صفة عند الجنسيه الهنديه اعجبتني ..

[بريق الحق]

بِسْم الله الرحمن الرحيم

السلام عليكم ورحمة الله وبركاته

شي عجيب شفته فالهنود عجبني الصراحه ياليتها عندنا للاسف والله
تعاونهم بينهم وبين بعض وكل واحد يساعد الثاني انه يدور له وظيفه بيت والخ ومايبخل معاه
تمنيت هذا الشي عندنا فقطر بدال مانحفر حق بعض ونحقد ونحسد بعض على أتفه الأمور
ليش تغيرت القلوب عندنا وليش صرنا نوقف امور بعض شي محزن الصراحه

هذي الصفه اعجبتني فيهم للامانه وكم أتمنى ان نكون كامسلمين اول شي وثاني شي كا أهل قدر متعاونين بينا وبين بعض ونترك الحقد والحسد وتعطيل امور بعض
الله يصلح حال المسلمين يارب

[nooora]

امراض كحسد وحقد هذه مشكله ،، والمشكله انه ينكر ان ما يعاني من هذه الامراض،،،
قبل لا نوصل مرحلة الهنود في تعاونهم بين بعض خلنا اول شي ندعي لبعض مثلا اذا شخص مر عليه واحد وشافه مستانس اول شي يطلع من لسانه الدعاء ، هذا علاج له من الحقد والحسد والكره بدون سبب ،
فمن هذا الشهر كلنا ندعي للثاني بس يمر علينا اي حد ندعي له وبعدين نروح لخطوات اخرى الى ان نوصل مرحلة الهنود ،، الطريق طويل لكن ان شاءالله بنوصل اهم شي الارادة وبالتوفيق للجميع

[معماري قطري]

تبي تشوف القطريين على قلب واحد سافر ادرس في أي دولة وشوف كل قطري هناك شلون بيكون معاك .. نفس الهنود وأكثر وأقدر أعمم على الخليجيين ككل ومن كل دولة حتى دول الحصار

تجربة عشتها كم مرة وفي كم بلاد مثل ايرلندا - الأُردن - لندن - أمريكا وكذا مرة آخرها سنة 2014 وكانت شغل مب دراسة

[بريق الحق]

تبي تشوف القطريين على قلب واحد سافر ادرس في أي دولة وشوف كل قطري هناك شلون بيكون معاك .. نفس الهنود وأكثر وأقدر أعمم على الخليجيين ككل ومن كل دولة حتى دول الحصار

تجربة عشتها كم مرة وفي كم بلاد مثل ايرلندا - الأُردن - لندن - أمريكا وكذا مرة آخرها سنة 2014 وكانت شغل مب دراسة
ليش اسافر عشان اجوف*
هذي الصفه المفروض تكون موجوده عندنا داخل قبل برع
الاجانب عندنا بشكل كبير واحنا مانقدر نعين بعض ونساعد بعض الا العكس نحفر ونخرب على بعض الا من رحم ربي
والله شي محزن الصراحه

[بريق الحق]

امراض كحسد وحقد هذه مشكله ،، والمشكله انه ينكر ان ما يعاني من هذه الامراض،،،
قبل لا نوصل مرحلة الهنود في تعاونهم بين بعض خلنا اول شي ندعي لبعض مثلا اذا شخص مر عليه واحد وشافه مستانس اول شي يطلع من لسانه الدعاء ، هذا علاج له من الحقد والحسد والكره بدون سبب ،
فمن هذا الشهر كلنا ندعي للثاني بس يمر علينا اي حد ندعي له وبعدين نروح لخطوات اخرى الى ان نوصل مرحلة الهنود ،، الطريق طويل لكن ان شاءالله بنوصل اهم شي الارادة وبالتوفيق للجميع

هو مب شهر وينتهي الموضوع ونرجع مثل قبل
هذا سلوك فالأشخاص لازم يتغير مع الحصار كنت أتمنى يكون عشان الناس تراجع نفسها وتعيد ترتيب الأوراق
الحقد والحسد شي غريب منتشر بقوة عندنا الله المستعان

[ya3coub]

للأسف و ياللأسف و ياللأسف

امنية ياما تمنيتها اشتغل تحت الأرض باحد مشاريع الدولة و مبتعد كل الإبتعاد عن القطريين و اعتبر المهندس الوحيد القطري الي اشتغل ت بلندن و حاليا بالمشروع الي فيه و سابقا حديقه الشيراتون.

البلا و المشاكل فالشغل و الحقد و الحفر للأسف ما يجيك الا من القطري مادري ليش بس بوضح شغله الهنود ليلحين عندهم القبلية "مهراجا و عبيد" فعندهم هالعنصرية بينما الجنسية اللبنانية اهم الي فبلادهم يتذابحون عوائلهم بس اهني يد وحده.

شفتها مسيحي شيعي و سني و في الي طالعين لا ديانه ولا شي كللللللهم يسبون فاللي بلبنان بس اهني يد وحده يعطونه سيارة و يشوفونله سكن و عقبها المدارس و الواسطات علشان يجيب اهله والله تكاتف انصدمت منه معنهم من طوائف متعددله و يتناقشون بس اهني مافي ولا مشكله تصير بينهم إلا ما ندر, يغطون على بعض و يتكاتفون



ياريت لو عندنا كل واحد بس ياخذ حقه, الحق لا اكثر ولا اقل ياللأسف.

[وحيد-الشوق]

وعليكم السلام ورحمة الله وبركاته

والقطريين حقد وحسد وغيره ويفضلون الأجنبي الحمدلله والشكر ما اقول غير الله يشفينا

طبعاً كلامي ليس تعميم على الجميع في ناس فيها الخير والبركه

[بريق الحق]

للأسف و ياللأسف و ياللأسف

امنية ياما تمنيتها اشتغل تحت الأرض باحد مشاريع الدولة و مبتعد كل الإبتعاد عن القطريين و اعتبر المهندس الوحيد القطري الي اشتغل ت بلندن و حاليا بالمشروع الي فيه و سابقا حديقه الشيراتون.

البلا و المشاكل فالشغل و الحقد و الحفر للأسف ما يجيك الا من القطري مادري ليش بس بوضح شغله الهنود ليلحين عندهم القبلية "مهراجا و عبيد" فعندهم هالعنصرية بينما الجنسية اللبنانية اهم الي فبلادهم يتذابحون عوائلهم بس اهني يد وحده.

شفتها مسيحي شيعي و سني و في الي طالعين لا ديانه ولا شي كللللللهم يسبون فاللي بلبنان بس اهني يد وحده يعطونه سيارة و يشوفونله سكن و عقبها المدارس و الواسطات علشان يجيب اهله والله تكاتف انصدمت منه معنهم من طوائف متعددله و يتناقشون بس اهني مافي ولا مشكله تصير بينهم إلا ما ندر, يغطون على بعض و يتكاتفون



ياريت لو عندنا كل واحد بس ياخذ حقه, الحق لا اكثر ولا اقل ياللأسف.

شي محزن الصراحه
جانا مره المدير قال شدو حيلكم نفس فلان وهو ماشاءالله عليه مجتهد والخ من الكلام الفاضي
وكل الي قاعدين يدرون شلون وصل فلان الي يقعد في مجلس علان ويضحك له

[بريق الحق]

وعليكم السلام ورحمة الله وبركاته

والقطريين حقد وحسد وغيره ويفضلون الأجنبي الحمدلله والشكر ما اقول غير الله يشفينا

طبعاً كلامي ليس تعميم على الجميع في ناس فيها الخير والبركه

والله ياخوي الكل قام يطلع ويفضل العسكريه وينفر من القطاع الحكومي والخاص
لانه المدير يقول حسن قالي وفلان قالي ومايحل المشكله الا يزيدها
اما الهنود يعرفون حق بعض
عندهم واحد بسافر امريكا والله هنود القسم كلهم قطو قطيه عشان مايتعطل الريال هناك
استغربت ليش ربعنا مب بهذي الطريقه عندنا بسيط وكلنا اعيال فريج واحد

[معماري قطري]

هو مب شهر وينتهي الموضوع ونرجع مثل قبل
هذا سلوك فالأشخاص لازم يتغير مع الحصار كنت أتمنى يكون عشان الناس تراجع نفسها وتعيد ترتيب الأوراق
الحقد والحسد شي غريب منتشر بقوة عندنا الله المستعان

معاك حق ونتمناها من المسؤولين ورواد الأعمال اللي يحاربون القطري ويفضلون غيره

[بريق الحق]

معاك حق ونتمناها من المسؤولين ورواد الأعمال اللي يحاربون القطري ويفضلون غيره
أهل كيرلا فيهم تماسك قوي صعب اي واحد يدخل. السوق ويخرب عليهم
والله أتمنى امور وايد تتغير

[BoFahed]

للاسف ثقافة القبلية والصورة السلبية عن الاخر( حضر او بدو-شيعه او سنة -اصلي او متجنس ) منتشره عندنا من نعومة اظفارنا عكس ابائنا واجدادنا بالرغم من التعليم العالي والثقافة الدينية والبحبوحة الماليةاللي احنا عايشينها عسى الله لا يغير علينا ويحفظ شيوخنا

نسبة عالية من القطريين ( انا عايشتهم ) اذا اختلف مع اخوه القطري الاخر ( عمل او دراسة او غيره ) وخصوصا اذا كان مب من جماعته او منطقته او مب حوله ( من وجهة نظره ) اسمع شيقول عنه ( بيجيب اسلاف اسلافه ويجيب حالات فردية ويعممها وهذيلا كلهم جي الخ الخ)

انا اتكلم عن نفسي وما انكر انه في ناس قممم في الاخلاق والتواضع ومحبة الخير وجمعو اصالة النسب اوالدين اوالخلق

بس تغليب وزرع في الابناء انه الخير او المرجلة والسنع والاصالة والكرم مرتبطة في فئة( الاسم الاخير ) دون غيرها خطا كبير وانا هالشي عايشته بنفسي واربي عيالي بانه خطا وانه كلنا اخوان ولازم ما نفرق

هذي الثقافة هي اللي تخلي الواحد يشوف انه الاحق بالبلد والثروة والمنصب ويظلم اخوه ويغلب الاجنبي ويحطهم على راس القطريين وتوصل للنهب من الاموال العامه (يعتبره حق شرعي)

هذي وجهة نظر واتمنى اني اكون مخطأ فيها وسامحوني على صراحتي

[سعود.]

اهل البلد في الغالب يتكاتفون خارجها اكثر من داخلها لعوامل كثيره .

[BoFahed]

اهل البلد في الغالب يتكاتفون خارجها اكثر من داخلها لعوامل كثيره .
اتفق معاك اخي العزيز

[بريق الحق]

اهل البلد في الغالب يتكاتفون خارجها اكثر من داخلها لعوامل كثيره .

وهم نفسهم يتكاتفون اذا حاول الغريب ان يخرب بلدهم صح ولا انا غلطان

[سعود.]

نوعآ ما
وكلن على حسب اتجاه الرياح ؟؟؟؟

[ابو عبدالله.]

عندي تعليقين

الهنود ليسوا متماسكين كما نظن وبينهم حسد اكثر مما نتصور
ومحد يساعد الثاني الا بمقابل. صحيح يساعدون بعض بس كل شي له حسابه

وفي نكته هم انفسهم يقولونها
بائع القبابق و خمس سلال مليانه قبابق كلهم مغطيهم عشان ما يطلعون القباقب الا السله الي فيها قبابق هنديه
سألوه ليش. قال لا تخاف هذه قبابق هنديه . كل ما يصعد قبقب يبي يطلع البقيه بيسحبونه تحت مره ثانيه

دليل ع شده الحقد محد يبي يساعد الثاني. وهذا مثلهم ومعروف

عن المدير القطري كلن و اطباعه و اخلاقه

وايضا الموظف له و عليه. واذا دوم ع خلاف مع المدير لا نتوقع المدير يدعمه و يمدحه

صحيح في مدراء لهم سلبيات. لكن ايضا هناك ايجابيات

مجرد رأي

[qatarman8008]

الهنود يعرفون ان توحودهم هو سر قوتهم..
ولو ان كل واحد منهم راح بروحه لضاعت قوتهم..
القطريين لايمكن باي حال من الاحوال ان يتوحدون لعدة اسباب..
اولا لان اغلبهم يحب يكون منفرد وتحته مجموعه من الجنسيات الاخرى ..
ثانيا نجد في اغلب مقرات العمل ان الجنسيات الاخرى هم من يديرون كفة العمل بصراحة ويكون عليهم القطري مدير فقط..
صار لسان حال المدير يقول اجيب واحد او اثنين قطريين فقط لارضاء نظام التقطير والباقي جنسيات اخرى..
الان مع الوقت نتج جيل جديد من القطريين المبدعين من ناحية المؤهلات العلمية فهم درسوا في جامعات مرموقة وحازوا على درجات علمية ممتازة وايضا من ناحية اللغه الانجليزية والفرنسية تجده يغرد ولولا انه لابس ثوب ماباصدق انه قطري وايضا فيهم تطور ذهني سريع بحيث انه يقدر يتعامل مع اكثر من متغير في وقت واحد وتلاقيه يفهم في الكمبيوتر والبرمجة والحاسب وتقنية الاتصالات وادارة الحسابات والعقود وتعديل التنظيم الادراي وغيره..
هؤلاء بلا شك سيحلون محل المدرتء القدام عديمي الكفاءة اللذين كان همهم الاكبر الابقاء على ادارته بدون اي منافس قطري ..
اما المدراء اصحاب الكفاءات فلا شك انهم من اعلى الى اعلى باذن الله..

[ولد العرب]

ليش اسافر عشان اجوف*
هذي الصفه المفروض تكون موجوده عندنا داخل قبل برع
الاجانب عندنا بشكل كبير واحنا مانقدر نعين بعض ونساعد بعض الا العكس نحفر ونخرب على بعض الا من رحم ربي
والله شي محزن الصراحه

ياغالي ياحبيب ياعزيزي
احبك في الله قبل كل شي
كلامك على العين والراس
ومثل ماقال معماري قطر سافر اغترب ادرس
الهنود هنا متكاتفين صح وشي شفته ولازلت اشوفه
لكن لما اسافر الهند بحكم تجارتي وتنقل في مدنهم واركب معهم واكل معهم واخالطهم
مااشوف تكاتفهم نفس اللي في قطر
واقسم بالله اني شفت بعضهم يموت من مرض وبعض هلكه التعب محد مد اليد له نفسي نفسي
هنا انا تحمدت الله السلامه اني في ديرة العز والاسلام
وعلشان كذا يالغالي كلام المعماري صح وميه صح
رح بلاده شف البلاوي وشف العنصريه وشف الظلم
ابدا الانسانيه منعدمه هنااااك
فقر فقر فقر بدون ماؤى ولا شي
هنا عندهم رابطه الهنود بحكم معرفتي عن طريق صديقي الهندي في العمل
تقبل كلامي ودمت بود

[R 7 A L]

الحين الي يساعد رفيقه او صديقة في الامور الي قلتها قالوا واسطة

[مالي عذر منك]

بِسْم الله الرحمن الرحيم

السلام عليكم ورحمة الله وبركاته

شي عجيب شفته فالهنود عجبني الصراحه ياليتها عندنا للاسف والله
تعاونهم بينهم وبين بعض وكل واحد يساعد الثاني انه يدور له وظيفه بيت والخ ومايبخل معاه
تمنيت هذا الشي عندنا فقطر بدال مانحفر حق بعض ونحقد ونحسد بعض على أتفه الأمور
ليش تغيرت القلوب عندنا وليش صرنا نوقف امور بعض شي محزن الصراحه

هذي الصفه اعجبتني فيهم للامانه وكم أتمنى ان نكون كامسلمين اول شي وثاني شي كا أهل قدر متعاونين بينا وبين بعض ونترك الحقد والحسد وتعطيل امور بعض
الله يصلح حال المسلمين يارب
كل الجاليات الغير عربية الموجودة في قطر يتحلون بنفس الصفة

[راجي الْعفو]

للاسف ثقافة القبلية والصورة السلبية عن الاخر( حضر او بدو-شيعه او سنة -اصلي او متجنس ) منتشره عندنا من نعومة اظفارنا عكس ابائنا واجدادنا بالرغم من التعليم العالي والثقافة الدينية والبحبوحة الماليةاللي احنا عايشينها عسى الله لا يغير علينا ويحفظ شيوخنا

نسبة عالية من القطريين ( انا عايشتهم ) اذا اختلف مع اخوه القطري الاخر ( عمل او دراسة او غيره ) وخصوصا اذا كان مب من جماعته او منطقته او مب حوله ( من وجهة نظره ) اسمع شيقول عنه ( بيجيب اسلاف اسلافه ويجيب حالات فردية ويعممها وهذيلا كلهم جي الخ الخ)

انا اتكلم عن نفسي وما انكر انه في ناس قممم في الاخلاق والتواضع ومحبة الخير وجمعو اصالة النسب اوالدين اوالخلق

بس تغليب وزرع في الابناء انه الخير او المرجلة والسنع والاصالة والكرم مرتبطة في فئة( الاسم الاخير ) دون غيرها خطا كبير وانا هالشي عايشته بنفسي واربي عيالي بانه خطا وانه كلنا اخوان ولازم ما نفرق

هذي الثقافة هي اللي تخلي الواحد يشوف انه الاحق بالبلد والثروة والمنصب ويظلم اخوه ويغلب الاجنبي ويحطهم على راس القطريين وتوصل للنهب من الاموال العامه (يعتبره حق شرعي)

هذي وجهة نظر واتمنى اني اكون مخطأ فيها وسامحوني على صراحتي

المخالفة في الدين هذا مطلوب ولابد منه في الاسلام
بين اهلُ التوحيد و السنة
و اهلُ الشرك و البدعة
وليست من العنصرية او السلبية ابدا كما هو مشاع عند الكثير
لان هذه حقيقة الولاء والبراء في الدين وهي من اسس العقيدة
وشعار الاسلام اعظم واكبر من اي شعار غيره سواء الوطنية او القبلية او ...الخ
لا يقدم شيء منها عليه مهما كان



ولكن الغلط هو الاعتداء والظلم بغير حق
او مثلا اذا كان بينك وبينهم عمل مشترك انك ما توفي بالمتفق عليه و المطلوب

[حمد 2002]

المخالفة في الدين هذا مطلوب ولابد منه في الاسلام
بين اهلُ التوحيد و السنة
و اهلُ الشرك و البدعة
وليست من العنصرية او السلبية ابدا كما هو مشاع عند الكثير
لان هذه حقيقة الولاء والبراء في الدين وهي من اسس العقيدة
وشعار الاسلام اعظم واكبر من اي شعار غيره سواء الوطنية او القبلية او ...الخ
لا يقدم شيء منها عليه مهما كان



ولكن الغلط هو الاعتداء والظلم بغير حق
او مثلا اذا كان بينك وبينهم عمل مشترك انك ما توفي بالمتفق عليه و المطلوب

بعد معرفتك للصفه الجميله عند الانسان الهندي !! هل تود تغير اسمك من راجي الى راجو ؟!

[ولد العرب]

بعد معرفتك للصفه الجميله عند الانسان الهندي !! هل تود تغير اسمك من راجي الى راجو ؟!

ههههههههههههههههههههههههه :eek2:

[ya3coub]

ههههههههههههههههههههههههه :eek2:

:no2::pilot::pilot:

[نفسي عزيزه]

هو مب شهر وينتهي الموضوع ونرجع مثل قبل
هذا سلوك فالأشخاص لازم يتغير مع الحصار كنت أتمنى يكون عشان الناس تراجع نفسها وتعيد ترتيب الأوراق
الحقد والحسد شي غريب منتشر بقوة عندنا الله المستعان

اي بس الهنود في بلادهم حسد والي تطلع له فيزا حق دول الخليج محسود واسحار عندهم

في كل بلاد مقبره

طبعا انا اتكلم عنهم بصفتي عندي هنود وهم الي يعلموني يعني كلامي منقول من عقر دارهم وليس مني

[يمامـة]

مع كامل احترامي لصاحب الموضوع و مؤيدينه الا انني اختلف معاكم جملة و تفصيلا( لا تسئلوني وشو يعني جملة و تفصيلا .. و اللي عنده علم ما عندي مانع يشرحها لي ) ..
اختلافي معاكم مبني على اساس انكم
حسستوني ان الهندي في الهند غير عن القطري في قطر.. الهندي ملاك يمشي على الارض في الهند
و القطري شيطان بو قرون حاقد و كاره و حاسد في قطر..

اظهار القطري في قطر انه شيطان بو شوكة أمر مبالغ فيه .. و يخليني اتساءل هل هذا يعني من يظهر القطريين بهذا السوء رغم انه قطري فهو يشوف نفسه ملاك و وقته و جهده مسخره لمساعدة القطريين في قطر؟
القطري حاله حال الانسان في كل مكان
نعم هناك حقد
هناك حسد
و هناك انانية
تتفاوت هذه الصفات بتفاوت الطبيعة الشخصية لكل الناس في قطر و غير قطر..
لكنها مب صفة خاصة بالقطريين..
فلما نشوف تعاضد الهنود او قوم " هيك الله بدو" او البنغال .. لازم ندرك ان هالشي طبيعي جدا بحكم الغربة و الهجرة..
لكن في الوقت نفسه خلونا نتساءل

الهندي في قطر بيسمح لهندي آخر ياخذ شغله
او ينافسه؟
أكيد لا..
طيب ليش الهندي او المغترب يحرص على البحث عن وظيفة لهندي آخر او دعم المحلات الهندية او نشر مسجات للهنود للاستفادة من العروض المختلفة في البلاد؟


الهندي يبحث شغل حق هندي علشان يصيرون لوبي
اهنيه و يسيطرون عدديا فيفيدون بعض ..
فالهندي او المغترب لما يدعم اخوه او صديقه او ولد بلاده مب لانه انسان و القطري عديم الإنسانية ..
السبب الغربة تشعل فيهم حب عيال بلادهم و تقديم المساعدة لهم هذا اولا ..
ثم ثانيا

تفكيرهم غير عن تفكيرنا .. مخططاتهم غير.. فهم
كلما زادوا في الدوائر كلما نفوذهم زاد..
فتخيلوا ١٠ الاف هندي في اربع وزرات كيف يكون نفوذهم من لو كانوا ١٠٠٠ هندي..

مدحكم للتكاتف الملحوظ للجنسيات المقيمة في قطر مقابل ذمكم للقطريين ينم عن قصور في فهم المخططات المستقبلية للجاليات هذه
و انتوا بالشكل هذا تسيؤون لعقلية القطري بحيث انكم تظهرونه انه ياخذ بظاهر الاحداث دون التفكير في أعماقها..(اشعندها يمامة النفسي؟)..

الهنود التجار في الامارات يطالبون بحقوق كبيرة
حق الجنسية
حق التملك
لانهم وااايد
يبون الخليج صورة من امريكا
هذي مخططات تتنفذ بشكل عفوي
فلما هندي يجيب مرته و يعينها
سكرتيرة
او كاتبة
و القطرية تقدر تسوي هالشغلة
هذيه مب لان القطري ما يبي يوظف القطرية
هذيه لان الهندي هو المسيطر..
لما تلقى مدير بنك لبناني يوظف جيش من الموظفين اللبنانيين فهذا ما يعني ان القطري يحارب القطريين كثر ما هو ان اللبناني هذا يوسع من دائرة نفوذه و يرشح اسامي ثانية لجهات ثانية.. و الامور هذه سهالات عندهم و محد يحاسبهم و ينتقدهم دام ان سوق العمل في حاجة لهم..
بينما في المقابل المدير القطري لو عين ٤ اشخاص من اقاربه قامت القيامة و تكلموا عن الواسطات و المحسوبيات و التزريقات الوظيفية و .. و.... و....
بس تعبيت هذا اللي عندي..

[Dana’1]

صحيح الهنود عندنا يد وحده وبالهند الوضع غير شوف كيف الفقر والنصب وغيرها من المشاكل ولا أحد يبالي بهم إلا من رحم ربي

عموما بالغربه وحتى مع هالمقاطعه إلي صايره بالخليج ...
شفناهم على قلب واحد حتى المجلس تقريبا واحد ويساعدون من يحتاج طبعا ما اقصد المساعده بالمال .
على عكس الي بمنطقه الخليج نفسها محد يطيق الثاني وسباب إلخ إلا من رحم الله طبعا

ايش السر ماني عارفه بالضبط ممكن من الغربه والحنين!



أما شغل اللوبيات بالتجاره والقوة الاقتصاديه وحتى السياسيه الدوليه ما اظن العرب و الخليجيين بهالوقت بيكونون على قلب واحد والله أعلم كلن يخاف من الثاني ويترقب الشر والمكر منه !

شغل اللوبيات للهنود واليهود وغيرهم من الجاليات المتعاونه بينهم البين مسيطرين على تجاره معينه في بلد معين وهذا أكيد بيفيدهم كجاليه تمثل بلدها... لكن يضر إلي حابين يخضون تجربة بهذا المجال من أهل البلد نفسها !!
وهالشي مو بس بقطر بالخليج كله وبإختلاف الجاليات والمجالات !
!!


سبحان الله كيف أجتمعوا وهم ديانات تختلف وقلوبهم شتات

والمسلمين من العرب مو عارفين يجتمعون بصالة قمه زي العالم!
وإذا اجتمعوا مثل ماقال معمر القذافي مافيه شي يجمعهم غير القاعه !!!

[sweet qatar]

اعتقد الغربة تلعب دور

نفس الشي شفته في الجالية السودانية

[معماري قطري]

اعتقد الغربة تلعب دور

نفس الشي شفته في الجالية السودانية

أكيد

الشعوب الآسيوية بكل طوائفها منها الصينيين واليابانيين والعرب والهنود والباكستانيين والاندونيسيين

عاشرت ناس من هذي الشعوب وشفت كيف يتكاتفون في البلاد الغريبة .. تعاملت مع كثير من الجنسيات العربية وصحيح فيهم فئة قليلة انتهازيين واستغلاليين لكن فيهم فئة كبيرة أهل نخوة وفزعة للعربي وصدقوني ما يطلبون مقابل

لاحظت الاندونيسيين رجال ونساء في ميامي وكيف تكاتفهم حتى الذباح هم يشترونه ويذبحونه بنفسهم .. وعيشتهم في مجمعات قريبة من الجامعة يقطعون المسافة مشي أو على دراجات يومياً .. درست مع هنود وشفت سكنهم كيف الشقة يمكن فيها 20 شخص ولكل واحد سريره المكون من عدة طوابق له طابق بروحه وله مكان يصف فيه تكرمون نعاله .. وكل واحد محافظ على الهدوء والخصوصية حتى البقية يدرسون .. استغربت كيف يدخل واحد حتى ما يحط عينه فيني ولا يسلم لأني مع مجموعة على طاولة الطعام ندرس ومنهمكين

كل هذي التجمعات المتقاربة والمتعاونة جزء بسيط مما نراه عندنا .. الباكستانيين كذلك متعاونين وفي العادة في كل تجمع لهم كبير أو شيخ والفلبينيين متعاونين هنا ويعملون بجد

عن العرب بصورة عامة شفت الكثير من التعاون خصوصاً بين أبناء الخليج .. ولدي يدرس حالياً توه مبتديء في بريطانيا ويقول علاقتهم طيبة بكل شخص من دول الحصار بس ذيلاك يخافون بسبب انتشار المخابرات بينهم بشكل كبير

[معماري قطري]

اليابانيين فرضوا اللغة اليابانية لغة ثانية في مدينة سياتل واللي ينزل المطار يسمع اللغة اليابانية في الميكروفونات

الصينيين اعتقد في لوس أنجلوس أو سان فرانسيسكو يشكلون جالية كبيرة واللغة الثانية الصينية

الهسبانك أو اللي من اصول اسبانية ويتحدثون الاسبانية محتلين ميامي وتعتبر اللغة الاسبانية هي الاولى هناك لكن رسمياً هي اللغة الثانية بعد الانجليزية الأمريكية

مدينة ديترويت فيها جالية يمينة كبيرة واللغة العربية هي الثانية وسمعت إن الأذان مسموع في احدى المدن هناك واللافتات العربية كثيرة

[عازف الاورج]

تبي تشوف القطريين على قلب واحد سافر ادرس في أي دولة وشوف كل قطري هناك شلون بيكون معاك .. نفس الهنود وأكثر وأقدر أعمم على الخليجيين ككل ومن كل دولة حتى دول الحصار

تجربة عشتها كم مرة وفي كم بلاد مثل ايرلندا - الأُردن - لندن - أمريكا وكذا مرة آخرها سنة 2014 وكانت شغل مب دراسة


انا صار معاي العكس مع الاسف،، سافرت بعثه مع شباب قطريين ومع الاسف تعرضت لانواع الاساءه والاهانه منهم كاني عدو لهم مع الاسف ولكن نقول مب الكل نفس الشي. :court:

الهنود فيهم ظاهره عجيبه لاحظتهم بالاماكن العامه في الدوحه. تلاقيه يصف في مكان ويدخل على مجموعه هنود ويسولف معاهم والوضع عادي... احد لاحظ هالشي؟

[معماري قطري]

انا صار معاي العكس مع الاسف،، سافرت بعثه مع شباب قطريين ومع الاسف تعرضت لانواع الاساءه والاهانه منهم كاني عدو لهم مع الاسف ولكن نقول مب الكل نفس الشي. :court:

الهنود فيهم ظاهره عجيبه لاحظتهم بالاماكن العامه في الدوحه. تلاقيه يصف في مكان ويدخل على مجموعه هنود ويسولف معاهم والوضع عادي... احد لاحظ هالشي؟

يمكن الجيل الحديث غير

ولدي الحين ينقل لي تجربته ويقول كثيرين معاه من قطر حول 50 شخص في نفس البناية ومتعاونين ولهم ربع من كل الخليج

[محمد11]

ليش اسافر عشان اجوف*
هذي الصفه المفروض تكون موجوده عندنا داخل قبل برع
الاجانب عندنا بشكل كبير واحنا مانقدر نعين بعض ونساعد بعض الا العكس نحفر ونخرب على بعض الا من رحم ربي
والله شي محزن الصراحه

يا ريال ..
انت لو تسلم على واحد ماتعرف وانت ماشي ف السياره .. يمشي وراك لين ماتوصل العديد .. يقول لك خير في شي !!

[طلعة الروح]

كل مجتمع فيه حقد وحسد وحفر.. الشعب القطري كلنا نعرف عددنا مب كبير.. فاذا صارت مواقف تبرز الحسد والحقد طبيعي راح يصير فيه focus وربما تعميم على باقي الشعب.. اذا كانوا شلة حثالة في المجتمع من بعض ذوي الصفات السيئة وابرزوا بتصرفات فردية منحطة على حساب شعب كامل فهم لا يمثلونه ولن يمثلونه. جيل الشباب او جيل الشياب بشكل عام مشكلته التقليد الاعمى والعادة جرت ووو وطبعا كله كلام فاضي كل واحد يبتدي يعدل من نفسه ولا ينظر للدارج الغير مقبول حتى لو كان متعارف عليه وهو في حد ذاته سلوك خاطئ. اتمنى يصير وعي وصحوه على مستوى العقول والاخلاقيات.