تعب بعد الرقيه

[partyQtr]

صبحكم الله بالخير اخواني وخواتي

هاي كان موضوع لي سابق

http://www.qatarshares.com/vb/showthread.php?631270-اخواني-وخواتي-ساعدوني-ربي-يجزيكم-الجنه

وهاي تعديل (رد)


ربي يجزاكم خير
زادت معاي الحاله لما وقت ملجتي قرب خصوصا قبل الملجه بيومين خوفوقلق وتوتر ومااقدر انا واصيح ومالي مزاج ولى خاطر لاي شيء

اضطريت اروح لدكتور في الأهلي عطاني حبوب خففت عني والمفروض استعملها شهر بس قطعتها عقب ثلاث أيام ومتى ماجاتني الحاله خذتها

الحين صارلي يومين احس بهبوط في جسمي كله وعدم توزان ونفس الرعشه في جسمي وتنميل وراسي ثقيل وخمول وملل وضيقه وقلبي مقبوض

واحس بحرارة في كل جسمي وماادري شااسوي والله



حاليا صرت احسن الحمدالله بس تتكرر معاي الحالة بين فترة وفتره ضيقه وحرارة في جسمي واحس قلبي مقبوض

بس اقدر كنت اسيطر على نفسي واشويات واصير اوكي الحين صارلي أسبوعين تقريبا او ثلاث اروح عند مطوع

عقب الرقيه بيوم او يومين احس بضيقه وقلبي مقبوض وتعب ماادري هالشئ عادي

ابي اعرف هالاعراض نفسيه ولى روحيه

ولو الاعراض نفسيه علاج الرقيه يكفيني صح

ياليت اللي له خبره وتجارب يفيدني ، خصوصا انه زواجي قريب ووايد خايفه

[ضوى]

بس عرفنا السبب

هذي كله توتر من قرب موعد الزواج وهالشي وايد طبيعي مع واحدة مثل شخصيتج تفكر وايد وتحط اسباب وهمية لكل شي

توكلي على الهل مافيج الا العافية والرقية زينة تفيد ماتضر

[partyQtr]

بس عرفنا السبب

هذي كله توتر من قرب موعد الزواج وهالشي وايد طبيعي مع واحدة مثل شخصيتج تفكر وايد وتحط اسباب وهمية لكل شي

توكلي على الهل مافيج الا العافية والرقية زينة تفيد ماتضر

ان شاءالله ، تسلمين حبيبتي

[ya3coub]

زادت معاي الحاله لما وقت ملجتي قرب

اذا عرف السبب بطل العجب أختي اذا مو مرتاحه استخيري و بلغي اهلج و الغيه.

و اذا فقط خوف من المستقبل الي حفظج بكيس ماي فبطن امج لأشهر و انتي غرقانه و حفظج انج تطلعين للحياة و تكبرين إلى هالعمر بيتوصى فيج اذا وكلتي امرج له سبحانه و تعالى.


توكلي على الله و ان شاء الله خير يا رب العالمين

و بلا حبوب و بلا اي شي ثاني.

اهم شي اشعه و اذا تستخدمين الجوال كثير حاولي ترفعين يدج للأسف عندي الحين دسك ثالث توه مكتشفينه برقبتي و السبب يقولون الجوال فهاي نصيحه توه ناس وايد قام يصيدهم دسك الرقبه و له نفس الأعراض بحكم انه يضغط عالأعصاب

[رجل تعليم]

أسأل الله رب العرش العظيم ان يشفيك
بإذن الله حالة وستزول إن شاء الله

[partyQtr]

نسيت أقول لكم انه فيني قولون عصبي واقل شيء صار يقلقني ويوترني طول اليوم احس يرجفه في جسمي

وتشنج في عضلات ريولي

[راجي الْعفو]

مب انت اول وحدة تتزوجين ولا اخر وحده

وهذول هم الحريم حولج متزوجين و عليهم عيال وعايشين حياتهم طبيعية

فالخوف هذا امر ما لها داعي اصلا

واستمري في الرقية الشرعي

والتفكير الكثير يؤثر على القولون فاقطعي التفكير و توكلي على ربج

والزواج أمر حلال و الله يبارك في الحلال فما يحتاج كل هالتفكير

[partyQtr]

الخوف مب من الزواج

ماادري فجأه صرت جي دوم قلبي مقبوض ورجولي متشنجه ويدي اليسار ثقيله


انزين الحجامه تفيد في حالتي ؟

[aloosh]

ارسلت لك تجربتي في الخاص

[أبورودي]

انصحك بأستشارة طبيب نفسي

[بريق الحق]

ولا طبيب نفسي ولا شي
خلج قويه واستقوي بالله سبحانه وتعالى
الانس والجن خلق الله
توكلي على الله والله يوفقج يارب

[partyQtr]

اللي يقولون لي روحي عند دكتور نفسي وين هالدكتور اللي بيسمع مني الدكاتره النفسيين على طول يكتبون أدوية وحبوب والمشكله كلها أشياء قويه وانا ورأي زواج

[sweet qatar]

استمري على الرقية

ولو في شي لا سمح الله عين ولا مَس ما بيضرج طول ما انتي محصنة نفسج بالاذكار والرقية

الله يوفقج

[qatari911]

اللي يقولون لي روحي عند دكتور نفسي وين هالدكتور اللي بيسمع مني الدكاتره النفسيين على طول يكتبون أدوية وحبوب والمشكله كلها أشياء قويه وانا ورأي زواج

مو محتاجه طبيب نفسي
روحي للاستشارات العائلية عند الدكتوره هاديه انسان فاهمه صح وبتساعدك ان شاء الله
وتطمني مايطلبون منج لا اسمك ولا بطاقتك احطي اي اسم ولا حد بيعرف شي
الله يسهل لك امورك

[Chanel]

أختي روحي لدكتور محمد زبيب ممتاز ويسمع للمريض ويهتم بالتفاصيل وان شاء الله تستفيدين بس على فكره هو دايما يسافر ففرصه لو تروحين بكره الصباح هو موجود بكره مايداوم المساء انصح فيه

[ya3coub]

اللي يقولون لي روحي عند دكتور نفسي وين هالدكتور اللي بيسمع مني الدكاتره النفسيين على طول يكتبون أدوية وحبوب والمشكله كلها أشياء قويه وانا ورأي زواج

نصيحه ابتعدي عن الطبيب النفسي عن نفسي 3 دكاتره مشخصيني فإكتئاب حاد و عندي حبوب بس ما اخذهم ولا عليج منهم الرقية و اريدي ردي قبل واضح

استخيري طالما هالشي متعبج اذا ما تبين تتزوجين بلغي اهلج و اذا خايفه لا تخافين طالما مافي اي سبب توكلي على الله و احسني الظن فيه و ما بيخيب ظنونج بإذن الله تعالى

[ولد العرب]

ولا طبيب نفسي ولا شي
خلج قويه واستقوي بالله سبحانه وتعالى
الانس والجن خلق الله
توكلي على الله والله يوفقج يارب
:ok: كلامك ميه ميه

[partyQtr]

ماقصرتو عالردود وربي يقويني ويشفيني ويعافيني

[لما]

شوفي سبحان الله محد يحس بالنار الا واطيها واللي يقولون كل الناس متزوجين طيب يعني ماتجيها عين مثلا هذي أعراض عين وعن تجربه مشابهه عليك بالرقيه وقراءة سوره البقرة يوميا ووالنفث على الجسم بعد القراءة وعلى الماء والشرب والسباحه منه بهد خلطه بالماء وتكرار الرقيه صباحا ومساء والمحافظه على الصلوات والأذكار والوضوء بشكل دائم على اَي حال والله يشفيك ويسعدك

[معماري قطري]

الله يشفيج ويوفقج في حياتج وزواجج