هل لا حظتو الي شفته في بعض الادارات والموسسات ؟؟؟

[احمد1]

السلام عليكم .... باختصار مرات تدخل ادارة ... وتاخذ رقم وتنتظر وتلاحظ مافي حد ... والعشره الي على الكونترات بقدرة قادر صارو 3 والثلاثه الي تلعب او يلعب في الجوال على السناب او الانستا جرام والي يتكلم بالتيلفون والاخير يخلص المعاملات من انه الي باقيين يمكن شخصين بس لان يبي يحسسك... انه بزي والمكان لازم تنقع فيه عشان يخلصك .. ولا اذا خلصك بسرعه لان مافي مراجعين كانك انتقصت من قدره.. ..ومرات في موظفين تلقاهم يتفلسف كانه بروفسور ... ياخي مع احترامي انت مدخل بيانات خلص شغلك وانت ساكت ومكانك هذا تخدم فيه المراجعين ... عندك ضغوط .. يقطعونك طنازه في المجلس.... مرتك متسلطه عليك . زوجك مطين عيشتك .. تحط /تحطين حرتك بالناس ليش.... تحس انه /انها معقده ليش... وبعض الاوقات يدخل واحد يعرفه ولا يصير له تلقاه يفز من مكانه ويخلصه ويدق معاه سالفه وعقب ما يخلصه يطلع معاه الكوفي الي بنفس المبنى ويدردش شوي واذا كلمته قال عندي بريك ... الا اكسر صحن كلج على راسك .... البعض وليس الكل ...

[بنت شرق]

هذا دليل على أنهم استلموا الوظيفة دون تدريب ولا دورات ، موظفين تم توظيفهم لسد خانة فعلشان كذا تظهر هالتصرفات الصبيانية والغير محترفة

[qatarman8008]

المشكلة الكبرى لما يقول لك هالمعاملة مو عندنا في هالمبنى..
وتطلع في الاخير عنده..!!

[sweet qatar]

ياخي مع احترامي انت مدخل بيانات خلص شغلك وانت ساكت ومكانك هذا تخدم فيه المراجعين


"مدخل البيانات" هذا يتعامل معاك و مع الف غيرك

اصناف واجناس ولازم يتفاهم معاهم ويخلصهم

"مدخل البيانات" الي يعتمد عليه الشغل و هو واجهة الوزارة راتبه يمكن ما يكون قد مكافأة وظيفة عليا

واذا ما تدري ترى ثلاث ارباع الوظايف الحكومية في حقيقتها ادخال بيانات لكن الرواتب والتقدير يختلف


وظيفة الكاونتر محد يبيها والضغط يكون على المتوفرين الي بعضهم ما يملك المواصفات اللازمة


الحل الوحيد ان المعاملات كلها تصير اونلاين

[راجي الْعفو]

المشكلة الكبرى لما يقول لك هالمعاملة مو عندنا في هالمبنى..
وتطلع في الاخير عنده..!!

هههه هالعبارة خلتني ادور بين اربع مناطق وكل منطقه في صوب

يومها كنت شي ثاني ^_^

الجهل بالعمل مصيبة
و التعالم بعد مصيبته اكبر!

ما تعرف قول مش عارف يا فندم وريحنا ^_^

[qatarman8008]

ذاك اليوم رحت مع محامي مختص بالشؤون القانونية..
عندنا معاملة في احد الوزارات..
الا الموظف المختص غير موجود وتمينا ننطره نص ساعه..
اخر شي يوم جا قلب شكله متضايق كان داشين بيته بدون استاذان يعني ماكانه موظف وشغله يخلص معاملات الناس..!!
طل في الورقة كذا الا يقول هذي في وزارة ال... مو عندنا..
اللي معاي قال له هالمعاملة عندك واذا مش فاهم شغلك روح ناد مديرك الحين..
تغير شكله قام راح ورجع وهو موقعها ومخلصها..!!

[Riku3]

الكثير من الوزارات او الجهات الخدمية فيها هالعقليات .. مع ان لو تقارنهم بالبنوك والشركات وبعض الجهات القوية تحصل موظفين استقبال على اعلى مستوى مع ان رواتبهم اقل من بعض الوظايف الحكومية والاثنين مواطنين وبنفس العمر وبعضهم اصغر ! ..

ذكرتني من شهر بالموقف الي مر علي في كهرماء الهلال على شي تافه .. بس صج حسيت اني اتناقش مع ناس من كوكب ثاني .. وتصرفاتهم وردودهم تنم على ضعف تدريب مع انهم مب صغار .. وضعف شخصيتهم لاني كل ما ناقشت واحد فيهم على المشكلة يقلب الموضوع شخصي ويتم يدافع عن نفسة وربعه ! ..

حتى مديرتهم في الطابق الارضي نفس العقلية الضعيفة .. بس لانها بنت ما قدرت اطول معاها الكلام بس طلعت الي في خاطري ورفعت ضغطها وطلعت ..

التطوير مب بس ديكور .. المفروض يغيرون "الديكور" الي ورى الطاولات بعد !! . << قلت لها هالجملة بس باسلوب احسن ههههه .

ونفس الشي صارلي من اسبوعين في الوسيل وزارة الاقتصاد .. رجعوني مره .. وثاني يوم يبون يرجعوني مره ثانية على شي ثاني ما قالوا عنه اليوم الاول .. وبالرغم ان الشي ثانوي جداً وطلبي متكامل ويلبي المطلوب بس لضعف تدريبهم وصلاحياتهم ..

لا الموظفه تعرف تتصرف ( اشك ان تفهم في اي شي ) ولا مسؤولة الكاونترات سوت شي ( كانت مقتنعه بس مب في يدها شي ) . . ولا المسؤول الي مب هامه الموضوع ( كان همه شلون يحولوني عليه من الاساس ) ولا المسؤول الي موجود في الطابق الثاني الي قلب السالفة شخصية وتم ماسك جملة ( تقدر تقدم شكوى لو تشوف اجرائاتنا خطأ ) ... طبعا ما طلعت بنتيجة وقلت الحمد لله والشكر ورجعت ثاني يوم وخلصت اموري مثل الشاطر خخخخخ .

لا كل شي بصوب ولين جيت ادفع البنت بخياس نفس تقولي كم رقم باسورد الفيزا بدون ما تعطيني الجهاز ادخله بنفسي .. تعوذت من ابليس ومسكت اعصابي وعطيتها الرقم :taunt: .

[naklan]

لو كنت مسؤول لوضعت سيسي تيفي كيمرا للمراقبة
لكل مكان للخدمات وتراجع التسجيلات في محل اخر وخصم
الف ريال على كل موضف مستهتر لكل قلة ادب يرتكبها
وتدخل في تقييم الترقيات وتصل الى انها
الخدمات اذا لزم الامر

[مضارب دوسري]

انا اذا لقيت موظف فاضي على طووول ارز وجهي عنده/ا واذا قالي بالدور اقوله شفتك فاااضي ف قلت يمكن انه مافي دووور حرك الارقام

في هالحاله يا يخلصني يا يحرك الارقام عنده
واروح ارز وجهي عند الثاني اللي جنبه

[بوخميس]

بعضهم اذا مافي رقابة يلعب على كيفه

مرة رايح القومسيون اشوف الكونترات فاضية
اطل على جنب اشوفهم طالبين من تيك آوي وقاعدين يزطون، واحد شافني مغتّر استحى قالي الشيخ عندنا بريك بس عطني دقيقة

نطرته وخلصني

بس شدعوة كل الموظفين بريك في نفس الوقت؟؟

[عطر فرنسي]

هاذي الحاله اكثر مكان اشوفه الجوازات الرئيسيه خدمة الاجانب

[ya3coub]

مع احترامي لموظفين الكومة هالشي بأغلب الجهات الخدمية و يعطي صورة مو طيبه للي يكرفون فالحكومة لأن واجهة اغلب المراكز الحكومية من مراكز صحية إلى المحاكم الي المفروض تكون سلطة عليا كلللللهااااااا ضايعه و خرطي للأسف.

و ياريت لو يصير اوبشن الأونلاين ابرك ألف مليون مرة من رفعه الضغط لأ، الحق واضح و الواحد للأسف يظطر يغلط او ينزل لمستوى ما يرضاه علشان يتحركون ياللأسف.

ولا كلمة تعال بكرة او تعال يوم ثاني ليش انزين ولا الأرقام الي على خرطي محطوطة والله شي محزن ياللأسف

[احمد1]

"مدخل البيانات" هذا يتعامل معاك و مع الف غيرك

اصناف واجناس ولازم يتفاهم معاهم ويخلصهم

"مدخل البيانات" الي يعتمد عليه الشغل و هو واجهة الوزارة راتبه يمكن ما يكون قد مكافأة وظيفة عليا

واذا ما تدري ترى ثلاث ارباع الوظايف الحكومية في حقيقتها ادخال بيانات لكن الرواتب والتقدير يختلف


وظيفة الكاونتر محد يبيها والضغط يكون على المتوفرين الي بعضهم ما يملك المواصفات اللازمة


الحل الوحيد ان المعاملات كلها تصير اونلاين
مرحبا سويت قطر .... الغالي انه يوم اقول مدخل بيانات انه ما اهينه العكس انا افهمه وظيفته وانه قلت البعض منهم وليس الكل لان البعض جالس يتصرف كأنه وزير ولا المكان يملكه وانت داش عليه بيته وتطر منه ... يتعامل مع الف غيري احس انك بالغت يمكن خلال اسبوع يتعامل مع الف ممكن ... لانه يوميا في سقف معين للأرقام الي تصرف له وبعدين ياخوي اذا مب عاجبه راتبه ولا كان مب ذاك الزود هذا ما يعطيه الحق ينفس على الناس ويخيس النفس عليهم .. واقول اذا ما يبي وظيفة الكونتر ولا يقدر عليها خله يغير وظيفته او بسهوله يطلب نقل ... وبالنسبه لتحويل المعاملات كلها اونلاين صدقني في معاملات لا بد تكون يدوية وهي قليله مب وايد .... ارجع واقول اشتغل صح وقابل الناس بوجه بشوش وحلل راتبك يا موظف الكونتر .... ونصيحه الي يجيب لك اوراق ناقصه قوله اسف اوراقك ناقصه كملها وتعال ولا روح للمسؤول وكمل الي بعده ما في داعي تحرق اعصابك ... شكرا لاثراء الموضوع

[احمد1]

ذاك اليوم رحت مع محامي مختص بالشؤون القانونية..
عندنا معاملة في احد الوزارات..
الا الموظف المختص غير موجود وتمينا ننطره نص ساعه..
اخر شي يوم جا قلب شكله متضايق كان داشين بيته بدون استاذان يعني ماكانه موظف وشغله يخلص معاملات الناس..!!
طل في الورقة كذا الا يقول هذي في وزارة ال... مو عندنا..
اللي معاي قال له هالمعاملة عندك واذا مش فاهم شغلك روح ناد مديرك الحين..
تغير شكله قام راح ورجع وهو موقعها ومخلصها..!!
والله كفو ....

[احمد1]

للعلم في شيء منتشر وايد الي توصل عند الموظف وهو شابك سماعة الاذن ويسولف ومركز في سالفة ويقول لك لحظه وعقب 5 دقايق يقول اووووف دخلت معاملتك بالغلط لا زم اروح للمسؤلي عشان هو الي عنده الصلاحية يعدل المعامله .... المهم ودق سوالف الموظف يبين انه يتكلم بس الموظفه السماعه تحت الغشوة ولا البرقع وكل دقيقه ترد تقولك لا تأشر على اذنها ان معاها مكالمة ... شتسوي انت في هالحاله ... طبيعي تدور دلة رسلان وتصب لها فنجان قهوة يقند راسها .

[معماري قطري]

مرحبا سويت قطر .... الغالي انه يوم اقول مدخل بيانات انه ما اهينه العكس انا افهمه وظيفته وانه قلت البعض منهم وليس الكل لان البعض جالس يتصرف كأنه وزير ولا المكان يملكه وانت داش عليه بيته وتطر منه ... يتعامل مع الف غيري احس انك بالغت يمكن خلال اسبوع يتعامل مع الف ممكن ... لانه يوميا في سقف معين للأرقام الي تصرف له وبعدين ياخوي اذا مب عاجبه راتبه ولا كان مب ذاك الزود هذا ما يعطيه الحق ينفس على الناس ويخيس النفس عليهم .. واقول اذا ما يبي وظيفة الكونتر ولا يقدر عليها خله يغير وظيفته او بسهوله يطلب نقل ... وبالنسبه لتحويل المعاملات كلها اونلاين صدقني في معاملات لا بد تكون يدوية وهي قليله مب وايد .... ارجع واقول اشتغل صح وقابل الناس بوجه بشوش وحلل راتبك يا موظف الكونتر .... ونصيحه الي يجيب لك اوراق ناقصه قوله اسف اوراقك ناقصه كملها وتعال ولا روح للمسؤول وكمل الي بعده ما في داعي تحرق اعصابك ... شكرا لاثراء الموضوع

بعضهم والله قمة البشاشة والأخلاق ويخلصونك بسرعة ويسوون أكثر من اللي عليهم

أذكر هنا أحد الشباب في مستشفى حمد قسم الدخول والغرف .. جيته على الكاونتر وكنت تعبان وهو يشتغل يرتب غرفة لمريض معي ينتظر في الطواريء .. فتح الباب ودخلني داخل وسحب لي كرسي وعاملني كأني اخوه الكبير .. أمثال هؤلاء ندعي لهم ليل نهار .. وقال لي حظك عندي آخر غرفة وكلم طاقم التمريض المختص بهذي الغرفة ورفضوا دخول المريض راح كلم الدكتور وشبكه معاهم وأقنعهم ودخلوا المريض والحمد لله .. يعني سوى فوق حدود شغله

انا أتفق على إنه لازم للكل دورة لباقة واسلوب في المقابلة وتسهيل أُمور المراجعين وصراحة لاحظت على البعض أما انشغاله بالتلفون وعدم المتابعة أو بنفسيته التعبانة وتكشيرته الغير مقصودة .. من أيام رحت موعد أسنان ووصلت قبل الموعد بفترة طويلة وعطيت اللي تسجل وجلست انتظر .. صحيح دخلت قبل موعدي لكن الدكتور اللي عالجني قال انا كنت جالس فاضي انتظر وانا بنفسي رحت للموظفة سئلت لو فيه حد ينتظرني وكانت مفهية ومشغولة مع التلفون

حتى جهاز النداء مديت يدي اعطيها أشرت لي حطه هنا وهي مندمجة مع التلفون

في إحدى الوزارات كنت رايح بصفة رسمية وكلمت المسؤول ودخلوني اصف سيارتي قريب في موقف خاص ودخلت الا اللي يسجل يناديني بطريقة حسسني إني داخل غلط وكان صراحة مفهي وهو يسجل معلوماتي مع إني حتى لبسي رسمي والمفروض يكون شوي لبق ولا يسال أسئلة كثيرة ما لها داعي والوزارة خدمية يزورها مئات الأشخاص

[بوخميس]

يفترض يحطون قاطع ارسال

واللي يبي يتكلم في التلفون يروح مكان ثاني

[احمد1]

بعضهم والله قمة البشاشة والأخلاق ويخلصونك بسرعة ويسوون أكثر من اللي عليهم

أذكر هنا أحد الشباب في مستشفى حمد قسم الدخول والغرف .. جيته على الكاونتر وكنت تعبان وهو يشتغل يرتب غرفة لمريض معي ينتظر في الطواريء .. فتح الباب ودخلني داخل وسحب لي كرسي وعاملني كأني اخوه الكبير .. أمثال هؤلاء ندعي لهم ليل نهار .. وقال لي حظك عندي آخر غرفة وكلم طاقم التمريض المختص بهذي الغرفة ورفضوا دخول المريض راح كلم الدكتور وشبكه معاهم وأقنعهم ودخلوا المريض والحمد لله .. يعني سوى فوق حدود شغله

انا أتفق على إنه لازم للكل دورة لباقة واسلوب في المقابلة وتسهيل أُمور المراجعين وصراحة لاحظت على البعض أما انشغاله بالتلفون وعدم المتابعة أو بنفسيته التعبانة وتكشيرته الغير مقصودة .. من أيام رحت موعد أسنان ووصلت قبل الموعد بفترة طويلة وعطيت اللي تسجل وجلست انتظر .. صحيح دخلت قبل موعدي لكن الدكتور اللي عالجني قال انا كنت جالس فاضي انتظر وانا بنفسي رحت للموظفة سئلت لو فيه حد ينتظرني وكانت مفهية ومشغولة مع التلفون

حتى جهاز النداء مديت يدي اعطيها أشرت لي حطه هنا وهي مندمجة مع التلفون

في إحدى الوزارات كنت رايح بصفة رسمية وكلمت المسؤول ودخلوني اصف سيارتي قريب في موقف خاص ودخلت الا اللي يسجل يناديني بطريقة حسسني إني داخل غلط وكان صراحة مفهي وهو يسجل معلوماتي مع إني حتى لبسي رسمي والمفروض يكون شوي لبق ولا يسال أسئلة كثيرة ما لها داعي والوزارة خدمية يزورها مئات الأشخاص
اتفق معاك معماري قطر في البعض والله كأنه يعرفك ويخدمك بعيونه ويبتسم ووجه بشوش مع ان ضغط العمل جامد عليه .... اقف له احتراما والله ... ولو وصلت لمديره او مسؤوله والله اثني عليه واشكر فيه قدامه ...

من يومين كنت في ادارة من الادارات وكان لازم ادفع رسوم تأمين لسياره لكن الموظف يقول لي ماعندنا مكينة للدفع ادفع كاش ... قلت له بس التوجه الكتروني والحين كله بطاقات .. قال مالي خص احنه بس كاش ... قلت المهم المفروض يكون بالبطاقة ... رد قالي الكلام توجه للادارة لان مافي قانون يلزمنا بذلك ... قلت ان شاء الله ... اتصلت قدام لحدى المسؤولين بالمكا وقلت له الي صار ..... اليوم الصبح تيلفوني يرن رديت الا المسؤول يستأذني ان يحطه على السبيكر لان مع مدير شركة التأمين ويبيني اسمعه الكلام ... قلت له الي صار ..... القصد في الموضوع سرعة الاستجابة من المسول الي ماقصر وان لو شفت شيء فيه تقصير لا تسكت تكلم وبيصلحون الاعوجاج .... شكرا

[بوخالد911]

هالشي صاير للأسف في جوازات امسيمير / بوهامور
وخاصة قسم النساء.

وديت الخدامة للبصمة
وتأخرت وايد
ولما طلعت سألتها عن التأخير
قالت الموظفة تلعب بجوالها !!!

[مالي عذر منك]

لله الحمد
قد تكون هذه النوعية موجودة
لكنها كما ارى قلة
وماعادت المراجعات مثل اول بالتاخير
واللف من مكان لمكان
واقصد بالذات الدوائر الحكومية
الحين البنك وهو البنك اللي مستفيد منك
ويفترض يعاملك معاملة مميزة هو اكثر الجهات
اللي تتاخر فيها

[eXpert*]

لازم يربطون الارقام بقياس الاداء كل موظف كم مراجع قاعد يخلص خلال السنة .

[طلعة الروح]

السلام عليكم .... باختصار مرات تدخل ادارة ... وتاخذ رقم وتنتظر وتلاحظ مافي حد ... والعشره الي على الكونترات بقدرة قادر صارو 3 والثلاثه الي تلعب او يلعب في الجوال على السناب او الانستا جرام والي يتكلم بالتيلفون والاخير يخلص المعاملات من انه الي باقيين يمكن شخصين بس لان يبي يحسسك... انه بزي والمكان لازم تنقع فيه عشان يخلصك .. ولا اذا خلصك بسرعه لان مافي مراجعين كانك انتقصت من قدره.. ..ومرات في موظفين تلقاهم يتفلسف كانه بروفسور ... ياخي مع احترامي انت مدخل بيانات خلص شغلك وانت ساكت ومكانك هذا تخدم فيه المراجعين ... عندك ضغوط .. يقطعونك طنازه في المجلس.... مرتك متسلطه عليك . زوجك مطين عيشتك .. تحط /تحطين حرتك بالناس ليش.... تحس انه /انها معقده ليش... وبعض الاوقات يدخل واحد يعرفه ولا يصير له تلقاه يفز من مكانه ويخلصه ويدق معاه سالفه وعقب ما يخلصه يطلع معاه الكوفي الي بنفس المبنى ويدردش شوي واذا كلمته قال عندي بريك ... الا اكسر صحن كلج على راسك .... البعض وليس الكل ...

تصرفات تدل على عدم اهتمام وعدم رقابة من المؤسسة نفسها في خاصة من ناحية الجودة والتطوير... بس ابشركم ان الفساد موجود حتى في القطاع الخاص وعلى مستوى البنوك من ناحية ان موظف ياخذ العملاء ويكرف وموظف اخر لا ياخذ ولا يشتغل ومرخي ويكون مضبط المسؤول اللي ساكت عنه ومخلي الكرف على غيره من الموظفين.