وكالات السيارة تقييم الخدمة والسعر وقطع الغيار

[naklan]

السلام عليكم ورحمة الله وبركاته

الموضوع عن وكالات السيارات الافضل
في البيع والسرفيس وفِي خدمة ما بعد الضمان
هل هي غالية أو مناسبة

الموضوع بيساعدنا في قرار الشراء من حيث
الأفضل وممكن يغير راينا من شراء سيارة خدمات
ما بعد البيع سيئة وقطع الغيار مبالغ فيها

عزيزيزي العضو اختي العضوة
قد تكون مشاركتك طريق لغيرك بالشراء
أو عدمه فشاركو للفائدة العامة

أنا ابغي اشتري سيارة حلوه وكشخة
ومناسبة فاين اتجه


الموضوع عن جميع انواع السيارات
وأفضلها لتكوين فكرة وقرار لشراء احد
السيارات وكيلها يحترم حقوق الوكالة
وتعاملهم سلس وجميل

ولكم كل الاحترام والتقدير
تحياتي

[SouthK]

في قطر ما في شركة واحدة تعطي خدمة مميزة .. من الاخر خذ السيارة اللي تناسبك و سعرها في يدك !
لكن لو تبي سيارة تصليحها بسيط نسبيا عليك بالتويوتا .. في شكاوي من تردي الخدمة في شركة الاودي و الشفر لكن المسألة نسبية!

[@north_star@]

موضوع مفيد للجميع وان شاء الله لي عودة

[ضوى]

بصراحة ماتعاملت الا ويا التويوتا وووايد مرتاحة البيت كله تويوتا اصلا :whistling: ودايما سياراتنا السيرفيس عندهم لين نبيعهم بس للأمانة تعاملهم مع اصحاب اللكزس تختلف تماما عن باقي انواع التويوتا

[بوخالد911]

وكالة
bmw

الأفضل بلااااااا منازززززززع

خدمة لا يعلى عليها
وضمان 5 سنوات
قابل للتمديد

وعندهم سيرفس بالبيت لو حاب

عموما سيرفس الوكالة ، تبديل الزيت كل 25 الف

والله يسهل عليك.

[بن مفتاح]

انا جربت النيسان واللكسزس الصالون والتويوتا والمرسيدس قديماً ..

النيسان حالياً سعره معقول وخاصة المستعمل .. وكمالياته مقارنة بالتويوتا افضل .. وقطع غياره متوفرة .. وقوة في الأداء .. وخدماته وصيانته في مناطق كثيرة هو والتويوتا .. وهذه ميزة مهمة.

التويوتا ما زلت اعتقد انها الافضل سواقتها غير .. وصيانتها متوفرة في اماكن كثيرة .. بالاضافة الى سهولة تصليحها ومعرفة اي ميكانيكي او كهربائي بكثير من خفاياها ..

اللكسزس الصالون ال 350 اي اس .. سيارة اختذتها من 2007 .. والحقيقة افضل سيارة استخدمتها .. قوة .. نعومة .. هداوة .. تصليحها مثل التويوتا سهل .. بس يمكن قطع غيارها اغلى .. لكن سواقتها لا يُعلى عليها ..

المرسيدس قديماً كان متعب وكلما قدم زادت مشاكله .. وللاسف صيانته ( الخدمات ) غير منتشرة في قطر .. وصعوبة تصليحه خارج الشركة .. بس سيارة قوة وامان واسم عالمي ..

وما زلت افضل التويوتا مع ان سيارتي الحالية الانفينتي .. وهو سيارة ما عليها كلام .. بس يعيبه خزان البترول صغير ..

والله يوفق الجميع ..

[naklan]

في قطر ما في شركة واحدة تعطي خدمة مميزة .. من الاخر خذ السيارة اللي تناسبك و سعرها في يدك !
لكن لو تبي سيارة تصليحها بسيط نسبيا عليك بالتويوتا .. في شكاوي من تردي الخدمة في شركة الاودي و الشفر لكن المسألة نسبية!


التويوتا سيارة جيدة بس نشوف
غيرها ابغي مشاركات عن الرنج روفر
سبورت سوبر جارج ولبورش كيان
أشكرك يالغالي وكل مشاركة
نستفيد منها

[naklan]

موضوع مفيد للجميع وان شاء الله لي عودة

الله يحييك اخوي النورثي ننتضر مشاركتك باْذن الله
وأبغي منك تقييم للبنتلي ههههه ال 12 سلندر مخيف
ومقلق واكيد الصيانة غالية

[naklan]

بصراحة ماتعاملت الا ويا التويوتا وووايد مرتاحة البيت كله تويوتا اصلا :whistling: ودايما سياراتنا السيرفيس عندهم لين نبيعهم بس للأمانة تعاملهم مع اصحاب اللكزس تختلف تماما عن باقي انواع التويوتا

الله يحييك اختي ضوى
الصراحة سيارات محترمة وصيانتها غير مكلفة
بس تمللت وأبغي أغير 2018 وممكن العودة بعد
تغيير الموديل شكرًا على ابداء الراي
تحياتي

[naklan]

وكالة
bmw

الأفضل بلااااااا منازززززززع

خدمة لا يعلى عليها
وضمان 5 سنوات
قابل للتمديد

وعندهم سيرفس بالبيت لو حاب

عموما سيرفس الوكالة ، تبديل الزيت كل 25 الف

والله يسهل عليك.

هلا اخوي بوخالد حيالله الأنيق
البي ام لي تجربة سيئة كانت عندي 750 I’ll
12سلندرعوفتني هالشركة لوجود عيوب في التصنيع
بس ممكن تكون تغيرت الضمان مريح وحلو بس
بعد الضمان

تحياتي اخوي بوخالد

[naklan]

انا جربت النيسان واللكسزس الصالون والتويوتا والمرسيدس قديماً ..

النيسان حالياً سعره معقول وخاصة المستعمل .. وكمالياته مقارنة بالتويوتا افضل .. وقطع غياره متوفرة .. وقوة في الأداء .. وخدماته وصيانته في مناطق كثيرة هو والتويوتا .. وهذه ميزة مهمة.

التويوتا ما زلت اعتقد انها الافضل سواقتها غير .. وصيانتها متوفرة في اماكن كثيرة .. بالاضافة الى سهولة تصليحها ومعرفة اي ميكانيكي او كهربائي بكثير من خفاياها ..

اللكسزس الصالون ال 350 اي اس .. سيارة اختذتها من 2007 .. والحقيقة افضل سيارة استخدمتها .. قوة .. نعومة .. هداوة .. تصليحها مثل التويوتا سهل .. بس يمكن قطع غيارها اغلى .. لكن سواقتها لا يُعلى عليها ..

المرسيدس قديماً كان متعب وكلما قدم زادت مشاكله .. وللاسف صيانته ( الخدمات ) غير منتشرة في قطر .. وصعوبة تصليحه خارج الشركة .. بس سيارة قوة وامان واسم عالمي ..

وما زلت افضل التويوتا مع ان سيارتي الحالية الانفينتي .. وهو سيارة ما عليها كلام .. بس يعيبه خزان البترول صغير ..

والله يوفق الجميع ..


حيا الله اخوي بن مفتاح
عندي الانفنتي كيواكس 80
في الإمارات وما مشت واقفة وبعد الحصار
مافيه حد حتى يشغلها استعمالها مريح
بس لو بغيت تبيع تخسر كثير من
قيمتها هذا عيبها

تحياتي اخوي

[معماري قطري]

هلا اخوي بوخالد حيالله الأنيق
البي ام لي تجربة سيئة كانت عندي 750 I’ll
12سلندرعوفتني هالشركة لوجود عيوب في التصنيع
بس ممكن تكون تغيرت الضمان مريح وحلو بس
بعد الضمان

تحياتي اخوي بوخالد

انا مرتاح مع البي ام 730 اربعه سلندر واستخدامها هيفي ديوتي للمشاوير والجامعة .. دخلت السنة الثانية والوكالة حتى بعد ما تطلعها يكلمونك يسئلونك عن الخدمة

خذت ميني مستعملة موديل 2012 واستغربت إنها للحين على الضمان وكانت ماشية 30 ألف ألحين وصلت قريب 33000 سويت لها صيانة ب 770 ريال لكن طلعوها كأنها جديدة .. كانت المكينة ضعيفة وحسيتها بتخبط

صيانة اللكزس سهلة ومراكز كثيرة تسويها وتكلفتها بسيطة ما تحتاج عقد صيانة

جربت الكدلك وبعد استعمال يومي وموديل 2007 وعندي للحين .. سيارة تعتمد عليها ولا تحتاج صيانة دوم ووكالتها محترمة .. صج بعض القطع غالية بس ما تستبدلها دوم

[naklan]

انا مرتاح مع البي ام 730 اربعه سلندر واستخدامها هيفي ديوتي للمشاوير والجامعة .. دخلت السنة الثانية والوكالة حتى بعد ما تطلعها يكلمونك يسئلونك عن الخدمة

خذت ميني مستعملة موديل 2012 واستغربت إنها للحين على الضمان وكانت ماشية 30 ألف ألحين وصلت قريب 33000 سويت لها صيانة ب 770 ريال لكن طلعوها كأنها جديدة .. كانت المكينة ضعيفة وحسيتها بتخبط

صيانة اللكزس سهلة ومراكز كثيرة تسويها وتكلفتها بسيطة ما تحتاج عقد صيانة

جربت الكدلك وبعد استعمال يومي وموديل 2007 وعندي للحين .. سيارة تعتمد عليها ولا تحتاج صيانة دوم ووكالتها محترمة .. صج بعض القطع غالية بس ما تستبدلها دوم

حيّا الله اخوي معماري قطري
تجربتك جميلة ومتنوعة وعندي كم سؤال
الاول آلبي أم 4 سلندر هل تحمل السيارة وشلون صرفية البترول
الثانية هاذي السيارة لصغيرونة الميني هل هي مريحة ووشلون
السيارة قوية ولا نفس سيارة بن القديمة يطلع ريوله من الدريشة
وهو يسوق تقول سيكل هههههه

التويوتا واللكزس اجمل السيارات استعمال وعند البيع شيك موخر
بس منتظر يتغير هالموديل وان شاء الله أخذ الجديد كليا

ما شاء الله توزيعك للسيارات جيد ولان مع الزحمة وغلاء الوقود يلزم سيارة
صغنونة حق بعض المشاوير وحتى الكهربائية جيدة مثل تسلا سمعت ان شحنها
كهربائيا يكلف 12 ريال تقريبا لكل 600 كيلو وما فيه زيوت وايل دفرنش وبلاوي
يعني حلوه حق الشوارع الداخلية وإذا فضت تجيب جنريتر وتشحنها
لين ترجعك البيت

تحياتي مهندسنا
الغالي

[ابو عبدالله.]

جربت الكروزر ولا افضل منه
وجربت النيسان 2012 وكاله. حلو لكن الضمان دوم يصلحون بعد طلعه الروح. يعني اكثر من 5 مرات اتصل بحمايه المستهلك عشان يصلحونه بالضمان الممدد طبعا هالموديل فيه الصبغ معيوب و صبغته بانه و سقف مرتين و باب خلفي هذا غير الجنبينات بعد ع الضمان. و زر التشغيل تصلح مرتين بالضمان

و المناظر الجانبيه تغيرت بالضمان الثنتين

جربت الكامري زمان 2005 و 2007 و 2008 ولا عليها كلام. ممتازه حتى بصرف البنزين و المكينه اربع سلندر لكن قويه و عزم

الجمس 2011 سييرا. بك اب. زين لكنه عود ولازم تشمخ او تحك مهما كنت سواق.

النيسان قطع غياره اغلى من الكروزر. و الجمس اغلى بعد

اعرف عن مواتر اكثر لكن لاحظت ان المشكله بالمواتر هي اسعار قطع الغيار غاليه مع التصليح و شغل اليد

نفس قطع الغيار برع الوكاله ارخص و تركيبها ارخص بكثير بعد

معظم المواتر حلوه و تستاهل تنساق لكن الصيانه بالوكيل تكرهك بالموتر

الالماني يطيح سعره وايد
و الياباني الغالي صار مثل الالماني يطيح سعره وايد

اخر نقطه

انك تشتري موتر في خاطرك مب غلط. لكن الغلط انك تاخذ موتر مش في ميزانيتك و ان صيانته غاليه و تبيعه بسعر اقل بكثير من قيمته وهو جديد

يعني عندك والله مغنيك خذ لكن توك بادي حياتك و سلف لموتر غالي. اتركها عنك و ركز بالاهم

[naklan]

جربت الكروزر ولا افضل منه
وجربت النيسان 2012 وكاله. حلو لكن الضمان دوم يصلحون بعد طلعه الروح. يعني اكثر من 5 مرات اتصل بحمايه المستهلك عشان يصلحونه بالضمان الممدد طبعا هالموديل فيه الصبغ معيوب و صبغته بانه و سقف مرتين و باب خلفي هذا غير الجنبينات بعد ع الضمان. و زر التشغيل تصلح مرتين بالضمان

و المناظر الجانبيه تغيرت بالضمان الثنتين

جربت الكامري زمان 2005 و 2007 و 2008 ولا عليها كلام. ممتازه حتى بصرف البنزين و المكينه اربع سلندر لكن قويه و عزم

الجمس 2011 سييرا. بك اب. زين لكنه عود ولازم تشمخ او تحك مهما كنت سواق.

النيسان قطع غياره اغلى من الكروزر. و الجمس اغلى بعد

اعرف عن مواتر اكثر لكن لاحظت ان المشكله بالمواتر هي اسعار قطع الغيار غاليه مع التصليح و شغل اليد

نفس قطع الغيار برع الوكاله ارخص و تركيبها ارخص بكثير بعد

معظم المواتر حلوه و تستاهل تنساق لكن الصيانه بالوكيل تكرهك بالموتر

الالماني يطيح سعره وايد
و الياباني الغالي صار مثل الالماني يطيح سعره وايد

اخر نقطه

انك تشتري موتر في خاطرك مب غلط. لكن الغلط انك تاخذ موتر مش في ميزانيتك و ان صيانته غاليه و تبيعه بسعر اقل بكثير من قيمته وهو جديد

يعني عندك والله مغنيك خذ لكن توك بادي حياتك و سلف لموتر غالي. اتركها عنك و ركز بالاهم


اشكرك اخوي بوعبدالله على عرض تجاربك
ونصايحك القيمة التويوتا شيخ السيارات
بس الموديل هذا طول ما تغير
تحياتي اخوي بوعبدالله

[naklan]

زين يا اخوان الرنج روفر
لاسبورت سوبر جارج حد عنده تجربة
معاه نبي يزودنا بها شلون الاستخدام وشلون
الوكالة والقطع مناسبة او غالية كراج الوكالة
بعد الضمان شخباره
هل مازال جنبنات هيدروليك اولا عادي
تحياتي

[معماري قطري]

حيّا الله اخوي معماري قطري

الله يحييك ويبقيك وموضوعك مهم ومفيد وتساؤلك في محله

تجربتك جميلة ومتنوعة وعندي كم سؤال
الاول آلبي أم 4 سلندر هل تحمل السيارة وشلون صرفية البترول

البي ام سقتها شوي وألحين كله عند السايق .. صرفية البترول بحدود 110 تمشيك قريب 480 كيلو .. والسرعة والقوة صراحة أقوى من ال 6 سلندر القبلية وأسرع .. وفي الأخير تركيزهم على الراكب الخلفي في الراحة والفخامة والكماليات

الثانية هاذي السيارة لصغيرونة الميني هل هي مريحة ووشلون
السيارة قوية ولا نفس سيارة بن القديمة يطلع ريوله من الدريشة
وهو يسوق تقول سيكل هههههه

الميني الله يسلمك شوي وعرة ورياضية .. أقل مطب يهز السيارة .. بس خفيفة وأرتاح فيها بعدين ملفتة للنظر يتراوى لي يقولون شمركب هذيه في الصغيرونة .. تعرف الشياب يحبون يجددون ويرجعون للصغيرات .. قصدي السيارات

بعدين للمهمات الصعبة ومشاوير البلاد مسكتة وأي موقف توقف فيه خصوصاً اللي عندي باب واحد بعد أقصر من العادية لكن جلستها واسعة من داخل وركوبها من تتعلم عليه يستوي سهل .. اللي حبيته فيها سكانها أخف من سكان اللكزس

التويوتا واللكزس اجمل السيارات استعمال وعند البيع شيك موخر
بس منتظر يتغير هالموديل وان شاء الله أخذ الجديد كليا

انا مثلك مع إني افكر في المرسدس جي ال اي .. ما ابي القوي ابي 4 أو 6 سلندر بس انتظر الشكل يتغير ويكون العداد ديجيتل .. وخاطري في الكوبية اللي نازل من ورا شبابي أكثر .. والخيار الثاني اللكزس لو تغيرت وإحتمال اتم متمسك بالقديمة

ما شاء الله توزيعك للسيارات جيد ولان مع الزحمة وغلاء الوقود يلزم سيارة
صغنونة حق بعض المشاوير وحتى الكهربائية جيدة مثل تسلا سمعت ان شحنها
كهربائيا يكلف 12 ريال تقريبا لكل 600 كيلو وما فيه زيوت وايل دفرنش وبلاوي
يعني حلوه حق الشوارع الداخلية وإذا فضت تجيب جنريتر وتشحنها
لين ترجعك البيت

تحياتي مهندسنا
الغالي

التسلا بينتجون سيارات أكثر ومركزين على الفورويل الصغيرة

كلامهم عنها مغري لكن محد يعرفها الا لو جربها .. انا مريت قسم تسويقهم وركبت فيها صراحة روعة .. مكينتها قد قوطي النيدو وبطارياتها عدد كبير تعتبر خلايا مخبئة في الشاصي .. الشاصي قطعة وحدة تحت كامل السيارة ولو حصل ونكسر الشاصي وقت حادث وتناثرت الخلايا مستحيل تنكسر وتلوث البيئة

الأهم سعرها منافس في أمريكا ب 50000 دولار للكبيرة الاربع أبواب وب 35000 للمتوسطة الفورويل واللي بيبانها ورا ينفتحون على فوق

في ألمانيا بدت تنتشر انتشار فضيع والمفروض يجيبونها عندنا

[معماري قطري]

زين يا اخوان الرنج روفر
لاسبورت سوبر جارج حد عنده تجربة
معاه نبي يزودنا بها شلون الاستخدام وشلون
الوكالة والقطع مناسبة او غالية كراج الوكالة
بعد الضمان شخباره
هل مازال جنبنات هيدروليك اولا عادي
تحياتي

الرنج لو الوكالة قطعت نفسها حتى تخدم الزبون المصنع فاشل وكل شوي مغيرين فيه يستوي ما يسوى

[معماري قطري]

بعدين ليش تركز على القوة عندك الفوج العادي أحلى من السبورت وقوته كافية وزود

[معماري قطري]

جربت الكروزر ولا افضل منه
وجربت النيسان 2012 وكاله. حلو لكن الضمان دوم يصلحون بعد طلعه الروح. يعني اكثر من 5 مرات اتصل بحمايه المستهلك عشان يصلحونه بالضمان الممدد طبعا هالموديل فيه الصبغ معيوب و صبغته بانه و سقف مرتين و باب خلفي هذا غير الجنبينات بعد ع الضمان. و زر التشغيل تصلح مرتين بالضمان

و المناظر الجانبيه تغيرت بالضمان الثنتين

جربت الكامري زمان 2005 و 2007 و 2008 ولا عليها كلام. ممتازه حتى بصرف البنزين و المكينه اربع سلندر لكن قويه و عزم

الجمس 2011 سييرا. بك اب. زين لكنه عود ولازم تشمخ او تحك مهما كنت سواق.

النيسان قطع غياره اغلى من الكروزر. و الجمس اغلى بعد

اعرف عن مواتر اكثر لكن لاحظت ان المشكله بالمواتر هي اسعار قطع الغيار غاليه مع التصليح و شغل اليد

نفس قطع الغيار برع الوكاله ارخص و تركيبها ارخص بكثير بعد

معظم المواتر حلوه و تستاهل تنساق لكن الصيانه بالوكيل تكرهك بالموتر

الالماني يطيح سعره وايد
و الياباني الغالي صار مثل الالماني يطيح سعره وايد

اخر نقطه

انك تشتري موتر في خاطرك مب غلط. لكن الغلط انك تاخذ موتر مش في ميزانيتك و ان صيانته غاليه و تبيعه بسعر اقل بكثير من قيمته وهو جديد

يعني عندك والله مغنيك خذ لكن توك بادي حياتك و سلف لموتر غالي. اتركها عنك و ركز بالاهم

بل ما بقى شيء في النيس قصدي النيسان

يا اخوي اللي ياخذ يفكر في راحة البال والأمان والاستهلاك المريح .. أغلب الوكالات اللي تحت ادارة جنسية عربية تحصلها دامرة منها النيسان والفورد

[monatee]

بتكلم عن الوكالات
التويوتا / مستوى ضعيف مال مش حالك وزحمه ، وادعموا سيارتنا يوم كانت في السيرفس
النيسان / مستوي جيد وفيه تطور لسيارات الفئات الاعلى فقط ، نيسان باترول و انفينيتي
المرسيدس / افضل سياره ممكن تشتريها و أزبل وكاله مابعد البيع :)
الفردان ( bmw + الرنج ) / المستوى ممتاز ، افضل خدمه وافضل سياره لكن سعر السيارة وسعر السيرفس يكسر الظهر

اما بالنسبه للسياره نفسها ، تعتمد على الشخص نفسه شنو يبي
يبي الغالي والكشخه ولا يبي العملي والغير مكلف ولا يبي المريح

التويوتا مريحه وغير مكلفه وعمليه ، وماتحاتي وين بتصلح ولا وين بتسوي سيرفس غير الوكاله
بعكس السياير الاوربيه اللي لازم تروح الوكاله

اما افضل وكيل يخليك تدخل عنده وانت مبتسم وتطلع منه مبتسم الفردان فقط
واخس وكيل تدخل زعلان وتطلع زعلان اكثر من لوعة جبد المكان التويوتا

[ya3coub]

بتكلم عن الوكالات
التويوتا / مستوى ضعيف مال مش حالك وزحمه ، وادعموا سيارتنا يوم كانت في السيرفس
النيسان / مستوي جيد وفيه تطور لسيارات الفئات الاعلى فقط ، نيسان باترول و انفينيتي
المرسيدس / افضل سياره ممكن تشتريها و أزبل وكاله مابعد البيع :)
الفردان ( bmw + الرنج ) / المستوى ممتاز ، افضل خدمه وافضل سياره لكن سعر السيارة وسعر السيرفس يكسر الظهر

اما بالنسبه للسياره نفسها ، تعتمد على الشخص نفسه شنو يبي
يبي الغالي والكشخه ولا يبي العملي والغير مكلف ولا يبي المريح

التويوتا مريحه وغير مكلفه وعمليه ، وماتحاتي وين بتصلح ولا وين بتسوي سيرفس غير الوكاله
بعكس السياير الاوربيه اللي لازم تروح الوكاله

اما افضل وكيل يخليك تدخل عنده وانت مبتسم وتطلع منه مبتسم الفردان فقط
واخس وكيل تدخل زعلان وتطلع زعلان اكثر من لوعة جبد المكان التويوتا


اختصار موفق.

عن نفسي مريت على سيارات وااااااايد و سقت و كانو عالأقل عندي اسبوع اتعرف عليهم و الجين ما عندي وقت و كثرو برامج السيارات.


نبتدي بالتيوتا ..... رخيص و قوي و مكيف ولا احسن ما ينكبك إلا في قمة حاجتك له بس كشكل عام عملي للي يحشم الموتر و يمشي شوي شوي و عدل.
كلمة شيك فالمخبى ما احبها خصوصا للكروزر لأن عندي موديل 2000 كان للوالد لين قبل سنتين عطاه اخواني الصغار و لليوم كل كذا شهر اقط فبطنه 5000 ريال عالأقل "و يقولون قطع غياره رخيصه" بس شهاده لله كارفه فالسايت بالذات.
الكامري من احسن السيارات, و الأكشخ و الأحسن الافالون السابقه. كلهم ما كانت عندي معاهم مشاكل إلا مواد استههلاكية بسيطه وكالتهم من اسوء الوكالات للأسف.


المرسيدس مثل ما تفظل اخوي موناتي أحسن سيارات من المصنه ولكن اسوء وكالة و خدمة ما بعد البيع و سيرفس عندنا و أغلاهم فالخليج و سبق و ذكرت هالشي اكثر من مرة و للأسف دعمني مره واحد و ركب على بانه السيارة فكروزر و بغى ينقلب انا توقعت انه موتري انعدم تكنسل ما طلعت الأيرباقات كنت معصب, ولا صادني شي معني مو رابط الحزم لما نزلت لقيتها صدام و رفرف و شوية من البانه ؟!!!!!! البدي الي داخل ما جاله اي شي سبجحان الله.

شغل المرسدس مكلف و في كذا قراج يترزقون الله بس ارخص من الوكاااااالة بالهبل. كومبريسر توني جايبه من برطانيا عن طريق المانيا, كلفني واصل الدوحة بالشحن 1600 ريال إلا خرده, بينما بعد الخصم فقطر ب4900 ريال بدون شغل اليد.
السيرفس فوكالة المرسيدس فالكويت ارخص ب70% من وكالتنا و فالبحرين ب 50% "للبريكات" من الأسعار الي اهني.
السيارة تتعطل فالوكالة و لازم انت تتابعهم شبه يوميا و فوق هاي كله عدم المعرفه بالسيارة لا من فنين ولا مهندسين ولا ممثلين الخدمة للأسف.


البي ام سيارة زينه و وكالتها زينة شرط لا تسوي شي يطيح الضمان.
سيرفسها خارج الضمان يكسر الظهر مهما كانت صغيره.
طول ما انت تحت الضمان و السيرفس هاي الناس تهمل الضمان اتقول 3 سنين تكفي لا نصيحه علشان تستفيد من انك ما تدفع لازم الضمان و السيرفس لمدة 5 سنين و بعدها مدد لأنه الحسبة بتكون غالية جدا جدا جدا.

الرنج مشابه و كنت صج ناوي على رنج سبورت الجديد بس من شفت اهني الشكاوي بالمنتدى شليت الفكرة تماما من مخي و الحين مع الفيس لفت داخل خاطري بقوة و 6 سوبر جارج ارخص من القدين 2015 8. فالوكالة.
بس بعد شعره غالي انتشرت صورة الماي يعبونه ب990 ريال خارج الضمان و السيرفس اشدعوى ؟؟!!!!!!
كسواقه و سفر استخدمت الرنج القديم 2011 فالأمارات فالسفر موتر ممتاز بس ما قد سافرت فيه فالخليج لأنه كانو يشتكون من السوبر يحتر و اللي متعودين على خطووط طويلة "سفرات البحرين كل ويك اند" اشتكو من السيور و الحرارة.

الكورفت بما انه رياضي و موتري حاليا الوكالة اتعس وكالة شفتها بحياتي سوائا بالضمان او بدون و أغلب الناس تجيبهم من برع و يشترونها ارخص بفرق كبير جدا جدا العادية اقل شي ب325 فالوكالة كانت الي مافيها اي شي و فالأمارات قراند سبورت ب300 ألف !!!
عن نفسي صار علي حادث للأسف و إلى الأن اشتريلها قطع فالوكالة فقط صدام رفارف ليتات و بانه و رديتر بعد الخصم و من فوق لفوق الخصم السبيشال الفاتورة طلعت 88 ألف ريال و خردة, و كل القطع غير متوفرة و الدفع كاش و يمكن تاخذ اكثر من 6 شهور.
وديت الموتر للقراج الي اتعامل معاه و اكتشفت اشياء وايد و قررت بغير المكينة كاملة من امرريكا و كلشي جديد و إلى الأن ما دفعت نص القيمة بس قريب منها.
الأمريكي بشكل عام اسوء مشكلة بسيطه ما اتكلم عن الحوادث راح تكلف ير و ظفيره و مكينة و أغلبهم اسوء اسوء شي ما راح تتعدى ال50 ألف ريال. فموضوع الضمان فالأمريكي ما يهمني ولا وارد امريكا ارخص بفوق الــ100 الف ليش لا هاي اقدر اوفرهم سيرفس و تعديل و تصليح و هاي ليش صار ضمان الشفر 12 سنة يبون الناس تشتري بأي طريقه من عندهم.

الميني كوبر سيارة لليوم ما فهمتها في نوعين الي شبه فورويل تهبل فيني ما اصدق اني ادخل فيها او اسوق ميني لأن قعدتها و التكيه كراسي فور ويل و بنفس الوقت كلشي فيها ملفت للنظر و مريح.

ما اقدر اخوي نكلان اقولك اي سيارة انت و ميزانيتك.
بس الأهم من السيارة انت اعجابك فيها علشان ما تعيفها
خدمة ما بعد البيع.

الأمريكي في قراجين رخيص و قوي و معرفه و زحمة "قراج عون" معروف فالدوحة و في كستوم ورك شوب الي اشتغل فيه كلشي بصراحه.
الياباني يتكسر بسرعه و يتطرقع بس سعر قطع غيارة ارخص من الشركات الثانية بس ايضا كجودة بالنسبة لي اقل لا من بريكات او بدي او الخ. سهل ينكسر و يخترب لأن مو هيفي ديوتي.
الامريكي انواع ما جربت الفورد ليلحين بس الدوج و الجيب سيارات شايلين نفسهم تشتريهم من الوكالة و تنسى الوكالة ولا بتحتاجهم فشي بإذن الله لأنهم سيئين احسن من قبل بس سياراتهم يتحملون.
الهمر من احسن السيارات بس الوكيل اهني يطفش الملاك و ناسين بأنه قطر اعلى مبيعات فالعالم كله من اول ما نولت الهمر اتش 3. قطع غياره غالية بس ما يخترب ولا ينكسر بسهولة.

النيسان عادي حاله من حال التيوتا اذا تعرف احد فالوكالة امورك بتمشي ممتازة جدا

[معماري قطري]

بتكلم عن الوكالات
التويوتا / مستوى ضعيف مال مش حالك وزحمه ، وادعموا سيارتنا يوم كانت في السيرفس
النيسان / مستوي جيد وفيه تطور لسيارات الفئات الاعلى فقط ، نيسان باترول و انفينيتي
المرسيدس / افضل سياره ممكن تشتريها و أزبل وكاله مابعد البيع :)
الفردان ( bmw + الرنج ) / المستوى ممتاز ، افضل خدمه وافضل سياره لكن سعر السيارة وسعر السيرفس يكسر الظهر

اما بالنسبه للسياره نفسها ، تعتمد على الشخص نفسه شنو يبي
يبي الغالي والكشخه ولا يبي العملي والغير مكلف ولا يبي المريح

التويوتا مريحه وغير مكلفه وعمليه ، وماتحاتي وين بتصلح ولا وين بتسوي سيرفس غير الوكاله
بعكس السياير الاوربيه اللي لازم تروح الوكاله

اما افضل وكيل يخليك تدخل عنده وانت مبتسم وتطلع منه مبتسم الفردان فقط
واخس وكيل تدخل زعلان وتطلع زعلان اكثر من لوعة جبد المكان التويوتا


الله يحفظج اليوم مريت وكالة التيوتا

وافتريت صوب اللكزس .. الجديدة الال اس الكاملة بدون محرك هجين بسعر 475 ألف والسبب توين تيربو وستة سلندر وفوق 400 حصان

الثانية بمحرك هجين لكن مواصفات أقل وبدون شاشات خلفية ومساج خلفي بسعر 450 ألف وكله الأسعار بدون خدمة صيانة والسعر وايد مبالغ فيه مقارنة مع البي ام وقريب من المرسيدس .. المرسيدس كذلك عندنا وايد غالي وقارنت نوع معين مع سعره في ألمانيا عندنا مليون و200 ألف وهناك 750000 تقريباً

ميزة التيوتا واللكزس بس حب الناس لها وسيارة يعتمد عليها الكل ( سمعة )

[naklan]

بتكلم عن الوكالات
التويوتا / مستوى ضعيف مال مش حالك وزحمه ، وادعموا سيارتنا يوم كانت في السيرفس
النيسان / مستوي جيد وفيه تطور لسيارات الفئات الاعلى فقط ، نيسان باترول و انفينيتي
المرسيدس / افضل سياره ممكن تشتريها و أزبل وكاله مابعد البيع :)
الفردان ( bmw + الرنج ) / المستوى ممتاز ، افضل خدمه وافضل سياره لكن سعر السيارة وسعر السيرفس يكسر الظهر

اما بالنسبه للسياره نفسها ، تعتمد على الشخص نفسه شنو يبي
يبي الغالي والكشخه ولا يبي العملي والغير مكلف ولا يبي المريح

التويوتا مريحه وغير مكلفه وعمليه ، وماتحاتي وين بتصلح ولا وين بتسوي سيرفس غير الوكاله
بعكس السياير الاوربيه اللي لازم تروح الوكاله

اما افضل وكيل يخليك تدخل عنده وانت مبتسم وتطلع منه مبتسم الفردان فقط
واخس وكيل تدخل زعلان وتطلع زعلان اكثر من لوعة جبد المكان التويوتا


كلامج صح وواقعي اختي مونتي
بس عندي لج سؤال لو كنتي تبين تشترين
سيارة الْيَوْمَ وفلوسج في جيبج غير التويوتا وللكزس
وين بتتجهين وشنهوالأفضل والاكشخ بالنسبة لك
الْان في هالوقت وفِي هالساعة تحياتي

[naklan]

اختصار موفق.

عن نفسي مريت على سيارات وااااااايد و سقت و كانو عالأقل عندي اسبوع اتعرف عليهم و الجين ما عندي وقت و كثرو برامج السيارات.


نبتدي بالتيوتا ..... رخيص و قوي و مكيف ولا احسن ما ينكبك إلا في قمة حاجتك له بس كشكل عام عملي للي يحشم الموتر و يمشي شوي شوي و عدل.
كلمة شيك فالمخبى ما احبها خصوصا للكروزر لأن عندي موديل 2000 كان للوالد لين قبل سنتين عطاه اخواني الصغار و لليوم كل كذا شهر اقط فبطنه 5000 ريال عالأقل "و يقولون قطع غياره رخيصه" بس شهاده لله كارفه فالسايت بالذات.
الكامري من احسن السيارات, و الأكشخ و الأحسن الافالون السابقه. كلهم ما كانت عندي معاهم مشاكل إلا مواد استههلاكية بسيطه وكالتهم من اسوء الوكالات للأسف.


المرسيدس مثل ما تفظل اخوي موناتي أحسن سيارات من المصنه ولكن اسوء وكالة و خدمة ما بعد البيع و سيرفس عندنا و أغلاهم فالخليج و سبق و ذكرت هالشي اكثر من مرة و للأسف دعمني مره واحد و ركب على بانه السيارة فكروزر و بغى ينقلب انا توقعت انه موتري انعدم تكنسل ما طلعت الأيرباقات كنت معصب, ولا صادني شي معني مو رابط الحزم لما نزلت لقيتها صدام و رفرف و شوية من البانه ؟!!!!!! البدي الي داخل ما جاله اي شي سبجحان الله.

شغل المرسدس مكلف و في كذا قراج يترزقون الله بس ارخص من الوكاااااالة بالهبل. كومبريسر توني جايبه من برطانيا عن طريق المانيا, كلفني واصل الدوحة بالشحن 1600 ريال إلا خرده, بينما بعد الخصم فقطر ب4900 ريال بدون شغل اليد.
السيرفس فوكالة المرسيدس فالكويت ارخص ب70% من وكالتنا و فالبحرين ب 50% "للبريكات" من الأسعار الي اهني.
السيارة تتعطل فالوكالة و لازم انت تتابعهم شبه يوميا و فوق هاي كله عدم المعرفه بالسيارة لا من فنين ولا مهندسين ولا ممثلين الخدمة للأسف.


البي ام سيارة زينه و وكالتها زينة شرط لا تسوي شي يطيح الضمان.
سيرفسها خارج الضمان يكسر الظهر مهما كانت صغيره.
طول ما انت تحت الضمان و السيرفس هاي الناس تهمل الضمان اتقول 3 سنين تكفي لا نصيحه علشان تستفيد من انك ما تدفع لازم الضمان و السيرفس لمدة 5 سنين و بعدها مدد لأنه الحسبة بتكون غالية جدا جدا جدا.

الرنج مشابه و كنت صج ناوي على رنج سبورت الجديد بس من شفت اهني الشكاوي بالمنتدى شليت الفكرة تماما من مخي و الحين مع الفيس لفت داخل خاطري بقوة و 6 سوبر جارج ارخص من القدين 2015 8. فالوكالة.
بس بعد شعره غالي انتشرت صورة الماي يعبونه ب990 ريال خارج الضمان و السيرفس اشدعوى ؟؟!!!!!!
كسواقه و سفر استخدمت الرنج القديم 2011 فالأمارات فالسفر موتر ممتاز بس ما قد سافرت فيه فالخليج لأنه كانو يشتكون من السوبر يحتر و اللي متعودين على خطووط طويلة "سفرات البحرين كل ويك اند" اشتكو من السيور و الحرارة.

الكورفت بما انه رياضي و موتري حاليا الوكالة اتعس وكالة شفتها بحياتي سوائا بالضمان او بدون و أغلب الناس تجيبهم من برع و يشترونها ارخص بفرق كبير جدا جدا العادية اقل شي ب325 فالوكالة كانت الي مافيها اي شي و فالأمارات قراند سبورت ب300 ألف !!!
عن نفسي صار علي حادث للأسف و إلى الأن اشتريلها قطع فالوكالة فقط صدام رفارف ليتات و بانه و رديتر بعد الخصم و من فوق لفوق الخصم السبيشال الفاتورة طلعت 88 ألف ريال و خردة, و كل القطع غير متوفرة و الدفع كاش و يمكن تاخذ اكثر من 6 شهور.
وديت الموتر للقراج الي اتعامل معاه و اكتشفت اشياء وايد و قررت بغير المكينة كاملة من امرريكا و كلشي جديد و إلى الأن ما دفعت نص القيمة بس قريب منها.
الأمريكي بشكل عام اسوء مشكلة بسيطه ما اتكلم عن الحوادث راح تكلف ير و ظفيره و مكينة و أغلبهم اسوء اسوء شي ما راح تتعدى ال50 ألف ريال. فموضوع الضمان فالأمريكي ما يهمني ولا وارد امريكا ارخص بفوق الــ100 الف ليش لا هاي اقدر اوفرهم سيرفس و تعديل و تصليح و هاي ليش صار ضمان الشفر 12 سنة يبون الناس تشتري بأي طريقه من عندهم.

الميني كوبر سيارة لليوم ما فهمتها في نوعين الي شبه فورويل تهبل فيني ما اصدق اني ادخل فيها او اسوق ميني لأن قعدتها و التكيه كراسي فور ويل و بنفس الوقت كلشي فيها ملفت للنظر و مريح.

ما اقدر اخوي نكلان اقولك اي سيارة انت و ميزانيتك.
بس الأهم من السيارة انت اعجابك فيها علشان ما تعيفها
خدمة ما بعد البيع.

الأمريكي في قراجين رخيص و قوي و معرفه و زحمة "قراج عون" معروف فالدوحة و في كستوم ورك شوب الي اشتغل فيه كلشي بصراحه.
الياباني يتكسر بسرعه و يتطرقع بس سعر قطع غيارة ارخص من الشركات الثانية بس ايضا كجودة بالنسبة لي اقل لا من بريكات او بدي او الخ. سهل ينكسر و يخترب لأن مو هيفي ديوتي.
الامريكي انواع ما جربت الفورد ليلحين بس الدوج و الجيب سيارات شايلين نفسهم تشتريهم من الوكالة و تنسى الوكالة ولا بتحتاجهم فشي بإذن الله لأنهم سيئين احسن من قبل بس سياراتهم يتحملون.
الهمر من احسن السيارات بس الوكيل اهني يطفش الملاك و ناسين بأنه قطر اعلى مبيعات فالعالم كله من اول ما نولت الهمر اتش 3. قطع غياره غالية بس ما يخترب ولا ينكسر بسهولة.

النيسان عادي حاله من حال التيوتا اذا تعرف احد فالوكالة امورك بتمشي ممتازة جدا


حيالله شيخ يعقوب
تصليح سيارتك على التامين أو عليك المبلغ كبير
والتكلفة باهظة وبعدين للسيارة جديدة ليش بتغير المكينة وهي جديدة
اذا هذي طريقتك بتكلفك السيارة تصليح قد قيمتها المفروض تامينك فل لأول 3 سنوات
وبعدها يصير خير اذا تقدر تعدل وتصلح بدون تغيير أفضل علشان ما تخسر وايد
وابي رأيك أحسن سيارة 4 وَيْل في هالوقت شنهي وماعليك من القيمة معماري
هو الي بيدفع بس انت اختار 2018 شنهي السيارة الاكشخ وتستاهل
قيمتها غير تويوتا ولكزس

[naklan]

الله يحفظج اليوم مريت وكالة التيوتا

وافتريت صوب اللكزس .. الجديدة الال اس الكاملة بدون محرك هجين بسعر 475 ألف والسبب توين تيربو وستة سلندر وفوق 400 حصان

الثانية بمحرك هجين لكن مواصفات أقل وبدون شاشات خلفية ومساج خلفي بسعر 450 ألف وكله الأسعار بدون خدمة صيانة والسعر وايد مبالغ فيه مقارنة مع البي ام وقريب من المرسيدس .. المرسيدس كذلك عندنا وايد غالي وقارنت نوع معين مع سعره في ألمانيا عندنا مليون و200 ألف وهناك 750000 تقريباً

ميزة التيوتا واللكزس بس حب الناس لها وسيارة يعتمد عليها الكل ( سمعة )


حيالله شيخنا معماري لو قلت لي متغير الشكل كنت
باودي هريدي مع شنطة فلوس وعلى الوكالة على طول
عجيب المحرك هجين يعني أمه سودانية وابوه لقحيدي ههههه
ممكن شرح الهجين على شنهو يشتغل بترول وايش معه
يارب يكون ماي أرخص لنا هههه باروح اشوف
هالسيارة شوقتني لها
تحياتي يالغالي

[الجوكر90]

السلام عليكم

والله يعني جربت وايد مواتر احب اقول ان كل الوكالات الموجوده فقطر تعتبر سيئه
الا الفولفو كانت جيده
البي ام افضل السيئين جربت 3 مواتر ال 730 سيارتين 2007 & 2012 سياره ه320 كانو شوي يهتمون فالعميل
المرسدس اس 350 موديل 2009 كانو كجره كنت امشي اموري بالشكاوي للمدير العام وبعدين صاروا يعرفونا ويمشونا
اللكزس 2002 و 2008 يطلعون لك مليون عله فالموتر والي موديل 2008 طلع فيه جنب كامل من الوكاله
الجمس 2012 بس ادخل الموتر حق تبديل ابل وفلتر لان جنب بيتنا
الكورفت 2016 موتر كان عاجبني بس هم نفس الشي بس ادخل الموتر عشان ايل وفلتر
المزراتي 2013 جرانتريزمو وكالتهم الله بالخير من شهر 12 طالب قطع حق السياره لين الحين ماوصلو
اروحلهم ادخل الموتر يقولون لي ارجع باوبر ماعندنا دريول
اتصلهم يقوون بنخلي واحد يكلمك واحلى سيفون
بس شهاده في حق الموتر وحش فالشارع موتر رزه ويستاهل سعره وماتحتاج ضمان صلحه برع الوكاله في كذا شخص تخصص مزراتي وبنتلي

[aloosh]

انا استخدمت اليواندي الاكسنت وسوناتا كديتهم كد صراحه سياره قويه وانا كنت فاكر انها سيئه بس طلع العكس وقريت عن شركه هيوانداي طلعت شركه عملاقه جدا
الاكسنت صراحه في صرفيه البترول ممتازه جدا للمشاوير اليوميه
والحين عندي سيارات تويوتا لي وللبيت