المساعد الشخصي الرقمي

مشاهدة النسخة كاملة : جبل كيلمنجارو في تنزانيا أعلى نقطة في أفريقيا


SOKRAB
15-04-2018, 09:38 AM
السلام عليكم
ناوي اسافر تنزانيا 8 ايام وزيارة جبل كيلمنجارو وابي نصايحكم الغرض مشاهدة المناظر الطبيعية الخلابة واكتشاف الحياة البرية الرائعة في قارة أفريقيا.
جزاكم الله خير
ya3coub
15-04-2018, 10:26 AM
السلام عليكم
ناوي اسافر تنزانيا 8 ايام وزيارة جبل كيلمنجارو وابي نصايحكم الغرض مشاهدة المناظر الطبيعية الخلابة واكتشاف الحياة البرية الرائعة في قارة أفريقيا.
جزاكم الله خير

أخوي تبي تتسلق كلمنجارو ولا بس تشوفها

اقرب مدينة لمطار كلمنجارو مدينة اروشا.

و شعور التسلق ترا جميل و ممتع. في منتجع اسمه Arumeru River Lodge
في شركة تعتبر غالية مقارنة بالي موجود هناك بس اتعاملت معاهم لما تسلقت كلمنجارو سنة 2014 و الحين كبرت الشركة اكثر و اكثر, اسمها رحالة اذا تبي تتسلق و ايضا كسياحة وين تروح و تجي.

ايضا في عندك هناك قريب قبائل المساي الي يزوجون الشخص الي يقدر ينقز اعلى شي. و ايضا محمية او اكبر فوهة او حفرة فالعالم بالأرض الي على اساسها سوو الكرتون Lion King مسافه ساعه بالسيارة او ساعه إلا ربع.

اشياء وايد جميلة و مو لازم تكون رياضي 8 ايام تقدر تقضي 5 فالتسلق و اول ليله فالمنتجع و الباقي بعد فالمنتجع بس انه المحميات و اروشا و من هالأماكن في ايضا فأروشا فندق معروف بالبرجر ماله وااااااايد لذيذذ طبعا بعد 5 ايام فالجبل اي اكل غير الي فالجبل بيكون روووعه

و للعلم جبل كلمنجارو مو بس اعلى نقطه فأفريقيا.

اهو يعتبر اكبر جبل "Stand Alone" فالعالم بروحه كجبل واحد من من ضمن سلسلة جبال كقمة افرست الي من سلسلة جبال الهملايا.
و ايضا نفس ما تفئل اعلى قمة بأفريقيا و الاعلى قمه مسطحه و اكبر جبل ذو قمه مسطحه يعني يمديك تدخن و تاكل و غيرك تشيل تقريبا 70 شخص اذا مو اكثر فالقمة لأنها ارص مستوية .

و نصيحه لو قررت تتسلق بتشوف احلا المناضر الي حتى لو موجي كيمرات احترافية ما راح اتكون بجمالية الي بتشوفه بعينك.

ايضا جبل كلمنجارو اهو المكان الوحيد فالعالم الي فيه 5 مناخات فمكان واحد
المناح الثلجي
المناخ الإستوائي
المناخ البركاني
المناخ الصخري
المناخ الصحراوي


كل هاي فمكان واحد و اقلهم الصحراوي نص يوم على حسب الطريق الي تاخذه و لانصح بطريق مشامي سهل و في استراحات و اغلب الناس تستخدمه.
بوخالد911
16-04-2018, 07:21 AM
كل التوفيق.
ya3coub
16-04-2018, 09:01 AM
ايضا عندي حساب دليل كان معاي لما تسلقت ممكن تتواصل معاه و اكيد سعره ارخص و ممكن يوفرلك البورترز ارخص بدال الشركة.

استمتع والله يوفقك خوش بلاد و اذا عندك وقت و خلصت مر على زنجبار ترا نفس الفيزا
SOKRAB
17-04-2018, 01:03 PM
الله يجزاك خير علي المعلومات القيمة ممكن حساب الدليل .
ya3coub
17-04-2018, 03:02 PM
rajuball هاي حسابه فالانستقرام

و اسم الريال goodluck

هاي اسمه الصجي