تجديد الضمان في المرسيدس

[محمد11]

تجديد الضمان في المرسيدس
حد جرب التجديد عندهم .. لان قالوا لي يتعاملون مع ضمانات الخليج

[حمد بن سعد]

http://www.qatarshares.com/vb/showthread.php?628928-تنويه-على-ضمان-شركة-الجيدة-و-ال-aaa

[واقع]

هلا اخوي

في البداية لازم اوضح نقطة قبل ما ارد على سؤالك ، المرسدس ضمانهم العالمي سنتين (ضمان المصنع الام) ويغطي كل جزء في السيارة ، أي ضمان بعد السنتين يكون عن طريق ضمنات الخليج (هذا طبعا بالنسبة لوكالة ناصر بن خالد) ، مثلا تشتري مرسدس اصفار ويكون معاه ثلاث سنوات (اول سنتين ضمان عالمي والسنة الثالثة عن طريق ضمانات الخليج ) .

وفي معلومة مهمة جدا كثير مايعرفونها ، ان ضمان المصنع يبتدي من تاريخ اول تسجيل ، مثلا الوكالة تعرض للبيع موتر اصفار (ماتسجل وماتركبت عليه لوحات) موديل 2016 واحنا في سنة 2018 ، لو واحد اشترى الموتر الضمان يحسبونه من 2018 ، هذي النقطة ذكرتها لان في مواتر معروضة مستعملة في المعارض وتكون قديمة مثلا 2015 لكن ضمانها جديد لان تسجيلها الاول جديد و انباعت متاخر في الوكالة .

نرجع لسؤالك ، سواء خذيت الضمان المدد عن طريق الوكالة أو عن طريق شركة ضمانات الخليج نفس الشي لاكن السعر يختلف ، فانت شوف كم سعر الضمان في الوكالة وكم عند ضمانات الخليج واتوقع عند ضمانات الخليج يكون سعره افضل حسب كلامهم

نقطة مهمه : شركة ضمانات الخليج عندها بكجات للتغطية ، يعني مب كل ضمان نفس الشي ، تبي ضمان قير ومكينة بس موجود ، تبي ضمان يغطي قير ومكينة والمكيف واجهزة معينة في الموتر ووو .... الخ وكل شي بسعره ، وحتى عندهم تفصيل اكثر على التغطية

الحلو ان الوكالة عندهم تعامل مباشر مع ضمانات الخليج ، مثلا اخترب عندك شي ووديته الوكالة ، كلم موظف السيرفس وقوله ان عندك ضمان في ضمانات الخليج ( او عطه كتيب الضمان المدد من ضمانات الخليج وراح يحدث بيانات الضمان في السستم) وخلاص هو راح يتواصل معاهم ، وانت بس تستلم موترك وتدفع الفرق اللي مايغطيه الضمان.

الكلام اللي فوق عن تجربه ، بس قبل ما تمدد شيك على تاريخ اول تسجيل لموترك موجود على الاستماره ، واحسب بعدها ثلاث سنوات ، لان احتمال موترك للحين على الضمان ، او اتصل على ضمانات الخليج تلفون وتاكد قبل ماتدفع تمديد وموترك اصلا للحين ضمانه ما انتهى (يمكن راعيه القبلي مدد او عليه ضمان خمس سنوات مثلا)

[محمد11]

هلا اخوي

في البداية لازم اوضح نقطة قبل ما ارد على سؤالك ، المرسدس ضمانهم العالمي سنتين (ضمان المصنع الام) ويغطي كل جزء في السيارة ، أي ضمان بعد السنتين يكون عن طريق ضمنات الخليج (هذا طبعا بالنسبة لوكالة ناصر بن خالد) ، مثلا تشتري مرسدس اصفار ويكون معاه ثلاث سنوات (اول سنتين ضمان عالمي والسنة الثالثة عن طريق ضمانات الخليج ) .

وفي معلومة مهمة جدا كثير مايعرفونها ، ان ضمان المصنع يبتدي من تاريخ اول تسجيل ، مثلا الوكالة تعرض للبيع موتر اصفار (ماتسجل وماتركبت عليه لوحات) موديل 2016 واحنا في سنة 2018 ، لو واحد اشترى الموتر الضمان يحسبونه من 2018 ، هذي النقطة ذكرتها لان في مواتر معروضة مستعملة في المعارض وتكون قديمة مثلا 2015 لكن ضمانها جديد لان تسجيلها الاول جديد و انباعت متاخر في الوكالة .

نرجع لسؤالك ، سواء خذيت الضمان المدد عن طريق الوكالة أو عن طريق شركة ضمانات الخليج نفس الشي لاكن السعر يختلف ، فانت شوف كم سعر الضمان في الوكالة وكم عند ضمانات الخليج واتوقع عند ضمانات الخليج يكون سعره افضل حسب كلامهم

نقطة مهمه : شركة ضمانات الخليج عندها بكجات للتغطية ، يعني مب كل ضمان نفس الشي ، تبي ضمان قير ومكينة بس موجود ، تبي ضمان يغطي قير ومكينة والمكيف واجهزة معينة في الموتر ووو .... الخ وكل شي بسعره ، وحتى عندهم تفصيل اكثر على التغطية

الحلو ان الوكالة عندهم تعامل مباشر مع ضمانات الخليج ، مثلا اخترب عندك شي ووديته الوكالة ، كلم موظف السيرفس وقوله ان عندك ضمان في ضمانات الخليج ( او عطه كتيب الضمان المدد من ضمانات الخليج وراح يحدث بيانات الضمان في السستم) وخلاص هو راح يتواصل معاهم ، وانت بس تستلم موترك وتدفع الفرق اللي مايغطيه الضمان.

الكلام اللي فوق عن تجربه ، بس قبل ما تمدد شيك على تاريخ اول تسجيل لموترك موجود على الاستماره ، واحسب بعدها ثلاث سنوات ، لان احتمال موترك للحين على الضمان ، او اتصل على ضمانات الخليج تلفون وتاكد قبل ماتدفع تمديد وموترك اصلا للحين ضمانه ما انتهى (يمكن راعيه القبلي مدد او عليه ضمان خمس سنوات مثلا)

بيض الله وجهك على شرحك الوافي والكامل ..
مثل ماقلت وتفضلت طبقته .. الوكالة ماعندهم تجديد ضمان .. التجديد بيكون عن طريق ضمانات الخليج ..
وسيارتي ماشيه 8800 موديل 2017
وقالي تجديد قبل السنه او الممشى اقل من 10 بيكون الضمان يغطي كل شي ماعدا الامور الاستهلاكيه وبيكون مفتوح لكل شي
نفس الوكالة بالضبط واخذت 4 سنوات ..

اما الثاني اذا عديت السنه او ال10 بيكون نظام سيارة مستعملة يعني بيكون عندي لمت 20 الف فوق ال 20 راح ادفع نسبه
والضمان طبعا بيكون ع المكينة والقير بدون لمت ..

وطبعا الضمان الي خذته 4 سنوات لكن بعد ال4 سنوات راح يعتمدون السياره انها مستعمله مب مثل ضماني الحالي ..

وبداية الضمان بيكون تاريخ 5/5/2019 نهاية ضمان الشركة الام

[اللوز]

نقطة هامة تأكد شنو يغطي الضمان بالضبط في اجزاء السيارة

[برشلوني قطر]

اضافه صغيره

عادة هم يتصلون ويعرضون خدماتهم (الخليج)

وبيعطونك سعر. لا تعتبر السعر نهائي ممكن تنزلهم