ناوي تسوي شي .. تعلم .. والا تسويه بسكات ؟؟

[الحياة الخالدة]

السلام عليكم ورحمة الله وبركاته

عندما يهم أحدنا بفعل أمرٍ ما : سواء كان موضوع عائلي كزواج أو خطبة لأحد أفراد العائلة .. أو موضوع آخر كالدخول في مشروع أو شراء أرض أو شراء أسهم .. أو حتى السفر للسياحة .. أو غير ذلك من أمورنا الحياتية

البعض يخبر المقربين إليه أو حتى غير المقربين .. سواء بداعي الاستشارة أو بحكم القرابة أو الصداقة ( بحسب قوة هذه الصلة ) أو حتى يكون من النوع اللي ماعنده أسرار فيمشي ويعلم الناس
والبعض يسوي شغله بسكات وأكيد له مبرراته الخاصة

وما بين الإخبار أو التكتم .. ممكن يمشي الموضوع أو ما يمشي .. وفي النهاية التوفيق من الله سبحانه

الشاهد في الموضوع : متى نتكلم ؟؟ ومتى نتكتم ؟؟

وشكراً على المشاركة .. والمتابعة
تحياتي للجميع

[بومحمد المطاوعه]

وعليكم السلام ورحمة الله وبركاتة

يدل على جواز كتمان النعم ، خوفاً من الحسد ، قوله تعالى : ( قَالَ يَا بُنَيَّ لَا تَقْصُصْ رُؤْيَاكَ عَلَى إِخْوَتِكَ فَيَكِيدُوا لَكَ كَيْدًا إِنَّ الشَّيْطَانَ لِلْإِنْسَانِ عَدُوٌّ مُبِينٌ ) .

وعن معاذ بن جبل قال قال رسول الله صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود. رواه الطبراني

موضوع طيب اختي الحياة
وخاصه في هالزمن كثره الفتن وكثره الحسد والعياذ بالله ,,

الا من رحم ربي يدعو بالخير ويقول (( ماشاءالله ))

ف الشاهد مع كثره الوسائل التواصل الأجتماعي والي يحب يصور حياته بشكل يومي
هذي صعب يخش اي شي لان صار روتين عنده يصور
ف في ناس مضافين ف اللسته يترقبون ويحبون يلحقون وراك ويشوفون شنو تسوي وشنو تشتري
ف ماندري عن هالانسان هل ذكر الله .؟ هل قال كلمه ماشاءالله !!

مع ان الواحد المفروض مايخاف من حسد البشر لان الانسان الي يحصن نفسه بالأذكار مايصيده اي مكرووه ان شاءالله
وان صاده شي كل شي مكتوب من الله تعالى لاشك ..

لكن في نفس الوقت المفروض على الأنسان ان لايبين ثروته للناس و خيره
لان في فقراء وفي ناس مساكين ودهم بأقل القليل عندك ولكن مايقدرون
وهذي كلها نعم من الله تعالى وزعها على جميع البشر


والله يحفظنا ويحفظكم من شر الحسد

[Rider]

على حسب الموضوع فيه أشياء أحب اسويها بالكتمان واخرى لابد من مشاورة أصحاب الرأي السديد

[ضوى]

عادي حسب الموضوع ، بس تعرفيني انا مشخالة خاصة بأمور السفر والزواج :whistling:

[بومحمد المطاوعه]

على حسب الموضوع فيه أشياء أحب اسويها بالكتمان واخرى لابد من مشاورت أصحاب الرأي السديد

نقطه مهمه ذكرتها الله يذكرك بالشهاده

اصحاب الرأي السديد تأكد انهم يبون لك الخيرر

ف المفروض على اي انسان يشوف له الشخص المناسب في ابداء الرأي وتبادل افكار

[sweet qatar]

ما حب اتكلم بالي افكر اسويه

ما اتحمل تعليقات ما تعجبني وأدري السالفة بتقلب عناد بالنسبة لي لأني نحيسة شوي :o

عقب بتحسف لأني نفذت عن عناد مب قناعة

خصوصاً الفلوس ماحب حد يدري كم بحط او أتكلف أو اصرف تستفزني التعليقات البايخة مثل يقصون عليج و ما تسوى و هالكلام الي يحر ولا يفيد

حتى السفر ماحب اعلم حد بتفاصيل او قبل فترة طويلة

لكــــــــن

لما اكون مترددة او الف شغله في بالي او قدامي حد وايد ارتاح له عادي اقول الاولي والتالي :oops:

[بومحمد المطاوعه]

ما حب اتكلم بالي افكر اسويه

ما اتحمل تعليقات ما تعجبني وأدري السالفة بتقلب عناد بالنسبة لي لأني نحيسة شوي :o

عقب بتحسف لأني نفذت عن عناد مب قناعة

خصوصاً الفلوس ماحب حد يدري كم بحط او أتكلف أو اصرف تستفزني التعليقات البايخة مثل يقصون عليج و ما تسوى و هالكلام الي يحر ولا يفيد

حتى السفر ماحب اعلم حد بتفاصيل او قبل فترة طويلة

لكــــــــن

لما اكون مترددة او الف شغله في بالي او قدامي حد وايد ارتاح له عادي اقول الاولي والتالي :oops:

لا خلي هالموضوع كله
وخاصه لو تبين تشترين موتر او مثال رقم موتر
او اي شي حلو وعندك سعره

لو طرحتي هالفكره جدام حد
لازم تحصلين من البشر الي يقولج ماعندج سالفه
او الرقم كجره مثلآ
او الموتر تعبان وخايس

وفالصج كل هالاشياء حلوه بس تحصلين ناس تحب تذم

[sweet qatar]

اي والله صارت معاي يا بو محمد


احيانا الواحد يبي ينصح بس الاسلوب غلط

[بومحمد المطاوعه]

اي والله صارت معاي يا بو محمد


احيانا الواحد يبي ينصح بس الاسلوب غلط

عادي تصير هالأمور

مايندرا اهو نصح او حسد مايبيك تاخذ
الله يعلم

لكن الي يبي ينصح المفروض يكون عنده اسلوب للنصح
واذا ماعنده المفروض يسكت ماينتقد

اما مسأله كجره وماعندك سالفه وليش تاخذ
شتبي به
ولا الي يقولك اصلن مايليق عليك هههههههه

هذي قلبه مترووووسه على قولة القايل :happy:

[ولد العرب]

اي والله صارت معاي يا بو محمد


احيانا الواحد يبي ينصح بس الاسلوب غلط

البنت شي طبيعي تشاور اخوها ابوها امها
ماتقدر تدخل مشروع او عمل الا بموافقتهم
وشي طبيعي يسبب لك كدر وكسر جناح :eek3:

اما الشاب دربه خضر محد شاف ولا من درى مثلي :oops:
احيانا احط شغله والكل يعرفها تجاره معينه ولكن في الكواليس محد يعرف عن اشياء ثانيا
مهب فااااضي لهم ووجع راس وبعيد من الشماته والافلام البنغاليه
لاني اخسر بهدوء واضطر اغلق بهدوء بدوون محد يدري هنا الضمير رااااضي على نفسه

[sweet qatar]

ولد العرب ماله خص بنت ولا ولد

[ولد العرب]

ولد العرب ماله خص بنت ولا ولد

الا :waiting: له خص بالبنات
ماتخيل تسافر ماتشاور اهلها
ماتخيل تاجر ماتشور اهلها
ماتخيل ابدااااااااااااااااااا

[حمد 2002]

البنت شي طبيعي تشاور اخوها ابوها امها
ماتقدر تدخل مشروع او عمل الا بموافقتهم
وشي طبيعي يسبب لك كدر وكسر جناح :eek3:

اما الشاب دربه خضر محد شاف ولا من درى مثلي :oops:
احيانا احط شغله والكل يعرفها تجاره معينه ولكن في الكواليس محد يعرف عن اشياء ثانيا
مهب فااااضي لهم ووجع راس وبعيد من الشماته والافلام البنغاليه
لاني اخسر بهدوء واضطر اغلق بهدوء بدوون محد يدري هنا الضمير رااااضي على نفسه

يعني تقصد انك اذا بتشاور الحريم في شيء ما مب محصل الا الاحباط ووجع الراس ؟

[العقل المدمر]

البنت شي طبيعي تشاور اخوها ابوها امها
ماتقدر تدخل مشروع او عمل الا بموافقتهم
وشي طبيعي يسبب لك كدر وكسر جناح :eek3:

اما الشاب دربه خضر محد شاف ولا من درى مثلي :oops:
احيانا احط شغله والكل يعرفها تجاره معينه ولكن في الكواليس محد يعرف عن اشياء ثانيا
مهب فااااضي لهم ووجع راس وبعيد من الشماته والافلام البنغاليه
لاني اخسر بهدوء واضطر اغلق بهدوء بدوون محد يدري هنا الضمير رااااضي على نفسه

من قال شي طبيعي ولازم موافقتهم :court:
ترى الله خلقنا بشر أحرار قراراتنا بيدنا وعندنا عقول تفكر

[eXpert*]

اذا عندك بزنس وبتعلم حد ،، علم ناس عندها بزنس لأنه ممكن يفيدك أو تفيده غير جذي ماله داعي .

أما تعلم ناس مالها في المجال حتى يبارك لك ما راح يبارك واذا بينتقد بيعيب الشئ كله ،، مع أول فشل بيشمت فيك ..

العادة انا كتوم ،، لكن منذ قريب جربت أعلن عن شئ سويته وندمت أشد الندم أني تكلمت ..

[بومحمد المطاوعه]

الا :waiting: له خص بالبنات
ماتخيل تسافر ماتشاور اهلها
ماتخيل تاجر ماتشور اهلها
ماتخيل ابدااااااااااااااااااا

يالغالي الاهل اكيد عن نفسي بقولهم
والحمدلله خواتي يقولون لنا قبل لايقولون ابدأ ف اي مشروع او اي شي

احنا نقصد الناس وربعنا او واحد من اهلنا مثلا
اما امي وابوي واخواني واخواتي وزوجتي

عن نفسي يشرفني اتكلم لهم واتشاور معاهم واطرح افكاري

عمي ولا خالي ولا خالاتي وعماتي
بكتم عنهم ومب متكلم لهم الا عقب وحزات في اشياء مب لازم اقوله لهم

اما امي تاج راسي مستحيل اكتم عنها
وابوي الله يرحمه ويغفر له لو موجود كان اول واحد استشيره اهو


عاد مادري عن باقي البشر
هل يتكلمون للوالدين او الاخوان او عادينهم مثل الناس
يكتمون عنهم

الله اعلم

[sara jsm]

على قوله اخونا المصريين ( داري على شمعتك تقيد ) :whistling:
في هالزمن الكتمان افضل من المشورة خاصه ان النفوس ضاقت من كثر الحسد ..
برأيي نستثني الوالدين فقط .. اما الاخوان او الازواج ممكن البعض يصير بينهم غيره ..
اذا كان الموضوع يخص تجارة او سفرة او نجاح والطرف الاخر تكون عينه في الشغله ..
كل شخص هو اللي يحدد نوع الموضوع وصله الشخص فيه للتكلم او التكتم عن اي موضوع ..

[naklan]

انا ما عندي هالسوالف أموري لي لا أتدخل في
الآخرين ولا اقبل تدخلهم اذكر مره صديق عزيز أتكلم معه
عن ارض وشرايك سعر وموقع وكنت معزم خلاص
بشتريها مريت اليوم الثاني ولا لخمام داخل
الارض يقيسها ومن بعدها لا تعرف شمالي
ما تفعل يميني وكل شي سري للغاية
تحياتي

[طلعة الروح]

التكتم افضل خاصة اذا كان الاعلان عن الخبر لن يضر ولن ينفع.. اما اذا كان المشروع كبير وهام ويجب الاعلان عنه فالافضل ان يتم الاعلان عنه في اوانه وليس قبل حصوله.

[الحياة الخالدة]

صبحكم الله بالخير
أشكر الجميع على المشاركات الطيبة

رأيي الشخصي
الأمور اللي ما تخص شخص ثاني لا من قريب ولا بعيد .. ماله داعي تنعرف أو نتكلم فيها ( إلا للمقربين جداً جداً )
غير جذي ينطبق المثل : اربط اصبعك وكل(ن) ينعت لك دوا .. يعني كل واحد بيفتي لك من راسه وانت بتضيع في السالفة
لكن في نفس الوقت الأمور المهمة حلو إن الواحد يستشير فيها ذوي الاختصاص (الموثوق بهم) يعني مب أي حد .. واللي ربي يحبه بيوفقه لأناس نيتهم طيبة وقلوبهم نظيفة .. ينصحون بكل أمانة وتجرد من أي مصلحة أو أمور شخصية

لكن في النهاية .. أرجع واقول .. أحياناً الواحد يتصرف بسذاجة أو غشامة أو شي ما نلقى له تفسير ههههههههه .. فيخرب على نفسه ويطيح في مشاكل كان ممكن يتجنبها .. لو بس مسك لسانه .. وفكر في العواقب

[طلعة الروح]

اذا طاح في مشاكل لمجرد انه تكلم اعرفي ان الناس المحيطين فيه مش وجه ثقه وحفظ للامانه والتكتم في نقل الخبر... هو ربحان لانه نقل الخبر من وجهة نظري عشان يعرف مع من يتكلم ومع من ما يتكلم ودرس للمستقبل في التحدث مع الشخص الكفؤ والثقه اما الكلام لمجرد الكلام وبدون فايده او طلب معرفه فهو محض هبل شديد