نفضة في الرجلين

[partyQtr]

اخواني وخواتي ادري كل يوم موضوع بس اللي يصير معاي مخوفني

وانا نايمه او بالاصح بداي دخولي في النوم تصير لي نفضة غريبه في ريولي الله يعزكم كانهم يرتفعون فوق وينتفضون

بعدها اقعد قلبي مقبوض واي صوت يفزعني حتى لو الباب تسكر التلفون رن انقز

ماعارف شنو هالاشياء الغريبه

ولو رحت لدكاتره بقولون لي اعراض نفسيه صارلي سبع شهور اعاني

والفتره الاخيره كل يوم اقعد الساعه 4 الفجر حتى لو راقده الساعه 2 قلق وضيقه وارق

ويدي اليمين احس فيها بثقل والم ومستمره على رقيه شرعيه

[كازانوفا]

هاي نفس مشكلتي قعدت أعاني منها اربع سنوات ويروح ويجي تفكيري بانه مس شيطاني ومن هالكلام المتعب بالفعل كل ما تغفى عيني تيجي النفضه وصعب اني اعرف انام لحد ما ابكي واتعب من البكى واناااااام وعلى هذا الحال ظ¤سنوات..لحد ما ربي سمع دعائي ورحت لمركز علاج الطبي ورايحه لدكتوره رقبه بحكم انه عندي مشكله بالرقبه رحت قالولي انه الدكتوره مش موجوده دلوني على عباده بنفس مبناهم بالدور الأول kktوبالفعل رحت لدكتور اسمه احمد فوده سوالي اشعه وبدأت الجلسات يوم ورا يوم وكل جلسه بس خمس دقايق لان الجهاز جدا معفوله قوووووي وممنوع الحركه الكبيره بعد ما تخلصي الجلسه وكانت ست جلسات بدات اتحسن الجلسه عالثالثه وخفت النفضه وكملت.. مفعول الجلسه الأخيره يستمر لمدة واحد وعشرين،يوم..والحمد لله اني بخير ولو اجتنى النفضه ولا شي عن اللي كانت تيجيني..كتبت قصة حياتي ��

[ولد العرب]

الله يشافيكم ياررب

[sara jsm]

ماعليج شر حبيبتي بس هذي كلها اعراض شد في العضلات ..
اذا انتي تبذلين مجهود فجاة خلال يومج وعضلاتج مب متجهزه فالليل تحسين بذي الشي ..
او عندج عرق ناط على عرق .. روحي ( بن داوود ) او لو تعرفين مرّاخه زينه تمرخج بزيت زيتون دافي ..
جربي وشوفي النتيجة قبل لاتاخذين ادويه ..
الف سلامة عليج

[نفسي عزيزه]

هالاعراض يبين فيج شي يحتاج رقيه شرعيه
لان الضيقه والاستيقاظ المبكر ماله خص بعرض او شي طبي
لازم تسمين الاشياء بأسمائها
علاجها بأذن الله بنية الشفاء تقرين البقره كامله بدون انقطاع ولاملل وتطنشين لليأس لان الشيطان بيصرفج عنها
وبما انج بنية الشفاء ان كان مس بيروح وان كان شي ثاني بأذن الله بيروح لان انتي تقرين كلام الله هو كلام وهو دعاء فنفس الوقت والبقره مشهود لها بالتجارب لكن ؟؟؟؟؟؟؟؟؟؟؟ قليل الي يصمل على قرائتها ويتركها ويقول ماستفدت
الحل بأذن الله بيدج النيه والدعاء

[qatarman8008]

هالنفضة مستحيل تجي الا اذا الواحد نايم هلى ظهره..
والسبب هو نفس سبب الجاثوم..
لما الواحد يكون نايم على ظهره يصعب على القلب ان ينبض بشكل منتظم..
اللي يصير هنا انه يتاخر في نبضه واللي بعدها تكون قوية..
ويستمر كذا حتى الواحد يغير وضعية نومه..
نفس الشي اذا كان الشخص نايم على بطنه او على جهة اليسار لان في كل هالوضعيات يكون ضاغط على القلب..
وضعية النوم السليمة لمن يعاني مثل هذه النبضات الغير منتظمه هي ان ينام على جمبه الايمن ويثني ركبتيه قليلا..
جربوا وبتندهشون من النتيجة..
اذا كان في تتميل في اليد فهاي معناه ان طريقة النوم تضغط على احد عروق الدم..
يجب هنا تغيير المخدة بحيث يكون ارتافعها مساوي للمسافة بين الكتف و الراس..
انا معاكم في ان هالشي يسبب ضيق كبير جدا وارق وصعوبات في النوم او مثل قلق وخوف من النوم نفسه..
وماتشوفون شر انشالله..

[لما]

فيه أعراض غير عشان اقدر أفيدك بس اعرف. ناس نفس الحاله مصابين بعين. الحل التوكل على الله ثم سوره البقرة والرقيه الشرعيه الذاتية والنفث على الجسم بعد القراءة والنفث على الماء والشرب منه وخلطه بماء السباحه وهوني الامر وشغلي سوره البقرة في البيت بشكل دائم

[لما]

ان شاء الله لا مَس ولا غيره الموضوع بسيط وحله مثل ماقلت لك باْذن الله

[Qatar191]

الحاله هذي تجيني اذا كنت في اشد انواع التعب اذا كنت سهران حيل ومالها اي سبب اما اذا تجيك من غير تعب ولا سهر فـ الله اعلم ما السبب بس اعتقد انه بعيد كل البعد عن المس والخرابيط هذي

[Dana’1]

ممكن يفيدك إذا عملتي فحص عن كل الفيتامينات كاااااامله خصوصا b بكل انواعه والمغنيسيوم ...
و فحص جرثومة المعده وأتوقع النتيجه الدقيقه بتكون بالمنظار
عالأقل تتأكدين إن الأمور طيبه
طبعا الرقيه وأذكار الصباح والمساء المحافظه عليها حتى للي ما يشتكي من شي
والله سبحانه وتعالى خير الحافظين.

الله يشفيك ويشفي كل من يعاني يا رب آمين

[partyQtr]

تسلمون عالردود

اللي قالولي مشكله في العضلات مااتوقع

هي نفضه نفس الخرعه وحتى دوم انقز كانه شيء مخرعني

شيء ثاني احس بثقل في جسمي امشي واسحب ريولي والضيقه والملل واحساس انه قلبي مقبوض سبحان الله هالاشياء دوم معاي ماتفارقني

يوميا اقعد الساعه 4 الفجر بهالاحساس حتى عقب مااصلي واقرا الاذكار أحاول ارد انام مااقدر ارق وضيقه حراره في صدري

صرت مااحس بأي شيء فيه متعه كل شيء عندي ممل وموقادره حتى اجهز لزواجي او احس بأي فرحه احاسيس غريبه

[كشمه]

الحاله هذي تجيني اذا كنت في اشد انواع التعب اذا كنت سهران حيل ومالها اي سبب اما اذا تجيك من غير تعب ولا سهر فـ الله اعلم ما السبب بس اعتقد انه بعيد كل البعد عن المس والخرابيط هذي

هذا أنسب رد شفته

أختي انتي تعبانه من الأرق والتفكير وبسببه ما يجيج نوم
ولأنج ماتنامين وايد تعبانه ومتأثر جسمج وحواسج وأي شي ممكن يقومج
كل هالأشياء ياتنا في وقت من الأوقات ومع الذكر والاستغفار وعدم تهويل الأمور بتمشي امورج
واذا انتي من النوع المضغوط ويفكر وايد اوجدي حلول للتخفيف عن نفسج
الله يشفيج وما عليج شر

[كشمه]

العين حق وانتي تجهزين للزواج
بعدي عن اي شي يعرضج للعين
سناب شات , انستغرام , وتساب حتى بين الاهل
ودايما البنت اذا قرب زواجها تحس بهالضغوط الكبيرة
توكلي على الله وماعليج شر باذن الله

[صبر جميل]

حالتك نفس حالتي
اكون توني ابدي انام
تجيني نفظه سريعه قوية بواحده من رجول
الحمد لله اختفت مع قراءتي لسورة البقره

[partyQtr]

هذا أنسب رد شفته

أختي انتي تعبانه من الأرق والتفكير وبسببه ما يجيج نوم
ولأنج ماتنامين وايد تعبانه ومتأثر جسمج وحواسج وأي شي ممكن يقومج
كل هالأشياء ياتنا في وقت من الأوقات ومع الذكر والاستغفار وعدم تهويل الأمور بتمشي امورج
واذا انتي من النوع المضغوط ويفكر وايد اوجدي حلول للتخفيف عن نفسج
الله يشفيج وما عليج شر

فعلا انا وايد افكر أصلا طبيعتي من النوع اللي وايد يفكر ويحاتي ويخاف عاللي حوله

الشر مايجيك يارب

[بو خليفه 123]

ممكن يفيدك إذا عملتي فحص عن كل الفيتامينات كاااااامله خصوصا b بكل انواعه والمغنيسيوم ...
و فحص جرثومة المعده وأتوقع النتيجه الدقيقه بتكون بالمنظار
عالأقل تتأكدين إن الأمور طيبه
طبعا الرقيه وأذكار الصباح والمساء المحافظه عليها حتى للي ما يشتكي من شي
والله سبحانه وتعالى خير الحافظين.

الله يشفيك ويشفي كل من يعاني يا رب آمين


مؤيد للرأي اعلاه

[حليتان*]

تسلمون عالردود

اللي قالولي مشكله في العضلات مااتوقع

هي نفضه نفس الخرعه وحتى دوم انقز كانه شيء مخرعني

شيء ثاني احس بثقل في جسمي امشي واسحب ريولي والضيقه والملل واحساس انه قلبي مقبوض سبحان الله هالاشياء دوم معاي ماتفارقني

يوميا اقعد الساعه 4 الفجر بهالاحساس حتى عقب مااصلي واقرا الاذكار أحاول ارد انام مااقدر ارق وضيقه حراره في صدري

صرت مااحس بأي شيء فيه متعه كل شيء عندي ممل وموقادره حتى اجهز لزواجي او احس بأي فرحه احاسيس غريبه

كم ساعة فاليوم تستخدمين الجوال والكمبيوتر او الالكترونيات بشكل عام؟
ممكن يكونون هم السبب