ظاهره غير حضارية ارجو التصدي لها ......؟

[احمد1]

السلام عليكم .... في ظاهره غير حضاريه كلش اتمنى التصدي لها من المسؤولين ... وهي اجلكم الله (البصق بالشارع) اسف ... بس والله مللتني هالظاهره ومعظمهم من الاسيويين والسبب انه عرفته نوعية اكلهم المفلفل والي فيه بهارات تقض معدة فيل .... وبصراحه انقرف كل ماشفت واحد منهم يثور يمين ويسار حشى ريجك في حلجك كانه سم والا شنو ... طبعا الي مريض او عنده عذر ثاني الله يشفيه ... في شيء اسمه فاين ولااي شيء ثاني ... بس في الشار ع والطريق وكل مكان والله العظيم ... انقرفنا ....والحل من وجهة نظري يكون كالتالي :-

1- كل شخص يتم استقدامه للبلاد مع دخوله لاستكمال اجراءات الاقامه يحطون له ملاحظه (ممنوع البصق في الاماكن العامه ) كلن بلغته وخاصه الاسيويين تحتها 3 خطوط حمر
2- توضع في مطاعم السبجي والكيمه ملصقات من البلديه بالاردو والانجليزي والعربي بمنع هذا السلوك

3- بعد حملة التوعيه والمكثفه بشهر يغرم 100 ريال كل من يبصق بالشارع والاماكن العامه وتكون الغرامه فوريه وفعليه

4- مب يطلعلي واحد ماغسل وجهه يمسكون الصبي حقه ينقز انه فلان ولا بتوسط عند فلان خلو القانون ياخذ مجراه لنتصدى لهذه الظاهر

اسف على الاطاله والي يبي اعرف وش اقصد... في مطعم في سوق العلي اشرب عنده كرك ... وانه اشرب الكرك والله اقعد اتعبث باي شيء داخل الموتر لاني لو رفعت راسي بنقرف ويمكن ارجع من الي اشوفه بدون مبالغه والله كانه في حلوجهم وباء بكتيريا .. ريجهم في سم كله يثورون يمين ويسار ..
ملاحظه تشوف على الشوارع الي سرعتها 80 تقريبا ملصقات بالعربي والانجليزي تبين مكتوب عليها كلنا نشوفك ومن هالكلام ... بالذمه السايق سايق في سبحانيته شلون بيقرى وهو يسوق بهالسرعه وبعدين حاطلي اياها بالشارع تلهي السواقين ومهب فعاله لا برسوماتها الي كنها مالت اطفال ....القصد بالموضوع يا جماعه ياليت يكون في اسلوب صحيح لتوصيل المعلومه للي يتبعون هذا السلوك انه غلط وممنوع هنيه ... في بلادك كيفك هنيه لا ...شكرا

[Rider]

من يسمعك اخوي أظن هناك مخالفة للبصق لكن تعال فهم هؤلاء متعودين على بلادينهم والوسخه لي عايشين فيها

[GENIUS]

مفهوم بعض الجاليات لمنع البصق بطريقة خاطئة بسبب طريقة التوعية والمقصد الصورة التي بها منع البصق لأن في الصورة شخص يخرج رأسه من شباك السيارة ويبصق وهذا ممنوع بحسب وضعية الصورة اما بأن يفتح باب السيارة ويبصق فهذا في نظرهم ومفهومهم مسموح وللأسف هذه المعلومة تأكدت منها من عدة اشخاص من هذه الجاليات

[mr. abdulla]

جات على البصق ... جاري حاط بسن النخل قدام بيته بانيو!!! قديم محذوف.. و جار ثاني نخلي السائق يعلق وزارة برع بعد الغسيل.. و واحد محول الفريح ورشة طراريد.... خل البلدية يمسكون الأشياء الكبيرة بعدين يلحقون ع الصغيرة

[nooora]

جات على البصق ... جاري حاط بسن النخل قدام بيته بانيو!!! قديم محذوف.. و جار ثاني نخلي السائق يعلق وزارة برع بعد الغسيل.. و واحد محول الفريح ورشة طراريد.... خل البلدية يمسكون الأشياء الكبيرة بعدين يلحقون ع الصغيرة
�� �� �� �� على طاري الفريج
تلاقي ولد عمره لا يزيد عن ظ،ظ¢ سنه يوصل امه البقاله بالسياره �� �� علموا اولادكم الرمايه ... وركوب الخيل لكن مب جذي �� ،،،، نقطه خارج الموضوع...

[وسمي2016]

سنغافوره حطوا عليهم مخالفه 500 $سنغافوري ومنع العلكه ايضا

وتم التطبيق بقوه,,,,,,,,صارت شوارعها من انظف ما يمكن,,,,,,,,,,,,

هالقانون طبقته سنغافوره منذ اكثر من 30 سنه على ما اعتقد وحيث تعيش
فيها جاليه هنديه كبيره يستعملون "التنباك " للعلك ,,,,,,

[معماري قطري]

سنغافوره حطوا عليهم مخالفه 500 $سنغافوري ومنع العلكه ايضا

وتم التطبيق بقوه,,,,,,,,صارت شوارعها من انظف ما يمكن,,,,,,,,,,,,

هالقانون طبقته سنغافوره منذ اكثر من 30 سنه على ما اعتقد وحيث تعيش
فيها جاليه هنديه كبيره يستعملون "التنباك " للعلك ,,,,,,

هذا احنا قوانين بدون تطبيق

كاميرات في كل الشوارع زينة بس استويت اشك انها ما تشتغل الا على القطري بس وانتقائي .. بعضهم يفتح الباب بلطافة ويقرب وجهه من القار كأنه يساسر الشيطان ويبث سمومه أمام الناس .. وبو فلبن اللي حاطينهم على شاشات المراقبة يسوون نفسهم ما يشوفون

[يمامـة]

قانون بغرامة مادية مع تطبيقه الكل بيتأدب..

[تغلبية]

أعتقد إن المواطن والمقيم الغيور على البلاد .. هو أقوى رادع لمثل هالناس اللي يتصرفون بحرياتهم
دون اعتبار لقانون أو عادات أو اتباع سلوكيات حميدة.
..
إذا شفنا وشفتوا هالتصرف كلموهم وبينوا لهم بداية إن هالتصرف غيرمقبول وغلط يسويه في الشارع يضرنا ويضر الناس كلها
وإن فيه قانون يمنع وعليه عقوبة ... ولا عاد تسوي هالحركة مرة ثانية ..
لأن إحنا اللي نشوفهم... البلدية والكاميرات ماراح تقدر تصيد كل واحد وتعاقبه.
..
عن نفسي متبعه هذا المبدأ .. وإذا شفت الغلط منهم ما أسكت عنهم ..
وأكثرهم يخافون ويعتذرون.

[احمد1]

والله لو يخلوني احط استراتيجية للقضاء على هاذي الظاهرة لا خليهم في مده قصيره مايسوون هالحركات بأذن الله

[السكين]

والله لو يخلوني احط استراتيجية للقضاء على هاذي الظاهرة لا خليهم في مده قصيره مايسوون هالحركات بأذن الله

اكتبها هنا ممكن توصل للجهات المسئولة .

أنا بنظري تكون مخالفة فورية بصلاحيات قوية للشخص اللي يضبط المخالفة كسحب البطاقة ويتم التسديد خلال 3 أيام بحد أقصى في مركز الشرطة ، الآسيويين يخافوا من مراكز الشرطة والدوائر الحكومية والغرامات مهما كان مبلغها تأثر فيهم وتوصل بينهم وبين بعض أسرع من أي وسيلة إعلامية بس يطبق القانون وهم بينشرونه بنفسهم .

بصراحة معاناة كبيرة في أماكن تجمعهم أو عند خروجهم من أي مطعم أو كافتيريا غير الأصوات اللي تسبق عملية الإطلاق ههههههه الله يسامحهم والله الموضوع دايماً أتكلم عنه .

لا تنسوا هالأمور بتأثر في إستضافة كاس العالم كثير من الأوروبيين ما يفرق بين عربي وآسيوي وقطري فيكون الإنطباع سيء عن المواطنين .

[احمد1]

والله انك صدقت الغالي اقتراحك مثالي ... ولو بعد يكون في ضبط فوري ودفع غرامه فورية بعد زين ... وممكن توضع ملاحظه على أي تأشيرة اقامة او زيارة بخط صغير بمنع هذا السلوك في قطر وانه يعاقب عليه القانون بغرامة فورية .. صدقني بيكون رادع قوي
والله سلوك مرفوض ولازم مب نتعود عليه لازم نمحيه

[احمد1]

للرفع

[احمد1]

هذا احنا قوانين بدون تطبيق

كاميرات في كل الشوارع زينة بس استويت اشك انها ما تشتغل الا على القطري بس وانتقائي .. بعضهم يفتح الباب بلطافة ويقرب وجهه من القار كأنه يساسر الشيطان ويبث سمومه أمام الناس .. وبو فلبن اللي حاطينهم على شاشات المراقبة يسوون نفسهم ما يشوفون

هههههههههههههههههههههههههههههههههههههههههههههههههه هه والله انك جبتها

[دينالي]

انا اشوف ظاهره البصق خفت عند الاسيويين عن قبل

[يمامـة]

مب بس البصق تكرمون..

لما ندخل صوب الغانم القديم وفريج ال اسحاق و ام غويلينة والرفاع
و النجمة .. المناطق هذي عالم منفصل عن المناطق اللي فيها بيوت القطريين..
او المناطق المشهورة سياحيا في قطر..

حتى منطقة الاسواق صوب سوق الجبر و العسيري..
شي مخجل وفشيلة..
لا البلدية اتدل المكان و لا رواد المكان اصلا محترمين المكان اللي هم فيه..

لان اللي عايشين في المناطق هذه اغلبهم من العمالة
و رواد منطقة الاسواق من العمالة بشكل كبير و عوايل الجاليات
اللي ما تهتم اذا قطت الوصاخة في الشارع او في الزبالة الله يكرمكم..

لذلك اشوف ان علينا ان نتحرك بتقديم افكار تساعد البلدية في زرع ثقافة المحافظة على البيئة..

اولها
مجموعات تطوعية تسوي جدول لكل منطقة و بتوزيع تعليمات المحافظة على البيئة
بلغات مختلفة ... و يتم توزيعها على العمالة بشكل مباشر او تعليقها على ابواب بيوتهم..

استخدام المساجد في هذه المناطق في نشر ثقافة المحافظة على البيئة
فوزارة الاوقاف لابد ان يكون لها دور بتوجيه خطباء المساجد هذه باظهار
قيمة النظافة و المحافظة على المنطقة و كيف هالشي يبرز الصورة الحقيقة للمسلم.

اقامة فعاليات بسيطة في كل فريج للعزاب الهدف الاساسي منها توجيهم للمحافظة
على نظافة المنطقة اللي ساكنينها.. مع تنبيهم الى العقوبات المادية اللي ممكن تلحق فيهم
و غيرها من العقوبات الاخرى المنصوص عليها قانونيا..

هذه بعض الافكار البسيطة في الموضوع..

و اتمنى ان هالامر يشوف النور.. ﻷن مهما وفرنا عمال ينظفون
في وجود ناس ما يعرفون يحافظون على النظافة راح نتعب أكثر و أكثر في مشاهدة
المناظر المزعجة للنفس و الروح من القاذورات و مخلفات الاكل و الشرب في كل مكان.

[Tomford_qtr]

يا كثرهم و خاصة وقوفهم عند الاشاره او الدوار ...

[R 7 A L]

لو فيه ارشادات ب الاوردو كان حدت من هالشي

[راعي الكورفت]

حتى لو وضعت لوحات ارشاديه
صعب الواحد يتحكم فيهم او يراقب تصرفاتهم .
عدد الآسيويين كبير جدا جدا جدا
ومسببين خلل في التركيبة السكانيه.
وهم متعودين على البصق على الأرض لاشعوريا ومع الوقت صارت عاده عندهم.

[هيباتيا]

دريولنا مرة تفل في الشارع بس مافهمني مادري فهمني بس يستعبط يوم قلت له لا يتفل الشارع

[احمد1]

حتى لو وضعت لوحات ارشاديه
صعب الواحد يتحكم فيهم او يراقب تصرفاتهم .
عدد الآسيويين كبير جدا جدا جدا
ومسببين خلل في التركيبة السكانيه.
وهم متعودين على البصق على الأرض لاشعوريا ومع الوقت صارت عاده عندهم.
هلا وغلا راعي الكورفت ... الغالي صدقني لو انحط بكل اللغات الي يفهمونها وفرضت غرامة 100 ريال تدفع فورية انهم خلال فتره بسيطه بتلقاهم ملتزمين وكل واحد يستخدم الكلينكس او الفاين والحياه حلوه ... وانه اتبرع بشغل الضبطيه الفورية مجانا بدون مقابل ... وشوف يوم يتطبق القانون فعليا شلون تكون الاستجابه له .. تحياتي