كم عدد مطاعم ومقاهي مواقف نادي قطر ؟؟؟؟؟

[بالول]

مواقف النادي أصبحت كلها مطاعم وكافيهات وسوبر ماركت كبير .....

سؤال اين المسؤولين من الزحمة الحاصلة في هذا المكان يوميا وقت المساء...

والسؤال كيف تم منحهم تراخيص لإقامة هذه المحال في أماكن مخصصة أساسا كمواقف سيارات؟؟؟

[بوخميس]

مواقف النادي أصبحت كلها مطاعم وكافيهات وسوبر ماركت كبير .....

سؤال اين المسؤولين من الزحمة الحاصلة في هذا المكان يوميا وقت المساء...

والسؤال كيف تم منحهم تراخيص لإقامة هذه المحال في أماكن مخصصة أساسا كمواقف سيارات؟؟؟

المواقف مهجورة اغلب السنة

حلو ان النادي يستغل المرافق لزيادة دخله

خاصة ان مكانه (استراتيجي) جنب الكورنيش والابراج ومافي منافس قريب

لكن العشوائية تخرب المنظر

[ابوالعبد]

اويد كلام بوخميس الفكره حلوه لكن يبيلها ترتيب واصلا خل نكون صريحين النوادي اكثرها مهجوره فحلو يتم مثل هنشاط اويد كل نوادي تسوي جذي لكن بترتيب معين

[معماري قطري]

لاحظتوا شلون حاجتنا لمواقف سهلة ومكان سهل الوصول له من مناطق عدة؟

تخطيطنا المفروض ما يقتصر على منشاءات رياضية بل خدمية وبمواقف كافية

أسواق الفرجان شبه فاشلة .. محطات وقود أغلبها تفتقد المساحة والمواقف وسهولة الدخول والخروج من عدة جهات

[بوخالد911]

بظني المواقف كافية جدا

وأتمنى من باقي الأندية تفكر باستغلال المساحات وفتح محلات وكوفيهات لزيادة الدخل.

[محمد11]

بظني المواقف كافية جدا

وأتمنى من باقي الأندية تفكر باستغلال المساحات وفتح محلات وكوفيهات لزيادة الدخل.

بوخالد .. سمعت عن مكان اسمه مدرسة السواقه للمطاعم الي صوب معيذر !!
حاطين لك مطعمين ويبون الناس تروح لهم ..

ليتهم يتعلمون من نادي قطر

[ya3coub]

وين السوبرماركت العود ؟؟؟

[qatarman8008]

انا اؤيد فكرة درايف ثرو drive through هذي ممتازة..
احسن من انك توقف وتنزل تشتري وترجع تركب سيارتك مرات كثيرة مافيه مواقف اصلا..
وهذي الحلات بعيدة عن الشارع ما تسبب تعطل في السير ولا شي..

[معماري قطري]

انا اؤيد فكرة درايف ثرو drive through هذي ممتازة..
احسن من انك توقف وتنزل تشتري وترجع تركب سيارتك مرات كثيرة مافيه مواقف اصلا..
وهذي الحلات بعيدة عن الشارع ما تسبب تعطل في السير ولا شي..

أمريكا الصيدليات درايف ثرو والمطاعم والبنوك تخلص معاملات كاملة بالدرايف ثرو وكذلك المواقف متوفرة وكثيرة .. صيدلية كبيرة حكومية عليها ضغط فيها خطوط درايف ثرو بعدد كبير وتطلب دواك بالتلفون وتجي تحصله جاهز .. هذي حق الأدوية الموصوفة لفترات طويلة وتكون الوصفة مسجلة في الكمبيوتر

زين سووا درايف ثرو للمكتبة الوطنية وأتوقع مخططينا يبي لهم أوامر عليا وينفذون والتنفيذ سهل بإذن الله

[معماري قطري]

نادي السد فتح فرع حق بنكي الحلو ( قطر الوطني ) والفرع خالي بسهولة اخلص اي معاملة

[ضوى]

سبحان الله توه ولدي يتكلم عن الموضوع وانهم حرموه انه يتواجد بهالمكان زي قبل وانا اعاييع واقوله انت ليش زعلان ��

[بوخالد911]

نادي السد فتح فرع حق بنكي الحلو ( قطر الوطني ) والفرع خالي بسهولة اخلص اي معاملة

افاااااا بش مهندس

الوطني بنك ربوووووووووووووووووووووي

[Charisma]

الفكره ممتازه .. والمواقف متوفره .

[طلعة الروح]

بصراحه المطاعم مفتوحة بشكل عشوائي هناك وكلها كشكات الظاهرة غير حضارية بالنسبة لواجهة نادي كبير انا ماحبيت المنظر كلش لانه في النهاية نادي مش حديقة ولا ملاهي عشان تتحول الباركنات بهالطريقه السوقيه الى كشكات عشوائية.

[عقرب]

أغلب المطاعم الموجودة غير مصرحة من قبل البلدية

يعني النادي مسوي هالأشية كلها بدون رخصة وأتوقع البلدية أتخذت فيهم إجراء

[][ الوحيد ][]

خــذوه فـغلوه


هاي بإختصار اللي صار في نادي قطــر للأســف

الفكــرة جميله لكــن التنفييذ و الدخل الماااادي كان له تأثير اكــبر من الفايده نفسها ..

مطاعم بشكل عشوائي
تكدس في جهة وحده

اوكي قلنا دخلوا فلوس و اعتمدوا على نفسكم ,, لكم شنو بيضركم لو نفذتوا الشي بطريقه صحيحه ؟

محل فاتح عاللفه !!! و محلات فاتحه جنب بعض وعليها ضغط و الطلب مب سريع ,, يعني بيصير تدكس فالمنطقه ..

انا اقترح يعيدون توزيع المحلات و توزيعها على المكان كامل مب بس عالواجهة ,, بتخفف الزحمه عند المدخل خصوصا ان كللل المحلات تدخل لها من مدخل واحد.

[طلعة الروح]

غباء اداري... حتى مدينة العاب سندباد في مصر اتوقع ارتب من الخرابه اللي مسوينها في النادي وين قبل المواقف المرتبه والبراحه الموجوده...مع احترامي للجميع لكن انا اعتبره eyesore للمنظر الحضاري وتشويه للنادي... وين البلديه اللي شاطره تخالف ع صبغ البيوت وساكته عن الامور الاكبر في البلد.

[بومتعب]

للاسف هذا الموقع أصبح مكانا لتجمع الشباب والمراهقين من كلا الجنسين إلى ساعات متأخرة من الليل ....

الله المستعان

[معماري قطري]

افاااااا بش مهندس

الوطني بنك ربوووووووووووووووووووووي

كنت فيه الله يسلمك من حول 45 سنة قبل اختراع البنوك الاسلامية ومرتاح من معاملتهم .. فاتح حساب الحين في الريان تابع لشركة ومتورط ورطة الله أعلم بها

[معماري قطري]

[ الوحيد ][;10638342']خــذوه فـغلوه


هاي بإختصار اللي صار في نادي قطــر للأســف

الفكــرة جميله لكــن التنفييذ و الدخل الماااادي كان له تأثير اكــبر من الفايده نفسها ..

مطاعم بشكل عشوائي
تكدس في جهة وحده

اوكي قلنا دخلوا فلوس و اعتمدوا على نفسكم ,, لكم شنو بيضركم لو نفذتوا الشي بطريقه صحيحه ؟

محل فاتح عاللفه !!! و محلات فاتحه جنب بعض وعليها ضغط و الطلب مب سريع ,, يعني بيصير تدكس فالمنطقه ..

انا اقترح يعيدون توزيع المحلات و توزيعها على المكان كامل مب بس عالواجهة ,, بتخفف الزحمه عند المدخل خصوصا ان كللل المحلات تدخل لها من مدخل واحد.

تحصل اللي يدير هذي الحوسة أجنبي على قد حاله نفس مدير بعض المخازن والورش في المزارع

[معماري قطري]

انا عدي بذاك المكان من زمان أيام بنك قطر الوطني فاتح هناك بس بعدين ما مريت والظاهر تغير وتحول لعشوائية من العشوائيات الكثيرة حولنا