السخان المركزي

[$الملياردير$]

السلام عليكم ورحمة الله وبركاته .... الله يمسيكم بالخير ياشباب هل في موضوع يتكلم عن السخانات المركزية وأفضل الشركات .. يليت لو تكرمتو تَحُطُّون الرابط ....ونصايحكم من خلال التجربة وشي الشركات اللي تنصحون فيها .... وبعد كم مساحة الخزان العلوي للفيلا و المحلق والأرضي ... المناسبين من خلال تجاربكم .... مع الشكر والتقدير

[معماري قطري]

عليكم السلام ورحمة الله وبركاته

تدمر زينة وعندك شركة اسمها التحرير خذت شغل شركة الطيب بعد شوي ارخص وزينين .. مقرهم قالوا لي على طريق سلوى وكنت اتصل لهم على جوال

تدمر يسوون لك شغل كامل ومرتب .. البحرية وغيرهم ما لي تجارب معاهم بس الغالبية زينين وهذي المواد ما تخترب بسهولة صناعة فرنسية وأمريكية وابتعد عن أي شيء صيني وغيره من الصناعات الرديئة

الارضي 300 جالون والفوقي 80 كفاية للمنازل لكن لو حصلت أكبر شوي وبسعر مناسب وفرق السعر بسيط خذ أكبر أحسن واحتياط

[$الملياردير$]

جزاك الله خير اخوي معماري ....الفوقي قصدك 800 بس مافهمت الأرضي كم والملحق مع العلم ان الأرضي مع الحديقة بس الملحق منفصل يأخذ من الأرضي اقصد الرئيسي

[Azizuk]

الارضي بين 2000 الى 30000 جالون

سطح المنزل بين 800 الى 1000 جالون مب لازم ينترس

لان اي خزان ماراح ينترس بالكامل لازم خسارة بين 100 الى 150 جالون خسارة للعوامة والتنفيس

ملحق كبير بين 600 الى 800 جالون

مجلس يكفي 400 جالون

شركة المفتاح عندهم احجام من 50 جالون الى فوق 7 الاف جالون وممكن تفصيل حسب الحاجة

الخزان الارضي الرئيسي كل مافي امكانية اختيار خزان اكبر احسن

اذا تقدر تحط خزان 3000 جالون اخذ

السخان اذا المنزل كبير عدد 2 سخان حجم 120 جالون و 3 فيز كهرباء مع مضخه حجم 2 بار عدد ثنين مع مضخه دوران بقوى 19 عدد 2 مع خزان ضغط هواء حجم مناسب توصيل البيبات بين السخانين والمضخات تكون من نحاس مع فلتر رملي حجم كبير مع فلتر قطن مايكرون عدد 2 قبل دخول الماء الى نظام السخان بعد الخزان العلوي

واصحاب الخبرة عندهم نصايح افضل مني

[معماري قطري]

ما قصر بو سعود واسمح لي نسيت رقم 800 فوق وتحت 3000

الماي زين ما يوقف قبل كان شوي يجي ضعيف بس ركبوا مضخة بعد ما اشتكينا كم مرة

[المحتار20]

شركه الملاحه فقط عند عماره المالكي

[الســـهم]

السلام عليكم ورحمة الله وبركاته .... الله يمسيكم بالخير ياشباب هل في موضوع يتكلم عن السخانات المركزية وأفضل الشركات .. يليت لو تكرمتو تَحُطُّون الرابط ....ونصايحكم من خلال التجربة وشي الشركات اللي تنصحون فيها .... وبعد كم مساحة الخزان العلوي للفيلا و المحلق والأرضي ... المناسبين من خلال تجاربكم .... مع الشكر والتقدير

السلام عليكم ورحمة الله وبركاته ..

الشركة اللي اتعامل معاها وركبت من عندهم السخانات في بيتي، تركب سخانات مركزية امريكية (2*80 جالون) بكافة مستلزماتها مع الكولر وأجرة التركيب بسعر (13,500) ريال ..

والله يوفقك إن شاء الله ..

[$الملياردير$]

الله يجزاكم خير على ردودكم الكريمة .... اخواني معماري ..عزيزوك ....المحتار ...والسهم ...بارك الله لكم ...

[SouthK]

شباب ممكن نصائح بخصوص خزان ماي في الارض؟؟

[معماري قطري]

شباب ممكن نصائح بخصوص خزان ماي في الارض؟؟

إذا قصدك تحت الارض غير مسموح بسبب لو سرب صعب توصل له وصعب تكتشف التسريب بسرعة .. كمخالفة ممكن وحتى لو بتحطه في مكان مكشوف وتشوفه كل يوم وممكن تغيره بسهولة في البيسمنت مثلاً ممكن تحصل تعقيد في الموافقات

لو بتسويه في حفرة خاصة بطابوق مبطنة ببلاط شعبي مثلاً بتكون قوية ونظيفة ولازم تحتاط للعزل المائي .. تقدر تغطيها بحديد مغطى بخشب مناسب حتى تشيله بسهولة للفحص .. الحفرة تكون حماية للتانكي لكن التانكي ضروري وتقدر تخلي الغطاء قماشي يسمح بدخول الهواء أو تور شبك حتى تطلع الحرارة المحتكرة اللي تجي أصلاً من بايبات الحكومة

[SouthK]

إذا قصدك تحت الارض غير مسموح بسبب لو سرب صعب توصل له وصعب تكتشف التسريب بسرعة .. كمخالفة ممكن وحتى لو بتحطه في مكان مكشوف وتشوفه كل يوم وممكن تغيره بسهولة في البيسمنت مثلاً ممكن تحصل تعقيد في الموافقات

لو بتسويه في حفرة خاصة بطابوق مبطنة ببلاط شعبي مثلاً بتكون قوية ونظيفة ولازم تحتاط للعزل المائي .. تقدر تغطيها بحديد مغطى بخشب مناسب حتى تشيله بسهولة للفحص .. الحفرة تكون حماية للتانكي لكن التانكي ضروري وتقدر تخلي الغطاء قماشي يسمح بدخول الهواء أو تور شبك حتى تطلع الحرارة المحتكرة اللي تجي أصلاً من بايبات الحكومة

يعطيك العافية الغالي لكن فيه واحد مسوي الخزان و نصح به!!

تنصح بالخزان الارضي بحكم خبرتك؟؟

[معماري قطري]

يعطيك العافية الغالي لكن فيه واحد مسوي الخزان و نصح به!!

تنصح بالخزان الارضي بحكم خبرتك؟؟

يعتمد الله يسلمك وين بتسويه .. إذا حق تخفيه فقط وبيكون في زاوية معزولة الشجر لين نبت بيغطي عليه ولا بتلاحظه وبعدين شكله حلو وأحلى من الحوائط العادية

إذا ما عندك مكان وبتخلي السيارة توقف عليه وهو تحت الارض لازم تحتاط تسوي غرفة مناسبة له ولو احتجت تغيره شلون بيكون هل بتكسر أو بتركب غطاء قوي ومناسب .. ممكن يكون حديد مغطى ببلاط .. بس شغلة مزعجة ولا تسوى

لو بتسويه في بيسمنت خدمي وتحت البيت وبتوصل له بيب حق يتعبأ ماي من الدنكر مفتوح على الخارج بعد ممكن .. انا فكرة البيسمنت الخدمي مقتنع فيها وباسويه بتشطيب بسيط جداً .. الارضية والجدران خرسانات مكشوفة .. يعني تقدر تقول أساسات مب مدفونة .. والارتفاع كثير بيكون نازل بحد أقصى 1.8 متر .. وضغط الماي لدورات المياه بيكون بالكهرباء وباخلي السطح بدون تكييف ولا توانكي ولا خدمات غير الدشات وممكن خلايا شمسية لبعض التجهيزات على الطاقة الشمسية

حتى بايبات تغذية المياه وبايبات الصرف الصحي بامررها معلقة تحت سقف البيسمنت ومن خلال دكتات توصل للحمام مباشرة وبسهولة تستبدلها أو تصلحها أو تفحصها من تحت البيت في البيسمنت الخدمي .. باكتفي بمخزن تحت فقط والمناور باخليها جانبية فتحات نازلة وضيقة للتهوئة والانارة الطبيعية وبدون ما ارفع البيت .. باسوي درج خدمات للبيسمنت الخدمي من الحوش وكذلك درج من داخل البيت للمخزن مع امكانية الوصول لباقي الخدمات تحت

حتى التكييف بيكون تحت

لكن ضروري باخلي في الحوش وقريب من السور تانكي كبير احتياطي .. التانكي اللي في البيسمنت بدال السقف قصدي

[معماري قطري]

نهاية الإجابة محدداتك انت وظروف بيتك هي اللي تحكمك ونصيحتي انا نظامنا الخارجي أضمن أو في بيسمنت خدمي وسهل تستبدله وتصينه وتشوف أي تسريب

[Azizuk]

في كثير من المشاريع والعمائر والفلل مسوين الخزان تحت الارض عندنا

بس لازم تراعي ضغط الخرسانة وقوتها في جدران الخزان ويتلبس عليه من الداخل عازل وبعد العازل يتلبس ابلاط لامع مع مراعات نوعية مادة الغراء اللي راح تستخدم في تركيب البلاط

في نوع مادة الغراء ضد الماي

وغطاء الخزان يجي استنستيل مع أطراف ربر مطاطي يحكم الغطاء جيد

ونوع المضخة تكون نوع غطاس وفِي تهوي في الخزان وعلى التهويه شبك مع فلتر لمنع الحشرات والأوساخ

في مشروع لم يراعه في المواصفات وانفجر عليهم الخزان بعد ماتعباء ماي بالكامل بسبة الضغط

بشكل عام في قطر مب متعودين على الخزان تحت الارض لان قليل من يتقن هذا العمل

[معماري قطري]

في كثير من المشاريع والعمائر والفلل مسوين الخزان تحت الارض عندنا

بس لازم تراعي ضغط الخرسانة وقوتها في جدران الخزان ويتلبس عليه من الداخل عازل وبعد العازل يتلبس ابلاط لامع مع مراعات نوعية مادة الغراء اللي راح تستخدم في تركيب البلاط

في نوع مادة الغراء ضد الماي

وغطاء الخزان يجي استنستيل مع أطراف ربر مطاطي يحكم الغطاء جيد

ونوع المضخة تكون نوع غطاس وفِي تهوي في الخزان وعلى التهويه شبك مع فلتر لمنع الحشرات والأوساخ

في مشروع لم يراعه في المواصفات وانفجر عليهم الخزان بعد ماتعباء ماي بالكامل بسبة الضغط

بشكل عام في قطر مب متعودين على الخزان تحت الارض لان قليل من يتقن هذا العمل

في عمارة صغيرونة تورطنا في موقع التانكي وكنا بنسوي تفصيل تحت الدرج .. بس كفت المساحة تحت بسطة الدرج حق خزان مناسب وكانت مكاتب نفعت معاها سعة خزان اصغر لو سكنية كان لازم نسوي تفصيل او نخطط له من البداية تحت الارض

تحت الارض صعب لكن في بيسمنت مفتوح ممكن بسهولة

فيه خزانات تجي مجزأة ومقطعة .. Sectional tanks .. هذي يسوونها حسب الطلب وممكن تملي بها أي مساحة وتدخلها قطع توصلها ببعض وتكون لك خزان ضخم وتقدر تقول يستحيل اخترابها

عندي فوق السطح المساحة للخزان ومعداته 2 في 5 متر .. 10 متر مربع وهذي بسهولة تقدر تسويها تحت الارض حق نفس القطع .. الخزان والبرشر والسخانات والفلتر وحتى 2 في 3 كافية

كذلك لو خليت المساحة حول الاساسات مفرغة ما ضريت الاساسات بدفان ووزن وتقدر تفحصها بسهولة .. وبتكون عندك ارضية الدور الارضي على صبية خرسانية انشائية خفيفة أخف من ارضية الدور الأول لأن تقدر تحط جدران استنادية قد ما تبي كذلك المساحات بتكون صغيرة والأهم كل شيء محمي عن الشمس وعوامل الجو والغبار .. حتى التكييف بتحتاج غرفتين أو ثلاث أو أربع صغار موزعين للكمبريسرات مع تهوئة مناسبة .. لنفترض 4 غرف كل غرفة 3 في 2 بمساحة اجمالية 24 متر مربع و20 للمياه ونفترض كذلك 30 ممرات للتمديدات للمياه ما توصل 100 متر مربع يعني بيسمنت جزئي واذا باسوي مخزن بحدود 30 متر مربع والدرج جزء بسيط بينزل لتحت يعني المساحة مستحيل تزيد عن 200 متر مربع .. وبدون تشطيب كلها خرسانة مكشوفة وهي تكلفة أصلاً مدفونة استوت تكلفة مستفاد منها وبقى لي السطح نظيف وخالي من كل شيء

[بوخالد911]

خزان الماي
تحت 2000
فوق السطح 800

انا ما ركبت سخان مركزي
لعدم قناعتي به.

[بوجاسم_قطر]

السلام عليكم

احين في قانون جديد يمنع اتحط تانكي الماي فوق السطح

مادري والله شنو الحكمة من ذي القانون احس انه مب عملي كلش

هل يمكن تركيب الخزان المركزي على الخزان الرئيسي الارضي؟
فكرت اني اخلي الخزان تحت الارض بس واضح من الردود انها فيها مغامرة

[SouthK]

نهاية الإجابة محدداتك انت وظروف بيتك هي اللي تحكمك ونصيحتي انا نظامنا الخارجي أضمن أو في بيسمنت خدمي وسهل تستبدله وتصينه وتشوف أي تسريب

يعطيك ربي العافية ما قصرت على التوضيح :)

[$الملياردير$]

السلام عليكم

احين في قانون جديد يمنع اتحط تانكي الماي فوق السطح

مادري والله شنو الحكمة من ذي القانون احس انه مب عملي كلش

هل يمكن تركيب الخزان المركزي على الخزان الرئيسي الارضي؟
فكرت اني اخلي الخزان تحت الارض بس واضح من الردود انها فيها مغامرة

هلا اخوي ... ما اعتقد في قانون فوق السطح .. يمكن حجم التانكي مايعدي 800 جالون ممكن بس ... يمكن قصدك فوق البنت هاوس ... بس السطح عادي ... اللي اعرف ان اللي فوق الملحق الخارجي لازم تغطيته ... وللاسف مافيه قانون موحد بين البلديات فنلاحظ بلدية تمشي شي واُخرى تضع اشتراطات غريبة لإتمام البناء .... الله المستعان

[بوجاسم_قطر]

هلا اخوي ... ما اعتقد في قانون فوق السطح .. يمكن حجم التانكي مايعدي 800 جالون ممكن بس ... يمكن قصدك فوق البنت هاوس ... بس السطح عادي ... اللي اعرف ان اللي فوق الملحق الخارجي لازم تغطيته ... وللاسف مافيه قانون موحد بين البلديات فنلاحظ بلدية تمشي شي واُخرى تضع اشتراطات غريبة لإتمام البناء .... الله المستعان

مرحبا اخوي
انا تابع بلدية الريان وكلمت مدير البلدية واكدلي ذي الشي, قالي ممنوع تحط تانكي فوق السطح مب البنت هاوس حتى لو مسكره بغرفة. وانه التعليمات من كهرماء

في عندي واحد من الربع تبع بلدية الخور توه مطلع تصريح بنيان وحاط تانكلي فوق السطح,,, نفس ماقلت في اختلاف بين البلديات مافي شي موحد.. الله يعينا

[Azizuk]

مرحبا اخوي
انا تابع بلدية الريان وكلمت مدير البلدية واكدلي ذي الشي, قالي ممنوع تحط تانكي فوق السطح مب البنت هاوس حتى لو مسكره بغرفة. وانه التعليمات من كهرماء

في عندي واحد من الربع تبع بلدية الخور توه مطلع تصريح بنيان وحاط تانكلي فوق السطح,,, نفس ماقلت في اختلاف بين البلديات مافي شي موحد.. الله يعينا

طيب هالقانون هذا ينطبق على الي مقدم على خرائط جديدة أو اللي ماخلص وماخذ شهادة إتمام البناء

لان في ناس مخطط بيته على ان الخزان فوق السطح وامدد بيباته على ان الخزان والسخان فوق السطح والملاحق كيف الحين يطلع قرار بمنع الخزان فوق السطح

أو يمكن قصدهم للعماير السكنية أو المباني التجارية

وضع الخزان فوق السطح يعطيك تغذية لدافع قوي لو مضخة الضغط أو مضخة تدوير الماي اختربت عليك على الأقل تحصل ماي يجيك ( centre gravity )

[بوجاسم_قطر]

لا ياخوي القانون على البيوت مب العماير، ويطبق ذي القانون على الخرائط الجديدة
انا كنت مقدم على التانكي فوق السطح ورفضوه وطلبوا مني اعدل الخرائط

انا مب مقتنع نفسك بذي القانون بس الله المستعان