ولدي فائق الذكاء وسابق اقرانه بمراحل [الأرشيف]

مشاهدة النسخة كاملة : ولدي فائق الذكاء وسابق اقرانه بمراحل

حمد 2002

01-05-2018, 11:33 AM

ولد العرب

01-05-2018, 12:00 PM

راجي الْعفو

01-05-2018, 12:31 PM

وَعَلَيْكُم السّلام وَرَحْمَة اللهِ وَبَرَكَاتُه

سوه مشروع عالم شرعي

لانه محد يقدر ع هالمرتبة الا أندر النوادر في العالم كله

العالم الشرعي اعلى مرتبة يحصلها الانسان في هالكون

بوخميس

01-05-2018, 01:26 PM

السلام عليكم ورحمه الله وبركاته

ولدي عمره سنه ونص تقريبا وفائق اقرانه بمراحل من ناحيه الذكاء ماشاء الله ماشاء الله . فما هي الامور التي ممكن اسويها له لكي يستمر عل هذا الخط ويتطور اكثر واكثر ؟!

حطيت هالموضوع بالحوار للفايده العامه .

تحياتي

ما قلت لنا شلون حكمت عليه انه سابق أقرانه

مثلاً هل استهلاكه للحفاظات أقل؟

هل يخلص المرضاعة بسرعة أكبر؟

هل يقول (بابا) بالعربي والانجليزي والاوردو؟

راجي الْعفو

01-05-2018, 01:56 PM

ما قلت لنا شلون حكمت عليه انه سابق أقرانه

مثلاً هل استهلاكه للحفاظات أقل؟

هل يخلص المرضاعة بسرعة أكبر؟

هل يقول (بابا) بالعربي والانجليزي والاوردو؟

خبرك عتيج

يقدر يتحكم في جوالين (سامسونغ و ايفون) بوقت واحد

هيباتيا

01-05-2018, 02:57 PM

خلوه يتعلم أشياء تنمي ذكائه مثل اللغات لأن تعلم اللغات يفيد في تنمية الادراك واذا في مؤسسات او برامج لهالشي دخلوه اياها عشان تنمون ذكائه

في واحد اسمه( لازلو بولغار) ألف كتاب اسمه(Bring up genius) يتكلم عن تربية العباقرة وان العبقرية ممكن تيي بالتربية ومب شرط بالوراثة وطبق على عياله الطريقة وصارو عباقرة ومن بينهم جوديت بولغار الي مستوى ذكائها 170 يعني مب بس عبقرية الا عبقرية بدرجة عالية وهي من اقوى لاعبين الشطرنج وبعمر 11 سنة بس منحوها لقب استاذ دولي في الشطرنج (خلكم من ان الشطرنج يمكن تعتبرونه ماله فايدة المهم انها طلعت عبقرية ومستوى ذكائها 170)

اتوقع اذا قريت كتابه بيفيد ولدك سواء كان ولدك ذكي او عادي لأنه كان يبي يثبت ان العبقرية تيي بالتربية وعياله طلعوا عباقرة

ممكن تقول لنا شلون عرفت انه ذكي؟هل تصرفاته تدل على هالشي؟

aloosh

01-05-2018, 04:03 PM

الله يخليه لك
بس اكتب شي يستحق النقاش تقول عمره سنه ونص يعني توه ما قال باب او ماما
شلون حكمت عليه ذكي هعملت له اختبار ذكاء مثلا او ايش اللي خلاك تقول انه ذكي ايش الشي اللي ابدع فيه بو سنه ونص

naklan

01-05-2018, 04:35 PM

ولدك فائق الذكاء وسابق اقرانه بمراحل وانت
ذكي وسابق الأعضاء بمراحل بعد وانا اشوف
انك تزوجه علشان يعقل ههههههههه

يا مشرفين ارحمونا وسفروه سيبيريا
يتبرد كم يوم

جبر ال جبر

01-05-2018, 07:45 PM

من اي ناحيه سابق اقرانه عطنا امثله وعمره فقط سنه ونص! وايش المعايير والاسس الي اعتمدتها عشان تحكم على طفلك بانه سبق اقرانه ،،

Flowers

01-05-2018, 08:37 PM

السلام عليكم ورحمه الله وبركاته

ولدي عمره سنه ونص تقريبا وفائق اقرانه بمراحل من ناحيه الذكاء ماشاء الله ماشاء الله . فما هي الامور التي ممكن اسويها له لكي يستمر عل هذا الخط ويتطور اكثر واكثر ؟!

حطيت هالموضوع بالحوار للفايده العامه .

تحياتي

ماشاءالله العين حق اقرى على ولدك ياحمد لانك اول واحد بتحسده.
اشلون لاحظت انه ذكي؟ طفل بوسنه ونص شنو عنده مميزات؟! هل حافظ القران؟ هل حافظ جدول الضرب مثلا؟ هل يعرف يتكلم اصلا؟؟

حمــد

01-05-2018, 08:56 PM

دامه ما شاء الله فائق اقرانه بمراحل سنه ونص
خله يكمل نص دينه وزوجه .. توكل على الله

ameeer3

01-05-2018, 09:31 PM

طرشه القطب الشمالي خله يجيب انجاز لقطر عبر صعوده الجبل ‏...

اهم شي الانجاز ‏‏<‏‏<‏‏<‏

Charisma

01-05-2018, 10:26 PM

الله يبلغك فيه ماتتمنى ..

مواقف النجادة

02-05-2018, 08:04 AM

الله يحفظه و يبلغك فيه
جيب له محفظ قران يحفظه جزء عم كبداية .. تحصل ارقامهم في الوسيط
دخله حضانة جيدة اذا ظروفك المادية تسمح

بومحمد المطاوعه

02-05-2018, 08:18 AM

ماقول غير

ماشاءالله تبارك الرحمن
الله يحفظه لك ويصير احسن منك ان شاءالله :ok:

مختلف جداََ

02-05-2018, 09:12 AM

الله يحفظه

حمد 2002

02-05-2018, 09:37 AM

عطه كروزر وطير

شكرا لك .

حمد 2002

02-05-2018, 09:38 AM

وَعَلَيْكُم السّلام وَرَحْمَة اللهِ وَبَرَكَاتُه

سوه مشروع عالم شرعي

لانه محد يقدر ع هالمرتبة الا أندر النوادر في العالم كله

العالم الشرعي اعلى مرتبة يحصلها الانسان في هالكون

صادق يالطيب ..

شكرا لك ..

يمامـة

02-05-2018, 11:29 AM

حسب خبرتي المتواضعة جدا جدا جدا في التربية

اشوف ان العلم بالتعلم و الفقه بالتفقه.

ما اعترف بشي اسمه و لدي هذا ذكي و ولدي ذاك اقل ذكاء.
اللي اعترف فيه ان الوالدين مسؤولين على تطوير عيالهم .. على كثر ما اهتم في ولدي راح اجني النتايج.
كلامي هذا اردده لكل ام تحب تسمع رايي.. أقول لها لا تعترفين بشي اسمه للطفل قدرات للاستيعاب
ابتدي معاه بالتدرج من صغره و ارفعي المستوى مع اول بادرة لاتقانه المهارة السابقة..
و مب غلط كلش تدمجين مهارتين مع بعض على شرط تكررينها معاه كل يوم..
قد يختلفون معاي ناس وااايد و قد يكون كلامي مخالف لدراسات و حقائق مثبتة عند المختصين..

الا انني لي حقيقتي التي اؤمن فيها ..

لذلك ما في شي اسمه و لدي سابق عصره و ذكي من نفسه..
و مثل هالاقوال ما هي الا " افيشات " لجذب الانظار و الحصول على الاعجاب ..

فالطفل يا أستاذ حمد ما بيتعلم النطق لو ما كان عايش بين ناس يتكلمون ..
ما بيتعلم الكتابة لو ما علمته الكتابة .. ما بيتعلم الحساب لو ما علمته الأرقام و طريقة العد
و ما بيحفظ القرآن لو ما حفظته او شغلت له القرآن و تركته..

الطفل ممكن ينادي الام بابا و الاب ماما لو انت تعمدت اتعلمه هالشي.. فالطفل الخارق ما بيعرف ان ماما هي ماما الا لانك انت اللي تنادي ماما ب ماما و لا بيعرف انك بابا الا لان ماما تناديك بابا و انت تقول له تعال عند بابا..

فعلشان اتطور من قدرات ولدك اللي انت تشوفها عالية .. شوف وين دورك و دور امه في اللي هو فيه..
فولدك في هالعمر محتاج تتطور قدراته .. تحفظه ايات و سور قصيرة من القرآن..
تاخذ له كتب تعلمه الحروف بلغتين .. و كتب يربط ما بين اعداد الاشياء و رقمها... تشاركه العاب تطور مهارات تفكيره..
تلعب معاه العاب تقوي ذاكرته.. ترسم معاه.. تشاركه لعب المعجون.. تلعب معاه لعبة التركيب.. تاخذ له الحيوانات و تشاركه لعبة المزرعة.. و تصدر له اصوات كل نوع من الحيوانات .. تعلمه يرسم الاشكال( تخصص له لوحة مع أقلام بايلوت) و ترسمون معاه
الدائرة و المربع و المستطيل النجمة و القمر و الشمس..
تستغل وجوده معاك في السيارة انه تنبهه لالوان اشارات المرور الحمرة و الخضرة و الصفرة.. تسئله عن الألوان السيارات
اللي حولك اذا توقفت سيارتك لأي سبب..
تعلمه حروف اساميكم الاولى.. عقب تعلمه شكل اسمه و اسمك و اسم بلاده و شكل اسم الله و اسم محمد ( صلى الله عليه وسلم).
تعلمه المضادات.. كبير و صغير.. فوق تحت .. ولد بنت.. نهار و ليل.. تستغل اليوتيوب في تطوير مهارته اللغوية خاصة
ان الطفل يكون في هالمرحلة " ببغاء" يردد كل ما يسمع..
فإذا ولدك وهو في هالعمر عرف كل هالامور بتثبت انك خليته سابق عمره.. اما غير جذيه راجع نفسك
ولا تخلي الولد طاقة مهدرة ما تستغلها في تطويره..

حبر وقرطاس

07-05-2018, 06:40 AM

تو الناس على الذكاء والتميز عن الاقران خل يكمل ثلاث سنوات وبتعرف .
وللعلم الاطفال يكتسبون الذكاء جينيا من الامهات
وليس الاباء ..هارد لك حمد

بن مسلم

07-05-2018, 06:49 AM

خله يحتك مع نصور المعجزه علشان يقارب الي الكمال

Abdulraman

07-05-2018, 09:32 AM

ماشاءالله الله يحفظه
طرشه القمر

حمد 2002

07-05-2018, 09:52 AM

استفدت من بعض الردود وضحكت عل بعضها..
شكرا للجميع .

يرجا اغلاق الموضوع..

يمامـة

07-05-2018, 11:38 AM

تو الناس على الذكاء والتميز عن الاقران خل يكمل ثلاث سنوات وبتعرف .
وللعلم الاطفال يكتسبون الذكاء جينيا من الامهات
وليس الاباء ..هارد لك حمد

بوك.. تونا نعرف ان اكتساب جينات الذكاء من الامهات!!

Ahmedalhussi

08-05-2018, 06:36 AM

الافضل يحفظ القران و يتعلم القراءة واللغة العربية ثم بعد ان يجيد العربية يبدا فى تعلم اللغات

ورد الدوحه

08-05-2018, 12:31 PM

ردودكم ضحكتني وخصوصا بوخميس ماله حل هههههههههههه

انا أشوف انه تو الناس على الذكاء وهو سنة ونص

انا مثلك كنت أقول اعيالي وايد شطار واذكياء ومستغربه مابي اقول حق الناس عن درجاتهم
وبس اوصلوا الصف الرابع وبين المستوى الحقيقي :thumbdown::thumbdown:

الحمدلله على كل حال :)

aloosh

09-05-2018, 10:35 AM

وحيد-الشوق

09-05-2018, 09:29 PM

ما قلت لنا شلون حكمت عليه انه سابق أقرانه

مثلاً هل استهلاكه للحفاظات أقل؟

هل يخلص المرضاعة بسرعة أكبر؟

هل يقول (بابا) بالعربي والانجليزي والاوردو؟

ههههههههههه مالك حل يابوخميس

النهار

10-05-2018, 01:33 AM

ابي اعلق مهب لاقي تعليق مناسب ياناس مخي توقف مهب قادر يفكر
crazycrazycrazycrazycrazy

ولد العرب

10-05-2018, 07:41 AM

ابي اعلق مهب لاقي تعليق مناسب ياناس مخي توقف مهب قادر يفكر
crazycrazycrazycrazycrazy

هههههههههههههههههههههه تقولي يالنهار هههههههه

قاعد يطالب الادراه باغلاق المووووضوع هههههههههههههههههه
يانه تسحب على وجهه هههههههههههههه

ولد العرب

10-05-2018, 07:42 AM

استفدت من بعض الردود وضحكت عل بعضها..
شكرا للجميع .

يرجا اغلاق الموضوع..

:taunt::taunt:

Dana’1

10-05-2018, 04:47 PM

الله يبغلكم بره وصلاحه يا رب
أحباب الله جميلين وأذكياء
للأطفال عموما و هو ما أجمع عليه أكثر المختصين بهالمجال ابعاد الالكترونيات عن الاطفال لانها تأثر على خلايا المخ والأعصاب
مثل تي في وايباد وايفون إلخ
وبعمر معين ممكن تستخدم بأوقات محدده جدا حسب كل عمر

وبالتوفيق

بوخالد911

11-05-2018, 01:49 AM

ضيعت وقتي مع موضوعك.

ارتقِ بفكرك قليلاً.

عيسى111

11-05-2018, 08:09 AM

https://www.youtube.com/watch?v=dv-TBU23U40

معماري قطري

11-05-2018, 03:20 PM

إذكر الله يا حمد والله يحفظ ولدك ويكون مثل ما تتمنى

لا تنسى العين حق

نفسي عزيزه

11-05-2018, 07:07 PM

:looking:

دايموند

12-05-2018, 10:18 PM

حطمتوه ههههههههههه