بخصوص البلاط الشعبي [الأرشيف] - منتديات شبكة الأسهم القطرية

مشاهدة النسخة كاملة : بخصوص البلاط الشعبي

التاجرالصغير

01-05-2018, 08:00 AM

السلام عليكم ..
وين اقدر احصل البلاط الشعبي اللي يركبونه داخل البيوت؟ وكم سعر المتر ؟

جزاكم الله خير

الســـهم

02-05-2018, 09:15 AM

السلام عليكم ورحمة الله وبركاته ..

أفضل بلاط شعبي تشتريه من مصنع سمسمة فالصناعية، اعتقد سعره للمتر المربع يبتدي من 19 ريال ..

تقدر تطلع رقمهم من (180) ..

ولد المنصور

06-05-2018, 08:22 PM

او بيت الاحسا ء طريق سلوى عقب بترول عزيز ..

التاجرالصغير

13-05-2018, 08:47 AM

مشكورين ..الله يعطيكم العافية

معماري قطري

13-05-2018, 11:18 AM

إذا بتركب سجاد سو خرسانة ناعمة أفضل لك وأرخص بشوي

التاجرالصغير

14-05-2018, 08:02 AM

إذا بتركب سجاد سو خرسانة ناعمة أفضل لك وأرخص بشوي

كيف يعني ؟ يا ريت تفيدنا اكثر يا خوي معماري .. خصوصا اني بركب باركيه في الغرف

khalid-63

14-05-2018, 10:43 AM

كيف يعني ؟ يا ريت تفيدنا اكثر يا خوي معماري .. خصوصا اني بركب باركيه في الغرف

اخوي اذا بتركب باركيه الأفضل انك تسأل راعي محل الباركيه هو يفيدك بالافضل ... والله يوفقك ومنزل مبارك ان شاء الله

معماري قطري

14-05-2018, 04:30 PM

كيف يعني ؟ يا ريت تفيدنا اكثر يا خوي معماري .. خصوصا اني بركب باركيه في الغرف

الخرسانة الناعمة تجي رمل مع كمية اسمنت قليلة بدون كنكري وتقدر تقويها بخلطة فايبر أو مواد مقوية سائلة عن التشقق .. وغالبية الردي مكس عندهم مواصفاتها ومواصفات اللايت ويت سكريد أو الصبية خفيفة الوزن

هذي الله يسلمك تجي مايعة وبروحها تستوي مستقيمة كسطح الماء بسبب كثرة المياه فيها .. انا سويتها عندي في البيت داخله لكل الأرضيات فوق الخرسانة الانشائية وبعد التمديدات كبديل عن الرمل اللي يعتبر مخبأ للنمل وتنتشر فيه المياه في حال التسرب .. بعد ما تجف تستوي سطح أملس ناعم في يدك تخشنها شوي حتى تمسك المونة لو بتستخدم مونة تحتاج تخشين أو تخليها ناعمة لو بتستخدم غراء قوي يلصق على أي سطح

ورخيصة عن الخرسانة العادية ولا تستخدم حديد لها لترابطها بالفيبر حتى اني سويتها للحوش تحت البلاط وللحين حول 12 سنة بلا مشاكل ولا هبوطات

شوف موضوع العقود فيه اسم المادة اعتقد فيبروس ورقم معين .. تقريباً في أول ورقة حساب كميات وشارحها في الموضوع .. وفيه مواد كثيرة طلعت والردي مكس عندهم كل الخلطات والمهم تشوف شركة زينة مثل قطر ردي مكس أو ما يعادلها ولا تحتاج لتبليط لو بتحط باركيه أو سجاد .. التبليط اذا تبغيه مكشوف غير وأي نوعية من التبليط

للحوش لو تبي تشطبه بصبغ ايبوكسي بيطلع زين ويمكن قريب من البلاط في السعر

معماري قطري

14-05-2018, 04:37 PM

اخوي اذا بتركب باركيه الأفضل انك تسأل راعي محل الباركيه هو يفيدك بالافضل ... والله يوفقك ومنزل مبارك ان شاء الله

محل الباركيه بينصحك نصيحة بائع يبغي سطح مستقيم يركب عليه .. البلاط عمره ما يكون مستقيم وعمره ما يكون ثابت لازم بتحصل بلاطة متخلخلة حتى بعد ما تركب الباركيه بتحس بها وقت الدوس لبعض نوعيات الباركيه الرقيقة

اللي بيركب على بلاط انصحه يشوف البلاط بلاطة بلاطة ويتأكد إن ما فيه وحدة متخلخلة ( ترقل مثل ما نقول بالعامي ) ولو حصل يعالجها أما بعمل فتحات بالدريل في الأطراف وصب مونة سائلة قوية تسد الفراغات أو بازالتها لو بسهولة تنزال واعادة تركيبها بمونة جديدة وقوية

معماري قطري

14-05-2018, 04:44 PM

أتذكر سالفة حصلت لقريب لي دعاني لمعاينة تركيب البلاط والمبلط كان عربي ما اذكر سوري أو مصري .. أول ملاحظاتي إن التبليط كان مقوس واضح .. يعني الوسط مرتفع والأطراف نازلة .. يوم سئلته لماذا يا هذا قال ما يضر ولا بيبين لأنه بيركب باركيه .. تخيلوا التقوس مع الباركيه شلون بيكون وضعه ومهما يكون خفيف يكون مزعج .. ال 0 slope area شيء صعب عند غالبية المبلطين ولين طلبت منهم سلوب معين للحمام أو المطبخ ما عرفوا يسوونه

فوق هذا بعض البلاطات من الدوس تبين متخلخلة وقلت له في وجه المبلط التبليط مب حل والتركيب غلط والمبلط يبرر وشكل رفيجي مقتنع بكلام المبلط والله يعينه .. بعدها بفترة من السكن شفته يسب ويلعن في هؤلاء المبلطين والسبب اضطر يزيل مناطق كاملة بسبب الهبوط والانتفاخ ومشاكل التبليط المعروفة

معماري قطري

14-05-2018, 04:46 PM

ببساطة لا تحتاجون جهاز ليزر يدقق استواء الأرضية ولا شركة مساحة تيلة صغيرة حطوها وشوفوا شلون تتحرك جهة السلوب

التاجرالصغير

15-05-2018, 08:28 AM

بيض الله وجيهكم جميع ..

mr. abdulla

03-08-2018, 10:49 AM

معماري قطري

03-08-2018, 01:19 PM

السلام عليكم ... حاب أبدل بلاط الحوش .. تعبت من الموجود كله يتكسر و يرقل.. شفت نوع شبيه من الشعبي صناعة عمانية و إيرانية .. حجم 40x40 و في منه 30x30 .. السماكة من 1.8 و في منه بسماكة 3.0 انش.. موجود في أنصار سيتي و بيت الحجاز على طريق سلوى ..

تنصحوني اركبة للحوش ؟ و اذا بركبة اَي حجم و سماكة افضل .. و بعدين التركيب يكون على ارضية ترابية او إسمنتية ؟ شاكر لكم

عليكم السلام ورحمة الله وبركاته

أكيد قصدك السمك 3 سم .. كله مناسب اللي يعجبك شكله ركبه وبالنسبة لي أي بلاط منتج من بلاد فيها مواد خام نظيفة زين .. يلاط قطر فاشل للغاية وكله يستخدمون بودرة وبقايا هدم يخلطون الخشب والحجر الجيري في الكسارة ويسوون منه بلاط لا حسيب ولا رقيب .. نصحت ولد عمي بالضبط العام أو أول العام كان بيركب لليوان المجلس وركب بعد كم يوم مبقع وغير عن العتبات والدرج عريض حول 30 متر تكسرت غالبيتها والسبب سمكها ضعيف ومقواة بحديد مصدي وزيادة عن تشرب البلاط بسرعة بالماء يزيد الصدأ ويزيد التكسر

وهذي صورة لجزء من الدرج

https://i.imgur.com/D8kr8DT.jpg

التركيب خله على خرسانة بسمك 10 سم أو 15 سم .. لو 10 لازم تسوي فواصل كل 10 متر للتمدد ولو 15 كل 15 متر .. لو البعد عندك 12 متر في طول 20 متر مثلاً .. تسوي الصبية 12 سم وتخلي الفواصل في الأطراف وتقسم ال 20 متر من النص بفاصل تمدد وسطي وركب البلاط بمونة جيدة مثل الأمريكية تنباع بعبوات 5 كيلو اعتقد

ولو تفضل تسويها بدون حديد أحسن لك بس اطلبها مقواة بالفايبر من قطر ردي مكس تحتاج أرضية مدكوكة وابعد عن البودرة وفوقها نايلون سميك ولازم تعمل حساب السلوب نص الى 1% يمشي

لا تنسى تركب نعلات متناسبة على الحوائط عن الرطوبة لتخرب الصبغ عندك وتركيب النعلات لازم يكون زين ولو حطيت خط سيليكون أسفل النعلة في زاوية التقائها مع الأرضية بتضمن عدم دخول الرطوبة للجدران

النعلات لو حاب شكل غير ما تكلفك وايد تقدر تسويها قرانيت لو حبيت وتقدر تركبها قطع كاملة مثل 30 في 60 بتكون شوي مرتفعة بتطلع أحلى

mr. abdulla

04-08-2018, 12:23 AM

عليكم السلام ورحمة الله وبركاته

أكيد قصدك السمك 3 سم .. كله مناسب اللي يعجبك شكله ركبه وبالنسبة لي أي بلاط منتج من بلاد فيها مواد خام نظيفة زين .. يلاط قطر فاشل للغاية وكله يستخدمون بودرة وبقايا هدم يخلطون الخشب والحجر الجيري في الكسارة ويسوون منه بلاط لا حسيب ولا رقيب .. نصحت ولد عمي بالضبط العام أو أول العام كان بيركب لليوان المجلس وركب بعد كم يوم مبقع وغير عن العتبات والدرج عريض حول 30 متر تكسرت غالبيتها والسبب سمكها ضعيف ومقواة بحديد مصدي وزيادة عن تشرب البلاط بسرعة بالماء يزيد الصدأ ويزيد التكسر

وهذي صورة لجزء من الدرج

https://i.imgur.com/D8kr8DT.jpg

التركيب خله على خرسانة بسمك 10 سم أو 15 سم .. لو 10 لازم تسوي فواصل كل 10 متر للتمدد ولو 15 كل 15 متر .. لو البعد عندك 12 متر في طول 20 متر مثلاً .. تسوي الصبية 12 سم وتخلي الفواصل في الأطراف وتقسم ال 20 متر من النص بفاصل تمدد وسطي وركب البلاط بمونة جيدة مثل الأمريكية تنباع بعبوات 5 كيلو اعتقد

ولو تفضل تسويها بدون حديد أحسن لك بس اطلبها مقواة بالفايبر من قطر ردي مكس تحتاج أرضية مدكوكة وابعد عن البودرة وفوقها نايلون سميك ولازم تعمل حساب السلوب نص الى 1% يمشي

لا تنسى تركب نعلات متناسبة على الحوائط عن الرطوبة لتخرب الصبغ عندك وتركيب النعلات لازم يكون زين ولو حطيت خط سيليكون أسفل النعلة في زاوية التقائها مع الأرضية بتضمن عدم دخول الرطوبة للجدران

النعلات لو حاب شكل غير ما تكلفك وايد تقدر تسويها قرانيت لو حبيت وتقدر تركبها قطع كاملة مثل 30 في 60 بتكون شوي مرتفعة بتطلع أحلى

احسنت اخوي معماري... الصراحة انت منقذ ... ما قصرت و جزاك الله الف خير

معماري قطري

04-08-2018, 10:40 AM

احسنت اخوي معماري... الصراحة انت منقذ ... ما قصرت و جزاك الله الف خير

الله يجزيك بمثله ويحسن اليك

انتبه للغش والدجل من العمال وبعض المقاولين الرخاص .. لو تحصل القطع البلاستيكية اللي توازن البلاط هذي بتفيدك وايد للداخل أو للخارج شوف لها مقاطع فيديو كثيرة حطيت في يوتيوبيات البناء

$الملياردير$

02-10-2018, 07:28 PM

عليكم السلام ورحمة الله وبركاته

أكيد قصدك السمك 3 سم .. كله مناسب اللي يعجبك شكله ركبه وبالنسبة لي أي بلاط منتج من بلاد فيها مواد خام نظيفة زين .. يلاط قطر فاشل للغاية وكله يستخدمون بودرة وبقايا هدم يخلطون الخشب والحجر الجيري في الكسارة ويسوون منه بلاط لا حسيب ولا رقيب .. نصحت ولد عمي بالضبط العام أو أول العام كان بيركب لليوان المجلس وركب بعد كم يوم مبقع وغير عن العتبات والدرج عريض حول 30 متر تكسرت غالبيتها والسبب سمكها ضعيف ومقواة بحديد مصدي وزيادة عن تشرب البلاط بسرعة بالماء يزيد الصدأ ويزيد التكسر

وهذي صورة لجزء من الدرج

https://i.imgur.com/D8kr8DT.jpg

التركيب خله على خرسانة بسمك 10 سم أو 15 سم .. لو 10 لازم تسوي فواصل كل 10 متر للتمدد ولو 15 كل 15 متر .. لو البعد عندك 12 متر في طول 20 متر مثلاً .. تسوي الصبية 12 سم وتخلي الفواصل في الأطراف وتقسم ال 20 متر من النص بفاصل تمدد وسطي وركب البلاط بمونة جيدة مثل الأمريكية تنباع بعبوات 5 كيلو اعتقد

ولو تفضل تسويها بدون حديد أحسن لك بس اطلبها مقواة بالفايبر من قطر ردي مكس تحتاج أرضية مدكوكة وابعد عن البودرة وفوقها نايلون سميك ولازم تعمل حساب السلوب نص الى 1% يمشي

لا تنسى تركب نعلات متناسبة على الحوائط عن الرطوبة لتخرب الصبغ عندك وتركيب النعلات لازم يكون زين ولو حطيت خط سيليكون أسفل النعلة في زاوية التقائها مع الأرضية بتضمن عدم دخول الرطوبة للجدران

النعلات لو حاب شكل غير ما تكلفك وايد تقدر تسويها قرانيت لو حبيت وتقدر تركبها قطع كاملة مثل 30 في 60 بتكون شوي مرتفعة بتطلع أحلى

هلا الله يمسيك بالخير بوعبدالله اخبارك عساك بخير ...والله كلامك كله عين العقل وصحيح للأسف حتى الان المنتج القطري من ناحية بلاط الحوش غير جيد مخلوط بشوائب ... الواحد تلوع جبده وهو يشوف ويدور العينات تتفتفت خاصة الجزء السفلي ... ما ابي اذكر اسماء مصانع بس الين الحين ما لقيت شئ كفو للأسف قبل الحصار أغلبنا معتمدين على بلاط الحوش الإماراتي والسعودي ... الحين البديل غالي إسباني 60/60 يتراوح في حدود 130 للمتر أو تركي نفس المقاس 100 للمتر أو هندي 85 المتر ... طبعا أتكلم بسمك 2 سم أما مصانع الدوحة مقاس واحد 40/40 والكواليتي أي كلام ... أما الطبعة في حدود 120 للمتر ...عطيتك تحديث للمعلومات والأسعار هههههه... دمت بود

معماري قطري

03-10-2018, 07:36 AM

هلا الله يمسيك بالخير بوعبدالله اخبارك عساك بخير ...والله كلامك كله عين العقل وصحيح للأسف حتى الان المنتج القطري من ناحية بلاط الحوش غير جيد مخلوط بشوائب ... الواحد تلوع جبده وهو يشوف ويدور العينات تتفتفت خاصة الجزء السفلي ... ما ابي اذكر اسماء مصانع بس الين الحين ما لقيت شئ كفو للأسف قبل الحصار أغلبنا معتمدين على بلاط الحوش الإماراتي والسعودي ... الحين البديل غالي إسباني 60/60 يتراوح في حدود 130 للمتر أو تركي نفس المقاس 100 للمتر أو هندي 85 المتر ... طبعا أتكلم بسمك 2 سم أما مصانع الدوحة مقاس واحد 40/40 والكواليتي أي كلام ... أما الطبعة في حدود 120 للمتر ...عطيتك تحديث للمعلومات والأسعار هههههه... دمت بود

صباح الأنوار اخوي الملياردير واخواني القراء

غالي ومب جودة مشكلة .. ليش ما فكرت في الخرسانة الملونة اللي صبغتها تجي مع الخلطة .. نفس مواد الانترلوك بس تجي مع الردي مكس .. كلم قطر ردي مكس اتوقع عندهم .. ومؤكد عندهم خلطة الفيبر .. لو بتسوي خرسانة بدون لون بخلطة الفيبر تمشي بعد ولا تحتاج حديد .. صحيح بتعلم عليها التواير ممكن بس بيوت أمريكا غالبيتها يستخدمونها بدون لون وكذلك أرصفة المدن الحكومية

معماري قطري

03-10-2018, 07:38 AM

شفت بيت مركب كسر رخام وقطع مب متساوية .. ناتج فائض شغل رخام ومركبة بروبة بيضاء وطالع وايد حلو .. بس مؤكد تحته خرسانة

معماري قطري

03-10-2018, 07:44 AM

تقدر كذلك تشتري المواد الأساسية كسر قابرو الصغيرة ورمل مغسول واسمنت مقاوم للأملاح وصبغة رمادية أفضل صبغة الانترلوك وتجيب عمال وخلاط .. كذلك تشتري خلطة الفيبر أو خيوط فيبر وتخلط في الموقع وتصب .. سو شبكة للأرضية بمقاس 10 في 10 كل عشر أمتار سو فاصل تمدد وتحتاج بحدود 10 سم سمك للصبية .. فيه اعتقد لون قريب للأسود ولون عنابي أو أحمر قاتم واللون البرتقالي لون الانترلوك

بس لو اعتمدت خلطة معينة واصل بنفس المقادير حتى يكون عندك تجانس