المساعد الشخصي الرقمي

مشاهدة النسخة كاملة : ما هو أفضل Timer حق ليتات الحوش؟


بوخالد911
28-03-2018, 11:28 PM
هلا بكم

ودي تفيدوني ومن واقع تجربتكم الطيبة
ما هو أفضل تايمر لتشغيل ليتات الحوش؟
اسمه ورقمه

اللي عندي موقته يشغل الليتات ع الساعة 6 مساءً ويطفيهم 12 ليلاً
بس حزات الليتات ما يشتغلون !!

أنتظر مداخلاتكم الكريمة ككرم أصحابها. :app2:
المحتار20
28-03-2018, 11:58 PM
السلام عليكم لازم تثبت التوقيت الساعه صح
بوخالد911
29-03-2018, 12:04 AM
السلام عليكم لازم تثبت التوقيت الساعه صح

وعليكم السلام والرحمة.

مثبت التوقيت بشكل صح.
$الملياردير$
29-03-2018, 03:38 PM
هلا اخوي بوخالد اللي عرفته انه هايجر فرنسي الصنع موجود اتوماتيك و عادي والكهربائي يقول العادي أحسن هذا والعلم عند الله .... تم التركيب ولَم يتم التشغيل لحد الان ... بس حبيت أشارك بمعلومة
بوخالد911
30-03-2018, 07:57 AM
هلا اخوي بوخالد اللي عرفته انه هايجر فرنسي الصنع موجود اتوماتيك و عادي والكهربائي يقول العادي أحسن هذا والعلم عند الله .... تم التركيب ولَم يتم التشغيل لحد الان ... بس حبيت أشارك بمعلومة

تسلم اخوي للمعلومة

لا هنت.
الســـهم
01-04-2018, 08:46 AM
هلا بكم

ودي تفيدوني ومن واقع تجربتكم الطيبة
ما هو أفضل تايمر لتشغيل ليتات الحوش؟
اسمه ورقمه

اللي عندي موقته يشغل الليتات ع الساعة 6 مساءً ويطفيهم 12 ليلاً
بس حزات الليتات ما يشتغلون !!

أنتظر مداخلاتكم الكريمة ككرم أصحابها. :app2:

السلام عليكم ورحمة الله وبركاته اخوي بوخالد ..

ايش لك بوجع الراس مع التايمر اليدوي، كل كم شهر تعال وعدل التوقيت فارق نص ساعة ولا ساعة وكواليتي تعبان ..

ريح راسك وركب تايمر اوتوماتيك (سنسر خارجي)، يشغل الليتات بعد غروب الشمس ويطفيها بعد شروق الشمس، حاليا مركبهم في فيلتي اكثر من سنتين ومرتاح جدا، كانت عندي مشكلة مع سنسر السور، وطلعت الطريقة اللي ركبت فيها السنسر غلط، وبعد حل هالمشكلة كل شي ضبط ولله الحمد ..

متوفر منه عدة ماركات وصناعات، انا ركبت ألماني ماركة (شنايدر) وخذته من الوكيل في بروة الوكرة وركبه لي الكهربائي اللي اشتغل معاه، وفيه فرنسي ماركة (هاقر) عند العمودي في بروة الوكرة، ركبه رفيجي من عندهم وهم جابوا له كهربائي يعرف الشغلة ورفيجي دفع تكلفة التركيب ..

فيه شركة اسمها (هندسة الكهرباء) موجودة في بروة الوكرة أيضا، راعي الحلال باكستاني اسمه (عمر) خوش رجال ونصوح، تقدر تمر عليه وهو يرتب لك كل شي والصراحة فاهم الشغلة صح ماشاء الله عليه ..

اذا محتاج اي مساعدة او اي تفاصيل اكثر انا فالخدمة ..
بوخالد911
07-04-2018, 09:35 AM
السلام عليكم ورحمة الله وبركاته اخوي بوخالد ..

ايش لك بوجع الراس مع التايمر اليدوي، كل كم شهر تعال وعدل التوقيت فارق نص ساعة ولا ساعة وكواليتي تعبان ..

ريح راسك وركب تايمر اوتوماتيك (سنسر خارجي)، يشغل الليتات بعد غروب الشمس ويطفيها بعد شروق الشمس، حاليا مركبهم في فيلتي اكثر من سنتين ومرتاح جدا، كانت عندي مشكلة مع سنسر السور، وطلعت الطريقة اللي ركبت فيها السنسر غلط، وبعد حل هالمشكلة كل شي ضبط ولله الحمد ..

متوفر منه عدة ماركات وصناعات، انا ركبت ألماني ماركة (شنايدر) وخذته من الوكيل في بروة الوكرة وركبه لي الكهربائي اللي اشتغل معاه، وفيه فرنسي ماركة (هاقر) عند العمودي في بروة الوكرة، ركبه رفيجي من عندهم وهم جابوا له كهربائي يعرف الشغلة ورفيجي دفع تكلفة التركيب ..

فيه شركة اسمها (هندسة الكهرباء) موجودة في بروة الوكرة أيضا، راعي الحلال باكستاني اسمه (عمر) خوش رجال ونصوح، تقدر تمر عليه وهو يرتب لك كل شي والصراحة فاهم الشغلة صح ماشاء الله عليه ..

اذا محتاج اي مساعدة او اي تفاصيل اكثر انا فالخدمة ..

رحم الله والديك
ما قصرت
معماري قطري
08-04-2018, 04:43 PM
بو خالد خلك على النظام اليدوي أفضل حتى تطفي الليتات مع آخر واحد يدخل البيت وممكن تترك نور بسيط

حتى ما تزعج الطيور وينامون زين
بوخالد911
10-04-2018, 12:23 AM
بو خالد خلك على النظام اليدوي أفضل حتى تطفي الليتات مع آخر واحد يدخل البيت وممكن تترك نور بسيط

حتى ما تزعج الطيور وينامون زين

تسلم يا بش مهندس.

وأهم شي الطيور ما نزعجهم.
:)
بعيد النظر
10-04-2018, 07:33 AM
ما شاء الله حلول متقدمة عند الربع فوق ..


انا مركب تايمر فـالديبي مال الكهربا ..
شريته ب 130 ريال وركبه لي فني في ربع ساعة ..
وشغال حلاوة
eXpert*
10-04-2018, 09:28 AM
عندي الياباني اليدوي ويوم يشتغل ويوم مادري شيصير فيه ..

الحين افتش على الكتروني أدق وأفضل .

السنسر ما عجبني لأن حرام أتم الليتات شغالة طول الليل لحد شروق الشمس وأنا مب محتاجها .
معماري قطري
10-04-2018, 03:49 PM
تسلم يا بش مهندس.

وأهم شي الطيور ما نزعجهم.
:)

انا الله يسلمك امشي أوقات تحت الشجر واسمع خرخشتهم لين تحركوا وطاروا واستويت امشي بعيد وابند الليتات سرعة ليزعلون .. كفاية يقومون من فجر وراهم دوام
معماري قطري
10-04-2018, 03:52 PM
عندي الياباني اليدوي ويوم يشتغل ويوم مادري شيصير فيه ..

الحين افتش على الكتروني أدق وأفضل .

السنسر ما عجبني لأن حرام أتم الليتات شغالة طول الليل لحد شروق الشمس وأنا مب محتاجها .

أحسن حل تخلي السويجات كلها قريبة من مدخل البيت وتبند الليتات يدوي .. لكن تحتاج تايمر حق ليت معين أو عدة ليتات يولعون وقت السفر تمويه لحد يشوف البيت مظلم يعرف إن اللي فيه مسافرين ويجي يسرق
معماري قطري
10-04-2018, 03:56 PM
شوف الطيور شلون مرتاحين والسايق يحط لهم بقايا العيش والخبز مع ماي يومياً فوق غرفة الكهرباء علشان القطاوة ما يوصلونهم


https://www.youtube.com/watch?v=SBEXwT9t8Ow
رحال
10-04-2018, 04:20 PM
التايمر

مشكلته بسرعه يخترب
بوخالد911
11-04-2018, 10:32 PM
السلام عليكم ورحمة الله وبركاته اخوي بوخالد ..

ايش لك بوجع الراس مع التايمر اليدوي، كل كم شهر تعال وعدل التوقيت فارق نص ساعة ولا ساعة وكواليتي تعبان ..

ريح راسك وركب تايمر اوتوماتيك (سنسر خارجي)، يشغل الليتات بعد غروب الشمس ويطفيها بعد شروق الشمس، حاليا مركبهم في فيلتي اكثر من سنتين ومرتاح جدا، كانت عندي مشكلة مع سنسر السور، وطلعت الطريقة اللي ركبت فيها السنسر غلط، وبعد حل هالمشكلة كل شي ضبط ولله الحمد ..

متوفر منه عدة ماركات وصناعات، انا ركبت ألماني ماركة (شنايدر) وخذته من الوكيل في بروة الوكرة وركبه لي الكهربائي اللي اشتغل معاه، وفيه فرنسي ماركة (هاقر) عند العمودي في بروة الوكرة، ركبه رفيجي من عندهم وهم جابوا له كهربائي يعرف الشغلة ورفيجي دفع تكلفة التركيب ..

فيه شركة اسمها (هندسة الكهرباء) موجودة في بروة الوكرة أيضا، راعي الحلال باكستاني اسمه (عمر) خوش رجال ونصوح، تقدر تمر عليه وهو يرتب لك كل شي والصراحة فاهم الشغلة صح ماشاء الله عليه ..

اذا محتاج اي مساعدة او اي تفاصيل اكثر انا فالخدمة ..

هلا بك

ممكن تشوف الخاص.
لا هنت
بوخالد911
11-04-2018, 10:33 PM
ما شاء الله حلول متقدمة عند الربع فوق ..


انا مركب تايمر فـالديبي مال الكهربا ..
شريته ب 130 ريال وركبه لي فني في ربع ساعة ..
وشغال حلاوة

طيب
اسم التايمر
لا هنت.
بوخالد911
17-04-2018, 11:21 PM
السلام عليكم ورحمة الله وبركاته اخوي بوخالد ..

ايش لك بوجع الراس مع التايمر اليدوي، كل كم شهر تعال وعدل التوقيت فارق نص ساعة ولا ساعة وكواليتي تعبان ..

ريح راسك وركب تايمر اوتوماتيك (سنسر خارجي)، يشغل الليتات بعد غروب الشمس ويطفيها بعد شروق الشمس، حاليا مركبهم في فيلتي اكثر من سنتين ومرتاح جدا، كانت عندي مشكلة مع سنسر السور، وطلعت الطريقة اللي ركبت فيها السنسر غلط، وبعد حل هالمشكلة كل شي ضبط ولله الحمد ..

متوفر منه عدة ماركات وصناعات، انا ركبت ألماني ماركة (شنايدر) وخذته من الوكيل في بروة الوكرة وركبه لي الكهربائي اللي اشتغل معاه، وفيه فرنسي ماركة (هاقر) عند العمودي في بروة الوكرة، ركبه رفيجي من عندهم وهم جابوا له كهربائي يعرف الشغلة ورفيجي دفع تكلفة التركيب ..

فيه شركة اسمها (هندسة الكهرباء) موجودة في بروة الوكرة أيضا، راعي الحلال باكستاني اسمه (عمر) خوش رجال ونصوح، تقدر تمر عليه وهو يرتب لك كل شي والصراحة فاهم الشغلة صح ماشاء الله عليه ..

اذا محتاج اي مساعدة او اي تفاصيل اكثر انا فالخدمة ..


تم التركيب نوع
Legrand
ألماني

تسلم يالذيب ما قصرت.
الســـهم
18-04-2018, 11:12 AM
تم التركيب نوع
Legrand
ألماني

تسلم يالذيب ما قصرت.

السلام عليكم ورحمة الله وبركاته اخوي بوخالد ..

زين ماسويت ركبت السنسر، و الـ legrand ماركة لا يعلى عليها ..

موفق يالغالي وماسويت إلا الواجب وأنا أخوك ..