ياخوان عاجل

[Master_qtr]

السلام عليكم ورحمة الله وبركاته.. عندي استفسار:
شريت مكيفات فوجي اليوم وبعد الدفع سألني مدير المبيعات اذا ابي المكيفات بالشكل الجديد او القديم ولما سألته عن الفرق قال تفرق في نوع الغاز. احد عنده خلفية ايش الفرق وهل الشكل القديم او الجديد افضل ك كولتي؟

كل الشكر

[ضوى]

الجداد كلهم اللي يوفر الطاقة ، واللي مطابقين للمواصفات القياسيه القطرية ، يقولون انه الغاز القديم بتختفي وبيحل محله الجديد ، جنرال ماعاد ينزل النوع القديم كله الجديد ، يقولون انه كوالتي التبريد وخلافه مايتغير الفرق انه موفر للطاقة وصديق للبيئة حسب ماقال لي مسؤول المبيعات في جنرال

[$الملياردير$]

الشكل الجديد احسن بكثير ... واللون افتح وانصع بياضا للوحدة من الداخل و على كلامهم انه بستن ايضا انا نفسك اخوي موقع عقد معاهم و قالوا لي اختار اللي تبي كلهم بنفس السعر .... في واحد فوق مدير محترم جدا اسمه محمد فيروز هندي ...بيقدم لك النصح .... بس انا بعتقد اني بتوكل على الله في الجديد علشان مشكلة الغاز القديم مثل ماقالت اختى ضوى يمكن ماراح يكون موجود بعدفترة و هذا كلامهم ايضا و عشان الشكل بعد عجبني كثير ......وفقك الله

[معماري قطري]

الشكل الجديد احسن بكثير ... واللون افتح وانصع بياضا للوحدة من الداخل و على كلامهم انه بستن ايضا انا نفسك اخوي موقع عقد معاهم و قالوا لي اختار اللي تبي كلهم بنفس السعر .... في واحد فوق مدير محترم جدا اسمه محمد فيروز هندي ...بيقدم لك النصح .... بس انا بعتقد اني بتوكل على الله في الجديد علشان مشكلة الغاز القديم مثل ماقالت اختى ضوى يمكن ماراح يكون موجود بعدفترة و هذا كلامهم ايضا و عشان الشكل بعد عجبني كثير ......وفقك الله

بدو يعترفون بعد ما صرفوا القديم

[@north_star@]

ممكن الجديد موفر للطافة بس بعد تبريد القديم مافي

[معماري قطري]

أتوقع اللي بيصير واللي المفروض يصير إنهم يمنعون استيراد القديم لكن ما يمنعون الغاز للقديم للصيانة ومع الوقت بينقرض القديم وبيحل مكانه الجديد

[بوخالد911]

اللي عرفته بس يوفر طاقة


بس اللي مب مستوعبه اشلون ( صديق البيئة ) ؟!؟!؟!؟!؟!

[معماري قطري]

اللي عرفته بس يوفر طاقة


بس اللي مب مستوعبه اشلون ( صديق البيئة ) ؟!؟!؟!؟!؟!

الطاقة والبيئة مصطلحين متزامنين .. تقلل الطاقة معناها توفر حرق الوقود واضرار البيئة

الغاز نوعيته كذلك ما تسبب تآكل الاوزون

العزل الحراري مهم للبيت كامل وتغطية المكيفات بمظلات كذلك يوفر ويقلل الضغط الهائل على الوحدات الخارجية .. أو تركيبها في جوانب الحائط يوفر تظليل لها غالب الوقت مع تهوئة جيدة .. أو في الحوش بين الزراعة كذلك تسهل صيانتها .. أشوف غلط ترك الوحدات الخارجية فوق السطح بدون تظليل

[مضارب مستثمر]

اعتقد المكيفات القديمه " بدون ستكر النجوم" ممنوع تداولها

[Nasserhamad]

نصيحة اخو اخذ الجديد ...

[بومحمد55]

خذ الجديد وكل ماكان عدد النجوم أكثر فهو الأفضل

وتأكد ان السلع اللي تدخل قطر أفضل وأجود لو تلاحظ دور على كل محلات التكييف اذا لقيت نجمتين ونازل لك اللي تبيه

أما الدول المجاورة راح تحصل بونجمة بعد .