ملاحظات على معلمة الصف

[ورد الدوحه]

السلام عليكم ورحمة الله
صبحكم الله بالخير

بنتي في الصف الأول في مدرسة مستقله
وطبعاً في المدارس المستقله غالباً ماتكون معلمة الانجليزي هندية

المهم اختصر الموضوع
بنتي كل يوم تشتكي تقول يمه المعلمة تقول لي كتبي عدل يا كجرة >>>> والله بنتي صف أول
ومستغربة من الكلمه
وتقول لها انتي مصخرة وغيرهااا من ألفاظ الهنود :anger2: ومب حق بنتي هالكلام أكيد حق كل البنات
أنا كنت باشتكي عليها والله... ومترددة مابي اقطع رزقها بس شفت انه السالفه امصخت
ياليت الوزارة اذا بيوظفون هنود يدربونهم على حسن التعامل مع الطلاب وخصوصا الصغار ويعلمونهم انه هالكلام عيب عندنا في مجتمعاتنا

واللي عنده راي ايفيدني قبل ماروح المدرسة:anger3:

[بريق الحق]

اشتكي عليها
لا فيها قطع أرزاق ولا شي
كفايه الأجيال مدمرة الله المستعان

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

هذول اذا تعطيهم ويه و تسكت عنهم يبدون بالتطاول ويطلعون الحقد و الغل اللي في قلوبهم

مع تدمير الكوادر الوطنية صرنا مضطرين لهالأشكال اللي يمكن لا دين ولا خلق و لا فهم لعادات و تقاليد اهلُ البلد

جهزي كلمة قوية و روحي للمشرفة بس قبل هذا تأكدي هل فعلا صدر منها مثل هالأشياء وإيش سببها و حقيقتها

[ورد الدوحه]

اشتكي عليها
لا فيها قطع أرزاق ولا شي
كفايه الأجيال مدمرة الله المستعان

ايه والله
الله المستعان وحده سبحانه

[ضوى]

بصراحة وايد مستغربة من الكلمة ، بس مب وارد انه بنتج سمعت الكلمة غلط ؟ تبين رايي روحي للمساعدة وكلميها ووضحي لها افهمي منها احسن ، وعقبها لو ثبت فعلا انها قالت هالكلام انتي حذريها وقولي لها انه المرة الجاية مابتشتكيم عند الاخصائية او المديرة ، قولي لها على طول للوزارة ومايعتبر قطع رزق على فكرة لا بالعكس انتي جذي تنظفين المدرسة من أمثالها

[ورد الدوحه]

وَعَلَيْكُم السّلام وَرَحْمَة اللهِ وَبَرَكَاتُه

هذول اذا تعطيهم ويه و تسكت عنهم يبدون بالتطاول ويطلعون الحقد و الغل اللي في قلوبهم

مع تدمير الكوادر الوطنية صرنا مضطرين لهالأشكال اللي يمكن لا دين ولا خلق و لا فهم لعادات و تقاليد اهلُ البلد

جهزي كلمة قوية و روحي للمشرفة بس قبل هذا تأكدي هل فعلا صدر منها مثل هالأشياء وإيش سببها و حقيقتها

والله تأكدت أصلا بنتي ماتعرف هالكلمات عبالها شي زين
وبنتي اشوي بطيئة في الكتابة والمعلمة وايد عصبية
بداية السنة كانت اتقولها انتي مافي زين
وعقب تطورت صارت اتسب
لازم لازم اكلم المشرفة
جزاك الله خير اخوي

[ورد الدوحه]

بصراحة وايد مستغربة من الكلمة ، بس مب وارد انه بنتج سمعت الكلمة غلط ؟ تبين رايي روحي للمساعدة وكلميها ووضحي لها افهمي منها احسن ، وعقبها لو ثبت فعلا انها قالت هالكلام انتي حذريها وقولي لها انه المرة الجاية مابتشتكيم عند الاخصائية او المديرة ، قولي لها على طول للوزارة ومايعتبر قطع رزق على فكرة لا بالعكس انتي جذي تنظفين المدرسة من أمثالها

صح كلامج حبيبتي
وبعد باتأكد والله
ولو اني متأكده 100%
لانه احنا هالكلمات مب متداولة عندنا كلش وبنتي ماقالت انه وحده من البنات قايله .
على طول يات قالت لي يمه شنو معنى هالكلمه (....) لانه أبله الانجليزي كله تقول لنا

[معماري قطري]

رايي تروحين وتقابلين مسؤولتها وتطلبينها وتفهمينها شلون التعامل وإن هذا الشيء غلط

وشيء مهم بدون ما تدري البنت وتذكرين إنج ما علمتي بنتج وتبينها تجي مرة ثانية تمدح في المدرسة .. أكيد بأُسلوب طيب وبنصيحة ولو تمادت تشتكين عند الوزارة لأن هشكل تتعقد البنت وتكره المادة والدراسة

[ورد الدوحه]

صــح جزاك الله خير

انا بروح بعدين باكلمهم لانه صج البنت اكرهت مادة الانجليزي بسبة الأبله ذي
الله المستعان

[بوخميس]

مدرسة تقول (كجرة) و (انتي مافي زين)

قاعدين في فندق بسم الله مب مدرسة

دام انها مدرسة انجليزي مفروض ما تتكلم الا عربي او انجليزي مب تعطينا اوردو وحركات

[ورد الدوحه]

مدرسة تقول (كجرة) و (انتي مافي زين)

قاعدين في فندق بسم الله مب مدرسة

دام انها مدرسة انجليزي مفروض ما تتكلم الا عربي او انجليزي مب تعطينا اوردو وحركات

هههههههههههههههه
ههههههههه
والله كنت امعصبه بس كلامك ضحكني

[aloosh]

ما فيه شي اسمه اقطع رزقها فيه شي اسمه احترم البلد واهلها هي جايه تقاضا راتب وقدره في بلادها تلحف بكرتون المشكله فينا احنا يا اهل البلد من جاء ركب فوق ضهورنا بسبب طيبه هولاء اذا ما احترم البلد واهله يذلف وتسامحنا هو من خلى الغريب يستقوي علينا لمرحه انه يسب اطفالك ويهينهم يجب على كل قطري عدم السكوت على اهانه طفله او هو نفسه او اي قطري
يجب توصلها للجهات المختصه او حتى للوزير وعدم التهاون ترا بكره بركب على ظهرك ويستقوي عليك هولاء مالهم الى الضبط والربط دون اهانته اما يتبع قانون البلد وعادات اهله او يذلف

[Rider]

للاسف بقولها بنات البلد لله يصلح حالهم مايبغون التدريس اتجهوا حق تخصصات أخرى وتركوا بناتنا مع مدرسات من جنسيات أخرى مافيه أحن على عيالنا من بنات البلد ولا هؤلاء فيهم حقد على القطريين

[كشمه]

تقطعين رزقها ولا تقطع نفسية البنت
بالفعل هذول مدمرين لنفسيات الأجيال

[ورد الدوحه]

شكراً لكل من رد على الموضوع وماقصرتوا

وفعلاً انا رحت المدرسة وطلبت المعلمة ومسؤولتها والحمدلله انه المسؤوله قطرية
وتكلمنا وتناقشنا و و....
اول شي المعلمة انكرت انها قالت هالالفاظ وبعدين اعترفت وهي مفتشلة ومنزلة راسها وتتأسف واااايد
وطبعاً المسؤوله والله ماقصرت وياها عطتها من الكلام اللي برد قلبي
ولأني طيبة سامحتها

وجزاكم الله خير