@@ أسعار المكيفات @@

[بنـ الدحيل ـت]

السلام عليكم ورحمة الله وبركاته

مرحبا بالجميع

أردت أن أعرف أحجام و أسعار المكيفات

لشركة جري او جنرال وايهما الافضل

وشكرا لكم

[aloosh]

بيتي كله جري بين وندوز وسبلت
المكيفات الاسبلت بارد والوندو بعد وسعرهم زين

جنرال لا تاخذين اذا بتاخذين مخيره بين جري ومتسوبيشي

جري سعره مناسب
متسوبيشي روعه وافضل مكيف افضل من جري وجنرال بس غالي

[style]

مافي مقارنة بين جنرال وجري،،،جنرال أفضل بمراحل والسعر يحكم،،،جنرال طنين بستن 4500
جري بستن 3000 ,,مافي مقارنة أبدا،،ال 1500 ريال فرق فالسعر مش بسيط

[سعود.]

جنرال وبس
جري ممتاز ايضآ

ميتسوبيشي
فوجي
ترين
ميديا
جميع المذكورين اعلاه من الافضل في السوق اهم شي المكيف يكون ( بستن ) مش روتري ولا سكرول

ولاهم من ذلك تظليل ( الوحدة الخارجية ) الي في السطح .

قرب الصيف

[Qatar191]

بيتنا كله جري ولنا الحين 4 سنوات ماشتكينا منها
افضلها على الشركات الاخرى في حاجتين
السعر*مناسب
الصيانه سريعه
واختارو البستن لاتخاذون روتاري

[ابو عبدالله.]

ثقافه انواع معينه من المكيفات تغيرت عن السابق

وكاله من الي تمدحونهم صاحبي ركب مكيفاتهم و احترقوا 12 مكيف بسبب التسليك تم عبر كونتركتور يعمل للوكيل مركب اسلاك 4 مم بدل 6 مم
وحلف ما يتعامل معاهم بعد ما تعبوه بالضمان و التأخير

بالنسبه عن جري انا مركب بفيلا من 5 سنوات و ساكنينها عمال و ما شاء الله شغالين زين
و الضمان غير كمبريسور لمكيف و البقيه ضلوا تمام

في شركات نسيناها. مثل شارب وهالمكيفات انا مركبها ببيتي من 13 سنه والحمد لله شغالين للحين لا غاز ولا صيانه كبيره. مجرد تنظيف بسيط
الا اللهم مكيف واحد اخترب و بدلته

بعضنا يبي الغالي ليدوم
و البعض يركب مكيف عادي ع ان السعر ارخص بفارق كبير و يحتسب ان الضمان كافي دام بيشتغلون اكثر من خمس سنوات وبعدها اي مكيف يخترب يغيره وعليه ضمان ايضا و يضل سعر المكيفات الاجمالي ارخص من المكيفات الغاليه

عن نفسي بركب جري ببيت الاسكان ان شاء الله هو جيد كما البقيه و ارخص بشكل واضح واذا اشتغلوا 8 سنوات بعدها ما يهم اذا اخترب واحد ولا اثنين ولا ثلاثه. بفارق السعر ببدلهم وبتضل ارخص من البقيه الغاليه

[ابو عبدالله.]

يا جماعه. يمكن تحبون البستن لكنه اكثر في صرف الكهرباء
الروتري قريب من قوه البستن وعندك التحكم بالبروده و صرف الكهرباء اقل

ع الاقل ناخذ بالنصيحه من ناحيه الترشيد ولو صارت الكهربا بفلوس بتكون الفاتوره اقل نسبيا

[طلعة الروح]

يا جماعه. يمكن تحبون البستن لكنه اكثر في صرف الكهرباء
الروتري قريب من قوه البستن وعندك التحكم بالبروده و صرف الكهرباء اقل

ع الاقل ناخذ بالنصيحه من ناحيه الترشيد ولو صارت الكهربا بفلوس بتكون الفاتوره اقل نسبيا

المفروض ان المكيفات الجديده صارت على شروط محدده لتوفير الطاقة الكهربائية حسب علمي

[ابو عبدالله.]

صحيح. الموفره 30% وفي منهم بستن و روتري
لكن يضل الروتري موفر اكثر و اعتقد ارخص بالصيانه للكمبريسور

شركات المكيفات تعمل تنزيلات باوقات معينه ولو تدخل لاي وكيل بيعلمك متى التخفيضات بالضبط

واذا تبي تستفيد اكثر استخدم الكريدت كارت للدفع واخذ عليها نقاط خصوصا لما المكيفات يوصل سعرها 80 الف و طالع.

نفس المكيف عند الوكيل بتلقاه في اللولو او الهيبرماركت ارخص ب 30 او 50 ريال لان التنزيلات تعمم ع كل منافذ البيع بالوكيل وغيره
اذكر مره اشتريت كل المكيفات و الادوات الكهربائيه اثناء عرض اللولو و فيها كوبونات سحب
طلعت المكيفات ارخص ب 40 ريال و ايضا فزت بكاميرا فيديو و اخذت نقاط ع بطاقه البنك و طلع لي مكيف ويندو ببلاش من النقاط
دام الواحد بياخذ كميه وبسعر كبير الافضل يطلع فائده من العروض

بعض الاماكن اذا شريت بهذه الكميه تاخذ نقاط نجوم ايضا وهذه افضل ضربه ممكن تاخذ نقاط و تحولها لنفس المحل وتاخذ مستلزمات بالنقاط

منها الميره و الهايبر الي بحياه بلازا او فيلاجير. ما اذكر بالضبط

نصيحه للجميع. اذا بتبني ولا بتأثث و مكيفات وامور غاليه. استفيد من النقاط و التنزيلات و سعر الجمله