهم فنحصر العمال المختصين وينعرفون بسهولة من رخصة شغلهم ونتطمن بأنهم على كفالة فلان ويقدرون يسوون شغلنا .. ولو رجعنا لمكتب التوثيق نعرف هم شكثر ينفذون مشاريع ونعرف إن المكتب وثق بناء على قدرة هذا المقاول والقوة البشرية عنده

[معماري قطري]

تشبيهك لشراء السيارة والبنيان تشبيه واقعي اخوي شموخ ويصير كثير .. وتحصل الشخص يتردد ويختار سيارة جيدة ووكالتها زينة وقطع غيارها متوفرة وسعرها معقول .. الناس عندهم وعي وثقافة بس في البنيان كثير يبنون على البركة وقليل يبنون بمنهجية صح

[معماري قطري]

,

,


نسيت اكبر مشكلتين في مشاريع الفيلات



1- الحجر

2- الرخام

صداع في قطر واكثر المشاكل منه

لا تغامر وتوقع عقد مع أي شركه الا معاك شخص ( خبير ) في الأنواع للمواد

شخص يفهم في مشاكل الحجر والرخام

تشابه القطع خلوها من العيوب واللطخات الغير مرغوب فيها نسبه التشابه تكون 80% وما فوق
وضع رسومات للشبابيك والاطارات وتحديد طريقه التثبيت
والسماكه

شرح طريقه التركيب وتحديد نوع المواد مثل الاسمنت اسود او ابيض والجراوت ضد الماء وطريقه التثبيت براغي

الدرجات تكون 3 سم مع عمل شنفره بالطرف

النعلات عمل ديزاين محدد من الأعلى ولها رسمه معينه ( سامبل )

وضع سامبل من الحجر ( والتوقيع عليه ) من الشخص الي يركب ان هذا النوع المعتمد
وأيضا وضع قطعه رخام كبيره الحكم سامبل والتوقيع عليها انها النوع المعتمد
مع تحيد ( مصدر القطعه )
إيطاليا
اسبانيا

واذا الحجر تحديد بلد القطعه الأردن او سوريا وتكون بحاله ممتازه مافيها عيوب او ( نخر ) ولا تكون معالجه
إخفاء عيوبها بالمعجون او تكون مكسره الأطراف وفيها كراكات
كل هذا يكتب بالعقد مع تحديد مده الانتهاء من العمل وغرامه تأخير ما تقل عن 500 ريال باليوم الواحد
,

,

اليوم على طاري الحجر زرت مشروع لشخص عزيز علي

وتفاجأت بشغلات عنده ماشية صح بس هو يبي يغيرها وشفت تركيب الحجر عنده زين ونوعية زينة بس ما ادري ليش المقاول خالط مع الحجر نوع ثاني وأتوقع كل شيء متفق عليه .. نوع ناعم ونوع خشن شوي فيه قص بالعرض

[ابو عبدالله.]

الله يديم صباحك ومساك بالمسرات والخير

حط لنا موقع ميزان بعد خلنا نستفيد توني ادري عنه

يعني شفايدة يسوون قانون ويسوقون له ككتاب وانت أكيد متفق معي

صباح الخيرات

هذا موقع ميزان البوابه القانونيه القطريه

بها كل القوانين يمكن البحث عبر رقم القانون او بأستخدام كلمات دلاليه مثل بناء. او مقاول او عقوب بناء. الخ

http://www.almeezan.qa

[بوخالد911]

اليوم على طاري الحجر زرت مشروع لشخص عزيز علي

وتفاجأت بشغلات عنده ماشية صح بس هو يبي يغيرها وشفت تركيب الحجر عنده زين ونوعية زينة بس ما ادري ليش المقاول خالط مع الحجر نوع ثاني وأتوقع كل شيء متفق عليه .. نوع ناعم ونوع خشن شوي فيه قص بالعرض

هلا بك بش مهندس

فيه ناس تحب تدمج أكثر من نوع للحجر
عشان اللمسة الجمالية

ببيتي مثلا ، مدخل حجر صدفي مع حجر مفجر وحجر اغلاتية.

[qatari911]

طيب اذا طلبت الشرط الجزائي مثلا مبلغ10000 ريال ورفض المقاول ؟!! في هالحاله اشوف غيره او الشرط الي حطيته غلط؟؟!!

[بوخالد911]

طيب اذا طلبت الشرط الجزائي مثلا مبلغ10000 ريال ورفض المقاول ؟!! في هالحاله اشوف غيره او الشرط الي حطيته غلط؟؟!!

لو المقاول متمكن وواثق من نفسه ليش يرررررفض ؟؟!؟؟

من حقك تحط المبلغ اللي تبيه

[qatari911]

لو المقاول متمكن وواثق من نفسه ليش يرررررفض ؟؟!؟؟

من حقك تحط المبلغ اللي تبيه

جزاك الله خير يابوخالد

[sweet qatar]

تشبيهك لشراء السيارة والبنيان تشبيه واقعي اخوي شموخ ويصير كثير .. وتحصل الشخص يتردد ويختار سيارة جيدة ووكالتها زينة وقطع غيارها متوفرة وسعرها معقول .. الناس عندهم وعي وثقافة بس في البنيان كثير يبنون على البركة وقليل يبنون بمنهجية صح

لأن السوق تعبان

السيء عندنا بسعر الجيد والجيد بسعر خيالي

طبيعي الواحد يتردد لما يشوف مبلغ مبالغ فيه وهو عارف ومتأكد لو حصل أي خلاف ما بيقدر يسترد المبلغ الي دفعه كامل

السوق فيه غش مب طبيعي مع ان الفترة الي طافت كان الشغل اقل من قبل والمفروض وقتهم كله للمشروع الي ماسكينه

[فنجان قهوة]

[QUOTE=شموخ دائم;10632617][FONT="Arial Black"][B],


,


مرحبا


الي لاحظته في السوق

ان اكثر الشباب يدور المقاول ( الارخص )

ويدور سعر المتر ( الرخيص )

أيضا يدور الاستشاري الرخيص جدا جدا جدا للأسف
ما زال ثقافه الاستشاري مجرد شكل لاتمام الأوراق المطلوبه للبلديه واي شخص يمشي الحال

ما زال الشباب ما يعرفون قيمه الاستشاري الممتاز !! للأسف

وما ينتبه للكوالتي والمواصفات نهائيا الا بنص البناء لما يشوف ان المقاول امكانياته ضعيفه جدا
جدا جدا

وقاعد يركب في البيت أشياء رخيصه جدا ويبتدي ( يزيد الفرق ) من جيبه فوق العقد
ويكتشف انه دفع مبالغ كبيره جدا جدا اكثر من المقاولين الجيدين الي شاف اسعارهم
للأسف
بيدفع كثير مع مقاول ضعيف وبياخذ نتيجه ( ضعيفه )

المقاول الضعيف (من المستحيل انه يقدر يشطب بين فنش نظيف ) لان امكانياته ضعيفه
لا عنده الي يركب البلاط والسيراميك والرخام على أصول الصنعه
ويطلع الفنش للأسف تعبان حتى لو كانت الأنواع غاليه

هنا يلجاء الى الاستشاري ( الرخيص ) ليكتشف ان الاستشاري أيضا ضعيف جدا جدا
وما يلاقي من الي يقدر يحل هذي المشكله للاسف

[SIZE=6]الغريبه [/SIZ
وهي سعرها 200 الف

بينما البيت يكلف اثنين مليون وثلاثه مليون
وما يأخذ معاه ( شخص ) خبير في البناء وفي مراجعه العقد والمواصفات والدفعات
ولا يختار المقاول بطريقه صحيحه
__________________________________________________ ______________________________________________
ف[SIZE=5]ي حد من الاهل حقوقة المالية عند شؤون القاصرين ... بنوا له فيلا من حسابة وحطوا ستشاري من مكتب معروف .. واستلمنا فيلا غير صالحة للسكن بدون مبالغة والاستشاري يدفع له من حساب القاصر شهريا .. وطلع منها المهندس والاستشاري والكل وطاحت الفيلا في كبد اهل القاصر.

[معماري قطري]

صباح الخيرات

هذا موقع ميزان البوابه القانونيه القطريه

بها كل القوانين يمكن البحث عبر رقم القانون او بأستخدام كلمات دلاليه مثل بناء. او مقاول او عقوب بناء. الخ

http://www.almeezan.qa

الله يجزيك خير فتحته باحفظه وباشوف شفيه

[معماري قطري]

طيب اذا طلبت الشرط الجزائي مثلا مبلغ10000 ريال ورفض المقاول ؟!! في هالحاله اشوف غيره او الشرط الي حطيته غلط؟؟!!

المبلغ 10000 كبير لمشروع حجمه وميزانيته وعقده صغير .. لو في اليوم لكن لو في الشهر أكيد مبلغ صغير

إذا عقدك مليون 1000 ريال في اليوم مبلغ مناسب بس بشرط تلتزم بالدفعات ويكون استشاريك متابع جيد ويسجل كل شيء .. بعدين يكون عقدك فيه دفعات ممسوكة للضمان .. شوف موضوع العقود المثبت أول موضوع بيفيدك .. هذي شروط التعاقد تحدد مسبقاً وأي مقاول ما تعجبه أكيد هو بيخسر الشغلة والمناقصة وبيعتبر مقاول ضعيف

مبلغ الغرامة كذلك يحدد أهمية حاجتنا للمشروع في وقت معين .. ممكن نحط 500 لليوم وبيكلف الشهر 15000 وهذا مبلغ بسيط .. طريقة تخليص هذي الغرامات المفروض مذكورة في العقد والأفضل تتم بقرار من الاستشاري والمالك .. تقدر كذلك تحدد فترة كل مرحلة ويتم تحديد المراحل بالاتفاق مع المقاول وحسب جدول حساب الأعمال .. وهذا أفضل للمخالصة أول بأول .. نقول مرحلة الأساسات لحد دفان الجسور الارضية بتاخذ 45 يوم وبتكلف 110 آلاف والشروط واضحة للدفان والدك وطبقاته وللعزل وعمق الأساسات والمتابعة من الاستشاري جيدة وسريعة لكل معاينة وخلال 48 ساعة من استلام طلب المقاول .. هنا ممكن تطبق حجز 10% من الدفعة المستحقة لضمان الصيانة بعد اتمام البناء ب 400 يوم = 11 ألف في هذي الحالة ويستلم المقاول 99 ألف لو خلص في الوقت المحدد .. لو ما خلص تنخصم منه غرامة التأخير مضروبة في عدد الأيام

المشكلة كل ما كانت الشروط قوية وايد كل ما قل عدد المتناقصين .. لكن الشروط المنطقية والمعقولة تجذب المقاول القوي وينزل سعره حتى ياخذ المناقصة والا غيره بياخذها .. وهذي الشروط المالية ضرورية وتنفعك حتى تضبط مشروعك

بعدين من تبدأ تبني وتلاحظ اجتهاد المقاول تتغاضى عن بعض التأخير وتقدر الظروف .. بعدين تقدر تحط حافز للمقاول لو أنجز قبل الفترة المحددة يستحق مكافأة عن كل يوم مبلغ معين بشرط ما يزيد عن مبلغ محدد

[معماري قطري]

[quote=شموخ دائم;10632617][font="arial black"][size="5"][b],


,


مرحبا


الي لاحظته في السوق

ان اكثر الشباب يدور المقاول ( الارخص )

ويدور سعر المتر ( الرخيص )

أيضا يدور الاستشاري الرخيص جدا جدا جدا للأسف
ما زال ثقافه الاستشاري مجرد شكل لاتمام الأوراق المطلوبه للبلديه واي شخص يمشي الحال

ما زال الشباب ما يعرفون قيمه الاستشاري الممتاز !! للأسف

وما ينتبه للكوالتي والمواصفات نهائيا الا بنص البناء لما يشوف ان المقاول امكانياته ضعيفه جدا
جدا جدا

وقاعد يركب في البيت أشياء رخيصه جدا ويبتدي ( يزيد الفرق ) من جيبه فوق العقد
ويكتشف انه دفع مبالغ كبيره جدا جدا اكثر من المقاولين الجيدين الي شاف اسعارهم
للأسف
بيدفع كثير مع مقاول ضعيف وبياخذ نتيجه ( ضعيفه )

المقاول الضعيف (من المستحيل انه يقدر يشطب بين فنش نظيف ) لان امكانياته ضعيفه
لا عنده الي يركب البلاط والسيراميك والرخام على أصول الصنعه
ويطلع الفنش للأسف تعبان حتى لو كانت الأنواع غاليه

هنا يلجاء الى الاستشاري ( الرخيص ) ليكتشف ان الاستشاري أيضا ضعيف جدا جدا
وما يلاقي من الي يقدر يحل هذي المشكله للاسف

الغريبه [/siz
وهي سعرها 200 الف

بينما البيت يكلف اثنين مليون وثلاثه مليون
وما يأخذ معاه ( شخص ) خبير في البناء وفي مراجعه العقد والمواصفات والدفعات
ولا يختار المقاول بطريقه صحيحه
__________________________________________________ ______________________________________________
ف[size=5]ي حد من الاهل حقوقة المالية عند شؤون القاصرين ... بنوا له فيلا من حسابة وحطوا ستشاري من مكتب معروف .. واستلمنا فيلا غير صالحة للسكن بدون مبالغة والاستشاري يدفع له من حساب القاصر شهريا .. وطلع منها المهندس والاستشاري والكل وطاحت الفيلا في كبد اهل القاصر.


هذي أمانة وهذا صلب الموضوع واحنا نطالب باجراءات حازمة مع مثل هؤلاء

صراحة البلاد في مجال البناء استوت مفتوحة لكل من هب ودب ينهب ويشرد واللي يخسرون الملاك حتى وصلت لمشاريع تتابعها وتقوم عليها جهات من الدولة

[qatari911]

المبلغ 10000 كبير لمشروع حجمه وميزانيته وعقده صغير .. لو في اليوم لكن لو في الشهر أكيد مبلغ صغير

إذا عقدك مليون 1000 ريال في اليوم مبلغ مناسب بس بشرط تلتزم بالدفعات ويكون استشاريك متابع جيد ويسجل كل شيء .. بعدين يكون عقدك فيه دفعات ممسوكة للضمان .. شوف موضوع العقود المثبت أول موضوع بيفيدك .. هذي شروط التعاقد تحدد مسبقاً وأي مقاول ما تعجبه أكيد هو بيخسر الشغلة والمناقصة وبيعتبر مقاول ضعيف

مبلغ الغرامة كذلك يحدد أهمية حاجتنا للمشروع في وقت معين .. ممكن نحط 500 لليوم وبيكلف الشهر 15000 وهذا مبلغ بسيط .. طريقة تخليص هذي الغرامات المفروض مذكورة في العقد والأفضل تتم بقرار من الاستشاري والمالك .. تقدر كذلك تحدد فترة كل مرحلة ويتم تحديد المراحل بالاتفاق مع المقاول وحسب جدول حساب الأعمال .. وهذا أفضل للمخالصة أول بأول .. نقول مرحلة الأساسات لحد دفان الجسور الارضية بتاخذ 45 يوم وبتكلف 110 آلاف والشروط واضحة للدفان والدك وطبقاته وللعزل وعمق الأساسات والمتابعة من الاستشاري جيدة وسريعة لكل معاينة وخلال 48 ساعة من استلام طلب المقاول .. هنا ممكن تطبق حجز 10% من الدفعة المستحقة لضمان الصيانة بعد اتمام البناء ب 400 يوم = 11 ألف في هذي الحالة ويستلم المقاول 99 ألف لو خلص في الوقت المحدد .. لو ما خلص تنخصم منه غرامة التأخير مضروبة في عدد الأيام

المشكلة كل ما كانت الشروط قوية وايد كل ما قل عدد المتناقصين .. لكن الشروط المنطقية والمعقولة تجذب المقاول القوي وينزل سعره حتى ياخذ المناقصة والا غيره بياخذها .. وهذي الشروط المالية ضرورية وتنفعك حتى تضبط مشروعك

بعدين من تبدأ تبني وتلاحظ اجتهاد المقاول تتغاضى عن بعض التأخير وتقدر الظروف .. بعدين تقدر تحط حافز للمقاول لو أنجز قبل الفترة المحددة يستحق مكافأة عن كل يوم مبلغ معين بشرط ما يزيد عن مبلغ محدد

جزاك الله خير يامعماري قطر
وبشوف موضوع العقود الي تكلمت عنه

[معماري قطري]

لأن السوق تعبان

السيء عندنا بسعر الجيد والجيد بسعر خيالي

طبيعي الواحد يتردد لما يشوف مبلغ مبالغ فيه وهو عارف ومتأكد لو حصل أي خلاف ما بيقدر يسترد المبلغ الي دفعه كامل

السوق فيه غش مب طبيعي مع ان الفترة الي طافت كان الشغل اقل من قبل والمفروض وقتهم كله للمشروع الي ماسكينه

السوق تعبته القوانين المتراخية وكذلك الدجل الكثير اللي فيه

لازم ضوابط لكل مهنة وقوانين واجراءات مناسبة .. بعض المقاولين يشتغلون بدون تأمين وهذا ممنوع ولو انمسك ما فيه إجراء رادع .. وبعضهم يشتغلون بدون إجراءات سلامة تخيل لو مات عندهم عامل يتسكر الموقع عندك يالمالك فترة الله أعلم بها لين يطلع حق العامل وتنتهي التحقيقات .. شفت عامل يقص خرسانة بحدود 7 متر في 5 وبسمك 25 سم وهذي مرتفعة حول 5 متر

تدري كم وزنها؟ خل نحسبه 35 متر مربع في ربع متر =8.75 متر مكعب .. وكثافة الخرسانة حول 2800 كجم في المتر المكعب .. تعطينا وزن = 24500 كيلو جرام .. وهذي لو طاحت تعادل وزن 10 سيارات كروزر أو لكزس فورويل .. ولنفترض تقديراتي غلط والمساحة اقل بعد يبقى الوزن كبير والعامل بدون اي احتياطات يشتغل في الطرف

[sweet qatar]

صدقت اخوي معماري

كان ودي اشتكي على المقاول لان مخلي العمال بدون رواتب
حسبي الله عليه دفعاته توصله اول بأول وهو مكسف على العمال

[معماري قطري]

جزاك الله خير يامعماري قطر
وبشوف موضوع العقود الي تكلمت عنه

جزيت بما دعيت اخوي قطري

أفضل وسيلة هي المبالغ المحتجزة وكل ما تطور البنيان كلما زادت القيمة المحتجزة وتكون وسيلة لضمان حسن الأداء لأن حتى بعد السكن تقدر تطلبه يصلح والا بتصلح من القيمة المحتجزة .. يعني بتصلح على حسابه

[معماري قطري]

صدقت اخوي معماري

كان ودي اشتكي على المقاول لان مخلي العمال بدون رواتب
حسبي الله عليه دفعاته توصله اول بأول وهو مكسف على العمال

الدولة ركزت على حقوق العمال ونست حقوقنا .. العمال الحين تحويلاتهم رسمية عن طريق البنك وبعد بعض المقاولين يلعب عليهم .. يحولون مبلغ ويروح يستلمه العامل ويرجعه أو يرجع أغلبه للمقاول لأن موقعينه على ديون ويقدرون يلغون اقامته وقت ما يبون

[معماري قطري]

نرجع لموضوع قص قطعة الخرسانة الكبيرة والاحتياط الوحيد اللي ماخذه المقاول هو اغلاق الممر تحت حتى لحد يمر وقت سقوط القطعة أو جزء منها

طول ما الاشراف العام من الدولة حتى لو مرة اسبوعياً مرور سريع على المشاريع مفقود تستوي تجاوزات خطيرة .. منها عدم اتخاذ الاجراءات الأمنية واللي تعتبر ضرورية وهناك شروط من التأمين وشروط أمنية انسانية يجب اعتمادها ومن يتجاوزها يعرض نفسه للمساءلة

أحد الملاك أطلعني على تصوير جنائي لموقع بنيانه حيث تم القبض على عمال لديه يروجون ممنوعات ومخدرات خطيرة .. وكانوا كلهم من العمالة السائبة أو الهاربة .. أغلبهم في الأساس سائقي منازل ويعملون في شغلات ثانية .. لذلك فالتفتيش الهندسي الاداري الدائم ضروري لهذه المواقع وأكيد المجهود المطلوب من جهات الدولة المختصة كبير

[معماري قطري]

القطعة الخرسانية لو سقطت بهذا الوزن الكبير فقد تؤذي أجزاء البنيان القائمة وقد تضرب عمود وتكسره ويسقط الجزء اللي عليه العمال وتستوي كارثة

كذلك طريقة القص بعمل فتحات دائرية جنب بعض بالدريل بقطر 10 سم والتكسير بينها والجزء العالق بسيط جداً ولتكسيره لازم يركب العامل على أطراف الخرسانة التي تصبح معلقة بأقل ارتباط مع باقي الأجزاء .. سقوطها بأي لحظة متوقع ومتوقع سقوطها والعامل فوقها ولو عاش معجزة

[Dana’1]

,


,


مرحبا


الي لاحظته في السوق

ان اكثر الشباب يدور المقاول ( الارخص )

ويدور سعر المتر ( الرخيص )

أيضا يدور الاستشاري الرخيص جدا جدا جدا للأسف
ما زال ثقافه الاستشاري مجرد شكل لاتمام الأوراق المطلوبه للبلديه واي شخص يمشي الحال

ما زال الشباب ما يعرفون قيمه الاستشاري الممتاز !! للأسف

وما ينتبه للكوالتي والمواصفات نهائيا الا بنص البناء لما يشوف ان المقاول امكانياته ضعيفه جدا
جدا جدا

وقاعد يركب في البيت أشياء رخيصه جدا ويبتدي ( يزيد الفرق ) من جيبه فوق العقد
ويكتشف انه دفع مبالغ كبيره جدا جدا اكثر من المقاولين الجيدين الي شاف اسعارهم
للأسف
بيدفع كثير مع مقاول ضعيف وبياخذ نتيجه ( ضعيفه )

المقاول الضعيف (من المستحيل انه يقدر يشطب بين فنش نظيف ) لان امكانياته ضعيفه
لا عنده الي يركب البلاط والسيراميك والرخام على أصول الصنعه
ويطلع الفنش للأسف تعبان حتى لو كانت الأنواع غاليه

هنا يلجاء الى الاستشاري ( الرخيص ) ليكتشف ان الاستشاري أيضا ضعيف جدا جدا
وما يلاقي من الي يقدر يحل هذي المشكله للاسف

الغريبه
ان اذا بيشتري سياره مستعمله بيسئل كثير وبياخذها الفحص اكثر من مره وبياخذ معاه شخص يفهم في السيارات
وهي سعرها 200 الف

بينما البيت يكلف اثنين مليون وثلاثه مليون
وما يأخذ معاه ( شخص ) خبير في البناء وفي مراجعه العقد والمواصفات والدفعات
ولا يختار المقاول بطريقه صحيحه

مسئله فلان بناء عنده واموره طيبه ترى هذا خطاء كبير
كل سنه المقاولين يتعب منهم مجموعه شركات وتتحسن فيها شركات

بصراحه انا ( منصدم ) من ها التفكير
:)

كتاباتك ومشاركاتك رائعه و مفيده اخوي شموخ دائم .
طبعا أحترم رائيك واتفق معك في إن بعض الشباب مايعرفون كثير بتفاصيل البناء ويحتاج لمستشار و يتابع الموضوع معه لكن اختلف معك في إن المشكله هم الشباب يختارون الارخص ممكن فيه جزء منهم لكن مو الكل

فيه شباب يدور المقاول الممتاز قبل حتى معرفة السعر من ثم الموافقه عالسعر ، بس وينه المقاول الممتاز؟! الأمين؟! بإذن الله موجودين لكن عمله نادره الله يزيد ويبارك فيهم

شخصيا اشوف الموضوع ماهو عالسعر كثر ماهي عالأمانه* وعلى مواصفات مواد البناء الي تدخل البلد ، وعلى الشغل النظيف و معرفة استخدام هالمواد بالتركيف وغيرها وتطبيق قانون العقوبات لكل من هو متهاون ونصااب في مجال البناء والعقار وغيرها من المجالات من الي ممكن تؤثر على حياة الناس ويكون البت فيها واصدار الحكم والتعويض بشكل سريع لان الواحد اذا طول بالمحكمه ومن جلسه لجلسه فيها ظلم لطالب الحق وتضييع لوقته ولا تدري هو بأجار وإلا إيش هي ظروفه الثانيه
خصوصا اذا القضيه واضحه .

وهالمشاكل ما صارت بس للناس البسيطه الي يدورون الرخص مثل ما تفضلت
شفناها
حتى بالمشاريع الكبيره والي راعيها متكلف ملايين ومليارات ومع هالشي فيها فشل واضح ومو بس مشاريع الاشخاص

حتى شفناها بمشاريع الدوله والي الدوله ماتقصر تدفع فلوس طائله شوف بعض مشاريع الدوله ببعض المباني الحكوميه والمستشفيات و حتى بتصريف المياه و رصف وتعبيد الشوارع حفر الانفاق وبناء الجسور ووووو إلي من أول مطره تطلع العلوم هذا ودولنا ماهي ممطره دائما.

من كذا ما اعتقد إن السبب بالشباب إلي يدورون الرخص كثر ماهو خلل بمكاتب المقاولات بالمهندسين الموجودين فيها والجوده المواصفات بالمواد والعمل نفسه.
وبتطبيق نظام العقوبات الجزائيه بحق كل متهاون بحقوق الناس وارواحهم .

[شموخ دائم]

,

,


مرحبا

بالنسبه لاختيار المقاول

اول شي نشوف التصنيف

انا ما أقول نروح لمقاول مصنف a او b وهو اعلى تصنيف للمقاولين
لانهم ما ياخذون مشاريع صغيره مثل الفلل والبيوت العاديه وثانيا اسعارهم بتكون جدا عاليه

لكن نقدر نشوف مقاول مصنف c او d على الأقل يكون مصنف

بعدها نشوف مكتب هذا المقاول هل فيه ( قسم مهندسين ) اكثر من مهندس
وفيه نظام حسابات واداره والمكتب يكون منتعش فيه حركه موظفين ومليان ملفات
ويبين فيه حركه وفي زبائن موجودين بالمكتب يبنون عنده
مايكون مكتب ( ميت ) ما نشوف عنده زبون قاعد بعد المغرب خاصه


اما اذا مكتب فيه ( شخص واحد ) هو المقاول وهو الفورمن وهو يوصل العمال
مثل ما يقولون ( ون مان شو ) وهو المحاسب
والمكتب طول اليوم ( مقفل ) وخرائط الناس محذوفه في سيارته
واذا سافر الشخص ضاعت السالفه وتوقف المشروع
هذا كيف ( نسميه مقاول )
هذا حده يبني غرفه او ملحق في البيوت والسقف شينكو

لازم ننظر لهذه الأمور ونتعامل مع مكتب فيه مهندسين بنحتاج نعدل على الخرائط
وبنحتاج يصمم لنا بعض الخرائط الخفيفه وتوزيع بعض الأمور على الاوتوكاد مكتب فيه رسام
مكتب ينورنا على االاخطاء في الخريطه وينبهنا كل مرحله يشرح لنا شنو بيتم والارتفاعات مناسبه او لا يعطينا بعض الأفكار
من واقع خبرته نتجنب كثير من الأخطاء الي تهدر الوقت والمال
وبعض الأمور ممكن نوفر بالتكلفه وامور في استغلال المساحات

ويحط لنا ملاحظات
لما نعدل شي يرسمه على طول ويعرضه لنا مع المقاسات

ونسئل عن إمكانيات هذا المكتب من ناحيه عدد العماله والمعدات
ومافيها شي لو شفنا المشاريع واخذنا لفه عليها واخذنا كم زبون نتصل فيهم
نسئل عن هذا المقاول

يقولون (اسئل مجرب ولا تسئل طبيب )

,

,

[شموخ دائم]

,

,


Dior'1

اختي الكريمه

انا اتفق معاك في كثير من النقاط الي ذكرتيها الامانه أصبحت مفقوده للأسف في كثير أماكن وكثير شركات
الا من رحم ربي والحمدالله موجودين بكل مكان وبكل بلد


انا ما أقول ( كل ) الشباب ولكن البعض منهم او الاكثريه بحسب مشاهداتي
هناك البعض حريص جدا على ( الجوده ) وعلى الشغل النظيف بلاشك هناك نسبه منهم وكل انسان وامكانياته في الأخير
لكن بالنسبه لي انا اتبع ( الوسط )
نحاول نضبط الأمور بين الجوده والتكلفه

ما راح نحصل الجوده اذا ما جبنا الشخص المناسب لهذه الشغله واخترناه بعنايه

مو معقول اشتري سيراميك ب 200 ريال
واستخسر الي بيركب ادور ارخص واحد والنتيجه بتكون معروفه ومعروف منو السبب بهذي النتيجه
ليس العامل ولكن من اختار العامل

على سبيلل المثال

لما ندور شخص يركب ( السيراميك الارضيات )

ولقينا واحد سعر تركيب المتر 20 ريال وواحد ثاني قال 25 ريال وثالث قال 35 ريال

البعض يفكر ان أبو 35 ريال غالي وحرامي
:)

لازم نسئل ليه هذا قال 20 لانه يعرف انه بيكون الارخص وهو هذا مستواه وحدود تركيبه بطريقه عاديه وما بيراعي
أصول الصنعه وبيخلص بسرعه وما يهمه النتيجه شنو بتكون
البيت جديد والمالك ما بيكتشف الأخطاء الا بعد ما يسكن
والعمال فاهمين هذا الموضوع

اذا سئلنا الأخير ليه 35 ريال اذا قالك بشتغل ( بالميزان ) واعمل منسوب بالدقه وبركب بطريقه المسطره وبستخدم
الجراوت نوع ممتاز وضد الماء وبوزن المساحه بميزان الماي او بالليزر
وبقطع السيراميك في المصنع والنعلات بالمصنع وما بقدر انجز بسرعه بهذي الشغله

لازم نسئله وين اشتغلت واي مشروع واذا قال اسم شركه نقوله ( عطني رقم المهندس هناك الي اشتغلت معاه )
اذا عطاك هذا على طول نشتغل معاه لانه 100% بيكون ممتاز وواثق من نفسه
اذا تهرب بطريقه ( البنغالي ) وصار يلف ويدور وقال مافي معلوم نمبر
:)
هذا نتركه ونطرده من المكان


اسف على الاطاله او الخروج عن الموضوع

ما زلت اتفق معاك ان الشركات الزينه قليله ونحتاج نبحث عنها بعنايه ولكن هي موجوده والحمدالله
ونحتاج نحط مواصفات ممتازه للمشروع

على فكره
اذا مشروع للدوله وصارت فيه مشكله ( تاكدي ) ان في غش اما بالمواصفات او الاستشاري ( تساهل ) مع المقاول
وما طبق الشروط في المواصفات او هناك ( رشاوي ) تحت الطاوله وبلاوي تصير




,

,

[معماري قطري]

ما قصر كل من شارك وأخص إخوي شموخ دائم الله يحفظه لأن تجربته كبيرة وهو من الأشخاص اللي عرفتهم عن قرب أكثر من هذا المنتدى واعتز بمعرفتهم

كلامه واضح ودقيق وصحيح 100% وهو أقل شيء نقدر نسويه .. كذلك أي عقد يجينا من المقاول صدقوني المقاول يدور حقه ويهمه مصلحته ويخلي ثغرات كثيرة مفتوحة وقابلة لعدة تأويلات .. العقد لازم نجهز بنوده عن طريق استشاري مختص وفاهم .. ويفرض على المقاول ولو المقاول استصعب بند معين يجيه التفسير وللبقية مكتوب وبفاكس ويتسجل رسمي في وثائق العقد

كيف العقد يفرض؟

في خلال المناقصة المقاول يعرف إنه ليس الوحيد ويسعى ليحصل على المناقصة ومجبور يوافق على الشروط .. يمكن يثير نقطة لها بديل أفضل وأرخص وقت المناقصة ولو تم التوافق عليها تعمم على البقية حتى يضعوها في الاعتبار ويسعرون على أساسها

بعدين أثناء المناقصة وحتى قبلها المالك ياخذ لفة على المقاولين ويلتقيهم في مقرهم ويلاحظ كيف نظام وترتيب الشركة .. هذي الطريقة تمهد لعلاقة طيبة ولزيارات متعددة لمناقشة مواضيع كثيرة .. وتقضي قضاء تام على مقاولين السيارة والون مان شو اللي ذكره إخوي شموخ

أي إجراء بتسويه الحكومة بيفيد عملية البناء ككل ونتمنى يسوون اجراءات كثيرة .. أولها اشهار قانون البناء القطري أو الكود .. مع ضرورة ايجاد بدائل وطرق هندسية لكل شغلة

ثانيها ترخيص كل عامل وكل مهندس لشغلات متخصص فيها ويجيدها وأي مخالفة تعني عقاب رادع ومتدرج لأن هذي تعتبر جريمة مالية كبرى

ثالثها عدم السماح بدخول مواد بناء وكهربيات وصحية غير مطابقة لمواصفات وشروط الدولة والدفاع المدني وتحديث هذه القوائم دائماً والتشديد على التجار لأن بعض المواد صراحة عبء كبير على مكبات النفايات

رابعها التوثيق لكافة العقود وعمل حملات تفتيشية على المواقع لرؤية العقود الموثقة وسلامة العمل حسب المواصفات القياسية للدولة

خامسها متابعة اشراف المكاتب الاستشارية ومراقبة أداؤها والمقصر يحاسب .. مع ضرورة وضع خط لإستقبال شكاوي الملاك من تعامل المهندسين وتدقيق الشكوى ومحاسبة المتجاوز

صدقوني انا واحد من قطر ودمي عنابي .. ودي وأُمنيتي أنافس بمكتب استشاري يؤدي عمله بأمانة تامة وحسب هذه المعايير لكن أرى المنافسة صعبة لوجود كثير من الدجل ومن يوقعون فقط بمبلغ خيالي مهما قل لأنه لا يؤدي أي عمل هندسي

ببساطة صعب اجيب مهندس اعطيه راتب ومصاريف قد توصل ل 20000 وأخليه يتابع مشاريع مشروع غرب ومشروع شمال وكل مشروع ب 2000 ريال يعني حتى أوفر راتبه أحتاج 10 مشاريع .. و ال 10 مشاريع لو بيمر كل يوم على مشروعين وبيقضي فيهم وقت زين لكن باقي ال 8 مشاريع لازم تمشي على البركة .. المنافسة قوية ومكاتب الختم والتوقيع كثيرة وحتى اللي يقول نلتزم ما يجي في أوقات مهمة مثل الصب .. لأن من ياخذ مشاريع رخيصة لازم ياخذ وايد مشاريع ولازم يديرها بالفهلوة أو البركة ولازم يكون بتاع كله .. كهرباء وانشائي وميكانيكي ومعماري

[معماري قطري]

كتاباتك ومشاركاتك رائعه و مفيده اخوي شموخ دائم .
طبعا أحترم رائيك واتفق معك في إن بعض الشباب مايعرفون كثير بتفاصيل البناء ويحتاج لمستشار و يتابع الموضوع معه لكن اختلف معك في إن المشكله هم الشباب يختارون الارخص ممكن فيه جزء منهم لكن مو الكل

فيه شباب يدور المقاول الممتاز قبل حتى معرفة السعر من ثم الموافقه عالسعر ، بس وينه المقاول الممتاز؟! الأمين؟! بإذن الله موجودين لكن عمله نادره الله يزيد ويبارك فيهم

شخصيا اشوف الموضوع ماهو عالسعر كثر ماهي عالأمانه* وعلى مواصفات مواد البناء الي تدخل البلد ، وعلى الشغل النظيف و معرفة استخدام هالمواد بالتركيف وغيرها وتطبيق قانون العقوبات لكل من هو متهاون ونصااب في مجال البناء والعقار وغيرها من المجالات من الي ممكن تؤثر على حياة الناس ويكون البت فيها واصدار الحكم والتعويض بشكل سريع لان الواحد اذا طول بالمحكمه ومن جلسه لجلسه فيها ظلم لطالب الحق وتضييع لوقته ولا تدري هو بأجار وإلا إيش هي ظروفه الثانيه
خصوصا اذا القضيه واضحه .

وهالمشاكل ما صارت بس للناس البسيطه الي يدورون الرخص مثل ما تفضلت
شفناها
حتى بالمشاريع الكبيره والي راعيها متكلف ملايين ومليارات ومع هالشي فيها فشل واضح ومو بس مشاريع الاشخاص

حتى شفناها بمشاريع الدوله والي الدوله ماتقصر تدفع فلوس طائله شوف بعض مشاريع الدوله ببعض المباني الحكوميه والمستشفيات و حتى بتصريف المياه و رصف وتعبيد الشوارع حفر الانفاق وبناء الجسور ووووو إلي من أول مطره تطلع العلوم هذا ودولنا ماهي ممطره دائما.

من كذا ما اعتقد إن السبب بالشباب إلي يدورون الرخص كثر ماهو خلل بمكاتب المقاولات بالمهندسين الموجودين فيها والجوده المواصفات بالمواد والعمل نفسه.
وبتطبيق نظام العقوبات الجزائيه بحق كل متهاون بحقوق الناس وارواحهم .

إختي ديور خذيها مني نصيحة

ما فيه مقاول أمين وكلامه ثقة .. أي كلمة تنقال لازم تكتب في عقد رسمي ولازم يتابعها استشاري فاهم ولازم المالك عندنا تكون ثقافته عالية

فيه مقاول تهمه سمعته ولازم يتمم شغله وتعهداته حسب القانون وفي حال شروط العقد تلزمه .. وفيه مقاول خبيث يشوف ثغرات العقد ويستغلها في أقرب وقت ولا تهمه سمعته لأن شغله محدود ولفترة محدودة

فيه دخلاء على الشغلة ومقاولين الكتلوج والسيارة وهؤلاء كثيرين لأن القوانين تساعدهم .. تحصلينهم يمرون يتصيدون للعملاء ويدورون على المواقع ويحطون بعد اعلاناتهم هناك .. أكثرهم سماسرة ويعرفون عمالة سائبة وممكن يجيبهم في وقت معين يشوفون ويسعرون وهو يحط عمولته ويناقش المالك ممكن في مبلغ وايد أكبر وهو كل شغله سمسرة

[معماري قطري]

المشاركة 71 هي أساس الموضوع وما نتمناه من جهات الدولة المختصة

وأكيد أوقات صياغتي للحلول تحتاج اسهاب وشرح مطول وأكيد لازم توجد أُمور ما قلتها والمفروض تترتب بطريقة مدروسة من كل الجوانب وتكون ملزمة للتطبيق لفائدة الجميع

[شموخ دائم]

,


,



مرحبا


تسلم اخوي معماري

موضوع قيم ومشاركات ممتازه أتمنى الدوله ولجنه المهندسين
تكون اكثر صرامه على مكاتب الاستشارييه وعلى شركات المقاولات
في الأخير الهدف
حمايه المواطن وحمايه مشاريع الدوله الخاصه والعامه
خاصه انها تقدر بالمليارات
وتحتاج تنظيم السوق وإيجاد جو مناسب لممارسه المهنه
كل الشكر للاخوان والاخوات

كل الشكر لك

,

,

[mr. abdulla]

معظم العقارات في قطر عبارة عن صناديق مشوهة لا تملك ادنى مستويات الفن الهندسي في كل النواحي ( التصميم الخارجي +عملية توزيع الغرف والخدمات بالفيلا بطريقة عشوائية

+ ردائة البلاستر و الصبغ والتمديدات صحية التي تتسرب وتراها بشكل بقع كبيرة على جدران الفيلا وسوء توزيع الاضاءات الكهربائية خارجيا وداخليا حتى تعتقد انك في مهرجان اضاءات) هذا عدا مئات الفلل المهجورة التي توقفت في مرحلة ما من البناء واصبحت ماوى للكلاب الضالة...وهذا يعطي فكرة للاجنبي عن تدني مستوى الذوق العام عندنا ... الاسباب عديدة ... واعتقد الحل يكمن في تدخل جميع الجهات المعنية في الامر .


اتفق معاك 1000%

[معماري قطري]

بالنسبة لمشاريع الدولة إخوي شموخ اللي يحصل هو

الدولة تتفق مع مكاتب كبيرة وغالبيتها دولية .. مثل سوديتيغ .. فرنسي .. وبارسونز وهو أمريكي ووايت يونغ أظن بريطاني وغيرهم مكاتب كثيرة وبعضها مؤسس في دول عربية مثل الاستشاريون العرب المصري واللي انقسم لعدة أقسام متبوع بإسم الوريث وعندنا في الدوحة وريثين يديرون فرعين مستقلين لهذا المكتب

تجي لأي مكتب منهم تحصله على الورق فيه عدد مهندسين مهول وبخبرات عالية جداً .. لكن في الحقيقة غالب المهندسين أما عندهم إقامة سارية المفعول للترخيص فقط وساكنين في بلادهم أو مرحلين لدولة ثانية فيها مشروع أهم .. الدولة الثانية اللي فيها مشروع أهم ممكن يكون في قطر مشروع أهم منه تحت إدارة هذا المكتب بس السلطة الهندسية هناك أقوى واللي عندنا للأسف يتفقون مع المكتب وبعدين اللي يمسكون المشروع مهندسين يتعلمون وخبرتهم بسيطة وهذا في اعتقادي سبب لكثير من المشاكل اللي نشوفها في المشاريع الحديثة

[معماري قطري]

بدينا نشوف بيوت فوقها دور ثالث .. غالبية هذي الأدوار تعتبر شكل وليست حقيقية وهي كتاج على رأس البيت ويجي بمنظر مغاير وفخم ويعكس جمالية غير طبيعية ومغايرة للتصاميم الدارجة

مستغرب من العقليات في التخطيط اللي تمنع الدور الثالث بالكامل مع إنه ممكن يستغل كدور منفصل لأحد الأبناء أو كما هو في الكويت شقة مستقلة بالكامل وتؤجر وحتى بعض البيوت فيها شقتين أو دورين شقق

طبعاً العملية التنظيمية والقانونية والتخطيطية كلها متداخلة ولا بد من اجتهادات ودراسات وحلول متكاملة بين كل هذي الجزئيات .. حتى الطرق والخدمات تحتاج ترقية وتعديل خصوصاً في المناطق الحضرية الحديثة .. نشوف كل شيء مؤقت وبدون تخطيط دائم وجيد يضمن حلول مناسبة ونشوف الحلول الترقيعية تتم بعدين وهذا خلل واضح في القائمين على التخطيط وتنفيذ المشاريع العامة

عندي اضافة لفكرة البيسمنت الخدمي واللي اشوفها ضرورية للبنيان الحديث وبتفكنا من أي خدمة على السطح حتى التكييف ممكن نحطه تحت محمي وسهلة صيانته وفي الظل وهذا اقتباس ونقل من موضوع آخر في منتدى البناء

" حبيت أناقش نقطة مهمة كلنا نشتكي منها في أوقات عديدة .. منها مع بداية الصيف ومثل هالأيام حرارة الماء ترتفع ولازم نشغل تكييف الماء .. وكذلك وقت الشتاء حتى لو تانكي السطح في غرفة يبرد كثير والصخان أوقات ما يلحق ويفقد الحرارة كثير لأنه في غرفة باردة

الحل المناسب في رأيي هو عمل غرفة تحت البيت قرب الأساسات .. مب بيسمنت كامل .. غرفة بمستوى الأساسات حتى الأساسات العادية تكون فيها مكشوفة وقد ما نقدر تكون وسطية لسهولة التمديد منها لكل دورات المياه والمطابخ

أوقات نحفر مترين للتأسيس ونرجع ندفن وندك ونسوي شغل على المدى الطويل يعتبر خسارة ولا تسهل الصيانة فلو حافظنا على هذا التجويف وسوينا خرسانات أرضية حاملة حتى نقدر نسويها خفيفة ونكثر الدعامات السفلية تحتها .. يعني يكون تحت دور كامل بإرتفاع صافي يوصل لمترين أو 1.8 متر وممكن نسوي له درج خدمات من الحوش نازل لتحت ومنور بسيط للنور الطبيعي

التانكي وتوابعه يكونون في غرفة تحت والبايبات ممددة مكشوفة معلقة في السقف نفس نظام بعض العمارات .. كذلك عندنا الصرف الصحي بدال ما ينزل على الحوش ينزل لأرضية الأساسات أو ينزل تحت سقف الأساسات ويطلع بايب واحد مباشر لجهة الصرف ونفتك من الوصلات المحيطة بالبيت .. سواء سوينا منهولات عادية أو نظام التمديد المباشر

طبعاً بتبقى عندنا مساحة كبيرة للتخزين ومن يرغب في مواقف سيارات ممكن بسهولة وبنقدر نسوي نظام تصريف المياه الجوفية أو مياه المطر النازلة لو تسربت ولا بنحتاج لجدران خرسانية الطابوق العادي المعزول كفاية

حتى تقدرون تلغون أي اتصال من البيت لهذا الطابق الخدمي ويكون الدخول من الحوش فقط أما للتخزين أو للصيانة ونقدر نعتبره فقط خدمي .. ونقدر كذلك نسوي جزء بيسمنت لو محتاجين وجزء خدمي بينهم باب نقدر نوصل ونشيك على اي شيء .. حتى لوحة توزيع الكيبل للتلفزيون ممكن تكون هناك ولوحة توزيع التلفونات وطبعاً مدخل الكهرباء الرئيسي يكون معلق عبر بايب مكشوف تحت سقف هذا البيسمنت الخدمي .. تمديدات الغاز كذلك نقدر نوصلها من تحت ويكون محمي ولو قريب منه كاشف تسرب الغازل .. حتى تجهيزات إنذار الحريق ولوحتها تكون سهلة صيانتها ومتابعتها هناك

بايبات الماء تكون ممددة في قنوات رأسية واصلة للحمامات لو احتجنا فكها وتغييرها سيكون سهل من الأسفل وضاغط المياه يوصلها لكل مكان بقوة وفعالية ولو فرضاً وهو نادر طفأ الكهرب نقدر نحط مولد صغير لعدد بسيط من الإضاءة وللمياه وممكن حتى لمكيف او مكيفين وممكن نستعمل نظام الطاقة الشمسية وقد بدأت تجهيزات لهذا النظام في الزروع حتى المكيفات تشتغل طول اليوم على الطاقة الشمسية وأجزاء من الليل

العملية بديت أفكر فيها جدياً مع إني ضد البيسمنت لكن بيسمنت خدمي ضروري حتى بدون أي تشطيب خرسانة عادية مكشوفة وأرضية إسمنتية "

[فنجان قهوة]

ملاحظة ارجو من الاخ معماري قطر يشرحها اذا ممكن ...لاحظت عدم وجود خزان ماء في الحوش في عدة دول خليجية مثل عمان والامارات و االسعودية .. في عمان يصل ماء الحكومة مباشر الى خزان السطح وهناك بيب خارج السور احتياطي في حالة استعمال التنكر وايضا يوصل للسطح مباشر ..في حين عندنا تانكي الماء في الحوش من الضروريات مع انه يشوه منظر الحوش وياخذ مساحة ممكن الاستفاده منها ... من الممكن في حالة الحاجة الى خزان احتياطي وضعه في السطح ايضا فمثلا الاساسي 600 جالون والاحتياطي 800 جالون للفلل المتوسطه فما دون ...الاحتياطي يعبئ الاساسي ثم يمتلئ اتوماتك ... حسب علمي السعوديه عندهم خزانات خراسانة تحت الارض وانا عملت نفس الشيء هو جيد ولكنه فيه بعض الملاحظات.

[يوسف0]

انزين معماري اذا ممكن افكار عن تهويه فالبيسمنت عن حرارة المكيفات ؟

فكره جميله شكرأ معماري

[معماري قطري]

انزين معماري اذا ممكن افكار عن تهويه فالبيسمنت عن حرارة المكيفات ؟

فكره جميله شكرأ معماري

لو سويت جزء مخصص للمكيفات أو حتى وزعتها على كم جزء تقدر تخليها في غرف ولها مروحة شفط أو تخليها معلقة في تحت الجسور الارضية وتدخل حايط البيسمنت جهة الداخل وبحيث تكون مفتوحة على الحوش من تحت .. كذلك نفس النظام اللي شفته كثير في أمريكا تكون على بسطة خرسانة وحولها زراعة ضمن الحديقة وما ننسى عندنا ارتدادات تكفي

في هذي الحالة بتكون حركة الغاز شبه أُفقية والمكيفات تشتغل براحتها وفي ظلال وتهوئة جيدة وتقدر تستغل السطح لأُمور ثانية أو لدور ثالث لو شغلوا التخطيط شوي مخهم وفكروا صح

حتى حركة الهواء الطبيعية تكفي لو سوينا فتحة من جهة وفتحة من جهة ثانية cross ventilation .. والفتحات مب ضروري تكون كبيرة وتكون مغطية بشبك عن الحشرات والقوارض والقطط .. وهذي الطريقة ناقشتها قبل مع مهندس تكييف مختص .. الغرف الصغيرة المغلقة صحيح تحتاج مراوح شفط مناسبة

[معماري قطري]

ملاحظة ارجو من الاخ معماري قطر يشرحها اذا ممكن ...لاحظت عدم وجود خزان ماء في الحوش في عدة دول خليجية مثل عمان والامارات و االسعودية .. في عمان يصل ماء الحكومة مباشر الى خزان السطح وهناك بيب خارج السور احتياطي في حالة استعمال التنكر وايضا يوصل للسطح مباشر ..في حين عندنا تانكي الماء في الحوش من الضروريات مع انه يشوه منظر الحوش وياخذ مساحة ممكن الاستفاده منها ... من الممكن في حالة الحاجة الى خزان احتياطي وضعه في السطح ايضا فمثلا الاساسي 600 جالون والاحتياطي 800 جالون للفلل المتوسطه فما دون ...الاحتياطي يعبئ الاساسي ثم يمتلئ اتوماتك ... حسب علمي السعوديه عندهم خزانات خراسانة تحت الارض وانا عملت نفس الشيء هو جيد ولكنه فيه بعض الملاحظات.

كنت افكر تقدر تفتك من خزان البيت الارضي وتخليه خزان واحد تحت البيت في بيسمنت الخدمات هذا حتى البايب بسهولة يتمدد له من الخارج .. انا مددت بايب حق حوض السباحة بطول حول 40 متر واستعملته مرتين لملء حوض 5 في 7 غي عمق متدرج من متر و20 الى متر و40 سم دنكرين خلصوا عليه

والبرشر يوصله لكافة البيت وحتى للزراعة تحتاج برشر للسبرنكلر وأنظمة الري الحديثة

[sweet qatar]

من الأمور الي تحرق القلب

ان العقود مهما كانت قيمتها بداية من عشرين الف الى قريب نص مليون

ومع اني احرص اني اتعامل مع شركات معروفة تكون مرتبطة بشخص واحد

لو قرر يطّلع من الشركة قبل لا يخلص شغلك

لازم ترجع من اول و جديد تشرح و توضح و تطلب

المفروض ملفي عندهم فيه كل الاشيا الي اخترتها او الأمور الي ناقشناها خصوصا التقنية

ليش مع كل واحد برجع اشرح و اختار وأحدد واكتشف اشيا عجيبة !

[sweet qatar]

اوكي عشان ما تكون مشاركاتي كلها تحلطم

بقدم بعض الحلول

1- ملف البيت مب بس للفواتير والأمور المالية حتى تفاصيل الاتفاق والتغييرات

2- بالنسبة لشغل تركيب البلاط والصبغ والجبس و غيره
ما يكفي انك تشوف بيوت اشتغلت فيها الشركة السامبل اهم شي
وتكون انت او شخص فاهم للعمال متواجد معاهم يعرف مستوى العمال من طريقة شغلهم
كلمهم وتأكد انهم مب تجميع جبره وسلامتكم :)

[معماري قطري]

من الأمور الي تحرق القلب

ان العقود مهما كانت قيمتها بداية من عشرين الف الى قريب نص مليون

ومع اني احرص اني اتعامل مع شركات معروفة تكون مرتبطة بشخص واحد

لو قرر يطّلع من الشركة قبل لا يخلص شغلك

لازم ترجع من اول و جديد تشرح و توضح و تطلب

المفروض ملفي عندهم فيه كل الاشيا الي اخترتها او الأمور الي ناقشناها خصوصا التقنية

ليش مع كل واحد برجع اشرح و اختار وأحدد واكتشف اشيا عجيبة !

انا في اتفاقاتي آخذ العقد معي ويكون واضح فيه كل شيء ومعاه العينة الموقعة ما يقدرون يلفون ويدورون

وأي اتفاق بعد توقيع مسؤول المبيعات لازم توقيع ومراجعة المدير .. المشكلة المتابعة ضرورية وتهلك الواحد لو ما كان فاضي وعنده شغلات كثيرة

الملف ضروري للي بيسوي أي مشروع ويبدأ بوضع أفكاره وخططه ومتابعتها في الملف حتى يتذكر كل خطوة ويعدل عليها لو احتاج

[معماري قطري]

اوكي عشان ما تكون مشاركاتي كلها تحلطم

بقدم بعض الحلول

1- ملف البيت مب بس للفواتير والأمور المالية حتى تفاصيل الاتفاق والتغييرات

2- بالنسبة لشغل تركيب البلاط والصبغ والجبس و غيره
ما يكفي انك تشوف بيوت اشتغلت فيها الشركة السامبل اهم شي
وتكون انت او شخص فاهم للعمال متواجد معاهم يعرف مستوى العمال من طريقة شغلهم
كلمهم وتأكد انهم مب تجميع جبره وسلامتكم :)

شاكر لج مداخلاتج القيمة وهذي الحلول الواقعية

اللي تمنيته الحلول تنفرض من الدولة وجهاتها المختصة والدولة أكبر المتضررين من عملية البناء ورداءة التنفيذ .. أرصفتنا أقرب مثال حتى الحديثة اللي لها سنتين بعضها بارزة وتخرطف الواحد والمادة قرانيت غالي لكن التركيب سيء جداً .. ما يعرفون طريقة غير فرش الرمل والتركيب عليه .. الرمل بروحه ناعم ويتحرك وتغوص فيه الأرجل سهل تغوص فيه قطعة البلاط .. والرمل حتى يقوى ويستوي كتلة يابسة يحتاج شوية اسمنت حتى بنسبة 1 الى 4 يكفي .. يعني شيول اسمنت و 4 شياول رمل مع شوية ماي تستوي خلطة اسمنتية مناسبة حق تنفرش تحت البلاط ويتركب عليها

عندنا ما اقول القوانين ناقصة وركيكة .. أقول حتى أُصول الصنعة مفقودة لأن العمال المهرة والصنايعية مفقودين .. والموجودين ما تنفرض عليهم أُصول واجب يتبعونها وكل واحد يسوي نفسه هو الصح وطريقته الصحيحة وهو كل همه إنجاز العمل بسرعة وبأقل مجهود واستلام أجره والذهاب لضحية ثانية واللوم بعد ألقيه على المسؤولين والقوانين

[sweet qatar]

العفو استاذي

يبيلنا رخصة عماله

اختبار مب مؤهل دراسي

[معماري قطري]

العفو استاذي

يبيلنا رخصة عماله

اختبار مب مؤهل دراسي

هذا اللي صاير في الدول الناجحة .. إختبار وترخيص ومراقبة صارمة للمشاريع اللي تنفذ ولو حصلوا تجاوز أو خلل يكون العقاب قوي

نبغي حد أقلها يسمع شكوانا ويرسل مختص يتحقق من الأمر ويفصل في حالة الخصام بالعدل .. يجيني نجار يركب فريم حق باب بدون ما يعدل وزنيته وكل عذره إن الحايط أو فتحة الباب غير متوازية هذا معروف إن نجار ثاني ممكن يصلح هذا الخلل بسهولة بقطع خشبية تعدل استواء قطع الفريم العمودية والأُفقية بدون أي ميلان

نفس الشيء مقاول تعيس بيسوي حائط مايل ومقوس وبيحط لي مونة قليلة بعد فترة بتبين شلوخ مزعجة وكارثية .. لكن لو وجد هذا المكتب الرقابي من الدولة وكان موثق العقد وحافظ نسخة منه وهذا شيء معروف إنه من صلب صنعة البناء .. لو وجد هذا المكتب وباتصال تلفوني يجي مهندس عنده ميزة الضبط القضائي ويقرر إن الحائط ينفك ويعاد بناؤه كل مقاول بيلتزم

هذا المكتب يكون ماسك مبلغ عن ترخيص المقاولين ومن حقه يحاسب المهندس الاستشاري المقصر .. بهذي الطريقة بنضمن شغل مقبول وجيد والجميع مرتاح

ببساطة وقت الصب لو المالك ما حصل المهندس مخيمر يتابع وبلغ عنه يستوي اثبات حالة سريع ويحاسب مخيمر وبيستوي كل مخيمر يعرف إن وراه حساب وعقاب ولازم يؤدي واجبه على أتم وجه

ليش انا اكتب وانصح واتابع؟

يعلم الله نيتي الأُولى هي الارتقاء بعملية البناء والمحافظة على حلال قطر وأهل قطر وهذا همي الأول

[معماري قطري]

كانت عندنا في السابق مدارس مهنية تخرج متخصصين حتى في مهنة السباكة

وألحين بسهولة ممكن تدريب اي مختصين حتى المهندسين يحتاجون هذي الدورات لمعرفة كيفية تنفيذ بعض الأعمال والاشراف عليها مع التطوير واستخدام التكنولوجيا والطرق الحديثة دوم

وصلات البايبات البي بي ار .. فيه رديئة وصينية وغير مناسبة وتخترب سرعة وفيه أصلية وصناعة راقية وسعرها أعلى من الرديئة والمقاول يستخسر حتى الريال في المالك .. والدولة فاتحة استيراد ما هب ودب من مواد البنيان اللي ما تسوى شحنها لقطر .. ومختبراتنا جاهزة للفحص بس الآلية وآلية المنع مفقودة

كذلك لهذي الوصلات طريقة تركيب معتمدة يجب أن تتبع ولازم يتعلمونها ويتقنونها العمال لذلك ضرورة المدارس المهنية هذه أو حتى معاهد أو فصول صغيرة مستقلة لكن بإشراف حكومي وهي تعطي رخصة مزاولة هذه الطريقة في هذا المجال

[sweet qatar]

الله يجزاك خير اخوي معماري
ويآجرك على النية الطيبة و جهودك في هالمجال


للأسف ان السوق مليان بضايع صينية بتغليف دول أوروبا
ليش ما يقدمونها على انها بضايع صينية كواليتي عالي

من قبل الحصار صعب تحصل مواد التشطيب الي في بالك
ما تلقى الا الاستاندرد و نفس الديزاين في كل المحلات

[معماري قطري]

الله يجزاك خير اخوي معماري
ويآجرك على النية الطيبة و جهودك في هالمجال


للأسف ان السوق مليان بضايع صينية بتغليف دول أوروبا
ليش ما يقدمونها على انها بضايع صينية كواليتي عالي

من قبل الحصار صعب تحصل مواد التشطيب الي في بالك
ما تلقى الا الاستاندرد و نفس الديزاين في كل المحلات

والله يجزاج بما دعيتي ويوفقج إنتي كذلك مهتمة وأعتقد الكثيرين

مشاريع كثيرة كلفت ملايين في فترة التخطيط وخذت وقتها بعشرات السنين ولجان وسفرات وفي النهاية تنفذت وخدمت فترة بسيطة

أذكر على سبيل المثال مشروع ميدان رماية لوسيل .. كان تخصصي ومشروع كبير وصعب وحاولنا جاهدين مراجعة الاستشاري العالمي المصمم للمشروع وعلى فترة طويلة .. لا أنكر استفادتي الكبيرة لكن أذكر كان المشروع فيه اضافات ومراحل لاحقة لم تنفذ أعتقد للآن .. ومن فترة طويلة التقيت أحد المسؤولين عن اتحاد الرماية وسئلت عن المباني والميادين والآلات .. تفاجأت بأن ما كنا نخشاه وحذرنا منه حصل وهو كثرة الأعطال بسبب الغبار الكثير ودرجة الحرارة العالية تسبب اهتراء بعض المصدات الخشبية .. الصيانة مكلفة ولا يوجد فريق صيانة جيد ومؤهل لهذا الصرح الكبير

كان في المشروع تشجير وفندق ومرافق لا أذكرها حتى التشجير انعمل على خفيف وليس مصدات رياح متكاملة

هل تمت مناقشة هذه الأُمور نقاش هندسي لتفاديها مستقبلاً؟ لا أعتقد أُسوةً بكثير من المشاريع تنفذ برؤية معينة وتصميم قد لا يناسب بيئتنا وجونا ثم نتورط بالصيانة المكلفة أو يبدو المشروع غير قابل للتشغيل وكبير علينا

[Dana’1]

النصيحة ادفع اشوي أغلى عشان ترتاح وما تتلعوز مع شركة متواضعة.

صدقني هنا بالذات ماله علاقه بالدفع أبدا أبدا... تدفع كثير أو متوسط أو قليل المشكله بالي يشتغل غالبا مو بالمواد الي انت اختارتها بجوده عاليه أو حتى شغل يده بتكلفه عاليه!!
هالشي مو بس مع الأفراد .... حتى مشاريع الدوله تكلف مبالغ وقدها ونفس المشروع ممكن يكون بغير دوله بأقل تكلفه وأكثر جوده منه





*******
أخوي معماري قطر
ممكن أكون ذكرت أغلاطهم التافهه وما يبغالها موهبه كبيره أوسرعة بديه منهم ...
عشان نعرف مستوى تدريب وحرفية العماله لو عماله متوسطه إلى متدنيه ما تغلط مثل هالغلطات الي صارت ... لكن اتوقع حتى ماهم مدربين أبدا لا تدريب متوسط ولا شي
ورغم إنها بسيطه صدقني تعديلها مكلف.. مكلف بالمال والوقت والإزعاج الي يحصل لأهل البيت .

استفسار
قد تعاملت مع كوريين ؟ إيش رايك بالعماله الكوريه؟!

[معماري قطري]

لا والله يا اختي ما تعاملت بس كان لي صديق كوري في بداية دراستي لا هو يتكلم إنجليزي عدل ولا انا ولا ادري شلون كنا متفاهمين وكان طالب تعيس كل تفكيره في اللعبة وبس .. وبعد فترة تعرفت على كوري ثاني كان قمة في الأخلاق والاجتهاد .. ياخذ بالعشرين ساعة مب مثلنا وكان يساعدني وايد في بعض المواد الصعبة

الكوريين والآسيويين عموماً شعوب شغل واجتهاد وأذكر الشيراتون أو البريد أحدهم بنته شركة كورية باتفاق مباشر مع الحكومة بدون وسيط والثاني شركة هندية

العمالة دوم تحكمها القوانين والتراخيص وكلها لازم لها اختبارات واختيار وادارة .. حتى المصريين جبارين لكن عندنا يجيبونهم ويتركونهم بدون متابعة ولا عليهم حساب وعقاب لو قصروا .. العيب ببساطة في النظام والقوانين

[معماري قطري]

في إحدى سفراتي الدراسية في الأُردن سكنت في بناية جنبها بناية تنبني وطريقتهم معروفة في البناء وهي صف الطابوق مع الحجر والعازل بنفس الوقت وصب المونة خلفه .. كانوا كل كم يوم يخلصون دور ومعاهم فورمان مشرف وهو اللي يحركهم وهناك شغلهم يتحاسبون عليه بشكثر أنجزوا وأي واحد يقصر ينعطى حقه وينطرد ويستبدل بسرعة لأن العمالة كثيرة وشخصية

خلال أعتقد 3 شهور العمارة بدت تتشطب ويخلصون الأدوار من تحت لفوق

[معماري قطري]

ما يتحاسبون باليومية قصدي بكمية الانجاز .. مثلاً عامل الطابوق كم طابوقة ركب ولازم بطريقة محددة ومواصفات محددة .. أول بلاد أشوف فيها المصري يسوي طابوق بمونة واضحة تبين مب عندنا خط وأحيانا ولا شيء

واعتقد المشرف يامرهم بازالة اللي ركبوه لو ركبوه غلط ويغرمهم وأي مشكلة تستوي المصري يتورط لا حقوق انسان ولا غيره

تركيب الحجر عندهم غالي وسمعت إنه مقارب للسعر عندنا والله أعلم

[محمد عبدالرحمن]

يمكن مؤرق للكثيرين واللي هو إجراءات البناء والإتفاق والتصميم والإشراف وما يدخل فيها كلها من تجاوزات وغش واضح

باذكر نماذج كثيرة وباناقش الحلول الممكنة ونقاط الضعف وين

عندنا لجنة ترخيص وتقييد المهندسين هذي تابعة للبلدية أو بالأخص للتطوير العمراني

عندنا ترخيص المقاولين وهذي للتجارة على ما اعتقد وللبلدية تدخل في تصنيف المقاولين

كذلك عندنا جهات حكومية كثيرة منها لجنة معادلة الشهادات ومنها المكتب الهندسي الخاص ومنها جميع الوزارات اللي فيها مهندسين أو عمال أو فنيين في مجالات الهندسة الكثيرة .. وباركز أكثر على المقاولين وعلى المكاتب الاستشارية والمهندسين من خلال رؤيتي المتواضعة

ما أنسى كذلك اجراءات التقاضي والمحاكم اللي القطري صعب يطلع له حق فيها

إن شاء الله أواصل برواقة مع الصباح غداً

أخي الكريم معماري قطري،

بالفعل موضوع مهم لمن تهمه جودة قواعد البنية التحتية لتتقدم البلاد بوتيرة الدول التي بدأت تسلك وتيرة التطور بمستوى عالمي.

باختصار، كل قوم يُعرفون بمنهاج يخصهم، على سبيل المثال، الألمان معروفون بالدقة الصارمة في المواقيت والهندسة الثقيلة، أما عن الإجراءات المعيقة والقوانين التي تعرقل الوضع الطبيعي لأي بلد يريد بالفعل التطور، فانظر لأي قوم سُلمت لهم مهام وضع الإجراءات والقوانين تلك، وانظر ماذا عُرف عن الكثير ، وليس الكل، لذلك القوم.

مرة أخرى...إلى وزارة العمل مع التحية.

[مالي عذر منك]

والله فيه ناس وايد
تبي ترجع على نظام الاسكان القديم
المواطن مستفيد ومرتاح
والدولة موفرة
واللي مايبي بامكانه
يختار استشاريه ومقاوله
ويصمم وينفذ بطريقته
لكن مادري ليش الدولة مصره
على النظام الحالي