تسجيل الدخول

مشاهدة النسخة كاملة : استفسار عام عن افضل عياده او دكتور/دكتورة اسنان


Bo Turky
18-04-2018, 05:25 AM
السلام عليكم ورحمة الله وبركاته

اسفسار عام بخصوص العيادات ودكاترة الاسنان وخاصه من المجربين

عندي كذا ضرس يبيلهم زراعه وابغي اسوي باقي الاسنان فينيل او تركيب

اللي مجربين الفينيل والتركيب ممكن يعطوني رايهم في شنو الافضل

وشنو افضل ماده ك كواليتي لان سمعت ان في كذا ماده لتصنيع التركيبات

وبغيت اعرف افضل واشطر دكاتره في قطر في هالمجال وما تكون اسعارهم مبالغه

ان شاء الله انا شهر 9 الجاي مسافر لندن دراسه 4 سنوات وبغيت احل مشاكل اسناني من
الحين قبل لا اروح وخاصه هناك العلاج يكلف الكثير ومن سنتين سويت حشوه هناك ب 600 باوند
فقلت اسوي اسناني هني كلهم وادفع 40 او 50 الف وارتاح

ممكن نصيحه منكم وخاصه من المجربين واسف على الإطاله

وربي يوفقكم ويحفظكم جميع
مالي عذر منك
18-04-2018, 07:28 AM
والله من كثرتهم تحتار فيهم
ولله الحمد مالي تجربة افيدك فيها
بس سمعت يمدحون مركز الخراشي
بس يقولون غالي
sara jsm
18-04-2018, 01:20 PM
وعليكم السلام اخوي ..
عن نفسي ومن خلال تجارب احب اروح عند الاطباء الهنود في اي عيادة مايهم ..
بس هالجنسية وااايد شطار في الاسنان ..
تقدر تروح مركز نسيم الربيع للاسنان صوب السوق المركزي وتسال عن الاسعار ..
كل اطبائهم هناك استشاريين وجراحين حق الاسنان ..
وبالتوفيق ان شاءالله .. ماعليك شر
Qtr37
18-04-2018, 09:50 PM
كثير منهم تجاريين

افضل مكان وانظف مكان رميلة حتى لو المواعيد تطول..
aloosh
18-04-2018, 10:08 PM
انا عن تجربة جربت كنج لاني بسوي زراعه شلت اسناني اللي فوق كلها وبعضها متكسر ومتساوي معا لثه شالهم كلهم بدون ما احس بشي
دكتولر فوق العياده رقم 3 هندي

المكان عند دوار السويدي المعيذر الجنوبي
عطر فرنسي
19-04-2018, 06:59 AM
افضل مكان مستشفى أستر الهندي
عابر سبيل
19-04-2018, 08:08 AM
للزراعة لنا تجربة مع عيادة الاسنان
في مركز المغربي..
و تحديدا
د.شاربل (لبناني)..

لنا ثلاث تجارب..
انا و اهلي..
و جربه صديق لي..

و على مديات متفرقة..
يعني انا من ظ4 سنوات
و صديقي عقبي بسنة..
و الاهل السنه الماضية..

كلها كانت تجارب طيبة
و الحمد لله..
بو خليفه 123
19-04-2018, 10:17 AM
للزراعة لنا تجربة مع عيادة الاسنان
في مركز المغربي..
و تحديدا
د.شاربل (لبناني)..

لنا ثلاث تجارب..
انا و اهلي..
و جربه صديق لي..

و على مديات متفرقة..
يعني انا من ظ4 سنوات
و صديقي عقبي بسنة..
و الاهل السنه الماضية..

كلها كانت تجارب طيبة
و الحمد لله..

أنت من بعد ماسويت ابتسامة هوليود عند مسيو شربل و أنت منت بالأولي

اشتقنا لك يا غالي :telephone:


من ناحيتي اشوف العيادات التابعه للمركز الصحي ممتازه . والله يعزهم ولا يعز عليهم
Bo Turky
19-04-2018, 10:52 AM
يعطيكم العافيه جميع على الردود وتجاربكم مع الدكاتره

والله ودي اسوي في الرميله بس مواعيدهم تتأخر وانا شهر 9 ان شاء الله مسافر دراسه
وابغي اسويهم كلهم واخلص خلال شهر او شهرين بالكثير
qatarman8008
25-04-2018, 12:17 PM
مركز شام ممتاز..
دكتور اوس..
sweet qatar
30-04-2018, 12:37 AM
المركز السويسري مقابل معسكر دحيل

انا ما جربت علاج و زراعة بس تجميل .. رحت لهم على مدح رفيجتي واهلها

سويت أسناني عندهم من سنين و الحمدلله للحين الناس تعلق و تسألني عن أسناني

الله يوفقك في دراستك و ابتسامتك
Bo Turky
19-05-2018, 05:12 AM
يعطيكم العافيه وماقصرتوا على الردود

ومبارك عليكم الشهر الفضيل

ولله الحمد توفقت في مستشفى ممتاز ورحت تركيا لمدة اسبوع سويت اسناني كلهم وخلصت

ماقصر اخونا العضو سليمان على الشرح الوافي وفعلاً مستشفى ممتاز ويعتبر من افضل المراكز في اوروبا

رحت تعالجت ولقيت سعوديين واوروبيين يتعالجون ويسوون الابتسامه والزراعه عندهم

تعاملهم ماعليه كلام

يوفرون لك سياره تاخذك لمواعيدك وترجعك

الفكره في العلاج عندهم بتوفر لك شيئين

اقل من نصف سعر العلاج في قطر
سرعة العلاج خلال اسبوع انت خالص

سويت اربع اسنان زراعه وكلهم ضروس خلفيه
شلت ضرس العقل
سويت ابتسامة هوليود
12 سن امامي نوعيتهم الاي ماكس السويسري 6 فوق و 6 تحت وهم افضل نوع عالمي من حيث المقاييس
و 16 سن الباقي كلهم زركون الماني
اول موعد كان يوم الجمعه
تصوير ويشوفون اسناني مختصين التجميل والزراعه ووضع خطه للعمل
ويشرحون لك ايش الافضل لاسنانك وانت غير مقيد بخطتهم وتقدر تختار اللي تبغيه
ولكن هم يعطونك رأيهم الطبي والعلمي والعملي
ثاني موعد يوم السبت على طول تخدير كامل وسويت كل شي خلال ساعتين
يوم الثلاثاء بروفة تركيب الاسنان
يوم الاربعاء ركبت كل شي
يوم الخميس انا في الدوحه

ودي احط لكم صوري قبل وبعد لكن تعرفون العين حق ��

اسعارهم كالتالي
السن الواحد زركون الماني ب 900 ريال
السن الاي ماكس السويسري ب 1750 ريال
الزراعه للسن الواحد ب 3000 ريال بالتقنيه الالمانيه

في الدوحه قالوا لي على هالخطه اللي ابغي اسويها تكلف ب 120 الف
والمده 6 شهور مواعيد

سويتها في تركيا ب 45 الف وخلال اسبوع والحمدلله ��

اللي محتاج اي استفسار يسألني خاص او عام او يرسل لي رقمه وبتصله وارسل له قبل وبعد عشان يحكم ويقرر

ولو تجربتي مب ممتازه ما كان كتبتها لكم ولا نصحتكم فيها

بس للامانه توفقت فيها الحمدلله ولا كنت بلقى افضل منها
لما
20-05-2018, 10:42 PM
ايش اسم المركز في تركيا
Bo Turky
23-05-2018, 04:23 AM
ايش اسم المركز في تركيا

http://treatment-dental-implants.healthbeautyturkey.com

هذا موقع العياده واسمها dentistanbul

واذا بغيتي رقم المنسق الطبي للاستفسارات وحجز المواعيد موجود عندي
sweet qatar
23-05-2018, 10:24 AM
ماشالله تبارك الله

الحمدلله على السلامة .. و الله يديم عليك العافية والفرحة
Bo Turky
23-05-2018, 09:50 PM
ماشالله تبارك الله

الحمدلله على السلامة .. و الله يديم عليك العافية والفرحة
امين اخوي
وياك الغالي وربي يحفظك
سليمان احمد
24-05-2018, 12:46 AM
(( تستاهل السلامه يابوتركي والحمدلله على السلامه ))
كيلو حديد
30-05-2018, 07:54 PM
الحمد لله على السلامة وبإذن الله ما تحتاح لاطباء الاسنان مره ثانية
ما شاء الله نصيحه طيبه وخلال شهر من موضوعك ما قصروا الشباب جزاهم الله خير
asulaiti
10-07-2018, 11:21 PM
استفسار للجميع بارك الله فيكم

أنا كذلك محتاج زراعة لكذا سن ... رحت عيادة الخراشي وصدمني السعر
وايد مبالغ فيه ..

لكن رحت عيادتين نفس السعر وأقل من الخراشي بوايد .. يعني اقل حتى من نصف سعر الخراشي ..

فحبيت أتأكد من هذه العيادتين اذا في حد له تجربة سابقة معاهم يخبرنا بنتيجة وجودة الشغل

العيادتين هما المجمع الدولي التخصصي للأسنان ( بشارع الوعب )
ومركز زين للأسنان ( الدفنة )

هل حد جربهم وارتاح معاهم ؟