النظرة الشرعية

[الحياة الخالدة]

السلام عليكم ورحمة الله وبركاته

صبحكم الله بالخير
في سياق المواضيع الساخنة اللي تتكلم عن أمور الزواج

بخصوص الشوفة أو النظرة الشرعية .. لما يجي الشاب مع أهله عشان يشوف البنت وتشوفه في حضور أهلها ( طبعاً هذا الإجراء التقليدي )

أنا اعرف ان هالامور تختلف من أسرة لأخرى ومن مجتمع لآخر

لكن ما حدود هذه النظرة ؟؟
وهل يترك الشاب مع الفتاة حتى لو لفترة قصيرة بهدف التعارف وكشف مدى القبول المبدئي ؟؟
أحياناً قد يبدو الشاب أو الفتاة على درجة من الخجل ( الطبيعي أو المتصنع ) بحيث ما يرفعون راسهم من الارض .. فهل هالشي حقيقي ؟؟

وهل تكفي جلسة وحدة لإعلان القبول أم أن الموضوع يتطلب أمثر من مرة ؟؟

الموضوع مطروح للنقاش وتبادل الآراء من الجميع

تحياتي لكم مشاركين ومتابعين

[qatarman8008]

وانا اقرا الموضوع تمنيت لو ارجع عشرين سنة هع هع هع هع ..
الافضل اني ادخل في الموضوع بدون مقدمات..
شرعا:
قال صلى الله عليه وسلم إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل
أخرجه أبو داود،
وعن أبي هريرة رضي الله عنه أن رجلا خطب امرأة من الأنصار فقال له رسول الله صلى الله عليه وسلم أنظرت إليها؟ قال: لا، قال فاذهب فانظر إليها، فإن في أعين الأنصار شيئا

عرفا:
عند بعض العائلات تكون البنت اصلا ماتغطي الوجه وتكون تشتغل وتسوق وتروح المولات..
ف الله لايهينك تقدر تشوفها بطريقة غير رسمية..
واما عند العائلات المحافظة تكون البنت محتشمة مغطية الوجه..
فلا يسمح للشاب بمشاهدة الفتاه الا بعد كتابة العقد
اولا للتاكد من جدية الشاب في موضوع الزواج
ثانيا يكون الاهل قد وصفوا البنت وصفا دقيقا للشاب
ثالثا حفاضا على مشاعر البنت ف لو شافها وراح وجا الثاني شافها وراح صار الموضوع سوق خضرة..!!

[qatarman8008]

في واحد من جماعة الربع قال لي قصة طريفة عن النظرة الشرعية..
طبعا هم متشددين جدا في هذه الامور..
وقت النظرة الشرعية حطوا البنت وسط ثلاث بنات وكانوا كلهم مغطيين الوجه..!!
وعندما رجع عند الملاك والرجاجيل قاعدين قال الملاك هل نظرت الى عروستك يابني.؟؟
قال نعم والدموع تزاحم جفون العين..
المهم انهم تزوجوا وعاشوا حياة سعيدة..

[الحياة الخالدة]

وانا اقرا الموضوع تمنيت لو ارجع عشرين سنة هع هع هع هع ..
الافضل اني ادخل في الموضوع بدون مقدمات..
شرعا:
قال صلى الله عليه وسلم إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل
أخرجه أبو داود،
وعن أبي هريرة رضي الله عنه أن رجلا خطب امرأة من الأنصار فقال له رسول الله صلى الله عليه وسلم أنظرت إليها؟ قال: لا، قال فاذهب فانظر إليها، فإن في أعين الأنصار شيئا

عرفا:
عند بعض العائلات تكون البنت اصلا ماتغطي الوجه وتكون تشتغل وتسوق وتروح المولات..
ف الله لايهينك تقدر تشوفها بطريقة غير رسمية..
واما عند العائلات المحافظة تكون البنت محتشمة مغطية الوجه..
فلا يسمح للشاب بمشاهدة الفتاه الا بعد كتابة العقد
اولا للتاكد من جدية الشاب في موضوع الزواج
ثانيا يكون الاهل قد وصفوا البنت وصفا دقيقا للشاب
ثالثا حفاضا على مشاعر البنت ف لو شافها وراح وجا الثاني شافها وراح صار الموضوع سوق خضرة..!!

ما نقول غير : قول للزمان ارجع يا زمان .. لذلك كل واحد يمسك أرضه ويعين خير هههههههه

علي نبينا أفضل الصلاة والسلام .. وهذا الحديث اللي كلنا نعرفه ومادري عن مدى الالتزام به عند الكل

وأتفق معاك بخصوص بعض العائلات اللي بناتها سهل ان الشاب يشوفها في أي مكان من الاماكن اللي ذكرتها
لكن مب الكل جذي .. ويبقى البعض الآخر ملتزم بالنظرة الشرعية التقليدية
اللي لازم تكون لها حدود ومحاذير لتجنب حدوث ما تفضلت بذكره أخوي قطرمان

شكراً للمشاركة

[بن مسلم]

ليش هو لين الحين فيه النظره الشرعية في وقتنا هذا

[حمد 2002]

رجعت ظ£ سنين ورى .. ياسلام..

ممممم نعم للحين موجوده النظره لأنها من الشرع وستستمر مدى الحياة لانه الشرع مستمر ..

نعم النظره تكون في وجود الأهل...

[حمد 2002]

شكرا استاذه الحياه..

على هالمواضيع الزينه ..

[العنيده]

والله ماعرف حدود النظره الشرعيه .. صج راحت علي .. بس خاطري اعرف حدودها شرعا نستفيد من الموضوع معاكم
بس يوم كان الموضوع لي ماقدرت ارفع راسي والله من الوهقه .. بس اسمع صوته يتكلم مع هلي :yawn:
اخواني الله يحفظهم يساري وابوي قدامي ( امي وخالاتي وراي _ امه وخواته جنبه )
اي صح ونسيت غير اللي قاعدين يطلون من الباب ..

والحمدلله تيسرت الامور ;)

[الحياة الخالدة]

ليش هو لين الحين فيه النظره الشرعية في وقتنا هذا

نعم أخوي .. لحد الحين فيه عائلات عندها نظرة شرعية

[الحياة الخالدة]

رجعت ظ£ سنين ورى .. ياسلام..

ممممم نعم للحين موجوده النظره لأنها من الشرع وستستمر مدى الحياة لانه الشرع مستمر ..

نعم النظره تكون في وجود الأهل...
حتى انت يا حمد رجعت ورى هههههههه ما يمديك
المهم شكراً عالمشاركة
بس ما جاوبت على تساؤلاتي

والعفو

[الحياة الخالدة]

والله ماعرف حدود النظره الشرعيه .. صج راحت علي .. بس خاطري اعرف حدودها شرعا نستفيد من الموضوع معاكم
بس يوم كان الموضوع لي ماقدرت ارفع راسي والله من الوهقه .. بس اسمع صوته يتكلم مع هلي :yawn:
اخواني الله يحفظهم يساري وابوي قدامي ( امي وخالاتي وراي _ امه وخواته جنبه )
اي صح ونسيت غير اللي قاعدين يطلون من الباب ..

والحمدلله تيسرت الامور ;)

الحمد لله الله يسر أموركم حتى لو ما قدرتي تشوفينه
وعلى نياتكم ترزقون أختي
وأهم شي اللي يطلون من الباب .. طبعاً غير التعليقات اللي يتمون شهر يذكرونج بها ههههههه
بس لازم تتعلمين حق عيالج .. عشان ما تتوهقين حزتها

الله يبلغج فيهم

[ضوى]

متابعة بصمت :pic:

[الحياة الخالدة]

متابعة بصمت :pic:
تشرفني المتابعة
ولو اني كنت اتمنى تشاركينا بخبرتج

[المهاجر]

اعتقد في الوقت الحالي ماعاد في شي اسمه نظره شرعيه

البنت ما يروح لها اللي بياخذها الا وهو عارف شكلها ومقتنع فيها

بسبب العمل والاختلاط والخروج للأماكن العامه بدون تغطية الوجه

وهناك القليل من يتزوج عن طريق الاهل ولم يسبق له ان رآها

في هذه الحاله بيحتاج كلاهما هما للنظره الشرعيه

والنظره الشرعيه تكون بصوره سريعه يعني تدخل البنت وهو جالس مع اهله واهلها

ويكون دخولها لوقت قصير يشوفها وتطلع

مب يقعد ساعه يتملق فيها وتجي وتقعد وتسولف معاها وشلونك وعساك طيب وكيف الحال 🤐

[الحياة الخالدة]

اعتقد في الوقت الحالي ماعاد في شي اسمه نظره شرعيه

البنت ما يروح لها اللي بياخذها الا وهو عارف شكلها ومقتنع فيها

بسبب العمل والاختلاط والخروج للأماكن العامه بدون تغطية الوجه

وهناك القليل من يتزوج عن طريق الاهل ولم يسبق له ان رآها

في هذه الحاله بيحتاج كلاهما هما للنظره الشرعيه

والنظره الشرعيه تكون بصوره سريعه يعني تدخل البنت وهو جالس مع اهله واهلها

ويكون دخولها لوقت قصير يشوفها وتطلع

مب يقعد ساعه يتملق فيها وتجي وتقعد وتسولف معاها وشلونك وعساك طيب وكيف الحال 🤐

حياك الله أخوي بوعبدالله .. وعوداً حميداً أيها المهاجر

أنا مالوم اللي يقول نفس كلامك ويستغرب ان للحين فيه نظرة شرعية
بس صدقني للحين هالشي موجود .. يمكن مب نفس نسبة قبل .. بس للحين موجود وحاصل

أما عاد ساعة يتمقل فيها ههههههههه .. اللي اعرفه ان البعض يطالع من تحت لين تحت .. والبعض الآخر نظرة خاطفة تكفي
كذلك اعرف عوايل تدخل البنت على الولد في غرفة مفتوحة لمجرد تبادل كم كلمتين مع بعض .. عالاقل يتطمن الطرفين ان مافي تأتأة ولا صعوبات في الكلام ههههههه ولو ان الخجل احياناً يمنع الطرفين من الظهور على طبيعتهم

شكراً لمشاركتك اخوي

[بومحمد المطاوعه]

قال رسول الله: "إذا خطب أحدكم المرأة فقدر أن يرى منها بعض ما يدعوه إليها فليفعل".

وفي المسند وسنن الترمذي عن المغيرة بن شعبة قال: خطبت امرأة
فقال لي رسول الله صلى الله عليه وسلم: "أنظرت إليها؟" قلت: لا، فقال: "انظر إليها فإنه أحرى أن يؤدم بينكما".

ولا يجوز ذلك مع الخلوة بها ، بل لا بد أن يكون معهما أبوها أو أخوها أو غيرهما ،
لأن النبي صلى الله عليه وسلم قال : ( لَا يَخْلُوَنَّ رَجُلٌ بِامْرَأَةٍ إِلَّا وَمَعَهَا ذُو مَحْرَمٍ ) ( أخرجه الإمام مسلم في صحيحه – كتاب الحج – برقم 1341 ) ،

وقال أيضاً صلى الله عليه وسلم : ( لَا يَخْلُوَنَّ أَحَدُكُمْ بِامْرَأَةٍ فَإِنَّ الشَّيْطَانَ ثَالِثُهُمَا ) ( حديث صحيح – أخرجه الإمام أحمد في مسنده ، والترمذي في سننه – كتاب الفتن ، )



موضوع طيب الله يجزاج خيرر

الإسلام شرع للرجل رؤية مخطوبته قبل الزواج من أجل أن يؤدم بينهما كما جاء في الحديث الصحيح ، وبخاصة أن الأرواح قد تتعارف وتتآلف وقد تتنافر وتختلف ،

لما ثبت من حديث عَائِشَةَ - رَضِي اللَّه عَنْهَا - قَالَتْ : سَمِعْتُ النَّبِيَّ صَلَّى اللَّه عَلَيْهِ وَسَلَّمَ يَقُولُ : ( الْأَرْوَاحُ جُنُودٌ مُجَنَّدَةٌ ، فَمَا تَعَارَفَ مِنْهَا ائْتَلَفَ ، وَمَا تَنَاكَرَ مِنْهَا اخْتَلَفَ ) ( متفق عليه )
، وقد يؤدي عدم رؤية المخطوبة قبل الزواج في كثير من الأحيان إلى الطلاق ، لأن الرؤية فيهات فائدة عظيمة ، فقد يرتاح الخاطب إلى مخطوبته وتقبلها نفسه زوجة له ، وقد لا يكون ذلك ، ومن هنا جاءت السنة تبيح تلك النظرة

سئل سماحة الشيخ العلامة عبدالعزيز بن عبدالله بن باز عن رؤية المخطوبة ، فأجاب – رحمه الله - : ( لا شك أن عدم رؤية الزوج للمرأة قبل النكاح قد يكون من أسباب الطلاق ، إذا وجدها خلاف ما وصفت له
ولهذا شرع الله سبحانه للزوج أن يرى المرأة قبل الزواج

[بوخميس]

الحين مع النظرة الشرعية يحتاج يطلب صور قديمة

عشان يشوف الفرق

ويتأكد ان مافي ابر وحفر ونفخ وسمكرة

[بريق الحق]

الحين مع النظرة الشرعية يحتاج يطلب صور قديمة

عشان يشوف الفرق

ويتأكد ان مافي ابر وحفر ونفخ وسمكرة

ههههه اضحك الله سنك
استغرب الي يقول بسبب الاختلاط ماعاد يحتاج نظرة شرعيه
وكان كل النساء يشتغلون في مكان مختلط

[الحياة الخالدة]

قال رسول الله: "إذا خطب أحدكم المرأة فقدر أن يرى منها بعض ما يدعوه إليها فليفعل".

وفي المسند وسنن الترمذي عن المغيرة بن شعبة قال: خطبت امرأة
فقال لي رسول الله صلى الله عليه وسلم: "أنظرت إليها؟" قلت: لا، فقال: "انظر إليها فإنه أحرى أن يؤدم بينكما".

ولا يجوز ذلك مع الخلوة بها ، بل لا بد أن يكون معهما أبوها أو أخوها أو غيرهما ،
لأن النبي صلى الله عليه وسلم قال : ( لَا يَخْلُوَنَّ رَجُلٌ بِامْرَأَةٍ إِلَّا وَمَعَهَا ذُو مَحْرَمٍ ) ( أخرجه الإمام مسلم في صحيحه – كتاب الحج – برقم 1341 ) ،

وقال أيضاً صلى الله عليه وسلم : ( لَا يَخْلُوَنَّ أَحَدُكُمْ بِامْرَأَةٍ فَإِنَّ الشَّيْطَانَ ثَالِثُهُمَا ) ( حديث صحيح – أخرجه الإمام أحمد في مسنده ، والترمذي في سننه – كتاب الفتن ، )



موضوع طيب الله يجزاج خيرر

الإسلام شرع للرجل رؤية مخطوبته قبل الزواج من أجل أن يؤدم بينهما كما جاء في الحديث الصحيح ، وبخاصة أن الأرواح قد تتعارف وتتآلف وقد تتنافر وتختلف ،

لما ثبت من حديث عَائِشَةَ - رَضِي اللَّه عَنْهَا - قَالَتْ : سَمِعْتُ النَّبِيَّ صَلَّى اللَّه عَلَيْهِ وَسَلَّمَ يَقُولُ : ( الْأَرْوَاحُ جُنُودٌ مُجَنَّدَةٌ ، فَمَا تَعَارَفَ مِنْهَا ائْتَلَفَ ، وَمَا تَنَاكَرَ مِنْهَا اخْتَلَفَ ) ( متفق عليه )
، وقد يؤدي عدم رؤية المخطوبة قبل الزواج في كثير من الأحيان إلى الطلاق ، لأن الرؤية فيهات فائدة عظيمة ، فقد يرتاح الخاطب إلى مخطوبته وتقبلها نفسه زوجة له ، وقد لا يكون ذلك ، ومن هنا جاءت السنة تبيح تلك النظرة

سئل سماحة الشيخ العلامة عبدالعزيز بن عبدالله بن باز عن رؤية المخطوبة ، فأجاب – رحمه الله - : ( لا شك أن عدم رؤية الزوج للمرأة قبل النكاح قد يكون من أسباب الطلاق ، إذا وجدها خلاف ما وصفت له
ولهذا شرع الله سبحانه للزوج أن يرى المرأة قبل الزواج

جزاك الله خير على الإضافة القيمة بالأدلة الشرعية
وبالطبع لا ننكر أهمية النظرة بالضوابط المذكورة .. بالرغم من التجاوزات الكثيرة التي قد تحدث عند البعض

[الحياة الخالدة]

الحين مع النظرة الشرعية يحتاج يطلب صور قديمة

عشان يشوف الفرق

ويتأكد ان مافي ابر وحفر ونفخ وسمكرة
ههههههههه الكل له الحرية في طلب ما يشاء من الأدلة والصور القديمة
وللطرف الثاني الحق في الرفض أو القبول

ولو إني أعرف أن الكثير من الرجال يطلبون من زوجاتهم بعد الزواج يحورفون بأعمارهم ويسوون أعمال النفخ والسمكرة وغيرها الكثير .. حتى تصير تشبه الفنانة الفلانية والفاشنيستا العلانية
وقد يصل الموضوع انه ياخذها بنفسه لعيادة التجميل ويطلب من الطبيب يفصلها له مثل ما يبي
يعني يقلبها غير اللي استلمها بداية الزواج

في هالزمن كل شي يصير والله المستعان

[بومحمد المطاوعه]

ههههه اضحك الله سنك
استغرب الي يقول بسبب الاختلاط ماعاد يحتاج نظرة شرعيه
وكان كل النساء يشتغلون في مكان مختلط

صدقت هالكلام غلط
في ناس ماتبي تشوف نظره شرعيه لان اصلن مخططين مع بعض وشبعانين نظر
قبل لا ايي ويخطب البنت
وهذي الشي لاننكر عليه موجود للأسف

وفي ناس لا والله مالهم في هالسوالف

تحصلهم عن طريق امهاتهم يدورون لهم ويحتاجون النظره الشرعيه بحدود الشرع

[بومحمد المطاوعه]

جزاك الله خير على الإضافة القيمة بالأدلة الشرعية
وبالطبع لا ننكر أهمية النظرة بالضوابط المذكورة .. بالرغم من التجاوزات الكثيرة التي قد تحدث عند البعض

ويجزاكي خيرر

التجاوزات تحصل للأسف
بعض الناس مافي شي عندهم اسمه النظره الشرعيه وهذي خطأ

احنا نمشي مع الشرع وشرع الله تعالى صريح محد كفو يتعدى على شرع الله تعالى

والتجاوزات الي تحصل من وقف الشرع هذي خله يستانس مع نفسه

مافي شي احشم من شرع الله تعالى

[sara jsm]

صباح الورد حبيبتي الحياة ..

ذكرتيني بالذي مضى هههههههه كانت خمس دقايق كانها خمس ساعات ..
امور الزواج لازم يكون فيها استخاره قبل النظرة الشرعيه .. لان الاستخارة تعطيك احساس بالاستمرار او لا وعقب النظرة الشرعيه تحسم الموضوع كله ...
:
بعض الاخوان ذكروا بحكم الاختلاط بالعمل مالها داعي النظرة ..
بالعكس لازم يشوفها وهي بابسط حالاتها مب فل مكياج ورموش والحاله حاله ..
في ناس انا استغرب من اشكالهم لين امرضوا .. الراس يتبدل كااامل فما بالك بالزوج اللي يحسب زميله باربي في الشغل والبيت ..

:
الله يوفق الجميع والاخوان ماقصروا ذكروا ضوابطها*وباقيالامور
عساج عالقوة اختي

[بو خليفه 123]

في حال الله سخر لي الثالثه لن يكون الشكل او المنظر هو المطلب الاساسي كأهمية الاسلوب والانسجام العقلي بيننا .

و اتفق مع بعض الآراء بأن الآن النظره الشرعيه ولو انها موجوده و لكن اختلف الاسلوب التقليدي , لأن الاغلب الآن هو من يختار لنفسه شريكة حياته سواء من العمل او صدف اخرى .

لابد من وجود النظره الشرعيه التقليديه في حال كان زواج تقليدي و الاقتداء بأوامر الرسول عليه الصلاة والسلام حسب الضوابط التي أُمرنا بها .

[الحياة الخالدة]

ويجزاكي خيرر

التجاوزات تحصل للأسف
بعض الناس مافي شي عندهم اسمه النظره الشرعيه وهذي خطأ

احنا نمشي مع الشرع وشرع الله تعالى صريح محد كفو يتعدى على شرع الله تعالى

والتجاوزات الي تحصل من وقف الشرع هذي خله يستانس مع نفسه

مافي شي احشم من شرع الله تعالى

صدقت
والتجاوزات في هالسالفة تصير مثل ما تصير في كل الامور الثانية
حتى اللي ذكرته انا في راس موضوعي ان البنت والشاب يخلونهم في غرفة مفتوحة والعين عليهم هههههههه يعني مادري هاذي تعتبر خلوة بعد ؟؟

[الحياة الخالدة]

صباح الورد حبيبتي الحياة ..

ذكرتيني بالذي مضى هههههههه كانت خمس دقايق كانها خمس ساعات ..
امور الزواج لازم يكون فيها استخاره قبل النظرة الشرعيه .. لان الاستخارة تعطيك احساس بالاستمرار او لا وعقب النظرة الشرعيه تحسم الموضوع كله ...
:
بعض الاخوان ذكروا بحكم الاختلاط بالعمل مالها داعي النظرة ..
بالعكس لازم يشوفها وهي بابسط حالاتها مب فل مكياج ورموش والحاله حاله ..
في ناس انا استغرب من اشكالهم لين امرضوا .. الراس يتبدل كااامل فما بالك بالزوج اللي يحسب زميله باربي في الشغل والبيت ..

:
الله يوفق الجميع والاخوان ماقصروا ذكروا ضوابطها*وباقيالامور
عساج عالقوة اختي

صباح النور والسرور يالغالية .. أنا رديت الذكريات للبعض بحلوها ومرها هههههههه

المهم نفس ما قلتي اختي سارة الرؤية في البيت المفروض تكون غير
يعني حتى اللي في اماكن عمل مختلطة أو اللي كاشفه وجهها .. لما تيي السالفة للرؤية الشرعية المتعارف عليها تكون غير
عاد كونها تطلع بفل ميكب ورموش وغيره أو تطلع على طبيعتها هذا يختلف بعد من بيت للثاني .. ولو ان تقريباً الكل متفق ( نظرياً عالاقل ) انها تطلع على طبيعتها البكر قدر الامكان يعني من غير تزييف للحقائق هههههههههه

الله يقويج اختي سارة .. منورة

[Rider]

هو من المفترض يكون هناك نظرة شرعية لكن بعض الاسرة ماتسمح بذلك خوف تكون البنت سلعة كلا يشوفها ويمشي ومايكون هناك نصيب لانه بعض الشباب اذا ماصار نصيب قام يتكلم عن البنت ومنظرها وغير ذلك
بالنسبة لي ماكان هناك نظرة شرعية مجرد وصف الاهل والحمد لله على توفيقه

[بريق الحق]

هو من المفترض يكون هناك نظرة شرعية لكن بعض الاسرة ماتسمح بذلك خوف تكون البنت سلعة كلا يشوفها ويمشي ومايكون هناك نصيب لانه بعض الشباب اذا ماصار نصيب قام يتكلم عن البنت ومنظرها وغير ذلك
بالنسبة لي ماكان هناك نظرة شرعية مجرد وصف الاهل والحمد لله على توفيقه

هذي الأشياء تنعرف قبل لا تكون هناك نظرة شرعيه
الي جاي يلعب والي يبي الزواج

[الحياة الخالدة]

في حال الله سخر لي الثالثه لن يكون الشكل او المنظر هو المطلب الاساسي كأهمية الاسلوب والانسجام العقلي بيننا .

و اتفق مع بعض الآراء بأن الآن النظره الشرعيه ولو انها موجوده و لكن اختلف الاسلوب التقليدي , لأن الاغلب الآن هو من يختار لنفسه شريكة حياته سواء من العمل او صدف اخرى .

لابد من وجود النظره الشرعيه التقليديه في حال كان زواج تقليدي و الاقتداء بأوامر الرسول عليه الصلاة والسلام حسب الضوابط التي أُمرنا بها .

أكيد في الأولى الشكل هو الأهم .. وحتى في الثانية والثالثة والرابعة بس يرجع للمراكز المتأخرة
أفهم من كلامك أن النظرة الشرعية للزواج الأول فقط ( بالنسبة للرجل والمرأة على حد سواء ) ؟؟
وأفهم أيضاً أن التفاهم والانسجام في الزواج الأول يأتي بعد الشكل ؟؟

لك الحرية في الاجابة أخوي بوخليفة .. بس انا بغيت الكل يستفيد من خبرتك بصفتك متزوج مرتين
وشكراً للمشاركة على كل حال

[الحياة الخالدة]

هو من المفترض يكون هناك نظرة شرعية لكن بعض الاسرة ماتسمح بذلك خوف تكون البنت سلعة كلا يشوفها ويمشي ومايكون هناك نصيب لانه بعض الشباب اذا ماصار نصيب قام يتكلم عن البنت ومنظرها وغير ذلك
بالنسبة لي ماكان هناك نظرة شرعية مجرد وصف الاهل والحمد لله على توفيقه

كلامك صحيح أخوي رايدر .. لكن من ناحية شرعية .. النظرة حق لكلا الطرفين

الحمد لله الله وفقك للزوجة الصالحة .. وهذا يدل على أن النظرة الشرعية يمكن تجاوزها والاعتماد على نظرة الاهل وتقييمهم .. يعني النظرة ليست شرطاً لنجاح الزواج

شكراً على مشاركتك أخوي

[بومحمد المطاوعه]

هو من المفترض يكون هناك نظرة شرعية لكن بعض الاسرة ماتسمح بذلك خوف تكون البنت سلعة كلا يشوفها ويمشي ومايكون هناك نصيب لانه بعض الشباب اذا ماصار نصيب قام يتكلم عن البنت ومنظرها وغير ذلك
بالنسبة لي ماكان هناك نظرة شرعية مجرد وصف الاهل والحمد لله على توفيقه

هذي شرع الله تعالى
المفروض كل انسان يخاف الله يطبق الشرع
والمفروض الناظر اذا ماصار نصيب يسكت ولا يتكلم ويستر على بنات الناس

الا بعض الرخوم الي مب كفو يكون زوج ولا كفو رجال بيتكلم في عرض البنت
ولاتنسى من يتكلم على بنات الناس
بيجيله يوم ويتكلمون في بناته

[بومحمد المطاوعه]

المشكله البعض اهم يجعلون بناتهم سلعه رخيصه ويخليها تتبرج في المجمعات
وخلى كل من هب ودب بحلق عينه ف بنته

وعقب لين جا وقت الصج ووقت الحق والشرع للنظره الشرعيه
يصير عنتر ويرفض وغيور بلفيت

مادري شنو جوووه هذي

[بومحمد المطاوعه]

صدقت
والتجاوزات في هالسالفة تصير مثل ما تصير في كل الامور الثانية
حتى اللي ذكرته انا في راس موضوعي ان البنت والشاب يخلونهم في غرفة مفتوحة والعين عليهم هههههههه يعني مادري هاذي تعتبر خلوة بعد ؟؟

هههههههههههه ماري والله

لكن غرفه مفتوحه ورشاش صوبهم يمكن :happy:

[ضوى]

النظرة الشرعية ضرورية جدا ، سواء كانت البنت تشتغل والا تدرس والا بالبيت حق من حقوقها تشوف الخاطب والخاطب يشوفها في وجود الاهل ووفق الضوابط الشرعية من حجاب وعباية وستر ،

[Dana’1]

حق للطرفين وطبيعي جدا ومهم .. حتى للي من بينهم صلة قرابه خابرها وخابرته وبالإسم طالبها من أهله وبالرضى والسرور قابله به
فما بالك بالي مايعرفون بعض كلش

طبعا بضوابط الشرع

[المهاجر]

حياك الله أخوي بوعبدالله .. وعوداً حميداً أيها المهاجر

أنا مالوم اللي يقول نفس كلامك ويستغرب ان للحين فيه نظرة شرعية
بس صدقني للحين هالشي موجود .. يمكن مب نفس نسبة قبل .. بس للحين موجود وحاصل

أما عاد ساعة يتمقل فيها ههههههههه .. اللي اعرفه ان البعض يطالع من تحت لين تحت .. والبعض الآخر نظرة خاطفة تكفي
كذلك اعرف عوايل تدخل البنت على الولد في غرفة مفتوحة لمجرد تبادل كم كلمتين مع بعض .. عالاقل يتطمن الطرفين ان مافي تأتأة ولا صعوبات في الكلام ههههههه ولو ان الخجل احياناً يمنع الطرفين من الظهور على طبيعتهم

شكراً لمشاركتك اخوي

الله يحييج ويبقيج اختي الحياه

بكل تأكيد هالشي موجود وانا ذكرت انه بنسبه قليله

الشكر لج على الموضوع والترحيب تسلمين

[بن يوسف الثقفي]

موقف طريف صار معاي بخصوص النظرة الشرعية
يوم قررنا نروح نشوف بنت الحلال اتفقنا انا والوالدة ان تكون في شيفرة بيني وبينها يعني اذا البنت تناسبني او لا
والشيفرة كانت اذا كانت البنت ماتناسبني اسحب المسباح من جيبي الي تحت وحطه في الجيب اللي فوق صوب الصدر ويكون معلق لفترة قصيرة وهاي الشيفرة اللي كانت بيني وبين الوالدة واحنا رايحين النظرة الشرعية طبقت مع الوالدة اكثر من مرة موضوع الشيفرة عشان ماتنسى
المهم يوم وصلنا ودخلنا وشفنا بنت الحلال وقلت في تفسي خلني اطبق موضوع الشيفرة اللي بيني وبين الوالدة
سحبت المسباح حسب الاتفاق الي بيني وبين الوالدة وحطيته في الجيب اللي فوق واشوف الوالدة من بعد تطبيق موضوع الشيفرة استرسلت اكثر في المكلام وتغيرت ملامح وجها الى الاحسن وانا في قلبي اقول يابنت الحلال شوفي المسباح وين واعيد واكرر موضوع الشيفرة اكثر من مرة ولا في فايدة والوالدة شوي وتزوجني وانا شوي وتجيني الجلطة والمشكلة اني قاعد اوزع ابتسامات وانا في نفسي راح اموت والوالدة ماخلت سالفة ماقالتها وانا راح انفجر ومن بعد الوقت اللي مر قررت الوالدة انها تروح ويوم طلعنا واتجهنا صوب البيت فتحت دريشة السيارة وباعلى ماعندي ااااااااااه والوالدة مصدومة تقولي شفيك وتقول اللي مثلك المفروض يفرح ههههههههه
قلت لها افرح ااااااااه
وقلت لها شكلج نسيتي الشيفرة وقالت لا انت قلت لي اذا المسباح فوق يعني اتوكل على الله وانا ضربت على راسي وقلت لها لا والله وقلت لها العكس صحيح والوالدة ميته ضحك علي وتقول وانا اقول ليش كل شوي تحط المسباح فوق ووالله لين اليوم تضحك من هالوقف اللي صار وانا من يومها توبة ابرم اتفاق مع الوالدة بخصوص هالمواضيع توبة توبة لان اللي مريت فيه كان مريرررررررر

[qatarman8008]

الحين لو سيارة تفحصها وماشريتها راعيها يزعل..
اشلون لو تدش تشوف بنت الناس وماتتزوج..!!
..
..
اشرايكم بالتشبيه..:yu:

[Rider]

تشبيه حلو ويمكن البنت بعد انت ماتعجبها

[بوخالد911]

موقف طريف صار معاي بخصوص النظرة الشرعية
يوم قررنا نروح نشوف بنت الحلال اتفقنا انا والوالدة ان تكون في شيفرة بيني وبينها يعني اذا البنت تناسبني او لا
والشيفرة كانت اذا كانت البنت ماتناسبني اسحب المسباح من جيبي الي تحت وحطه في الجيب اللي فوق صوب الصدر ويكون معلق لفترة قصيرة وهاي الشيفرة اللي كانت بيني وبين الوالدة واحنا رايحين النظرة الشرعية طبقت مع الوالدة اكثر من مرة موضوع الشيفرة عشان ماتنسى
المهم يوم وصلنا ودخلنا وشفنا بنت الحلال وقلت في تفسي خلني اطبق موضوع الشيفرة اللي بيني وبين الوالدة
سحبت المسباح حسب الاتفاق الي بيني وبين الوالدة وحطيته في الجيب اللي فوق واشوف الوالدة من بعد تطبيق موضوع الشيفرة استرسلت اكثر في المكلام وتغيرت ملامح وجها الى الاحسن وانا في قلبي اقول يابنت الحلال شوفي المسباح وين واعيد واكرر موضوع الشيفرة اكثر من مرة ولا في فايدة والوالدة شوي وتزوجني وانا شوي وتجيني الجلطة والمشكلة اني قاعد اوزع ابتسامات وانا في نفسي راح اموت والوالدة ماخلت سالفة ماقالتها وانا راح انفجر ومن بعد الوقت اللي مر قررت الوالدة انها تروح ويوم طلعنا واتجهنا صوب البيت فتحت دريشة السيارة وباعلى ماعندي ااااااااااه والوالدة مصدومة تقولي شفيك وتقول اللي مثلك المفروض يفرح ههههههههه
قلت لها افرح ااااااااه
وقلت لها شكلج نسيتي الشيفرة وقالت لا انت قلت لي اذا المسباح فوق يعني اتوكل على الله وانا ضربت على راسي وقلت لها لا والله وقلت لها العكس صحيح والوالدة ميته ضحك علي وتقول وانا اقول ليش كل شوي تحط المسباح فوق ووالله لين اليوم تضحك من هالوقف اللي صار وانا من يومها توبة ابرم اتفاق مع الوالدة بخصوص هالمواضيع توبة توبة لان اللي مريت فيه كان مريرررررررر

خخخخخخخ

وبالنهاية خذتها ولا لأ.

[بوخالد911]

السلام عليكم ورحمة الله وبركاته

صبحكم الله بالخير
في سياق المواضيع الساخنة اللي تتكلم عن أمور الزواج

بخصوص الشوفة أو النظرة الشرعية .. لما يجي الشاب مع أهله عشان يشوف البنت وتشوفه في حضور أهلها ( طبعاً هذا الإجراء التقليدي )

أنا اعرف ان هالامور تختلف من أسرة لأخرى ومن مجتمع لآخر

لكن ما حدود هذه النظرة ؟؟
وهل يترك الشاب مع الفتاة حتى لو لفترة قصيرة بهدف التعارف وكشف مدى القبول المبدئي ؟؟
أحياناً قد يبدو الشاب أو الفتاة على درجة من الخجل ( الطبيعي أو المتصنع ) بحيث ما يرفعون راسهم من الارض .. فهل هالشي حقيقي ؟؟

وهل تكفي جلسة وحدة لإعلان القبول أم أن الموضوع يتطلب أمثر من مرة ؟؟

الموضوع مطروح للنقاش وتبادل الآراء من الجميع

تحياتي لكم مشاركين ومتابعين


هلا بكم

اللي أعرفه يشوفها بوجود هله وهلها.

لا مانع يسألها بعض الأسئلة الخفيفة مثل أخبارج ووين واصلة بالدراسة

ويفترض من المتقدم أن يكون ( ذكياً ) وينزل راسه اشوي
عشان يعطي فرصة للبنت تشوفه بدووووون إحراج.

:).

[بوخميس]

هلا بكم

اللي أعرفه يشوفها بوجود هله وهلها.

لا مانع يسألها بعض الأسئلة الخفيفة مثل أخبارج ووين واصلة بالدراسة

ويفترض من المتقدم أن يكون ( ذكياً ) وينزل راسه اشوي
عشان يعطي فرصة للبنت تشوفه بدووووون إحراج.

:).

يعني متقدم حق وحدة وما يعرف وين واصلة في الدراسة؟

المفروض يسألها ايش تشجعين الريال ولا البرشا

او

عندج حساب في انستغرام تبيعين فيه ورق عنب وكوكيز؟

[qatarman8008]

تشبيه حلو ويمكن البنت بعد انت ماتعجبها

تقصد الشخص المتقدم او تقصدني انا ..!!

[@north_star@]

النظرة الشرعية ضرورية للطرفين بس طبعا هي ما تكشف الا عن الشكل الظاهر كالجمال والخلو من التشوهات الظاهرة أو العرج وغيره وضروري انه الرجل والمرأة يتكلمون مع بعض بحضور الأهل طبعا
والنظرة الشرعية تكون مرة ومب كل يوم هو ناقز يبغي نظرة شرعية :sneaky: .
وعلى العموم مثل ما ذكرت بالبداية هي ما تكشف عن طبيعة الشخص أو أخلاقه الا بنسبة بسيطة جدا جدا لانه من خلال هالنظرة أو الزيارة يحاول كل من الرجل و البنت إظهار جمالهم وحسن أخلاقهم أو طيبتهم بشكل مصطنع مثل غالبية الناس من وراء الشاشات
الا من رحم ربي .... :secret:
وفترة الخطوبة تكشف عن بعض تلك السلوكيات والأخلاق وعن بعض طبيعة الرجل أو المرأة ومن خلال هالفترة يتكون لدى الرجل القرار بإكمال المشوار أو يسوي يو تيرن http://www6.0zz0.com/2018/04/25/07/930972744.jpg (https://www.0zz0.com) ويا دار ما دخلك شر مثل ما يقولون

[R 7 A L]

المفروض بس يسلم ويشوفها على السريع وتشوفه على السريع وباي باي يطلع برا

[ضوى]

المفروض بس يسلم ويشوفها على السريع وتشوفه على السريع وباي باي يطلع برا

هذا اللي يصير عندنا نظرة نظرتين فاحصتين ولو لثواني وانتهى الموضوع

[qatarman8008]

انا انصح كل الشباب المقبلين عالزواج انه يصر ويلح الحاحا انه يشوف البنت..
لان مرات يقولون لك البنت حلوة ومحافظة وخجوله..
ويوم تدش تقعد تنطر البنت..
واذا بها هي هذي اللي قاعدة قدامك هههههه..
دبه وشكلها عدائية ..
وين المحافظة والخجولة ..؟؟

[الحياة الخالدة]

السلام عليكم
السموحة انا اليوم شوي مشغولة عن الموضوع
بس بتابعه عن كثب .. لين الله ييسر واتفرغ

وحياكم الله جميعاً

[الحياة الخالدة]

الغرفاوي .. اركد شوي ههههههه
حدك على البنات

[ولد العرب]

انا ياما حاااولت اشوووفها يمين يسار فوق تحت ابدااااااا لاحياه لمن تنادي
تبيها يامرحبا ماتبيها مش عجزانين عنها

طيب طيب موافق اثق في ذوق الوالده

لكن تملكتها على سنه الله ورسوله
واخذ هالسنه كامله الاليمه جدا جدا ابي اعرف شكلها وزنها طولها كل واحد يوصفها لي وصف غير الثاني وطبعا كلهم ايجابي

وهي انتصرت علي وطبعا ماشفتني ابدا ولا طلبت صورتي
ليله العرس شفتها
وانا عند الرجال على جمررره موووت حررررر
اهووجس شلون شكلها بالله وش السوات ياليل مطولك

دخلت عليهم والله نسيت امي واهلي هههههههههههه من حرررر الهوجاس والتفكير سنه سنه يامفترين على سنه انتظرها

بس للامانه حلوه هالحركه ههههههههههههههههههههه لانها خلتني شااااعري وحساااس هههههههه
مانصحكم ياشباب يبي لها سعه باااااااااااال

[راجي الْعفو]

انا ياما حاااولت اشوووفها يمين يسار فوق تحت ابدااااااا لاحياه لمن تنادي
تبيها يامرحبا ماتبيها مش عجزانين عنها

طيب طيب موافق اثق في ذوق الوالده

لكن تملكتها على سنه الله ورسوله
واخذ هالسنه كامله الاليمه جدا جدا ابي اعرف شكلها وزنها طولها كل واحد يوصفها لي وصف غير الثاني وطبعا كلهم ايجابي

وهي انتصرت علي وطبعا ماشفتني ابدا ولا طلبت صورتي
ليله العرس شفتها
وانا عند الرجال على جمررره موووت حررررر
اهووجس شلون شكلها بالله وش السوات ياليل مطولك

دخلت عليهم والله نسيت امي واهلي هههههههههههه من حرررر الهوجاس والتفكير سنه سنه يامفترين على سنه انتظرها

بس للامانه حلوه هالحركه ههههههههههههههههههههه لانها خلتني شااااعري وحساااس هههههههه
مانصحكم ياشباب يبي لها سعه باااااااااااال

يحليل قليبك الحساس ^_^

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

[ولد العرب]

يحليل قليبك الحساس ^_^

تمنيت اللي جربته :(

[Rider]

تقصد الشخص المتقدم او تقصدني انا ..!!

ههههههههههه لا الشخص المتقدم

[ولد العرب]

المفروض بس يسلم ويشوفها على السريع وتشوفه على السريع وباي باي يطلع برا

ياهلا بالغايب والحاضر بالقلب :oops:

[بن يوسف الثقفي]

خخخخخخخ

وبالنهاية خذتها ولا لأ.

لا والله يابوخالد ماكان في نصيب

[ضوى]

لا والله يابوخالد ماكان في نصيب

بعد حطيت المسباح فوق في المخبى اشلون يكون في نصيب :secret:

[ضوى]

تجربة شخصية

دخلت البنت معاي ومع عمتها واهل الصبي وعقب ماثبتت بقعدتها نادوا ولدهم دخل سلم وجابل البنت نظرة منه نظرة منها يبه خلصت شفتها يمه خلصتي شفتيه هزوا بالايجاب طلع الولد وعقب البنت دخلت والحمد لله رب العالمين

[بن يوسف الثقفي]

بعد حطيت المسباح فوق في المخبى اشلون يكون في نصيب :secret:


مادري عن بوخالد ههههههه

[qatarman8008]

تجربة شخصية

دخلت البنت معاي ومع عمتها واهل الصبي وعقب ماثبتت بقعدتها نادوا ولدهم دخل سلم وجابل البنت نظرة منه نظرة منها يبه خلصت شفتها يمه خلصتي شفتيه هزوا بالايجاب طلع الولد وعقب البنت دخلت والحمد لله رب العالمين

لازم موسيقى على هالكلام ههه

[qatarman8008]

واحد من جماعة الربع يروي لي حكايته عن النظرة الشرعية..
يقول قعدوني في ثالث كرسي من جمب البنت وبيني وبينها وحدة دبه..
يعني عشان اشوفها مايكفي اكسر رقبتي عدل الا لازم اقوم اطل وارجع اجلس..
طبعا استحى يقوم عقب سالوه شفتها قال ايه ههههه..

[sara jsm]

المهم يوم وصلنا ودخلنا وشفنا بنت الحلال وقلت في تفسي خلني اطبق موضوع الشيفرة اللي بيني وبين الوالدة
سحبت المسباح حسب الاتفاق الي بيني وبين الوالدة وحطيته في الجيب اللي فوق واشوف الوالدة من بعد تطبيق موضوع الشيفرة استرسلت اكثر في المكلام وتغيرت ملامح وجها الى الاحسن وانا في قلبي اقول يابنت الحلال شوفي المسباح وين واعيد واكرر موضوع الشيفرة اكثر من مرة ولا في فايدة


هههههههههه واااعليه عليك شكلك منصدم من قلب من شكل البنت ..
ان شاءالله ماتكون عضو معانا هههههههه عورت قلبي المسكينه

[بن يوسف الثقفي]

هههههههههه واااعليه عليك شكلك منصدم من قلب من شكل البنت ..
ان شاءالله ماتكون عضو معانا هههههههه عورت قلبي المسكينه

الصراحة كانت الصدمة من ام البنت حسيت بعيونها شر هههههههههعهعههههه

[ام امااني]

السلام عليكم ورحمة الله تعالى وبركاته
النظره الشرعيه المنتشره حاليا ام الخاطب تروح تشوف البنت اللي ختارها ولدها الحين معظم البنات برا, دوام او دراسه او طلعات صارت الشوفه من بعيد لبعيد من غير رسميات الا في حالات قليله ومع الوقت اشوف هالعاده بتندثر رأي شخصي

[طلعة الروح]

اظن هذاك اول ان البنت تستحي بالعكس تلقاها حريصه ع النظرة الشرعية اكثر من الشاب واكيد هي مهمه ليتوافر ادنى قبول وليتم الزواج بالتراضي.. واكيد العوائل التي ترفض النظرة الشرعية لابنائها وبناتها عندهم تخلف عقلي واجتماعي وديني اذا الدين نفسه اجازه وهم امنعوه ف العله في الناس مش في الدين.
وانا مع ان النظرة والجلسات الشرعيه تتم عدة مرات بما يكفي للاقتناع التام بالشخص وبكفائته للزواج.

[راجي الْعفو]

اظن هذاك اول ان البنت تستحي بالعكس تلقاها حريصه ع النظرة الشرعية اكثر من الشاب واكيد هي مهمه ليتوافر ادنى قبول وليتم الزواج بالتراضي.. واكيد العوائل التي ترفض النظرة الشرعية لابنائها وبناتها عندهم تخلف عقلي واجتماعي وديني اذا الدين نفسه اجازه وهم امنعوه ف العله في الناس مش في الدين.
وانا مع ان النظرة والجلسات الشرعيه تتم عدة مرات بما يكفي للاقتناع التام بالشخص وبكفائته للزواج.

اما ان البنات في هالزمن ماعاد يستحون فصدقت !!

صار الرجل يستحي منهم !!

اما النظرة عدة مرات فهذا اذا ما اكتفى بالنظرة الاولى
اما ادا كفته فما يحق له يكرر

[aloosh]

نكون واقعين وصريحين
الولد قبل يخطب البنت يكون قد شافها ويمكن قعدوا معا بعض اكثر من مره
والسوشيل ميديا ماخلت خصوصيه او غيره ومحد متقدم عمياني منيه ودرب هذا اللي حاصل الحين
والاهل ولا يدرون بسالفه الى من رحم ربي

[طلعة الروح]

نكون واقعين وصريحين
الولد قبل يخطب البنت يكون قد شافها ويمكن قعدوا معا بعض اكثر من مره
والسوشيل ميديا ماخلت خصوصيه او غيره ومحد متقدم عمياني منيه ودرب هذا اللي حاصل الحين
والاهل ولا يدرون بسالفه الى من رحم ربي

ما اشوف ان اللي تفضلت فيه الstandard case
اغلب الزواجات تكون صدفه ومعارف وناس وتوصيات وواسطات تدخل في الموضوع.
نادر مايكون الزواج من خلال معرفه من خلال جهة العمل او من خلال نظرة اعجاب في الشارع... صح يصير بس نادر جدا وما اعتبره القاعده عندنا كطريقة زواج خاصة ان مجتمعنا مش كل عناصره وصل لمرحلة متطورة في التفكير والاختيار... الاغلبية يطلب زواج عن طريق ترشيح الاهل للزوجة المناسبه لان الاغلبيه يخافون مع احترامي لهم. لكن الواقع والعادات والتقاليد ولازم الزواج من عايلة فلانية تفرض نفسها في مسألة الزواج مهما ادعى البعض مسألة التطور.

[راجي الْعفو]

نكون واقعين وصريحين
الولد قبل يخطب البنت يكون قد شافها ويمكن قعدوا معا بعض اكثر من مره
والسوشيل ميديا ماخلت خصوصيه او غيره ومحد متقدم عمياني منيه ودرب هذا اللي حاصل الحين
والاهل ولا يدرون بسالفه الى من رحم ربي

لا ياخوي علوش، هذي الحالات قليلة في الزواج - وهي غلط ! ومفاسدها لا نهاية لها !! -
كثيرة للعابين - ما يبون زواج !! -
الحمدلله لازال الاغلب و المعمول به هو اختيار البنت عن طريق الاهل

[يمامـة]

النظرة الشرعية تتم لو الشاب ما سبق له و شاف البنت في الجامعة او العمل او مواقع التواصل

اما لو ما مرت حوله في أي من هالاماكن تتم النظرة الشرعية حسب العرف وهو انه يشوفها و يقرر انها
تناسبه او ما تناسبه حسب ما يتمنى..

اما نقطة انه يقعد معاها و يسولف علشان يفهم تفكيرها خلال 15 دقيقة او نص ساعة
هذي خدعة كبيرة نفتحها من خلالها باب ل_" سوالف شرعية " بدل من النظرة الشرعية..

فهم الطرف الثاني ما بيتم من خلال 15 دقيقة او يوم كامل او أسبوع
فهم الاخرين يكون من خلال المواقف و الظروف.. لأنه ممكن يفهمها حسب ما هو يظن خلال 15 دقيقة
او ساعة لكن عقب ينصعق او تنصعق البنت من أمور كثيرة ما برزها وقت النظرة الشرعية

لذلك اتمسك بالنظرة الشرعية مع كم سؤال لكسب الوقت في تمديد النظرة الشرعية..
اما يقعد يسولف الأخ و عقب يحط صح او غلط مرفوض عندي..

[الحياة الخالدة]

السلام عليكم ورحمة الله
أشكركم جميعاً على المشاركات المثرية

[Class - Qtr]

السلام عليكم
انا اعرف واحد مزيون شاف بنت عادية في
النظرة الشرعيةوماعجبته ومع ذالك ماعلم
حد وقال هذا نصيبي الجمال جمال الروح
المشكلة بعد النظرة الشرعية البنت ارفضت
الرجال قالت مب مرتاحة منة
سبحان الله بعد رفضهم له
سعادتة كانت كبيرة