كتابة كلمة حرب على السيارات الخليجية في لندن

[nooora]

بسم الله الرحمن الرحيم



تناقلت وسائل التواصل الاجتماعي مقطع فيديو لاعتداء على سيارات خليجية في العاصمة البريطانية لندن و كتب كلمة War على السيارات بدهان اسود اللون.

[naklan]

خطوة جيدة لوقف الهياط والمرض النفسي
لحثالة الحكومات الخليجية

[معماري قطري]

خطوة جيدة لوقف الهياط والمرض النفسي
لحثالة الحكومات الخليجية

والله يا اخوي اختلف معاك

هذا اعتداء على الخليجي .. بعضهم الله يزيدهم من نعمته ياخذون سياراتهم من دولهم هناك لسهولة قيادتها وحتى لسهولة شحنها .. ولو تحسبها لو بيشتري سيارة هناك تطلع عليه أغلى

صج سوالف التحفيص والاستعراض في دولة قانون مثل بريطانيا ما نرضى بها لكن نطلب الحماية لكل عيال الخليج هناك ولازم تكون لنا وقفة قوية ولحكوماتنا .. هم كثير الله مغنيهم وبيننا هنا يشترون أحلى السيارات وبعضهم يستعرضون بها ومحميين بالقانون

والهيلق اللي ضدهم حقدة عرب غالبيتهم حاقدين على كل صاحب نعمة

يذكر لي أحد الإخوان المتدينين والملتحين بأنه التقى شخص عربي يبين عليه التقى والدين وعزمه على فنجان قهوة في لوبي الفندق وسجل الفاتورة على الغرفة ووقع .. يذكر بعد تدقيق فاتورة غرفته اكتشف طلبات كثيرة على رقم الغرفة والتوقيع غير وبعد التفكير تذكر هذا العربي وكان يسرق الفندق برقم غرفته ورفض الدفع وتم تسوية الأمر والمفروض الفندق فيه كاميرات ويكشفون من السارق ويعممون عليه

[معماري قطري]

انت يا اخوي نكلان سرقوا حلالك بني وزار سود الله وجوههم فلازم تحس بحلال طلاب وبعضهم لديهم عقار ولديهم بزنس في لندن الله يزيدهم ويرزقهم ويكونون بحدود القانون

[ابوالعبد]

ليش يودون مواتر غاليه للخارج والله يفتحون العيون عليهم

[naklan]

انت يا اخوي نكلان سرقوا حلالك بني وزار سود الله وجوههم فلازم تحس بحلال طلاب وبعضهم لديهم عقار ولديهم بزنس في لندن الله يزيدهم ويرزقهم ويكونون بحدود القانون

هههههه اخوي معماري أنا ما اقصد الطلاب ولا اقصد من يقيم هناك
اقصد الي يصفون سياراتهم عند هارولدز يودي السيارة شهر فقط في الصيف
ويزعج العالم وما يروح سياحة ولأي شوف شي يدور على الهايد بارك
وعند هارولدز وشوفوني حتى بعضهم ماجر سيارة في لندن
ويسوي ارقام بلاستيك قطرية ويلصقهم على السيارة
في اختراق للقانون هذولا غير مأسوف عليهم
اما الناس الي في دورة أو طلاب
فلا باس

تحياتي مدير كبير

[راجي الْعفو]

من سوى نفسه سبوس....

[البيروني]

ليش التعميم و القول خليجيه
القطريين و العمانيين و الكويتيين وين ما راحوا موضع ترحيب بأكثر الشعوب و الدول
يمكن المقصود سيارات امارتية و سعودية

[بوخالد911]

الشخص المعتدي طلع جزائري
حاقد
ادفعوا له ناس عشان يسوي هالحركة

بس الحين قاطينه بالسجن

يستاهل ما جاه.

[ضليع التبريد]

من حقهم ياخذون الي يبون .. سيارة ولا غيرها

الله عطاهم وهاذي حريه شخصيه،، المهم كل إنسان يلتزم بدينه وعادات أهله وديرته.

وكل ذو نعمه محسود

والعرب في لندن غالبيتهم حاسد وحاقد ونصاب على أهل الخليج..أكرر وكل ذو نعمه محسود!!

والي الله رازقه الله يسعده ويزيده ويحميه ويتذكر ربه ودينه ولا يعطي للداشرين في لندن او غيرها فرصه عليه!!

اللهم زِد وبارك على عبادك المؤمنين الصالحين..

"والرزق من الله"

نعوذ بالله من شر حاسدٍ اذا حسد