عشا رومانسي

[RVD]

السلام عليكم

بغيت اسال احد يعرف مكان معين او فندق يرتب عشا رومانسي حق مناسبات خاصه غير فندق شرق ؟؟

الله لايهينكم

[حمد 2002]

مطعم روميو وجوليت بالسد ..

[ضوى]

ولدي توه مودي زوجته مكان مدري شاطئ في كتارا ورتبوا له قعدة عالبحر وزينوها له بشكل رومانسي ووايد انبسط ولدي وزوجته يقول كان شي مميز فعلا

[@north_star@]

فندق الشعلة اسباير

[aloosh]

البيت افضل شوف لك محل يرتب لك كل شي
ما فيه احلى من الخصوصيه في مثل ها المناسبات

[حمد 2002]

ولدي توه مودي زوجته مكان مدري شاطئ في كتارا ورتبوا له قعدة عالبحر وزينوها له بشكل رومانسي ووايد انبسط ولدي وزوجته يقول كان شي مميز فعلا

اي ،، تبع مطعم سكر باشا ..

نعم رحت هناك من قبل بس على حسب الجو حر ولا برد ولا غبار .. ورحت بعد الخيمه البرايفت الي على البحر فيه ب 1500 تقريبا والكبيره 2500 تقريبا انا رحت الكبيره ((((طبعا ))))..

[حمد 2002]

البيت افضل شوف لك محل يرتب لك كل شي
ما فيه احلى من الخصوصيه في مثل ها المناسبات

نو نو نو

البيت ملل

حلاتها برع البيت

[حمد 2002]

فندق الشعلة اسباير

سباير فيه مطعمين تقريبا .. مطعم ديزاينه على شكل حديقه نسيت اسمه ويقدم سندويجات وكشروبات بارده وساخنه والمطعم الدوار الي بالطابق 40 تقريبا ..

الصراحه حلو حق الي ماراح لهم من قبل بس انا رحت لهم مليون مره فمايعجبوني

[حمد 2002]

جرب الدونات بوت الي بنادي الدانه اذا كان موجود للحين وهو عباره عن قارب مطاطي دائري وعندهم عرض شخصين ب 500 ريال للغداء وعباره عن مشاوي يعني شخص يشوي قدامك وشخص ثاني يسوق البوت ومايدور فيك وايد تقريبا نص ساعه او اقل نسيت والله لانه هالكلام من كمن سنه ..

[حمد 2002]

وعندك فكره بعد تتفق مع احدى اصحاب اليخوت الي باللؤلؤه انه ايسويلك عشاء رومانسي او غداء قريب السافليه

[حمد 2002]

فيه افكار وايد ومطاعم وايد اذا تبي بعطيك اياها ..

[ضوى]

الدينا دوارة يا حمد ، سبحان الله كنت اكثر واحد ينتقد هالسوالف واثاريك تلعب بالبيضه والحجر وترد العين عنك

[ya3coub]

السلام عليكم

بغيت اسال احد يعرف مكان معين او فندق يرتب عشا رومانسي حق مناسبات خاصه غير فندق شرق ؟؟

الله لايهينكم


ولدي توه مودي زوجته مكان مدري شاطئ في كتارا ورتبوا له قعدة عالبحر وزينوها له بشكل رومانسي ووايد انبسط ولدي وزوجته يقول كان شي مميز فعلا

بالظبط النادي البحري فكتارا المطعم الي هناك ممتاز جدا بس لازم الحجز و ممكن على حسب المبلغ انه يحجز نص المطعم الي عالبحر و بيحططون قلوب و شموع و الأسم بالشمع فالرمل وايد حلو من المغرب و طالع.

اسم المطعم او "النادي البحري" تاليمار Taliamare beach club

و مكانه قبل ما تدخلين الكمبنسكي فاللؤلؤة ياخذ الدوار يسار و كللللله سيدا لين النهاية يوصل البر يكمل و بيكون النادي يساره بروحه.

منتجع ريجينسي لاي فسيلين بعد يسوون و في وايد اماكن بس الأسعار خيالية للأسف من الأغلب

[ya3coub]

360 الي فالشعلة عند غرفه المدخنون او غرفه المدخنين السابقه تحولت إلى غرفه للإحتفالات اكثر من مرة اشوفها محجوزة و يترسونها ورد و شموع و سوائا ازواج او عيد ميلاد وايد حلوة و كعشا رومنسي حتى 360 يعتبر بس الأغلب راح فكره إلى التزيين و شي خاص.

تي قاردن بعد الي تحت فالشعلة بعد ممكن تحجزون الي ورى اخر شي الأريكة و يسون هناك مرات حفلة

[qatarman8008]

بس مافهمت هل هي مناسبة عائلية فيها معازيم وكذا..
او انها لشخص مع زوجته فقط..