بخصوص الهنود الي ينظفون سيارات في الاماكن الحكوميه والبراحات

[ابوالعبد]

السلام عليكم والرحمة الله وبركاتة

لاحظت انه هشي كثر وزاد عن حده اين البلديه من انتشار العماله العشوائيه بكل دائره حكوميه ان رحت مجمع خدمات الحكوميه او المجمعات او الجمعيات او اي براحه في الاسوق او حتى مستشفيات بتحصل الهندي يجيك غسيل بابا والمشكله انهم يسببون ازدحام انه يسوي روحه يعلمك شلون تصف باركن كانهم سماسره للسيارات ومشكله يقولك ب خمسه عشر ريال طيب مغاسل سيارات ينطفها لك من برع. ومن داخل ب خمسه وعشرين ريال القصد مو بالفلوس ملينا من هذولا ناس يلصقون بسيارات ومعانا اهالينا نحن دوله الحمدالله متتطوره ومقبلين علي احداث كبيره ترددت واجد بكتابه هالموضوع ولكن صراحه تمللت بكل مكان. يلاحقني واحد غسيل بابا غسيل بابا انا مب مع قطع الارزاق انا مع يكون شي منظم ومايكون بهذا شكل

[Rider]

وزيدك من زين الغسيل يوسخون السيارة اكثر من تنظيفها غير انهم يشمخون السيارة بالخواتم لي لابسينها وطريقة غسيلهم غلط سطل ماي مع شوي صابون ويفرك السيارة ويشمخها

[بوخالد911]

صحيح
شارع النصر
أعداد كبيرة منهم منتشرين من بدايته لنهايته.

يا ريت الداخلية تداهمهم وتسوي حملات جامدة.

[mersal]

المشكله انه الواحد ينحرج منهم خصوصا بسوق مواقف سوق واقف يدورلك موقف وياشر لك واخر شي تنكسف منه تقوله ما ابي اغسل،،، اظن هم مرخصين من شركه خاصه لانهم لابسين لباس موحد وعليه شعار الشركه،، وجه نظري شغله مالها داعي ابدا

[ابوالعبد]

والله يليت هظاهره تختفي ترى زهقونا بكل مكان ابركن يطلعون لي وياشرون ومشكله يعلمونك شلون تبرمه علي اساس ماكانه السيارات الحديته فيها نظام كامره واقدر اشوف عدل وابركن ومشكله خمس عشر رياب علي طش وماي مونظيف ومشكله شي زاد عن حده بكل داعوس ينطون

[sara jsm]

وعليكم السلام ..

لاتقطعون ارزاق الناس .. الله يعلم برواتبهم هالمساكين ..
اقل شي اذا دلك على موقف عطه 10 ريال صدقه ودافع بلا عنك وعن عيالك ..
مهب مجبور تغسل عنده او تجامله ..

[سعود.]

وعليكم السلام ..

لاتقطعون ارزاق الناس .. الله يعلم برواتبهم هالمساكين ..
اقل شي اذا دلك على موقف عطه 10 ريال صدقه ودافع بلا عنك وعن عيالك ..
مهب مجبور تغسل عنده او تجامله ..


أعجبني الرد خصوصآ
اخر سطر

[MAZEN37]

عن نفسي احمد الله انه جاني لاني فعلا احتاج استغل وقتي وانا داخل واطلع احصل سيارتي نظيفه
الفكره ممتازه لكن مثل ما ذكر صاحب الموضوع لازم تنظيم ورخصه وقواعد يشتغلون من خلالها

[aloosh]

يا صاحب الموضوع اذاهم مضايقينك هذا شأنك
مافيه داعي تفتح موضوع بقطع ارزاق مساكين
بتغسل قل له شيل الخواتم اللي بيدك اذا وجدت
اوعطه دفعه بلاى عنك وعن عيالك
من مسكنا وعينا في بلادنا وهم موجودين بها الطريقه ولا احد تعرض لهم بموضوع او لفظ

[Riku3]

المشكلة مب وجودهم .. المشكلة في التنظيم ..

لو يلبسون لبس موحد مثل الي موجودين في الجمعيات التعاونية ويعطونك كوبون على الغسيل ومعاه عده كاملة .. يعطيك احساس ان الموضوع منظم وجيد وفي شركة وراه تدفع رواتبهم وعليهم مسئول والفايدة ترجع لصاحب الشركة الي بيكون اكيد مواطن بنسبة 51% على اقل تقدير .. فهنا انا اكيد بشجع امثالهم .. وبيكون عمالة مدربة تستخدم قطع خاصة ما تشمخ السيارات مب مثل البقر الي يغسلون بفوطه @_@ ..

اما الي لابسين ملابس عادية وعددهم كبير وغير منظم بشكل واضح مثل الي عند مواقف الجهات الخدمية مثل مبنى الخدمات الي عند اشارات السينما .. فهو ياخذ المبلغ منك بدون فاتورة وهذا يدل على انهم عمالة سائبه مقننه .. ولا توجد عليهم رقابة مالية وفايدة الغسيل في جيبه واكثرهم يغسل بماي مب نظيف وبسرعه ويمكن يشمخ السيارة بفوطة خشنة !! ..

ومثل هذيل تلاقي يا ان الكفيل ياخذ منهم مبلغ ثابت كل شهر .. او انه فاتحلهم سجل تجاري لصديق اجنبي ومب مفتكر في العمالة ولا يدري عنها .. وهذا بيخلق بيئة غير صحية على اصحاب الشركات النظامية الي مستحيل تقدر تجاريه لان النظامي هو المسئول عن الكفالات والسكن والتوصيل والادوات ..

وعلشان تعرفون ان ماوراهم مسئول او شركة .. كثير تصير معاي ان يحاولون يطلبون مني 20 ريال مب 15 .. يقول سيارتك كبيرة :/ .

هي في النهاية خدمة جيدة . . فاعتقد المفروض يكون في شروط مثل اليونيفورم واعطاء كوبون او فاتورة للغسيل علشان تضمن حقك وحق اصحاب الشركات .. والمفروض البلدية تشترط على كل شركة عمالية ان يكون لها سكن للعمالة بدل ما ينخشون في الشقق والمناطق السكنية وهذا واضح من اعلانات ايجار الغرف الموجودة على الجدران جنب كل دكان او محل في المناظق السكنية ..

اقترح ان ترسل اقتراحك لشركة وقود .. يمكن يسوون قسم خاص للغسيل الخارجي ويحتكرون السوق مثل ما مسوين مع المحطات وبسببهم اكثر المحطات الشخصية سكرت هههه .

[بوخالد911]

وعليكم السلام ..

لاتقطعون ارزاق الناس .. الله يعلم برواتبهم هالمساكين ..
اقل شي اذا دلك على موقف عطه 10 ريال صدقه ودافع بلا عنك وعن عيالك ..
مهب مجبور تغسل عنده او تجامله ..

معظمهم عمالة هاربة

احنا مع النظام
لازم وجودهم يكون بشكل قانوني صح.

واللي حاب يتبرع عنده الجمعيات الخيرية.

[nooora]

وعليكم السلام ..

لاتقطعون ارزاق الناس .. الله يعلم برواتبهم هالمساكين ..
اقل شي اذا دلك على موقف عطه 10 ريال صدقه ودافع بلا عنك وعن عيالك ..
مهب مجبور تغسل عنده او تجامله ..
كلامك عدل

[nooora]

السلام عليكم والرحمة الله وبركاتة

لاحظت انه هشي كثر وزاد عن حده اين البلديه من انتشار العماله العشوائيه بكل دائره حكوميه ان رحت مجمع خدمات الحكوميه او المجمعات او الجمعيات او اي براحه في الاسوق او حتى مستشفيات بتحصل الهندي يجيك غسيل بابا والمشكله انهم يسببون ازدحام انه يسوي روحه يعلمك شلون تصف باركن كانهم سماسره للسيارات ومشكله يقولك ب خمسه عشر ريال طيب مغاسل سيارات ينطفها لك من برع. ومن داخل ب خمسه وعشرين ريال القصد مو بالفلوس ملينا من هذولا ناس يلصقون بسيارات ومعانا اهالينا نحن دوله الحمدالله متتطوره ومقبلين علي احداث كبيره ترددت واجد بكتابه هالموضوع ولكن صراحه تمللت بكل مكان. يلاحقني واحد غسيل بابا غسيل بابا انا مب مع قطع الارزاق انا مع يكون شي منظم ومايكون بهذا شكل
لاحقينك في كل مكان اكيد ما تغسل سيارتك ههههه امزح

[Charisma]

أتفق معاك ..

المشكله مب في أنتشارهم بكل مكان ، ولكن بطريقة عرضهم لخدمات الغسيل .. وكأن الموضوع أجباري .


تدخل تبي تصف وموترك نظيف ويجيك واحد يوقف وراك ولا قدامك على أساس بيساعدك تصف، ولايفك عنك لين تقوله شكرا "مايبي غسيل" لا وبعضهم يعطيك نظرات تحس شوي ويشمخ موترك .. هالشيء غلط بعيد عن العاطفة وكسر الخواطر، ممكن يكتفي بأشاره او سلام .. واذا تبي تغسل تطلب منه ، مع ان أصلا هالنوعية من الغسيل سيئة وتضر اللمعه مع الوقت ..

مب ضد أنتشارهم ولا مع قطع ارزاقهم ولكن السالفه يبي لها ضبط من شركاتهم، اما العمالة السائبة فمافيها نقاش ضد انتشارهم .

[عايش فرحان]

انا اعتبرهم نعمة من رب العالمين ..
الله يكثرهم و يزيدهم
ما احد غصب حد على الغسيل .. و اذا ما تبيه قول له شكرًا ( مايبي ) !
اغلبهم غسيلهم شين
خصوصاً اللي ( ما ) يستعملون الماء و يكتفون بالمسح بالرشاشات ( تابعين حق شركة معينة و يلبسون كفرول احمر و اسود ) و تحصلهم في المولات الكبيرة
وتلاقي بعضهم غسيلهم زين و يستعملون الماء .. انا اعرف الفرق بين اللي يغسل زين و العليمي بنضرة واحدة بحكم الخبرة
في النهاية الموضوع مب غصب و اللي ما يبي يغسل محد غاصبه ..

[عيسى111]

كل من تسلط على الضعفاء الله يسلط عليه
واحمدوا ربكم أنكم ما كنتوا مكانهم
كما تدين تدان

[السكين]

هالموضوع دايماً ألاحظه حتى أمس رحت المجمع الحكومي بالهلال ييجي يقط نفسه قدام السيارة من بعيد ويرفع ايده ويقولك تعال ، ويسبب لك ارتباك وهو واقف قدامك ووراك يأشر لك ، وأنا مع كاتب الموضوع إنه القصد عدم قطع الأرزاق بس الموضوع أوووفر بكل أمانة من عدة نواحي .

أولاً : نعطيل السير لأنه قبل فترة يأشرون لي على موقف فاضي بمنطقة الحصا اللي مقابل البنوك بشارع حمد وبالفعل صفيت فيه واستانست لما نزلت حصلت سيارتي الصف رقم 3 يعني حاشر سيارة قدامي ولما جيت اشيل السيارة يقول لي عادي هههههههه الأخ مدير المرور.

ثانياً : طريقة غسلهم غلط والكثير يبدأ بغسيل السيارة والزجاج الأمامي على الناشق يعني بدون ماي أو بكمية ماي قليلة جداً تشمخ القزاز والبدي.

ثالثاً : أسلوب التسول إذا سألته بكم يقولك : كومباني ياخذ 15 ريال ، يعني خرخش جيبك .. البخشيش بالعكس اعتبره صدقة وما يأثر على ميزانية أي أحد بس أسلوبهم صار كأنه سياسة متبعة عند الجميع .

[السكين]

كل من تسلط على الضعفاء الله يسلط عليه
واحمدوا ربكم أنكم ما كنتوا مكانهم
كما تدين تدان

يا خوي محد تسلّط والله عالم بالنوايا، ومافيه حد يحب قطع الأرزاق خاصة هالفئة الضغيفة، الموضوع في صالح بلدك، هالأمور صراحة تشوه المنظر الحضاري ، القصد هو انه الشركات تنبه على موظفيها بعدم التعرض للسيارات بهالطريقة عدم طلب البخشيش خاصة انه البلد بلد كرم وبدون ما يطلب بحصل الإكرامية وتعلمهم طريقة الغسيل الصح يعني مثل ما تعرف السيارات حالياً بالشوارع أغلبها بمئات الألوف ييجي واحد يشمخ البدي ولا القزاز عن جهل بعمله وعن قلة أدوات التنظيف اللي توفرها الشركة التابعة له بهدف التوفير ؟!

[جبر ال جبر]

مر البنك وعطه 1000 ريال (ماظن بتاثر ميزانيتك من الف ريال ) قوله عطني خرده كلها امهات 10 وقطها في درج سيارتك
واعتبرها ايداع في البنك العظيم المربح الي هو بالاخره الي راح تحتاجه في وقت من الاوقات واي واحد تحصله من هذولا او غيرهم من الضعاف عطه 10 ونفس ماذكر اكثر من عضو مب مجبور تغسل عنده وللامانه اشوفهم في قطر مول وفيستفال دايمن عمرهم ماكانو مزعجين بالعكس يساعدك في ايجاد الموقف وينشدك تبي غسيل تقوله لا يروح
وسعو صدوركم ماتدري وين المنجيه ازرع الخير دامك فوق الارض وعيش حياتك و10 ولا20 مب مخسرتك شي نصرفها في امور ماتستحق ف الاغلب ولكنها امر عظيم يدفع الله فيه البلا ويرزقك من حيث لاتحتسب الناس الخيره ادورهم دواره هالضعوف عشان تعينهم وتساعدهم ... واخيرا اذكركم (واما السائل فلا تنهر ) سواء يغسل ولا يقدم لك خدمه ولا ينظف الشارع ماتعرف ش وضعه وف الاخير هو عابر سبيل وفقير ومحتاج يتسكت عنه وتروح ولا عطه من ماجاد الله عليك

[nooora]

اذا هذيله من المسلمين يستاهلون نتعاطف معاهم اهم شي ما يكونون هندوس او بوذيين او اماراتيين ،، اي لا تنسون اخوانكم في بورما ما يستاهلون بوذيين اي صدقه ،،،
بعدين الحين وايد اسويين يدشون وفيزة فالمطار لكن مادري هل يردون بلادهم ولا كله هروب

[المزن الرياني]

صار الانطباع القطري مقصه تحت عذر دفع بلا
الي يبغي يتبرع الجمعيات الخيريه موجوده و المأسي بالمسلمين بكل بلد غير عن الأيتام بالملايين
الخمس ريالات او العشر ريالات ممكن تأمن الاكل لعايله كامله باليوم
واحنا هني كل ماشفنا حد بالشارع دفعنا و قلنا دفع بلا بدون مانتأكد من استحقاقه او لا
وبنفس الوقت اغلب الجمعيات تعتمد على ايرادات رمضان لمشاريعها واغاثاتها
وباقي السنه تعاني بالتحصيل


الله المستعان

[مضارب دوسري]

انتوا من صجكم تسمونهم مساكين وفقر ومدري شنو

يعني ما يمشيله راتب من الشركه اللي يشتغل فيها !!!
هالمبالغ ما تدخل بحساب الشركه اللي يشتغلون فيها !!

عطيته مبلغ على اساس صدقه وكذا راح وشرى فيها باكيت زقاير
بتكون انت الطيب الحنون اللي يدور الاجر !!

انزين شنو ديانته ترى معظمهم ديانات غير سماويه بعد !!


تبي تتصدق وتدور الاجر الله يجزاك خير روح صوب المسلمين المحتاجين سواء عن طريق جمعيات خيريه او جيرانك وحواليك

[مضارب دوسري]

وفي موضوع اخر
موضوع رسايل الواتس يا ابني انا من غزه وتصير طيب وتروح تحول لهم
وصاروا يطرشون صور واثباتات على كلامهم !

وتروح بكل بساطه الصرافه وتحول مبلغ لهم او تلتزم بمبلغ تحوله كل شهر لهم

هل تدري انك ممكن قاعد ترسل لمافيات
اخرتها تلقى نفسك في قائمة تمويل الارهاب في يوم من الايام !!

اصحوا يا جماعة الخير !
تبي تتصدق وتزكي فيه جمعيات خيريه توصلها لاي مكان واهم شي تحت اسم هالجمعيات مب اسمك !!


ما يسوى عليك يصير نفس ما صار للبعض اللي كانوا يحولون مبالغ على اساس لناس ضعفاء وعقب صاروا متهمين بتمويل الارهاب !!
لانهم كانوا يجمعون التبرعات ويرسلونها لناس هناك وعقب !!

تصدق ما قلنا لا ولكن لا تحط نفسك في موقف ماله داعي ابد
تصدق وحط صدقتك الله يجزاك خير في جمعيه خيريه وقل ودوها لغزه او بورما او سوريا او او او او

[طلعة الروح]

ظاهرة غير حضاريه ومالها داعي خصوصا اذا كانت العمالة سائبة وغير مرخص بها ولا تستطيع محاسبتهم اذا سوو اي شي غلط.

[بوخميس]

اذا هذيله من المسلمين يستاهلون نتعاطف معاهم اهم شي ما يكونون هندوس او بوذيين او اماراتيين ،، اي لا تنسون اخوانكم في بورما ما يستاهلون بوذيين اي صدقه ،،،
بعدين الحين وايد اسويين يدشون وفيزة فالمطار لكن مادري هل يردون بلادهم ولا كله هروب

:con2:

[وليف الشوق]

طيب في وشو المشكله ؟ وليش يسببون ازدحام ؟ وذكرت في موضوعك ( ان معانا اهالينا ) طيب وش المشكله اذا معاك اهلك ؟ هالخدمه اعتبرها مميزة بدال مااروح المغسلة ويضيع وقتي افضل هالخدمه عن محال الغسيل
اسمحلي ان موضوعك مش مفيد ومااعتقد راح نستفيد من هالموضوع

[ابوالعبد]

البعض يقول صدقه هل صدقه تجوز للشهص الغير مسلم ؟؟؟؟ يليت خد يفيدنا ثاني شي القصد احنا بلد حضاري مقبلين علس كاس العالم والمغاسل سيارات علي خمس وعشرين وينضفها لك من برع ومن داخل هذولا بس من برع يقولك خمس عشر ريال اتمنى ظاهره الغسيل العشوائي تندثر

[mohd.talat]

تجوز لغير مسلم حتى لو كان مليونير هذه صدقة مو زكاة والاولى انه تعطيها للمسكين بدون ما تشق عن قلبه. اما موضوع الجمعيات الخيرية ادفعلها لو اردت مع اني بحس الصدق تطهير لقلب الانسان كاول خطوة ولما تعطيها لجمعية خيرية كلها هذا الجزء ما بحس في وكانه رد عتب.

[هيباتيا]

اذا هذيله من المسلمين يستاهلون نتعاطف معاهم اهم شي ما يكونون هندوس او بوذيين او اماراتيين ،، اي لا تنسون اخوانكم في بورما ما يستاهلون بوذيين اي صدقه ،،،
بعدين الحين وايد اسويين يدشون وفيزة فالمطار لكن مادري هل يردون بلادهم ولا كله هروب

وليش الهندوس او البوذيين مانتعاطف معاهم كل دين فيه ناس مجرمين وارهابيين وناس مسالمين مثل مافي بوذيين يذبحون المسلمين في بوذيين مسالمين بس عشان في مسلمين انذبحو في بورما مب معناته مانتعاطف مع البوذيين الي مالهم دخل بلي صار في بورما ونفس الشي بالنسبة لليهود والمسيح...والاماراتيين ليش شدخلهم هم في السياسة

ماتكلم عن الي يغسلون السيارات هم عندهم رواتب فمافي شي يخليني اتعاطف معاهم اتكلم عن التعاطف مع الي صج مساكين أو مظلومين مهما كانت عقيدتهم

[يمامـة]

و خير يعني طلب منك يغسل لك سيارتك!!
عيزان تقول له ما ابي اغسل سيارتي و شكرا لك؟

مب عارفة نفوسكم ليش صايرة ضيقة كلش؟

[يمامـة]

البعض يقول صدقه هل صدقه تجوز للشهص الغير مسلم ؟؟؟؟ يليت خد يفيدنا ثاني شي القصد احنا بلد حضاري مقبلين علس كاس العالم والمغاسل سيارات علي خمس وعشرين وينضفها لك من برع ومن داخل هذولا بس من برع يقولك خمس عشر ريال اتمنى ظاهره الغسيل العشوائي تندثر
يا اخي لا تتصدق عليه لأنه مب مسلم..
لكن ارسم الابتسامة على ويهه نظير عمله اللي بيقدمه لك ..

مب عارفة ليش تسوون سالفة من غير سالفة..

لأني اشوف اللي تتكلم عنهم و ما اشوفهم اجبروا حد يغسل عندهم غصب..
هو يعرض عليك و يساعدك مرات في الحصول على مواقف ...." و ما يطلب أجر عليك"

و انت زعلان ليش منتشرين و يغسلون السيارات؟

[يمامـة]

ظاهرة غير حضاريه ومالها داعي خصوصا اذا كانت العمالة سائبة وغير مرخص بها ولا تستطيع محاسبتهم اذا سوو اي شي غلط.

من قال انهم عمالة سائبة يا طلعة الروح؟
معقولة عمالة سائبة و الجهات الرسمية تاركينهم كل هالشهور في مثل هالاماكن العامة يغسلون
سيارات خلق الله و لا حد قربهم؟

ما اعتقد انهم عمالة سايبة.. لأنهم لو كانوا كذلك يكفيهم يوم لسحبهم كلهم بسبب مخالفتهم للقوانين العمل في البلاد..

و مع هذا وجودهم ما اشوفه ما كامل تقدير و احترامي لرايج انه منظر غير حضاري!!
وين عدم الحضارية " من الحضارة " في الموقف؟!!

[ضوى]

و خير يعني طلب منك يغسل لك سيارتك!!
عيزان تقول له ما ابي اغسل سيارتي و شكرا لك؟

مب عارفة نفوسكم ليش صايرة ضيقة كلش؟

أنا بعد وايد استغربت الموضوع ، عرض وطلب بغيتهم بيخدمونك مابغيتهم منت مجبور ، كل شي بنقول عنه منظر حضاري وغير حضاري

[يمامـة]

أنا بعد وايد استغربت الموضوع ، عرض وطلب بغيتهم بيخدمونك مابغيتهم منت مجبور ، كل شي بنقول عنه منظر حضاري وغير حضاري

اشدراني يا اختي!!

اشدخل الحضارة في وجود ناس يخدمونك و يلمعون لك سيارتك ؟

يا ليت شفنا مطالبات بتوفير كراسي لهم او مظلات او فكرة نتذكرهم بمطارة ماي بارد
او عصير او .. او ..

اما منظر غير حضاري لأنهم يغسلون سيارات .. او مسويين زحمة.......> قوية هذي سالفة مسوين زحمة!!

عني اشوف ان كلامهم غير حضاري ابدا........> مع كامل احترامي و تقديري لهم

[بومحمد المطاوعه]

لاتخليه يغسل سيارتك اذا مهتم فالموتر وايد
لأنه اصلن غسيلهم اي كلام والفوطه تشمخ السياره وتتضرر من هالغسيل

لكن مايمنع ان تبتسم وانت قايل له شكرآ
او ثنكيو
واذا حاب تعطيه لو ريال بعد خير وبركه

[بومحمد المطاوعه]

البعض يقول صدقه هل صدقه تجوز للشهص الغير مسلم ؟؟؟؟ يليت خد يفيدنا ثاني شي القصد احنا بلد حضاري مقبلين علس كاس العالم والمغاسل سيارات علي خمس وعشرين وينضفها لك من برع ومن داخل هذولا بس من برع يقولك خمس عشر ريال اتمنى ظاهره الغسيل العشوائي تندثر

يجوز إعطاء الصدقة - غير المفروضة - للفقراء من غير المسلمين وخصوصا إذا كانوا من الأقارب ، بشرط أن لا يكونوا من المحاربين لنا ، وأن لا يكون وقع منهم اعتداء يمنع الإحسان إليهم ،

لقوله تعالى : ( لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين * إنما ينهاكم الله عن الذين قاتلوكم في الدين وأخرجوكم من دياركم وظاهروا على إخراجكم أن تولوهم ومن يتولهم فأولئك هم الظالمون )


عن عائشة رضي الله عنها : " أن امرأة يهودية سألتها فأعطتها ، فقالت لها أعاذك الله من عذاب القبر ، فأنكرت عائشة ذلك ، فلما رأت النبي صلى الله عليه وسلم قالت له ، فقال : لا ، قالت عائشة : ثم قال لنا رسول الله صلى الله عليه وسلم بعد ذلك " إنه أوحي إلي أنكم تفتنون في قبوركم " مسند أحمد

[بوخالد911]

للمرة المليون
وجودهم غلط

اللي يبي يغسل موتره يروح مغسلة سيارات
واللي حاب يتبرع يروح الجمعيات الخيرية

[هداف]

بالعكس وجودهم او عملهم محتاج تنظيم فقط

[حمــد]

محد طلب منكم تتبرعون . وثانيا هذيله مب عماله سائبه .. تابعين لشركات رسميه مرخصه من البلديه وعندهم ايصال للخدمه .. بالنهايه أجره الغسيل للشركه .. تبغي تعطيهم ما تبغي على راحتك .. وسبل الخير كثيره سواء جمعيات خيرية او تبرع شخصي حتى لو خارج البلاد سواء غزه او غير ممكن تسال مقيمين هنا عن ناس هناك هل محتاجين فعلا او لاء والرزق في النهايه على رب العباد لانه اعلم بأمور العباد

[طلعة الروح]

من قال انهم عمالة سائبة يا طلعة الروح؟
معقولة عمالة سائبة و الجهات الرسمية تاركينهم كل هالشهور في مثل هالاماكن العامة يغسلون
سيارات خلق الله و لا حد قربهم؟

ما اعتقد انهم عمالة سايبة.. لأنهم لو كانوا كذلك يكفيهم يوم لسحبهم كلهم بسبب مخالفتهم للقوانين العمل في البلاد..

و مع هذا وجودهم ما اشوفه ما كامل تقدير و احترامي لرايج انه منظر غير حضاري!!
وين عدم الحضارية " من الحضارة " في الموقف؟!!

انا افضل التنظيم... هاي اللي اقصده.. اما العشوائية غير مرحب بها وقد تضر اكثر من ماتنفع. انا افضل ان تكون شركة على ان يكون عامل عادي حتى ادواته في الغسيل غير معروفه نوعيتها والتجربة خير برهان في الاخير اللي يبي يغسل يغسل واللي مايبي مب مجبور. احنا لما نقول ظاهرة غير حضارية نقصد التجمهر وكذلك المشاكل اللي ممكن يتسببون فيها واحتمال كبير انهم عمالة سايبة ليش لا ومسكوت عن وضعهم.. ليش ما البلد مليانه منهم ومن غيرهم خاصة عند المحلات التجارية من توقفين او تصفين تلاقين الواحد يطق عليج القزاز يا شغل طراره يا بائع متجول يا طلب مساعده او عامل بدون زي رسمي يعرض عليج غسل السياره... والظاهره زادت وقاعده تزيد.

[Charisma]

من قال انهم عمالة سائبة يا طلعة الروح؟
معقولة عمالة سائبة و الجهات الرسمية تاركينهم كل هالشهور في مثل هالاماكن العامة يغسلون
سيارات خلق الله و لا حد قربهم؟

ما اعتقد انهم عمالة سايبة.. لأنهم لو كانوا كذلك يكفيهم يوم لسحبهم كلهم بسبب مخالفتهم للقوانين العمل في البلاد..

و مع هذا وجودهم ما اشوفه ما كامل تقدير و احترامي لرايج انه منظر غير حضاري!!
وين عدم الحضارية " من الحضارة " في الموقف؟!!

في عمالة سائبة، تلقينهم برى المجمعات مثل شارع النصر وغيره .

الأشكالية "عموما" في طريقة عرضهم لخدمات الغسيل .. جربي يوم توقفين في موقف اي مجمع وراقبي المسيرة من تدخل سياره .

يلحق السياره مشي ويصير marshaller هالشيء يضايق السايق و " يحرجة " !

لو السايق محتاج يغسل سيارته بيصوت عليه وانتهى الموضوع.

[BoFahed]

في عمالة سائبة، تلقينهم برى المجمعات مثل شارع النصر وغيره .

الأشكالية "عموما" في طريقة عرضهم لخدمات الغسيل .. جربي يوم توقفين في موقف اي مجمع وراقبي المسيرة من تدخل سياره .

يلحق السياره مشي ويصير marshaller هالشيء يضايق السايق و " يحرجة " !

لو السايق محتاج يغسل سيارته بيصوت عليه وانتهى الموضوع.

حاليا في حملة قوية من اسود الداخلية ( عساهم على القوة ) لضبط المخالفين وتسفيرهم

انا عرفت هالشي لما رحت اجر شاحنه و اخذ عمال يحملون اغراض

[بوخالد911]

حاليا في حملة قوية من اسود الداخلية ( عساهم على القوة ) لضبط المخالفين وتسفيرهم

انا عرفت هالشي لما رحت اجر شاحنه و اخذ عمال يحملون اغراض

عساهم ع القوة

العمالة الهاربة والسائبة بشارع النصر
من بدايته وحتى نهايته.

يا ريت يتحركون مناااك.

[ابوالعبد]

القصد الي يبي يغسل مثل ماقالوا الاخوان بيناديهم الي يبي اما انه يلحققك ويسوي روحه فنان ويسوي روحه فهيم ويعلمك اتمنى انه يتم عمل لازم اتجاهم يا يتم عمل اليه وظبطهم او انه يتم سحب تصاريح ويكفي مغاسل سيارات علي خمس وعشرين ينضفها من داخل ومن بره اما هذولا الي بشاره خمسه عشر ريال لو قال عشر بنقىل يالله رضينا بعد خمس عشر وبس من بزع

[يمامـة]

في عمالة سائبة، تلقينهم برى المجمعات مثل شارع النصر وغيره .

الأشكالية "عموما" في طريقة عرضهم لخدمات الغسيل .. جربي يوم توقفين في موقف اي مجمع وراقبي المسيرة من تدخل سياره .

يلحق السياره مشي ويصير marshaller هالشيء يضايق السايق و " يحرجة " !

لو السايق محتاج يغسل سيارته بيصوت عليه وانتهى الموضوع.

اخوي كريزما..
شلي يثبت انهم عمالة سائبة؟

و من ثم تراني اروح و اشوف اسلوبهم و للامانة
ما شعرت بأي ضيق لما اكون بصحبة بو العيال
او العيال او اختي..

لاحظ من خلال هالموضوع اسلوبهم ضايقك
و ضايق كذا شخص لكنه ما ضايق غيرك..
فاذا اسلوب مغسل السيارات يسبب لك الاحراج
و الضيقة و نطالب بالقضاء على تواجدهم
هالشي بيزرع فينا المطالبة بالقضاء على
كل من يضايقنا و يحرجنا بدل من ان ندرب
نفوسنا للتعامل مع المواقف دامها ما تسيب لنا
اذى شخصي بالكثير من التجاهل..

مع كامل تقديري و احترامي للمعارضين
اشوف الموضوع فيه مبالغة في ذكر الضرر..

[بومحمد المطاوعه]

على حسب علمي
فستفال ستي

في عمال لكن تابعه لشركه غسيل مواتر

وايكيا بعد
و مواقف نادي قطر
وازدان مول

وكذا مجمع
في عربه عندهم

يعني مصرحين

لكن في نفس الوقت ماينفع الواحد يغسل موتره لانه اي كلام ويشمخ الموتر

لان نظامهم يرش على الموتر بنفس مرش يدوي
ويمسح وهذي اخطر شي لصبغ السياره

اما الي حاطين لهم سطل ويغسلون في بعض مواقف السوق
مثل سوق الجبر وحوله والنصر

هذيله نصهم شاردين

والسطل لو تطل داخله الماي اسووووووود

[Charisma]

حاليا في حملة قوية من اسود الداخلية ( عساهم على القوة ) لضبط المخالفين وتسفيرهم

انا عرفت هالشي لما رحت اجر شاحنه و اخذ عمال يحملون اغراض

الله يقويهم ..

[Charisma]

اخوي كريزما..
شلي يثبت انهم عمالة سائبة؟

و من ثم تراني اروح و اشوف اسلوبهم و للامانة
ما شعرت بأي ضيق لما اكون بصحبة بو العيال
او العيال او اختي..

لاحظ من خلال هالموضوع اسلوبهم ضايقك
و ضايق كذا شخص لكنه ما ضايق غيرك..
فاذا اسلوب مغسل السيارات يسبب لك الاحراج
و الضيقة و نطالب بالقضاء على تواجدهم
هالشي بيزرع فينا المطالبة بالقضاء على
كل من يضايقنا و يحرجنا بدل من ان ندرب
نفوسنا للتعامل مع المواقف دامها ما تسيب لنا
اذى شخصي بالكثير من التجاهل..

مع كامل تقديري و احترامي للمعارضين
اشوف الموضوع فيه مبالغة في ذكر الضرر..

اللي يثبت انهم عمالة سائبة :



اللبس مب موحد .
مافي كوبونات .
الأسعار عشوائيه .



وتلقينهم في النصر ومثل ماذكروا الأخوان صوب سوق الجبر.



انا مب ضد تواجدهم ( العمالة المنظمة ) .. ولكن ضد أستخدامهم لأساليب الأحراج والملاحقه ، تذكرت هالموضوع امس في دار السلام .. دخلت المواقف السفلية وطلع لي واحد يمين وواحد يسار وكأن الدعوه منافسه بينهم ، أبي أصف يطلع بوجهي ويأشر لي على موقف ثاني .. رديت بـ" لا " .. هل أنتهى الموضوع ؟ طبعا "لا" .. لحقني للموقف الثاني وقام يعلمني اشلون أصف .

والله مقدرين أوضاعهم ونعرف أن لقمة العيش صعبه بالنسبه لهم .. لكن خلنا نكون واقعيين شوي هالتصرف أبدا ماله داعي .. والأحراج ماله داعي سواءا للسايق او حتى للعامل نفسه ! اللي محتاج يغسل سيارته بيطلب احد فيهم والسلام !

[ameeer3]

الله مكثرهم عند مواقف محلات المرخيه وصوب الشاهين في بن عمرران ‏

ومحولين النشاط من غسيل الى طراره ‏...

والمفروض انه مثل ها النشاط يكون مقتصر فقط على مواقف المجمعات التجارية

[يمامـة]

اللي يثبت انهم عمالة سائبة :



اللبس مب موحد .
مافي كوبونات .
الأسعار عشوائيه .


!

النقاط المذكورة لا تعني انهم عمالة سائبة!!
خلنا بالمنطق وانت سيد المنطق اسئلك هالسؤال
معقول الجهات الأمنية اللي يكبسون على العمال في بيوتهم و أماكن مغلقة لمخالفتهم القانون "ساهيين"
عن هالعمالة اللي متشرين في المجمعات..

تراني مب ضد القضاء على العمالة السائبة.. لكن بالأسلوب اللي توصفه لنا و يصفونه الاخوان في الموضوع
حتى اللي لابسين زي موحد يسوون هالشي مرات ( و مثل ما قلت انت لقمة العيش تحب الفهلوة)..

فعلشان نقلل من الفهلوة هذه. ما بيضرنا شي لو مسكنا العامل و شرحنا الخطأ في تصرفه
و التنبيه عليه انه ممكن يتعرض لكلام جارح و يعصبون عليه..

فبما ان احنا متفقين ان المشكلة مب في وجود الخدمة هذه.. و لكن في ناس يتضايقون من
" لواسة " هالعمال في تقديم خدماتهم.. (شوفهم تابعين أي شركة ونبه المسؤول فيها الكلام لكل شخص متأذي منهم )..
او كلم الفورمن الخاص فيهم .. او نبه اللي يغسل وجه بوجه..
في الأخير انت كسبت اجر فيه و خففت من انتقاد الناس اللي مب راضيين منهم..

[يمامـة]

الله مكثرهم عند مواقف محلات المرخيه وصوب الشاهين في بن عمرران ‏

ومحولين النشاط من غسيل الى طراره ‏...

والمفروض انه مثل ها النشاط يكون مقتصر فقط على مواقف المجمعات التجارية

يعني مد يده وقال لك : " يا الله مال الله "؟

[Charisma]

النقاط المذكورة لا تعني انهم عمالة سائبة!!
خلنا بالمنطق وانت سيد المنطق اسئلك هالسؤال
معقول الجهات الأمنية اللي يكبسون على العمال في بيوتهم و أماكن مغلقة لمخالفتهم القانون "ساهيين"
عن هالعمالة اللي متشرين في المجمعات..

تراني مب ضد القضاء على العمالة السائبة.. لكن بالأسلوب اللي توصفه لنا و يصفونه الاخوان في الموضوع
حتى اللي لابسين زي موحد يسوون هالشي مرات ( و مثل ما قلت انت لقمة العيش تحب الفهلوة)..

فعلشان نقلل من الفهلوة هذه. ما بيضرنا شي لو مسكنا العامل و شرحنا الخطأ في تصرفه
و التنبيه عليه انه ممكن يتعرض لكلام جارح و يعصبون عليه..

فبما ان احنا متفقين ان المشكلة مب في وجود الخدمة هذه.. و لكن في ناس يتضايقون من
" لواسة " هالعمال في تقديم خدماتهم.. (شوفهم تابعين أي شركة ونبه المسؤول فيها الكلام لكل شخص متأذي منهم )..
او كلم الفورمن الخاص فيهم .. او نبه اللي يغسل وجه بوجه..
في الأخير انت كسبت اجر فيه و خففت من انتقاد الناس اللي مب راضيين منهم..

كلام سليم ...

اما اللي في شارع النصر .. متاكد انهم عمالة سائبة ولايتبعون شركة متخصصه في الغسيل.

[يمامـة]

كلام سليم ...

اما اللي في شارع النصر .. متاكد انهم عمالة سائبة ولايتبعون شركة متخصصه في الغسيل.

ما تشعر ان تأكيدك قد يكون ظلم لهم؟

[Charisma]

ما تشعر ان تأكيدك قد يكون ظلم لهم؟

ان كان ظلم لهم ، فانا ملزم باعتذار مع تقديم باقة ورد وفطيرة وحش زيادة شطة من مشاوي العربي لكل عامل في هالشارع .. سبق وتكلمنا من فتره عن هالموضوع في أحد المجالس ، ولو احد مر اهناك يمسك واحد منهم على جنب ويساله تابع لأي شركه ويشوف الجواب .

[راجي الْعفو]

ان كان ظلم لهم ، فانا ملزم باعتذار مع تقديم باقة ورد وفطيرة وحش زيادة شطة من مشاوي العربي لكل عامل في هالشارع .. سبق وتكلمنا من فتره عن هالموضوع في أحد المجالس ، ولو احد مر اهناك يمسك واحد منهم على جنب ويساله تابع لأي شركه ويشوف الجواب .

العمالة السائبة قنبلة موقوته !!

مادري متى بيتنظفون من البلد

عددهم مش بسيط !! هذول كارثة ومشاكل كثيرة من وراهم !

[راجي الْعفو]

النقاط المذكورة لا تعني انهم عمالة سائبة!!
خلنا بالمنطق وانت سيد المنطق اسئلك هالسؤال
معقول الجهات الأمنية اللي يكبسون على العمال في بيوتهم و أماكن مغلقة لمخالفتهم القانون "ساهيين"
عن هالعمالة اللي متشرين في المجمعات..

تراني مب ضد القضاء على العمالة السائبة.. لكن بالأسلوب اللي توصفه لنا و يصفونه الاخوان في الموضوع
حتى اللي لابسين زي موحد يسوون هالشي مرات ( و مثل ما قلت انت لقمة العيش تحب الفهلوة)..

فعلشان نقلل من الفهلوة هذه. ما بيضرنا شي لو مسكنا العامل و شرحنا الخطأ في تصرفه
و التنبيه عليه انه ممكن يتعرض لكلام جارح و يعصبون عليه..

فبما ان احنا متفقين ان المشكلة مب في وجود الخدمة هذه.. و لكن في ناس يتضايقون من
" لواسة " هالعمال في تقديم خدماتهم.. (شوفهم تابعين أي شركة ونبه المسؤول فيها الكلام لكل شخص متأذي منهم )..
او كلم الفورمن الخاص فيهم .. او نبه اللي يغسل وجه بوجه..
في الأخير انت كسبت اجر فيه و خففت من انتقاد الناس اللي مب راضيين منهم..

الدولة مب غافلة
بس شلون تتعاملين مع شخص يجيب درازن عمال بتاشيرات ويتركهم في البلد يسوون اللي يبونه (( ع قولتهم عمل حر !!!!!! ) . !!

الخطأ تشترك فيه عدة جهات و اوّلهم الكفيل !

[بومحمد المطاوعه]

ان كان ظلم لهم ، فانا ملزم باعتذار مع تقديم باقة ورد وفطيرة وحش زيادة شطة من مشاوي العربي لكل عامل في هالشارع .. سبق وتكلمنا من فتره عن هالموضوع في أحد المجالس ، ولو احد مر اهناك يمسك واحد منهم على جنب ويساله تابع لأي شركه ويشوف الجواب .


هههههههههههههه اهم شي فطيره وووووووووووووووووحش

[Charisma]

العمالة السائبة قنبلة موقوته !!

مادري متى بيتنظفون من البلد

عددهم مش بسيط !! هذول كارثة ومشاكل كثيرة من وراهم !

هذا موضوع بروحه .. صفحاته ماتقل عن عشر.

انا والله مالومهم، لكن الوم من كفلهم بنظام سو اللي تبيه وتجيب لي شهريا المبلغ الفلاني ، وعشان يجيب المبلغ الفلاني .. مستعد يسوي اي شي !

[Charisma]

هههههههههههههه اهم شي فطيره وووووووووووووووووحش

زياده شطه يامديررر :yes:

[راجي الْعفو]

هذا موضوع بروحه .. صفحاته ماتقل عن عشر.

انا والله مالومهم، لكن الوم من كفلهم بنظام سو اللي تبيه وتجيب لي شهريا المبلغ الفلاني ، وعشان يجيب المبلغ الفلاني .. مستعد يسوي اي شي !

اهم حاقه الفلووووس ..والبئيّه في ستين ابن ستين نيله
واخد بالك !!

[بومحمد المطاوعه]

العمالة السائبة قنبلة موقوته !!

مادري متى بيتنظفون من البلد

عددهم مش بسيط !! هذول كارثة ومشاكل كثيرة من وراهم !

قبل فتره صادو عامل شارد من كفيله

وعقب ماصادوه اكتشفو ان عليه بلاغ من كفيله السابق ومع ادله المستشفى
فعل فاحشه مع بنت عمرها 10 سنوات

ف الي يتستر على هالاشكال يراجع نفسه ويخاف على نفسه وعلى اهله

الدوله فيها قانون عدم التستر على هالامور ’’
حتى الشرع حرم ذالك

الله تعالى قال : ( يَا أَيُّهَا الَّذِينَ آمَنُوا عَلَيْكُمْ أَنفُسَكُمْ لا يَضُرُّكُمْ مَنْ ضَلَّ إِذَا اهْتَدَيْتُمْ إِلَى اللَّهِ مَرْجِعُكُمْ جَمِيعاً فَيُنَبِّئُكُمْ بِمَا كُنتُمْ تَعْمَلُونَ ) المائدة/105

سمعت رسول الله صلى الله عليه وسلم يقول : ( مَن رأى منكم منكراً فليغيِّره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) .

وشكثر ناس للأسف تشغل دريوليه عندهم مب على كفالتهم والله يعلم شنو مسوين قبل هالأجانب وشاردين من كفلائهم

اقل شي سارق من كفيله الأولي وشارد

الله يحفظنا من هالبشر

[راجي الْعفو]

قبل فتره صادو عامل شارد من كفيله

وعقب ماصادوه اكتشفو ان عليه بلاغ من كفيله السابق ومع ادله المستشفى
فعل فاحشه مع بنت عمرها 10 سنوات

ف الي يتستر على هالاشكال يراجع نفسه ويخاف على نفسه وعلى اهله

الدوله فيها قانون عدم التستر على هالامور ’’
حتى الشرع حرم ذالك

الله تعالى قال : ( يَا أَيُّهَا الَّذِينَ آمَنُوا عَلَيْكُمْ أَنفُسَكُمْ لا يَضُرُّكُمْ مَنْ ضَلَّ إِذَا اهْتَدَيْتُمْ إِلَى اللَّهِ مَرْجِعُكُمْ جَمِيعاً فَيُنَبِّئُكُمْ بِمَا كُنتُمْ تَعْمَلُونَ ) المائدة/105

سمعت رسول الله صلى الله عليه وسلم يقول : ( مَن رأى منكم منكراً فليغيِّره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) .

وشكثر ناس للأسف تشغل دريوليه عندهم مب على كفالتهم والله يعلم شنو مسوين قبل هالأجانب وشاردين من كفلائهم

اقل شي سارق من كفيله الأولي وشارد

الله يحفظنا من هالبشر

هذه صورة واحدة فقط من صور بلاويهم
والخافي اكثر !!

هذول مشروع جرايم !!

[Charisma]

اهم حاقه الفلووووس ..والبئيّه في ستين ابن ستين نيله
واخد بالك !!

https://78.media.tumblr.com/e680ad38dc8922d08ef768f4f0415158/tumblr_nm1rnuIFRn1rq43y8o3_500.gif

[qatari911]

قبل فتره صادو عامل شارد من كفيله

وعقب ماصادوه اكتشفو ان عليه بلاغ من كفيله السابق ومع ادله المستشفى
فعل فاحشه مع بنت عمرها 10 سنوات

ف الي يتستر على هالاشكال يراجع نفسه ويخاف على نفسه وعلى اهله

الدوله فيها قانون عدم التستر على هالامور ’’
حتى الشرع حرم ذالك

الله تعالى قال : ( يَا أَيُّهَا الَّذِينَ آمَنُوا عَلَيْكُمْ أَنفُسَكُمْ لا يَضُرُّكُمْ مَنْ ضَلَّ إِذَا اهْتَدَيْتُمْ إِلَى اللَّهِ مَرْجِعُكُمْ جَمِيعاً فَيُنَبِّئُكُمْ بِمَا كُنتُمْ تَعْمَلُونَ ) المائدة/105

سمعت رسول الله صلى الله عليه وسلم يقول : ( مَن رأى منكم منكراً فليغيِّره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) .

وشكثر ناس للأسف تشغل دريوليه عندهم مب على كفالتهم والله يعلم شنو مسوين قبل هالأجانب وشاردين من كفلائهم

اقل شي سارق من كفيله الأولي وشارد

الله يحفظنا من هالبشر

بو محمد
ازيدك من الشعر بيت فيه واحد جاي وقف عند دريولنا ويقوله تعال عندي وبعطيك ضعف راتبك الي تاخذه من كفيلك
ما اقول غير حسبي الله والنعم الوكيل

[يمامـة]

ان كان ظلم لهم ، فانا ملزم باعتذار مع تقديم باقة ورد وفطيرة وحش زيادة شطة من مشاوي العربي لكل عامل في هالشارع .. سبق وتكلمنا من فتره عن هالموضوع في أحد المجالس ، ولو احد مر اهناك يمسك واحد منهم على جنب ويساله تابع لأي شركه ويشوف الجواب .

ليش واحد يمر؟
في جهات رسمية و عندنا معارف اهنيه و هناك في الداخلية او قسم البلاغات
نشير للأماكن اللي مشكوك فيها لوجود العمالة السائبة و نشوف النتيجة !!

اما الاعتذار بتكون لفتة لطيفة منك.. لكن من غير ورد تراهم احوج للفلوس هذه من الورد
عطهم قمشة مشموم من بيتكم مع القيمة السعرية للورد و فطيرة الوحش و عليهم بالعافية..

[بومحمد المطاوعه]

هذه صورة واحدة فقط من صور بلاويهم
والخافي اكثر !!

هذول مشروع جرايم !!

اي والله ,,

لاتسمع في البلاوي الي تصير
الواحد يحرص ويخاف زود الزوود

الله يحفظنا ويحفظكم من هالناس

[بومحمد المطاوعه]

بو محمد
ازيدك من الشعر بيت فيه واحد جاي وقف عند دريولنا ويقوله تعال عندي وبعطيك ضعف راتبك الي تاخذه من كفيلك
ما اقول غير حسبي الله والنعم الوكيل

اي هذي تصير ياخوي

مره دريولي كان صريح معاي وقالي هالكلام ,,

قالي يوم رحت الزرع ذاك اليوم في شيبه قالي تعال اشتغل عندي بعطيك راتب 3000

قلت له تبي تروح الحين بخليك تروح تشتغل عنده
قال لا هاي مب زين وكله يضرب الادريوليه وينقص فالرواتب على اي شي

عادي لو ما غسل رنق الموتر ينقص راتبه

[الماريّة]

السلام عليكم


بقولك موقف صار معاي من اسبوع
كنت طالعه من مجمع وتوني بركب سيارتي الا واحد من هالعماله واقف عند سيارتي
ويأشر يبي ينظفها وكان عربي وباين على شكله وملابسه ان حاله ضعيف

فقلت له شكرا اخوي

وراح وقف بعيد وحط يده على خده وتم فتره وهو سارح ويفكر وانا اناظره من خلف الجامه المخفيه

لكن اقسم بالله العظيم من غير مااحس نزلت دموعي من وقفته وحط يده على خده عورني قلبي:eek3:
ماقدرت اتماسك نفسي قلت للدريول ارجع له وناديته وقلت له بكم تغسل سيارتي قال اي شي كله رزق
قلت لا انت بلعاده كم تاخذ قال اي شي

وعطيته المقسوم شي بسيط جدا وشكرته ومشيت عنه والا اشوف يفتح الفاين ويشوف كم عطيته ويحبه
ويحطه على راسه ويشكر ربه

ياعالم اقسم بالله معطيته شي بسيييييييييط ومع ذلك قعد يحبه ويشكر ربه فهذا يدل على انه فعلا محتااااج

فالله يرزقهم من واسع رحمته

[بومحمد المطاوعه]

السلام عليكم


بقولك موقف صار معاي من اسبوع
كنت طالعه من مجمع وتوني بركب سيارتي الا واحد من هالعماله واقف عند سيارتي
ويأشر يبي ينظفها وكان عربي وباين على شكله وملابسه ان حاله ضعيف

فقلت له شكرا اخوي

وراح وقف بعيد وحط يده على خده وتم فتره وهو سارح ويفكر وانا اناظره من خلف الجامه المخفيه

لكن اقسم بالله العظيم من غير مااحس نزلت دموعي من وقفته وحط يده على خده عورني قلبي:eek3:
ماقدرت اتماسك نفسي قلت للدريول ارجع له وناديته وقلت له بكم تغسل سيارتي قال اي شي كله رزق
قلت لا انت بلعاده كم تاخذ قال اي شي

وعطيته المقسوم شي بسيط جدا وشكرته ومشيت عنه والا اشوف يفتح الفاين ويشوف كم عطيته ويحبه
ويحطه على راسه ويشكر ربه

ياعالم اقسم بالله معطيته شي بسيييييييييط ومع ذلك قعد يحبه ويشكر ربه فهذا يدل على انه فعلا محتااااج

فالله يرزقهم من واسع رحمته


بيض الله ويهج
وجزاج الله خيرر

هالشي البسيط انتي وانا وغيره نشوفه لان في خير ونعمه ولله الحمد

لكن عنده اهو وامثاله شي كبيييير لا يعلم به الا الله تعالى ,,

الله يكتب اجرج

[حمــد]

السلام عليكم


بقولك موقف صار معاي من اسبوع
كنت طالعه من مجمع وتوني بركب سيارتي الا واحد من هالعماله واقف عند سيارتي
ويأشر يبي ينظفها وكان عربي وباين على شكله وملابسه ان حاله ضعيف

فقلت له شكرا اخوي

وراح وقف بعيد وحط يده على خده وتم فتره وهو سارح ويفكر وانا اناظره من خلف الجامه المخفيه

لكن اقسم بالله العظيم من غير مااحس نزلت دموعي من وقفته وحط يده على خده عورني قلبي:eek3:
ماقدرت اتماسك نفسي قلت للدريول ارجع له وناديته وقلت له بكم تغسل سيارتي قال اي شي كله رزق
قلت لا انت بلعاده كم تاخذ قال اي شي

وعطيته المقسوم شي بسيط جدا وشكرته ومشيت عنه والا اشوف يفتح الفاين ويشوف كم عطيته ويحبه
ويحطه على راسه ويشكر ربه

ياعالم اقسم بالله معطيته شي بسيييييييييط ومع ذلك قعد يحبه ويشكر ربه فهذا يدل على انه فعلا محتااااج

فالله يرزقهم من واسع رحمته

الله يعينه ويسهل اموره .. ويرزقكم الله من حيث لا يحتسب