ارجوكم ابي الرد أبسرعه لو تكرمتوا ؟؟؟؟؟ مواشي

[ريم]

الســـــــــــــــــــــــلام عليكم ... في البداية أبي أوضح لكم الموضوع أنا استعيلت وشريت مواشي :eek2: طبعا ماشتريت أسهم وايد خذت الف سهم بس في شركة مواشي وهاي يوم كان سعرالسهم 48 ريال :eek: وكنت مستعلية وماشورت حد وقلت باخذ سهم عارفته اوكي ;) ;) وماجان جدامي غير مواشي الي ابي أعرفه أو تتوقعونه متى بيرتفع هالسهم لانه والله كل يوم وهو نازل اكثر وخسارتي فيه مب اشويه صج مب بايعته لو ايصير سعر السهم ريال وبنتظر بس تتوقعون متى بيرتفع ... في الفتره السابقه كنت يالسه أراقب نشاط الشركة وكانوا يفتحون مقاصب شي جي اعتقد واحد في الخور وكنت فرحانه اقول يا اليوم الي بستفيد منه بس اجوف ماصار شي وماعتقد بيرتفع الا اذا طلع شي يديد يعني :eek: مثلا الشركة غيرت نشاطها وهاي شي مستحيل (( وانا وشنو لي وبالمواشي بالعون كنت كنت مرتاحه وفلوسي عندي )) بس أحيانا الدرس أيكون وايد غالي ,,,,, تبون الصج هي الفلوس صج راس مالي ...بس المحتاجته منكم احين أحد فيكم يتوقع لي متى بترتفع وبرد أفلوسي وفوقهم شي :con2: :eek2:

[محمد]

وانتي ما حصلتي الا اسهم الدبش الله يهداج :p
والله مادري شقولج صراحة هو و المخازن المفروض الواحد ما ياخذهم بهالسعر

ان شاءالله شباب البورصه الي عندهم خبره بهالسهم يفيدونج ..

تحياتي

[Millionaire Mind]

ريم
على سبيل المثال انتي شريتي 1000 سهم مواشي بسعر 48 يعني حوالي 48000 عمليه التمسك في السهم وهو نازل شي غلط النصيحه المعروفه اشتري والسهم طالع وبيعي والسهم نازل .....
اوضح اكثر ....1000 سهم لو بعتيهم مثل في 40 انتي خسرانه 8000 ريال يعني المبلغ اللي بيتم عندج حوالي 40000 ....بس لو وصل السوق الى وضعه التصحيحي اللي اهوا الحين ...ورديتي شريتي مثلا على سعر 30 بيكون عندج حوالي 1300 سهم . هد' ي نصيحه بسيطه انه يمكن اتكون الصوره القريبه خساره اد' بعتي باقل من الشرا مثلا 8000 بس في الاخير زادت اسهمج بمقدار 300 سهم . وبما انه عندج صبر ايوب لو طلع المواشي مره ثانيه الى 48 وبعتي 1300 بتطلعين ربحانه 14400 .
متى بيطلع المواشي ......قولي متى بيطلع السوق!!!!!! هد' ا اقدر اتوقع له لانه شي بسيط جدا
اولا البنوك والتامينات طالعين مافيها كلام ..... من شهر تسع وطالع......الخدمات والصناعه متفاوته في الطلوع.....بس افترضي ان البنوك في حاجز 600 والتامينات قريبه منها ...شنو يتبقى بعض الصناعه والخدمات ....وبما انه نادر ماتحصلين سهم اقل من 70 في د' اك الوقت فشي من الطبيعي انه المواشي بيطلع للمستوى الخمسيني ....الخط العريض الله يعوضج في الجاي والتصرف الد'كي

[مضاربه]

اصبري عليه اختي لين شهر 11 يمكن يطلع مع طلوع السوق في هالوقت هذا اذا مانزلت شركه جديده وعفست الدنيا

[ريم]

شكرا لكم أخواني على التوضيح وانا صج فرحانه فيكم بس اتمنى كلامكم مب عشان ترفعون معنوياتي لانه أصلا انا مشتريه وب مستعلية لانه لو كانت الخرده في أيدي جان طارت على الفساتين والاسواق عشان جي قلت بستشثمرها يمكن الاختيار كان أشوي مب مناسب للشركة بس أنا صابره صابره وأنشالله ماراح ابيع ابخسارة
وانا متوقعه للسوق مستقبل قوي لانه الحين الكل ايفكر يشتري في السوق يعني والي مابتدى احين يالس يستعد ومتوقعه الاسهم ماراح ايكون في سهم بيكون سعره أقل من 100 ريال وبتكون الارقام الي اتشوفونها شي من الماضي وسوقنا ماعلية خوف

[سهم طايش]

و الله نصيحتي لج اختي اذا كنتي مب محتاجه للفلوس اللحين لا تبيعين بخساره

و انتظري لين تشوفينه يوصل للسعر اللي في بالج

و الحمدلله على كل حال مصيبتج اهون من غيرج

في ناس شروا العقاريه ب253 و اللحين طايحه في جبودهم ب70 ريال

و اللي يشوف بلاوي الناس تهون عليه بلوته

و هذي ارزاق الله مقسمها على عباده و الحمدلله في السراء و الضراء

و مثل ما قلتي يمكن لو الفلوس عندج كان طارت على اشياء تافهه

[بنت الاجاويد]

الله يكوووووووون في عونج
مالج الا الصبر وعلى اخر السنه اذا ارتفعت :con2: لي البشاره

[بنت الاجاويد]

بتوصل في الخمسين ((توقع فقط))

[كحيلان]

راح توصل المواشي 55 رااااااااااال في شهر 1 او 2

[الصمت]

سهم طايش شلونك.؟

بخصوص الدولي بس اللي حكرلنا في زاويه.!!

[سهم طايش]

سهم طايش شلونك.؟

بخصوص الدولي بس اللي حكرلنا في زاويه.!!

يا هلا اخوي الصمت

انا بخير جعلك بخير

اي و الله حكر لنا في زاويه

بس وراه وراه

و اذا مافي فايده بنفتر حق المصرف

[الصمت]

انا محتار سهم مادري آخذ 3000 سهم في الدولي ولا 4000 في المصرف........!!

لان عندي مبلغ ابي حطه كله في بنك واحد

[سهم طايش]

ليش ما تقسم المبلغ اخوي الصمت على البنكين ؟؟

نص دولي و نص المصرف

[الصمت]

بيطلع لي 2000 سهم في المصرف و 1500 دولي

[Millionaire Mind]

الصمت
حوالي تسعمئة الف تقدري تسوي الدبل بطريقه سحريه

[الصمت]

كيف يا المليونير..........؟

[Millionaire Mind]

الصمت .....
قوي قلبك .......
1-اشتر مثل ماقالو الشباب ونوع يعني 1000 مصرف 1000 سهم الدولي 3000 سهم اجاره 1000 التامين الاسلاميه اسهم حلال وقويه تشتريها الحين بس على دفعات
2- تروح لاي شركه استثماريه وترهن جميع الاسهم لمدة سنه من الان.... بيعطونك حوالي 60 % سيوله تشتري فيها سيارات او ارض او بيت ....طبعا فيه شركات بتحصل عندهم هالسيارات المقصد طلع سيوله.... يعني بطلع حوالي 600 الف في يدك فوائدهم او مرابحتهم حوالي 20% المبلغ اللي انت طلعته استغله في يدك دش وقت ماسوق يطلع وتطلع اول ماسوق ينزل ...... يمكن تربح او تخسر .....بس الشي الحلو الاسهم اللي شريتها في الشركات اللي قبل بطلعك فوق حوالي 50 % على الاقل ......
طبعا هد' ي طريقه فيه طرق ثانيه بس يبي لها شرح اكثر  والبتوفيق

[مالك امـــــــــل]

الغاليه السوق القطري او بالضبط كل الاسهم بترتفع مره وحد يعني اذا السوق وصل نقطة 12000 هاي يعني طبعا انشاء اتوقعه في اخر السنه يعني المواشي بترد نفس ماكانت لتحسبين نفسج انتي خسرانه محد يخسر انشاء الله بس يبيله صبر الصبر زين اذا انتي شريتي 1000 انا شريت 4000 ولحين عندي ومافي امل التفت عليهم يعني انسيهم شواي واشغلي نفسج في شئ ثاني والله بيعوضج انشاء



نصيحه : انسي كل الاسهم لين بعد الصيف لان الصراحه في السوق الاقطري الواحد
يكون قنوع بالاسهم الي عنده ومتوهق :D

فما عليج الا الصبر يابنت الحلال والله بيوفق الجميع انشاء الله وتبيعينهم 300 بعد قرن انشاء الله خخخخخخخخخخخخخ

يعطيكم الف عافيه :)

وانا انسان متفائل دايما يعني مافي امل احط في بالي اني اخسر لان اشري وخلي اشتري واخلي لين وقت الارتفاع وانشاء الله السوق دوووووووووم فوووووووووووووووووووووق :D :D :D :D :nice:

[غاوي مشاكل]

احد امرين:


الصبر الى بداية الطلوع...ممكن مع بداية الموسم القادم



او


بيع بخسارة وبداية استراتيجية جديدة للمضاربة لتعويض الخسائر قبل موسم الطلوع وجني الأرباح



وبالتوفيق

[ريم]

تسلم اخوي مالك أمل على الكلام الحلو :shy: والنصيحه الي ماتحصلها هاليومين من الاخو :eek2: وربي ايسلمك انشالله واكيد انا باخذ ابصيحتك ومب بايعه في الصيف لو شنو وبعد امفكره :con2: اشتري وازيد الاسهم الي عندي لانها فرصه تبي الصج وشكرا مره ثانيه لك

[ريم]

أخوي غاوي مشاكل اكيد الصبر أحسن من المغامرة وماورنا شي وانا أمفكره اصرف اسهم ثانيه واعوض خسارتي أحين في مواشي معا انه مب خسارة تعتبر لانه انا شاريتهم ومتئمله راح ترتفع أنشالله .... بس اهني السوال متى بترتفع اهني المشكله ,,,,, على العموم شكرا لكم

[مالك امـــــــــل]

لا شكر على واجب الغاليه :) حاضرين :) والله يوفق الجميع انشاء الله :)